【醫學美容】「納米分段式射頻」神級美肌功效及如何防止副作用教學

5月 12, 2018

同大家講解新一代「納米分段式射頻」美顏神奇回春功效同副作用之前,首先想講解一下,點解真材實料、認真學習、不走捷徑咁重要!


可能早前大家都睇過一個有關康城影展騎呢插曲新聞,有個強國巨胸大媽暗星,喺康城影展疑似故意跌倒,之後又非常鎮定咁對着鏡頭微笑,倒奶賣大包搶鏡!

當事人梗係覺得自己好聰明,而且得償所願啦,起碼全球報紙都有報道佢,但係,其實係其他觀眾心目中,你咁進取嘅行為,只會引來爆笑同恥笑……

要出位,總括來講有兩種方法:第一種,就係完全豁出去用騎呢招引人注意 ;第二種,就係真真正正努力做好自己,發揮光芒同作用,創造價值。兩種都會有效,但只有後者先能夠長期穩陣,獲得最終勝利。

其實醫學美容、護膚、變靚方面都一樣,唔可以走捷徑,一定要真功夫學習!

好似某啲博出位嘅網絡紅人咁,整容整到出曬面,P圖P到變形,變成蛇精男蛇精女,衣着暴露,甚至喺直播中故意扮走光露點或甚至做出不雅表演!

其他比較正路嘅網絡紅人,就係將自己嘅樣貌同氣場,成為貴氣女神、優質男子,通過健康、知識嘅學習、傳遞,而得以改善同提升自己。

醫學美容,係有效!但亂咁做亂咁試絕對唔係最好方法,醫學美容係一定要經過學習、比較、先至能夠幫你發揮到最佳嘅美顏、瘦身、逆齡效果。

點解咁想同大家講分段式射頻 ?係因為分段式射頻(又稱為納米分段式射頻、點陣射頻)其實係市面上其中一個最有效,但係亦都最有最少人講同最少人認識嘅醫學美容療程。

好多人聽過分段式激光,但係好少人聽過分段式射頻。

今日就特別想同靚仔靚女一齊講解學習,呢一種美容科技!

 
( VENUS VIVA係世界上比較出名嘅分段射頻儀器,無論係香港、澳洲、新加坡都有好多人使用。圖片來源:新加坡Dr D Aesthetic)


納米分段式射頻、點陣式射頻是什麼?

納米分段式射頻,就係利用如點陣圖嘅射頻頭,用無針或有針,將視頻熱力打入基底。從而導致膠原蛋白再生,皮膚緊致,改善皺紋,收緊鬆弛,整體拉提亮白效果。

對於傳統單極射頻RF改善皮膚嘅好處,相信大家都清楚。

殿堂經典級數嘅緊膚Thermage電波拉皮,就係射頻嘅原理。

射頻嘅原理,就係利用無線電波,嘉傑深層組織,將組織家庭到60度70度左右,刺激膠原蛋白增長,達到緊致、消減皺紋效果。

今時介紹俾大家嘅分段式射頻,對於改善暗瘡造成嘅凹凸洞,有特別好嘅功效。甚至,比做激光更好。

點解我一直會大大推薦分段式射頻,反而對於激光緊膚,唔係太推薦呢?

因為,分段式射頻對於緊致皮膚、收緊嘅程度,射頻遠遠超過激光!

激光大部份嘅能量,係皮膚表面、淺層,已經完全釋放完,但係, 射頻嘅能量,可以達到真皮層與及皮下組織。(無論係傳統射頻,定係新一代分段式射頻,都超越激光)

而且,射頻本身由於唔係光能量,並唔會影響到皮膚嘅色素。

我之前成日都同大家推薦韓國光療Omega Light Treatment,就係因為佢嘅價錢比激光平一大截,但係對於皮膚收緊嘅功效,與及美白程度,其實同激光不相伯仲!

但係兩者,都唔會夠射頻收緊皮膚咁明顯! 

所以,下次去美容中心有人同你推銷激光療程嘅時候,其實你可以順便問下,有冇分段式射頻。咁樣,可能仲平仲着數。


傳統射頻與及新一代納米分段式射頻

咁樣,新一代嘅納米分段式射頻,同埋傳統嘅舊式射頻,又有乜嘢分別呢?

分段式射頻,其實就係利用分段式激光嘅概念,用到射頻。

個治療嘅探頭,會利用微小嘅電極,建立一排一排,極之微小嘅微創傷口。

同傳統射頻唔同,因為佢做到深層加熱皮膚而不傷害表層,係整個治療部位,部份有RF能量經過,另外一部份,就冇電流經過,冇RF通過嘅部份對於有電流通過嘅部份,有保護嘅功能。

呢一點,係傳統射頻做唔到。

分段式射頻治療嘅效果,就係新嘅膠原蛋白生長,密度亦都增加,整體皮膚質素上升。

之前有朋友問我,究竟你一類嘅療程要做幾多次先有用。因為佢做咗一次,發覺改善凹凸洞嘅效果唔大。其實, 射頻呢一類改變肌底膠原蛋白組織嘅療程,最少都要做幾次先有效。尤其是如果佢係多極射頻,而唔係單極大能量例如Thermage,6-10次嘅治療次數係合理。


納米分段式射頻副作用

整體來講,納米分段式射頻,係安全嘅療程。之前有醫學研究顯示,無論係傳統嘅單極射頻,定係納米分段射頻,副作用都係非常之短暫,整體係屬於安全。

納米分段式射頻,對於某部份人士,有輕微短暫副作用,包括輕微紅腫及微刺痛。

但係納米分段式射頻,由於不會刺穿表皮,並唔屬於醫療器材,唔需要咁貴搵醫生,去合資格嘅正當美容院都可以做。








0 意見

Counter

Flickr Images