5月 2016 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2016年5月23日 星期一

【醫學美容】【減肥】一個月醫學美容級減肥成功神方法!(超詳細分析節食、蛋白粉、做機RF、減肥藥)

5月 23, 2016
減肥減極都減唔到,或者越減越肥,又或者係減肥之後體重光速反彈,呢啲咁可怕的經歷,可能你都試過!市面上減肥嘅產品好多,包括溶脂酵素、排油丸、減肥中藥……有人甚至會用醫學美容開刀嘅方法抽脂、水刀減肥、RF射頻減肥、燃脂減肥精油等等,務求令到自己身材更加結實。喺你決定有用幾萬蚊抽脂、打針、推脂之前,不妨先考慮吓以下呢啲低風險而且一定有用嘅方法。


(瘦身fit爆係成為男神重要嘅一部分)

其實極速減肥,如果用啱方法,真係唔係咁難,但係好多人用錯左方法,導致自己新陳代謝減慢,影響減肥效果,最慘就係嗰種越減越肥,反彈比以前更重更核突嘅狀況。

如果你要瘦,就一定要用有科學根據嘅方法!一般嘅美容網站淨係教你食減肥藥、同埋一啲都唔知work唔work嘅方法,今次我同大家介紹嘅醫學美容減肥方法,係經過醫學界認同,完全有科學根據。


醫學瘦身101

好多人話減肥,但係減肥唔成功嘅人,係因為佢唔知道生物學同生理方面嘅解釋。究竟脂肪點樣形成?點解你減肥減唔到?呢啲都係好好嘅問題。我繼續講,我就講解一下你身體嘅脂肪係點樣形成。

你啲脂肪其實係點樣嚟?你啲肚腩、肥大腿、拜拜肉,其實係來自你進食食物之後裏面嘅糖分。太多嘅醣類,會變成肝醣,胰島素會變脂肪!

如果你要瘦,你就要阻止糖粉嘅吸收。

食物纖維素減少大腸有害物,水溶性嘅水果蔬菜可以阻止糖分吸收。


醫學減肥嘅重點在於進食,而唔係節食!

如果你有去開美容院、買開美容減肥產品,嗰啲美容BA姐姐就會教你減肥就要節食。但係如果你問吓一啲真係有醫學常識嘅醫生、同埋經過訓練嘅營養師,佢哋就會話俾你知,減肥最快嘅方法其實係「進食」。

如果你想今次減肥成功,就一定要知一點,減肥嘅重點,並唔係胡亂節食,而係食啱,食到飽!呢一點好多人都唔知道,甚至誤解左,以為減肥就要食好少野,搞到自己好餓,然後又辛苦,先減到幾磅,成個人就虛脫咁滯。所以,你要知道亂節食呢個方法係錯誤。亂節食,只會令你更加肥!

如果平時有用開personal trainer嘅人,又或者有研究開醫學美容減肥嘅人,就會發現,人體佢有自己嘅節奏,如果你要減肥,你就要利用呢個節奏去幫你,而唔係更同你個生理節奏對着幹。

點解我會話減肥嘅重點係進食,千祈唔好節食呢?係因為你一節食嘅時候,你人體嘅新陳代謝就會減慢,你嘅身體同大腦就會自動調節,將一有食物入嚟就就會更加諗住脂肪不放,所以導致人一節食減肥,就會好攰,一停止節食,體重就會立刻反彈!甚至比之前更加肥!所以你要知道,減肥一定唔可以用胡亂節食呢個方法。

如果你要極速瘦,你就要好聰明咁你用食物去幫助你。有啲食物係會對身體好好,而且卡路里熱量唔多,食咗落去又有美顏作用。呢類食物你就要多啲食。咁邊啲係屬於有益嘅食物呢?例如蛋白質、蔬菜、水果等等就係。

一啲高質素嘅食物,例如西蘭花、紅蘿蔔、洋蔥、粟米、豆腐等等,其實都幾飽肚,雖然佢哋本身亦都有卡路里,但係佢哋含有非常大嘅抗氧化作用,本身對皮膚已經有好處,最重要嘅係,好少人會因為食呢啲野而導致肥,多數人減少食白飯嘅份量,多食呢啲野,都會變得更加瘦!係因為蔬菜一般都好飽肚。

同樣道理,生果都一樣。好多人一講起食生果減肥,就好驚,成日都驚新鮮水果裏面嘅果糖會導致身體肥胖!但係你仔細諗下,如果你只係食生果蔬菜,又有幾多人真係會肥呢?啲人話食生果會變肥,係因為佢哋飲生果汁!生果汁,包括鮮榨嘅生果汁,就要避免。生果汁嘅果糖好多,而且唔飽肚,GI過高,其實呢一啲就要避免。如果成個生果連埋纖維一齊食,其實係冇問題嘅。

想減肥美容嘅人,有兩種美容瘦身大敵:活性氧(Reactive oxygen species)同糖化產物(advanced glycation end products)。呢兩種嘢係非常邪惡而且美容嘅大忌,就係佢哋,造成糖化(Glycation)嘅現象,亦造成色班、面下垂、面黃!同時,醫學研究發現,過多嘅carbs仲會導致暗瘡同敏感性肌膚!

活性氧同糖化產物,兩樣都係可以通過不良飲食而惡化,同時,亦都能夠通過健康飲食而避免。兩種都係經過過量嘅糖份引起,所以食碳水化合物(麵包、白飯、甜品、含糖飲料)等等就要盡量避免,越少越好。

醫學減肥第一重點:你要多進食適當嘅高質素食物,包括蔬菜、水果、蛋白質;低質素嘅食物例如油炸食物、白飯、甜品等等,就要避免。少咗由過多糖份引起嘅Glycation,你唔單只會變瘦,皮膚亦會變得更加靚。

醫學減肥第二重點:進食嘅次序亦都好緊要。先食餸同埋菜,最後先食飯。食飯嘅次序都好影響你減肥嘅成功與否。如果你要減肥,開飯嘅時候就唔好用白飯你同餸一齊食,你應該用蔬菜同餸(肉類)一齊食,咁樣就可以導致你食多咗菜,飽飽地嘅時候先求其食少少飯,咁樣整體來講嘅吸收嘅卡路里就會大幅減少。

醫學減肥第三重點:食超慢,你就會變瘦!最好用三份一嘅速度進食。醫學同生物學上面來講,人體進食嘅時候,由肚餓到到飽肚嘅感覺,系有少少時差嘅。即係話,由腸胃吸收覺得飽嘅時候,到到你大腦釋放飽肚嘅訊號,時間係會有啲延遲。所以好多人佢都好餓嘅時候,就食好多野,一下子一發不可收拾,以唔知道吸收過量左,當你終於覺得飽嘅時候,你已經食咗好多卡路里!

所以醫生同埋營養師都會教你,食飯最好慢慢食!食得越慢,就越能夠理解食物當中嘅美感同埋豐富嘅味道,同時確保唔會食太多。最好用平時½甚至三份一嘅速度進食,你就會發現自己原來真係唔需要食咁多野,以對食物嘅享受,反而有所增加。

醫學減肥第四重點:中午食,好過夜晚食。好多人唔知道,同一樣食物,係唔同嘅時段食,對於減肥或者增肥都有唔同嘅結果。醫學界嘅研究發現,人體裏面有一種導致容易增肥嘅蛋白,叫做BMAL-1。BMAL-1下午2點分泌最少,凌晨2時最多!而分泌量係20倍!同樣食物,發胖反應可高20倍!

呢個亦都係點解食消夜嘅人好容易有肚腩嘅原因!

醫學減肥第五重點:足夠睡眠有助減低食慾。醫生發現,一個人瞓得夠,身體會產生瘦體素Leptin,抑制食慾;相反如果瞓覺唔夠,會產生肌餓素ghrelin,令脂肪囤積。


聰明飲食,可以幫助你膠原自生

有啲朋友可能用好多錢買美容護膚品同參加醫學美容療程(Reenex膠原自生之類),但係效果都唔太明顯,其中好主要嘅原因,就係冇好好打理自己嘅飲食。

面部下垂,係因為你真皮層嘅膠原蛋白同埋彈力蛋白隨着年紀而減少。要真正能夠抗衰老,皮膚回復彈性,你就要好好打理膠原蛋白嘅生長。當然,直接注射膠原蛋白(Collagen Injection)係一個方法,但係基於安全考慮,依家醫學美容已經越來越少用,多數都係注射透明質酸Sculptra、Jervuderm或幫助骨膠原自己更新嘅PLLA。

可能你都知道,膠原蛋白其實可以通過食物可以補充。但究竟要食乜嘢先有用呢?係啲化妝品店、藥房、成日見到標榜美容用嘅美肌骨膠原蛋白粉有冇用呢?

(市面上有好多膠原蛋白粉,但佢哋係咪真係可以補充道因為年齡而引致嘅膠原蛋白流失呢? )

如果你塊面出現咗下垂、皺紋、彈力不足嘅情況,你就要檢討下自己嘅飲食情況,睇吓有冇吸收足夠嘅蛋白質。因為如果你要又靚又飽滿嘅皮膚,你嘅真皮層就必須要有蛋白。你嘅飲食裏面,就一定要有足夠嘅蛋白,去幫助面上皮膚膠原蛋白同彈力蛋白嘅生長。否則你再外用幾多野都只可以有非常有限效果。

市面上有好多口服嘅骨膠原粉,好似Fancl膠原蛋白等等,佢哋對於你面上嘅膠原增生究竟有冇用呢?呢個問題我就要先同你講解一下,骨膠原粉係點樣進入體內。

進食呢一類口服膠原蛋白,你嘅身體就會將佢當成其他食物一樣,消化並將有用嘅物料同營養、熱量進入吸收體內。你嘅身體並唔會識得自己分別邊啲係從正常食物吸入嘅膠原蛋白,邊啲係額外補充品,甚至有時會將額外嘅膠原蛋白補充劑當係熱量咁樣吸收。你嘅身體會將吸收到嘅膠原蛋白同埋其他食物,一次過吸收而且自行分發到身體唔同嘅部份,但並唔會集中係你面上。所以一般口服膠原蛋白嘅用處,係輔助嘅形式。

醫學發展越嚟越先進,而家已經發得發現到幾隻囗服嘅膠原蛋白,真係可以有助面部皮膚嘅膠原蛋白增生,根據美國政府嘅資料顯示,有一隻膠原蛋白對於改善皮膚質素係有幫助。呢隻叫做Verisol嘅Collagen產品,通過實驗室測試,就的確可以改善皮膚鬆弛問題。

維持着高蛋白質嘅飲食,就會有助膠原蛋白嘅自生。無論係自然新陳代謝又好,你用射頻、去Reenex刺激膠原增生又好,適當嘅蛋白飲食好重要。


Protein Shake減肥可行性?

蛋白質除咗幫助你面部嘅膠原蛋白自生之外,對於減少你嘅食慾,都有好大嘅幫助。

GNC、Herbalife都有賣據說可以減肥嘅Whey Protein同Protein Shakes 。究竟呢啲係咪有科學根據呢?點解有啲人會越飲越瘦,有啲人就越飲越肥?


(GNC有售熱門蛋白粉)

根據人體嘅構造,蛋白質較容易有飽肚感覺(Satiety)。

Protein Shake這主要成份都係蛋白質,一飲完,好快就會覺得飽飽地,而且食慾都會變小,久而久之,你食嘅碳水化合物、糖粉等等就會迅速下降,當你身體裏面再無其他由進食碳水化合物或糖分提供嘅能量之後,你嘅身體就會識得燃燒體內嘅脂肪去彌補,從而達到瘦身嘅效果。

蛋白粉Protein Shake嘅好處,就係佢非常之飽肚,令到人好自然咁食少左野。Protein Shake減肥呢樣野只要你小心行事,對於減肥係有一定嘅幫助。

點解我會提你如果你要用來減肥,你就要小心?個原因係第一,蛋白粉本身都有一定嘅卡路里,你要記住如果你某一餐飲咗蛋白粉,你就唔可以食正餐,否則你就會比平時吸取左更加多嘅熱量!

喺選擇Protein Shake、Whry Protein嘅時候,你都要留意,個產品本身有冇添加一啲幫助卡路里燃燒速度嘅添加劑。因為好多蛋白粉代餐嘅產品,成份裏面都添加左咖啡因(caffeine),如果你對咖啡因敏感,容易失眠嘅情況,你就要留意產品成份。


RF射頻減肥(做機) / Thermage / Tripollar Pose

一啲高級嘅美容院會提供,究竟是RF射頻減肥嘅有冇科學根據呢?

我上次就大篇幅咁討論過RF射頻V面嘅方法,當中分析比大家聽,RF的確有破壞脂肪令到脂肪細胞釋出細脂肪液嘅情況,從而對於部分減肥也有一定嘅作用。(一般運動瘦身多數會瘦全身,未必能夠好似RF射頻一樣,有局部減肥針對性嘅作用)。

Thermage、Tripolllar Pose一類RF射頻減肥機究竟有無效果,其實好取決於個人嘅情況。第一,你要睇部機本身係咪能夠有足夠嘅火力,深入你嘅真皮層,將射頻射入並破壞脂肪組織,一定要做到呢一樣野,先至可以有減肥瘦身嘅效果。第二,就係你本身脂肪有幾厚,我個人嘅觀察就係,射頻減肥對於一啲中等身形嘅人想局部改善身形,效果會最明顯,相反一啲身形比較肥胖嘅人,由於脂肪層真係好厚,即使完成左一個療程,脂肪液成功進入淋巴系統,由於身型都好肥胖,視覺上望落去分別不大。


食減肥藥

講開醫學美容減肥,曾幾何時,食減肥藥都係好流行,好彩呢幾年市民嘅知識增加,明白到減肥藥可能有好大嘅副作用,醫學美容有好多方法,未必一定要用到減肥藥咁誇張。

香港衛生署批准嘅減肥藥xenical,主要嘅作用係防止脂肪油脂份被吸收,所以亦被稱為痾油丸,理論上是適合一啲被醫學界評定為痴肥人士(BMI 30以上)使用,一般人用其他方法減肥可能更加安全。


瘦身美體





打開內容

2016年5月14日 星期六

【醫學美容】V面方法總集合:瘦面facial,面膜,RF射頻(HIFU,Thermage,Tripollar),botox瘦面針的功效與副作用

5月 14, 2016
市面上V面的產品好多,有V面面膜,V面神器,瘦面針,瘦面RF射頻(tripollar RF、 thermage、 Ulthera、HIFU),甚至削骨等等。過去幾年,我用咗超過幾萬蚊去嘗試令塊面更加瘦更加V。基本上日本、台灣、韓國、中國內地嘅電視節目有介紹嘅手段方法我都試過。由購買RF射頻瘦面機tripollar stop,到出街接受韓式RF射頻療程,到用瘦面面膜,到去醫學美容中心打瘦面針,真係洗咗好多冤枉錢,終於發現有啲方法系可以瘦到面,亦有啲方法係一定唔會work。今日我就特別講解一下我嘅V面心得。(本文係自費分享原創研究,並沒有收到任何品牌的贊助或試用)

如果你想V面,就一齊睇下啦!


先了解包面原因,再對症下藥

如果你真係真心想瘦面,第一件事,你就要了解同分析,你自己包包面嘅原因係乜嘢。

好多產品都聲稱可以幫你令塊面更加V同尖,但係如果你想V面,你就一定要先搞清楚,你塊面包包嘅原因。有啲人係因為骨頭生得大,有啲人純粹係因為肥,有啲人係面部咀嚼肌肉大,有啲人就係因為面部鬆弛所以顯得面形下垂。

因為你塊面唔夠V嘅原因,係每個人都唔同,如果你稍為檢查自己,然後揀啱方法,你就可以事半功倍!方法揀得啱,最快兩三個禮拜就可以見到V爆靚靚嘅面形!

點解去到某個年紀,你嘅面會自動由青春年代嘅V面,變成越來越包、越來越臃腫難分?

首先,我要介紹一下你嘅皮膚,你皮膚分為兩層,表面嘅一層,叫做表皮層(epidermis);表皮層下面,就係真皮層(dermis)。真皮層對於你塊面有幾尖有幾V,有決定性嘅作用。如果你要做到真V面,就一定要好好打理真皮層。

你塊面後生嘅時候非常緊致,到而家比較鬆弛嘅原因,係因為後生嘅時候,你嘅真皮層有好多膠原蛋白纖維,隨着時間嘅流逝,呢啲蛋白同埋纖維就會漸漸咁樣流失,造成面部鬆弛、低陷,失去後生時候V面嘅效果。

我依家就分析一下,唔同瘦面方法嘅功效。



1. RF射頻機瘦面 同 超聲波瘦面(Thermage、Ulthera、Fraxel、Tripollar Stop、Dr Bauer)

如果你真係認真想令到塊面更加尖,其中一個最有效嘅方法,就係RF射頻(radio frequency)同超聲波。你喺美容院見過嘅Thermage、Ulthera、Fraxel,同埋家用射頻器Tripollar Stop同Dr Bauer,就係屬於射頻同超聲波瘦面。

RF射頻同超聲波可以收緊肌膚,令皮膚睇起嚟更加年輕緊緻。

射頻瘦面(radio frequency, RF)嘅方法同其他山寨V面方法唔同,佢係得到醫學界嘅測試成功同埋認可,本身係有一定嘅科學根據。根據最新嘅醫學期刊,同埋醫學研究報告,都發現射頻對於減少面部鬆弛越級皺紋,有一定作用。係醫學嘅角度來講,RF射頻唔能夠完全消除皺紋,但對於減少皺紋與及增加緊緻,醫學界有一定嘅共識。

(被譽為神級瘦面機嘅Thermage)

咁我首先同大家解釋一下射頻嘅原理。RF科學原理就係利用3kHz到300mHz射頻,用熱力將肌膚底層加熱,令膠原蛋白收縮,令到脂肪細胞將脂肪液排出,並經過血液與及淋巴系統隨着正常新陳代謝排出體外。通常瘦面機會有一個安全設計,就係佢會利用射頻加熱真皮層,而表皮層就盡量避免灼傷。

根據醫學研究,當真皮層加熱到攝氏45到65度左右嘅時候,人體嘅膠原蛋白就會收縮,同時亦會幫助傷口瘉合。身體就會出產新嘅骨膠原、彈性蛋白。瘦面嘅功效就會漸漸浮現。

射頻同傳統拉皮手術嘅唔同地方在於,傳統拉皮手術只能夠做到一樣野,就係拉皮。對於皮膚質感凹凸同埋皮膚質素差,拉皮嘅幫助就唔係太大。相反,RF射頻就可以同時達到拉提與及改善膚質嘅效果。

根據一啲外國醫學期刊、外國醫生嘅訪問報道,RF射頻最適合一啲初老,初初出現皺紋鬆弛嘅人士使用。RF喺呢啲人士身上個效果會係最顯著明顯。

RF射頻儀器可以分為單極(monopolar RF),雙極(bi polar RF),三極(tripollar RF)。三種射頻,都能夠產生即時收緊同之後收緊嘅效果。一般客人喺療程之後即時就會見到初期嘅收緊,跟住落嚟嘅幾個月,隨骨膠原自我更新,瘦面緊致效果會慢慢浮現。單極RF射頻嘅好處,就係佢能夠一下直達深層,效果會比較明顯,但同時痛楚感覺亦會比較強烈。

RF射頻瘦面嘅好處,除咗促進膠原增生之外,就係減肥。因為當能量通過面部嘅時候,專家發現有脂肪分解嘅情況,當射頻進入體內嘅時候,脂肪細胞會被破壞。射頻機嘅好處,就係唔單止你嘅骨膠原增生左,你面部嘅脂肪亦會減少左。

射頻機對於暗瘡都有少少功效,根據唔同嘅研究發現,一啲暗瘡嘅病患者經過接受療情之後,暗瘡情況都有所改善。醫學界認為當中嘅原因,係因為減少油脂分泌。

依家就逐一評論一下,不同瘦面機嘅好處功效同埋要注意嘅地方。


Thermage (生產商:Solta )

Thermage CPT射頻瘦面,係使用單極射頻,將能量射入真皮層,美國FDA早於2002年初次允許使用作為改善皮膚質素嘅工具,亦係第一個獲得FDA認證,改善鬆弛與及皺紋嘅機器。依家香港見到嘅就係屬於第三代嘅thermage。

由於佢嘅能量非常大,Thernage使用之前醫生會先喺你面上貼一啲好似印水紙紋身嘅格仔,然後按次序逐一係每個格仔上面你用Thermage注入能量(打thermage )。呢個嘅好處,係可以準確量度面上每個位置都得到適量嘅治療,全面得來又唔會重複打咗同一個地方。

功效方面,Thermage應該係市面上其中一隻最有效抗皺紋嘅射頻機,由於佢能夠將熱力打入真皮層,而佢比其他嘅射頻機更加深入,理論上佢嘅熱力會停留係真皮就更耐。

要注意嘅係,Thermage療程並唔適合心臟起搏器使用者,與及懷孕人士,如果有皮膚癌症歷史嘅人亦都不建議使用。

Thermage生產商Solta母公司,係海外上市嘅醫療集團。

Ulthera HIFU,HIFU,全名係high intensity ultra sound,係2008年被FDA認可作為眼眉提升嘅作用。


傳統射頻VS家用射頻機分別

簡單來講,家用射頻機同傳統射頻機嘅原理係一樣,只不過美容院係家用版的加強版,無論功效、好處、定潛在風險,都比較大!

美容中心商用嘅大機,由於力量非常之強勁,安全性係一個好重要嘅考慮,因為稍有不慎,佢就會造成灼傷,與及其他因為高溫帶嚟嘅皮膚傷害。呢類RF美容儀器只適合由醫生處理。

亦都係呢個原因,令到好多人開始考慮使用火力冇猛嘅家用RF射頻機。作為一個又有去美容中心做RF,又有用家用射頻機Tripollar嘅用家,我都有少少心得分享。


Tripollar Stop (生產商:Pollgen)

而係市面上林林總總嘅瘦面機當中,有一種我覺得可以推薦一下,就係Pollogen嘅tripollar stop。因為Pollogen呢間位於以色列嘅醫療用品生產商,改造同系列美容中心RF大機Apollo。當然家用版本tripollar stop冇咁強大,但係科學嘅原理係一樣嘅。

(市面上有買嘅家用RF射頻機,Tripollar Stop係最有效之一。)

之前我都研究過香港幾種唔同嘅瘦面機,包括左Dr Bauer,Glycel 42,最後都決定左買tripollar stop。

暫時香港來講,Tripollar Stop可能係最好用嘅家用瘦面機。因為係醫學理論來講,佢真係完全超越左另外幾個對手,佢得到唔同醫學期刊嘅報道。

由於Pollgen本身已經有多年生產美容院專用RF大機嘅經驗,信心大好多。

作為一個已經用咗Tripollar Stop好耐嘅人,我都有少少心得可以講下,就係佢真係好work!

另一個心得,用Tripollar要注意一點,就係一定要用足夠嘅時間,先至可以令到真皮層皮膚溫度加熱,達到最佳功用。因為,瘦面機要刺激真皮層嘅膠原增生,最少需時十分鐘上,能夠按照指示有足夠嘅能量,係令你成功瘦面嘅關鍵。呢個亦都係我個人嘅心得之一,一定要有足夠嘅次數,同埋足夠嘅時間。

同出街做Thermage唔同,家用版本並無一啲印水紙幫你量度邊個位做咗,邊個位未做,所以你自己就要特別留心,避免係同一個位做太耐,其他位置又做唔夠。真正有效嘅RF射頻拉皮,要全個面都覆蓋得到,先至叫做有用。

Tripollar副作用方面,同一般嘅RF美容機一樣,要根據說明書指示,避免過分灼傷肌膚。由於RF科技已經得到美國FDA認證,副作用基本上係唔大嘅。

值得一提嘅係, FDA對於拉提嘅效果研究,有非常科學嘅測試同量度,並唔係求其搵幾個不知名blogger嘅所謂自我評估。所以喺效果評估方面,就好值得大家參考。

除咗香港最出名個幾款瘦面機之外,其實仲有幾種被認為係有效嘅RF射頻減肥瘦面嘅機器,遲啲有機會我會再仔細分享,佢哋包括左venus freeze,truSculpt,Exilis,Accent等等。

RF射頻瘦面機嘅成效,好取決於幾個因素:瘦面器嘅溫度能夠到所需嘅溫度,接受療程嘅次數,治療相隔嘅時間等等,都好影響最終嘅成效。


2. Botox與Dysport瘦面針

除咗射頻瘦面之外,第二個最多人用嘅方法,就係打瘦面針。

注射肉毒桿菌瘦面嘅好處係功效快,價錢亦交去醫學美容中心做Thermage RF射頻拉皮平。如果你包面嘅原因係因為咀嚼肌過大,呢個方法亦未嘗不可。


3. 瘦面面膜、V面面膜、拉提面膜

去到一啲美容專櫃,就會發現好多聲稱能夠幫你拉提、瘦面嘅美容產品。



(市面上有好多聲稱可以瘦面嘅面膜,但係功效就真係好成疑! )

一般市面上嘅瘦面面膜,都係功效非常之有限。其中嘅原因,係因為瘦面面膜只係針對表皮層,未能夠針對真正令到面部下垂嘅真皮層。所以效果都係到喉唔到肺,付出多效果少。

一般嘅瘦面面膜,可以令到表皮Epidermis更加滋潤、水潤、保濕。呢幾方面,可能係有用嘅。但係對於真正真皮層dermis拉提,膠原增生,就真係好睇隻面膜本身嘅成份。好似我之前講過,如果有滋促進皮膚新陳代謝嘅成份,瞓到死皮脫落,exfoliate dead skin cells,盡快更新表皮,咁係視覺上對於減少面部皺紋係有一啲功效。

如果你嗰隻瘦面面膜,成份只係透明質酸、蘆薈啫喱之類嘅凍膜,效果就好成問題。因為佢只係一種滋潤補水,同真皮層嘅拉提基本上係冇關係。



4. 減肥,減少卡路里攝入(推薦)

有時最原始嘅方法,就係最有用嘅方法。減肥令到全身嘅脂肪減少,同時因為人類生物結構嘅構造,人類只要體脂下降,面部同埋頸部嘅脂肪亦一定會相應減少。

人類嘅面部係包含咗真皮層,表皮,同埋脂肪。脂肪減少,都會令輪廓睇嚟更加分明,更加sharp。嚴格控制卡路里攝入量,令到身體處於負卡路里嘅狀態,即係每日消耗嘅卡路里比吸入多,你塊面就會慢慢變尖。呢個亦都係我試過咁多方法裏面,其中一個最快嘅方法。我會建議你用減肥,配合做RF機,呢個會係最有效嘅V面瘦面方法。

如果你以前係面尖尖,而家你包包面係因為肥咗,比較豐滿,咁樣我有個好消息話俾你知,你要V面嘅方法好容易,只需要減肥就可以。

好多台灣嘅女仔同埋男仔,面目清秀,而且皮膚好,就係因為佢哋嘅食物,令到卡路里攝入量好低,對於皮膚同埋身型都有好好嘅幫助!



其他唔work瘦面方法:

V面神器

好多台灣、覺得好日本嘅電視節目都會介紹一啲減肥美容產品。但係有一啲產品就好似真係完全無科學根據同埋邏輯,啼笑皆非!

好似市面上一啲包裹着整個頭部嘅繃帶類產品「V面神器」,聲稱可以幫你V面,呢啲都係完全冇科學根據。因為塊面唔夠V,係因為真皮層膠原蛋白嘅流失,山寨瘦面法真係冇乜可能會有效。

總之一句講晒,要有拉提嘅效果,就一定要針對真皮層,否則就一定冇作用。


V面美容油、beauty oil

呢幾年香港多咗好多人用美容整容嘅精油,係滋潤,增加亮澤感嘅層面,呢啲係好有用,但係對於真皮層嘅拉提,係一啲作用都冇!


推淋巴瘦面

去到美容院,就一定會有人sell你做推淋巴瘦面。究竟呢一樣野有冇科學根據呢?

面部按摩、推淋巴可以令到水腫減少,可以好快嘅時間之內令到面部睇起嚟更加緊致,推淋巴瘦面個好處係成效明顯,個唔好處,就係只係可以維持半日,只要一飲返水,你就包面就會即刻返嚟!

有興趣嘗試做全新韓國美國機,各種V面、美肌、逆齡療程嘅朋友,可以直接以試用價到Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)




更多有關醫學美容的原創研究,請按這裡

打開內容

2016年5月6日 星期五

【醫學美容】傳說中Olay勁過貴價貨的嚇人真相!Olay Regenerist有幾好 用?SK-II用家必看!

5月 06, 2016
之前網上有好多傳聞指出,Olay勁過貴價貨,Olay美白面膜和精華的好用程度,甚至比$2000的高價貨更優秀。無論是香港消委會的研究,抑或是美國的研究,都紛紛指出Olay超好用,勁過貴價貨SK-II/SK2。今日我特別想探討的,就是Olay好用過貴價貨這個都市傳說,Olay是否真的勁過貴價貨。(本文是自費評論,沒有收到任何品牌贊助)


(Olay好用又勁過貴價貨?今日分析下有無可能!)


$2000的面膜都不能和Olay相比?

關於美容、美白,香港的美容產品簡直有如天上的星星一樣多不勝數!每個禮拜都有新美白抗衰老產品推出,久而久之,我們對於這些誇張的廣告與及超華麗的包裝,已經漸漸變得麻木。

面對日益的嚴重的空氣污染、工作壓力、紫外線,皮膚真的一年不如一年,問題慢慢浮現!而每個人身邊總會見過有些朋友,每月花費了成千上萬的金錢去努力嘗試hold住青春,可惜卻事與願違,皮膚越來越衰老,面上的皺紋、色班、鬆弛一目了然。

要避免蒼老的跡象,就要選擇真正有效的護膚品。除了超華麗的包裝之外,你更要了解一些護膚品的內容成份,是否真的能幫助你抗衰老、位置年輕的外表。

「無時無刻、美麗第一」,是我的人生格言,對於護膚品,我要求一絲不苟!隨著年齡和見識的增長,一些高級商場裏面超華麗夢幻的包裝,已經不能滿足到我們,你需要的,是真正有效擊退歲月問題的護膚品!面就只有一塊,真的沒有什麼出錯的空間,所以,我對於護膚品的成份,背後的科學研究,特別注重!

之前香港的消委會做了一個研究,對於市面上各種高中低價的護膚品,作出了一次深入的研究,比較其中的抗衰老、抗皺紋、滋潤等的程度。研究竟然發現,開架品牌Olay的好用程度,竟然勁過貴價貨。

當日的報紙報道:

「其中11款除皺面霜在港市面有售,零售價可相差八倍,有趣的是售價與除皺功效不一定成正比……至於零售價每瓶240元、每克只售48元的OLAY除皺面霜樣本整體表現反而最佳,除皺功效有3分,而最便宜的樣本NIVEA一款面霜相對貴價產品表現不相伯仲。

其中SK-II的一款除皺面霜雖然保濕功效顯著,但其除皺功能卻是眾多產品中敬陪末席,但每克售價卻要148元。」

其實之前,在外國的美容blogger consumer research裏面,都一早發現這件事,就是Olay的滋養程度超越其他品牌,包括SK2。



(Olay Regenerist皇牌regenerist super cream - 傳說中好用過SK-II並得到香港消委會測試成功!)


Olay勁過貴價貨,究竟有無科學根據

其實,我開頭對於開架品牌都好有懷疑。同一般的美容美妝部落格不同,我這裏非常注重科學研究,對於美肌產品的包裝,我認為只是一種糖衣,最重要的都是產品成分和功效是否有科學根據,又是否有科學的研究支持,加上親身試用,來決定是否推薦。

對於Olay是否真的勁過貴價貨,第一樣看的,就是有沒有科學研究支持。根據我的調查發現,Olay這個品牌是有專屬的研究部門,專門開發產品的成分,以及確保美白、抗衰老、抗歲月問題的成分有效。

Olay的產品研發中心,是美國母公司P&G的一部份,專門為旗下的美容品牌作成分的研究。

點解你要相信Olay呢個品牌呢?係因為Olay母公司寶潔的研究中心P&G Research Center,對於研究與科技有非常大的投資,其中招聘皮膚學、生物學、細胞學、生命科學的專家,同時,亦有超過一千名博士級的職員,為旗下的美容、牙齒保健、洗頭水等等專門作出研究。研究中心全球招聘超過8000人,亦分別有20個不同的研究中心在運作。根據官方的披露,研究中心每年投入的資金數以十億計。

Olay這個品牌和其他品牌,尤其是日本韓國的開架品牌不同之處在於,它能夠用科學說服你。畢竟,美顏護膚是藝術也是科學,有一些專門研究皮膚的科學人員,能夠幫助你去研究,深入解釋產品成份,用家一定比較安心。

總括來說,護膚品品牌,可以分為兩大類。第一類,就是生產商(manufacturer),第二類就是代工(merchandiser)。生產商要科研、創作;代工,則只是按照既有的成份製作。Olay就是屬於生產商,有自己的科研團隊。

當你去判斷是否應該相信任何一個美容產品的時候,你就要問一問,品牌究竟有沒有自己的研發中心?

很多日本韓國的不知名護膚美肌品牌,都是使用OEM加工的方法,生產一些大路的護膚品。但當中的成分方程式及沒有經過嚴謹的科學研究與及驗證,一般小型的韓國、日本、台灣美容品牌是不會動用幾百萬甚至幾千萬的金錢去作出科學研究。因為對任何商業來說,R&D是一個沒有直接財務得益的項目,只有有足夠財力與及現金流的大公司才能負擔。一般公司樂得使用OEM方法。所以,再華麗的包裝都是其次,最重要的就是看產品成份是否經過深入的考証,能夠保證有效。

有自家研發的公司,一定比沒有的優質!Olay有自己的皮膚和細胞科研,這點我大讚!第一關,佢成功過關。

根據Olay發現,皮膚衰老是因為細胞的變化,其中Olay Regenerist產品的成分就是針對細胞的變化。P&G有專門的團隊研究皮膚學,其中,研發中心就發現niacinamide成份對於皮膚抗老化的作用與及益處。現在絕大部份品牌產品例如Olay Regenerist Super Cream裏面都有Niacinamide這種皇牌成份。

除此以外,Olay產品亦包含大量的amino-peptide, B3 complex, Vitamin D5及 Pentapeptide。以上成分對於改善皮膚鬆弛,增加緊緻有幫助。

如果你考慮用一些美容產品,就一定要注意生產上半身有沒有自家的研發中心,還是不停翻炒其他人的生產模式、成分。

亦是這個原因,對於一些包裝可愛華麗,卻其實是不知名的韓國、日本、中國大陸製造的面膜,成份不明,功效也不確定,你最好都係諗清楚先決定買唔買。

Olay官網上指出,每年檢查超過1000種美肌成份,嚴選1%加入產品!


Olay勁過SK -ii?

講開晶瑩剔透,殿堂級護膚品,日本最頂尖品牌SK-II的神仙水(台灣又稱青春露)可能知好多人的第一印象。最令人震撼的,就是香港消費者委員會作出的原創研究,說明Olay Regenerist Super Cream除皺程度,竟然好過價格高幾倍的SK-II!

不知道你有沒有聽過,Olay同SK-II這兩個品牌其實同事屬於P&G寶潔,產品都經過相同的研究中心研發。開頭的時候我還以為Olay會是SK-II廉價版,SK-II成份可能會好一點,但總體成份相類似,但竟然Olay比SK-II更加有效!

之前在網絡上好多人都討論過兩個品牌之間有好多相似的地方,甚至SK-II皇牌產品當中的成分Niacinamide,亦同時出現在Olay同SK-II兩個品牌之中。Olay勁過貴價貨的說法越傳越火熱。

究竟Olay同SK-II兩者之間有什麼相同什麼不同,我就作出一個仔細的研究。

仔細地閱讀消委會的報告,就會發現他們比較的,是指面霜,神仙水並不包括在內,因此暫時不在本討論範圍內。

Olay Regenerist Cream成份:

Water, Glycerin, Isohexadecane, Niacinamide*, Isopropyl Isostearate, Aluminum Starch Octenylsuccinate, Nylon-12, Dimethicone, Panthenol**, Tocopheryl Acetate***, Sodium Hyaluronate, Palmitoyl Pentapeptide-4^, Camellia Sinensis Leaf Extract^^, Aloe Barbadensis Leaf Juice^^^, Allantoin, Stearyl Alcohol, Polyethylene, Cetyl Alcohol, Sodium Acrylates Copolymer, Behenyl Alcohol, Benzyl Alcohol, Acrylamide/Sodium Acryloyldimethyltaurate Copolymer, Dimethiconol, Sodium Peg-7 Olive Oil Carboxylate, Peucedanum Graveolens (Dill) Extract, Peg-100 Stearate, Stearic Acid, Disodium Edta, Cetearyl Glucoside, Cetearyl Alcohol, Citric Acid, C12-13 Pareth-3, Laureth-7, C13-14 Isoparaffin, Sodium Hydroxide, Caprylic/Capric Triglyceride, Ethylparaben, Methylparaben, Propylparaben, Fragrance, Titanium Dioxide, Mica. *Vitamin B3, **Pro-Vitamin B5, ***Vitamin E, ^Amino-Peptide, ^^Green Tea, ^^^Aloe Vera

根據好多第三方獨立研究,都發現Niacinamide呢個成份可以幫助皮膚美白,如果中含量足夠,亦同時有皮膚消炎的作用。

SK-II肌源緊緻面霜成份:

面膜加入了王牌成份Pitera,即是
Saccharomycopsis ferment filtrate (SFF)


SK-II Piera究竟是什麼?

釀酒師光滑的雙手是因為Pitera,可能你都聽過。Pitera其實是什麼?簡單來講,就是Saccharomycopsis ferment filtrate (SFF),中文名「發酵濾液」。

我特別要提醒的是,消委會的研究只包含面霜,並不包括神仙水。神仙水本身的效果,網上也有很多正面評價。

Olay vs SK-II:名氣的光芒

有時你購買的、享受的,不單只是護膚品,更多時候是一種高尚社會階級的光環。

當然,在市場定位方面,SK-II一定比較其他品牌優秀,SK-II本身就是一種名牌,一種尊貴、上等、高人一等的感覺。其中對於日式優雅的追求與及表現,這個獨特的定位,亦是很多人選擇價錢較貴但功效相似的SK-II的原因。

Olay SK-II兩個品牌比較起來,前者只是一種護膚品,後者是一種生活方式、一種奢華、享受、社會階層的優越感!畢竟,告訴別人你是用SK-II這個牌子,也說明了你的經濟狀況相當之好,應該不會霉到哪裏去。

之前Olay產品作出一系列的升級,以前綠色樽包裝的各種美白、緊緻產品,現在已換成白色的包裝!

其中一種最令人期待的產品,就是使用在面上的Olay facial oil。這產品是計SK-II之後,母公司P&G推出的第二支美肌油。


尋找簡單的美

在深夜凌晨時分,全世界都沉睡過去之後,靜靜一個人,點一個英國名牌香薰蠟燭,沖一個舒緩疲勞的熱水浴,讓溫泉溫度的熱水提升你的血液循環,讓皮膚在蒸汽中排出毒素,然後,上床敷一個滋養的面膜或face cream,貼心感立即提升。

有時幸福就是那麼簡單。在晴天來一場激烈的運動,揮汗如雨;在雨天閱讀一本引領你思考的小說,靈感馳駢;在夜深吸收一個真正有效的精華面膜,療養美與愛。

在世界無聲之時,一個貼心的面膜,讓你好好了解自己,面對自己,欣賞自己,包括你的美,勇氣和堅強。

所以,我極為推薦大家晚上預留20分鐘的私人時間,享受一個高級的香薰浸浴,與及一個能夠滋養你面膜。在這個特別的晚間私人美容時間裏面,放一點Michael Buble慢歌音樂,把燈光較暗,把門關上,謝絕世界。在這個時候,男朋友、家人、什麼人都不要騷擾,這個是屬於你自己的時間,只有在這個時間,你才有機會唞一唞氣,在夜闌人靜的時候,忘掉煩惱,享受那種靜態的美感。

在複雜幻變、過分包裝、誇張又真假難分的世界當中,有時簡簡單單就是一種美。Olay的產品很簡單,但真的說到做到。這一點,我大推。





打開內容

2016年5月1日 星期日

【男神】性感古銅色!香港曬太陽燈價錢、Hawaiian Tropic助曬油、selftanner比較

5月 01, 2016
通常啲雜誌、Instagram同Grindr交友網度見到嘅大隻靚仔,唔單止身型好,而且皮膚顏色都好靚,蜜糖色小麥色嘅健康肌膚,好性感!今時今日要做男神,除咗有結實嘅肌肉與及精緻漂亮嘅五官,潮流嘅髮型打扮同健康深色嘅皮膚,都係缺一不可!好多男仔成為男神,就會去照太陽燈,務求令自己好似彭于晏、古天樂又或者無數嘅Instagram型男一樣咁樣,又或者用上一啲助曬油,好似Hawaiian Tropic咁樣,務求令自己得到男神級嘅健康美麗膚色!


(除咗擁有結實嘅身體,健康嘅皮膚顏色都係男神不可或缺既一部份。就好似圖中嘅N2N Bodywear嘅Model一樣,視覺上已經贏晒)



(經過太陽曬過灼熱嘅身體,會令皮膚肌肉線條更加明顯)

擁有又健康又性感嘅膚色,令到人都醒神啲!而且一齊去曬太陽、去晒太陽燈,都係好多朋友聯絡感情嘅方法之一。今日就想特別講下幾種可以令到皮膚更加深色、性感嘅方法,同埋分別佢哋嘅優缺點。佢哋分別係用Hawaiian Tropic助曬油(俗稱黑鬼油)、曬太陽燈(英文Solarium)、同埋self tanner。


Hawaiian Tropic助曬油


Hawaiian Tropic Dark Tanning Oil黑鬼油可以話係香港最出名亦都最多人用嘅黑鬼油。佢嘅好處係價錢平,周圍都買得到,而且大支,買一樽基本上可以用晒成個夏天。呢種油可以喺你水上活動沙灘時候使用,佢可以喺你瞓係太陽下暴曬嘅時候,加速見到曬黑嘅效果。


曾經有人講過,呢隻Hawaiian Tropic助曬油、黑鬼油係香港最好嘅曬太陽產品。呢個講法有啱有唔啱,無錯香港好多有玩開水上活動嘅人都會用,但係因為香港其實冇幾多隻同類嘅產品係主流嘅零售店出售!所以其實大家嘅選擇實在係唔多。

我先講解下呢隻Hawaiian Tropic Dark Tanning Oil嘅功效。呢種並唔係太陽油,係0 MPF,好多人以為佢係一種太陽油,可以在曬太陽嘅同時保護滋潤身體。對於一啲經常有晒開太陽或太陽燈嘅人來講,都會知道唔係事實。黑鬼油並無任何保護紫外光嘅作用,所以絕對唔係太陽油嘅一種。

先講下呢隻產品嘅效果,根據我個人測試,佢的確有幫助短時間內曬黑嘅特殊功效。基本上只要搽咗啲油,晒30到45分鐘,你嘅皮膚顏色就會變深!

至於點解佢會比就咁曬太陽有效,產品本身並無直接說明。

如果你好似我一樣,追求一種曬太陽時候有種exotic traveling嘅浪漫感覺,Hawaiian Tropic就可以帶俾你一種夏威夷嘅風情,因為佢有種椰子嘅香味,有一種surfer滑浪、享受椰子嘅青春氣息。

就咁聽落去,好似好正咁,但經過我仔細嘅研究,就發現原來呢隻產品都有唔少副作用。呢隻Hawaiian Tropic Dark Tanning Oil嘅主要成份係Paraffinum Liquidium礦物油。即係提煉石油時候嘅副產品,一直以來都有好多健康專家講個礦物油嘅潛在風險,包括致癌!

所以耐唔耐使用就冇問題,但係如果長期使用,甚至夏天每次去暴曬都用Hawaiian Tropic黑鬼油嘅話,就可能會造成問題!

由於呢隻產品並無任何抵擋紫外線嘅功效,用咗呢隻產品去曬太陽,基本上同完全唔用防曬,一樣有造成癌症、皮膚衰老嘅危險!

由於Hawaiian Tropic嘅主要成份係礦物油,有啲港女會以為覺得好滋潤好好,甚至當成身體就油、按摩油用。呢樣真係大錯特錯,因為礦物有風險不明,實在不適宜長期使用。


曬太陽燈

曬太陽燈真係好多香港男神又愛又恨嘅抉擇,因為曬太陽燈本身風險好高,好多醫學研究報告都講過曬太陽燈引發癌症嘅風險!曬太陽燈已經被國際癌症研究協會列入肯定致癌嘅類別。但同時,好似好有效,短期內就可以由變身型棍,令到好多男神都好掙扎!



(曬太陽燈係好多香港健身人士嘅時侯,但係香港同埋外國嘅研究顯示,曬太陽燈可致癌同毁容! )



(正斗嘅身材同埋健康嘅皮膚顏色已經係男神必須擁有嘅條件一部份,但係曬太陽燈係唔係一個可行嘅方法?)

越來越多香港健身男神會曬太陽燈。太陽燈係可以係令你極速變黑,基本上只要完成整個療程(大概五至十次)你就會見到明顯嘅顏色分別。

我以前都係經常曬太陽燈嘅客戶之一,甚至有一啲香港曬太陽燈專門店嘅會籍。依家諗返,都係高風險低回報,嘥錢兼嘥時間!

如果你喺香港又想認識下曬太陽燈,我首先講解曬太陽燈嘅程序。

一般來講曬太陽燈會先進入一個私人嘅房間,之後你就會除去所有衣服,然之後戴上由專門店提供、保護眼睛嘅眼罩(有少少似游水泳鏡,通常另外收費),搽上特製嘅助曬油,之後就進入似太空艙一樣嘅太陽燈機入面,機器開動,你就企或訓大概8至12分鐘左右。

呢段時間入面,太空艙前後左右嘅太陽燈鋼管將會進入暴曬狀態,而你亦都會感到身體非常之灼熱,會流汗,一般嘅太陽燈太空艙都會有非常強勁嘅抽風功能,等你感覺上冇咁辛苦,但當過咗十幾分鐘之後,太陽燈機器會識得自己關掉,你都會有一種輕微灼傷嘅感覺。

一般嘅曬太陽燈機都會有maximum time熄燈嘅自動設定,因為十幾分鐘已經係人類嘅極限,再多,你就會出現晒傷嘅不良情況!

曬太陽燈係令皮膚變黑最直接嘅方法之一,效果非常顯著,曬完太陽燈之後嘅一兩日,你嘅皮膚黑色素就會慢慢正式浮面,而皮膚亦都會開始變得非常深色,基本上只要每個禮拜去晒兩次,一兩個月內已經可以變得好黑好深色!

同好多有副作用嘅美容、整容療程一樣,曬太陽燈開頭嘅時候嘅後果係好好嘅!開頭我成日曬太陽燈嘅時候,皮膚的確喺好短時間內變得深色,令到視覺上睇起嚟更加結實、性感。只不過,時間一長,副作用就會越嚟越明顯。

開頭曬太陽燈嘅時候,我都抱着一種愛靚唔愛命嘅諗法,對於癌症風險,我都抱着一種得過且過,是是但但嘅態度。畢竟,如果我要有皮膚癌,用唔用太陽燈你都會有癌症啦!當年我就係咁幼稚嘅想法,但後來發現,曬太陽燈嘅副作用唔只係有癌症咁簡單。

以下就係我一個香港人曬太陽燈嘅恐怖經歷。

開頭我去香港一啲曬太陽燈嘅專門店,都係抱住一試無妨嘅心態,即管睇吓個效果係咪理想。經過左三兩次成功變黑嘅經驗之後,我就開始買套票Package。

本來都好地地,等大概去到曬十次左右,我就開始發現我嘅皮膚變得乾涸、衰老、好冇彈性!而且我面部皮膚嘅情況惡化得非常之緊要!基本上已經同一個老人家一樣,無光澤之餘又無彈性!因為曬太陽燈係360度,我嘅問題唔單只係面部變得衰老,連我嘅腰,大腿,手臂,都變得鬆馳乾涸!

當時,我都未認識到太陽燈紫外線對於皮膚質素嘅負面影響,仲以為自己嘅護膚唔夠,於是又用唔同類型嘅護膚品希望急救,但係,情況冇改善而且越嚟越差,有一啲新識嘅朋友甚至以為我係年紀好大,佢哋估嘅年齡同我實際年齡相差十年!

個故事都仲未完,當我繼續晒燈嘅時候,發現身體多咗好多類似雀斑嘅墨,就好似外國研究之中講過,曬太陽燈嘅副作用一樣!呢啲都係cancer之前嘅先兆!

之後我仔細研究,發現原來我皮膚衰老係因為我曬咗太陽燈!所以就急急停止,之後我用左差唔多半年嘅時間,同埋好多錢,先至令到皮膚冇咁鬆同埋衰老,曬太陽燈基本上係一次貼錢買難受嘅經歷。

曬太陽燈嘅副作用,你開頭嘅時候唔會覺,當你發現嘅時候就已經太遲!

價錢方面,喺香港曬太陽燈亦都係甚為貴價嘅消費,每次都要百幾蚊都二百幾蚊,如果買package分分鐘成千上萬,仲未計要去專門店購買嘅專門嘅油。

如果你一定要曬太陽燈,你就要留意下一啲係香港太陽燈專門店嘅不良銷售習慣。其中一個要留意嘅就係,好多香港嘅曬太陽燈專門店會出蠱惑,sell你買一啲混合左self tanner嘅所謂專業太陽油,然後要求顧客使用。由於個太陽油本身已經含self tanner,本來已經有令皮膚變深色嘅物質,所以照完後皮膚真係特別黑!令到好多人好開心,但係你要知道呢種混合左self tanner係暫時性,只要時間一過就會冇左。效果咁短暫,點解唔直接使用self tanner呢?


Self Tanner

Self tanner呢種產品,係香港可能唔係好流行,但係喺崇尚太陽健康膚色嘅歐美國家非常之流行,亦都係各種變黑產品之中最安全。點解呢?因為self tanner只係用咗一個好簡單嘅科學原理,令到皮膚顏色變深,當中並不涉及任何紫外光,所以皮膚基本上係無受到時任何嘅傷害。亦唔會有因為紫外線照射導致細胞變化而引起嘅癌症風險。

市面上嘅self tanner,都係利用一種糖粉同皮膚之間嘅化學作用,令到皮膚變得較為深色,模仿日曬嘅後果。

使用self tanner呢種產品亦都有一啲要注意嘅地方,就係必須使用一啲好嘅牌子,否則就會造成災難性嘅效果!一啲好嘅self tanner產品可以令到皮膚變黑,差嘅產品就會令到皮膚變黃變橙!好似黃膽病一樣!

經過我仔細嘅網上研究,發現有一種係外國出售嘅產品係特別好,佢就係Banana Boat Summer Color self tanning lotion。呢個產品暫時係香港無發售,我係經過網上郵購,但係已經回購左好多次,效果都非常之好。






打開內容

Related

Post Top Ad