相比起上一代入侵性水光針，新一代無創水光針被認為較為安全，唔會出現出血情況，同時，亦都冇咁痛！而且價錢亦都比較平，幾百蚊一次就可以。療程功效，有保濕、修護、改善鬆弛問題。咁着數？但係你可能唔知道，市面上90%嘅無創水光針都冇用！今日就介紹點樣分辨有用同冇用，同埋將無針活化肌膚嘅能量提升到最高！正確使用無創水光針！
（內地製造嘅水光針機，無創水光針係近期熱潮）
水光針啱啱流行，即係兩三年之前，我已經同大家講過，我係極之唔建議大家去注射水光針。原因，就係因為交叉感染血液嘅風險、同埋手勢唔好會引發嘅問題。水光針會刺穿皮膚表面，將透明質酸同肉毒桿菌注入皮膚底層，醫學上，屬於入侵性嘅程序，必須得到醫生執行，先至合法。但係好不幸地，好多偷偷摸摸嘅美容機構，就會搵美容師搏懵照打水光針，導致各種各樣安全、醫療事故問題！
我之前都同大家嚴重咁分析利弊。而香港執法部門亦都拘捕非法打水光針嘅美容師！
今年，突然出現咗一種叫做「無創水光針」、「無針水光槍」嘅醫學美容療程。據說，可以響完全唔傷皮膚表面嘅情況之下，將營養注入肌底。而且，今次唔會傷皮膚表面，並唔屬於醫學程序。一般美容師都可以進行。
呢一個療程，係中小型嘅美容容特別火熱，基本上好多人都俾人sell過！
好多人PM問我，「無創水光針」嘅功效係點樣？安全程度如何？價錢係幾多錢？究竟值唔值得做呢個treatment？
其實，對於無針水光槍我有一定嘅見解。
（強國製造嘅水光針機器，同南韓製造有好大出入）
市面上大陸無針水光槍，與真正韓國無針水光槍比較
好多時嗰啲個treatment嘅絲打巴打都話，市面上中小型美容中心平價嘅無針水光療程，講就好似好神奇，有啲人話，打一次無創水光針，等於用咗10次面膜！
無創水光醫學美容療程過程，好似一般療程比較相似，只不過，除咗淨係使用人手塗抹精華，就利用一部機器，好似微拍打的形式注入營養。
由於無針水光槍嘅療程效果價錢比較平，都係＄300、＄400一次，好多人都試過。一次試做之後，效果，好多人都覺得做完之後效果好似有少少，但過咗幾日，效果又好似冇乜。
經過sales顧問推銷，個心又三心兩意，唔知應唔應該買一個療程試吓！
首先，點解你覺得無針水光針係冇用？究竟一個療程可以keep到幾耐？究竟真正合理嘅價錢係幾多？
其實，佢唔係冇用，只不過「你部機」冇用！真正嘅無針水光，其實係有用！
市面上大部份價錢平嘅「無針水光槍」，只係大陸製造嘅平價大眾美容儀器！大陸製造嘅無創水光，同真正韓國、德國製造嘅醫學級、皮膚級水光儀器，有好大差別！
你部機冇用，因為佢根本就唔係醫學級嘅專業儀器，只係平價嘅、類似導入嘅強國製品。
（真正來自韓國嘅無創水光DermaJet，價錢唔平，亦都只會係一啲高級醫美診所出邊）
韓國本身都有出產無針水光，亦都係屬於韓國皮膚管理系統一部份。韓國無針水光，好似Derma Jet 2。
佢嘅原理，就係用高速氣流，音速噴注技術，喺皮膚表面造成巨大氣壓，令到皮膚表皮層嘅毛孔突然打開，打開皮膚細胞傳嘅通道，令到水份，可以深入皮膚真皮層！
真正有用嘅儀器，真係可以將水份打入肌膚3mm !
真正嘅無針水光槍，可以直接將有效物質成份包括維他命C、透明質酸等等，深層滋潤皮膚，令到成熟肌膚，得到護理、增強細胞承托力。
真正來自南韓嘅無針水光槍Derma Jet 2，係唔會傷及細胞，當氣流停止發放嘅時候，細胞通道亦都會立即回復原狀，並唔會出現紅腫、出血嘅問題。
真正來自韓國嘅無針水光槍，由於接近醫學儀器，價錢偏貴，一部機都要幾萬蚊。仲未包括保養、零件維修、送貨等等。Derma Jet嘅設計複雜而精準，而且使用嘅都係一啲特別珍貴嘅精華，例如維他命C原液，所以，每次收費接近＄1000 其實都算合理。
市面上價錢較平嘅無創水光針，功能性方面絕對冇咁複雜同先進。內地製造嘅無創水光針機器，其實有啲似拍打嘅機器，至於係唔係能夠做到韓國醫學級數嘅音速水光功能，其實好懷疑。
內地水光機器，當係玩下就可以，千祈唔好以為有乜嘢神奇功效！
功能上面，比較接近傳統嘅「無針導入」、「無針破壁」，而唔係「醫學美容手術」，唔可以同傳統嘅侵入式水光針相提並論。
市面上平價嘅「無針水光」，其實個功能，就同平時嘅保養護理一樣，補水、保養功能同功效其實有，但係唔會好似入侵式水光針、微針咁明顯同咁快。
原因，就係因為入侵式水光針，直接注入醫學生物科技成份例如「肉毒桿菌」同「注射質素透明質酸」，兩者都係醫學用途；市面上嘅平價無創水光，只係將一啲普通面膜精華深入皮膚。
一般，效果只係可以keep到三、兩日！
市場上有啲黑店，刻意隱瞞、混淆兩者之間嘅分別，令到好多消費者唔知道，無針水光，其實同「導入」差唔多。而傳統水光針，係「注射」，兩者除咗名字似之外，功效、風險、醫學原理完全唔一樣！
所以，千祈唔好一見到水光兩個字就開心得太早！
咁樣市面上一般嘅無針水光槍facial，價錢應該係幾多先合理？大概＄300到＄500 1次，屬於合理。如果10次要一萬蚊，就絕對唔合理咁貴！
有興趣嘗試做全新韓國美國機，各種V面、美肌、逆齡療程嘅朋友，可以直接以試用價到尖沙咀Reju Beauty登記。個人較推「韓國膠原激活童顏術」，效果媲美萬元貴價療程，$688限時優惠（原價$1088）
