【醫學美容】Facial推介2019-2020及最新facial價錢統計

10月 11, 2017

好多人PM問,有冇一啲服務高質素,用料高級,抵用又唔會hard sell美容院facial推介。其實之前私訊已經推薦咗人氣高端網紅小店reju beauty同另外幾間。Facial同埋美容院,我自己就好少公開推薦。


最近又有好多人問多醫美機又單次收費嘅Reju Beauty好唔好?最近hit爆嘅「無針埋線」Liftera V好唔好(最新無針埋線Liftera V教學喺呢度:http://www.onecaratbeauty.com/2018/09/lifteraultra-v-lift.html?m=1

我好少推介facial嘅原因,係因為facial呢一樣野本身好個人,有啲人鍾意做一啲簡單嘅針清保濕,就覺得好足夠;有啲人認為做facial係享受,一定要有熱石、面部通淋巴等等療程,先至屬於高質素;亦都有啲人希望見到即時嘅效果,鍾意做激光、彩光、甚至更高端嘅高能量熱力射頻、HIFU等等屬於醫學美容範疇嘅療程。對於某啲人嚟講,一啲醫學美容療程即使係非常有效,能夠短時間之內達到緊致美白效果,但係都會因為怕痛、怕打針而放棄。

另外一個原因我好少推介Facial,係因為雖然我唔係美容師,我都算係業界其他相關人士,你哋作為街客,你所得到嘅服務水準,同埋價錢收費,好明顯係會係「行貨」同埋「零售價」,價錢一定比我做貴好多,而你會俾人瘋狂hard sell嘅機會亦都大好多。

識人就有著數!直接啲講,作為熟悉了解行業運作嘅行內人,我絕對唔需要俾retail facial零售價,由於我哋好清楚每件產品、服務、供應商折扣與及各個美容中心口碑嘅情況,服務亦都肯定係最好!

Facial街客,同業界人士完全唔同。始終做咗咁多年,好多美容中心嘅生意拍檔、供應商、醫學美容中心嘅醫生、藥廠中介等等我已經一早認識。就算唔識個老闆,都識一啲認識佢嘅人,大概知道係咪有料,佢真係有心想做美容行業,定係只係想經營一個劈場純搵錢。

我呢一種美容業界人士,有同行互相介紹,大家多年友誼打底,Facial價錢都只係象徵式收費嘅情況,用好少嘅價錢就可以獲得一啲街客都未攞到嘅新產品同埋美容儀器、係好唔同。有時我自己去做,一定會得到好高水準嘅服務,可以用到嘅產品亦都係最高質素,而且肯定係真貨!(因為呃我唔到,我一睇就知係唔係真貨,甚至,邊一個地區嘅貨品! )

但係,如果你作為一個第一次摸上門嘅新客,我就好難保證你得到嘅服務水準同我一樣!所以就算我推介facial俾你,由於我哋身份唔同,人哋唔知你係邊位,就只會當你係水魚咁樣,瘋狂hard sell!所以,今日我就會教大家,點樣可以搵到一啲高質素,價錢合理嘅地方做facial。

 
(人氮醫學美容Reju Beauty廣告,市面上不少醫美診所、美容中心提供HIFU、韓式膠原童顏,究竟點樣揀先最抵?)


Facial價錢統計:究竟你個Facial值唔值?

我今日就同大家講下,每一個facial嘅價錢應該係點樣,亦都同大家講解一下,每種服務大概嘅收費應該係幾多錢。


普通美容院人手Facial價錢 (使用雜牌、大陸平價產品)

一般屋苑、屋村、新界區樓上鋪,都會有一啲小規模嘅美容中心,裝修普通,Facial價錢超平,勝在親切,多數由新移民女性經營或打工。通常包括一啲簡單嘅蒸面、修眉、按摩、「精華」等等……基本上師傅嘅技術都係好參差,有啲臥虎藏龍真係識得深層清潔、面部按摩,但亦有一啲內地來港美容師根本唔知自己做乜!加上使用嘅材料,好多時都係一啲來歷不明嘅cheap貨大陸貨,如果有良心,佢會俾你用彩豐行,如果冇良心,就會響大陸地下市場入貨,基本上做完唔敏感都偷笑!

呢啲廉價地方嘅美容機,都係一啲大陸嘅產品,由射頻、到導入機、到啲精華本身,好多時都係假貨劣貨!有時有一啲專門做美容中心生意嘅經紀同我地傾計,推廣呢一類型嘅產品,我睇一睇個本價目表,都嚇一跳!因為,價錢真係平到覺得可怕!舉一個例,保濕精華, $520,有10樽!每一樽,係洗頭水嘅size。當然,都係一啲內地製造嘅產品。

但唔好講笑,呢一類型嘅低收費低水準美容院,嗰個老闆先至搵最多錢!因為好多市民,根本都唔識得分,究竟個facial水準係點樣,以佢咁低水準嘅入貨價錢,即使個Facial只係收費$200個margin都非常之高。加上個地點通常都係三四線嘅地方,租金便宜,都係萬零蚊左右,個個月呃埋呃埋都唔少!而且,好多去光顧呢類型美容中心嘅客戶,其實本身自己收入都唔夠,根本都未試過使用一啲靚嘅產品,亦都未見過一啲真正正廠正貨、一次就見效嘅美容機器。就唔識分乜嘢facial係好,或者唔好。而且自己收入有限,根本就冇得揀。

呢個就好似劏房尺租,貴過豪宅一樣嘅道理!

如果你平時光顧呢一類型Facial價錢超平地方,我就會直頭勸你,自己買一啲高品質嘅貨品自己做好過!因為,佢唔會蝕錢俾你,如果你個facial價錢只係$200以內,扣除一啲行業必須要嘅固定成本例如租金同埋人工之後,真正用喺你面上嘅料,只係值「幾蚊人民幣」。

我自己都識有啲經營呢一類低水準美容中心嘅行家,係可以通過經營呢啲超低收費亦都低水準美容中心,可以收入足夠炒幾層樓!

普通美容院人手Facial價錢 (使用雜牌、大陸平價產品,無美容儀器)

用料來源:彩豐行、淘寶、廉價中介、甚至地下批發市場
Facial價錢: $200到$400
推薦度:1/5



劏場一人工作室facial價錢(人手,少量儀器)

喺尖沙咀、銅鑼灣、都會有一啲劏場例如SOLO、The Studio,永遠有藝高人膽大嘅facial美容師,會去嘗試喺呢啲地方創業。呢啲通常本身環境好一般,冇來去水位,又嘈,而且同一個場之內,競爭好大。通常呢一類型嘅細單位,只能夠放一兩張床,即使Facial爆滿,整體收入都好有限。而且,如果你計返每一尺嘅租金,相比起比較正規嘅樓上鋪,價錢貴好多!呢一類型嘅劏房facial工作室,只能夠提供一啲簡單嘅人手Facial,或者好輕盈嘅機器例如導入,或者手提bio、冰川機等等。通常會有少少附加服務例如眼睫毛、美甲等等……使用嘅材料,好多時都只係普通貨,環境一般,而且假貨中招機會高。


一人工作室facial,人手加少量機器

用料來源:平價品牌零售,或三四線願意少量供應的不知名代理商
Facial價錢: $200到$600
推薦度:2/5到3/5(偶爾有高水準,要自行篩選)


旺區樓上鋪facial價錢(人手、儀器、醫學美容例如HIFU、Thermage、激光等等)

例如白沙道、蘭桂坊、金馬倫道、金巴利道、加連威老道一帶,會有好多中型規模嘅美容facial,有介乎3至20間美容房,而且儀器比一般嘅工作室多,有Co2激光、彩光、HIFU高能量聚焦、新一代電波拉皮、韓式紅外線。服務業比較多元化,除咗美容之外,有脫毛、甚至打針等等。現時較出名,使用儀器比較高端,整體質素亦比較有保證的有Reju Beauty、Oracle Skinland就係例子。

通常呢一類喺市區正中心,較高檔次嘅鋪頭,利潤其實唔高!而且好容易蝕錢!好多對美容行業有心人士,就因為個人興趣去創業,反而蝕大錢離場!

價錢貴,但反而不利經營者,最有利消費者! ?無錯。

原因好簡單,因為佢哋用用家嘅角度出發,使用嘅美容儀器都係真貨,多數係喺韓國、美國、以色列入口,一部HIFU機,就已經好容易地超過10幾萬!仲未計本身係有耗損,即係每次使用亦都要購買探頭。如果有幾部機,有RF、IPL、aqua peel、激光,已經講緊一百幾十萬!如果潮流一轉,就好容易血本無歸。而且,地理位置方面,越接近旺角、銅鑼灣、金鐘,租金有增無減,每個月幾萬都走唔甩。加上最低工資,有幾個美容師,幾個美容學徒,每個月支出, 200,000係最基本消費。一年,美容院東主就要燒$3,000,000 !

如果生意唔夠好,要去Groupon hokobuy Yahoo做團購、上HKTVmall搵新客,仲要同團購網拆數。未見官先打三十大板!

作為消費者,係呢啲地方消費,做facial嘅價錢可能比較高。但係性價CP值,其實亦係高!

喺呢啲地方做Facial ,如果使用一啲比較好嘅產品例如Exuviance、Elemis、Dermalogica,即使從原材料方面入貨,價錢比較貴,一般唔去做機,都要$500到$800。(由於來貨開支大,就算呢個價錢,唔好以為你係乜嘢豪客,美容院其實冇乜錢搵)如果搞一啲比較高端服務,例如激光去斑、電波拉皮等等,每次$800到$1500。

呢啲高價錢做facial地方嘅好處,就係好多時候醫學美容機器都係真,真正有效果,而且使用嘅產品都屬於外國入口,得到世界級認可嘅品牌,產品來自藥廠、皮膚管理中心、原廠代理,對消費者都有一啲保障。通常呢一啲地方,亦都有辦法從美容展覽、業界嘅推銷渠道,搵到一啲有效而且技術新穎嘅產品。例如韓國皮膚管理中心同埋醫美診所出產嘅精華、細胞再生液、營養精華。

由於機器係真機,效果比較顯著,而且使用材料價錢來貨價唔平,價錢都唔會太平。唯有通過比較,同埋自己嘅觀察經驗,搵一啲有信譽而唔算太過hard sell 嘅地方。呢啲地方雖然都會有套票,但係大部份都歡迎一次過嘅單次購買。

旺區樓上鋪facial 價錢

用料來源:大型藥廠、韓國皮膚管理中心、醫學美容中心、知名護膚品牌。產品通常獲得美國FDA、韓國KFDA、日本厚生省通過。

清潔保濕Facial :$500
碳粉Facial :$600
韓式皮膚管理: $600 - $1000
韓式Aqua Peel facial:$380 Peel,  $680 peel and serum 
Hydrafacial:$800 - $1200 
高能量單極、雙極射頻facial: $1000
電波拉皮facial: $1000 
HIFU:$2000到$10000不等
Omega Light光療:$300至$600
激光去斑facial: $1000至$2000不等
維他命C加維他命E抗氧化療程: $800
換膚:$1000

推薦度: 3/5到4/5

呢一種嘅地方,如果有好嘅材料同埋儀器,我個人就幾推薦。我自己知道有幾個地方都算唔錯,例如Reju Beauty。


世界名牌護膚品自家專門店facial價錢

一啲世界知名嘅品牌,例如Valmont、Chanel、雪花秀等等,都有佢自己嘅美容中心。做facial就一定係用返佢哋品牌嘅產品,成個系列俾你使用,呢啲地方嘅價錢,以佢哋嘅地點、服務、產品質素來講,其實唔算太貴,物有所值。

一般一個60 minutes療程,約$1000左右。好多時呢啲品牌嘅美容中心,只係副業,正業,就係零售產品,所以佢哋嘅目標,唔係要喺個treatment客人上面瘋狂搵錢而係銷售產品,增加長遠收入。某啲情況之下,消費額可以儲分,一部份可以兌換產品。

名牌專門店Facial
Signature treatment:約$1000
推薦度:3/5


大型香港上市、即將上市醫學美容集團Facial價錢

一啲大型嘅醫學美容集團,簡單來講,除非你好有錢,一定要鍾意又靚又好嘅環境,又唔介意比多啲錢,免得過就唔好參加,因為,佢哋嘅銷售手法真係太犀利,一般療程嘅價錢,都係要一萬蚊以上起跳。而且一定要join course。

如果你仲諗住喺嗰啲地方做facial,就一定要有心理準備個價錢,比出邊貴好多。同一部機,如冷凍溶脂,會係出邊嘅兩三倍。

我同啲出邊嘅會計師、管理層傾計,就會知道佢哋嘅搵錢方法,絕對唔係好似你哋諗得咁簡單。佢哋第一,就係盡快搵到足夠嘅現金流,藉此希望上市食大茶飯,所以服務、產品方面真係求求期期就算,facial價錢貴都唔單止,仲要做得差。最緊要就係你肯碌卡!而且,佢哋係非常之難book 。好多時候佢哋嘅利潤,並唔係嗰啲Facial價錢本身,而係來自大額預售oversell,來自限期之前不能夠及時使用嘅預繳式消費!

作為業界一份子,我經常都有機會被呢啲大型集團邀請去免費體驗,試機,或者參與展覽講座(有啲大型集團同時經營儀器出售)。不過你叫我去10次,我都只會去一次應酬一下行家!

香港上市醫學美容集團Facial價錢:

單次人手Facial收費$1000 1次
Join Course價錢比較平: $500到$1000 通常要求join15到20次
醫學美容療程:一萬蚊以上

推薦度:1/5


Facial價錢結論

要搵一間價錢合理,用高水準日本韓國皮膚管理中心靚貨,使用正牌醫學美容原廠儀器,真係唔容易。

Facial價錢太過平,收費少過$200嘅唔好做,因為幾乎肯定唔會比高質素嘅精華、面霜、面膜使用。肯定只係使用中下質素嘅產品。

如果個美容集團本身係上市,就要諗過先。因為佢哋嘅Facial價錢非常之浮動,而且基本上會一定逼你join course。

如果有興趣試韓式高效單次facial,可以到以下信譽良好美容中心查詢:

Reju Beauty TST


 

有興趣嘗試做Liftera V無針埋線、全新韓國美國美顏機,各種V面、美肌、逆齡療程嘅朋友,可以直接以試用價到Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)














1 意見

  1. Hi,我做開個間FACIAL最近轉左手,SALES又CHUR,仲要轉左地址好遲先通知,而家同個朋友想轉間好既,好想你介紹有好既分享下! 感謝!

    回覆刪除

Counter

Flickr Images