【減肥】超好味又低卡纖體代餐?自費親試韓星大推奶昔、Glam D、SosoLife - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年1月22日 星期三

【減肥】超好味又低卡纖體代餐?自費親試韓星大推奶昔、Glam D、SosoLife



近年流行Sosolife、Glam D韓國代餐!想減肥減得快,跟住身材fit爆嘅韓仔韓妹食代餐,用特別設計嘅高含量蛋白質纖維代餐,減肥、排毒兼美顏,會係其中一個方法!


代餐可以增加飽足感,補充營養。因為經過特別設計嘅營養代餐裏面,會包含豐富嘅各種維他命元素,產品成份本身,多數有由高纖維低熱量嘅成份組成,例如蛋白質或者植物纖維。

代餐會提高飽足嘅感覺,令到我哋冇咁肚餓,唔會亂咁食一啲高熱量食物!

話明係「代餐」,就係替代嘅意思,本身係一種代替品,食咗就唔會食正餐。

所以,代餐係需要快速見效,當你減到一定磅數嘅時候,可食返比較正常嘅飲食。


香港市面上流行的三種代餐

香港市面上有三種代餐比較流行,分別係:

  1. 減肥奶昔代餐(例如傳銷商減肥奶昔)
  2. 韓國蒟蒻啫喱代餐(如近期人氣勁爆嘅韓國Glam D,韓星AOA雪炫代言)
  3. 韓式伴麵、烏冬、咖喱蒟蒻麵代餐(如網絡上好多人講嘅SosoLife)。

以上三種,我自己都親身試過。

今次同平時一樣,都沒有收到任何贊助,係一個自費嘅測試。會同大家講解下呢三種主要嘅代餐,減肥奶昔、Glam D蒟蒻啫喱、SosoLife蒟蒻麵,當中嘅優點同缺點。成日有人問Glam D有用嗎,今次就同大家詳細解釋。


香港常見代餐種類1:代餐奶昔

代餐奶昔,係比較有歷史又行之有效嘅代餐,基本上大部份嘅纖體美容中心、減重醫院、減肥補充劑傳銷商都有提供。

所謂嘅代餐奶昔,就係whey protein為主要成份嘅蛋白質飲品沖劑。

由於蛋白質本身有減低食慾嘅作用,呢類型嘅蛋白粉可以減低飢餓感,令到食代餐嘅人食慾減低,減少卡路里攝取量。

市面上高質素嘅奶昔代餐,裏面包含豐富嘅維他命、微量元素、生物酵素等等,唔單止減低食慾,仲有改善腸胃環境、皮膚質素等等。

如果蛋白粉本身質素好,一啲體育中心、醫學減重中心裏面,係一種「食療」級數嘅營養補充劑。(一部份係,唔係全部)。

但市面上市民大眾見到嘅好大比例奶昔代餐,質素卻極為參差,會教大家點樣分辨。

差劣貨色不單止充滿令人肥嘅糖分,仲有各種人造色素、不明添加物等等。飲咗對減肥其實冇乜功效。

一啲價錢超平嘅網店、散貨執笠倉、不明來歷傳銷供應商、大陸平價超市,就會買到呢類型水準成疑減肥奶昔。

太平或者銷售渠道太騎呢,真係冇乜信心!

根據過往經驗,如果想購買減肥代餐奶昔,最好嘅方法,係去一啲高端嘅醫學中心、營養中心、專業纖體店舖裏面。

一啲太過大路嘅傳銷商、或者「萬寧」連鎖店裏面價錢最平嗰幾種,因為佢要遷就個價錢,個質地通常都係麻麻地。口感非常一般!

真正屬於高質素嘅減肥奶昔,通常要去專門店訂購!由於個價錢偏貴,有$600到千幾蚊不等,唔係好多地方都買得到。過往有啲曾經流行過嘅,就因為銷量太少而被迫下架。

由於產品成份問題,真正有用嘅減肥奶昔,適合一啲因為胰島素忽高忽低,血糖唔穩定,導致經常大飲大食嘅人。

如果你經常處於肚餓、頭暈嘅狀態,成日會進食大量高GI食物,影響血糖同胰島素分泌,可能係因為你攝取蛋白質不足,導致一種不健康嘅惡性循環。

如果想打破惡性循環,蛋白粉代餐會係一個幾好嘅選擇。

蛋白粉代餐亦都適合一啲希望增加肌肉比例嘅人,肌肉嘅合成需要蛋白質,蛋白粉就正正補充左呢種需要,亦都係點解好多又去做gym嘅囝仔都會自備蛋白粉、蛋白粉飲品、減肥奶昔。

奶昔代餐,本身都會係類似奶嘅味道,高質素嗰啲,浸味會比較清新。如果係平貨,質素普通中下,本身有種怪怪嘅味。

所以後者,多數會大量添加人造「朱古力」、「士多啤梨」、「曲奇」等等嘅重口味,去遮掩原本嗰浸怪味。

購買減肥奶昔代餐嘅時候,建議去一啲高少少水咁嘅鋪頭,係貴少少都唔緊要。唔好貪平買啲充滿人造色素、人造味道嘅劣質貨。

我自己之前就試過貪平,四圍嘗試去買價錢好低嘅網購奶昔代餐。但對唔住,頂左兩日已經頂唔順!

實在浸味太怪,太過人工化,比美式快餐店嘅高糖高熱量重人造味奶昔仲要人工!

由於只係飲咗幾次,就要成樽奶昔就被我提早「壽終正寢」,除開飲咗三次,每次港幣二百幾蚊!

原來每次嘅價錢,仲貴過可以飲曬成樽,總共幾十次嘅高質素產品!

而家我都飲返一隻外國朋友推薦,減肥效果極好嘅奶昔。嗰隻野真係減到肥,而且飲完皮膚係的確好咗。

評價
奶昔有用嗎?有
營養指數:4/5 (高水準產品含有維他命、蛋白質、酵素及微量元素,可以完全取代一餐而沒有飢餓感) 2/5 (平價產品)
代餐方便程度:4/5,只需要水同自備容器就可以
味道:3/5
價錢:3/5
減肥效果:顯著,持久,一般減掉脂肪不會反彈



香港常見代餐種類2:韓國蒟蒻啫喱Glam D

講起韓仔韓妹,第一個印象,就當然係非常之纖瘦健康又年輕嘅身形!

你睇吓選秀節目例如Produce 101,每個小哥哥都係咁纖瘦咁靚仔!

Glam D 就得到韓星AOA雪炫代言!

(雪炫好瘦!)


朋友圈成日咁樣問Glam D有用嗎?評價係點樣。

其實好少人天生係咁纖瘦!好多時候係靠後天嘅節食同大量運動。

韓國有一種減肥蒟蒻代餐,近幾年傳咗嚟香港,Glam D減肥蒟蒻啫喱。

Glam D減肥系列,其實韓國都好一段時間,好多遊客去開首爾玩嘅時候都瘋狂購買!網上評價唔錯但係都要食個先至啱唔啱香港人口味。

之前呢隻代餐未正式入口香港嘅時候,我就試過一袋二袋拎返嚟!好彩而家已經有正式代理,響萬寧都買得到。以後就唔使去首爾瘋狂掃貨咁笨拙!

(Glam D蒟蒻啫喱)

如果你未聽過Glam D,等我首先講解佢係乜嘢嚟。佢係一包類似紙包飲品嘅半液體啫喱,裏面係蒟蒻!有非常知濃郁嘅水果味道,口味可以自己揀韓國水蜜桃,或者韓國梨。網上評價傾向韓國梨。每一包嘅Glam D,只得幾個卡路里,但食完之後你會冇晒胃口,理論上會停止進食!(理論上係,實際上唔係,下面我會詳細解釋)

Glam D減肥啫喱其實主要成份係蒟蒻,亦都係植物纖維。

佢主要係用蒟蒻遇到水會膨脹嘅物理定律,令到人飲咗之後就會有飽足感,減少不必要嘅進食。

如果純粹以物理定律同營養學來講,呢個利用食物纖維去增加飽足感,從而減少進食嘅推論係正確嘅。

但係,我自己嘅Glam D減肥啫喱親身經歷,就有少少特別,大家去萬寧買之前,一定要首先了解正確用法。希望我嘅親身經歷可以幫得到大家。


(Glam D蒟蒻啫喱只有4卡路里)

如果純粹蒟蒻,咁佢對於身體的確係好多好處。但好似Glam D減肥啫喱呢類型即食食品,其實佢已經落咗好多添加劑落去,例如代糖!

Glam D嘅口感真係好好,食落去真係似啫喱,尤其如果你本身鍾意韓國水蜜桃,韓國梨,佢嗰陣味就會好容易入口。

不過,由於減肥啫喱本身加添大量嘅代糖、水蜜桃或韓國梨添加味道落去,其實就對於燃燒卡路里同胰島素本身嘅功效,會有折扣。

之前都有好多有關代糖嘅科學研究顯示,代糖雖然本身並無卡路里,但係對於身體嘅荷爾蒙分泌,例如胰島素等等,其實都有少少影響。如果真係想減肥,想燃燒脂肪,代糖最好都係唔好食咁多。

呢隻Glam D減肥,對我來講最大嘅功效就係多咗蒟蒻,食多咗植物纖維。相比起糖水舖嘅甜品,或者便利店嘅啫喱,糖分同總卡路里係比較低。呢個係佢嘅可取之處。

但如果講到話,有冇完全「代餐」嘅效果,我就覺得爭小小。

呢隻啫喱,如果淨係飲用一包,會令你食慾減低少少,但唔可以好似減肥奶昔一樣,令你完全唔想食嘢。食咗呢隻Glam D啫喱,其實都係會想食嘢!

如果你係諗住大量進食Glam D食到飽,真係希望佢可以代替一餐,你嘅代糖攝取量亦都會太高!代糖攝取太多亦都會阻礙燃燒脂肪。

所以,建議大家如果有興趣試Glam D減肥啫喱,就應該當佢為一種零食嘅代替品,而唔好真係對佢有一種奢望,覺得食咗就會唔需要進食正餐。佢嘅營養成分、代糖指數等等,唔係一個好理想嘅代餐。

Glam D係適合作為零食嘅代替品,而唔係作為一種真正嘅代餐。淨係蒟蒻同埋代糖,唔夠營養㗎 !

Glam D對我係講整體評價係正面,但係可以再做好啲。

評價
Glam D有用嗎?有
營養指數:3/5,蒟蒻即係植物纖維,對身體有益,但缺乏各種營養素去完全取代一餐
代餐方便程度:5/5,獨立包裝,不用雪藏,超方便
味道:5/5,極易入口,似甜品啫喱
價錢:5/5 約港幣$20以下
Glam D減肥效果評價:4/5,適合代替零食,不適合代替正餐,如持之以恆也有一定效果



香港常見代餐種類3: Sosolife蒟蒻麵(咖喱味、辣伴麵)

另外一隻值得同大家測試一下,就係呢隻同樣來自韓國嘅所謂「宵夜神器」Sosolife,韓國料理蒟蒻麵。Sosolife HK近期爆紅!年糕、燕麥片都受歡迎。

蒟蒻麵減肥其實都有好一段歷史,今次嘅特別之處在於,一般坊間對Sosolife味道嘅讚賞同評價都相當好,覺得佢係比較食緊韓國餐廳料理嘅味道。Sosolife HK而家仲可以直接喺香港訂購,非常方便。

由於Sosolife係已經有調味包,即使冇其他嘅餸菜,都已即時開餐食宵夜!

一包Sosolife卡路里150左右,比起食碗即食麵嘅五600卡路里,當然化算好多。


(Sosolife蒟蒻麵減肥官網圖片,我自己買過,和圖片差不多)

食物中水溶性纖維,可以減慢身體吸收碳水化合物嘅速度,亦都減慢碳水化合物進入血液裏面嘅速度,令到血糖容易維持於一定嘅標準之內。

SosoLife嘅原理,就同之前所講嘅Glam D減肥啫喱非常相似,不同之處在於,佢有提供醬汁包,醬料包裏面的確有正常料理都會有嘅糖、調味、油等等。

我自己之前買嗰幾包嚟食,發覺佢嘅味道的確係比起以前傳統嘅蒟蒻麵大有進步,評價唔錯!小小貼士俾大家,就係雖然佢係唔需要加熱,但係如果可以嘅話,加熱處理食會好食好多!

評價
Sosolife 有用嗎?有
營養指數:3.5/5 取代一餐而沒有飢餓感
代餐方便程度:5/5 可立即食用
味道:4/5
價錢:4/5
Sosolife減肥效果評價:顯著,持久,一般減掉脂肪不會反彈




Related

Post Top Ad