韓國MV、「ulzzang臉讚」網紅、韓劇男神女神，當中又白又可愛皮膚，的確比好多人都好想買啲BB cream自己試一試。
的確， BB cream可以幫你變白淨、光亮。提升整體皮膚反光度。如果你本身皮膚唔夠白， BB cream的確可以幫你視覺上透亮度。BB 霜可以算是韓妝最基本一步，無論男性定女性，如果做得好，成個人的時尚感都會提升。亦都係呢個原因，好多人都覺得BB cream好好用。
在追求變成韓國風美男美女造型之前，都要先了解BB cream正確用法！尤其是如果你是男士，不經常化妝，第一次使用BB cream就要留意以下教學。
但是，如果不正確使用BBCream，佢就會導致敏感皮膚問題。包括阻塞毛孔！暗瘡！激發色斑！甩皮！各種各樣敏感問題一次過出來！
簡單來講， BB cream會令一個靚的人更靚，令一個醜嘅人更醜！所以，如果你正在選擇比較不同BB cream 需要了解正確用法，同埋認識好用bb cream嘅推介，就要繼續留意。
BB cream使用係有一定嘅方法要求。夏天炎熱天氣之下，好容易令到BB cream化妝溶化。我就見過公司一個肥婆，本身已經唔係特別靚，又用咗好多BB霜，加埋香港夏天炎熱天氣之下瘋狂出汗溶妝，再配合佢圓潤面型，見到佢，簡直好似一個肥美又識得出油的「月球」一樣！OMG！
如果想知BB cream正確使用步驟，同埋好用推介，就要繼續睇落去。
（ 韓團GOT7靚仔男神Jackson Wang王加爾，係韓國BB Cream 生產商It's Skin化言人。佢靚到一個點！😍）
（GOT7 Jackson之前就為韓國品牌It's Skin做代言人。唔止樣正，body都正，絕對係優質小鮮肉。做得美容代言人，Jackson自己樣貌，身材梗係有返咁上下啦）
使用BB cream的正確步驟
簡單來講，BB cream步驟：
1 洗面，如有需要可以之後用 「隔離霜」
2 將大概一粒米左右大小的BB cream在擠在手上，注意不要貪多！
3 在手上捽勻
4 搽上面上，留心避免眉毛、髮邊位置
5 等待幾分鐘！讓BB cream俾皮膚吸收。這點很重要，因為好多人搽上去的時候，就會覺得好白，其實用咗BB cream之後要等幾分鐘，讓皮膚完全吸收，先至可以見到真正效果
6 用氣墊粉餅、碎粉修飾
返屋企之後，就要用「卸妝水」徹底清理乾淨。不可以使用番梘、洗面膏。因為BB cream的成份不容易被肥皂話普通洗面膏清洗乾淨。必須使用落妝卸妝用品
不要盡信宣傳，正確使用BB霜教學
無論香港、中國大陸、台灣，都有好多美容美妝嘅乜乜老師、物物老師，佢哋都會大量推薦使用BB Cream 。但其實，BB Cream本身其實只係一支液體化嘅粉底液，並唔係一啲好似佢哋所講可以保濕、神奇保養品。
首先，你要知道， BB cream不是保養品！
BB cream不可以當作保養品使用。好多人好懶惰，聽那些台灣美容美妝節目嘉賓亂講，又或者一知半解的網店宣傳，就胡亂使用，係又用，唔係又用，覺得自己皮膚唔夠正，又再用多兩層上去。
之前就有新聞資訊節目發現，胡亂使用BB cream 又不正確地落妝，會導致皮膚急速老化，激發好多暗瘡敏感同色斑！變靚不成，更變醜！
BB cream令人又愛又恨的地方，在於使用的時候，會短暫令你變得好靚！但之後如果洗唔乾淨，長期使用就會導致你皮膚越來越差。
對於是化妝新手、又或是第一次嘗試化妝的男士，就要特別注意。
如果嚴格區分， BB cream是屬於「化妝品」，而不是「護膚品」。好多網店、收了廠商宣傳費的美容達人都嘗試話， BB cream可以防曬，可以保濕，所以係屬於保養品。
錯！BB霜絕對唔可以用來作保養品使用。BB霜只係可以幫你作為化妝、遮瑕作用為主。而且，最好唔好每一日都用。
一般正正常常的韓國、日本BB霜，一般可以維持5至8小時。當你收工、約會完成之後，返屋企就一定要落妝。而且要用化妝棉、落妝水，反覆清面部幾次，先可以徹底將毛孔裏面BB cream殘留物質洗走！
這一點對於平時少化妝的男士，十分重要。千萬不要以為用番梘、洗面膏洗下就可以。洗面膏的化學成份，和專業卸妝水、卸妝油不同。普通番梘不可能完全洗乾淨。所以你一定要在購買BB cream的同時，也買一支卸妝水。卸妝水價錢不太貴，即是出名的bio derma，都只是＄130左右。
要記住，如果你要皮膚好，似韓星，其實要做好幾個步驟，並不是在乾旱的面上用BB cream。如果真真正正使用，要先用隔離霜。當然，好多人都因為慳時間、方便先會用BB cream ，所以呢一步好多人都會省略。但最低限度，你一定要本身皮膚狀態OK或以上先好用。
要成功做到韓星造型，用BB cream之後，要再畫返眼耳口鼻！
大家睇韓劇嘅時候，都好羨慕韓劇明星的皮膚質素。為什麼年紀不小，皮膚好像16歲那樣水潤？是不是韓國人天生的基因不同，會比我們的皮膚更美？
於是，當你見到韓星代言化妝品，同男士化妝品時候，就會令你產生極大興趣。會唔會，你用BB cream之後，都會好似佢哋咁樣？
其實，你用咗BB cream係會靚咗，但只用bb cream，不會好似韓國明星係韓劇裏面的造型。
因為，要做到韓劇的造型，其實是好多功夫， BB cream只是最基本的第一步！
BB cream搽完之後有白、細緻，收毛孔的效果，但同時，由於是一種粉底液，在遮瑕掩蓋皮膚問題的同時，也會將你面上五官立體感降低。
用完之後一定要繼續化妝。
你在韓國MV、韓國雜誌、IG視訊明星見到的，他們不只是用BB cream。之後，再做了很多很多工作！包括氣墊粉餅，畫眉，contouring等等。如果你要真正做到好就韓國靚仔靚女的樣子，後續的部份就不要懶惰。
用了BB cream之後，你要用多少少時間畫眉、嘴唇。否則就會變成一個「白色不透光的大包面」！
如果你要BB cream貼服，就一定要你皮膚本身夠好
BB cream可以填充小量毛孔，你皮膚看上去更加清新。但你一定要知道，他的先決條件，就是你的皮膚最低限度要有一般水準或以上。如果你的皮膚是一般水準以下，包括好多凹凸洞、色斑、暗瘡、使用的時候就要格外留心。
在美容護膚世界裏，沒有什麼核突得過在凹凸不平、充滿暗瘡的表皮上，畫一個不貼服的化妝！
（Jackson好靚仔!好靚仔!好靚仔!唔怪得知會被護膚品牌It's Skin睇中做代言人）
（好想食，sorry係識多啲Jackson質素韓風靚仔）
（it's Skin BB cream代言人GOT7 的王嘉爾，真的很bomb😍）
BB cream主要牌子好用推介
應該不完全統計，以下呢幾隻牌子嘅BB cream特別好用：
Dr Jart
Kose
Freshel
Lab Series
Missha
網上搜集有關BB cream資料之後，就發現以上幾個牌子，就是大部份朋友都覺得比較好用的BB cream牌子。
今次我自己自測試的韓國BB cream來自Its Skin，就是由「莎莎」神級資深櫃姐，凍齡美魔女Momo Lai推薦，被認為是相當好用。
可能大家都有這樣的經驗，去到一些大牌子如SK-II、Fresh的專櫃時候，櫃姐多數都會熱情推介方式着其中熱門產品。產品其實並不一定和你的皮膚最夾，櫃姐唔係三七二十一都會疲勞轟炸一輪！
所以講起美容美妝，我自己比較喜歡去莎莎，除咗價錢比較低之外，最重要，就係佢哋嘅BA櫃姐係臥虎藏龍又不算太sell本地客。莎莎有唔少有料之人，對於品牌嘅認識，絕對唔會少過一般海港城、Lane Crawford裏面的哥哥仔姐姐仔。而且，如果要慢慢採購，細心選擇比較美容產品，我自己會避開遊客區，通常遊客區人哋都冇時間招呼你啦。
所以我會專門選擇一些比較冷門、二三線地方。今次去到西九龍中心的「莎莎」採購，就要問一下經驗豐富，自己外表都相當見得人的莎莎鎮店之寶美魔女Momo Lai。Momo做美容行業豐富經驗，基本上你只要同佢講你想要嘅造型，產品類別，價錢預算，佢都可以立即比到專業意見你。
達人一出手，便知有沒有 ！同佢傾兩句，已經知道Momo Lai佢真係非常之有料，係市面上少數服務熱情，意見中肯嘅美容顧問。
唔講唔知，Momo已經喺莎莎工作超過20年！Momo Lai呢一個名字，你可能未聽過，但係，佢係Onecaratbeauty.com少數（或者第一個）推介的美容BA。
Momo不單止淨係推銷公司主打的產品，更加會介紹你韓國、日本、瑞士世界各地品牌的產品。Momo都瞭如指掌，絕對唔會出現美容櫃檯神不守舍，問乜都唔知，淨係叫你買嘅不專業情況。
我去莎莎嘅時候就試用幾種唔同嘅BB cream產品。原本我係好想買Dr Jart ，不過用上面之後，就發覺同我自己皮膚顏色有少少唔係太夾。佢就推薦幾種唔同嘅產品。
當我自己試用過價錢比較貴嘅Dr Jart但同膚色唔夾之後，Momo就推介另一隻It's Skin，甚至比我試用。一試就發現顏色完全啱啱好！
It's Skin BB Cream 就是因為Momo推介所以今日會自費測試試用！
本來只想買一支BB cream同一支卸妝水，因為Momo專業意見推介不同美容、美妝、個人衛生產品，最後買多咗幾百蚊野，哈哈！
It's Skin BB cream用咗幾次，發現水準不錯！易推，算自然，冇白面具感。而且落妝容易。推一推給你們。
另外，如果你下次去開西九龍區，想搵一個專業BA給予皮膚、化妝意見，可以去西九龍中心的莎莎問吓Momo（可以向店員查詢，搵Momo Lai）。
BB cream最好唔好亂用不知名大陸牌子。最好都係使用日本、美國、韓國最出名果幾個品牌。因為市面上有一些研究發現，有BB cream含有大量雌激素，有令人致癌風險！
