【醫學美容】價值$10,000美金的凍齡飲食指導及保養教學:美國瑞士日本最新凍 齡減重飲食研究

5月 22, 2017

現在生物和醫學美容科技進步,凍齡已經不是「夢想」,而是「目標」。美國、法國、瑞士、日本的醫學美容診所、體重管理中心,都有一些通過食物餐單設計,從細胞層面打造年輕的凍齡、甚至逆轉身體年齡的療程。輕鬆減去10公斤,令皮膚年齡減輕10幾年,重現光彩,由遙不可及的夢想,變成有錢就可以參與的treatment。

瑞士蘇黎世、美國紐約市等等的高收入高消費地方,都有一些收費極貴的醫學美容中心Day Spa,他們有駐場的營養師、醫生、治療師去提供一條龍的體重管理、凍齡飲食服務,通過nutritional science,去提供健康指導、營養學、甚至健康餐飲服務。有些酒店甚至會提供為期一周的nutrition detox retreat,去改善客人的身心狀態。

通常這些凍齡飲食指導療程每日收費幾百到幾千美元不等。基本上的客戶都是名媛、富二代。有專業「醫生」、「營養師」、「私人教練」幫手,當然可以幫你迅速達到凍齡效果。通常這些高價錢的凍齡、減重療程,亦應用了頂尖的科學、醫學研究理論,令到參加者可以極速逆轉身體年齡,重回年輕。

這些凍齡療程通常會包含body check、RF或Botox注射(外國好多day spa鍾意RF唔太用HIFU),另外加上一對一的營養指導。尤其會指導客人正確的凍齡飲食,真正能夠持久瘦身,從細胞改善身體年齡的方法。

對於一般市民,動輒幾萬到幾十萬港幣的凍齡飲食療程,真係好貴!但有好嘢我一定會同大家分享!

今日我就會披露,有關凍齡醫學美容同營養學最新研究,我會去揭露呢一啲凍齡療程嘅內容,同教你點樣自己屋企做都可以去獲得價錢一萬美元以上凍齡療程相應嘅效果!

只要你有恆心做,一個月,你就會見到有如參加貴價凍齡飲食療程一樣驚人效果!



(1974年出生的林志穎,已經40幾歲!理論上已經係中佬人瑞一枚,好多同年紀嘅男人已經退化為一團肥肉,肥腫難分,通常都有皮膚問題好似皺紋、面黃色班,但佢仍然面尖眼大白白淨,望落相當年輕,係成功凍齡人板!)



(40幾歳大叔嘟嘟嘴賣萌,普通人一定俾人啋啋聲咁鬧!但係如果你係林志穎質素嘅凍齡美魔男,嘟嘟嘴一啲都唔會難頂!仲好ok喎😍)


我的凍齡逆生長實際測試,你都可以!

好多人都會以為要凍齡,就係買多啲護膚品,去做醫學美容療程。以為咁樣,就可以達到凍齡效果。

市場上的凍齡針、凍齡精華、凍齡mask好多!

但講到真正有效,有醫學根據,科研支持的凍齡,不是靠凍齡針,而是靠「細胞更新」!

凍齡,就係靠大量抗氧化物,減緩細胞衰老!你最快方法,就是進食大量抗氧化物!

我之前同大家介紹過白藜蘆醇同Q10,其實除咗呢兩種補充品之外,醫生建議,如果你想凍齡日常食物,都要徹底改變!凍齡飲食,就是盡量吸收極大量嘅抗氧化精華,利用食物改善體質,就好似進食嘅凍齡保濕針、凍齡美白針、凍齡抗老針!

凍齡飲食療程的醫生會建議,只集中吸收「蛋白質」、「蔬菜」、「水果」、「抗氧化飲品綠茶」,將蛋白質、蔬菜比例增加,糖分大量減少。顛覆傳統飲食比例觀念,屬於高蛋白high protein、高纖維high fiber、低糖飲食low carbs diet

自從改變了一些飲食習慣,跟從外國營養師、醫生建議,嚴選「凍齡飲食之後,近期我發現有一點「逆生長」的跡象,令我自己都好驚訝!

首先,體重減輕了,皮膚變白了,而且,還帶有17歲時候的白裏透紅感!整體情緒輕盈正面,感覺就像回到17歲那些年!


凍齡飲食的原理

你唔知知唔知道點解你會老?知唔知點解你面部、胸部、pat pat會隨着年齡下垂?最主要原因,就係因為細胞氧化!

人體細胞氧化,細胞就會凋零,曾經有嘅豐滿、就會變成下陷、無彈性。

醫學界提倡嘅凍齡方法,就係利用「食物的抗氧化物」去改變你體質,回到身體年輕時的細胞狀態!呢個就係好多價錢動輒一萬美元以上嘅醫學美容療程,嘗試改變人體老化機能,重回年輕嘅重要秘密。

凍齡,就要從細胞開始抗衰老!唔係靠化妝或搽護膚品!

好多人有一種錯誤觀念。以為要保養,去做一些botox、Thermage、HIFU等醫學美容療程就可以搞掂。他們以為,醫學美容立即見到效果,平時就不需要那麼勤力。平時就可以隨意食煙飲酒、飲食不定時、捱夜、食油炸食物。

如果平時唔保養,只靠一年一次的醫學美容(打Botox、Juvederm、HIFU、Fraxel),其實幫助不大!韓國嘅醫學美容面膜、韓國神仙水等等,最主要都係幫助表皮層保持水潤,或者某一啲生物科技嘅皮膚生長酵素。佢哋應該同凍齡食物一齊使用,而唔代表可以完全取代凍齡食物嘅作用。

打Botox、Dysport可以改善皺紋、鬆弛問題,如果你本身唔係太肥,佢都會有V面嘅作用。

但真正皮膚年輕指標,包括你面色、健康程度,就要靠食物吸收「抗氧化物質」anti-oxidants。

真正凍齡,是指肌膚均勻、有光彩、有彈性,你留意一下街上面嘅學生,或者睇返你細個嘅相,面部唔會好尖,但係一定有年輕嘅透明感、厚度。年輕嘅皮膚,係乾淨、白滑、有彈性、沒有發炎。而不是一味的硬膠V面。

你要凍齡抗衰老,就要從食物攝取當中改變自己體質!無論係肌膚年齡、身體機能、脂肪比例,都達到年輕嘅黃金標準!


膠原蛋白:凍齡飲食一定要知

如果你要凍齡,就一定要從日常食物吸收大量「蛋白質」!

好多人唔知道,越多人嘅面部越來越下垂,係因為膠原蛋白嘅流失。如果你唔大幅度補充蛋白質amino acid,提升膠原吸收,隨着年齡,你就會出現皺紋、乾紋、下垂現象。

你知唔知道:

20歳時,你的人體有75%膠原蛋白;
30歲時,只剩下55%膠原蛋白!

所以,如果你要抗衰老,就一定要從食物大幅吸收蛋白質,從而轉化成膠原蛋白。如果唔係,無論你做乜嘢護膚,都係付出大收穫少,即使去做一啲刺激膠原自身嘅療程HIFU、RF、Thermage,都見唔到療程原本應該有嘅效果。

好多人以為,要保持年輕凍齡,就係食某一兩樣補充劑或食物(市面上都有好多網站標榜識某些營養補充劑就可以保持年輕)。其實唔係食某一兩種食物,而係一兩個食物種類(macro nutrient category)。蛋白質,就係屬於其中一類macro nutrient。

補充膠原凍齡方面,你要儘量加強吸收食物裏面蛋白質。相比起收到營養師、醫學美容醫生指導嘅參加者,一般香港人嘅飲食,碳水化合物太多,蛋白質就唔夠!如果你要成功凍齡,就要大幅補充食物裏面蛋白質成分。最常見最快速嘅蛋白質補充方法,包括雞蛋、豆腐、魚肉,就最有幫助。當然如果你講究一啲,好似我自己咁,就會除咗日常飲食注意之外,亦都會用一啲蛋白質補充劑whey protein(個人推介Isowhey)。Whey protein除咗令到你嘅膠原蛋白原材料增加之外,更重要就係可以減定低你嘅胃口,有減肥、改善身體年輕程度作用。

同時,要令到身體更新,就要定期做運動,激活新陳代謝同埋年輕荷爾蒙。

因為,你嘅基礎代謝率(即係決定你會否積聚脂肪嘅新陳代謝速度),會隨年齡下降!

18到25歳,基礎代謝率最高;
25歲到50歲,基礎代謝率每十年下降5-10%!
50歲開始,基礎代謝率比年輕時降低多達30%!

亦都係因為呢個原因,點解你一過咗20幾歲,只要食少少野,就會即刻肥!腰部又粗, pat pat又大,面容易有雙下巴!

所以,經常性激活自己荷爾蒙,做運動,就可以改善基礎代謝率。

要真正凍齡,要注意「蛋白質」、「膠原蛋白」吸收!一般市面上出售嘅膠原蛋白補充劑,好似魚膠粉一樣,老實講都幾難入口!我自己都買過,其實直接飲Whey Protein仲好。


凍齡綠茶、生食水果:超級抗氧化物

近期有我又再開始飲綠茶。因為綠茶(現泡那一種,不包括便利店買的樽裝綠茶)含有極大量的抗氧化成分。這種食品及深入體內之後,會直達你的身體細胞,減低衰老。

你要記住,便利店的綠茶,凍齡抗氧化成分在製作過程之中已經消失得七七八八。如果你真的要飲綠茶凍齡,就要買那些茶包,現場沖,才有凍齡效果。

另外水果本身如果原個進食,不榨汁,會含有好多纖維成分,新鮮水果本身亦含有大量抗氧化物質,係食物之中嘅美白凍齡針,對於凍齡有幫助


(美國著名凍齡素食youtuber Annette Larkins,推廣vegan飲食好處。佢望落似40,其實佢已經70幾歲!凍齡食物有幾勁,真係唔好講笑)


(Mimi Kirk係另一位凍齡youtuber,佢亦推薦vegan raw food diet。Mimi相信
凍齡飲食巨大好處,佢好似50,其實就嚟80歳啦!

如果你想凍齡,就一定要減少碳水化合物與及糖分吸收

精製糖分(refined sugar)對於身體係非常之有害嘅物質!一般人食肉甚至肥肉,都唔會令人好肥。真正令你肥嘅,係食物裏面碳水化合物同埋糖分。佢哋會造成Glycation,即係你面部衰老嘅元兇。所以如果你想凍齡,就一定要減少日常生活裏面嘅白飯、意粉、白麵包。反而多多吸收蔬菜及水果。用蔬菜去代替白飯。


正確解讀BMI與體脂肪率

如果講到凍齡,其中一個很重要嘅年輕指標,就係體重同埋脂肪比例。年輕嘅身體,脂肪比例少,望落去都係瘦削健康;中年嘅身體,通常脂肪比較多,又下垂。

想維持年輕代表,回到你25歲以前嘅狀態,就要注意自己嘅身體脂肪比例應該好似以下呢個黃金比例一樣:

男性 15-18%
女性 20-25%

好多人過分倚賴BMI,其實身體脂肪比例會係一個更加好嘅凍齡指標。


從心理層面年輕化

凍齡不應該只是身體。真正的凍齡,就是連心理的年齡、狀態、情緒,也修復!

日本順天堂大學醫學敎授「小林弘幸」,提出3行日記健康法。2星期,就有效。

醫生主要建議,與其將一啲負面情緒、不安感覺放入記憶裏面,不如寫出來,反而容易去面對,諗辦法解決。佢建議寫下:

今天最失敗的事

今天最感動的事

明天的目標

醫生發現,能夠用呢一個方法,去寫低自己需要改變嘅事情,同自己覺得滿足開心嘅事情,人都會變得年輕化!

你要凍齡,你要年輕,就要從生活小節做起,由食物開始,改善你細胞!


 

有興趣嘗試做全新韓國美國醫學美容儀器,各種V面、美肌、逆齡療程嘅朋友,可以直接以試用價到Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠


0 意見

Counter

Flickr Images