【醫美】「愛的逼降」好窩心！孫藝珍、玄彬都在用什麼護膚品？

2月 21, 2020 注氧療程, 愛的逼降,

超人氣韓劇「愛的迫降」終於迎接大結局，大家係咪好唔捨得呢？一個好似玄彬咁又靚仔、又貼心，又打得，又睇得嘅男人，點樣先搵得到呢？

之前玄彬同孫藝珍拍攝「愛的迫降」之後，就去咗瑞士取景。即刻問吓腦細，下次去瑞士護膚品廠攞貨嘅時候，可唔可以帶埋我，我都想好似佢哋咁創造一生難忘嘅浪漫時刻，Oppa I’m ready！

點知腦細仲寸嘴，佢竟然話，俾你去瑞士都冇用，因為你都冇好命桃花樣！

吓？咩叫好命桃花樣？

「你睇人哋孫藝珍幾靚女，皮膚幾白，一條法令紋都冇，差唔多成40歲，仲fit過後生女，拼埋落男神玄彬隔離，一啲老態都冇，相當合襯喎！你搵唔到玄彬㗎喇，圓形嘅菲律賓，就可能得嘅。」

呢排work from home，老細都唔係日日返Office，一返到黎就兜口兜面串到我咁樣，真係欲哭無淚！

「醒未啊？發完夢就開始做嘢啦，之前叫你做嗰啲做咗未啊？」

真係好慘，面對現實啦。

傳奇窩心戀愛，由搞掂自己外表開始

其實我自己有啲朋友，真係好好命，尤其桃花運。由中學年代開始，就有好多高質素高顏值出身好嘅男仔，體育男神、音樂男神、學霸、富家公子圍住佢轉。啲朋友大部份都嫁得好好，唔係住九龍塘畢架山、就係半山梅道。出入Sevva、MO BAR、遊艇會。

嫁得好，有工人、司機、PA代勞。

其他keep唔到嘅同學，咪要自己去惠康搶廁紙、瞓街買口罩囉。

嫁得超級好，有『有米』老公痛錫寵愛，成功晉身名媛圈嘅女仔，佢哋都有2個共通點。第一，性格真係好善解人意同好細心，大部份男性都會同佢相處得好舒服。第二，就係外表真係keep得到。

喺「愛的逼降」入邊，孫藝珍嘅外表真係其中一個亮點。以佢嘅年紀來講，已經係屬於姐姐級，但係佢嘅美麗指數可以話超晒班。就算去到北韓，都遮掩唔到佢嘅美貌。孫藝珍比起佢嘅早期作品，佢而家嘅外表可以話更加出眾，高貴氣質更突出。

韓國女神男神美肌攻略

一路睇劇嘅時候，除咗睇兩位主角不停放閃之外，其中一個亮點，就係見到佢啲皮膚真係好白好滑！

究竟佢哋平時係用乜嘢牌子護理皮膚嘅呢？通常佢哋明星都會有贊助，咁就不如睇吓佢哋係用緊邊幾間公司嘅產品？

Skin Inc

其實孫藝珍係Skin Inc呢間公司嘅正式代言人，曾經推介過佢哋嘅玫瑰面膜系列。Skin Inc，除咗出產護膚品之外，亦都有家用嘅光子儀器。

（孫藝珍代言Skin Inc產品，曾經來到香港K-11！）

Marier

孫藝珍亦都獲得Marier呢間公司嘅贊助，係之前嘅廣告新聞稿裏面，佢曾經分享過以下心得：

「marier時光肌細胞再生安瓶的功效真是令我難以置信，功效測試實證marier時光肌細胞再生安瓶是晚霜與營養霜的12至13倍，我每星期使用6次，在潔面後配合按摩法將產品均勻塗抹面上，連續使用6星期，已經覺得肌膚光滑、有彈性，回到更年輕時的狀態。」

Vanav家用美容儀器

Vanav就係韓國一部五合一嘅家用美容儀，主要功能，係電離子美容。Vanav有贊助孫藝珍產品，令到佢響忙碌嘅拍攝過程中，皮膚都仍然維持一種年輕、柔軟嘅狀態。Vanav暫時喺香港應該未有官方購買渠道，但係可以經過代購去韓國買。

Mediheal 面膜

如果熟悉韓國醫學美容市場嘅靚仔靚女都會知道，其實玄彬已經代言咗Mediheal好多年。由啱啱出嘅時候，仍然係藍色銀色袋仔嘅年代，到而家都代言佢嘅進化版碳酸面膜，一直以來都係有男神玄彬做Mediheal顏值擔當。

最好嘅加強桃花運方法，就係改善自己！

「如果嗰個唔係美魔女姐姐孫藝珍，而係幾百磅嘅池美麗，相信第一集飛咗落山，玄彬係唔會去救。成個故事，亦都會喺第一集已經提早完結。」

腦細咁講，真係mean爆，不過亦都係事實！兩個人之後發生嘅所有事情，所有溫馨、動人嘅時刻，都係因為雙方帶來嘅好感而發生。如果你係一個樣衰衰、格局麻甩嘅肥婆，唔小心飛過界，分分鐘響北韓邊界，已經俾人槍斃咗！

其實好多韓仔韓妹，對於外表嘅要求真係好高，對於佢哋來講，除咗化妝、護膚之外，做醫學美容機，亦都係一個非常常見嘅途徑。

好運、桃花運、男神，真係要自己把握。就算成個玄彬係你面前，但係如果你心態鬆散、身材鬆弛、樣貌缺乏打理無精打采，你嘅桃花故事，亦都會喺第一集提早結束。緣份提早同你「안녕히 가세요 」（再見！）可以返返去惠康，同其他大媽一齊搶廁紙啦。

唔想搞到自己咁，就唔該學吓最新嘅科技，了解下市場發生緊乜事！從韓國頂尖專家方面學習。

想立即見效，擁有韓妹桃花好運美白肌，要留意！

有一部新韓國醫學美容機，值得同大家講下，做一次，美白等如2星期日日敷面膜！就係來自韓國嘅『氧生注氧treatment』。中環高端醫美SWISS REJU已經入手，幫各位靚靚越變越美，化身夢幻主角！！

『氧生注氧treatment』有乜咁犀利？做一次，已經即刻見到韓劇白滑嘅效果，而且一啲比較疲倦、中年會出現嘅皮膚問題，例如經常性嘅面乾、缺水、皺紋等等，注氧氧生呢部機真係一做即滑。