$800一盒嘅高端醫學美容面膜，同$70一大盒嘅面膜有乜嘢分別？相信大家有去開高級美容院、高端醫學美容中心嘅各位，都知道美容院專門訂購嘅面膜，同普通藥妝店嘅大眾面膜，其實有好大唔同。
無論質素、精華、功能、價錢都有差別。今次會同大家教學，高級美容院專用面膜，究竟點樣可以用平價購買！
今次教學內容重點：
美容院面膜VS家用面膜主要分別
美容院專用面膜，其實來源係邊到嚟？
點樣去分辨高端美容院專用面膜？
點樣用批發價錢購買美容院專用面膜？
美容院面膜 VS 家用面膜：主要分別
如果大家係經常上網，都會喺一啲網店或者IG Shop裏面，見過好多人聲稱，可以代為購買美容院面膜。通常呢啲鋪頭價錢都唔貴，一包面膜講緊可能$20左右，通常都係一啲不明來歷嘅牌子，或者一啲完全冇聽過嘅所謂外國牌子。又或者，就係嗰三兩間品質非常普通，非常容易導致敏感、大陸生產，價錢超平嘅供應商。
各位靚仔靚女，小心因小失大！因為好多劣質貨品cheap牌面膜，就係假扮美容院專用貨品，令到好多消費者中伏！
其實美容中心專用嘅面膜，一般渠道好難買到。
美容院專用面膜，同家用面膜最大分別，就係「質素」、「成份」。
一般以美容院作為銷售渠道，合理價錢範圍嘅美容中心限定專用面膜，成份一定會有咁上下保證。
點解？原因有兩個：
第一，B2B要求較高。
銷售俾美容中心嘅面膜，係屬於business to business （B2B）。因為佢主要嘅客人，係來自美容中心東主、procurement。一般美容東主對於產品有效成分，都有一定嘅認識。雖然唔係每個東主都有良心會用貴價貨，但係產品批發，冇乜可能用低價貨冒充得到高價貨，基本上呃唔到行內人。行內人對於成份、安全指標、出產地嘅認識，會比一般消費者為高。B2B低質素產品能夠成功冒充高質素產品，成功蒙混過關嘅機會，絕對比普通消費者低。當然，如果美容中心刻意購買低價低質素產品，就另當別論。
第二，回頭客Repeated Business的重要性。
相比起零售市場，銷售比醫學美容中心，其實市場比較狹窄。假設有一萬個零售客戶，醫學美容中心、專業美容院客戶，可能只有十分一或更少。基本上如果有什麼出錯，回頭客就會少咗一個！美容院的數量其實有限，少咗一個就係少咗一個。
供應商亦明白到，如果這隻面膜有什麼成份問題、質素問題、安全性問題，收到投訴的話，不單止這隻面膜會受影響，不可能再賣給同一間醫學美容中心，連其他同一醫學美容中心訂購的其他產品亦會受牽連！
和零售事業相比，批發供應基本上客戶數目較少，但每個戶口的消費，會比零售多好多！
有見及此，供應商一般會在成份、安全、質素方面比較穩陣。整體質素亦較高。
美容院專用面膜，其實來源係邊到嚟？
高級美容院限定專用面膜、護膚品，主要來自以下幾個地方：
品牌批發商、代理
比較高端的品牌例如Neostrata、Epionce、IsClinical在香港也有代理，供美容中心直接攞貨。價錢比較貴，但成份、生產地、安全亦比較有保證。
世界各地面膜製造商
有些美容中心會直接從世界各地的面膜生產商直接攞貨。當中日本、韓國、台灣、法國、意大利、美國，面膜製造商部份可以少量提供。
本地生產商
有些水準比較低落的美容中心經營者，會從本地三四線工廠購買面膜。位處於觀塘、荃灣等等工業區，香港仍然有少量的工廠，會自行生產面膜，當然水準、衛生程度、安全程度、成份等等，都成疑問。日本、韓國、台灣這些比較成熟的生產商，無論在各方面也比較優勝。但這些質素絕對有疑問的本地生產，經常標榜自己的產品成份是來自法國或其他地方，好多人當然知道，原材料成份可能真的來自法國，但是整個製作、混合成份過程、包裝、檢測，全部都是來自觀塘、荃灣等等的殘舊工業大廈、半山寨工場。很多市面上網店、IG Shop出售的所謂「美容院專用」面膜，就是來自這些不明來歷的香港殘舊工廠。你送俾我都唔會敢用！
第三世界、淘寶、內地地下渠道
不幸地，香港有些水準低落的美容院，其所為專用面膜，就是來自馬來西亞、大陸的工廠，這些工廠比香港本地工廠更為恐怖，成份亦沒有任何保證。面膜大概港幣兩三蚊，產品成分不明，安全性亦不明。這些面膜真的好驚嚇，連出產日期和到期日也不會知道。很多價錢低廉的屋村美容院、新界平價美容院、私人工作室，就是用這種黑心面膜！這些面膜亦已經經網上渠道，流入市面。好多網店的「美容院專用面膜」就是來自這些恐怖地方。
各位靚仔靚女，相信大家都明白到，我只會推薦頭兩項。
如何去分辨高端美容院專用面膜？
其實價錢，係一個好好嘅分辨方法。如果零售價$20以內，可以即刻out！
真正美容院專用的面膜，其實不會那麼容易購買得到。買得到，亦不會咁平。
一般有少少要求的品牌批發、代理、一定會要求零售商、醫學美容中心首先出示商業證明登記。亦都會派專員上醫學美容中心實地考察，才決定會不會供貨。
咁樣講大家可能覺得多此一舉，但係一般醫學美容行規就係咁樣，批發商職員一定要親眼見到，現場考察過有實體店、有美容中心、有醫學中心，先至會開設商業戶口供貨！這樣做是為了大家長遠利益。
連商業登記、有限公司證明都不能提供，都仍然攞到貨的，一定是質素極為平庸的產品。
所謂「美容院專用面膜」，其實非常可疑，根本就不是供給真正供應與美容院，而是用這個作為賣點，直接賣俾消費者。呢啲劣質產品嘅生產商，好似頭先所講，大部份都係香港嘅恐怖山寨工場、中國大陸地下加工廠、馬來西亞小型工場
高端美容院的面膜，價錢一定不會便宜。
100% true！
平嘢，真係冇好！
原因好簡單，因為高質素的生產過程、高質素的原材料、安全測試、敏感測試、全部都需要投資！
生產地如果在瑞士、法國、日本、韓國等等，光是生產成本已經比較中國大陸貴好多，而且，運送也需要錢！如果生產過程需要添加某些特別高質素的原材料，例如多胜肽，不會平到哪裏去。
幾十蚊一塊成本，係好平常！其實一啲都冇收貴你！
對一啲經營醫學美容行業嘅人，經常有世界各地供應商提供報價單，對於乜嘢質素嘅產品，賣緊乜嘢價錢，我絕對心裏有數。
我夠膽講，市面上$20以內嘅「所謂」美容中心專用面膜，全部都唔使諗，質素真係唔會好得去邊度。
成本都唔得啦！
「真正高質素」嘅醫學面膜，零售價錢$50到$100 一塊左右。呢個價錢，先至係合理嘅價錢。
點樣用批發價錢購買美容院專用面膜？
講咗咁耐，大家都可能好好奇，點樣先可以用批發價錢，購買美容院專用面膜？
其實，有兩個方法。
第一個方法：平行進口。有啲美容中心、網店會平衡進口（水貨），就直接從外國引入面膜。呢啲通常係指一啲有相當名氣嘅產品例如NeoStrata、Obagi。水貨店Salala Beauty係其中一個例子。但除咗少部份如Salala品質比較好之外，大部份韓國護膚品水貨店，其實來自深圳、廣州等等嘅高質翻版貨，一般市民難以分辨，大家真係唔好博。
第二個方法：找相熟醫學美容中心、高端護膚品店職員私人購買。大部份醫學美容中心、高端美容院都有專屬供應商，提供一般美容院必需品：燕窩面膜、美白面膜、補水面膜、高級蠶絲面膜等等……如果你同佢哋相熟，或者會私底下幫你訂購。價錢約$50到$120 一塊左右。呢啲係講緊正廠正貨，高質素的外國生產醫學美容專用面膜。
我們鋪頭沒有出售水貨面膜，但久不久會因爲批發商discount而幫大家多訂，當作是公益事業。
如果大家有興趣試用高端醫學美容專用面膜，可以留名waitlist，$80一塊，每個order最少訂五塊，每星期使用，約可用一個月多少少。請郵費自行順豐到付。
有興趣直接WhatsApp Swiss Reju店員客服，不保證一定有貨，但可以幫你免費留名到貨優先拿，標題請寫『TRY MASK』
WhatsApp ：https://bit.ly/2EdcPRJ
有興趣直接WhatsApp Swiss Reju店員客服，不保證一定有貨，但可以幫你免費留名到貨優先拿，標題請寫『TRY MASK』
WhatsApp ：https://bit.ly/2EdcPRJ
