潮流興講創科產業，依家美容、纖體、減肥、健康行業，亦已經踏入高科技新時代。隨着韓國、美國、歐洲嘅醫學美容發展越來越成熟同安全，無需要打針，不需要開刀，淨係使用高能量儀器，亦都有驚人年輕效果。
現代嘅醫學美容儀器，例如高能量聚焦超聲波Liftera V、Ulthera，射頻Thermatrix 同Thermage，皮秒激光Pico Laser，眼袋槍，膠原槍，熱瑪吉，超聲刀甚至等離子Plasma，對於皮膚再生，逆轉年齡嘅效果，遠遠拋離過往嘅人手Facial。
今次就為大家製造一個超級懶人包，一次過都學懂所有醫學美容！
(位於中環，瑞士年輕管理中心Swiss Reju已經搶先推出高端逆齡儀器優惠，新客戶專享$688可以做幾十萬新機，whatsapp了解按這裏：
而家嘅醫學美容技術相當先進，做一次高能量儀器，效果媲美做幾十次人手Facial ！
人手低端療程，由於並無辦法利用任何複雜儀器，只能靠一雙手、與及需要漫長持續使用先見到效果嘅入門皮膚產品，已經逐漸被淘汰！
因為，市民需求即刻見到效果，即刻減齡，即刻拉提！要做到呢個效果，只有兩個方法，第一，就係去醫生度開刀打針；第二，用高科技高端、非入侵性醫學美容儀器。
（Swiss Reju瑞士高端醫學美容廣告，原來識得高人教路，淨係用幾千蚊，就可以做到出面幾萬蚊回齡效果？）
港鐵好多廣告，網上紅人分享，雜誌推介，明星直播等等，可能大家都聽過以下幾個名字好多次，但係，又唔係完全清楚佢哋其實係講緊乜嘢?
Thermage 、Thermatrix 、Liftera V Lift、Ulthera、「無針埋線」、「眼袋槍」、「膠原槍」、「熱瑪吉」、「超聲刀」，其實係乜嘢？價錢有貴有平，究竟點樣先至係合理價錢？每個treatment要做幾多次？究竟做邊個療程先至啱自己？Cosmax、Beauskin、Reenex、Dr Reborn最低消費幾萬蚊嘅天價療程之外，仲有冇其他價錢比較入門級嘅選擇？
醫學美容科技的科學及醫學根據
市面上醫學美容儀器療程，價錢可高達幾萬元一次，但係，有市民認為，做咗之後效果不夠明顯！
有啲人豪花10幾萬，但發覺效果未如理想！
要做個聰明人，就要信科學，做足功課，唔好麻木相信網上流言、打手post ！今次特地製作一個醫學美容儀器懶人包，一次過解釋幾個市面上最流行嘅醫學美容療程（Thermage、Thermatrix、Exilis Pro、Liftera 、Ulthera、眼袋槍、膠原槍），效果，價錢。
呢個超級懶人包，會同大家解答幾個重要問題：
甚麼是Thermage（Thermage 熱瑪吉）？
甚麼是Thermatrix（Thermatrix 膠原再生槍）？
Thermage VS Thermatrix （傳統經典和後起之秀性價比大比拼）
甚麼是Ulthera
甚麼是Liftera （Liftera V Lift 、Swiss V Lift無針埋線）
Liftera VS Ulthera （音波拉皮美國機VS韓國機）
單次優惠
甚麼是Thermage？
Thermage，基本上在價錢昂貴的皮膚醫院、醫學美容中心都會提供，Thermage在中國大陸叫做「熱瑪吉」，Thermage台灣叫做「電波拉皮」。在中國大陸、台灣的名媛圈子非常有名。
可能大家都聽過Thermage，就算冇聽過，點都會見到廣告。
甚至，有人稱呼Thermage為抗衰老「dream treatment」！
Thermage其實係美國醫療儀器生產商Solta，一種專利射頻技術。Thermage呢個字本身係一個註冊商標。
Thermage主要技術原理，就係利用單極射頻mono polar technology去激活細胞，令到膠原蛋白重新連結，改善皮膚質素，同時改善下垂問題。 Thermage醫學美容儀器，其實係外國同香港整容醫生、醫學美容中心嘅吸金機器。
Thermage本身不需要開刀，亦不需要打針，只係利用專利儀器，可以將熱能量、更新能量打到皮膚底層。
Thermage 現在已經出道第四代Thermage FLX，第一代出產到而家，已經有約17年歷史。無論是痛楚感覺與及效果，Thermage FLX都比上一代有所改善。
香港名人圈、娛樂圈、名媛、𡃁模裏面，好多人對於Thermage呢個之後美容療程趨之若鶩，近乎迷信程度，尤其係冇錢做Thermage嘅人，十分之羨慕有錢做Thermage嘅人！
甚至有人相信，做咗Thermage呢個療程，可以外表長生不老！
但係其實係真正「醫療界」，外國醫生對於呢個療程本身嘅反應其實係相當不一，有好，亦都有唔係太好嘅反應。
其中一個比較常見，外國醫生與及外國客戶嘅反應，就係認為做咗Thermage之後效果不理想！
有相當數目嘅外國醫生同顧客表示，Thermage並未能夠達到心目中年輕、緊致嘅效果。
外國醫生表示，Thermage效果，視乎個人情況！
點解呢？因為Thermage呢部機唔係人人都啱做！
Thermage呢部儀器，究竟能唔能夠發揮應有嘅逆轉年齡效果，其實好視乎當事人本身年齡，與及肌膚狀態。
Thermage FLX呢部機主要係幫助「仍然有能力自己生產膠原蛋白」嘅人士。即係年齡約40歲以下，效果最為明顯顯著。
超越左某個年齡，當你連膠原蛋白重新生長嘅能力已經失去嘅時候，Thermage FLX部機嘅效果其實未能發揮。
香港好多市民一窩蜂去追潮流，以為自己一定啱做呢部機，其實一定要同醫生討論自己皮膚狀態是否適合。
各位聰明靚仔靚女，不要迷信貴一定好！你要先自行衡量，如果你已經40歲以上，膠原蛋白自我生長能力已經降低，呢部機其實對你效果有限。
Thermage效果好同唔好，其實見仁見智。亦都睇個人皮膚狀況，技術本身有一定嘅認證。一般醫生都會建議，如果你真係想做，做最新一代Thermage FLX，效果比較明顯。
Thermage效果反應不一，點解價錢貴咁多？
其實佢價錢貴，同你自己皮膚啱唔啱來做，真係冇乜大關係。
佢價錢好貴嘅原因，主要來自非常之龐大嘅成本，同埋醫生本身嘅收費。
Thermage只供應醫生使用。如果美容中心冇醫生、基本上係買唔到Thermage。呢個係醫生嘅獨市生意，霸權之下，根本唔容許冇競爭！價錢亦都一定唔會平俾你啦。
由於醫生短缺，Thermage比同類型相似嘅儀器Thermatrix，貴好多！好多顧客以為價錢高代表效果好，其實好多醫生已經講過，Thermage部機個效果，根本不能和傳統拉皮相比。
Thermage其中一個缺點，就係痛楚程度！好多醫生亦都之前講過，如果做呢部機，一定要將能量度數調大，先至有較明顯效果。
但係如果將個能量度數加大，其實會更加強使用嘅時候痛楚感覺。
Thermage，一般建議用麻醉，亦有灼傷水泡風險！
有做過Thermage嘅人表示，痛到好似比熨斗辣一樣！當然新一代Thermage FLX有少少改善，但都係咁！
如果你忍到痛，就可以一試！
有關安全性方面，好多人誤以為，Thermage就一定比較安全，其實之前，都發生過Thermage喺外國灼傷病人事件。如果使用者並唔知道自己皮膚有隱性情況，一用即刻burn。
Thermage另外一個風險，就係市面上有大量假冒儀器，多不勝數！
我係絕對唔建議大家，去醫學診所以外嘅地方做Thermage。中低端商場嘅小店，山寨鋪頭，絕對諗都唔好諗。99%係假嘅！真正Thermage儀器價錢講緊幾十萬，係幾架車嘅價錢！
Thermage我只會推薦大家去黎姿開嘅Cosmax。
市面上超高端的醫學美容中心例如Cosmax，會使用正牌正廠Thermage FLX，但市面上更多的美容黑店，會偷偷使用大陸製造的假冒儀器。
假冒的Thermage儀器，行內人可以看得出，但一般市民在外表上基本上難以分辨。
Thermage大陸稱為「熱碼吉」，有無數冒牌、隨便盜用人哋專利名稱嘅儀器。
只要上淘寶搜尋「熱瑪吉」，就會發現大量假冒的Thermage FLX。
冒牌貨山寨貨，由$2000人民幣開始，相當可怕！當然，非常之危險，山寨貨對於皮膚有好大影響！可以造成毁容等影響。之前海關都拘捕過！
Thermage FLX嘅高昂價錢，其實一般打工仔都幾難負擔，亦都係其中一個令人卻步嘅原因。Thermage FLX平均市場參考價格： $30,000到$50,000一次，連眼。
優點：單極射頻始祖，技術有多年科學研究
缺點：普遍痛楚感覺強烈，效果不一，價錢高昂（最新一代Thermage FLX $30,000以上，上一代高痛感Thermage CPT $15000以上）。
療程安全程度：4/5 （5最高）
舒適程度：2/5 （5最高）
效果：2-3/5 （5最高）
價錢：1/5（5最高）
推薦地方：Cosmax
單次優惠：可單次收費
Thermatrix 膠原再生槍，膠原BB槍
科技日新月異，Thermage市場逐漸被新一代技術Thermatrix攻占。
另一個可以同大家教學，係被稱為「韓國版Thermage」嘅韓國醫美儀器Thermatrix。
大家都可能係港鐵廣告見過什麼「膠原槍」、「眼袋槍」，其實就係Thermatrix呢部機！
Thermatrix近年橫掃韓國、香港、台灣、內地、亞洲區醫學美容診所。之前好多名媛、明星Model打開Thermage，近年都流行之後再打Thermatrix或鞏固效果，有啲可能做咗一年之後，幾個月之後就已經開始改用Thermatrix。
Thermatrix係屬於同Thermage相同技術，單極射頻。儀器嘅探頭亦都相似。
Thermatrix之所以可以短時間內橫掃亞洲，因為佢有三大優點：
（1）感覺輕微，比較Thermage劇痛，Thermatrix基本上冇乜感覺
（2）價錢收費，由於Thermatrix儀器本身並不屬於醫生專用，醫生高收費及mark up並不適用
（3）方便程度方面，可以淨係打眼部，或集中面部某些有需要位置，都遠遠超越始祖Thermage！
甚至有醫學美容界人士私底下表示，Thermatrix係青出於藍！
但係當然，各位老闆你知我知，但係唔會講，心照就算，大家都唔會夠膽公開講，點解？同自己間醫學美容診所倒米咩？
有關醫學美容、減肥扮靚網上討論區，仲有好多識少少扮代表嘅人、做過一兩次醫學美容就當自己專家嘅顧客，最諷刺係呢類人多數自己根本對於醫學美容、健康管理、年輕管理，科學根據一無所知！只係睇價錢、網上宣傳、打手宣傳，就作出結論：
「我信唔過韓國機」
「Thermatrix咁平，我信唔過」
「Thermage貴一定有原因，我唔會試其他嘢」
除咗O嘴同LOL，真係唔知點反應！
醫學美容中心老闆，其實非常之歡迎市場上有咁樣嘅偏見同諗法，因為Thermage比Thermatrix利潤爭好遠，老闆搵嘅錢都爭好遠，你要瘋狂碌信用卡消費，老闆一定歡迎！
作為行內人，只可以偷偷話俾你知，Thermatrix效果，真係唔差得Thermage好遠。
對於Thermatrix、Thermage呢一類型嘅高能量射頻膠原蛋白自我生長醫學美容儀器，好多人會問究竟係咪真係有用？
對於效果，其實我有少少觀察同大家分享一下。
射頻嘅醫學美容儀器，做嘅效果其實主要係緊致皮膚，激活膠原蛋白生長，佢同聚焦超聲波Liftera V Lift、傳統HIFU嗰種即時輪廓拉提效果效果，其實係唔同。
射頻，主要係緊致皮膚，改善皮膚質素，激活膠原蛋白生長，令到皮膚顏色，毛孔，緊致情況，鬆弛情況得到改善。
但係，佢嘅主要功能並唔係拉提筋膜層SMAS輪廓。
就好似，一個係用嚟拉提，第二個係用嚟改善皮膚質素，兩樣都要做。
同之前Thermage情況一樣，好多人話Thermatrix效果不大，冇HIFU、無針埋線咁明顯，其實主要原因係因為佢哋對於單極射頻個技術本身有錯誤嘅認知。
Thermatrix膠原槍做得多，你會發覺自己毛孔洗咗，凹凸洞細咗。皺紋、法令紋、整體皮膚問題有所改善。只要keep住勤力做，皮膚會有好明顯改善。
Thermatrix其實係由韓國著名嘅醫學儀器集團Daeyang Medical開發生產，得到歐盟安全許可，並唔係某啲夠派思想、脫節人士想像中嘅模樣。
優點：韓國醫學美容生產集團研究Daeyang出產，價錢約$1500-$2500一次，性價比極高。
缺點：能量較低，做一次也有效果，但可以維持時間比較短，約一兩個月，建議做幾次，能夠比較容易見到明顯長期效果。完成整個療程大概六次，可以keep一年，整體膚質有年輕幾年感覺
療程安全程度：4/5 （5最高）
舒適程度：4/5 （5最高）
效果：3/5 （5最高）
價錢：5/5（5最高）
推薦地方：Swiss Reju
單次優惠：Swiss Reju搶先獨家提供單次優惠，WhatsApp查詢按這裏：https://wa.link/yrp6bg
Thermage VS Thermatrix （傳統經典和後起之秀性價比大比拼）
如果你係黎姿，徐子淇級數嘅上流社會靚女，唔需要為金錢而煩惱，建議直接打Thermage FLX。價錢約三萬蚊，2年大概打三次，總數埋單約10幾萬。或者打一次Thermage之後，就打Thermatrix來consolidate。
如果你本身並唔係揮金如土嘅超級富二代、闊太，建議你及早開始保養膠原蛋白，直接打Thermatrix。你會得到相當唔錯嘅效果，5次價錢加埋都唔使一萬蚊。可以維持一年。
越早開始，效果越好。
甚麼是Ulthera
而家講市面上比較流行嘅超音波拉皮Ulthera。大陸稱為「超聲刀」。台灣多數要做音波拉皮，香港叫做其中一款HIFU。
Ulthera呢個來自美國嘅醫生療程，名媛、名人界經常有人講，亦都係傳說中所謂「痛過生仔」嘅醫學美容。
對於Ulthera呢個醫學美容療程，佢效果都幾明顯，但係痛楚程度，有人形容為「酷刑」。
Ulthera因為能量比後來嘅Liftera集中好多，副作用亦比較嚴重，如果打錯位，會導致神經線受損，所以打嘅時候都好鬼驚！
為咗靚，大家都好博命！
Ulthera係一個只可以醫生幫你做嘅療程。療程嘅原理，用聚焦超聲波打落皮膚4.5 mm肌底，令到膠原蛋白與及筋膜重生。Ulthera呢部醫學美容儀器，亦都係市面上最有歷史級數、骨灰級嘅音波拉皮。
呢部機咁有效，而且有得到美國食物及藥物管理局認可，作為非手術式嘅拉皮有明顯效果，點解咁多人都仍然有保留？因為實在太痛！有幾痛？痛過生仔！
優點：得到美國食物及藥物管理局認可，非入侵性嘅醫學美容療程
缺點：價錢昂貴，做一次$20,000以上
療程安全程度：4/5 （5最高）
舒適程度：1/5 （5最高）
效果：3/5 （5最高）
價錢：1/5（5最高）
推薦地方：Cosmax
單次優惠：大部份醫學美容診所都有提供單次優惠
甚麼是Liftera （Liftera V Lift 、Swiss V Lift無針埋線）
如果有留意開醫學美容情況嘅朋友，一定會知道近期最流行嘅treatment叫做無針埋線。市面上最常見嘅埋線儀器，就係Liftera V Lift。
Liftera其實就好似入門級嘅Ulthera，基本上比較適合年紀30-50，想嘗試一下超聲波、音波拉皮既感覺嘅人。其實一般人，唔需要一下子去到Ulthera咁極端，開始時候做下呢個已經有明顯嘅分別。
優點：得到韓國KFDA認可，非入侵性嘅醫學美容療程，價錢唔貴，大概$2000-3000一次
缺點：效果只可以維持半年左右
療程安全程度：4/5 （5最高）
舒適程度：5/5 ，基本上係冇感覺（5最高）
效果：4/5 （5最高）
價錢：5/5（5最高）
推薦地方：Swiss Reju
單次優惠：Swiss Reju搶先獨家提供單次優惠，WhatsApp查詢按這裏：https://wa.link/yrp6bg
Ulthera VS Liftera （音波拉皮美國機VS韓國機）
好多人呢都會成日問，打邊種比較好？
其實用邊種，會建議睇返自己個人情況，基本上打一次Ulthera，價錢已經足夠打三次Liftera。效果係有嘅，亦都相信前者效果持久程度會比後者高，但係先決前提係你絕對要承受相當痛苦！
而且Ulthera痛楚感覺與及打錯位嘅風險，真係唔係每個人都承受得到。做Ulthera呢個療程之前，醫生都會叫你簽同意書，基本上要你自行承擔風險，如果有打錯位，傷害神經線，會出現流口水，面歪等等情況。基本上要自行承擔！
如果想安全起見，建議大家都係要打返比較輕鬆嘅Liftera！
Liftera、Thermatrix 單次優惠
好多人都會問Liftera、Thermatrix會唔會有單次優惠？或者referral優惠？員工價？
其實我已經同大家爭取咗，你哋去做，只要講出Carat Wong / Onecaratbeauty.com 介紹，就可以獲得referral價錢。
另外我已經同同事講咗，有一啲我哋比名媛嘅凍齡建議，如果你地有興趣想學，可以免費提供，你跟住做就有出面高端醫學美容中心、做幾萬蚊療程嘅效果！想了解Swiss Reju搶先獨家提供的Liftera 、Thermatrix單次優惠，WhatsApp查詢按這裏：https://wa.link/yrp6bg
