【男神】性感男神內幕系列2:樊野RMIUC與姜思達曖昧與及粉絲不知道的內幕

11月 02, 2016

上一次講到,網絡紅人天菜男神樊野(Eddie Fan、RMIUC)鮮為人知嘅戀愛經歷。令到大家喺瘋狂like佢嘅完美外表之餘,可以更加深入咁認識佢,包括佢嘅過去,了解佢嘅性格。


更重要嘅係,作為一個案例,樊野佢可以教識你點樣同呢一類嘅player相處,甚至你自己點樣可以成為玩家。

對於樊野認識越多,就會對佢嘅豁達獨特戀愛觀同flirting、mind game技巧,感到敬佩。

情慾嘅世界裏面,一啲好似樊野身經百戰,臨床經驗豐富咁嘅人,可以算係大師級。佢留俾世界嘅,除咗美貌之外,就係有關flirting嘅精華。

包括左,好似外國玩家一樣,好鍾意自稱Daddy!(樊野粉絲就叫做「野孩子」)

喺網上交友嘅情慾世界裏面,除咗要有一流嘅外表之外,最緊要都係要有一流嘅flirting skills。各位女神男神,或者準女神、準男神,睇見樊野佢都可以偷下師,都可以有所啟發。

做足心理準備,出嚟玩,就會戰無不勝。











樊野嘅愛情溝仔溝女心得,值得想成為「神級」嘅大家參考,每一個貪玩嘅你同妳,都可以有得着。)


男神都有做兵嘅時候!?

樊野最吸引人嘅地方,除咗樣貌、身型之外,反而係佢優秀嘅口才,同埋演講能力。

樊野上過一個脫口秀節目,主要係表現自己口才,節目叫做「奇葩說」,由「康熙來了」嘅巨星蔡康永主持。

樊野有一段,就係講應唔應該為自己鍾意嘅人去做「後備輪軚」(即係後備、做兵)

佢自己就承認,都曾經做過其他人嘅兵!

樊野咁樣講,都令到在場嘉賓好驚訝。因為,樊野呢啲高顔值嘅人,人哋做兵就有份,好難想像佢去幫人做兵!

聽到佢娓娓道來,都令大家好驚訝。為咗原汁原味咁樣呈現佢講過嘅說話,我特登逐隻字寫低,等大家有機會留心睇一次。當時,佢係咁樣講嘅:


「我用做備胎的角度來跟大家說,

我當時做備胎,做得蠻開心的。

我之前有一個朋友關係還行,我一直也蠻喜歡他的,沒有說過我喜歡他,是因為我覺得說了以後,就要破壞我們的友誼。

隨着時間的推移,他交了一個男朋友,可是我還是很喜歡他。

因為這個感情,是沒有辦法控制的事情,我能控制的,就是不去破壞現在的感情,我不去做你的小三,但是我沒有辦法控制我對你的喜歡。

我就是放不下你。

你這個時候如果說,我們曾經是好朋友然後有點曖昧,然後我特別喜歡你,所以你要跟我劃清界線,

你說我不再跟你做朋友了,我不要你當備軚,這對於我來說是,非常殘忍的。

我就是特別感謝他,在那段時間,做了他的備軚,完成了我對他在愛情上的寄托和渴望。

然後Hunger Game裏面,有一個說話叫做,Hope is a very powerful thing。希望是一個非常有力量的東西。

其實人活着就是一個盼頭,總覺得我自己可能有天會跟他在一起的,所以這個盼頭支撐了那段時間,再回頭看,是甜蜜的,我當時也挺開心的。

這樣的愛情是嗟來之食,我當時是特別是賤,隨傳隨到。

但是大家沒賤過嗎?

我們每個人都賤過,對不對?

我們那一個人沒有談過一個愛情大過於自尊的戀愛?這是我們愛情上必經之路。

所以我覺得很正常,沒有什麼不公平。

一個願打一個願挨。

而且作為一個後備輪軚,我們內心深處知道一個事情,其實他不太會和我在一起,我們知道我們是後備輪軚,我知道他不會跟我在一起,但這不重要,因為我知道你能給我的不多,但是你給我的一點,我都要。

因為我都希望你不要讓我離開你,讓我在你生命裏,默默地看着你。

就像《那些年》裏面,我個台詞叫,你不要現在拒絕我,

請讓我繼續喜歡你。」

各位睇到呢度,係唔係覺得樊野講嘢好冧呢!簡直係完美情人,男友力爆燈!

有個咁靚仔,咁大隻嘅人,一往情深咁講以上嘅說話,好多人都會覺得難以抗拒!當時節目上面嘅女性,都非常之欣賞樊野咁令人從容嘅表白。

正在冷眼旁觀嘅我,唔係喺度睇樊野,反而係睇觀眾嘅反應。見到啲人幾容易俾人氹得掂!

其實,如果你真係聽到以上說話而感到對樊野動心嘅話,證明你道行未夠深!



(當年樊野上電視節目講述到愛情嘅睇法,仲有機會同小S一齊跳舞! )




(而家樊野已經係成功嘅生意人,網絡上面都有買佢出產嘅品牌運動衣物)



(😍😍😍😍)

情場百人斬

樊野一往情深,好誠懇咁講嘢嘅時候,你一定要更加小心。好多腐女、小妹妹、姐姐、OL、Hehe 就係因為咁樣而被男神電到中晒招,沉晒船!

我開始明白點解當年咁多仔仔為樊野沉船。

講到明係情場鬼見愁,講嘢嘅功夫,梗係有返咁上下啦。如果只係聽到人哋講兩句,你就覺得好神魂顛倒,證明你真係要再打滾耐少少,先至識得點樣去睇人。





樊野網上live chat)


樊野,心機重的帥哥?

一啲好似樊野咁樣嘅同志天菜男神,網上有啲人會稱之為純面邪底、心機重。

樊野呢一類型嘅玩家,佢講嘅每一句說話,都係經過深思熟慮。例如,佢明知道自己外表上係非常之出眾,又大隻又靚仔,交友圈子裏面,有好高嘅議價能力,偏偏就要擺出一個低姿態,令到對方同其他有份聽嘅觀眾、第三者,防衛心減少。

不知不覺之間,佢就得到你哋嘅支持!

所以,你一定要識得睇穿呢類天菜玩家嘅mind game!

偏偏之前就有個男仔,叫做姜思達,佢同樊野之間,好多嘅互動,唔小心,就沉咗船!當時嘅樊野,已經離婚,喺大陸工作。



(姜思達同樊野)


客觀來講,姜思達佢嘅樣貌顏值,唔及樊野

如果你識得樊野呢類型嘅天菜帥哥男仔,就會明白到,佢哋交友嘅對象、條件,就係外表一定要非常之出眾,否則,佢只會當你係兵。

之前姜思達,疑似好似係同樊野去旅行,亦都有過少少曖昧,但係俾人極速公開喺微博上面發好人卡,真係慘!

其實當時發生過咩事,大家有幾親密,又或者根本完全冇親密,都唔係咁重要。重要嘅係,千祈唔好俾人覺得你單方面咁樣不停去同男神糾纏。如果對方真係衰到公開比張好人卡你,friend zone你,就即刻知難而退,佢衰在,就係明知可能之前大家真係有少少曖昧,但係佢真係以為自己係對方嘅男朋友!咁樣,比對方耍走你嘅時候,更加唔順氣,心有不甘,喺人數眾多嘅微博上面,互相糾纏,做出一啲失儀嘅行為,吸引好多網上食花生嘅人!

最慘嘅係,姜思達佢自己仲要繼續糾纏,唔識得好快咁樣move on。反而令到大家覺得佢係認真你就輸了嘅表表者。

問心,天菜,你有冇資格食?

如果你有一日做咗天菜,你又會唔會咁簡單就俾人食?


由樊野粉絲變成討厭他?

對於經常出嚟玩嘅人,好多說話都會聽咗就算,唔會百分百信。可能有啲樊野粉絲真係好認真,將自己嘅希望同想像,強行加諸響樊野身上!

內地好多樊野粉絲,開始嘅時候對於佢要求太高,想像佢太叻,太完美,到發現咗呢啲之後,就會覺得俾人呃!感覺好差!

我只可以講句,你哋真係傻豬豬。

呢個情況之下,亦都唔可以因為你幻想之中嘅對象,同你期望中嘅行為唔同,就要立刻做出分割嘅動作,什麼「粉轉黑」,覺得佢好假,由粉絲變成討厭他,就係粉絲自己唔成熟嘅表現。

樊野,一直都無變,佢一直都係玩家,只不過係你地想像中太好,同埋你自己道行唔夠深。

我下次會再繼續講多少少關於男神要注意嘅地方。








0 意見

Counter

Flickr Images