【男神】香港最正消防男神梁裕恆Flow Leung流出!(含噴鼻血性感照)

7月 05, 2016

大隻、靚仔、消防員!仲要係香港人! !有啲人,係命中注定會網上爆紅,好似呢位消防男神梁裕恆Flow Leung,係一位任職專業消防員嘅靚仔,由於喺網上教健身同健康飲食嘅心得,又被選中為香港先生參賽者大熱候選人之一,一夜之間成為討論焦點!


(9月10日更新:Flow成功入圍,雖然未係冠軍,但前途可能更好!再次証明CCTVB漠視民意,俾啲騎呢人入四強而阿Flow止步。CCTVB可以咁粗暴咁漠視粉絲嘅支持,求其比一啲唔知乜嘢參賽者,反而超高質參賽者就要叮走,真係不知所謂。先此聲明,我係因為男神先至睇電視,而家冇佢,我就真係可以唔使再睇電視。萬千熄機賀台慶!

同時我好想講,各位flow leung粉絲如果有意見要表達,可以喺下面留言。我已經啟動左匿名功能,可以暢所欲言,我係唔會刪除。而我亦都特別作出最新評論,請往下面睇

9月10號晚香港先生選舉後最新更新:

當宣佈Flow未能入圍4強嘅時候,我都感到非常之震驚,當然,入得娛樂圈嘅選舉,都冇可能相信係完全公平公正,如果咁公正,就唔會有咁多黑箱作業嘅傳聞啦!

老實講,Flow喺整個選舉過程之中都算係投入,亦都好配合官方嘅文章,亦都冇特別得罪傳媒、或者其他嘅官方機構。唯一俾人批評嘅,就係可能以前上過ViuTV節目。如果CCTVB仍然係要咁小氣,咁呢啲咁嘅機構,入唔入到都算。有個小生做下又好,就算冇乜特別嘢做,淨係做健身教練都有排搵錢!反正而家知名度都有,大大可以好似King Chiu趙勁皓咁樣得閑出下黎,同時投資健身中心,得閑出一兩本寫真吸引下粉絲遊戲,咁樣仲搵到真錢!我問吓你上兩年港姐係邊個,都未必有人講得出…… 

阿Flow,你喺我地心目中係一個冠軍,由參選嘅過程,面對傳媒,喺Facebook同粉絲嘅交流,幫助別人嘅心,正確嘅價值觀等等都係我哋嘅學習榜樣!千祈唔好為一啲唔係好值錢嘅嘢而覺得好唔抵,公道自在人心啦,你睇吓以前選到嘅所謂港男,又有乜嘢發展呢?最出名嘅新聞,咪就係去天水圍酒店賣淫囉……

而你Flow Leung,行得正企得正,根本唔需要人哋施捨,就算做生意,淨係做健身教練,都會好多人想請你,今次你贏咗我哋嘅尊重、掌聲、亦都贏咗人氣,一間咁嘅公司合約,有又好冇又好啦,已經無人阻止到你嘅發展同埋知名度。

好似你自己成日講,你訓練嘅係態度唔係力度,今次都係一個好好嘅機會,你可以比全世界見到,你嘅態度就係超然,你做到嘅,係一個頂天立地嘅男人,唔係咁短視,將來諗返,呢啲其他明星夢參賽者都係得啖笑,而你,人生亦都會去到新嘅高度,最起碼,得到我哋粉絲嘅支持,愛戴,同埋驕傲。

你簽約做藝人又好,唔做又好,我哋都會支持你,繼續進發,因為係我心目中,你已經係冠軍,無需任何合約去證明。

各位粉絲如果覺得認同嘅,麻煩比個like,或者留言吧!


(香港大隻仔消防員梁裕恆Flow Leung可能加入娛樂圈嘅消息一傳出,即刻成為新男神、網絡紅人! 圖片來源:Flow Leung Facebook、Instagram



(好靚仔呀! )

Flow Leung嘅大隻靚仔照片流出之後,真係平地一聲雷,除咗令到我哋都對消防員呢個職業更加尊敬之外,Flow令人哋流鼻血嘅照片,更加奠定左部隊人員多大隻靚仔嘅印象。


真消防男神

香港嘅靚仔唔少,但係好多都流於表面,即係淨係識得吹靚個頭、擺出一副Chok樣自拍。咁呢位梁裕恆Flow Leung,佢唔係一般網上紅人、網上男神咁簡單。

Flow Leung係一位專業嘅消防員,所以對於一啲體能嘅訓練、健康飲食方式、正能量思考鍛練等等都有好有心得。消防員會喺市民發生意外、災難嘅時候,提供幫助,係一個好值得我哋尊敬嘅行業。佢嘅個人facebook裏面,都有好多講健康飲食心得、做gym心得嘅分享。最可貴嘅係,佢真係一個真真正正嘅消防員之餘仲非常之平易近人!之前發生火警,佢都有份去幫手!所以對於紀律部隊嚴格嘅體能同心理質素訓練,佢完全應付得到唔係淨係靚仔得個樣。

Flow Leung喺健身、模特兒界別都有唔同嘅演出。好似之前西九龍中心嘅雷霆猛男比賽,佢都有入圍,被邀請上台表演嘅嘉賓之一。

話明係網絡男神,人氣就梗係有返咁上下啦。自從有記者採訪佢去香港先生選舉之後,Flow Leung嘅全名「梁裕恆」就成為網絡最熱門搜尋字之一。

唔講唔知,點解Flow Leung佢係真正嘅男神,除咗因為夠大隻又做消防員咁屈機之外,最重要嘅係,佢又識得玩音樂(結他達人),又係模特兒,而且,仲要係好有愛心嘅人!佢經常有參加一啲慈善嘅義務剪髮活動,又幫手賣旗,又參加惜食堂活動,真係不得了!(各位港女同hehe,係咪已經個心都溶化左呢? 唔好住啊,下面仲有更加多相啊~~同埋我都估到你個心諗乜架啦,你哋梗係想光速參加呢啲慈善活動,博見一見男神吖嘛)

Flow Leung除咗外表出眾之外,其實最吸引人嘅係個性格。你睇返佢官方網頁以前啲Facebook post ,佢嘅興趣係煮食、結他、打拳、行山、睇書!依家香港好多男人都有不良嘅習慣,包括經常沉迷賭博、飲酒、嫖妓、從而引發好多生活同家庭嘅問題!Flow佢真正健康樂活嘅生活態度,真係好值得大家去學習!

仲有阿Flow同女友嘅恩愛放閃片段同facebook留言:「默契就是⋯人人關心她飛得有多高 而你懂得關心她飛得有多累! 」

高顏值暖男真係秒殺所有囡囡同hehe!

之前有班毒男、鍵盤戰士批評嘲笑阿Flow以前一張真·食蕉相,(當時正在介紹健康食物,好健康好正常,普通營養健康雜誌之類嘅相),又批評人鍾意露股食蕉,對於呢類妒忌人哋靚仔嘅人生失敗組毒男hater,我哋只可以講句,靚仔嘅嘢,你識條毛咩!都唔知幾多人幾想同阿Flow一齊瘋狂食蕉!

好多人都話,咁靚仔嘅人邊可能係現實世界生存呢?但原來香港優質小鮮肉原來未死晒架,原來仲未絕種架!

講開靚仔小鮮肉,Flow Leung梁裕恆真係好多人心目中嘅天菜,唔單止顏值又高,又大隻,而且仲有一種親和力,唔係嗰啲冷冷冰冰嘅所謂網絡紅人,佢嗰種近距離接觸嘅暖男感覺,真係無法形容。


(梁裕恆其實真係好有明星相,個樣好時尚好有現代感,就算有一日唔做消防員,做明星,我哋都一樣支持。)


(呢張相真係靚仔到! )


(對唔住,實在太有型,男性荷爾蒙同魅力爆錶!各位港女,我勸你都係唔好望太耐,我驚妳淨係睇,都會懷孕! )


(只係好簡單咁企響度,已經好有型)

第二輪面試,阿Flow好似已經入咗圍!報紙報道,仲有人話佢似林文龍添。我就話唔係太似啦,我覺得阿Flow佢仲高質素過林文龍。

梁裕恆參加香港先生選舉,咁高質素都肯定入圍,行起運來,可能真係冠軍都有得做啊!我係一個十年都唔睇一次電視嘅人,但今年,我一定會準時睇的!梁裕恆加油吧!期待你演出!我嘅一票,一定投俾你!



(男神出海,oh my god 真的帥到不行了! )


1 意見

  1. everybody knows personal trainers are greedy for money. flow was not a registered personal trainer at the phys!cal gym, but he trained people there in private, breaching terms of the membership. this shows he does not have integrity and is all driven for fame and fortune rather than serving the community as civil servant.

    回覆刪除

Counter

Flickr Images