最可惜它在肺炎的高峰期暫停營業，否則拿着一杯Iced Tea 也是一種末世趣味。

Victorian Rose Tea Room 之前在網上有很多廣告，在網上也有很多有關服務水準和投訴的討論。未去之前已經知道，應該不會是和傳統酒店相同水準的服務。但無可否認地，Victorian Rose Tea Room的環境的確比一般的餐廳英國化，對於有期望和想像空間的人，的確會是一個避世之選。

沒有什麼高高的期望，只是想找個少人的地方坐一下，反而造就了一次比想像中好的體驗。

Victorian Rose Tea Room地點屬於偏遠位置。不是位於尖沙咀的正中心，反而會比較接近佐敦一帶。

Victorian Rose Tea Room之前已經有很多有關下午茶的分享，今次就為大家嘗試一下他的午餐。可能大家都不知道，原來有提供午餐！

如果以名氣、歷史等等作為測量準則，這個Victorian Rose Tea Room絕對不是什麼首選。甚至頭三甲也可能不是。

作為一間餐廳，最重要的就是食物的水準。如果環境良好但食物質素差，基本上都是不用再回頭的。

但是Victorian Rose Tea Room卻有某種誠意，食物的質素其實是相當良好，以這個價錢來講簡直是超值。一大驚喜！

而且裝飾的設計風格，的確就是大家會喜歡的維多利亞英國風。在這種環境之下，進食也比較愉快。

之前有些網友說Victorian Rose Tea Room但係有某種皇室style，老實講是得啖笑。皇室絕對不是這個樣子！

不過，對於有英式裝修沉溺症的人，這個絕對是一個相當值得留戀、渡過一個小時光的地方。

餐廳有個露台小小的位置，可以戶外用餐，一般香港人可能未必太喜歡戶外的位置。但是如果你想真正感受陽光、微風，在一個天氣不太熱的日子，預訂戶外的位置，有可能是一個小小的生活樂趣。

順帶一提，就是服務與投訴。之前在網上有很多評論有關服務投訴的意見，但過去的時候，服務是相當良好。基本上經理很有禮貌，上餐速度也合理，是愉快的經驗。

當然，Victorian Rose Tea Room不會是一個半島酒店、或者淺水灣酒店。但這也不要緊，不一定要淺水灣酒店、半島，才會有淡淡的幸福感。

人生中最美的光景，就是在不完美甚至悲傷混亂環境中，盡量抓緊那一點點的幸福、華貴的光景。

人就是要看陽光那一面進發。感受它、享受它。

無人會知道究竟世界會最終怎樣發展，但根本管不了那麼多。即使世界正在崩壞，有些生活上的少少甜頭、少少品味、少少美和藝術，也是要堅持的。

在全世界正在攬炒、每天都是壞新聞的日子，一個人走去飲杯冰茶，其實，都是某種另類小確幸。

高顔值靚女同帥哥，最怕年紀大咗，新陳代謝慢咗會癡肥同老化，被迫降呢加入平庸低質一族！唔知大家有冇留意，日本同埋韓國嘅美人同帥哥，即使年紀大咗，仍然keep得相當好？今日就同大家講解介紹一下，日本同韓國頂尖瘦身美人最愛嘅「桑葉茶」、「蜂皇漿」嘅神奇功效。蜂皇漿功效咁神奇，一包都只係幾百蚊。桑葉茶仲平，只係幾十蚊！但就可以媲美萬元抗老化產品效果！仲有排毒、減肥效果！

大家仲要留意，所有Facebook留言人士可以免費抽奬，抽「抗老桑葉茶」同「韓國蝸牛面膜」！記住like同comment個post !👍🏻😘

（本文係自費評價，並沒有收到任何的贊助或使用）

 

（日本超人氣美魔女，有不老仙妻之名嘅「水谷雅子」，已經47歲！47！佢激發我追尋日韓美魔不老飲食習慣嘅興趣！）

其實，現代生活好容易會令人病！其中一個重要致病因素，就係飲食唔夠健康，同休息唔夠。香港人一般食得唔足夠有營養嘅食物，而垃圾食物，就食太多。

直接啲講，其實佢係食死自己 ！

可能，你都會同好多新一輩嘅人都覺得，自己唔會好似上一代人咁老土！

但係其實，喺唔愛惜身體方面，原來我哋同佢哋，大家實在不遑多讓！

「吓！點解？我明明冇咁差㗎喎！點解都話我唔愛惜身體？」可能你會好大反應。

咁樣，你有冇食曲奇餅？

有冇飲珍珠奶茶？

有冇食台式餐廳超勁爆味精牛肉麵、鹽酥雞？

有冇一邊煲劇膜拜Oppa一邊食韓國零食？

有冇Starbucks、Pacific Coffee一推出買一送一優惠，你就第一時間當水飲？

有冇一星期叫外賣超過一次？

有冇一見到同事萬歲下午茶，你就姣婆守唔到寡咁比自己藉口「歡送」、「teamwork」大飲大食？

有冇飲疑似「健康」、「低糖」嘅無糖汽水？

有冇一見到中環酒店靚靚下午茶tea set就雙眼發光？

一日三餐裏面，你自己整左幾多餐，又有幾多餐出街食？

有冇食高級日式法式蛋糕店嘅西餅？

有冇收工嘅時候順便買魚蛋、燒賣、煎釀三寶？

有冇八點幾先開始食飯？

有冇食消夜？

有冇試過喺networking events大吃大喝？

現代香港人實在太多飲食陷阱！快餐劣食成行成市，癡肥心臟病密密送，大量進食碳水化合物，珍珠奶茶當水飲，經常參加甜品自助餐，又經常光顧高熱量低營養餐廳為主打嘅food app，又或者將三餐完全outsource俾IG廣告經常見到嘅所謂低卡食物外送服務「營養飲食專門店」。

又或者，無故節食亂絕食，對於營養知識只係參考八婆forum一知半解網上資訊……

你可能都試過嘗試改變飲食，參加唔同類型嘅diet，south beach diet，Paleo diet，low carb diet，detox減肥乜乜乜！但係都冇用！

減唔到肥，仲搞到面黃、便秘、月經亂晒、半條人命？點解？

好似網上潮語話，人類總是犯上同一錯誤！

因為短暫性、暫時性嘅diet係絕對唔會有用，一定要改變生活習慣，養成「容易瘦」體質得好先至對你有長期的幫助！

「桑葉茶」、「蜂皇漿」嘅神奇功效，在於可以改變你嘅體質，令到你比較容易減肥，亦都比較容易維持年輕外表。

 

（蜂皇漿）

之前我有啲朋友，大家年齡相近，但係佢美容知識貧乏，完全未聽過「桑葉茶」或「蜂皇漿」嘅功效，經常被sales亂咁sell佢參加唔同treatment，花費兩萬幾蚊去做乜乜七七「第N代電波拉皮抗老化」、「神化黑心美白針」之類醫美療程，加上每月用一萬幾千蚊使用「La Mer」同「SK-II金瓶」（即係比普通更貴嗰種），但係做完一大堆treatment同使用無數高級產品之後，都唔見得有乜嘢效果，仍然係一個豬X！之後又見到佢即刻去食酒店下午茶嘅西多士！

我一睇就覺得，唔怪得知你減肥抗老化失敗啦！

咁鐘意西多士，人都西多士化！

當大家盡量keep住20幾歲美容盛世、9 out of 10索爆外表嘅時候，佢已經「身材樣貌大暴走」！

退化成為一個疑似人生失敗組嘅肥C9！據我所知，佢老公近期仲成日好多藉口返大陸添……

要keep住外表抗衰老，係需要高智商、充足知識！

食物選擇得好，抗衰老凍齡效果可以超越萬元產品效果！

桑葉茶、蜂蜜蜂皇漿，功效神級，係不可不食！而其他類型嘅碳水化合物同糖分，就要減少！

醣分，即係碳水化合物，唔可以唔食，但更加唔可以亂咁食。

今日就同大家講下，糖分，同減肥、抗老化、健康、皮膚狀態嘅複雜關係！絕對唔係自己大家諗得咁簡單，去除糖分就可以。

 

（台灣女神張鈞甯亦都有為台灣蜂皇漿產品代言）

用桑葉茶、蜂蜜或蜂皇漿，去代替街上出售的coke zero及台式飲料

「桑葉茶」嘅神奇功效，在於接近零卡路里，但從細胞層面抗老化、抗氧化能力超高。

「桑葉茶」神奇在於，可以減低你身體對於糖分嘅吸收。

你身體嘅細胞，其實唔需要好多糖分。亦都係點解如果要減肥，就一定要減低碳水化合物嘅攝取量。

好多OneCaratBeauty靚仔靚女讀者都知道，免得過都唔好飲咁多汽水！睇得呢個美人限定blog，大部份觀眾同讀者都係樣貌中上嘅「靚靚」同「帥帥」。我都相信大家唔會咁蠢走去日日飲汽水、珍珠奶茶！

如果你依家仍然有偶爾去飲汽水同珍珠奶茶嘅習慣，我要話俾你知，可樂類、珍珠奶茶飲品，會危害你嘅交感神經！而且，含糖飲料裏面經常使用嘅唔係高質素嘅糖，而係低質素「玉米糖漿」high frutose corn syrup。基本上所有加工食物都用呢一種廉價、對身體有害嘅玉米糖漿！

你知唔知道，呢一種糖，絕對唔係普通葡萄糖咁簡單，汽水、台式飲品、便利店飲品、珍珠奶茶呢一種「惡性玉米糖」，係特別需要你嘅「肝臟」去處理，好快，就會變成你身體裏面嘅「內臟脂肪」、「膽固醇」、「大肚腩」！

飲含糖飲料等於快速做大個肚腩！

你知唔知道，你平時進食嘅甜品、含糖飲料，糖分進入你身體之內，就會令到你身體出現胰島素抗性，進入你身體嘅糖分，仲會進入你血管，令到血管受損，令到身體長期出現慢性發炎狀態！

你體內多餘嘅葡萄糖，會同蛋白質結合，使其變形！產生出令人加速老化嘅最終糖化蛋白物AGES！佢會令你老化、影響你皮膚！血管！肌肉！令你嘅皮膚失去彈性，好似失去青春咁樣！而且，呢個只係你見到嘅表面，糖化產物，仲會令你動脈硬化！造成骨質疏鬆與及糖尿病！

專家發現，如果你每日飲一罐汽水、一杯珍珠奶茶（即係含糖飲料超過2份），你患胰腺癌的機會增加90% !

不斷湧入嘅糖份，就會好似糖漿咁樣，包含着你嘅器官，亦都係血管造成損傷，令到你身體產生胰島素嘅beta細胞，收到嚴重傷害。同時，你外表亦加速老化！

而且，專家發現，身體內大量無法吸收嘅糖份，容易造成暗瘡、玫瑰痤瘡等等問題。好多人花費大量金錢，購買唔同高級產品，希望改善暗瘡同玫瑰痤瘡問題，最後發現，原來只要減少碳水化合物，一樣可以媲美幾千蚊名貴抗老化產品嘅美顏年輕效果。

一般高價錢嘅美容產品，就係會幫你逆轉氧化、糖化。但你只要從源頭減廢，第一步開始已經做啱，唔俾佢老化，你就可以得心應手。唔需要再花費幾千蚊、幾萬蚊去買一啲抗老嘅產品。

如果你經常有玫瑰痤瘡、暗瘡、肥胖問題，就一定要注意飲食！一定要絕對減少糖分同碳水化合物。

減少進食糖分之後，你就會發現皮膚會好咗，少咗皺紋，透明感提升，拉提程度亦都比較高，冇咁衰老，亦都唔需要成日做咁多LLT雷射、Omega Light、 紅外線treatment、維他命C抗氧化注入療程，都keep得到。

好多人嘗試減少糖分吸收之後，就發現自己年輕咗，青春咗，體重降低咗。醫學美容同護膚品效果亦都更加犀利同見效。

桑葉茶Mulberry Tea，係一個價錢超平但係超有效嘅減醣抗老化產品，呢一個我哋特別醒俾你地嘅秘密，歐洲貴族家庭醫生為名媛準備嘅抗氧化功效性調理飲品，就係Mulberry Tea桑葉茶！呢一個抗老化秘密，連好多香港專業化妝師朋友、美容師朋友，都未必知道。但係只有少部份有醫生同營養師指導嘅超凍齡名媛先知道！

香港人根本就唔知道桑葉茶嘅功效同埋可貴之處，其實，桑葉中有效物質，已經被外國提煉成為抗癌藥！

「桑葉茶」神奇功效

點解，因為佢有豐富嘅茶多酚，有抗氧化、抗老化、調整血糖、改善血液循環功效！對凍齡美顏有科學證據！如果你想有內臟、血管、面部抗衰老，就要開始飲用！桑葉茶其實好多地方都有得賣，香港國貨公司就有。

桑葉茶人仲可以幫助降低胰島素抗性。如果你想凍齡抗衰老，一定要開始飲用以上產品！

當然，好多人就會知道要減少汽水、甜點、麵包、白飯呢啲嘅。但係其實，大家都要注意，原來，有啲糖，係對身體有益！

原來有啲糖，對身體有益：蜜糖可以殺菌抗衰老！

咁好多人會問，咁我基本上完全唔再食任何糖類食物咪可以？

有一種糖分，可以適當少量使用。呢一樣，就係蜂蜜！

你知唔知道，蜂蜜有強烈嘅殺菌作用，可以幫你修復發炎組織，有通便、抗衰老作用？

將蜂蜜加入水之後，就會產生雙氧，呢樣野，只需要幾分鐘，就可以進入體內血管，產生殺菌消炎作用！每日飲少少，對美顏美肌有好大作用！

除咗飲蜂蜜之外，蜂皇漿亦都對身體同埋抗老化有好大功效。

以前，蜂皇漿真係好貴好貴，只有一啲上流社會嘅真正名媛、大富之家為用作保養身體用途。但近年由於人工繁殖，價錢已經降低。大家一定要把握今年大量生產嘅優勢，提早保養，避免未老先衰。

可能你都聽過其他年紀比較大嘅人講，飲蜂皇漿的功效。咁究竟乜嘢係蜂皇漿？蜂皇漿根據維基百科嘅解釋：

「蜂王漿（英語：Royal jelly），又稱蜂皇漿、蜂王乳等，是工蜂的一種分泌物，餵食蜂后的食物。蜂王漿是由蜂群中的哺育工蜂，其舌腺和上顎腺等腺體分泌的漿狀物，初出生的蜂幼蟲，吃了蜂王漿，便會發育成為蜂后，否則就會發育成為工蜂。」

蜂皇漿係非常珍貴，你知唔知道，一個蜂巢，每半年只可以生產500克咁少嘅蜂皇漿！真正蜂皇漿好珍貴美容聖品。

大家要留意，市面上藥妝店、中藥店有好多類似係膠囊形式出售嘅蜂皇漿，但係，佢哋嘅效果，比唔上新鮮嘅蜂皇漿。

如果大家要買蜂皇漿，就要買新鮮產地直送嘅鮮蜂皇漿。

特別答謝活動

為答謝大家長期支持，我哋會隨機抽出幾位朋友，免費贈送「抗老桑葉茶」同「韓國蝸牛面膜」，有興趣請喺呢一個Facebook page留言，所有留言人士均有機會參加免費抽奬！

今次嘅「中醫減肥回春教學Part 2」，就比較深入、親密同私人！點解？因為今日唔單只會教大家點樣減肥，今次會深入咁樣教學，中醫透過保健「生殖機能」嘅方法，助你補腎、養宮、回春、抗衰老！點樣藉住保養下面（私密部位），令到上面（面部、頸部、胸部）都一樣光彩，令到你內在生理機能，同面孔一樣，同時間回春，細緻，粉紅，濕潤！青春荷爾蒙重回你身邊。

 

（接近40歲嘅關智斌狀態非常大勇！再次證明keep同唔keep只係個人選擇。佢嘅無限凍齡，逆天顔值，激發起我尋求東方補腎滋養，不老方法嘅熱切興趣）

大家千祈唔好怕羞！中醫保養身體，好多內地男女明星、藝人、模特兒都有定期保養，甚至專門用床技勾引別人，可以話係床上啪啪啪專家嘅小三妖精、小狼狗肌肉猛男，都識得呢啲身體保養術。大陸小三、狼狗個個都咁索咁猛，你估個個都真係天生咁索咁猛咩，後天保養㗎嘛。

每次同大陸朋友傾計，就會有好大嘅感慨，因為我哋香港人明明係中國最富有發展嘅城市，偏偏養生能力偏低，明明有好多錢可以買中藥、中醫服務，都唔識得去好好利用。完全唔識養生，現代生活中令到好多香港人不孕！香港人始終對於中醫認識唔夠，都唔識得保養身體！明明知道自己開始乾旱、枯黃、下垂，都諱疾忌醫，眼白白睇住自己時光流逝，吸引力下降。

市面上一般嘅美容blogger只會好表面、簡單咁樣教你點樣化妝護膚，今次我哋就要超越表面，從中醫理論入手，講解改變身體機能衰老方法。同時，親自自費測試，中醫「補腎養宮」「西藏熏蒸」「補腎艾炙」，同你分享抗衰老秘密。從裏面到外面，一齊逆轉時光，回到最青春最正！

你身體係青春定衰老？

青春嘅身體，係白、潤、緊、光！

衰老嘅身體，係黃、乾、下垂、暗淡無光。

呢啲唔係淨係講塊面，係指你成個身體，包括胸部，臀部，私密部位等等。

男仔10幾歲嘅時候，性功能良好，一柱擎天，一晚幾次，生龍活虎！

女仔10幾歲嘅時候，胸部挺，私密部位緊致濕潤，紅粉菲菲，皮膚白裏透紅光！

隨着歲月嘅工作壓力、空氣污染、不良飲食習慣、煙酒過多、睡眠不足、情緒困擾等等……你就會發現，唔單止塊面開始乾旱、暗黃、鬆弛、枯萎、冇生命力，你個身材，甚至下面，都一樣！

月經遲到紊亂，或精液減少稀薄……

OneCaratBeauty嘅讀者群大部份都係二十幾到四十幾，只係屬於初老，並未到真正衰老！但係已經搞成咁！

中醫穴位按摩推拿青春保健

香港唔少大街小巷，都見到好多腳底按摩、中醫推拿中心。由於而家人人都話自己識穴位推拿保養，令到市民好難選擇，都唔知邊個係真，邊個只係江湖術士！亦都令人好懷疑究竟穴位按摩、推拿、西藏蒸腳究竟有冇科學根據。

 

 

其實，今時今日日本、韓國嘅美容界別，都有使用穴道按摩去改善身體狀況，回復青春嘅做法。日本、韓國具有國家資格考試制度嘅醫療服務，其實係來自中國3000年前嘅傳統醫學。

喺公元七世紀，中國嘅使節去到朝鮮半島、日本，教授為首嘅中國傳統醫學。

世界衛生組織喺日本、中國、韓國嘅合作之下，制定出以英文作為標記，國際標準穴度名稱。而家，人體就361個穴位，得到標準化。

所以話，穴位改善生理狀態，絕對唔係亂咁講。

如果要以改善脂肪型肥胖、水腫型肥胖，同埋改善生殖功能，就一定要參考「湧泉穴」。

我今日呢就親身去咗Moon Zone滿足，親自去測試一下，佢著名改善男女生殖功能嘅「艾炙強腎」、「西藏薰蒸蒸腳」、「腳底按摩湧泉穴位」療程！

我要回春抗衰老！

我一直同大家講，要美顔逆齡抗衰老！

因為，見到同輩嘅人就算肯花錢去keep ，方法唔啱，唔肯去學，只係盲目相信面部護膚產品廣告，一樣會衰老！

最近，我見到一個以前識嘅舊同事，真係嚇一跳！

大家年齡只係爭三四年，佢都曾經靚女，起碼係公司毒男眼中嘅女神一名，但係，我喺街見到佢，佢竟然變成婆仔一樣！頭髮稀疏、寒背、皮膚黑、衣着奇怪，加埋佢本身唔高嘅身形，遠睇似賓妹，近睇似阿巫！大家一齊做個同事，知道佢思想狹窄local，嗰日見到佢拎住個電話係咁鬧人，言行負面，樣貌已經由最高峰嘅時候變成而家相當低分，儀態品格簡直負分！

見到佢由女神淪落到咁樣，我都冇走去打招呼。我知道佢之前為咗錢，嫁咗俾一個老佢好多，貌似「高齡版譚耀宗」嘅新界有錢人。為咗錢而嫁，人生選擇已經錯晒！個人猜測，個男人六十幾咁老已經有心冇力，佢性生活都唔方好協調！難怪思想出現偏差，樣貌突變衰老枯乾。

冇錯，佢擺上網嘅相都經過修圖，望落去都見得人，但係真人，衰老感覺難以掩飾！難得，佢仲自我感覺良好自hi ，成日喺Facebook度講「我個樣都唔似XX歲」。我連like都費事，直接hide。

其實，佢唔真係唔似，佢似老啲！

每個曾經靚過嘅人，都要承認自己終於有一日會年華老去！每一個曾經嘅靚仔、靚女，都要接受現實，你唔再係17歲。如果你想要有17歲、23歲、27歳嘅身形同狀態，你一定要不斷努力去運動修型、西方營養學保健、醫學美容、中醫減肥、先至可以保持狀態，保養自己嘅性吸引力，比相同年齡嘅人更正，否則，就只會成為唔肯接受現實，永遠只活在自己幻想裏面嘅過氣has been阿婆、虧佬！

我之後，就積極上網搜集資料，搵吓邊度香港有得做有得做傳統改善男女生殖功能嘅「艾炙強腎」、「西藏薰蒸蒸腳」療程。之後，就發現左呢間叫做Moon Zone滿足，有三間分店嘅中式養生店舖。

Moon Zone滿足初體驗

我去到去尖沙咀金馬倫道嘅Moon Zone，屬於唐樓嘅2樓，由尖沙咀港鐵站行大概5分鐘，即係Cotton On對面。

其實Moon Zone之前網上都有唔同嘅評價，大部份都屬於正評，令到我都有啲信心今日嘅療程會幫我改善健康。

再次強調，呢一個係我自費測試，並無收到任何贊助！

上到去Moon Zone滿足之後，發覺尖沙咀店裏面環境其實唔錯。

 

 

 

尖沙咀按摩推拿地方好多，我上次都同大家介紹過同一條街嘅「胡桐足沐」。

Moon Zone滿足裏面嘅環境佈置，係傳統嘅中式環境，配合古典中國音樂，聲音適中，我坐低幾分鐘，已經覺得身心放鬆。

而且，去嘅時候啱啱落雨，客人唔多，Moon Zone有一種幽靜、養心嘅東方療法氣氛。

好快，負責人就同我介紹咗幾種唔同嘅按摩、熏蒸療程。負責人相當盡責，見到佢介紹比客人嘅療程，都係有根有據，唔係亂講。

可能見大家傾計都相當投契有緣份，負責人甚至去講解俾我哋聽，以我哋而家身體狀況，最適合使用乜嘢療程。

Moon Zone可取嘅地方，就係佢本身有提供衣物更換，亦有相當大嘅locker。

因為我而家會去做嗰個療程，就係一個傳統嘅西藏療程，會用水蒸氣，加入傳統中國藥草包，去蒸腳、歷時45分鐘。

療程開始之前，可以選擇唔同嘅草藥包，價錢有＄128到198不等。使用嘅中藥成分包括當歸、天馬、鹿茸、木香、紅景天、桑寄生、蓮花、頭骨草等等。可以根據自己需要嘅情況去選擇唔同嘅針對性治療。

 

唔知大家知唔知道，西藏蒸腳療程，主要幫助元氣虛弱、陰陽不調和、濕氣重、睡眠欠佳人士。

中醫認為，當身體寒嘅時候，就會出現各種問題。

蒸腳，就會趕走看戲。令到身體血液循環正常，亦都唔會出現飲食失調嘅問題，導致肥胖。

我換好衫之後，就準備開始！

之前我都去過其他嘅腳底按摩中心做過西藏蒸腳，今次去到Moon Zone做，發現水準真係高過出邊！

負責人首先幫我開咗個水蒸氣加熱機，仲幫我測試下水氣嘅溫度，適合嘅時候，就叫我擺入去。

負責人亦都一再提醒我，如果平時唔係做開，溫度就唔需要開咁高！以免造成身體不適。

佢指出，「開頭就會暖暖地，之後就會爆汗！」

我亦都好聽佢嘅意見，擺隻腳入去。如果你未試過做呢一個療程，我首先講解下點樣運作。

 

 

首先你會將雙腳擺入木桶，然之後木桶連接嘅水蒸氣機就會開始發放水蒸氣，全程，木桶上面都會放大毛巾，有吸收水蒸氣作用。如果想調整溫度，水蒸汽機都有呢個功能。

做西藏汗蒸開頭嘅時候，會感覺到水蒸氣嘅熱能。一段時間後，就會感覺到水蒸氣深入身體入邊。

唔單只係隻腳，你成個身體都開始發熱！

休養，收復，元氣開始回復。

10分鐘之後，我就開始不停排汗！

昏暗燈光，私人化環境，柔和音樂，與及中藥嘅香草味，加上用唔盡嘅周末時間，令人好舒緩，順身體需要排出汗水。

溫暖嘅水蒸氣令人昏昏欲睡，我小睡一陣。

出邊做相同療程嘅時候，我係會不停抖氣，熱到瞓唔着，有種呼吸短促嘅辛苦感覺。

但係，今日都不停出汗，但係可能水蒸氣溫度調校適中，激發血液循環，並無造成過熱現象，達到排汗排毒效果，唔算辛苦，亦都冇好似出邊咁做到喘晒氣！我係可以瞓覺。

 

45分鐘，輕輕鬆鬆咁就過咗，溫暖，舒服，不經不覺間，我原來已經出咗一身汗！

而且，感覺到體溫上升咗，我講嘢有時會唔夠氣，但係，做完個treatment之後，發覺身體有一種元氣恢復嘅感覺。呢種感覺難以形容，但係做過，就知道。

身體血液循環快咗，渾身有一種溫暖、放鬆、靈性、接近高潮嘅感覺。

而且，療程當日天氣相當寒冷，但係，我一啲食慾都冇。

當我仲係沉浸系呢一種愉快嘅身體反應時候，負責人就同我地講，艾炙已經準備好！

主角登場，就係「艾炙：強腎」。據說，下面保養得好，成個人都會青春。今日，我連下面都攞出黎同大家一齊測試！

艾炙，補腎養宮，增強男女生殖能力

我之前都有少少疑問，究竟點樣先可以做到「暖宮強腎」呢一個效果？（中醫一向認為腎主要睇男女生殖功能）

艾炙暖宮需唔需要除衫？需唔需要俾埋下面治療師睇，需唔需要檢查？需唔需要有任何身體接觸？

簡單來講答案係「唔會」。

所有療程，會係一個私人房間進行，非常之高私隱度，全程，冇任何身體接觸，治療師將私人一次性內褲交俾你之後，就會離開房間，你只需要換上特定嘅紙底褲，就可以坐上特製嘅椅子上面，30分鐘。

 

淨係得你一個人喺間房入面！

療程開始之後，我發現坐張凳上面嘅時候，感覺到下面溫溫暖暖嘅感覺，但係就唔會有任何刺激，都唔會真係好熱。

一個人係間房入邊，坐係一張椅子上面。我感覺到熱力慢慢將私人部位溫暖，但係絕對係可以接受嘅水平，絕對唔會出現唔舒服嘅反應。

我再睇中醫研究，發覺其實無論男女，都可以用呢一個療程。你鍾意保養妹妹又得，細佬又得，菊花都得！

當然，treatment時你亦都唔需要故意腿張開去溫暖妹妹、蛋蛋、或菊花！只要好平常正常咁坐就可以。

就過咗半個鐘！

你話有冇一種好強烈火燒下面感覺？冇。

你話有冇一種刺激下面，性興奮嘅感覺？冇。

你話有冇特殊曖昧嘅horny感覺？都冇。

但係我感覺身體裏面溫度上升咗。

過程感覺，就係坐喺一張暖凳上面。

爆汗嘅感覺就冇蒸腳咁犀利，反而，之後慢慢感覺到身體嘅血液循環快咗。

「氣」好難形容，但係你自己感覺到。

做完呢兩個療程之後，我發覺我嘅「底氣」好咗好多！

Moon Zone呢個地方整體環境乾淨，已尖沙咀鬧市按摩地方來講，算係非常寬敞。價錢屬於中等，唔算太貴，而且負責人耐心講解，令到我覺得係可以一再回顧嘅地方。

同一晚，我瞓得好好，係完完全全深層睡眠。

第二朝起身，發覺面色紅潤，光澤，當然，我平時都狀態相當良好，但係今日，特別好。

因為身體冇咁寒冷，我可以繼續堅持我嘅健康飲食減肥法，繼續進食蔬菜水果。

身體機能，因為昨日療程，改善咗。

身體其實同面一樣，都要保養。

學習怎樣生活，讓青春湧入生命

我懷着感恩、幸福、滿足的心情，望向我房間外面的天空。我感謝我有足夠的中西醫學知識、好奇心、金錢、可以去大膽嘗試市面上不同的美顏回春方法。

我亦相當自信，相比起我之前在街上碰到的那位未老先衰的朋友，我的青春樣貌、身體、生理機能，一定優勝！起碼有仔生，要生一定生到！

回春，並不是要勉強回到17歲的模樣。反而，是令你的23歲， 27歲， 33歲， 37歲， 43歲，47歲，53歲。每一年，都散發出熱力，吸取生命的喜悅、自由。

同時留給世界，你的智慧，耐心，興趣、生命能量。

對生活，對自己，都有一種可愛新鮮感。

I am luminous with age.

希望你們都一樣。

對大部份人來講，一年嘅過去，代表又老咗一年。但係對少部份人來講，真實年齡同身體不成正比，佢哋係逆生長！對於凍齡美魔女美魔男，今年比上一年年輕，而下一年，亦會比今年更加年輕！要鍊成美魔男美魔女逆天顔值不老體質，中醫減肥，內在年輕，可以話係一個最重要嘅健康瘦身美顏議題！但亦都係一個好多人忽略咗嘅議題！學識中醫減肥，你就可以美顔抗衰老，保健身體，改善血氣，改善體重，促進血液循環，避免未老先衰！

之前同大家講過Yanhee減肥藥嘅危險（冇效，對身體有害，非常不推薦）、韓星減肥法（有效但太chur你跟唔到）、同埋V面健康飲食體重控制（推薦），之後有好多人PM問，年紀有返咁上下，未必再可以好似以前一樣高速減肥，點樣先可以減肥又快又健康？點先可以逆轉時光，回到青春？相比起西方醫學同營養學，中醫減肥有相輔相成，相得益彰嘅效果。

唔好睇小中醫減肥嘅功效。事實勝於雄辯，中國人肥胖嘅比例，比西方人少好多！亦都青春苗條好多！

唔少成功人士、闊太都有定期搵中醫調理身體、減肥抗衰老嘅習慣。但去到香港著名中醫師嗰個層次，已經唔係錢嘅問題，因為出名有效、真係懂得中醫理論嘅名中醫師，年紀同埋客戶網絡已經有返咁上下，加上已經一早排滿期，有好多多年長期捧場客，根本上新客喺冇人介紹嘅情況之下係唔會有機會見面。好多係半私人、半退休狀態，就算你有錢，都唔會輪到你！

但係One Carat Beauty作為香港超高人氣醫學美容網站，就同大家揭露下一眾城中名媛、逆齡貴婦、內地凍齡明星，佢哋都識嘅中醫減肥保養方法，同嚴選幾個香港中醫減肥嘅推薦。

 

（泰國小鮮肉天菜男神Iknotus。點解要提醒大家時時刻刻唔可以鬆懈，一定要減肥逆齡，打造完美身材？梗係要keep住自己水準，先可以有機會同呢啲水準嘅人深入交流交往！Photo Credit: Iknotus Piinball Peverel）

 

 

 

 

 

 

根據黃帝內經指出：「五穀為養，五果為助，五畜為益，五菜為充，氣味合而服之，以補精益氣」

傳統正統中醫嘅角度，蔬菜同水果，係兩個唔同嘅分類。兩種都要食。

蔬菜本身含有好高嘅食物纖維，可溶性嘅食物纖維，可以令到人體淨化血液，強化內臟功能，積極進食紅蘿蔔、蘑菇、菜心、黑木耳、綠豆牙、蓮藕、白菜、冬瓜、蘆筍、車厘茄、豆苗等等，有助加強美顏瘦身。

專家認為，深綠色嘅蔬菜，營養價值，會比淺色嘅蔬菜更加好，而其中抗氧化嘅效果，亦都會更加強。對於改善皮膚顏色，令到皮膚光澤感增加，白中透光，效果更好，逆轉年齡。

中醫減肥方法：自己沖綠茶，逆齡抗老化

綠茶裏面嘅茶多酚，係有抗氧化、美肌、年輕化作用。但係一定要自己沖，先至會發揮得到最佳嘅抗氧化效果。

市面上你見到出售嘅，其實對身體無益。

市面上買嘅台式奶茶店、茶餐廳奶茶、便利商店樽裝奶茶，因為佢用大茶壺㷛，而且不斷加熱保溫，長期保持高溫，茶嘅有益物質，同有效改善身體質素嘅維他命C 已經完全氧化！

中醫減肥方法：梳頭刺激脈絡

除咗飲食之外，中醫亦都教大家適當咁樣刺激穴位，可以提升血液循環，亦都令到經絡有疏通嘅作用。整體體質就會上升。

好多人都唔知道，一個人的頭頂有近50個穴位！頭頂嘅「百會穴」，透過梳頭去刺激，可以改善血液循環，同埋養分嘅供應，一個人起身嘅時候記住要梳頭！

今次講住咁多，下次會詳細講述教學，具體操作，點去減15到20磅。

現在生物和醫學美容科技進步，凍齡已經不是「夢想」，而是「目標」。美國、法國、瑞士、日本的醫學美容診所、體重管理中心，都有一些通過食物餐單設計，從細胞層面打造年輕的凍齡、甚至逆轉身體年齡的療程。輕鬆減去10公斤，令皮膚年齡減輕10幾年，重現光彩，由遙不可及的夢想，變成有錢就可以參與的treatment。

香港灣仔碼頭的「築地．山貴水產」市場，開幕時聲勢浩大，連預約都要排隊！號稱將日本東京築地水產市場的新鮮食材，直接運到香港。

位於東京的築地魚市場，是世界上最大型的魚市場，早在1935年成立，在世界飲食文化當中，有舉足輕重的地位。東京築地市場獨有的特色，包括凌晨到達的漁船、清晨吞拿魚拍賣、充滿生命力的氛圍、附近大量平價優質刺身食肆，都能到東京築地魚市場世界文明，即使沒有去過，也會在電視劇、日本飲食漫畫中看過。

東京海水的味道、海產的鮮味，今次來到香港。築地山貴水產市場，是一個不能不去一次的地方，哪怕只是一次都好。

食療

「食療」這個概念，在亞洲各國包括日本、韓國、中國，都有源遠流長的歷史；傳統真正的亞洲飲食，利用多菜、少肉、多海產、清淡的口味，令到亞洲人成為世界上最健康的民族。

食物本來就是保養身體，治療身體，令你得到最佳健康狀態的重要成分之一。日本菜一向奉行多蔬菜、多魚的健康飲食規條。「飲食治療」這個概念，在香港卻沒有太多人留意。

你有沒有發現，香港很大，餐廳很多，卻沒有什麼真正能夠利用食物去提升健康，溫暖人心、療癒人心的地方？到處都是快餐店、連鎖食肆集團，卻沒有一些能夠療養身心的地方。

一般市民外出用膳，除非特別去一些很貴的地方，否則家常便飯的食物，多數都是連鎖飲食集團的酒樓行貨出品、快餐店的油炸垃圾食物居多……這些地方吃得多，人都豬扒化！

如果你要做個靚人，就一定要從飲食習慣開始，選擇優越！

即是我早前經常要飛往世界各地工作，但我都仍然堅持要健康，選擇擁有好身材！我近期又開始了清淡低醣飲食（詳細教學請按此，通常我會低醣一段時間，之後會寬鬆一點，之後都會重新開始一個循環）。目標，就是繼續提升我的身心狀態，繼續健康，繼續健身，繼續保養，每個細胞，都散發出年輕活力光彩。

想減肥瘦身的時候，飲食，就特別重要。如果你想要瘦得快，減得輕鬆，就要注意係一些高水準、低糖、滋養身心又好味的食物。

日本菜的三文魚、貝類刺身、炒野菜、豆腐蔬菜鍋、味增湯、紫菜，都可以是幫助你減重的最佳低醣飲食選擇。減肥的時候，最重要就是吃得飽，吃得健康。而不是胡亂絕食！同時，多嘗試不同的地方飲食，可以增加你減肥時候的新鮮感。

香港灣仔碼頭的築地山貴水產市場，就是這樣的一個地方。築地山貴提供的食物，號稱可以媲美日本當地。今次，我就去試試，這個美味，又想到健康的飲食地方。

這是一個尋味之旅。灣仔築地山貴市場，有些地方超越想像地好，有些地方做得不太好，綜合了我自己的親身體驗，與及專業食家朋友的意見，今次就作一個深入教學吧。（自費評論，沒有任何贊助或試食）

日本東京築地魚市場

每天的清晨時間，位於日本東京的築地魚市場，就進入非常繁忙的狀態。從深海捕獲的海產，逐一下載到魚市場裏面。無論是沙甸魚、吞拿魚、金倉魚、龍蝦、蟹，都會在這個擁有80多年歷史的魚市場裏面交易。每天在這裏交易的魚類多達480種。

東京築地魚市場，是少數仍然有面對面，直接討價還價的交易系統。穿着手套、膠鞋的工作人員，會在這個市場裏面出出入入，繁忙地將發泡膠箱裏的漁獲搬到指定位置。

日本東京築地市場，是世界知名。這個魚市場的特點，是一個星期七日都不會休息，每天廿四小時經營！每日人次超過四萬人！

這裏最著名的鰻魚、比目魚、鯖魚，供應日本及世界各地。

魚市場附近是很多著名的壽司店，好像Sushidai。

香港的山貴，就是一個模擬版的體驗吧。在香港灣仔，就有一個小小的地方，可以讓你體會魚類市場的魅力。

灣仔的築地山貴水產，不是日本築地魚市場的分店！

灣仔的築地山貴水產，位於新建的灣仔碼頭上該物業，非常之方便。無論是搭尖沙咀搭船，還是搭港鐵到灣仔站，都方便可達。對於沒有去過東京築地的人，這是最近的遠方。

好多人會問，灣仔這個地方，和東京比較，像真度有幾高？

對於沒有去過香港築地山貴水產的人，首先要說明一下，這是一個什麼的地方。

有些香港、台灣、中國大陸的遊客，以為這個是日本築地市場的分店。

其實，香港灣仔的築地山貴魚市場，並不是真正的日本東京築地市場分店。

因為，東京築地魚市場根本不是一間店舖，而是一個批發市場，當然沒有分店啦。

香港經營的，叫做「山貴」，其實就是日本築地魚市場其中一個大型的批發商。香港的，就是「山貴」這家日本店子的的分店。

香港灣仔「築地．山貴水產」，佔地11,000尺，刻意模仿海產批發市場的設計。令食家都可以體驗一下，日本築地市場的氣氛。

所以，不要說來了香港的築地市場。香港是沒有築地市場，香港有的是「築地．山貴水產」水產市場。他的好和不好，其實不代表整個築地市場的。

做個優秀食家，不要盲搶魚，連搶什麼都不知道

網上傳說和雜誌媒體的威力很大！有本雜誌、一班美容美食KOL，宣傳去了「香港築地市場」，引起一大堆市民瘋狂搶吃，導致網上預約系統都約不到！

好多香港市民、內地遊客、台灣自由行，一聽「築地」兩個字，就以為是香港開了個築地市場！即係其實真是一個美麗的誤會。

「築地．山貴水產」開幕的時候的震撼程度簡直爆錶，連網上預約都成問題！每日嘗試預約的人多不勝數。但隨着成功預約得到，是食過的朋友越來越多，網上openrice的評論中差評為主，大量留言說食物價錢貴，質素普通……不能和東京相比。這一點和服務有關，下面會詳細說明。

其實，這個時候，我要提醒大家，這個並不是日本築地市場的分館。這是其中一個築地市場供應商，在香港的分店！

「築地．山貴水產」導覽

香港的「築地．山貴水產」，佔地11,000尺，算是寬敞，位於灣仔碼頭的上蓋2樓。從碼頭走上來的時候，會發現這個建築物主要分為3個部份。

進去的時候剛巧是櫻花祭，可以看見這些好可愛的櫻花！

（櫻花祭裝飾，美美的）

可能有些人會嫌這些櫻花很膠，但其實，在長不出櫻花的香港，有盛放的櫻花海，也有一種漫畫化的浪漫。哈哈！

第一個部份：購物區

首先有零售購物區，零售區出售一些日本的清酒、特色日本飲品。出售的零食、小食，就好像般的日式超級市場一樣。

對於一些喜愛日本和菓子、和牛的人士，這個區域就有來自日本當地的產品！

第二個部份：外帶區域

往前走，就是外賣區域，這個區域主要售賣一些魚生、刺身、便當、即製炸物等等。外賣的這個區域不用排隊，也毋須預約，可以直接前往。購買之後，可以上碼頭天台的公共空間享用。

這個區域的海鮮刺身、便當性價比超高，甚至比一般的超級市場還要便宜！而且看起來質素也相當不錯，對於純粹希望體驗一下日本水產，不想花費大量金錢，不一定要坐下來慢慢食的遊客，外帶區絕對是最佳選擇！

這個亦是我最推介的！

（左下角的燒栗米，yum！其他減肥中就唔好食）

第三部份，就是特色餐飲區域

再走入去一點，就是餐飲區域。這個區域，就必須要預約，沒有預約的人，也可以現場排隊。但是預約了當然會快捷很多！

特色餐飲區域，也有分為「丼」、「浜燒」和「立食」。「丼」價錢最貴，立食區主要提供廉價的食物。

在官方網頁提供預約服務。但要說明一下，這個預約服務真的有點奇怪，並不是直接入座！

預約了之後，還要先到場館指定位置的電腦，用手機的預約書QR code，列印排隊的飛。然後再到預約的區域再次排隊！

成功入座之後，才知道綠茶都要另外收錢！在這種價錢的地方真的roll eyes！

尋探鮓的體驗

減肥有些好習慣，例如早上飲杯蛋白飲品Isowhey。為了令到自己無論發生什麼事，見到什麼美味的食物，都不會破戒，我在早上出發之前已經飲了一杯有飽肚又元氣滿滿的Isowhey飲品！

減肥期間要吃得精緻，吃得有營養，我來到了這個地方。

我的個人宗旨是，減肥，要用智慧！不要人云亦云，人哋話唔食野就可以減肥，根本是無稽之談。所有醫生、營養師都話，要食得好，食得飽，食得有營養。專門食一些低卡路里及飽肚的蛋白質來食物，及蔬菜，飲就會變瘦。

無論是日本的減重醫院，還是美國的健身教練，都發現魚類相比起紅肉，對於減肥人士，絕對是最「抵食」的食物之一。因為它的飽肚程度高，熱量低。蛋白質豐富，令到人很容易會有飽肚的感覺。而且升醣GI指數低，不太影響胰島素分泌，對於想減肥的人絕對是好消息。

因此，日本人體重遠低於西方人。

來到了這個地方，當然要嘗試一下它的海鮮什錦丼！

日本食物的魚類、貝類是其中一個最吸引的菜系。是少數可以大量進食仍然不會肥的食物種類。

而海膽、蟹籽、龍蝦、章魚，都是鮮甜。尤其是那個龍蝦，有一種難以形容的特別滋味。

今日還另外點了一個龍蝦湯，龍蝦的味道非常濃烈，而且味道新鮮。

那個魚生飯的水準其實不錯，由於我正在減肥，飯（carbs）就沒有怎麼吃。之前好多人在網上投訴，說這裏價錢偏貴，食物質素卻比不上。今日的體會是，以這個價位來說，沒有大驚喜，但絕對是美味的。

日本文化經常講到禪修，專注，就是日本傳統禪的一部份。

對於嘗試減低食慾，盡量少吃的人來講，mindful專注地品嚐每一口食物，帶來的滿足感，絕對比mindless狼吞虎嚥大得多。

當你真正很用心，很專注地吃東京海鮮的時候，就會發現，你的心不會再在日常的煩惱是中打轉。而是可以真真正正，切切實實，品嘗每一口的海洋鮮味，那大海的味道。

當你仔細品嚐着每一口的海鮮刺身，突然發現，原來這種微旅行式的食肆體驗，不單是健康清怡，更療癒人心。

輕怡的食物，感恩的心境，能令你置身於正面、幸福的氣場裏。

日光、綠茶、和那來自東京灣的味道。

How you see things is just as important as what you see.

活在這一刻。因為，這刻才是實在。

東京，那種抽象的細緻輕巧文化，幻化作食療。俳句的意景，由日本刺身中可以體驗。

以前，曾經似懂非懂，看過日本文學經典「萬葉集」。

為的就是去嘗試追尋，那一種一下即逝的美感，寂寞與療癒。

一直以來不斷追尋的療癒系食肆，原來，就在這裏。

療癒系食肆

在急速開會、無限工作的香港，可以有半天獨處，享受一下靜態，實在是一種無盡的奢侈。真的要向日本人學習一下。

在「水產市場」這一個不太真實的日式場境，令我想到曾經在日本漫畫看過的片段，也突然想起了，那些曾經瘋狂不眠不休地看日本漫畫的少年時代，一些塵封在記憶潛意識裏的高中年代舊片段。

突然，好想好想，重新遇上，那一個令人仰慕的同級生男孩。好想好想，和他再一次在放課後的下午遇見。好想好想，單純地享受着那一種曖昧的仰慕。

如果現在可以給你重新活一次，回到高中那一年，你會不會更好把握那些機會？

就算不能直接表白，你今次都一定會面對面告訴他，現在覺得很幸福！

日文中的一句說話：「一緒に幸せになろうね！ 」，就是「一起得到幸福吧。」

高中那些淺俗、平凡卻幸福的日子，那些放課後相處的時光，現在回想起來，是珍貴的心跳回憶。

即使香港沒有櫻花盛放，也沒有日本獨有的白色情人節，在你的回憶裏，你和他那些上課、吃零食的無聊小日子，都有種櫻花盛放的粉紅幸福。

The best lover that never was. 當時你和他，根本誰都沒膽告白過，現在回想才了解到，沒有告白過，不代表沒有戀愛過。

謝謝你，在那些高校日子，給了我戀愛、心跳的感覺。

深夜食堂

這個時候，一陣的幸福感，湧上心頭。那些年的你，成就了今日的你。

而他，也聽聞活得好好的。

我真的要做更好的自己，才對得住當時的我。在減肥的時候， 去一次「築地．山貴水產」，算是一種味覺娛樂，bonus是那一大堆洶湧來到的少年回憶。

這個地方的好處，就是大部份食物都不太肥。減肥中的人，也可以到這裏。

每個人心裏，都有這麼的一個「深夜食堂」。這個地方，像一個避風港一樣，隔絕了日常的煩惱，慢慢品嚐食物的味道，也重新發掘一下，食物中和生命中的種種美好。

雖然這裏不是完美，但這是一個我會好好珍惜的地方。這裏，就是我的深夜食堂。

原來你心有淨土，到處，都是幸福。
「築地．山貴水產」

灣仔碼頭二樓 2/ F, Wan Chai Ferry Pier

方法（一)
從尖沙咀天星碼頭乘坐天星小輪到灣仔碼頭

方法（二)
從港鐵灣仔站 A1 出口，沿行人天橋往香港會議展覽中心方向，然後右轉至鷹君中心往灣仔碼頭，共約 15 分鐘

 一般顧客則可於每天中午十二點至晚上十點半遊覽市場 (最後點餐時間九點半)