【黑店】$150做膠原槍?不了!揭露最新黑店平價Thermatrix陷阱行騙手法(含最新價錢) - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年2月23日 星期日

【黑店】$150做膠原槍?不了!揭露最新黑店平價Thermatrix陷阱行騙手法(含最新價錢)



最近有幾個朋友都不約而同咁樣遇上平價美容黑店嘅不愉快經驗。兩個中招過程相似。都係見到網上嘅Thermatrix膠原槍廣告價錢超平,$200甚至$150蚊,諗住去試吓,點知一個最後唔見咗萬幾蚊;另一個就唔見咗六萬蚊。兩個都報咗警,但係退款嘅過程都非常之麻煩。


兩個都係經過某些網上「美容單次優惠平台」而招致不必要損失。所以一定要提醒一下大家。

網上特別多「Thermatrix膠原槍優惠」「PICO 單次優惠」「無針埋線單次優惠」,通過美容中介招攬客人。

通常呢類型嘅美容中介網站,非常之簡陋,而且背景絕對不透明。亦都唔會預先提供網絡美容院嘅名字。

所謂嘅單次美容優惠中介網站,只係得一個Facebook Page、唔知乜嘢嘅gmail、yahoo!免費電郵,就叫你畀晒所有個人資料佢。然之後佢就會推介一啲MK黑店。在直接從呢啲MK黑店裏面收取回傭。個價錢都幾可觀。

兩個朋友,都係因為貪平,希望用一個平到得人驚嘅價錢,去試做人氣嘅Thermatrix膠原槍療程。但係不幸兩個人都中招。

今日就同大家拆解一下,呢啲美容黑店「平價Thermatrix」呃錢新伎倆。


Thermatrix原理


Thermatrix膠原槍犀利在於,一次過將6,000,000能量射頻,打入肌底,令到衰老嘅真皮層,通過刺激即時激活收緊。

Thermatrix膠原槍係屬於分段式射頻,利用射頻頻率令到水分子產生強烈咁震,瞬間提高溫度。

短期已經即刻見到效果,長期持續進行,交完更會與回復年輕狀態,從而減退細紋、皺紋、鬆弛等等嘅不良狀態。

由於佢嘅功效卓越,亦都令到好多不良經營嘅鋪頭用佢作為一種搵錢嘅伎倆。



Thermatrix膠原槍人價錢網上優惠?大話怕計數


平價美容一定係陷阱?唔一定,不過你嗰間多數係!

市面上有一啲美容黑店用消費者貪平嘅心態。你用一啲非常之吸引嘅價錢,例如$250 ,甚至$180 ,就可以做Thermatrix 膠原槍全面!有市民都會被吸引,衝埋去登記。

呢一啲美容黑店嘅方法,其實就係用一啲完全不合理地便宜嘅價錢,講緊$200 ,就有得做Thermatrix,網站仲話可以送埋頸、送埋眼。

去到現場之後,就會有幾個人入嚟房間,不停落嘴頭,批評你呢樣果樣,又話你皮膚有幾咁差,身材有幾咁肥,要你即時加幾萬蚊加購其他療程。唔買,或者買得唔夠多,即時黑面。

我兩個朋友,都係因為受唔起hard sell遊説,就發現俾人碌咗幾萬蚊。

如果唔買,黑店就會故意將儀器嘅能量倒數校到最低,求其做兩下就算。有啲,根本就係打空槍。(Thermatrix可以自行調校能量大小)

某啲最差劣MK美容黑店,對於啲不肯就範,唔肯碌卡嘅顧客,會故意利用好高嘅能量打落一兩槍某個位度,令到你好痛。(會灼傷皮膚)

點解呢啲陳年橋段,都仍然有咁多人會中招呢?最主要嘅原因,係因為誤信互聯網。以為多人like嘅,就係好。

佢哋唔知嗰啲Like都係假嘅。

係美容優惠中介平台買like扮粉絲,用僵屍戶口去吸引真正嘅消費者上門俾錢。



逐點擊破所謂$200 Thermatrix膠原槍網上優惠

所謂嘅Thermatrix網上單次優惠,其實可以分為兩類。

第一類,價錢平但質素低劣,將貨就價:用料普通,環境一般,地點偏遠,主要位於工業大廈,又或者水貨化妝品店裏面一角。有部份根本冇商業登記,屬於非法經營。其實一向都唔太建議消費者去呢類型嘅地方,因為佢哋根本上唔係正式渠道購買嘅儀器,多數唔係原廠,邊度買都唔知。而且,講真傳統舊式工業大廈嘅環境唔係太理想、無論係衛生定治安都有疑問。

第二類,強迫消費傳統黑店:平價吸引顧客上門,用騷擾、強迫等等嘅不良營銷方法獲取信用卡資料,然後製造米已成炊的格局。典型傳統MK黑店手法。

久不久網上討論區就有人發帖,話俾人呃咗,或者中咗黑店陷阱,唔見咗幾萬蚊,又或者俾人強迫消費。

對於以上嘅騙案,相信大家稍為有少少常識,睇過少少新聞,都會見過以上不能經營嘅例子。以前就多數係傳統嘅美容店、健身中心、旅遊、會籍等等。而家就利用「Thermatrix」膠原槍等等嘅方法去巧立名目。

呢類型嘅不良經營黑店,已經無數次比消委會投訴、網上討論區俾人揭露過,但係永遠都有人中招!點解?就係因為貪價錢平!

有一句說話,叫做大話怕計數。點解呢?因為只要我哋用邏輯思辨嘅方法,就可以了解問題所在。

$200 Thermatrix膠原槍,根本係一個商業上冇可能做到嘅價錢。所有做開醫學美容嘅老闆都話到俾你知,成本都做唔到。

而家分析俾大家聽。

香港嘅租金昂貴,呢樣野大家都好應該同意。就算只係一間位於旺角、油麻地、佐敦嘅中下質素黑店,一個月兩三萬蚊租係最低最低嘅消費。即係每日最少約$1000嘅租金成本。

但係冇計到供機、廣告、會計、人工等等嘅開支。正常一間小型三人美容院,開支最少10-15萬一個月。呢個係最保守嘅估計。

假設每人比$200,每日做足五個客,先有$1000收入。一個月全個月唔放假,亦都只係得3萬蚊。

每個月就會蝕7萬到12萬。

邊個老闆會做?


Thermatrix 最新價錢係點樣?


Thermatrix膠原槍最新嘅市價係點樣,其實trial price係冇乜意義。第一次好平,或免費,但之後好貴,條數根本就冇分別。

Thermatrix膠原槍唔係一個淨係做一次嘅項目,一般來講會建議一年做10次左右。

其實價錢大概$1000到$2000左右一次全面係合理嘅價錢。消費者可以先行比較唔同地方嘅環境、地點、優惠等等,先再做決定。

因為正廠機會使用特別探頭,嗰個係需要定時更換,係有特別嘅成本。所以嗰啲乜嘢$150、$200價錢低到可怕嘅Thermatrix,一係佢就係黑店諗住搶錢搶你幾萬蚊,一係根本就是用大陸嘅假探頭。


Thermatrix 最新價錢

大型上市連鎖店package價

$2000-3000,最少要買10次


普通醫學美容中心

約$15000 包5-10次


MK黑店

$200試做,最後碌卡大概$20,000到50,000左右














Related

Post Top Ad