【醫學美容】最有效醫美做機減肥及減肥機價錢效果教學

醫學美容近年都流行減肥機,一班富貴名媛、名模、美魔女、IG天菜男神唔止V面緊緻,仲冇肚腩!點解?因為做機減肥!冷凍溶脂、高能量射頻溶脂、高聚焦超聲波HIFU減肥、日本流行空穴爆脂等等,靚仔靚女爭住做!市面上有幾部機非常之流行,包括價值連城韓國GTG Wellness 王牌激光減肥「Le Shape  熱光雷神」,同廠「ABAS SR 熱光溶脂全能綠精靈」,或者已經一段時間嘅「CoolSculpting 冷凍溶脂」等,今次教大家點分。

新一代高能量減肥,定點溶脂技術,已經取代早年低端美容中心冇乜效嘅人手搣脂。

減肥,係終生努力!好多事業上好成功嘅專業人士、公司高層、貴婦闊太、權力政治人物、富二代,可能係人生各個方面都好美滿,但係偏偏減肥就永遠都係一個解唔開嘅難題!亦都因為咁樣,佢哋好多時候唔知道點樣去分辨市面上唔同醫學美容減肥機,因為唔識得後續嘅步驟,雖然部機有用,但係因為自己唔配合,參加完treatment仍唔覺有乜效果。

根據美國統計,美國人花費喺減肥療程、減肥食品與及做gym嘅消費,已經超越成個美國嘅反恐行動支出!

做機減肥,係一個幾十億產業!

好多親戚朋友成日都會問我,有關於醫學美容中心做機減肥、「減肥機」有冇用嘅問題。

簡單答案:「有用。」

但係,邊部最有用?原理係點?今日就會同大家一一解釋,邊部減肥機最有效?減肥機價錢係點樣?減肥機技術層面係點,佢個能量有幾大,儀器間廠本身係咪信得過等等。

如果要我簡單咁話俾你知個答案,可以話市面上大部份醫學美容中心、高端美容院嘅HIFU、射頻、冷凍溶脂減肥機其實都有用,但就一定要自己配合,某些生活習慣,先至可以令到效果更顯著,配合某啲生活習慣,你投資出去嘅時間與及消費會有最快同最大回報。




(韓國醫學美容權威機構、上市公司GTG Wellness生產嘅「ABAS SR熱光溶脂全能綠精靈」、「熱光定點溶脂」,用高頻高周波溶解脂肪,無痛,快速,定點修身;呢部機喺韓國醫美甚至娛樂圈非常之受歡迎,技術層面上亦都覺得可行。Photo Credit: GTG wellness,香港儀器場地提供:Reju Beauty)



(ABAS SR 熱光溶脂綠精靈係近年富貴名媛、名模圏大愛嘅減肥醫學美容儀器,無痛減肥快!狠!準!出自韓國上市醫學公司GTG wellness)


(3個能量頭主要針對大小不同肥胖部位,不斷融化脂肪、排走脂肪、淍亡脂肪)



做機減肥、減肥機原理

市面上大部份有用嘅醫學美容減肥機儀器,其實都係將脂肪分解成「脂肪酸」同「糖分」,令到頑固脂肪分解,釋放到血液裏面,然後隨着新陳代謝慢慢排出體內。

要講減肥,首先要了解脂肪分布。一般人嘅脂肪總共分為三層,即係三個部份: 橙皮脂肪、皮下脂肪、內臟脂肪。

橙皮脂肪點解咁令人討厭?因為橙皮脂肪係一種特殊嘅脂肪,佢係冇辦法變成能量嘅來源,亦都無辦法透過減少進食或運動去減!

簡單來講,就係好難減!

基本上你唔做醫學美容機,又或者專用嘅儀器,係減唔到。

就算你自己點樣做運動都好,你嘅身體都唔能夠減到呢一個類型嘅橙皮脂肪。

醫生同埋醫學界發現,超過八成人士身上都有呢一類型非常之討厭嘅橙皮脂肪,即使身形纖瘦嘅人,都會有呢類問題。

好彩嘅係,醫生已經發現,呢一類型排列得非常之緊密嘅脂肪細胞,有一個辦法去分解,就係用空穴、揉搓嘅方法,呢個方法,可以將頑固嘅橙皮脂肪及起,而且打散囤積嘅脂肪。亦都係以前日本大熱嘅醫學美容儀器「空穴爆脂」嘅原始概念。當然現在技術大幅改善,通常已經會結合幾種不同更大功能,達到最佳瘦身效果。

邊個特殊嘅儀器,可以有助燃燒橙皮脂肪,經過兩至三次嘅重點調整之後,同一個部位嘅脂肪就會開始燃燒,脂肪,就會慢慢變成油膩脂肪酸同糖分,釋放血液裏面。

新一代有效高端嘅醫學美容減肥儀器(減肥機/做機減肥專用儀器)通常會包含三個部份:

Step 1 高能量射頻 / 高能量聚焦超聲波 / 激光 / 冷凍溶脂 (令到脂肪細胞液體化,或令到脂肪凋亡)

Step 2 吸啜脂肪功能 (有破壞脂肪結構、通淋巴、排出毒素作用)

Step 3 光動力PDT (令到減肥後鬆弛皮膚比較緊致)

要作為一部高端嘅醫學美容減肥機,呢三樣基本上全部都要!

市面上有啲技術含量低依「家用減肥機」,都會有以上一種或多種嘅功能。但係由於功率太細,無論係民間聚焦,吸啜能力,定係光動力都太弱,遠遠唔及專業醫學美容診所嘅強力儀器,基本上性價比係好低,家用減肥機只係噱頭,同埋做極減唔到嘅煩惱,唔值得大家考慮。

真正專業高周波或射頻,會令肌肉葡萄糖減少,同時亦都令到肌肉自行作出運動,令到身體嘅皮下脂肪、廢物排出,肌肉還得到保持。

去開高端美容院、醫學美容中心做機減肥嘅人,都會發現自己年紀越大,基礎代謝就越低,好容易積聚脂肪!減肥機個好處,就係透過儀器燃燒自己難以減去嘅脂肪,即是運動量一樣,都會見到效果。

當然,其中一個減肥機、做機減肥嘅好處,就係你會發現你自己再去做additional運動嘅時候,燃燒脂肪、整體速度同效率高左好多!就慢慢變成易瘦體質!

市面上做機減肥,醫學美容減肥機選擇眾多,而家就逐一同大家介紹唔同嘅原理,與及專家推薦程度。


做機減肥:RF射頻強烈高周波減肥

大家去到醫學美容中心、美容院嘅時候,都有機會比人哋建議過參加RF射頻減肥、而家韓國叫做高周波減肥。

高周波減肥真係受歡迎到爆!英文全名,叫做Thermal Lipolysis。無論名媛最愛名牌嘅高端Venus Freeze、ABAS SR 熱光溶脂,定大陸低端山寨cheap cheap仿冒機高周波,都有好大市場!

無論係瑞士、韓國、美國等等醫學美容比較發達嘅地方,RF射頻溶脂,用醫學高能量射頻去減除身體多餘脂肪,令到脂肪迅速溶解,排出體內,定點修身,做機減肥,都係常見,亦都係技術上最獲得認可與及安全程度較高嘅方法之一。

RF射頻減肥以醫學上理論,技術上可行。亦都係咁多種醫學美容做機減肥嘅方法之中,比較有悠長嘅歷史同埋根據。

RF射頻溶脂基本上係黃金定律,減肥機,無論係走高貴路線嘅醫學美容中心,定係一啲小型美容苑,都一定會有射頻。當然,新出嘅儀器,大廠出嘅儀器,亦都貴好多,安全性與及穩定性亦都得到大大嘅提高。

RF射頻減肥醫學美容機裏面,有幾部特別值得留意,第一就係來自韓國,由當地上市醫學美容集團GTG Wellness打造嘅儀器,ABAS SR,熱光定點溶脂、全能綠精靈。



(「熱光溶脂全能綠精靈ABAS SR」,與近期熱爆「Le Shape熱光雷神」都係同廠GTG Wellness,但價錢比較大眾化)

呢部機係市面上性價比最高嘅醫學美容高階射頻減肥專業儀器之一,安全性高,而且好快見效。呢部機只需要做幾次,效果好過其他普通出邊機做10幾次!

達人一出手,便知有沒有!市面上有好多減肥儀器都有效,射頻減肥價錢亦都可以好高,呢部機嘅好處,就係可以媲美三十萬超高端儀器,但係價錢就比市面上嘅大型醫學美容射頻減肥合理,一般中產階層消費者都可以用!

減肥效果,相信大家都好想知道。當然,如果一啲大型嘅醫學美容儀器,多數都經過反覆嘅驗證,並唔係好似普通舊式美容中心求其攞把軟尺度下度下咁樣,通常經過電腦運算及MRI。經過精密運算,都發覺減肥效果顯著。

美國研究發現,RF方式嘅射頻高周波減肥,完成整個療程後,大約會最少有2cm - 4 cm改善。大家千祈唔好睇小呢幾cm,如果你要自己運動、冇儀器幫助之下自己嘗試減,真係跑到坐輪椅都減唔到!尤其是年紀大稍為大啲嘅人。

另外一部,值得大家留意,就係醫學級Venus Freeze。呢一部儀器啦美國比較出名,香港一啲好貴嘅醫學美容中心都有,但係價錢就真係非常之勁,依家效果雖然良好,但係而家新一代嘅美容儀器已經做到相似效果。價錢平一截。

推薦RF射頻溶脂儀器包括:GTG Wellness ABAS SR ( 熱光溶脂、全能綠精靈)

建議度:5/5 (5最高)



做機減肥:激光減肥

激光都可以減肥?

冇錯,而家醫學美容專家發現,原來激光都有溶解脂肪嘅效果!英文學名,叫做Photobiomodulation Therapy。

 呢個,亦都係近期人氣鼎盛,Le Shape熱光雷神嘅背後原理。


(GTG wellness 熱光雷神)

呢部機價錢非常之昂貴,有幾貴?仲貴過一架Benz !

呢部儀器減肥嘅方案其實好簡單,就係用高能量1065mm 激光,令到細胞之間嘅脂肪,釋放出來,釋放到組織細胞之間嘅空隙。

專業醫學美容儀器,會釋放出42樓47度嘅能量,破壞皮下脂肪細胞,減少內臟脂肪。

專家發現,用呢種方法去減肥,最好,就係同時加上運動!點解呢?因為用得運動嘅時候,可以迅速幫助排走液體脂肪。將廢物排出體內。

實在係學術理論上,呢個方法其實幾可行,但呢個方法比較少響香港普及的原因,最主要係因為價錢問題,因為呢一部機實在太貴,每一次療程講緊接近一萬蚊一次!所以,多數都係啲闊太、達官貴人、富二代先有機會用呢部機。

建議度:3/5 (5最高)


做機減肥:冷凍溶脂

冷凍溶脂其實已經出現好一段時間,其實早係好多年前,已經得到美國FDA認可,因為可以減少肚腩、大脾之間嘅肥胖。實際執行上,亦都被發現對於小規模嘅肥胖範圍例如雙下巴都有一定作用。

冷凍溶脂其中一個要注意嘅地方,就係對於身體嘅影響,當然有啲人係比較鬼妹仔性格,覺得冇乜所謂,但係如果比較傳統,或者覺得自己身體都係相信中國五行、中醫調理身體嘅方法,太過凍嘅治療方法,就會造成宮寒,對子宮有影響。

建議度:3/5 (5最高)



全能綠精靈)










【影評】「一吻定情」香港自費影評!喚起你心中的青春美好

重要的事情說在前面!由「我的少女時代」導演陳玉珊執導,授權故事藍本來自經典「惡作劇之吻」嘅「一吻定情」好好睇!好笑、喜劇感重、感動,比預期好好多。如果你同我一樣,之前上網見到好多有關「一吻定情」電影評論,令到你心大心細,我會建議你同我一樣,自己買張飛,然之後享受久違了嘅120分鐘青春、美好、同感動!

唔好理網上嗰啲未睇過就話唔好睇嘅商業打手haters、或者大陸院線潛規則,專門收費差評對手嘅影評,可以話俾你知,以一個正常香港人、台灣人、內地人嘅角度,「一吻定情」電影,真係好好睇!遠遠超越期望!








「一吻定情」電影香港觀眾會唔會鍾意?

之前好似見到好多「一吻定情」電影廣告,尤其是有幾張出色嘅廣告,令到香港觀眾對於呢部電影嘅好奇心同埋好感度上升。

而且,佢係由「我的少女時代」導演陳玉珊執導,同埋同樣係「我的少女時代」嘅主角王大陸領銜主演。再加上係經典故事改編,相信好多少女或中女觀眾都有一定嘅期望!

其實我自己都有考慮過,「一吻定情」電影香港觀眾會唔會適合睇,因為好多拍得好好嘅「中港」、「中台」、「合拍」電影,其實係香港都唔會太受歡迎。

始終,兩地文化不同,笑點、感動位都唔同,成長經歷亦都不一樣,未必一定有共鳴。

當然,只有極少數能拍出跨越地域文化差異,能夠畫龍點睛咁樣拍出少年、少女時代嘅希望同失望嘅電影,先至可以稱為經典,流芳百世。

「一吻定情」電影,其實做到這一點。

「一吻定情」由「我的少女時代」爆紅嘅王大陸擔任男主角,扮演天才高冷學霸江直樹,再由內地女演員林允,飾演女主角湘琴。

好多香港觀眾其實擔心,王大陸嘅選角,未必適合扮演天才高冷學術精英嘅江直樹。

王大陸成名作「我的少女時代」,扮演嘅角色係帥氣、熱血、爆肌小混混「徐太宇」,MK男神角色扮演入型入格,基本上見到佢,已經同「徐太宇」混和一體。

「一吻定情」男主角江直樹,係氣質樣貌完全唔同嘅另一個人,性格冷漠、自私、斯文帥氣,同之前徐太宇角色完全相反。

其實好多香港觀眾,睇認識王大陸,都係由電影「我的少女時代」開始。對於佢嘅認識,亦都好被呢個角色所限制。

香港觀眾見到王大陸扮演江直樹,都會有一種「吓!」嘅疑問。

再加上電影係中國內地投資,女主角亦係內地人,令到給唔少香港觀眾懷疑,會唔會適合香港人睇。

抱住對於兩部經典「惡作劇之吻」、「我的少女時代」嘅致敬心態,我就自己買飛入場去睇。

由於時間緊迫,平時去開,比較光鮮乾淨嘅電影院已經冇晒飛!唯一仲有空位,就係旺角百老匯,即係嗰間位於旺角西洋菜街,又舊又多人,又擠迫又MK嘅陳年電影院!

喺冇選擇嘅情況之下,唯有焗住去旺角百老匯!

旺角,可能係好多人少年時代、少女時代嘅蒲點,當然大家長大,亦都會不斷upgrade,脫離嗰個生活模式與及階層!今次因緣際會,重返旺角,回顧少年時代,真係特別應景!


「一吻定情」男主角選角王大陸扮演江直樹,有冇問題?

到達旺角百老匯之後,發現多年冇見,觀眾層面仍然是那麼MK !

一路排隊入場,一路睇手機有關「一吻定情」電影嘅影評,順便瀏覽香港觀眾、台灣觀眾、大陸觀眾嘅評論。

一路睇,就發現咗好多香港觀眾對於男主角竟然搵王大陸扮演嘅討論。

老實講,我開頭你香港街頭見到「一吻定情」電影海報,都會好奇,唔知道其實王大陸會唔會能夠勝任,扮演一個自私高冷學霸嘅角色,因為佢個樣,加埋之前電影演出,實在太熱血!

網上好多質疑嘅聲音,有1秒鐘,其實我諗過放棄!

旺角百老匯戲院人咁多,衛生環境又差,而且非常之殘舊,要喺咁嘅環境之下,困喺電影院兩個鐘,如果電影拍出嚟尷尷尬尬唔好睇,就浪費左我寶貴嘅夜晚!

但係,我覺得做人唔可以人云亦云,一定要自己去了解事實真相!所以硬着頭皮,入去睇啦!

王大陸扮演嘅角色完全冇違和感,而且相當帥氣,對於經典角色有另一種更有時代感嘅演繹。完全冇令人失望。

之後,就經歷咗,完全意想不到,超越所有期望,有笑有淚,喚起青春美好回憶嘅兩個鐘。


「一吻定情」喚起你我對於青春的美好回憶

一吻定情、惡作劇之吻,其實已經拍過無數次!

「一吻定情」係日本漫畫原著,後來改編成為日本劇集,由一代男神柏原崇主演,震撼全日本!之後響台灣拍攝成大中華地區經典版本,林依晨、鄭元暢主演,係好多人少年時代少女時代台劇經典回憶。

之後,韓國拍攝當地版本,今年泰國亦有翻拍,日本亦搵新一代演員重新演繹經典。呢啲只係講正式授權版本,仲有無數參考、山寨版本⋯⋯

故事嘅藍本,基本上到一樣,就係普通少女,一連串熱情衝動卻真心嘅舉動,慢慢令到冷漠高富帥愛上佢嘅故事。

演繹方法、選角,其實每個地方都有唔同。

今次電影版本「一吻定情」嘅選角,同大中華經典版本林依晨、鄭元暢好唔同!

之前網上有影評話,女主角林允樣貌非常之網紅樣,似beauty blogger、網絡IG紅人、美妝直播主多個一個傻更更嘅少女。亦都有人批評佢個樣貌太過精靈,唔似清純,更似心機蠱惑女、綠茶婊。

男主角方面,好似之前所講,有影評聲音認為,王大陸個樣太過熱血小混混,難以扮演高冷天才少年。

睇「一吻定情」嘅時候,我都有少少擔心。

好彩,劇情開展十幾分鐘,發現兩位演員表現得相當專業,好快已經令人投入角色。

而且,其實我一向都認為應該放低自己心中嘅偏見,因為好多人第一次認識王大陸,就係「我的少女時代」,亦都係佢哋唯一一次睇王大陸嘅表演。一個演員,其實有好多方面,上次扮演角色入型入格,其實唔一定要永遠扮演同一類角色。一個演員扮演得幾成功都好,荷里活演員最怕Typecast被觀眾定型,因為咁樣真係會影響咗觀眾接受其他類型角色嘅開放程度。

縱觀電影中嘅表現,我覺得兩位主角絕對做得相當好,而且演技非常之驚喜。

大家要明白,每個人嘅少年時代,其實唔一樣。

上一次經典作品有林依晨鄭元暢演出,講緊係2004年嘅事,距離現今10多年!當年觀眾如果係十幾歲嘅少女少男,依家已經成為中女中佬!

當時嘅傻妹標準,當年嘅男神標準,今時今日已經改變。

正如鄭元暢,係當時嘅男神;但係而家嘅男神,除咗斯斯文文之外,仲要有body,有操gym,有胸肌有腹肌的小鮮肉模樣。呢方面王大陸絕對合格。

林依晨,係當年嘅傻妹,但係而家嘅傻妹好多時候已經響網上發展,無論有冇條件,好多傻妹都希望自己成為網紅。林允貪靚得來有點傻,做呢個角色其實幾合適。

呢一個故事,並唔係嘗試用2004年嘅標準去重拍,反而係用現今社會嘅審美觀、價值觀去拍攝一個經典故事。

呢一個,係千禧年代千禧寶寶版本嘅故事。呢個未必係你的少女時代,但一定係「千禧」少女時代。

如果能夠放下心中嘅偏見同埋比較,開放你個心去欣賞呢個故事,你會得到更多。

「一吻定情」香港觀眾其實會鍾意,因為,佢喚起我哋對於青春年代、美好回憶。

電影廣告宣傳的幾句金句,令人難忘:

「你喜歡的人,也喜歡你機率有多少?」

「有人說,16歲喜歡的那一個人,會影響你一輩子」

電影做到中段的時候,我已經深深投入其中,不單止投入在他們的少年情懷裏,更多是,我自己的少年情懷裏。漠視了其實我,仍然在旺角爛透了的殘舊電影院。


「一吻定情」影評:單純熱烈地愛過

一吻定情、惡作劇之吻劇情相信大家都睇過,劇情亦都心中有數,所以相信大家都唔會太介意以下評論有少少劇透。請放心,最驚喜的部份我會留待大家自己喺戲院感受。

湘琴就是那種沒頭沒腦的女人,傻更更地愛上一個條件各方面都比自己好的人,成熟的人當然覺得是不可能,但就是因為天真和一往直前的勇氣,就會嘗試把那種不可能變成可能,以戲劇亦成就了這種弄假成真。

香港觀眾和內地觀眾,都會說「一吻定情」內容夢幻少女心!有內地觀眾支持寫影評,說再也不會相信這種夢幻東西了。因為,成長而令他們了解到現實的各種限制。

我的看法有點不同。

「一吻定情」展現的,是一種理想化的,苦盡一定甘來的美好結局。當然現實上不會每一次也是這樣結局,但同樣地,也不會每一次也是壞結局。

現實生活中的種種不足,其實往往遮蔽了「一吻定情」一直嘗試傳遞的訊息:

好多事情都要努力嘗試過,就能夠不可能變成可能。

不知道大家會不會參加小學、中學同學會活動。有時,都會撞返以前暗戀過、追逐過、戀愛過、甚至約過炮的男神。

事隔多年,依家睇返有點難以描述的複雜感受。

有些,隔咗多年都係喜歡,有些,只好怪自己年少無知鬼揞眼,點解當年咁bad taste!哈哈!

人成年後,往往有好多考慮。

對於伴侶,除了單純的喜歡,往往會有條件上的、金錢上的、社交網絡上的考慮。

全心全意、不勢利的交往,你還記得嗎?

湘琴不惜一切,單純地愛直樹,感動了我們。也喚起了我們對於那一種單純世界的嚮往。

每個人,都會在他和她的年輕年代,熱烈是單純地愛過一個人。

那些年代,頭腦簡單和單純到,不知道原來這種,心理學上叫做「投射」。

頭腦簡單又沒有什麼意見的湘琴,喜歡上有思想有主見的直樹,其實是潛意識對於這些良好條件的追求。

這些年來我終於懂了,如果你被某些性格吸引,最好的方法,並不是去不停嘗試搵某種性格的的伴侶,反而是要提升自己,令也擁有相同的特質。這些是理性的成長,是好事。

謝謝了這套「一吻定情」電影,讓我再次回到了我的青春,感受一下久違了的年輕衝動和感動。

不管你是在香港、在台灣、在大陸,只要你年輕過,青春過,你也總會遇上一兩個直樹。但願我們在花花世界千帆過盡,回來,仍是少年,仍然有個happy ending。




















【醫學美容】家用HIFU家用Aqua peel美容儀器價錢效果教學

平嘢都有好?定係一分錢一分貨?市面上越來越多「家用美容儀器」,例如家用HIFU超聲刀、家用RF射頻儀器、家用Aqua peel、脫毛、離子、導入、噴霧、LED面膜等等……佢哋嘅價錢比起去專業醫學美容中心,價錢比較低。而出產地由日本韓國,到大陸東莞廈門乜都有,參差不齊。

家用美容儀器,優點係價錢比較平,通常幾千蚊就已經可以。專業醫學美容中心,價值10幾萬一部大型儀器,優點係能量比較強,美顏瘦身效果非常明顯,即刻見效亦持久。而醫學美容儀器通常經過反覆學術及醫學測試,亦經過CE、KFDA或FDA認可,比較安全。

點樣可以集合兩方面之所長,用最平嘅價錢,得到最好嘅效果?

我會同大家研究一下,邊一類型嘅家用機最好,邊一類型醫學美容儀器,最好都係留俾專業美容中心,因為出街做,反而價錢比較平而且效果更明顯更好。

究竟作為消費者,應該點樣選擇家用美容儀器?佢哋嘅真正價錢同性價比就應該係點樣?家用美容儀器價錢比較平,但係風險係點樣?點樣去避免灼傷、留下疤痕、毀容?今日就同大家教學一下。




市面上的家用美容儀現在情況

市面上有好多價錢介乎$2000到$10000嘅家用美容儀器,包括家用HIFU、微電流機、彩光機、RF射頻機、藍光機、紅光機、超音波離子等等。出售嘅地點,由大型電子產品連鎖店,到大陸淘寶都有。

如果用專業美容嘅眼光去睇,有啲家用美容儀,係值得購買 ;但有一啲,根本就係浪費金錢與及時間。

家用HIFU

成日都有人問我,家用HIFU超聲波好唔好用,價錢點樣,同埋值唔值得買。

家用HIFU美容儀器有好大嘅性價比問題!

HIFU聚焦超聲波輪廓拉提,係近年醫學上重大發明,醫學專家發現對於輪廓提升,改善衰老鬆弛狀態,的確有立竿見影的效果。而且一次療程,可以有長期效果!

專業醫學美容中心做HIFU高能量聚焦,價錢由入門經濟嘅韓國U One、Ultraformer幾千蚊,到美國醫生高端Ulthera,每次收費幾萬不等。

家用HIFU儀器,當然價錢比較平,大概一萬蚊左右。有啲不明來歷大陸機,平到$5000就有交易。

專業醫學美容中心做一次HIFU,就有明顯效果;抗衰老鬆弛、緊致效果明顯!專業醫學美容中心做幾次HIFU,直情有回到那些年嘅驚喜!

咁家用HIFU自己做呢?小心,真係好容易中伏!

我一直都唔建議自己喺屋企做HIFU。家用HIFU儀器更加係一定要小心!我會勸大家盡量避免。

首先就要同大家分析一下,家用HIFU美容儀器究竟做唔做得過。

要比較家用美容儀器,同埋醫學美容中心嘅10幾萬專業儀器,就先睇睇價錢。就咁睇上去,我自己買部機,點都平過出邊?

未必!睇真啲,發覺你條數分分鐘仲貴!HIFU家用美容儀器分分鐘得不償失!

市面上有出售嘅家用美容儀器HIFU聚焦超聲波,價錢其實都唔算太平,一部機,都講緊成$10,000幾到$20,000蚊!而且,同喺街出邊做一樣,探頭有次數限制。

醫學美容中心,真正高端HIFU儀器打足全面(包括專業但價錢比較普及嘅U One、 Doublo、Liftera A、Liftera V),價錢大概$3000到$5000一次。就算高端醫生主理療程,都係約一萬蚊。呢個類型嘅高端療程,多數都是用價錢頂尖,得到FDA認證嘅嘅儀器Ulthera,基本上Ulthera已經可以有一年以上嘅效果。平均每個月,都係$1000左右。

家用HIFU美容儀器,首先價錢已經唔平,首先先比一萬蚊!同你出邊搵醫生做差唔多。

咁咪可能會話,咁你唔只會做一次㗎嘛,咁做多幾次咪會抵啲囉?

細心諗諗,就發現家用HIFU美容儀器有性價比問題。

基於安全考慮,以及防止不當使用造成影響,家用嘅HIFU美容儀器嘅能力,相比起專業儀器,其實好細。

就好似專門設計比兒童使用嘅餐具,一定係最安全,但亦都係最鈍、最冇攻擊力。同專門設計比大型食肆、專業廚師是用嘅餐具、器材、儀器,一定有分別!

家用HIFU由於火力好細,基本上每一年要做好多次!差唔多每個月要做一次咁滯!

就算完全唔考慮質素問題,計返條數,同出街做差唔多!分分鐘仲貴!

HIFU家用機第二個問題,就係家用HIFU設計上嘅不同,做唔到應有拉緊輪廓效果!

其實大家唔知道,好多家用嘅HIFU,其實根本做唔到拉提緊致、拉緊輪廓嘅效果!

點解?因為超聲波其實有分深入肌底度!

一般來講,好多靚仔靚女去做HIFU,目標係令到自己已經鬆弛、下垂、顯老嘅輪廓拉提起來,睇起嚟更加緊致,年輕。

點解?係因為家用儀器設計嘅時候,根本唔會做到落4.5mm筋膜層SMAS;專業醫學美容儀器可以做到拉提效果,係因為佢哋主要針對肌膚底層4.5mm以下SMAS,筋膜拉提緊致,整個人嘅輪廓就會上升!

市面上大部份嘅家用HIFU聚焦超聲波儀器,其實落唔到4.5mm底層。能量,大概只係響1mm-3mm
膠原蛋白層。

效果,最多最多只可以做到短時間嘅緊膚,咁對於長遠改善下垂輪廓,根本冇乜幫助。

記住,落唔到4mm以下,係冇辦法拉提筋膜層!

所以好多人買咗部家用儀器之後好開心,但係用咗好短時間就會覺得冇乜效果,慢慢就會遺忘,冇再咁勤力去做。簡單來講,就係浪費金錢!

市面上有少部份家用HIFU儀器,聲稱設計嘅時候可以將能量打落4.5mm,但係設計會係舊式嘅排列方式超聲波,同分一代漩渦HIFU有好大出入,根本做唔到某啲面上嘅位置。設計比較舊,係屬於舊一代技術。

家用HIFU第三個問題,都係探頭購買上的困難。

家用HIFU機響香港仍然唔算太普遍,有人用但絕對唔係屬於每個人屋企都有一部咁普及。呢類而係無論係專業醫學美容中心定係家用儀器,都會有好想聲,都需要購買探頭,而家好多人已經搵唔到上一代家用機嘅探頭!就算有部機,但係搵唔到方便嘅方法購買探頭,都係令人麻煩的一件事!


家用HIFU第四個問題,就係安全性問題。

HIFU屬於高能量聚焦超聲波,如果打錯位,會導致灼傷、白內障、疤痕等等嘅風險問題。一般嘅醫學美容中心有註冊醫生、護士、原廠訓練嘅治療師,起碼每個人都已經受到一定理論訓練與及臨床實習。

無論質素、價錢、安全性都有可以再做得更加好嘅地方,出街做點都優勝過自己做,而且整體價錢較平,家用HIFU儀器推薦度一般。

推薦度:1/5 ,5分為最高


家用Aqua Peel

近期網上熱門話題,就係Aqua Peel家用機。又稱為黑頭吸吸機。

家用美容儀器都有分高端同低段,低端嘅家用美容儀器基本上係不值一提,呢類嘅產品,多數出現喺大陸淘寶山寨、香港cheap cheap山寨美容中心。

Aqua Peel 相比起其他超聲波,本身唔算太過複雜,所以大陸淘寶都有好多平價機,我之前都同大家講過,甚至有啲幾百蚊嘅恐怖美容機,有啲惡劣嘅香港要劣質美容中心採用!之前已經比我嚴厲譴責!

Aqua Peel原理,其實係利用負壓抽出污垢。

但係呢個並唔係問題嘅最主要部份。

平價Aqua Peel吸力一般都冇問題,但係喺同時放出專用嘅精華,就未必做得咁好。

家用機同淘寶機最大嘅問題,就係吸吸下,你會發現自己嘅毛孔越吸越大!

推薦度:2/5 ,5分為最高






Counter

Flickr Images