【男神】成功需被X?如何成為同志天菜男神

5月 23, 2016

自從社交媒體的興起,就出現咗一堆男神女神,其中一個品種,叫做同志天菜,即係gay圈名媛。一啲好似IG、同埋Grindr、Jack'd一類嘅同志交友app裏面,總會見到gay圈名媛嘅足跡。究竟一個人有冇資格叫做同志天菜,就要睇吓佢嘅受歡迎程度,有幾咁一呼百應。如果一個靚仔,只要一post更新狀態,馬上就有一千幾百個讚同留言,咁佢就有可能係天菜。天菜人版包括早前離左婚嘅「樊野」,同「方祺佑」。



(世界有名嘅靚仔方琪佑Harry Lawesdy)

基本上全部人要嘅野都一樣:後生、大隻、高、靚仔、最好識英文或者有外國嘅經驗。

同志天菜圈,係個階級觀念非常分明嘅社區。有樣有身材,就會好多人想約炮,自然有叫座力。越多人想約炮,代表你越成功。喺呢個世界,成功除咗靠父幹,亦都可以靠被幹。

既然有「男神」,就會有兵。有兵,就自然有做兵嘅悲哀。就係呢個咁殘酷嘅現實,導致大家競逐做同志天菜嘅現象。今日就詳細分析一下,乜嘢係同志天菜,點樣成為同志天菜,同埋一啲case study。


Grindr係一場選美,你係評判亦係佳麗

早前,欣宜唱出《女神》呢首歌,歌詞講到其貌不揚人士所面對嘅辛酸,困難,與及就算人哋睇低自己,自己都要尊重自己,維持必要嘅尊嚴。一啲咁勵志嘅歌詞,當然令到好多網民like爆,覺得《女神》呢首歌嘅歌詞有意思,激勵到自己,無必要為其他人嘅眼光過分妄自菲薄。

當全世界都讚欣宜唱得有幾好,女神歌詞有幾咁入心入肺嘅時候,我除咗讚嘆,亦都有少少嘆息。

無錯,欣宜《女神》呢首歌嘅歌詞係好正面,講出左做人真係無必要太過注重外表而忽略內在,但不過現實係,如果你同一個好似欣宜咁樣樣嘅肥妹仔、肥仔調換身份,你又肯唔肯呢?

理想歸理想,現實還現實,喺完美嘅世界,好多人都會可以同時了解你嘅外在美同內在美,但係現實世界係,如果你肥、樣衰,根本無人有興趣知你有冇內在美。

見到欣宜女神呢首歌歌詞,打動咗咁多香港人,點解我會話我係有嘆息嘅成份呢?係因為講到底,都係睇你有冇市場價值,冇市場價值,你嘅日子會過得好辛苦。


你的樣子如何,你的日子也必如何!?

要成為同志天菜,有幾個基本條件一定要達到。

樣貌要四正:劍眉尖面,高鼻;皮膚要滑溜

身材要好:要有胸肌、有腹肌;身高最好係六尺以上。仲有自己嘅秘密武器,就最好六吋以上

思想要夠開放:經常一啲泳褲相、內褲相、半祼做gym相、床照,發放男性魅力

護膚美容:皮膚要光滑到好似雞蛋一樣,同埋一啲基本嘅護膚、畫眉令到樣貌更加吸引

潮流觸角:衣着打扮要潮,高級包包同designer clothing是常識吧

模特兒甫士:男神影相會有唔同嘅甫士,如果唔識,就要參考吓其他男神

有錢:影相嘅背景要特顯到嗰日優越嘅社會地位同埋收入,要出入一啲高級酒店泳池、私人派對、商務飛機位等等

修圖技巧:一定要對於美圖秀秀修圖app有高端嘅認識,光型、顏色、都好影響一個人靚唔靚。二一啲特別嘅構圖技巧如圖,亦會令一個人有普通男仔升格為男神

呃like道具:適當嘅時候要同一啲可愛嘅小動物、BB仔影相,咁就可以收到呃like嘅效果


(Harry Lawesdy方琪佑被稱為同志天菜,佢就有齊晒以上嘅條件,可以稱得上係男神。)

有時模仿學習,好過純粹理論咁樣講,以下就有幾個例子,比大家一齊參考吓,點樣成為同志天菜。


同志天菜男神case study:Eddie Fan(又名RMIUC、樊野)



( RMIUC經常自拍大尺度圖片,叔叔不行了! )


(RMIUC真係靚仔過好多明星,又大隻! )

Edison Fan樊野係一個代表剛毅,男性化卻邪氣嘅Gay界暗黑天王。喺微博,instagram等社交媒體上,Edison Fan樊野擁有數以100,000計粉絲超高人氣,喺英美澳紐、中港台都有大量花痴腐女粉絲。佢係Grindr啪啪啪一哥,同志圈名媛,時尚Gay界精神領袖;佢嘅過去卻極神秘,來自中國大陸,卻長期在海外,佢光速同紐西蘭洋零結婚,又光速離婚。佢係普羅同志嘅模仿對象,一夜情文化嘅高級大使,同外貌協會的外交官。

RMIUC仔係同志天菜嘅人版,佢溝仔成功過程、心路歷程等等,佢都唔介意同其他人分享,RMIUC甚至出咗一本書,教大家點樣交友。

上位途徑:經常出現於同啲討論區、不停自拍半裸照、苦心經營instagram、微博。

待續


0 意見

Counter

Flickr Images