【醫學美容】【男神】宋承憲代言韓國SNP燕窩面膜好用揭秘!只得1g咁少燕窩有乜用!?

5月 14, 2017

美魔女、美魔男再次成為城中熱話。以「燕窩面膜」出名的韓國護膚品牌SNP,剛來到香港時曾經引起過網上瘋狂討論搶購!到現在很多港女、自由行旅客都愛搜刮SNP燕窩面膜!SNP最近找到新的代言人,找了宋承憲去代言七日水光療程面膜(7 Days Solution Special Care Mask)。

以男人來講,做到宋承憲咁樣,真係無得輸。身高、身材、樣貌,係比世界上97%嘅男性優勝。雖然已經40歲以上,但宋承憲仍然keep得到終極制霸男神樣、兵役堅實胸肌、人魚線瘦腰,皮膚仲要係非常之美白水嫩!有時這種年紀「中中地」的中年美魔男,仲吸引過韓國男團的哥哥仔。

所以,當SNP搵宋承憲男神代言7日用面膜(SNP 7 Days Solution Special Care Masks)嘅時候,都令到好多靚仔想試!

韓國SNP藥廠推出的7 Days Solution面膜,一個星期用七日,根據官方提供資料表示,就可以達到水光、營養、美白效果,而且男女合用。

這個季節限定的7 Days Solution Special Care面膜,可以一次過體驗SNP品牌旗下不同效果面膜,包括珍珠、燕窩、黃金、骨膠原、綠茶、碳粉面膜。每日使用一包,每7日價錢$128。莎莎有減價,買兩盒總共14日都只需要$158。

SNP special care masks包裝盒上,講述產品有滋養、緊致、收毛孔、提高光澤感等等的作用。一個月,都係$300左右,如果真係有SNP所講嘅美肌水養效果,真係唔貴。


(男神宋承憲鍾意深夜在微博貼圖,身材好之外,素顏皮膚狀態都相當標青)


(韓國男神宋承憲,40幾歲,喺新人輩出嘅韓國演藝圈,相比起一班十六七歲哥哥仔,已經屬於人瑞級嘅叔叔。但請留意宋承憲皮膚、身材、狀態都非常好,絕對比香港一班同齡甚至年輕10幾年嘅普通市井麻甩佬更加charming)


(宋承憲着西裝真係bomb! )


(男神係好多港女去韓國嘅原因 )


(韓國真的是一個專門出產優質大叔的地方,真的……不行了!)

(SNP面膜品牌獨立包裝的時候是這個樣子,大家可能在藥妝店見過。在SNP七日系列裏面,就是下面的樣子)


(由韓國著名面膜生產商SNP生產的七日面膜,找來宋承憲做代言人,他絕對是亞洲區凍齡美魔男之一,夠噱頭)


(上圖就是SNP燕窩面膜在7日系列裏面的樣子。韓國SNP是面膜大廠,出產的「SNP燕窩面膜」就曾經引起熱烈討論和搶購!尤其是在大陸,好多大陸親友都叫我代購,簡直是火紅面膜之一。這個7日面膜系列裏面,都包含了「燕窩面膜」這皇牌產品。今次就測試一下,這個牌子的7日系列)


(SNP這個七日系列的面膜,包含七包獨立包裝的面膜,分別是用竹炭、珍珠、燕窩等等……如果你是宋承憲粉絲,每張都有不同的宋承憲靚仔相,就算面膜唔啱用,買來收藏都值得)


SNP 7日面膜有冇科學根據?

這幾年出了很多美魔女美魔男。除了40幾歲的張智霖、林志穎、伊能靜、志玲姐姐,和超過50歲的羅霖等等,宋承憲都係其中一個。

由於價錢唔太貴,SNP 7日面膜系列即是買來看看靚仔樣,自己收藏,都值得。對於宋承憲粉絲,SNP這個7日系列面膜一定屬於必買產品。但是如果你只是普通的韓妝愛好者,只想留意一下市面上韓國最快最新的護膚產品,SNP這個系列是否真的能夠做到營養、水漾美肌,今次就來一齊測試一下。

SNP燕窩面膜有幾堅先?

醫學美容產品究竟作用好不好,最簡單的方法,就是去緊檢查產品成份。好多人只會聽從網上謠言、打手、五毛等等的吹噓,沒有做到最重要的一步,就是檢查成份。

為了測試SNP這個7日療程,我就購買了一盒。除燕窩之外,這個系列包含其他成分,今次就一併討論。

打開盒子,就會有七包成份有不同的獨立包裝片裝面膜。

SNP Birds Nest Mask水份面膜成份包括:水份、甘油、燕窩(共1000mg)、丁二醇、透明質酸、神經胺酸等等

SNP Gold Mask活力面膜成份包括:橄欖葉萃取物、黑加倫子萃取物、藍莓萃取物、大豆萃取物等等

SNP Green Tea Mask舒緩面膜成份包括:水、甘油、茶樹萃取物(500mg)、蘆薈精華、橄欖葉萃取物、透明質酸

SNP Collagen Mask骨膠原面膜成份包括:水、甘油、骨膠原

SNP Pearl Mask珍珠面膜成份包括:水、甘油、維他命B Five、珍珠(500mg)、透明質酸

SNP Charcoal Mask主要成份是水和竹炭。下面一包,就是以竹炭成份的Charcoal Mask:




我自己就首先體驗了這一種竹炭面膜。打開的時候,精華裏面有很濃厚的竹炭成份。流出來的精華液,都是亦有竹炭的黑色。

精華Texture很厚,應該適合乾燥天氣。


SNP Birds Nest Mask面膜成份分析

先看看成份吧。面膜的成份其實都頗為正經,基本上甘油、水、透明質酸、丁二醇、及植物精華,都是一般好用面膜正經的成份。

其實有這些成分,就可以做到補水、水潤的效果。反而一些比較宣傳性的成份,例如燕窩,珍珠粉等等,美肌效果,要深入調查。

仔細檢查成份的時候,發現面膜樣本的成份各有一點不同。但兩種成分,就是七包都共同的,就是含有「酒精」、「香精」!😫

SNP面膜最出名的就是王牌燕窩系列。有獨立發售,網上討論區、美容專欄都講過好好用。

燕窩外塗用在皮膚上的效果不太明顯。燕窩就算有用,相信都是需要倚靠進食的方法吸入。

網上有一些資料表示,燕窩含有EFG,所以可以修復皮膚,令到皮膚更加年輕,這一點,真的有保留!

如果純粹以醫學美容的計算考慮,燕窩本身含有的EFG,究竟是否足夠皮膚改善,真的很成疑問。

例如SNP這個系列的燕窩面膜,每包面膜裏面只含1g!究竟這個份量,有冇用?

你可能會問,在包裝盒上面好像寫着1000mg的燕窩,唔係應該有好多燕窩咩?

如果你數學不好,就會不知道,1000mg其實只等於1g!

一包面膜得1g燕窩,其實真係唔多!


燕窩面膜美肌科學根據

東方人普遍認為,進食燕窩有補身、美肌效果;但係將燕窩敷在面上,究竟有冇用?

好多人都知道,燕窩就係燕子口水。係科學同醫學美容角度,就一定要仔細分析佢嘅成份。科學家發現,要麼裏面主要成份,包括脂類(lipids),灰分(ash),碳水化合物(carbohydrates),同蛋白(protein)。

有提倡進食燕窩進補人士表示,外面含有幫助皮膚生長的EFG。

EFG的濃度,究竟要怎樣才能夠有作用?1g外塗作用有幾明顯,仍然有待研究。我個人的估計,無論幾有效的成分,如果只有1g,效果應該唔會多。

科學研究發現,燕窩含有荷爾蒙成份。之前就有一個研究發現,一般的燕窩會含有testosterone, estradiol, progesterone, luteinizing hormone, follicle-stimulating hormone及prolactin。

中醫、韓國傳統醫學,都相信燕窩對於改善身體機能會有正面作用,但中醫和韓國傳統醫學,和西醫講求科學化數據研究的理念不同。

根據最新初步醫學研究顯示,燕窩(Edible Birds Nest,EBN )的成份在某些研究中有預防疾病功能。

西方的最新科學研究,都傾向指出燕窩(EBN)內服,可能會有改善健康、預防疾病的作用。但實際的機制如何,科學家、醫生仍然在研究之中。對於外塗燕窩美肌作用沒有很明顯的證據支持。


疑似好用燕窩面膜自費測試總結

SNP的燕窩面膜,似乎都係噱頭。而且精華很厚,接近b5 cream的厚度!

SNP呢一隻燕窩7日面膜,經常被香港、台灣、中國大陸美容達人推薦,個個都話相當好用。撇除少得不能再少嘅燕窩成份,會唔會呢隻面膜都有其他可取嘅地方,令到大家咁熱衷?

除咗燕窩成份,SNP 7 Days Solution Special Care面膜都亦都有其他可以幫助皮膚改善質素嘅醫學成份。所以,我都去試用。

療程用咗幾日,我覺得佢做到一般韓國面膜高保濕、透明光潤嘅效果。如果以日常保養來講,個人認為Mediheal竹炭系列面膜更好用,不過SNP燕窩面膜系列都算可以回購的。












0 意見

Counter

Flickr Images