【美容院黃店】揭露空姐牛肉飯Annie同藍絲KOL「大波man」石房有竟然都開美容院?如何分辨真假美容院黃店、藍店與偽黃店 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年2月19日 星期三

【美容院黃店】揭露空姐牛肉飯Annie同藍絲KOL「大波man」石房有竟然都開美容院?如何分辨真假美容院黃店、藍店與偽黃店



如果大家有follow開社會事件,就知道好多人搵緊「黃色經濟圈」嘅美容院。另一方面,亦都有啲深藍支持者,其實係美容院老闆!例如「空姐牛肉飯」嘅藍絲空姐Annie、深藍KOL「大波man」石房有,都有經營美容院或護膚品生意!




如果你係屬於藍絲,就當然要幫襯下空姐Annie或大波man啦!但如果你係黃絲,為己為人,就真係唔好去錯藍色經濟圈。

無論係黃絲定藍絲,都有美容嘅需要!搵返顏色相同嘅美容院好緊要,千祈唔好去錯顏色!

市面上大部份嘅醫學美容中心、美容院都唔會公開討論究竟自己係屬於「黃絲」定「藍絲」。 但其實有辦法幫大家分辨,唔需要去錯地方。

咁如果顏色相同,顧客同美容師或者老闆傾計上嚟都會比較啱嘴型。如果顏色相反各走極端,當然就會不歡而散!

如果唔想資助唔同顏色嘅鋪頭,就要留心呢個教學。


教學重點:

  • 黃色經濟圈美容院 VS 藍色經濟圈美容院
  • 極端藍店例子:現代美容
  • 藍絲KOL藍店:大波man / 空姐牛肉飯Annie都有美容生意?
  • 極端黃店例子:袁彌明生活百貨
  • 如何尋找美容黃店、藍店?
  • 小心偽黃美容院人血饅頭


黃色經濟圈美容院VS藍色經濟圈美容院


相比起一啲傳統嘅行業,美容行業都屬於個體戶經營者,20人以下中小企鋪頭嘅老闆,由於只係需要同顧客交代,好多中小型嘅美容院都唔怕直接表明自己藍色、黃色、或者中立嘅身份。

無論係傳統美容院、定係高端高科技醫學美容中心,佢嘅供應supply chain都比較簡單,要做到極藍、或者極黃都係可行。

要做到所謂嘅「黃色經濟圈」或者「藍色經濟圈」,其實都係可以嘅。

根據觀察,市面上批發B2B嘅公司,係偏向藍色;而一啲主要接觸顧客嘅美容中心,係黃色或者偽黃。始終而家市面上年輕一代消費者,都係比較流行黃色。


藍色經濟圈美容院代表


極端藍店例子:現代美容Modern Beauty 


現代美容Modern Beauty絕對係藍色經濟圈產物!仲係深藍嗰種。

如果啲人覺得TVB、吉野家、美心係藍色經濟圈,呢間就真係絕對比吉野家更加藍。

現代美容主席曾裕,經常出席建制派活動,又幫葛珮帆拍片,分享自己嘅奮鬥經歷,甚至同建制議員有相當良好關係。深藍絕對當之無愧。

現代美容前排就俾人發現,佢所攪嘅慈善組織,竟然係由中聯辦背景人士支持!

現代美容對於建制派嘅支持真係可謂不遺餘力,響幾年前整改要通過嘅時候,就自動發起一大堆職員幫手,出席撐政府集會,聲援建制派,希望說服市民一齊袋住先。不過之後政改失敗咗啦。



(現代美容美女主席曾裕,同民建聯女神葛珮帆一同分享成功及慈善活動心得)

仲有,美女主席曾裕本身參與嘅活動,就係前特首梁振英太太唐青儀女士揸旗嘅活動。

哦!原來去美容,利潤會再分配成為建制派基金,會變相資助親中團體、建制派活動,「現代美容」真係超級藍絲美容院!

現代美容嘅代言人,當然就係搵建制派紅色傳媒,佢嘅代言人係陳凱琳!TVB經理人合約藝人。無論係鋪頭、傳媒、立法會議員,一條龍,全部都係建制!

如果你鍾意參加各種愛國活動、藍絲撐警活動、中聯辦活動,甚至直情身體力行,用自己金錢去支持,現代美容就會啱晒你。


藍絲KOL藍店:大波man / 空姐牛肉飯Annie都有美容生意?


非常出位有相當高調嘅藍絲「大波man」石房有,原來都有經營美容生意。

可能唔講大家都唔會知呢件事,佢其實係元朗有間美容院!

之前有人報料俾小編,話佢響元朗有間美容院!作為多年行業人士,其實小編一早已經知道,連佢間鋪頭響邊度都知!甚至以前響旺角開美容院嘅事蹟都知道。

一個正當美容資訊平台,唔會想批鬥任何人,亦都唔鼓勵網上欺凌。所以唔會公開間美容院個名,只會講件事本身。

講出嚟嘅原因,其實就係想話比大家知,知名「藍絲」嘅商店,比你哋想像中近。可能你都幫襯過!

如果你自己真係有好強烈嘅「黃」、「藍」認同感,就要自行詢問鋪頭。未必個個老闆都會對每一個客人完全坦誠自己嘅政治取向,但係跟開老細嘅美容師會知道,從對美容師嘅對話當中,就已經大概知道商店嘅取態。

一間售賣韓國代理護膚品嘅鋪頭,就係網上討論度十足嘅空姐牛肉飯Annie所創辦。佢嘅鋪頭主要都係網購為主,實體店係一間貨倉,位於火炭。

平心而論,其實Annie佢外表係相當唔錯,眼大大,面尖尖,佢之前做空姐,唔令人出奇。



(空姐牛肉飯Annie 代理美容生意,其實不談政治,佢外表不錯,Keep得好好。網上圖片)

Annie除咗經營牛肉飯生意,亦都有做韓國美容院產品嘅代理,曾經試過幫唔同嘅牌子係香港做推廣,甚至俾唔同嘅明星用。

同樣道理,講出嚟唔係為咗網上欺凌或者公開批鬥,反而要係同大家講清楚,呢啲所謂嘅知名藍絲KOL,其實同大家嘅生活相當近,可能你已經做咗佢客人都唔知。亦都同一啲比較藍嘅朋友講下,如果你覺得有需要,係可以去支持一下,你心目中嘅blue C女神。

(題外話,靚女真係有着數,之前Annie俾人網上批鬥嘅時候,就有藍絲男粉為咗支持佢,大量訂購牛肉飯飯盒,一餐,訂左80盒😱)



(Annie雖然被黃絲批鬥,但喺某啲藍絲心目中,係完美正義女神。網上圖片)

以上兩位嘅例子,足以說明大家可能不自覺地已經connect 咗藍絲都唔定!你去做美容嘅消費已經用咗嚟資助深藍KOL事業發展。如果你係黃絲就要自己注意。

當然如果你係屬於藍色嗰邊,就自己搵佢哋啦支持一下啦。

無論黃藍,最好多問問題,先決定係咪加入購買美容院療程服務。


極端黃店例子:袁彌明生活百貨

有深藍色美容院,就自然有黃色經濟圈美容顧問服務。

袁彌明所創辦嘅生活百貨就絕對係其中一個黃色經濟圈美容嘅例子。好多人經常詢問,黃色經濟圈嘅護膚品店、美容院喺邊度?

其實好簡單,袁彌明生活百貨咪係。

佢之前不停發聲去參加唔同嘅社會運動,有自己落街參與反送中,咁都仲唔黃?佢絕對比其他嘅水貨店、美容中心老闆更加積極發聲。



(袁彌明,明報圖片)

雖然袁彌明生活百貨護膚品價錢偏貴,但係如果你係深黃色人士,都係可以考慮吓嘅。

如果你自己係屬於深藍色人士,或者撐警人士,就要考慮自己係咪適合去美容黃店。

我之前有個深藍朋友,完全冇睇新聞,喺Mi Ming Mart買咗好多嘢之後先至知道顏色不對,先發覺原來袁彌明佢係超級黃絲,差啲激到朋友爆血管!哈哈!



如何尋找美容黃店、藍店?

久不久就有人問,邊度有黃色美容院?老實講,好多美容院其實本身都已經係黃色,唔需要特別去搜尋。如果美容界來講,相信黃色係會比藍色多好多,當然呢個主要係講中小企經營,超級大集團經營嗰啲,當然就唔會係。

舉個例,大型醫療集團響尖沙咀廣東道、銅鑼灣時代廣場一帶嘅美容院,多數做自由行生意,佢哋同內地經濟圈嘅關係千絲萬縷,好難完全分割出嚟,所以呢度大集團嘅經營就多數唔會係黃色。多數係中立或者淺藍色。如果係個體戶經營嘅鋪頭,都好大機會會係黃。



小心偽黃美容院人血饅頭

世界本身就有唔同嘅人,亦都有唔同嘅意見,有藍絲、有黃絲係好正常。

無論係黃色又好,藍色又好,如果你係堅持自己嘅信念,有自己真誠嘅諗法,本身亦都係值得尊重。呢個就係所謂嘅黃藍是政見、黑白是良知。

最核突,就係有啲人明明係一隻色,為咗錢,為咗個人金錢得益,偏偏就要去扮第二隻色。奶共,或奶黃色經濟圈,去求個人利益,真心核突。

偽黃、偽藍,其實係一樣可恥!

就好似有啲劣質美容院,就鍾意食人血饅頭。

明明自己冇出過任何貢獻,又想抽水,混入呢個「黃色經濟圈」裏面搵食,假扮黃店,實在老土又核突。

大家真係要小心IG上面嘅小型美容中心。呢類型嘅黑心美容店為咗賺錢,乜嘢都做得出。

小編已經收到消息,有一間叫做TeamXXX嘅偽黃美容院,不停食人血饅頭!

呢間個名美容院,用嘅材料,到佢入嘅機,到佢請嘅人,全部都係大陸。比國貨公司更加國貨。佢使用國產機嘅頻密程度,遠遠超越開宗明義係屬於建制親中嘅「現代美容」。

起碼現代美容都會喺世界各地唔同嘅機,但係呢間垃圾偽黃店,就淨係入大陸機、惠州平價機、垃圾深圳高仿機。但又偏偏講到自己係幾咁反大陸、反中!

求其加句「香港人加油」、「手足加油」就呃到唔少人。人人以為佢真係做咗好多嘢,點知原來只係一個老千,利用大家嘅熱情去謀取個人利益。成班支持黃色經濟圈嘅人士,就俾佢呃咗好多錢!









Related

Post Top Ad