【減肥】擊退脂肪!萬寧最work減肥藥、有效減肥產品介紹(自購評論)

萬寧有好多減肥產品,包括減肥咖啡、燒腩丸、排毒丸、所謂嘅大餐急救產品、纖維補充品呢啲減肥產品。當中有啲有效work,有啲無用,有啲甚至可能對身體有不明嘅風險!今日就教你點樣科學化咁樣選擇最適合你自己,最容易減到肥嘅產品!

好多減肥中嘅人會問,萬寧裏面有咩減肥產品、減肥藥係最work、最有效?

平時好多美容blog、討論區都有好多減肥產品、減肥藥推薦,但係好多都係贊助嘅廣告,即係收咗錢嘅打手。究竟個blogger有冇食都唔知,而且如果真係要減肥有效,就真係要科學證據,而唔係一廂情願嘅相信、希望!要減肥成功,就要夠科學!(自費評論,沒有收到任何品牌贊助或試用)


(超級名模Gisele簡直係完美身段。原來,識得買適合你又真係有科學根據嘅減肥產品,你都可以有!)

作為一個經常行藥妝店、參加過無數美容療程,研究過無數瘦身課程,亦都研習過營養學、醫學減肥方法嘅人,我可以確定講到俾你知,點樣減先真係減到,萬寧邊啲有用,邊啲係完全唔work。

首先,我要開門見山同你講,萬寧裏面好多減肥產品都冇效唔work,但係如果你真係識諗,對於營養學有研究,有一部份就真係幫到你。如果你想又瘦又靚,就要繼續睇。


香港減肥藥現況

係咪去萬寧、屈臣氏購買所謂嘅「減肥藥」之前,一定要了解現今減肥藥嘅醫學同法律情況。

首先第一樣你要搞清楚嘅係,你買嘅係「減肥藥」,定係「減肥補充品」。

首先講吓減肥藥。以前好多減肥藥,其實係含有對身體有害嘅物質第1部毒藥「西布曲明」sibutramine,但係當時嘅人並唔知道佢對身體嘅害處。

曾經,美國嘅藥廠就出咗以「西布曲明」作為成份嘅減肥藥,叫做Reductil ,中文名叫做「諾美婷」。

隨着世界各地嘅醫學研究發現,呢種產品對身體可能有害,世界各地包括歐洲、美國、歐盟、台灣、中國大陸嘅醫療監管機構,已經廢除左「西布曲明」同Reductil「洛美婷」呢種減肥產品嘅許可證。喺大陸,呢種產品甚至禁止生產。

被列為第1部毒藥嘅「西布曲明」,喺 2010年開始,香港政府同醫管局發現佢對身體嘅影響,導致心臟病同埋精神錯亂嘅危險,就將佢禁止發售!好多美容減肥行業嘅業界人士,亦都好自律,冇再出售推廣呢種產品。

網店上好多來歷不明嘅減肥產品、減肥藥,就係含有呢種成分。有啲為咗減肥而不惜博一舖嘅人士,就會選擇去泰國、大陸嘅instagram網店、淘寶購買!呢樣係非常之危險嘅行為,可能會導致精神錯亂甚至死亡!

呢種「西布曲明」減肥藥唔應該買,亦唔應該賣。因為食落去會對心血管造成危機,而賣嘅人,都係違反香港法律,要罰款10萬元及監禁兩年!

根據傳媒報道,以下產品已經被發現有第1部毒藥「西布曲明」,正減肥嘅靚仔靚女要注意,以免錯食咗啲對身體有害的物質!(精神錯亂,點樣講都唔可以叫做靚! )

Fizzle Pop Soda
Double S
可秀、Kexiu
Yanhee

基於安全同埋法律問題,呢幾隻野喺萬寧、屈臣氏等大型嘅藥妝店都搵唔到。總之如果係網上店舖見到呢幾種,就要小心。唔好以為你唔怕死就無事,之前醫管局已經有幾個案例,食呢啲減肥藥之後,會造成心跳加速、入院、甚至乎死亡威脅,亦都會造成之後精神健康嘅問題!你依家係萬寧見到嘅,都係一啲好溫和嘅減肥補充品。

依家香港,受到衛生署認可嘅減肥藥只係得一種,就係Xenical。Xenical就係俗稱嘅痾油丸。

Xenical曾經流行過一排,近年已經漸漸消聲匿跡,因為好多人都發覺,佢嘅副作用好犀利,去到邊度,patpat都漏油,真係又尷尬又污糟!呢隻野去到萬寧一定要醫生紙先買到。

所以話,如果要減肥,減肥藥真係未必係最好嘅選擇。反而一啲營養補充品,可能更加正路,更加持久同健康。

如果真係有心想減肥,我會建議你用萬寧一啲營養補充品、再配合均低醣飲食。


萬寧減肥產品種類

好多想減肥嘅人都會話,去萬寧買最work減肥藥,但其實,正確說法應該係萬寧嘅「減肥健康補充品」,因為「減肥藥」就只係得一種,就係Xenical。而Xenical呢種係必須要經過醫生處方,唔可以直接開架購買。你喺萬寧見到嘅,都唔係稱得上真正嘅藥物,而係補充品。

依家係萬寧出售嘅減肥產品,最受歡迎個幾款包括:

「fit x油分內包」
「大麥若葉」
「大餐急救」
「消腩丸」
「2B瘦身精油」

以下我會詳細分析。





萬寧減肥產品主要分為幾種:

萬寧減肥產品上邊都好多人有一啲模特兒、明星S型身材嘅廣告,都講到產品好似好有效。但係你一定要信科學,所以我就走去研究每個產品嘅有效成份。發現萬寧減肥產品,大部份都可以歸類成為以下幾種。

纖維素、纖維丸(推薦指數3/5,5最高):喺萬寧出售嘅減肥產品中,較為有效嘅,就係包含食物纖維嘅纖維素、纖維丸產品。佢嘅作用,就係利用纖維嘅天然膨脹,製造飽足感,令到你冇咁餓,而且同時吸走部份油脂。從而減少卡路里吸收。

呢一類型纖維素嘅產品好處係冇乜副作用,如果根據指示服用,佢就會有吸油嘅後果。但其實,其中一個方法避免身體吸收過多油份,就係進食燕麥。燕麥係非常之強嘅吸油仔,亦都係好好嘅食物纖維,而且價錢平好多,又保證天然!

去水腫丸(推薦指數1/5,5最高):呢種產品係萬寧都常見,佢哋都會話提高新陳代謝、幫助減肥為賣點,但係其實,佢只不過係將身體裏面儲存嘅水份排走,就會令你睇起嚟好似瘦咗。好多乜乜物物咖啡因減肥,就係呢種。

去水腫丸嘅好處係效果立即見到,包包圓面都變瓜子面,如果你當日水腫,想快速減除多餘水份呢啲產品就有效果。但係呢啲同飲杯咖啡冇乜分別,甚至飲杯綠茶等含有咖啡因嘅飲品,都會有相似效果。

去水腫產品嘅唔好處,就係同吸收過多嘅咖啡因一樣,可能會導致心跳、手震、精神難以集中、情緒困擾等等!

輕瀉劑(推薦指數0/5,5最高):呢類型嘅產品係主要針對你吸收食物嘅情況,由於佢係一種瀉藥,會導致你嘅食物唔夠時間吸收,就強制排出體內!對身體冇益。

滕黃果精華(推薦指數2/5,5最高):一啲減肥產品裏面,包含呢一種稱為減肥水果精華嘅萃取物。係科學研究角度來講,滕黃果減肥嘅作用係有,但現今科學研究都顯示,佢嘅減肥作用並唔算好好。之前嘅研究,都係係一個假設性嘅環境之下,講述呢種產品可能有機會阻止脂肪型成。而家嘅研究都仲係好初步,如果你希望佢可以幫你真係減到肥,就一定會好失望。

講嚟講去,好多人去萬寧買減肥產品,都希望可以有效地阻止脂肪熱量嘅攝入,從而阻止脂肪嘅形成。但好可惜,現今嘅科學根據,都唔足以支持有一啲咁樣嘅物質,可以完全有效地將你已經食咗嘅食物完全阻隔熱量攝入。

最快嘅減肥方法,係令你嘅食慾降低,你自自然然食少左,卡路里攝入低左,就自然會瘦身。

去萬寧購買減肥產品,最重要,都係搵一啲安全性高,而且科學證明有效嘅產品。喺萬寧嘅咁多種減肥產品裏面,我推薦嘅,都係一啲有科學根據嘅營養補充品,而唔係一啲經過盒裝包裝、又標榜誇張成效嘅所謂快速減肥產品。(好多由本地明星代言嘅產品,都係以上幾種纖維素、去水腫)

講咗咁耐,萬寧有咩減肥產品係真係有效呢?簡單來講,就係纖維gummy,同奶昔代餐

因為同以上嘅產品唔同,代餐可以令你減少食慾,從而講低卡路里攝入。減少卡路里攝入係其中一個減肥最快嘅方法。佢絕對比一啲所謂阻隔熱量形成嘅藥丸有效。

經過我嘅研究,發現萬寧最有效最work嘅減肥產品,都係一啲蛋白粉Whey Protein、減肥奶昔。你去一啲有GNC櫃檯嘅萬寧問吓Whey Protein奶昔粉,就會知道。(推薦指數4/5,5最高)

如果你平時行開嘅係屈臣氏唔係萬寧,我都知道屈臣氏就有賣Celebrity Slim。另外相同原理,日本出產著名嘅Orbis代餐都會有用,一般嘅莎莎、卓悅都有出售。

一包減肥奶昔Whey Protein嘅份量,大概150卡路里左右,可以代一餐正餐。

蛋白粉、減肥奶昔、減肥代餐啲所以有用,因為佢主要有以下嘅效果:

阻止卡路里吸收
營養補充品
抑制食慾

蛋白質本身有減低食慾嘅作用,飲咗一包,好自然個胃口就細咗。

持之以恆,每日代一餐,你就自然會瘦!

足夠嘅蛋白質對於皮膚,尤其是真皮層嘅成長,都好有作用。所以如果要皮膚靚,有足夠嘅蛋白質係必須。蛋白奶粉、代餐本身可以令你嘅食慾減低,所以係一個美容瘦身嘅首選。

有興趣嘗試做全新韓國美國機,各種V面、美肌、逆齡療程嘅朋友,可以直接以試用價到Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)




瘦身美體





【醫學美容】【減肥】一個月醫學美容級減肥成功神方法!(超詳細分析節食、蛋 白粉、做機RF、減肥藥)








【美髮】屋企也可以做出$2000高級salon護髮效果!好用洗頭水護髪素推薦,及拆穿「無矽」的秘密

每次去高級salon、hair spa,其中亮點,就是豪華的護髮專業產品。通常一些好似Hair Culture、Private I、Il Colpo、Leighton Aveda、La Mod,都會提供高級的洗髮護髮產品,令頭皮頭髮健康成長。

對自己好一點,讓自己處於身心平衡、愉快、健康、纖瘦的狀態,是靚仔靚女必要的長期保養和功夫!平時,都要好好保養自己頭髮,因為你每日都要洗頭,選擇用什麼產品好重要,對於你的頭髮甚至心靈狀態,都有決定性影響。做得好,什麼都會有提升。如果你享受去Aveda做頭髮護理、hair spa、絕對不可以錯過這個特別專輯。(自購評論,沒有收到任何品牌的贊助)



(出街做hair and scalp treatment好正但好貴!如果學識自己做,可唔可以用十分一價錢做到?)

在hair salon和在家做treatment的分別,最主要在產品的質素。一般商業用的產品質素,功效比較高,而且經過髮型師的專業意見,通常也能夠為顧客找出最適合現在情況的相應頭髮產品,免了客人自己胡亂試導致敏感等等的後果。

在外面找專業意見,當然是最好做舒服,可惜價錢亦貴,現在的髮型中心做hair treatment、scalp treatment,加上洗頭費價錢最低消費$1000幾,多數都要$2000幾元不等!不是每個人都能夠承擔!

專業髮型屋使用的產品,例如Keratase、Shiseido、Goldwell,一般都只供商業用途,超級市場、家庭用品中心沒有出售。而其他的品牌例如Aveda,即使有零售都好,價錢都昂貴,一支頭皮護理精華,零售價接近$700。

一般超級市場品牌的質素十分普通,但勝在價錢平,但是,今天我就教你,點樣可以用好少的價錢,就可以得到去外面髮型中心的專業後果。

我會教你去邊度買,點樣買,才可以確保最佳的效果,屋企也可以獲得專業星級salon的體驗!最重要的是,我會教你點樣慳錢,你可以將原本只足夠一個人做treatment的昂貴價錢,變成足夠大家一齊分享!把超高質素的美髮產品買回來,和家人、朋友、老公老婆一齊體驗五星級的護髮,並能夠持之以恆地做多次療程,分享改善頭髮的喜悅。係時候對自己和家人好一點!


採購專業salon級美髮產品:直闖旺角佐敦髮品店

自己學識做treatment,就能夠突破出街去昂貴salon的價錢限制,學會自己做,又可以令更多的家人朋友得益。

無論你有幾多錢,都有權愛護你身邊嘅人。採購專業質素的美髮產品,讓BF、GF、家人也有機會使用較高質素的產品,而不是因為經濟限制要使用一些質素低劣的產品,這正是我介紹這個專題的目的。

今次就要教大家點樣去入貨,搵到一啲超高質素、專業髮型師都會使用嘅產品,而且唔需要再經過專門店、專櫃購買。

你喺香港尖沙咀、銅鑼灣、金鐘、九龍塘見到嘅高級髮型店,佢哋使用嘅Shiseido、Keratase、Nioxin、Goldwell Kerasilk產品,多數來自原廠。

一般消費者入唔到原廠購買,最主要原因因為他們只向salon供貨,完全唔做零售生意。原廠做生意,會做好多宣傳,贊助髮型show、時裝周,提升整體產品形象,再由stylist劈落消費者,這是他們的business model。就算Keratase在尖沙咀The Mira、Aveda在各大商場有專門店,價錢亦好貴。買兩件已經超過$1000。

想又靚又平,位於旺角、佐敦嘅髮品店就最適合入門級的美男美女入手。呢啲地方專門供應俾髮型屋,簡單來講就係批發。

為咗靚,同埋介紹更加多好用抵用美髮產品比大家,我就會帶你地去平時可能好少出入嘅廟街、佐敦,尋找隱世髮品店!


(著名位於旺角佐敦廟街的髮品店「髮品站」)


(外表普通其實產品極多極新!佐敦髪品店是尋找專業美髮品天堂)


(佐敦旺角另一髮品店)


(我推薦這間FCC髮品站)

唔好睇小旺角佐敦髮品店,行開高貴商場嘅你哋,可能會覺得環境好一般,香港好多髮型屋、高級salon、個體戶著名設計師、都喺呢啲地方入貨!Shiseido、Keratase、Nioxin、Goldwell Kerasilk都有,仲好齊。

可能大家都有啲震撼,無錯呢個係事實。識搵,一定喺呢度尋寶!

髮品店外表平平無奇,甚至有啲舊,但入到裏面就發覺簡直係美髮天堂、髮型師嘅夢想! 

位於旺角、佐敦的髮品店,有好多美容專業產品出售。除咗專業級嘅salon洗頭水、護髮素之外,亦都有salon必備嘅毛巾、圍裙、風筒、剪髮鉸剪、各種著名美髮牌子護髮精華、染髮劑、數十種護髮油、hair spray、電髮產品等等 ……基本上你在salon找到的,呢度都有出售!

位於佐敦旺角髮品店嘅好處,就係有好多出邊買唔到嘅商用品牌!例如日本高級髮廊最流行使用的Shiseido Professional系列。香港呢個系列有錢都未必間間都搵到!

我就喺髮品店搵到上次salon做過嘅Shiseido Professional頭皮護理精華!上次出街做,淨頭皮護理療程都要$500 ,今次買咗成支返屋企,夠用一個月,都係$450 !

除咗各大品牌嘅精華之外,仲有好多海量嘅電髮器、直髮夾、焗油帽等等。

由於產品接近成本價發售,外面$1000甚至$2000的treatment,在這裏只需要幾百蚊就可以做到。而且一定有剩,做多次使用,可以繼續幫朋友家人使用。


高級髮型師的秘密

對一些對美容冇任何要求的人,髮品店的產品,都不會夠超級市場的開架產品平。(除了少數供應下價理髮店,超平價雜牌洗頭水外。)好多人甚至會問,究竟有冇分別?

係有分別㗎!

如果你想頭髮靚,就要學識分辨產品成份,以方便你選擇價錢平又好用嘅產品。

對一些高級的髮型師來講,自己洗頭都會選擇好的產品好重要,因為他們理解,salon級洗頭水和普通家用洗頭水的分別。

一些價錢低廉,普通個人護理專門店都買到的家用洗頭水例如P&G head and shoulders,通常在清潔方面,都做到要做的效果。這些普通超級市場洗頭水基本上都可以清潔徹底清潔頭皮上的油脂,但普通平價洗髮水的缺點,就是清潔力太猛烈,造成頭髮枯黃、開叉、糾纏的問題。

現在就教你如何分辨高質素和低質素的洗頭水。


解構你支洗頭水的成份

對於一些要求低的消費者來講,家用洗頭水和專業洗頭水好像看起來係一樣!而且家用洗頭水大大支,好似好抵用!但當你真係研究過,同專業髮型師學習過,就會知道洗頭水真的有分級數。

Salon級數的洗頭水,真正有效成分多一點,無謂的成份就會少一點。什麼叫做無謂的成份?起泡劑(Foaming Agents)、增厚劑(Thickeners)就是例子。

徹底改善髮質,其中一個方法,就是找對洗頭水。現在都一齊了解一下,你的洗頭水成份是什麼。市面上出售的洗頭水都包括以下幾種主要成份:

清潔劑(Detergents):負責洗走頭皮的污垢、油脂、死皮、殘留的產品等等。市面上的產品,都會包含Lauryl Sulfate(
Sodium lauryl sulfate, triethanolamine lauryl sulfate, and ammonium lauryl sulfate)同Laureth Sulfate等等,好多人一見到呢個SLS字就即刻彈開,但其實經過詳細了解之後,就發現在皮膚學上的角度來講,其實SLS成份係一種優秀的清潔劑,能夠將皮膚上的油脂有效地洗走,同時製造泡沫。

起泡劑(Foaming Agents):幾乎一種shampoo都會加入,但職業的髮型師、美髮達人都知道,起泡劑在洗髮的過程中,並沒有特別大的作用。極其量只是幫助產品比較容易在皮膚上推開,並無其他實際效果。但一般的洗髮精護髮素都會加入產生大量泡沫的SLS,原因就是一般消費者都以為,泡泡越多代表清潔能力越大!

增厚劑(Thickeners):一般的洗頭水其實可以半水狀,但市面上產品的質感比較厚杰。洗頭水質地越杰越好?其實同洗頭的清潔程度無關係。市面上出售的洗頭水,大部份都會呈現一種杰的狀態。但其實,這是人為的效果,好多產品都加入了根本無需加入的增厚劑glycol distearate、PEG150,加不加glycol distearate,對於清潔頭皮頭髮冇特別幫助。好多產品都加入,因為好多消費者都以為洗頭水是越杰越乾淨,並不知道其實這種濃郁,是人工加入glycol distearate、PEG150的結果。

酸鹼度調節劑(pH Adjusters)洗髪水護髮素PH酸鹼度影響頭髮質素:ph5.5最好。

護髮素(Conditioner ):洗發水的清潔成分,可以帶走頭髮的污垢,但是洗頭之後有光澤,就必須加入改善髮質的護髮素。


Hair Spa at Home洗頭的準備

今日教你的是平日的護理和打理,最佳效果當然是同時光顧高級髮型設計師,同時也在家定期護理。因為除非你真是超級富豪、城中名媛,每個禮拜都去private i整頭髮,有點奢侈!

當然出街做護理,也有可取之處,就是在一個愉快輕鬆的salon環境,放鬆下自己。如果懂得自己創造良好的環境,即是在家裏也能造出專業高級髮型屋的氣氛和效果。

有很多小可以提升洗頭沐浴的體驗,為你帶來更清新感覺。在洗頭沖涼的時候,我會點着一個香薰爐,會放新鮮的薰衣草油、甜橙、天竺葵油等等。

洗頭的時候,我也會開着音樂,即是沒有特別的音響裝備,只是你的iPhone ,也可以播放一點冥想、鋼琴、大自然聲音等放鬆身心的音樂。

在家做treatment,當然,設備越多越好啦。洗髮水、護髮素、hair spa髮膜……還有專門洗頭機、防水按摩器……

有時擺放鏡子與及花卉,都會大大提升浴室的空間感以及視覺美感。

定期更換使用的洗頭水、護髮素,也可以為自己帶來新鮮感。


「無矽」洗頭水護髮素的迷思

近期的購物熱潮,都圍繞着無矽靈(silicone free)洗頭水。究竟矽靈是什麼為什麼會製造如此大熱潮?

矽靈之所以大受歡迎,是因為好多消費者喜愛他能夠帶來那種暫時性的護髮「感覺」。而且矽靈能夠短暫性地保持頭髮裏面的水份。在視覺上,看起來會比較光滑一點。

矽靈添加物,在平價洗頭水、護髮素都會加入。它的好處,就是能夠為你的頭髮製造一種柔軟滑溜的幻覺。但這總是絕對暫時性的,不能持久,一洗頭,就會立即洗走,頭髮枯乾的問題就會一目了然,矽對於長線改善頭髮的法則,並無任何幫助。而且他本身有一定的重量,對於頭髮本身係偏幼人士,使用這種產品,很容易造成髮型扁塌的不佳效果。

如果你的洗頭水裏面有這個成份dimethicone, dimethiconol, amodimethicone或cyclomethicone,你就知道包含了矽。

有些髮型師會將矽靈比喻成為一種廉價的化妝品,它能夠讓你暫時看上去比較美白一點,但長期使用,就會導致毛孔閉塞、暗瘡等問題!亦會導致皮膚的呼吸有問題。

所以除非你的頭髮真的受到嚴重損傷,必須使用矽靈,否則無矽洗頭水會比較好一點。

之前好多美容部落格都討論過矽靈安全性的問題,究竟silicone in shampoo是否安全,是否會導致中毒或癌症?這個問題其實好多人都仍然在研究當中。

根據美國研究資料顯示,長期使用,有可能對環境有負面影響。動物測試中,也發現了長期使用可能有一點點的影響,但現階段,無證據顯示使用含矽靈的洗髮護髮產品會造成嚴重的中毒或癌症。

如果個人傾向支持天然美髮產品,想完全避免矽靈的話,也可以使用Avalon Organics系列的產品。


天然精油護髮的準備

之前講過,精油有美髮效果。

之前有研究天然材料對改善頭髮的幫助,發現椰子油對於改善頭髮上面的蛋白流失有幫助。

左一個研究中,比較了天然的材料包括椰子油、橄欖油,與及礦物油美髪效果。

研究發現,如果使用石油的副產品礦物油,對護髮完全沒有幫助,因為礦物油本身不能和頭髮上的維他命組織結合,只會造成毛孔的閉塞 !所以要用油來美髮,最好就是用天然材料coconut oil,絕對不要使用mineral oil。






更多免費美容教學,平價好用推薦

【男神】高顏值BL耽美電影「雙程」劇情搶先看!高泰宇、黃靖翔大起底

自從耽美神劇「上癮」爆紅之後,BL耽美劇近期真係一浪接一浪,高潮迭起!而最令人期待,就係呢套堪稱媲美「上癮」,由多名高顔值男神主演嘅BL網絡電影「雙程」!之前確定有腹肌靚仔高泰宇、著名美男coser黃靖翔演出之後,在網絡界、腐女界、同志界立即掀起一場旋風!有關「雙程」電影嘅微博、劇照、都引起瘋傳!

無獨有偶,同「上癮」一樣,呢套以BL耽美作為主要賣點的電影,原本在七月上映,因不明原因一樣被下令禁播!當然,越禁就越想睇啦!

不過,「雙程」盛傳會九月上映,好期待!








有故事不如有顏值

「雙程」故事由著名BL小說家藍淋寫作,藍淋專門寫一些激情的耽美故事,也即是之前另外一套BL電影「不可抗力」同一作者。

純粹以故事來說,作者之前作品的編劇真是不敢恭維……

無緣無故地綁架,無緣無故地H ,你又強姦我,我又強姦你,分手,又復合!作者似乎對於男男之間的愛情,充滿性幻想,卻好像嚴重脫離現實!

見到這些思想,正常人都會覺得荒謬好笑!哈哈!

藍淋的故事劇情,都偏向二次元漫畫化,更像是一本文字化的日本成人BL漫畫,都是一些超乎現實的腐女幻想。這種腐女讀者和直的毒宅男沉迷H漫一樣,只是性取向不同。

無論是藍淋的,或是其他的內地BL作者,故事都基本上跟從一個既有模式,就是一個性格懦弱小受,與及霸道自私強勢攻的糾纏不清。而當中有的互動,就是小受無止境的自我虐待,你看看我有幾可憐,我為你付出幾多等等……

故事的發展,就是小受0仔為了得到小攻1仔的持續青睞,做出一些要生要死,危害自己身體甚至生命的事情!又或者是用被性侵犯來完成小攻的獸性,去換到所謂的愛情。

難聽點說,就是犯賤地「撩屌」。(各位台灣讀者,這是香港俚語,即約炮)

這種狗血劇情,好多粉絲卻看到欲罷不能,你覺得荒謬,她和他卻覺得很虐心!

其實,這些故事都講了一句你和妳現實生活中不敢講的:

「愛我,你就強姦我!」

好多腐女、同志不敢承認有被侵犯、被征服的快感。可能你和妳都是其中之一!

一種被虐待的享受。但你和妳的羞恥心,令你只敢沉溺在漫畫網劇裏面,在現實中不敢表現!

BL耽美漫畫、小說、網路劇就是這種暗黑思想的發酵。

狗屁不通的故事不要緊,用強國的用語,就是最緊要多糖、多彩蛋!



藍淋的粉絲不少,好多腐女如痴如醉,更有好多人將作者一系列的BL戀愛小說製作成廣播劇!

當消息傳出,「雙程」小說作品即將會改篇成為網絡電影的時候,好多網絡觀眾都評論,這本小說的狗血劇情,看看小說就好,拍出電影來,只怕有點尷尬,不倫不類!

網絡電影「雙程」故事薄弱,但不要緊,因為這套戲的真正吸引力,是來自兩位男神級男主角!

高顏值主角「高泰宇」、「黃靖翔」,都是現代的靚仔,樣貌看起來就真是微博、Instagram上面的小鮮肉模樣。

「高泰宇」我第一次見到他的時候,就已經知道他一定會在圈子引爆甜蜜感覺,絕對能夠挑戰黃景瑜、許魏州,成為同志天菜。









高泰宇,飾演陸風




黃靖翔,飾演小辰

你可以一邊睇一邊鬧,但無可否認,這類韓國風90後男仔,就是在網上得到最多like,最多人要求交友甚至集郵的熱門對象!

由於腐女、同志觀眾口味嘅關係,一套BL耽美劇成功與否,好在乎男主角嘅樣貌、身材、同埋男主角之間嘅化學作用。好似之前一啲內地網民嘅評語,如果是耽美,就只限是「美」,主角樣貌不夠美,就不要學人耽美

「雙程」呢套網絡電影最成功之處,就係找對主角。只是看看男主角的樣貌,就令人有追看下去的意欲。小攻「高泰宇」同小受「黃靖翔」,在網絡的推波助瀾之下,注定爆紅!


「雙程」網絡電影劇情率先看

電影劇情緊貼小說內容。故事講述兩個人由14歲到41歲的愛情生活。

故事的主線,都是圍繞着「程亦辰」(黃靖翔 飾)同「陸風」(高泰宇 飾)中學生年代開始糾纏的關係。而陸風對小辰做了一些不該做的事(H)。過分的親密,造成了雙方家庭的不滿。在家人反對下,陸風被送離開了內地。

在之後的離合之中,今日又再在生命的軌跡上找到了對方。一次誤會中,陸風誤傷了小辰的弟弟,二人又開始了十年糾結。

雙程電影的重點,就是兩位男主角的極端性格:小攻陸風是人渣到極點、卻癡心!小受犯賤到極點、卻惹人憐愛!

雙程原著小說中有很多極為三級的情節,不知道電影會不會拍出來。看看雙程電影預告,就好像有保留原著小說中的男男強姦戲。

雙程小說最成功的地方,就是描寫了陸風小晨兩個人的心理狀態,經過10多20年的成長與際遇,由少年變成中年人的改變。

容許我透露少少電影的劇情,這套戲,正描寫了生活中的甜美和悲哀。有些事情,虐心到極,至於具體內容是什麼,我就給你自己發掘。

小説故事中,主角陸風是中美混血。不過電影中是由強國美男主演。







兩位美男主角,係網絡紅人

無可否認,之前有留意到睇套電影,就是因為之前發放的trailer和宣傳照,我對於兩位高顏值主角「高泰宇」、「黃靖翔」,眼前一亮!

明知是一套膠劇,我都會看,因為第一眼看到高泰宇,我就戀愛了!哈哈!

對於狗血自虐、虐心,我絕對不認同;對於靚仔,我絕對認同!😆

與其說大家期待看雙程網絡電影,不如說,大家期望看「高泰宇」和「黃靖翔」兩位男生的任何互動!無論劇本寫得幾好幾差,結果其實大家都會收貨,只要有高顏值靚仔就可以!

靚仔就是這麼着數,無論劇情有多白痴、演技多差、角色性格有多壞、行為有多自私,高顏值,就可以彌補一切。

高泰宇真的符合了天菜男神的資格,樣貌似韓國人明星之餘,也有現代美,身材夠高,胸肌,腹肌明顯!再加上愛理不理的性格,完全是男神!

喺未公演之前,已經大量發放美男合照!








(黑衫是黃靖翔,白衫是高泰宇,帥呆了)







(黃靖翔一副妖精樣子,但原來現實生活裏,也是一個專門角色扮演的cosplayer / coser!)




(甜!)


雙程禁播與國內耽美電影最新情況

雙程電影上映之前真的一波三折,之前在網上發放的宣傳便得到巨大迴響,令到全世界都非常期待,而在原本7月17日上映的日子,竟然告知各位粉絲,因為各種原因,不能播映!真是晴天霹靂,令到大家都好震驚又好失望!

後來有消息傳出,現在內地是嚴打同類型的電影,但只要風頭一過,雙程會在九月上映。

最新的情況時,大家都在觀望。除咗不可抗力2大副刪減,雙程能夠在9月出無刪剪版都是未知之數。

如果各位都為高泰宇著迷,可以先看一下之前一部電影,叫做「我們畢業了」。男神都有份演出,是男主角。


耽美有毒

好多人剛剛戒了「上癮」,又踏上了「雙程」不歸路。

我經常警告我的腐女朋友,對靚仔定力不夠的人,不要看耽美!尤其是不要看這套出了名是非常感染力大的雙程電影。

好多BL小說有毒,因為用美貌糖衣包裝累人累己的虐心行為。

粉絲追逐虛幻的「虐心」,其實是逃避現實。沉溺想像,很容易搞錯幻想同現實。

虐心,這亦是這類型耽美電影、小說最為引人入勝的地方。因為他給了你一個想像的空間,即使被拒絕、被討厭、甚至侵犯,你都會視作對方愛的表現。但現實上,不是。

這些漫畫、網絡劇都很受歡迎,因為你們都寧願相信,還有那一絲希望。只要你付出得夠多,最後終於都能夠排除萬難,慘烈地獲得最後勝利。

這,只是妳和你一廂情願地想像。

而無限的思念、糾纏、怨恨、痛苦、殘酷、自我沉溺,都被想像為美麗。在無盡的傷痛、互相折磨之中,竟然也變成一種病態的美感。

雙程這類型的耽美劇有毒,因為他會令你對現實生活的愛情產生危險的幻覺。

與其追逐根本不存在的幻象,不如腳踏實地生活,追求現實生活中的高質靚仔。一齊進步,一齊變得更加成功。

因為愛,不是也不該是虐心、優柔寡斷、變態這個樣子。這不是痴心、是痴線。攪到自己同別人萎鬱,係精神病。

有時,耽美劇是娛樂,但好多人當真!然後因為在現實中找不到顧海、因子、陸風同小辰,就覺得自己好不幸!

有些事情,你當是guilty pleasure看看就好。沒有陸風小辰的世界,仍然很大很廣闊。可能你下一個男朋友,沒有小說中的戲劇化,卻可以和你一起走下一段花樹盛放的人生路。



【男神】【雙程】超高顔值黃靖翔:美男的美麗與哀愁,只有美男才會懂






【美容】平價好用護膚品推介:如何用超平批發價錢購買專櫃產品

幸福、寵愛自己、享受生活甜蜜嘅感覺,有時唔需要好貴。好多好好用嘅護膚品、美體沐浴產品,價錢都相當平價抵用。而就算你有公主病王子病,只會使用一啲價錢貴嘅專櫃級產品,我都可以教你點樣只需要用一半到七成嘅價錢,就可以買得到Lane Crawford、Joyce Beauty、DFS同海港城facesss嘅優質產品!慳返嘅錢,夠你買多幾樣野同埋去高貴食tea!(本文係自費評論,沒有收到任何品牌贊助或折扣)




唔好以為一定要好有錢先可以享受高質素嘅護膚。當然,如果你有錢去醫學美容,或者去六星級酒店嘅beauty spa保養,當然最好!但係,好多時日常生活嘅小小改變同知識,都可以令你多一個美麗選擇,幫你時刻表現最靚一面。高級嘅醫學美容護膚品,有佢特有嘅作用;平時嘅小小平價又好用嘅護膚保養,亦都有佢嘅樂趣。巧心思嘅護膚,都可以令你可以用好少嘅價錢,得到好好嘅美肌享受。

如果你本身預算唔多,我就會給你推薦以下幾種我個人試過又真係好用嘅平價護膚品。


Dermacept C10真皮營養液

要令你嘅真皮層都抗老化、抗氧化,改善下垂重拾青春,醫生認為最快嘅方法,就係為你嘅面部肌膚提供維他命C。食用嘅維他命C可以幫到你嘅皮膚,但係作用都唔及直接塗抹維他命C原液。直接塗抹維他命C原液,原本係屬於美國一啲醫學美容診所嘅獨有療程,由註冊醫生指導之下使用,呢對維他命C療程由於原液供應問題,只限於名媛、明星、模特兒使用。隨着呢幾年醫學美容品牌增加,競爭激烈,好多呢啲醫學美容及嘅藥物已經可以喺專櫃買到,而家連萬寧屈臣氏都買到。Dermacept C10維他命C經過臨床嘅測試,證實可以改善真皮層抗衰老,係名副其實嘅真皮營養液,一支改善去斑、美白、抗老化。價錢大概$400左右,久不久就會有折扣,$300蚊左右都有交易,夠用一個月。


(上面呢幾支Dermacept C10、C20,我大大推薦! )


Olay多元修護霜(Olay Regenerist Super Cream)

呢隻Olay多元修護霜Regenerist Super Cream真係好好用,尤其係冬天嘅乾燥寒冷日子,佢嘅成份超滋潤,而且經過醫學鑒定,Olivem抗衰老,係開架品牌之中最好一種。而且佢嘅成份,同殿堂級美容品牌SK-II非常相似,而且同樣由母公司P&G嘅皮膚醫學研究中心研發。可以話係平民版嘅SK-II,不過價錢,就只係五分之一!價錢大概$200左右,萬寧同屈臣氏都會輪住打折扣,夠用兩三個月。




除咗以上呢兩隻入門級護膚品真係平價又好用之外,其實即使你用開嘅高價品牌,分分鐘可以用一半嘅價錢就買得到!

講開好用嘅護膚品,老實講好多時真係一分錢一分貨!但如果你係讀緊書,又或者收入唔算太多,又想買到Lane Crawford、Beauty Avenue、Facesss等等地方會見到嘅專櫃產品,都唔係冇方法嘅。

好多人見到專櫃品牌好用,但係價錢好貴,都唔捨得,就唯有忍痛轉去使用一啲價錢超平但效果一般般嘅廉價護膚品(例如彩豐行、無數不知名台灣、韓國牌子)。你用開Jurlique、Dr Wu、Erno Laszlo、Bicelle、Elemis等等中高價貨品,就真係好難轉用一啲水準好大出入嘅劣質貨品。其實你只要識得去一啲批發嘅地方購買,價錢就分分鐘平一半!

有啲水貨美容護膚品專門店,睇落好似好普通,但係其實有乾坤!好多好正嘅高級品牌都有發售,而且啲貨都幾新鮮!


從批發地方入貨,慳好多!

你喺高級商場用零售價購買,同去用批發價購買,價錢真係差好遠。

聽化妝師朋友講,以前上一代嘅靚仔靚女,就會識得去尖沙咀嘅「龍城大藥房」入貨。係未有互聯網嘅時代,龍城大藥房都算係好齊,而且好多好貴嘅牌子都可以用六成至八成嘅價錢買到。

依家隨着互聯網同物流業嘅進步,水貨平行進口變得更加容易,而且成本更低。如果你識得搵一啲樓上鋪,就會發現好多鋪頭會將批發同水貨嘅護膚品出售,好似SalalaBeauty、Aroma Natural天麗護膚產品、天凝生活百貨等。當然,亦都有一啲從不明渠道得到貨品可以超平價發售嘅網店啦,始終有實體店感覺信心大一點,同埋買錯假貨嘅機會都會少啲。

美容美髮達人最愛嘅Aveda、Erno Laszlo、Eve Lom、Glamglow、Exuviance、Avene、Skinceutical,都可以搵到!我第一次去到嘅時候,真係第一次shopping shop到我有高潮!

而好多高檔品牌,都會同時經營批發業務,將貨品供應比美容院、Spa嘅地方。佢哋會出產一啲包裝平實,容量比較大支嘅商業用美容院版本。Jurlique、Elemis嘅按摩水療系列都同時生產零售版同商用版,商用版本價錢只係貴小小,分量就多好多!

跟據生意規定,呢啲商用版本嘅貨品,只可以供應水療中心、美容中心為客人提供facial and beauty spa服務用,並唔可以直接出售!但係唔知點解就流出左,而且仲係啲好正嘅品牌例如jurlique,真係消費者福音!

仲誇張嘅係,唔單止美容護膚產品搵到,香薰產品例如高級香薰蠟燭diptyque,都可以超平價出售!佢嘅價錢只係IFC旗艦店嘅六成!

最令人無法抗拒極之屈機嘅係,呢啲地方仲提供上門送貨服務!基本上你連街都唔駛出,唔使排隊等俾錢,只要好方便咁用手機㩒下,就會送來你屋企,都只係收$30送貨費用 !


SalalaBeauty

SalalaBeauty可以話係水貨價嘅始祖,佢話佢自己嘅貨源係來自世界各地採購,但點樣都好,啲價錢真係平。而且賣緊嘅品牌都係你會響專櫃見到想買嘅品牌。SalalaBeauty有實體舖,仲有九間咁多,包括港九新界!

都好多呢類型嘅批發、水貨店一樣,好多消費就最關心嘅,就係佢會唔會賣假貨。咁耐以來呢間鋪頭嘅信譽度叫做良好。


Aroma Natural 天麗護膚品

分店數目,Aroma Natural唔算太多,但係講種類齊全到,就好好。同時可以買到美髮同埋美容嘅產品,如果你用網購嘅方法,送貨就更加簡單。

呢個要特別讚一下,因為佢嘅服務,以水貨化妝品來講,真係算唔錯。

其實仲有好多類似嘅水貨、批發用品店,只不過呢兩間我信心高啲,特別推薦俾你地。


水貨店、批發店購物小貼士

SalalaBeauty、Aroma Natural呢幾間都算係香港比較出名,可以用到接近批發價購買嘅水貨護膚品專門店。佢哋嘅地點多數都唔太方便,多數身處一啲3、4線嘅商場裏面,而且冇乜裝修,冇乜售後服務,亦都冇乜試用。店員都係盡力解釋,但始終產品功效都要靠你自己上網研究。但佢有一個好處,就係平!

如果你覺得上飛機in-flight shopping 買免稅品平,呢度就更加平!

貼士一:先自行上網研究

SalalaBeauty 、天麗護膚品、天凝生活百貨呢類型嘅鋪頭唔係專門店,係平價批貨outlet。所以並無試用裝,所有嘢都係封晒口,所以如果你完全唔知道自己想要乜嘢,最好都係先上網蒐集資料,好過去到現場靠估。因為同專門店唔同,呢啲地方嘅產品係唔準打開。如果想先了解各種產品嘅功效、質地、包裝情況等等,都係先去上網,會得到更加多嘅資料。

貼士二:上網訂購,確保你買到你要嘅產品

呢類型嘅鋪頭面積都好細,感覺似係一個類似發貨點、自行提取貨品嘅地方,加埋有少少零售咁樣。通常面積都唔會超過200尺!

係咁細嘅空間裏面,冇可能會有晒全部嘅貨品。所以喺網上見到有你想要嘅產品發售,都唔好以為每一個零售點都會有存貨!基於貨源嘅安排,最好去之前都先打個電話問下,又或者直情上SalalaBeauty、Aroma Natural天麗網購買,確保一定有。

貼士三:留意到期日期

SalalaBeauty、Aroma Natural天麗嘅產品,都唔會特別賣過期貨呃人。但由於佢真係以平價取勝,就唔會好似專門店咁樣有人定期檢查有效日期。所以檢查有效日期嘅責任都係消費者身上。我自己喺呢度去批發鋪頭嘅個人購物經歷,都發覺佢的確係真貨,只要你小心檢查到期日期,唔係太近,就可以直接購買。


平價中伏雷品分享

買到平價護膚品係好,但係千祈唔好將貨就價,變相令自己用一啲價錢平但係冇乜好用嘅產品。

中伏:彩豐行系列
一提起平價護膚品,好多人會自動諗起彩豐行,無錯佢係平價,但唔算好用。所以我唔推薦。我之前講過,隨著我對於皮膚學、醫學美容嘅認識增加,我唔會再去彩豐行買嘢,太多添加色素、Paraben、SLS,容易令人造成敏感!

中伏:L'oreal Revitalift系列
喺我心目中,佢只係平價護膚品,唔算係平價好用護膚品。呢個只係個人意見,唔知點解我唔差唔多每次買L'Oreal Revitalift嘅產品,都係中伏,永遠都造成敏感、面紅、甩皮情況!係我個人嘅使用經歷當中,L'oreal真係認真麻麻。我明白到好多時候係個人因素,但係我亦都明白,唔止得我一個人容易皮膚敏感,所以真係要好小心。


平價好用天然護膚品

講開平價又好用嘅護膚品推薦,就不得不提起天然材料。

好多天然嘅物質,例如綠茶、茶樹油、橄欖油、海鹽、維他命C補充品……都會對美肌有好大幫助,價錢都非常之抵用,一啲都唔貴。呢啲係瞬間提升幸福感同美容效果嘅優質產品!

綠茶: 綠茶本身具有抗氧化作用,無論係飲用、定係用嚟開水洗面,做綠茶面膜,都可以令到肌膚抗衰老。

我有時會用一啲日本東洋風格嘅瓷器,沖一杯綠茶。

用綠茶製造面膜,用嚟洗下面,都會有好清爽嘅感覺。價錢真係唔貴,任何一啲綠茶嘅茶包,只要係用純正嘅綠茶,就可以用嚟洗做面膜。如果你係特別要求高,亦都可以用抹茶粉。

海鹽:好多人唔知道,海鹽對於身體減壓有好好嘅幫助。好耐以前歐洲人識得利用海水嘅天然礦物質養分,平衡身心。天然嘅鹽具有礦物成份,可以幫助你舒緩心靈同埋身體嘅壓力。而且個好處係基本上每個超級市場都有得買,價錢都好平。如果你屋企有浴缸,沖涼嘅時候,不妨加一啲新天然嘅海鹽,同埋少少香薰精油(可自由配搭,玫瑰、茉莉、薰衣草、尤加利、青檸、甜橙…… )。有時,我仲會購買或者收拾一啲花朵,係浴缸裏面加入花瓣同奶!因為有啲幾種材料,就會做到天然礦物質溫泉嘅效果。就算幾忙喺屋企,都有一種去旅行做Spa嘅美好感覺。


瘦身美體





【美髮】所謂嘅專業級洗髮護髮!?Goldwell Kerasilk Treatment香港自費測試

去salon整頭髮,令你享受過程又享受結果。做一個高級hair spa treatment,可以令人愉快、幸福、滿足!近日我就去做咗一次傳說中能夠令到受損髮質大幅改善嘅Goldwell Kerasilk Treatment!

去一間時尚又乾淨的salon,由專業髮型師幫你分析頭皮及頭髮的健康狀況,建議使用最佳產品,可以令你知道自己最新嘅頭髮頭皮狀況。然後由髮型助理細心地洗乾淨頭髮,徹底清潔頭皮,然之後有用優質美髮產品修護。最近我就體驗咗一次專業salon級限定嘅洗髮護髮:Goldwell Kerasilk Treatment。真係一次令人驚喜嘅體驗,令我有機會了解到最新美髮科技。(這是本人的自費評論,沒有收到任何品牌的贊助或折扣)


(網上大熱,據說能夠大大改善受傷髮質嘅嘅Goldwell Kerasilk Treatment)


頭髮頭皮保養問題,你會唔會都有?

我好少去salon做treatment,因為以前試過,效果唔算明顯。都係自己去買一啲比較高級嘅日本洗髮水、護髮素,自己屋企攪掂。

直到近年,發覺自己嘅頭髮同皮膚狀態好似各走極端,經過多年嘅美肌、醫學美容學習,皮膚變得越來越好,但頭髮就變得越來越差!隨着近年嘅染髮同埋唔正確使用洗髮露護髮素,造成頭髮枯黃、乾旱、脫髮、頭皮紅腫、頭皮敏感等等問題!

對於醫學美容、美體健身,我同好多香港人一樣都有少少研究。但對於美髮,好多香港人都有頭髮和頭皮的問題,自己可能未必知道!現代社會的生活壓力與及空氣污染,容易造成脱髮和皮膚敏感。有些人可能出現頭髮乾旱、枯黃、開叉、脫髮的問題;而頭皮方面,就出現發炎、發紅、痕癢、種種皮膚狀況。

其實出現頭皮敏感、脫髮、頭髮枯萎的情況好普遍,原因各有不同。好多人喺萬寧、屈臣氏或超級市場,求其挑選一些護髮素胡亂使用,卻不知道如果使用錯誤,又或者使用含有刺激性化學品嘅護髮素,可能令情況更差!尤其係用品質低劣化學物質的中下價貨品,只會導致毛孔閉塞,製造出更多頭髮和頭皮問題。

而一些因為身體機能轉變、荷爾蒙導致的脫髮問題,因為不能及時對症下藥,而導致惡化,甚至不可挽回情況。


Goldwell Kerasilk Treatment絲蛋白重塑護理:一次療程可以keep到5個月?

Keratin角質蛋白,對於美髮有好大幫助。Keratin本身只係一種化學名稱,並唔係任何一間公司嘅專利產品。佢嘅原理,就係喺頭髮表面製造多一層蛋白保護。

Keratin係角質蛋白,但Kerasilk,就係Goldwell嘅獨家品牌。


(只在專業髮型中心出售嘅Goldwell Kerasilk Treatment美髮系列,一般藥房、超級市場買唔到,官網圖片)


平時有做開美髮嘅朋友,都可能會知道一點,就係曾經紅極一時嘅Brazilian Blowout,被發現原來含有甲醛致癌物質!令到好多人都好震驚。呢隻Goldwell keratin絲蛋白重塑護理 treatment係比較安全嘅美髮療程。

首先講一下Goldwell品牌嘅背景,Goldwell係一個源自德國嘅專業美髮品牌,產品都係專門供應髮型屋,大部份產品都不會在超級市場發售。可能一啲專門出售水貨、批發髮型用品專門店就會有。佢出產嘅產品,大部份都係來自歐洲生產,包括德國、奧地利等等,係真正嘅歐洲產品。品牌已經被個人護理花王集團投資,所以亦都證明有規模。



(Goldwell Kerasilk 只在髮型中心經由專業造型師介紹出售,絲蛋白重塑護理係goldwell皇牌療程

之前有好多香港網上打手不停推
Goldwell Kerasilk嘅絲蛋白重塑護理,又話呢個療程對於受損髮質有什麼神奇功效,效果又可以last 3-5個月!對於一啲美容丐幫網上公關文章,我都只係當作參考就算,唔會完全當真。

直到近期,望住自己枯黃嘅頭髮,就決定要尋求專業意見同協助!哈哈!

但一睇到salon價錢,就嚇咗一跳!因為我實在太耐冇去專業髮型屋做專業療程,而家嘅hair treatment價錢原來係以$2000起錶!做一次絲蛋白重塑護理,已經等於去酒店spa做一個高級Facial !

Goldwell,Aveda,Shiseido都係屬於大牌子,喺美髮界都有相當高嘅地位。一直都心思思想嘗試Goldwell Kerasilk 絲蛋白重塑護理。但價錢好貴,由於從來冇做過,對於效果始終有懷疑,甚至預約之後嘅1分鐘之內立即再次致電取消,考慮左成晚,直到第二日先決心去嘗試!

我原本對於價錢貴Goldwell Kerasilk絲蛋白重塑護理有保留,原因在於:

效果唔知係咪顯著。以前試過好多高級護髮產品,效果並唔顯著!

對護髮素化學成份缺乏認知。同好多人一樣,我對化學成份對頭髮皮膚嘅影響,根本唔太了解。只能留在頭髮是否順滑的最原始階段,並不知道其實好多所謂的柔順順滑護髮素,用了好多對皮膚頭髮造成長期損害的不良化學物質!

Goldwell Kerasilk絲蛋白重塑護理香港嘅價錢兩千蚊左右,視乎頭髮長度同師傅。如果要俾超過HK$2000做美髮保養,最低限度,要keep到兩三個月!畢竟,整個療程要$2000多元,如果冇中長期效果就太浪費太唔抵!如果只能做到護髮素都可以做到嘅效果,咁我就完全浪費金錢!

雖然我對於美髮行業唔太熟悉,但係對於美容院嘅運作算係熟悉。為咗避免因為初次購物而被狂sell ,買咗超大量冇用嘅產品,我就決定搵一啲價錢中等嘅普通商場salon,而避開一啲最高級嘅中環、銅鑼灣salon。如果你唔太清楚,髮型師、造型師本身係一個傭金為主要收入嘅行業,你買幾多療程,佢就按比例收幾多。所以要搵到客戶錢,髮型師就一定要游說客人瘋狂消費。我特登選擇一啲價錢中等嘅髮型屋,就係因為就算俾人呃,銀包都唔會咁傷。

對於頭髮嘅保養同美髮行業,可能我真係孤陋寡聞,去到髮型屋,同專業髮型造型師溝通過,先發現原來Goldwell Kerasilk Treatment系列有好多唔同嘅產品同服務,Goldwell KK絲蛋白重塑護理只係其中一個

造型師建議,由於頭髮唔係太長,而受傷情況都唔係太嚴重,暫時唔需要用最王牌最昂貴嘅Goldwell Kerasilk絲蛋白重塑護理。頭髮太短想參加都唔得。哈哈!

反而Goldwell kerasilk系列嘅Repower Treatment包含有效成份Keratin同Elastin護理,可能更加適合。

Kerasilk同一般嘅洗髮露護髮素唔同,佢嘅成份加入左絲蛋白。

既然專業髮型師都建議,就咁樣,我就嘗試Goldwell Kerasilk Repower Treatment嘅產品。

造型師仲建議,由於我會有啲頭皮敏感、紅腫嘅情況,佢會建議用頭皮舒緩系列,針對因為刺激洗髮水引起嘅紅腫、頭瘡問題。

同髮型師溝通過之後,我就決定參加頭皮護理、與及Goldwell Kerasilk Repower Treatment。由於頭髮唔太長,價錢亦唔貴,兩個療程總共$1000,大概兩小時,包含洗頭、按摩,療程完結之後,會獲贈正裝專業級Goldwell Kerasilk洗髮露1枝,同Kerasilk護髮素1枝!

醒目嘅我,就即刻上網用手機查下呢兩支嘢嘅評價同價錢。發現原來評價都相當良好,而且外國都賣緊差唔多17euro同20euro,港幣都超過$310幾蚊!咁即係話,療程本身只係$700。所有嘢都有人幫你搞晒,唔使自己搞,都算可以接受。




Goldwell Kerasilk Treatment經歷都算係新鮮,因為實在太耐無去過髮型屋,做專業美髮療程。我去間salon頭皮護理同Goldwell Kerasilk全包$1000,仲送正裝專業級Goldwell Kerasilk洗髮露1枝,同Kerasilk護髮素1枝!



(療程使用嘅Goldwell Kerasilk Treatment,療程後仲獲得一套免費全新!)




(返屋企持續美髮!)


Shiseido專業頭皮清潔與Goldwell Kerasilk Treatment程序曝光

Shiseido專業頭皮清潔程序,由髮型助理深層清潔、按摩、開始。佢會使用一啲專用嘅藥水,係洗頭嘅時候順便按摩進入頭皮。徹底清潔程序會將汗水、油脂、死皮洗走。然後再喺頭髮濕嘅時候,用特製嘅藥水搽喺頭皮上面,並用專業嘅加熱器幫助吸收。

呢個過程大概為時20分鐘左右,之後就係髮型師10分鐘嘅美髮常識講解,再加上30分鐘嘅吸收時間。

之後,我就再一次洗頭。Goldwell Kerasilk Repower Treatment療程正式開始。

髮型師將我嘅頭髮係仲係洗完頭濕潤嘅時候,用上特製嘅Goldwell Kerasilk Repower護髮精華,一執一執咁按摩、搽上。一定要讚嘅係,髮型師真係好有心機,因為唔係平時係屋企就咁一大隊搽抹,係真係好似染髮咁樣,一執一執詳細按摩,確保精華可以深入每一根頭髮之內。過程大概30到40分鐘左右。

過程有啲似絲蛋白重塑護理!如果係Goldwell Kerasilk 最著名嘅王牌「絲蛋白重塑護理」,就會用專用嘅加熱器將頭髮夾起,將精華夾入頭。呢隻Goldwell Repower療程比較簡單,就唔需要用熱力夾,而用一啲專業圓圈型加熱機。

經過塗抹之後,髮型助理會再次洗頭。髮型師吹乾之後,就會發現啲頭髮真係有好大的程度嘅改善!

即時效果係見到,最大驚喜係,第二日洗完頭吹乾之後,仍然覺得頭髮質地係改善咗!



(療程後繼續使用嘅Goldwell Kerasilk Treatment護髮精華,產品係由奧地利製造,根據髮型師意見,要每日使用)



(Goldwell Kerasilk護髮精華係呈現moouse狀態)


如何用最少錢達到salon級美髮效果

對於Goldwell Kerasilk Hair Treatment,我係會俾正評。不過,我會覺得呢個係nice to have,而唔係美髮must have。

可能因為我做嘅係普通keratin / Kerasilk 護髮,唔係最貴嘅「絲蛋白重塑護理」。感覺上覺得其實係屋企自己搞都可以。

如果你大把錢,的確可以成日出街做keratin treatment,有人幫你仔細清潔頭髮,的確可以改善頭皮同埋頭髮嘅狀況!但係我相信如果你買到呢啲專業級護髮產品,持之以恆地做,一樣有呢種效果。

今次去salon treatment,令我對於護髮有深入嘅了解,髮型師嘅講解亦都令我對於頭髮嘅知識增長不少。

但同時,我會諗,如果我下次,就可能會買返屋企自己做。而且,我應該會去價錢平一大截嘅髮品店直接購買。

隨着美髮專業化,好多美髮品牌都有自己嘅專門店同埋專櫃,就好似Shiseido、Goldwell、aveda同keratase。當然,專門店嘅價錢都唔會平得去邊,但係有心搵,就會搵到好多較為平價又效果良好嘅方案。

香港有好多髮品店會有一啲專業嘅頭髮護理產品出售。呢類型嘅髮品店主要供應批發俾美容院、美髮中心,但亦提供零售。由於目標客群係批發,呢度地方就有好多比專門店更加平價嘅原裝正貨。價錢大概係出面嘅五至八成左右。如果你識得想去呢啲地方,旺角、佐敦都有好多髮品店。

去到呢啲髮品店,知道treatment大約嘅成本價,就會知道成個美容、理髮行業嘅利潤係幾咁高。出面平均一次療程大概$500左右,喺呢度已經足夠買一支大支裝嘅名牌理髮產品,足夠用半年。


(香港著名髮品店shampoo.hk嘅實體店,現場實拍)

香港較為方便嘅髮品店包括:

Shampoo.hk
旺角彌敦道577號高氏大樓1/F C室 電話: 23844377 
筲箕灣東大街59-99號東威大廈地下8A舖 電話: 21530628
可以網購,亦提供免費港鐵站交收

L's 髮品店
九龍旺角道58號地下B 鋪
旺角弼街68號地鋪
2563-7168
ig:lshairshop

呢次係一次好好嘅Kerasilk Treatment體驗,令我知道我嘅頭髮都仲係有得救。同時,亦都原來有好多方法可以用好低嘅價錢,都可以長期得到salon級享受。

更多免費美容教學,平價好用推薦

Counter

Flickr Images