（位於中環，瑞士年輕管理中心Swiss Reju已經搶先提供單次減肥定點修身優惠，$688可以即時參加韓星最愛無創定位修身！
SWISS REJU「熱光溶脂」新穎減肥機都做過，會同大家講解技術上嘅唔同，自己親身感受嘅效果，價錢，舒適程度，邊一部有用啲，性價比邊部高啲，與及一啲醫學美容行業嘅專業觀察。
做咁多嘢，就係希望大家可以慳返啲錢同時間，只選擇最適合自己嘅療程，同埋唔會去到美容中心俾人狂sell。
之前呢呢部機如果大家去開大型醫療美容集團例如悅榕莊、Dr Protalk，或者一啲願意投資重大成本用超貴機地方嘅地方例如Perfect Life，你都會見過Le Shape，或者聽醫學美容顧問推銷過，呢部機真係不可不知！
Le Shape呢個療程價錢本身都貴，平均消費都要幾千蚊一次！每一次，以格數作收費單位。每一格，大概等於約一塊手板大小的激光。
Trial都要幾千蚊！天氣開始變熱，又係各位高質素靚仔靚女，男神女神換上泳衣泳褲，背心短褲嘅時候！但係，如果你過去幾個月比較鬆懈，呢個時間亦都係恐懼嘅開始！點解？因為再可以好似冬天咁樣遮遮掩掩，用臃腫寬鬆嘅衣服去遮掩包圍肥胖身材！一著背心短褲，粗腰，肚腩，肥大脾，無所遁形！配埋個雙下巴，真係相當趕客！
面肥，影相都可以企最後扮細臉；身肥，真係無法遮掩！
相信大家都會好想知，究竟呢啲所謂嘅做機減肥，其實有冇效？因為可能大家都試過，曾經俾人sell過佢做呢類型嘅療程，但係做完之後，感覺上又唔係好大分別。
Le Shape原理
呢部機出咗冇耐，我已經好想為大家做一個測試報告，用自己俾錢，全自費方式，去同大家分享下真實感受。
「熱光雷神」呢個名，真係夠晒霸氣。其實，呢部儀器，韓國原廠完名叫做Le Shape，係韓國醫學美容及健康集團GTG Wellness出產嘅頂尖瘦身儀器。當中原理，就係用1060nm激光，破壞脂肪。
呢部儀器嘅原理，其實係使用最新嘅Hyperthermic treatment科技，專門破壞皮下脂肪組織，令到身體嘅細胞，出現短期以及長期嘅組織改變，係用雷射去創傷以及減少皮下脂肪組織嘅方法。
熱光雷神Le Shape利用雷射去溶脂嘅科技，其實係有科學根據，2017年嘅醫學報告顯示，1060nm嘅激光，令到身體裏面嘅熱力超過42度47度攝氏，同一時間表面頂唔會造成過大創傷。
研究發現，經過激光溶脂嘅方法，脂肪體積分別減少21到24% ！
科學安全方面，科學家發現，安全性屬於極高。
如果純粹以技術層面來講，Le Shape其實屬於減得到。
Le Shape熱光雷神自費測試
經常同大家講，如果你要成為一個高質素嘅男神女神，對於各種醫學美容療程、高端儀器，自己一定要做足功課！從事醫學美容行業，並唔代表廠商或代理宣傳嘅資料，就一併接受，好似其他水準參差質素有別嘅美容blogger、美容丐幫咁樣搬字過紙。
一個完美男神女神，要有樣，有身材，有頭腦！三樣缺一不可！
所以，我自己前排就為咗同大家測試報告，自費參加左一次Le Shape熱光雷神，在希望有一個最公正嘅態度，始終，自己試咗，比淨係參考學術文件與及睇廠方資料更有話語權！
同平時一樣，呢個都係自己俾錢嘅測試！並無收到任何嘅贊助或者免費試做。
呢一個療程，試做價都要成五千幾蚊！我簽卡嘅時候都有啲肉痛！
但係，為咗靚同瘦，實現定點溶脂，想揀邊度就揀邊度，想點樣瘦就點樣瘦，美夢成真嘅決心，有啲頭啲真係唔可以避免！
今次去做自費測試嘅地方，係一間幾貴嘅醫學美容中心。
好奇怪地，醫學美容師並冇好詳盡咁解釋呢部機嘅原理，其實呢部給我知道係非常之強勁，但係個美容師好似不太清楚同其他美容減肥機有咩分別一樣。
Le Shape療程開始前，美容師特別量度左我自己身體嘅尺寸，以便見到效果。
呢個時候，我自己亦都特別去留意，美容師有冇故意用寬鬆嘅方法去量度，間接出千，令到一陣間嘅效果會變得更加誇張。好彩，個治療師都屬於專業，並冇古靈精怪野。亦都冇特別故意用寬鬆嘅方法量度，呢一點好重要，因為我好想知道呢部機其實有冇效果。
之後，美容師就將特定嘅皮帶，捆綁係我身上，呢一條皮帶，就係之後會配合laser探頭使用。
喺療程開始前，治療師利用特製嘅凝膠，查係我皮膚上面，呢一個嘅作用，就好似平時嘅激光、射頻療程一樣，令到能量更加均勻咁樣滲入身體之內。
參加Le Shape呢個療程，之前都有啲朋友話好熱，好痛！話明叫做熱光雷神，就梗係有啲熱！
治療師有講解過，開始左呢個激光療程嘅時候，身體係會有啲熱，有啲人，會痛！部機亦都有一個安全機制，就係有個緊急煞停嘅機器，如果感覺到太熱太痛苦，可以即刻撳掣，就可以減低強度，令到身體比較可以接受。
好，就去到真正開始嘅時間！
正式開機之後，機器發出都幾大型嘅聲音，可想而知個部機嘅馬力有幾強大！同一時間，由於房間唔算太大，我都即刻感覺得到空氣不太流通！因為部機真係好大馬力，令到間房都熱熱地！
過程期間，真係有少少熱嘅感覺，可能我平時都有做開唔同類型嘅射頻、HIFU，並唔覺得佢太過激烈，感覺就好似暖暖地一樣，但係仍然係屬於可以接受嘅範圍。如果你接受得到平時嘅射頻治療，熱力其實差唔多。
期間，治療師都有入嚟徵詢我嘅狀況，我都好直接話俾佢知，其實都非常之可以接受。
20幾分鐘治療時間好快就過，由於接受治療期間，並唔可以郁動，以免影響雷射照射位置，所以成個過程我都係響度瞓覺。
完成資料之後，就已經可以即刻走！我自己睇到身上並無任何發紅現象，基本上同平時一樣！
之後治療師就再次幫我量度，即時反應係，的確係融化左脂肪少少，減咗大概1cm腰圍！
大家就唔好睇小呢一cm，因為一cm嘅脂肪其實係好多嘅脂肪！而且，呢個只係做咗一次。你越做得多，可以整走嘅脂肪就越多。
當然，由於係自己俾錢，梗係希望有最佳效果啦！ $5000 減1 cm，好似有啲貴！但係，我再同治療師講，了解到原來，燃燒脂肪、溶解脂肪嘅過程依家先啱啱開始！真係會減掉嘅脂肪，其實會越來越多！點解？因為本來係固體嘅脂肪，會隨着新陳代謝排出體內！跟住落嚟嗰幾個星期，燃燒脂肪、新陳代謝嘅現象會繼續！即係話，會繼續瘦，繼續減！
有少少醫學美容常識嘅人都知道，放喺做咗呢一類型嘅療程，之後如果你再做運動，減肥減吋嘅效果會好明顯！因為溶解左嘅脂肪，會通過運動快速新陳代謝排出體外！
我自己之後嗰幾日，有一次出街嘅時候望見驚嘅質變，發現自己條腰，真係有幼咗！
如果目測都有分別，其實都瘦得幾多！
今次嘅自己俾錢測試，呢部機係合格！
至於性價比方面，老實講，就見仁見智，幾千蚊好多人比得到，亦都好多人覺得貴！
所以，下次我會詳細同你解釋另外一部機，就係性價比超高，減肥溶脂效果亦都相當顯著，原理相似，但價錢平一半嘅減肥神器！就係同一個儀器廠，韓國上市公司GTG WELLNESS出產嘅「ABAS SR」。呢部機，香港唔係好多人知，亦都唔係間間醫學美容中心會積極推廣，如果唔係有好多高人教路，好多人根本唔會知！
因為佢比起之前所講嘅Le Shape收費其實平，對於美容中心來講，梗係推Le Shape啦。但係我哋呢啲精明嘅消費者高質素行內人，就會話俾你知點樣用最低嘅價錢，得到最超卓嘅減肥、瘦身、溶脂效果，亦都唔需要比最高昂嘅費用，都可以得到優秀纖體瘦身效果！
仲有，部機係完全唔同！難怪韓國大受歡迎！
跟住落嚟幾個禮拜，我都會再同大家更新最新嘅情況！
