如果你問香港正印最怕乜嘢，就係遇見台灣嚟嘅小三！點解？因為台灣妹台灣仔，係亞洲區有名戰鬥力強勁嘅勁敵。
台灣帥葛格同高質美眉，經常出現港台交友app、直播app同IG，加上聲音夠嗲，樣靚！身材正！唔介意派福利俾陌生人，甚至親密技巧功夫勁都唔係乜嘢秘密！除咗玩夠放之外，最緊要就係皮膚白滑，去啲夜店玩，根本睇唔出幾多歲，成店都係美魔女美魔男！
冇人想自己被強勁小三K.O. ，但係如果香港人唔夠台灣人爭，有時候自己都要反省一下點解！
香港好多人收入超過台灣人，美容護膚嘅消費亦都絕對唔少，但係皮膚質素就反而唔及台灣美眉底迪。
知己知彼好緊要，所以今日就要去研究同測試一下，台灣當地本土嘅美容護膚品！今次就會測試評價一下，台灣美人圈最近火爆嘅人氣品牌Dr Cink，試吓佢所謂嘅「誘光肌因密集水透白精華面膜」
（本文係自費測試評價，沒有收到任何贊助或試用）
（台灣超級美魔女「韓瑜」已經年近40歲！仲離咗婚添！但係樣貌真係keep得到喎！呢啲款行出嚟仍然有好高嘅威脅性！）
台灣面膜評論
香港人對於台灣面膜認識，好多時只限於平價品牌，例如「我的美麗日記」、「森田藥妝」、「我的心機」、「寶藝凍膜」、「TT面膜」。好多人都知道香港哪裏買。
價錢貴啲，屬於進階級嘅，都只係會識得「Neogence」、「Dr Wu」。
其實，台灣嘅美容行業、面膜行業非常豐富，當地有好多本地品牌，唔單止價錢非常抵用，而家效果都相當良好，當地人好細個已經開始敷面膜！
台灣面膜製造商嘅生產設備、生產經驗亦都係世界級。好多國際有名嘅品牌，會喺台灣設廠，用台灣製造面膜同護膚品嘅生產經驗同優勢，去做出高質素與成本價錢相當平嘅產品，令到佢嘅利潤更高！台灣係可以同南韓比較嘅面膜生產王國。
近期網上突然出現一隻聲稱功效強勁嘅「Dr Cink小藍瓶」、「Dr Cink小黑瓶」精華，同埋「誘光肌因密集水透白精華面膜」系列。
Dr Cink得到好多人嘅好評！而且官方網站網上like數目都幾驚人，有成200,000人！
Dr Cink亦都有出現參加香港嘅國際美容展覽Cosmoprof，近期都好多人問我where to buy Dr Cink in HK？Dr Cink香港哪裏買？Dr Cink似乎有衝出台灣嘅氣勢。
（嘩！咁博！冇錯，佢就係Dr Cink代言人「韓瑜」。佢年紀已經接近40歲熟齡、甚至接近高齡，但樣貌body皮膚顏色仍然巔峰狀態，真係好得喎）
Dr Cink評價：係唔係一個值得信賴嘅品牌？
同大家講解Dr Cink香港哪裏買之前，首先講下佢嘅背景。
Dr Cink主要網上售賣俾台灣當地人，喺新光三越專櫃都有出售，個牌子本身亦都邀請得到台灣專門演出本土劇嘅女神級藝人「韓瑜」、「修杰楷」成為代言人，亦有拍一啲微電影去宣傳，所以Dr Cink亦有一定嘅規模，唔係一啲完全無規模嘅蚊型牌子。Dr Cink品牌本身亦都得到台灣醫學美容街醫生「沈育如醫師」代言。
（Dr Cink位於台灣百貨公司嘅專櫃）
（Dr Cink亦得到台灣著名靚仔beauty blogger ，「Wind7220」大推。https://wind7220.pixnet.net/blog/post/113060186-【保養】bg-shop讓我發現新大陸-dr.cink）
Dr Cink我相信好多香港人都冇聽過。所以好多人都唔敢肯定究竟佢係唔係一個值得信賴嘅網購品牌。雖然佢一定唔會係「我的美麗日記」咁平咁大眾化，大家都知道香港哪裏買，但係喺台灣本身尤其係美容圈子都有一定嘅知名度。
Dr Cink之前有參加香港嘅國際美容展覽Cosmoprof，呢個展覽，要參加都一定要有咁上下財政實力，因為入場參展費用都幾貴！
好用定唔好用，是否能夠做到淨白、無暇、凍齡效果，評價應該係點，應該更加着重觀察產品成分，多於純粹網上人氣。
（Dr Cink搵咗不同台灣網絡靚仔紅人做素人廣告，好似「森田老師」，但係唔係代表好用？評價係點樣？ ）
相信大家都知道，OneCaratBeauty係一個高端嘅知識型美容網站，原創美容內容不斷被其他高端品牌Facebook分享、傳統大型美容雜誌取材、醫學美容醫生引用之餘甚至俾人喺BeautyExchange投稿區抄襲！點解我哋可以短時間之內得到成功？就係因為對於質素嘅堅持！
我哋並唔係一啲市面上求其比樽野、比一萬幾千蚊，就幫商家亂咁吹佢嘅網站。我哋一向都奉行要做高質素知識型美容KOL，而唔係專門推劣質黑心貨、收錢扮自購、淨係識得抄襲廣告嘅劣質KOL，所以，我哋對於市面上一啲突如其來嘅美容網爆款產品，好似今次嘅Dr Cink HK，一向都係先觀察、後推薦嘅偏保守態度。
對於呢一隻突然間網上爆出嘅台灣產品Dr Cink，連台灣網絡紅人「小文甜生活」都有推薦，雖然好似有好多like，亦都係台灣討論區ptt爆紅，我哋都採取「大膽假設，小心求證」嘅態度！
要聲明，呢個都係自費購買測試！冇收到任何人任何贊助或試用。
（台灣本土劇藝人「韓瑜」、「修杰楷」為Dr Cink品牌拍攝代言，香港人未必知邊個，但係當地都有一定嘅知名度。）
我哋今日「自費」測試呢一種呢就係Dr Cink品牌「誘光肌因密集水透白精華面膜」。
Dr Cink成份分析評價
誘光肌因系列主打功效係美白，「誘光肌因密集水透白」，個名咁好聽，其實係乜嘢？
同大家研究，呢個面膜嘅主要成份，究竟有乜嘢，主要成份包括：
Purified Water 純淨水
Butylene Glycol 丁二醇，幫助活性成分滲透皮膚
Tranexamic Acid 傳明酸，可以抑制黑色素、色斑形成
Glycerin 甘油，有中等吸水效果，將水分子留喺角質層
Niacinamide 維他命B衍生物，可以柔軟肌膚，維持肌膚含水量
Panthenol 刺激細胞組織，幫助成熟肌膚修復
Castor Oil 蓖麻油，皮膚柔軟劑
Phenoxyethanol 防腐劑
Erythritol and Homarine HCI皮膚濕潤劑
以上嘅成份，都係屬於有科學根據，能夠改善皮膚濕度同埋美白程度嘅有效物質。
面膜仲包括左有「透明質酸」、「玫瑰花水」、「玫瑰油」等等。
就咁睇成份表，有效成分都幾多，經常使用，的確有作改善肌膚質素。
有效令到皮膚睇起嚟有光澤，越用越靚嘅原因，係因為主要成份「傳明酸」同「維他命B」，的確有美白、修復、軟化皮膚嘅醫學美容根據。
「誘光肌因密集水透白」，純理論上嘅層面，的確可行。
「誘光肌因密集水透白精華面膜」親身試用
理論層面可行，都要經過親身測試，先知道有冇效！
呢個面膜就係特登去台灣自購搜刮！
使用Dr Cink面膜嘅時候，我就留意得到，佢呢隻面膜同一般面膜嘅質地好唔同。
Dr Cink「誘光肌因密集水透白精華面膜」使用嘅係一種特殊嘅不織布，叫做「冰羽靈」，係日本製造。
根據網站講解，呢一種特殊嘅不織布，有助提升面膜貼面嘅程度。
冰羽靈我自己都聽過，係一種接近隱形布嘅高質素面膜材料，非常之貼面。之前都聽過好多人講過，自己用就第一次！
Dr Cink同一啲高端嘅韓國面膜一樣，都唔係就咁將個面膜摺埋咁普通。佢都有再用兩層保護膠，確保使用嘅時候唔會移位，而且容易展開，亦都保留精華喺裏面。
我正式使用嘅時候，有驚喜！
Dr Cink面膜貼面程度係前所未有咁高！可以話係我用過咁多隻韓國、歐洲、日本、台灣，不同價位面膜裏面，其中一隻貼面度最高嘅面膜。
（傳說中嘅「冰羽靈」超薄面膜）
（裏面嘅精華質地非常輕，開面膜嘅時候仲發生左微型嘅精華液小爆炸）
（大家留意吓最後嘅一張圖，呢度而家係三層！包括左兩層塑膠保護膜，同埋中間薄到接近透明嘅「冰羽靈」）
剛剛敷面嘅時候，簡直就好似人體第二層皮一樣，面膜不織布貼到差唔多透明咁滯！
面膜本身嘅剪裁都算係適合亞洲人。啱啱拎個面膜出嚟嘅時候，見唔到口部位置有明顯嘅預留位置，仲擔心會唔會用嘅時候一定要閉合個嘴。其實，只要敷上面之後，預留位置就自然出現，一邊敷面一邊講嘢都可以。
用上面之後，發現精華質地好稀薄，唔會過分厚重，唔會對皮膚造成好大負擔。其實幾適合香港比較濕氣重嘅環境。
「舒服」，係我對呢個面膜最直接簡單嘅評論。
當然，都唔會因為一次使用就可以成個人由豬扒變女神，或者豬扒變男神。
但係，舒服、貼面舒緩、光澤，就係我親身體驗嘅結果。簡單來講，我覺得Dr Cink好用。
有啲嘢一定要提醒大家，面膜唔係越結越好，好似我之前都多次提醒過大家，廠商只要加入carbomer，就可以製造好杰嘅手感。雖然補水作用好，甘油千祈唔好貪多。因為有啲聲稱補水嘅面膜，或者係一啲美容工作坊嘅人手調制面膜，會加入大量嘅甘油，但係其實會適得其反！主要原因，係因為如果濃度過高，甘油反而會吸乾皮膚水份，令到你皮膚更乾。
Dr Cink面膜裏面嘅精華唔算好多，但好似我成日都講，唔係越多越好，最緊要有足夠嘅有效成分，面膜先至有效！
精華吸收得好快，而反光效果相當良好，用完之後兩三個鐘，落街出街食完飯返屋企，皮膚仍然維持着高度折射嘅水光、水潤狀態，就好似啱啱敷完咁。
而且，冬天天氣乾燥，理論上應該係皮膚最脆弱嘅時間，都冇敏感嘅情況出現。
Dr Cink真正做到「誘光肌因密集水透白」。適合約會之前、閨蜜茶敘之前使用。
無論係用嘅時候，定係用咗之後，Dr Cink質素都明顯比一般嘅平價台灣面膜優勝。香港哪裏買暫時唔係好多地方，呢一個我係會推薦比大家，可以試一試睇吓係咪適合自己。
Dr Cink價錢評價
Dr Cink面膜價錢唔算平，每一盒有三張面膜原價台幣＄800 ，約港幣＄217，有三塊！平均每塊70幾蚊。不過！無論係原廠官方網頁，定係佢嘅零售渠道BG Shop，通常都有不定期優惠打折！
Dr Cink HK：香港哪裏買
Dr Cink香港哪裏買係好多人想知嘅問題。據我所知，Dr Cink應該香港暫時未有正式登陸藥妝店。而台灣嘅官方實體店暫時香港冇分店。
我都幫大家向官方查詢過，Dr Cink HK香港嘅代理計劃仍然係規劃當中，而佢哋廠商亦都唔會將產品寄來香港。即係話，暫時並未有官方方法可以直接購買。
不過，我知道依家好多台灣代購都知道Dr Cink呢個品牌，可以查詢購買。
我自己就有極少量Dr Cink但係不作發售，只會「免費」送俾一直支持我哋嘅長期讀者朋友。由於人數眾多，我會隨機抽出。我已經私底下PM你哋了。
無懼小三挑戰，迎接美麗蛻變
我一邊敷面膜，一邊聽朋友嘅故事。有朋友打黎同我講，佢成日比小三騷擾。
好多人就會盲目同情、認同，但係作為「真正嘅朋友」，就要指出問題所在。
做小三搶人男友一定唔啱，但如果你作為正印想改變成日被囂張小三挑戰，或成日被人搶走男友嘅命運，就一定要諗下自己有冇地方可以做好啲！
如果你係完美，小三根本無法入手！人地入到手，代表你仲有改善空間。如果小三細幾年，但你因為唔保養，個樣老人地十年，胸下垂、面黃、又腫，呢個你都有責任！
你嘅價值，唔係由是否能夠留住某一個男人決定；而係睇你喺整戀愛市場上，有無價值，一個男人唔要，會唔會有其他人爭住要！
如果古天樂、高以翔、吳彥祖、宋仲基、李易峰、吳亦凡突然宣布單身，會唔會代表佢冇晒市場需求？一定唔會，相反對佢需求可能增加！點解？就係因為佢有黃金神級市場價值！一個女人唔識貨唔要，大把中、港、台各社會階層女人爭住要！仲爭崩頭搞出種種是非！
所以，一個人一定要經營你自己外表、內在！令個男人帶你出嚟見朋友、參加聚會都覺得有面。
就算有乜小三小四，你都可以好輕鬆咁面對同撃退。因為你知道知道自己好，隨時有更好backup！If you want him, you can have him.
外國人有句禮貌地叫人過主嘅俗語，叫「Bye Felicia!」哈哈哈哈！
當小三要嘅美顏、身材、心計、博殺、進取、細心、識俾面人，你全部都有；小三冇嘅人生智慧、學歷、大體、高EQ、金領搵錢能力，你都有，你會立於人生完勝不敗之地。
當你真的很愛自己的時候，就不會被別人牽著走，你會知道自己的價值，不是由某個人決定。而是，由將來變得更好的可能性去吸引你蛻變。比較，不再是和小三的較量，而是「現在的你」和「最好的你」的比較。
你有你挑戰，我有我美麗蛻變！你話我講得啱唔啱？
