【醫學美容】周汶錡推薦!韓國美腿瘦腰小臉神器ReFit價錢教學



香港著名模特兒周汶錡Kathy,樣貌身材索爆,自從嫁咗外籍富豪老公之後,由香港模特兒一姐,變身國際級富貴闊太,佢經營嘅醫學美容中心Megeve Beauty,亦都做得有聲有色。周汶錡本身條件不錯,加埋佢公司高科技先進美顏儀器幫助,身材仍然維持22歲頂尖狀態,整體外表條件極好,Kathy成為自家美容公司代言人,合情合理 !人望高處,如果大家都希望自己質素可以好似周汶錡一樣永遠最佳狀態,就當然要努力keep住!今次想同大家介紹一部美顏纖體儀器,就係周汶錡曾經推薦,佢嘅美容中心Megeve Beauty都有得做,來自南韓首爾嘅ReFit。ReFit價錢唔貴,完成整個療程(5次)都係幾千蚊!幾千蚊就可以擁有周汶錡嘅外表,係咪好着數先?

點解要同大家介紹呢部連周汶錡自家醫學美容中心Megeve Beauty都推薦嘅ReFit?因為呢部韓國醫學美容儀器性價比極高,已經得到韓國KFDA認證,效果好好!


ReFit 革命性細胞更新技術

ReFit得到周汶錡青睞,當然唔野少,點解?因為佢嘅技術本身係屬於劃時代革命性,同時間能夠活化面部、身體、甚至改善痛症!

點解咁犀利?係因為佢能夠有「RIDM綜合式能量及電磁波技術」令到身體疼痛皮下脂肪細胞加熱到43度,軟化深層脂肪,刺激膠原蛋白收緊,回復緊致健康。

韓國、以色列、美國、歐洲各大醫學美容儀器公司都有RF射頻減肥。射頻減肥,的確可以改善深層脂肪同改善身體結構,市面上大熱儀器例如Velashape同BTL Ultra 360,背後嘅科學技術都係射頻!你可能會問,咁同做出面其他類似貴機有咩分別?

ReFit犀利之處,就梗係唔係淨係RF咁簡單。

ReFit同普通射頻減肥有乜分別?首先,佢其實唔止係射頻,佢係利用負壓真空通淋巴,多極電磁波已經遠遠超越普通射頻RF,係一種結合多功能自動感應嘅技術,叫做RIDM。RIDM比RF勁,因為佢係結合多元技術,包括電磁波,光能,配合真空負壓技術,用新一代專利SAS智能探頭去燃燒脂肪,深層緊膚,塑造身體輪廓,改善身體線條。

對於改善淋巴循環,燃燒脂肪,排走體內毒素,加速血液循環有立竿見影效果。

RF主要燃燒脂肪,RIDM幫你燃燒脂肪加埋提升健康!

ReFit有個好大嘅好處,就係過程非常舒服,咁就舒服到瞓着!冷凍溶脂有時凍到麻痹,HIFU減肥打中某D位又會痛到流眼淚,呢部機其實就好似平時去做body,過程舒適。

周汶錡Megeve Beauty都用得,就知道係高級野!各位高質素嘅靚仔靚女就要留意,香港只係少數高端地方可以做到ReFit,就係周汶錡Megeve Beauty,同中環Swiss Reju。

(Swiss Reju已經搶先推出ReFit新客戶專享優惠, $688可以自由選擇減肚腩、減大髀、減手臂,免費查詢登記按這裏:https://bit.ly/2EdcPRJ


ReFit纖體、美容一take過

一機醫學美容儀器,可以改善腹部、臀部、手部、腳步、眼部、面部嘅問題?咁誇張?

冇錯,呢部機的確係配備三個不同智能SAS探頭,分別用於:

探頭一:面部、眼部細胞激活更新

探頭二:胸部輪廓線條、手臂輪廓線條改造

探頭三:腰部、臀部消脂減肥

ReFit呢部儀器係出廠嘅時候已經幫顧客推薦最佳電磁波深度同熱度,如果你自己比較有經驗做機,就可以要求使用更高能量,更快達到效果。

大家可以睇一睇段片:




呢部機好多名媛、Model用嚟收手臂、收大髀位、收肚腩位,因為佢個探頭設計比較機靈,冷凍溶脂機例如Coolsculpting、CLATUU一定要身體部位本身比較肥,脂肪吸得起先,個探頭先用得到。呢部機ReFit個好處,係就算一啲極鬼鼠位,或者非常細緻嘅位例如雙下巴,都可以做到。

我自己就梗係第一時間去參與試做,可以形容下個感受俾大家聽。

第一,ReFit電磁波嘅感覺會比一般嘅儀器得勁啲,即係感受到個熱能同能量轉換。

大家都明,呢度減肥儀器,不論係超聲波定射頻,如果冇能量,基本上係冇用!如果校到最輕微,其實係嘥錢。所以一定要感受到佢有一定嘅脈沖波、熱能、電磁波,先至會激發到燃燒脂肪減肥嘅效果!咁所以我做嘅時候,特別留意究竟ReFit有冇足夠嘅能量,我嘅感覺係正面,係完全感覺到電磁波嘅存在!溫暖但係唔痛,並冇Velashape 做身 / Thermage做面嘅灼熱痛楚感覺。亦都冇另外一部市面上大熱嘅儀器EmSculpt個感覺咁強烈。

第二,大家都可能知道脂肪如果要消減,其中一個最快嘅方法就係破壞佢嘅組織。咁點樣先可以有效破壞佢嘅組織?就係不斷利用按摩嘅手法其實係可以令到脂肪組織比較鬆散,比較容易從運動同新陳代謝排出體外。呢部機個吸力真係好勁,做嘅時候真係會將成舊脂肪吸啜,放鬆,吸啜,放鬆。呢個技術其實係會令到脂肪層比較鬆散,而且令到細胞重新生長,呢個係一個叫做深層按摩嘅技術,喺法國已經獲得專利,全名叫做Endermologie,亦都係另一部減肥機LPG M6嘅主打功能,呢部機已經免費包括!

出邊做一次M6最少$1000 ,如果做呢部機已經免費包含呢個功能,其實慳返$1000 !

整體來講呢ReFit,呢部機係屬於舒服嘅,冇乜痛楚感覺,而且做做下真係會瞓着!


ReFit要做幾多次先有效果?可以keep到幾耐?

大家可能會問要做幾多次先有效果?其實你做一次已經開始見到有初步效果,如果你真係想成個好fit,好似啲超級名模咁樣嘅纖瘦體態同超模長腿,咁通常6-10次,都會有好明顯嘅分別。咁當然一定要有配合正常健康飲食,好多人以為做機就係代表有個可以暴飲暴食,咁樣其實一定減唔到!呢條數就係加減數,你越食得少,再配合做機,雙管齊下你就會減得快!

我自己會比較建議改善飲食(例如食營養代餐、高質蛋白粉代餐奶昔一兩星期),再做埋ReFit機個效果就會好出,真係:

豬腳都即刻變名模腳!
水桶腰即刻變女神腰!
包包豬扒面即刻變返女神小V面 !

ReFit呢部機的確係市面上性價比比較高,其他醫學美容blog唔會推介呢部機,因為佢唔係佢哋背後金主最賺錢嘅項目,我哋咁有良心先同你講邊部機係最有效,性價比最高!


ReFit成功進入日本瘦身熱潮

除咗因為周汶錡自家美容中心都推介,另一個原因點解我會推介ReFit呢部機,就係因為佢得到日本醫學美容市場受落。大家要知道日本嘅醫學美容市場同香港、中國內地其實唔同,日本醫學美容市場對於監管、安全性嘅要求,相當嚴謹,如果儀器本身質素欠佳,得唔到強烈嘅安全標籤,或者得唔到一啲國際性嘅認可機構如KFDA、CE認證,得唔到日本業界人士嘅認同。ReFit已經有晒認證,加上操作介面簡潔安全度高,令到日本市場比較安心。

ReFit入得到日本呢個比較封閉嘅市場,其實係一個好好嘅訊號。


向最好的自己出發

周汶錡對腳有幾靚,條腰有幾瘦,手臂有幾firm,面容有幾貴氣女神,都唔使再多講。有一次同其他醫學美容老闆出街食完飯搭的士,個的士佬聽到我哋講「周汶錡」三個字,已經雙眼發光,狂問我哋係咪識周汶錡。

周汶錡真人就梗係靚過上鏡!如果唔係點做女神?但係,其實你同我都可以通過努力同埋正確方法,做到最好,變成最好嘅自己。

周汶錡最正唔係因為個樣,而係成個package。

Kathy都算係比較話題性嘅代表。好多人對佢評頭品足,對於佢越變越靚嘅外表,亦都諸多揣測。

其實,最重要就係結果。相信佢中間亦都對於自己營養、運動、個人紀律有好大嘅付出,先至可以得到今日良好嘅結果,好多人只係沉迷於批評佢,但係對於Kathy之前嘅努力就不會認同,對於針對佢嘅批評亦不會fact check。佢完美嘅外表,已經令佢絕對有資格做佢美容中心Megeve Beauty嘅最好代言人。

無論你鍾唔鍾意聽都好,市面上嘅人係分等級。等級唔止係外表,更加係個人嘅內在性格同氣場。個人認為Kathy係屬於比較高級嘅人。

高端嘅人,收入高,外表好,社交能力強,判斷能力高,思想都比較正面,生活能量充足,敢於追求更好!佢哋睇嘢係用「投資價值」嘅角度去思考,一件事如果有增值、有回報,就會去做。呢類人識得投資健康、投資財產、投資外表,因為以上種種都會為佢帶來滾存嘅收益。

低端嘅人,工作能力低,收入消費能力自然唔會高得去邊,對於自己不成功嘅人生諸多藉口。亦由於自己眼界所限,永遠只追求低價錢、低質素嘅服務。低端嘅人亦都有一個特點,就係自卑,唔希望其他人好過自己,欠缺氣量唔會希望人哋一齊好,只會希望人哋同自己一齊沉淪。

大家真係唔好俾藉口自己變成一個又懶又廢又肥又醜嘅人。靚、瘦、sharp、醒目、事業成功,係我哋嘅目標。Let’s make magic happen!


REFIT於香港下列地方提供:

Megeve Beauty - www.megevebeauty.com
Swiss Reju - www.reju.hk (Swiss Reju已經搶先推出ReFit新客戶專享優惠, $688可以自由選擇減肚腩、減大髀、減手臂,免費查詢登記按這裏:https://bit.ly/2EdcPRJ


【醫學美容】唔好盲信明星效應!眼袋槍價錢效果副作用揭露!家用眼袋槍分析



眼部,最容易泄露年齡秘密!如果要keep住年輕, keep住靚樣,雙眼嘅保養就絕對唔少得。冇眼紋,冇眼袋,眼仔精靈,人都後生啲,自然人見人愛!隨着科學技術發展,以前令人好困擾嘅黑眼圈、眼紋、下垂問題,已經可以通過「非手術」、「非入侵性」嘅嶄新技術改善!大家經過港鐵站,都可能見過好多「眼袋槍」、「膠原槍」廣告,好多靚女例如鍾欣潼、佘詩曼、陳敏之、鍾嘉欣都有做眼袋槍代言廣告。眼袋槍究竟原理係點樣?功效係點樣?點樣正確做先有效?真正價錢要幾多錢先算抵?市面上突然流出嘅所謂家用眼袋槍,又究竟有冇用?唔好再信美容sales,一齊fact check發掘真相!


教學重點


  • 市面上最常見的醫美級眼袋槍
  • 正確使用眼袋槍:原理及功效
  • 眼袋槍價錢比較分析
  • 家用眼袋槍有用嗎?


市面上最常見的醫美級眼袋槍

關於眼袋槍,各大討論區有好多問題同討論。

眼袋槍有冇用㗎 ?有冇人試過?」

「想試做眼袋槍,但驚hard sell,有冇介紹?」

「其實點分不同類型眼袋槍?第二代?第三代?有咩分別?」

作為對於呢個儀器有相當認識嘅人,可以好肯定咁同大家講,眼袋槍係有用嘅。改善眼紋、浮腫、黑眼圈、緊致程度,眼袋槍其實有相當好嘅效果!

眼袋槍係絕對有效,不過唔係淨係做一次!

市面上好多意見眾說紛紜,有人話有用,有人話冇用,其實主要原因來自對於「次數」嘅理解。

眼袋槍係一個要做多次嘅treatment,如果你純粹只係做一次,其實效果會有,但係要真正做到K.O.眼部問題,就要密密做!

如果你頻密地做眼袋槍,的確可以改善眼紋、黑眼圈、眼下垂,而且效果都幾持久。

市面上好多醫學美容中心如Dr Protalk,都會大力宣傳眼袋槍,宣稱可以「一槍K.O.眼紋、眼袋、黑眼圈」。其實分歧焦點在於「一槍」。

就算搵醫生去打Botox,或者注射透明質酸隆鼻,其實都唔會係一次搞掂,隔幾個月都要去修修補補!所以市面上所謂嘅一槍搞掂,其實有少少誇張。就好似呢排最輕嘅減肥運動HIIT,的確對於燃燒脂肪好有用,減磅減吋有用,但係唔係做一次囉!係要有恆心地做起碼幾次,先至要達到理想效果。

市面上好多Perfect Medical I Perfect眼袋槍,I Genius眼袋槍,Dr Protalk一槍去眼袋,Dr Reborn最新一代眼袋槍,其實來來去去都係兩種:Thermatrix同埋BTL Exilis Pro、BTL Ultra 360。以上兩種先屬於真正醫學美容級眼袋槍!其他,都係大陸cheap貨假貨。

好多人去埋啲低質素嘅山寨美容院、攞啲大陸野出嚟扮眼袋槍,老實講真係又危險又冇效果。



正確使用眼袋槍:原理和功效

眼袋槍點解可以咁神奇,短時間之內就可以改善眼紋、眼部下垂、黑眼圈?甚至,做到一啲天價眼部精華都做唔到嘅即時收緊效果?

睇到啲廣告佘詩曼、陳敏之、鍾欣潼的確真係冇乜眼部下垂,真係眼仔碌碌,又真係好吸引喎!

其實當中嘅原因好簡單,係因為佢係一部「高能量射頻」儀器,主要功效係收緊同新生,做到膠原生長,重新激活膠原蛋白,提升血液循環,做到良好效果。

其他高能量射頻儀器一樣,做完之後要等待時間生長,令到膠原蛋白重新生出來,填充皺紋位、下垂位。眼袋槍平均一個月做一次就已經足夠。

如果你想keep得耐啲,建議可以留意眼部嘅休息,唔好經常睇住電話、夜麻麻熄晒燈煲劇,咁樣你會發現做完機個效果可以持續少少。

好多人有興趣想知道眼袋槍究竟有冇副作用。眼袋槍如果跟從原廠指示,其實係非常安全。

唯一要注意,就係眼袋槍唔可以做眉骨位。同埋有裝起搏器嘅人士就唔適合做。

其實做完眼袋槍之後即刻已經見到收緊效果,如果你想做到長期收緊,眼紋、眼袋、黑眼圈都有大幅度的改善,做幾次效果相當明顯。

其實大部份人做Thermatrix眼袋槍單極射頻已經即刻有效果,BTL眼袋槍價錢再貴少少,但係包埋有超聲波,效果會更加勁。


眼袋槍價錢比較分析

網上有啲人話,做一次眼袋槍要千幾蚊,價錢好貴,想問下有冇更加平嘅選擇。

同做任何類型嘅醫學美容儀器一樣,唔好諗住貪平,因為所有有質素嘅醫學美容儀器,都要相當成本。

只有質素低、風險高導致冇代理推廣、原生產地因為各種原因攞唔到安全認證、或者來歷不明嘅疑似山寨假冒儀器,先至可以做到不合理低廉嘅價錢。眼袋槍,真係唔係越平越好。

記住!如果想做眼袋槍,就一定要問對方,係咪Thermatrix或者BTL系儀器!其他,唔係眼袋槍

有啲水準成疑嘅屋邨美容院、旺角黑店,夠膽死攞部大陸$2000人民幣嘅內地製淘寶小型美容機(可以自行淘寶一下),同人講話呢部就係眼袋槍!每次收費只需要三百幾蚊!好多人傻更更就中咗招!

重要事情說多次!一定要問部機係咪Thermatrix!係咪BTL!唔係以上兩種,根本唔可以稱為眼袋槍,唔好做!

老實講,如果仲有人相信可以一二百蚊做眼袋槍,嗰種人亦都唔抵可憐,佢哋根本都唔願意去投資自己,一味要平平平!最終只會獲得廉價又低質素嘅外表同人生!

市面上嘅眼袋槍,試做價都係幾百蚊,其實大家都可以試一試。正廠正機眼袋槍Package一般價錢$1200-$1800一次。


家用眼袋槍分析

潮流興家用美容儀器,市面上亦都開始出現所謂嘅家用眼袋槍

家用眼袋槍其實係乜嘢?同專業醫學美容院做嘅眼袋槍機器有咩相同,有咩唔同?

簡單答案:家用眼袋槍,基本上得個名相同之外,全部都唔同。原理、效果完全唔同。

真正醫學美容級眼袋槍,其實係一種單極射頻,能量好似一把槍咁樣,直接射入皮膚裏面,瞬間激活,令到鬆弛變緊致,衰老變年輕。

關鍵字,在於「槍」。只有單極射頻先有咁高能量,雙極射頻能量未必入到咁低。

市面上出售嘅所謂家用眼袋槍,冇乜邊隻係單極射頻,大部份只係一隻普通嘅家用美容機,不過改過勁fancy嘅名,網名嚟嘅啫。😂


【限時限量!】$1980 高科技定位溶脂(自選任何部位),免費送真正眼袋槍一次(價值$1380)!免費資詢了解:https://bit.ly/2EdcPRJ









【減肥】平價擁有蜜桃臀?3大機皇BTL Emsculpt / EMSlim / ABAS SR熱光溶脂香港價錢效果教學



美容、扮靚、瘦身,可以提升個人自信,令到成個人都比較開心同光鮮。現時香港環境氣氛一般,如果你想保持樂觀正面情緒,最好嘅方法,就係出去執一執,令到自己bling bling,美顏瘦身對抗抑鬱!醫學美容減肥方法日新月異,其中一個市面上詢問最高就係聲稱可以製造馬甲線,打造蜜桃臀嘅BTL Emsculpt。大型連鎖醫美中心例如Dr Protalk、修身堂呢排都瘋狂落Emsculpt廣告!Emsculpt呢個係一個嶄新嘅「增肌」、「減脂」醫學美容儀器,效果得到業界認同,但同時亦價錢相當貴,完成每個療程(3-5次)最少港幣幾萬蚊。作為香港高水準高智商免費醫美教學網站,Onecaratbeauty.com率先為大家準備完整教學,令到大家充分了解價錢、功效、副作用,甚至平較替代品,令到大家可以充分考慮。

教學重點:

  1. BTL Emsculpt是什麼
  2. BTL Emsculpt科學原理分析及功效:為何可以製造蜜桃臀、馬甲線
  3. BTL Emsculpt價錢
  4. 精明消費:Emsculpt的平價替代品EMSlim、ABAS SR效果介紹


BTL Emsculpt是什麼

Emsculpt其實係一部由BTL生產嘅高端醫學美容儀器,主要功能,有兩方面。第一,就係「減少脂肪」;第二,就係「增加肌肉」。科學原理,就係HIFEM。HIFEM全寫係High Intensity Focused Electromagnetic,中文就係電磁波。


Emsculpt科學原理分析及功效:為何可以製造蜜桃臀、馬甲線

BTL Emsculpt代替品1: EM Slim
Emsculpt可以係短時間之內打到活動肌肉, 30分鐘,會令肌肉收縮二萬次,收縮次數嘅頻密,係用傳統sit up運動無法比較。純粹科學原理上,呢部儀器主要刺激生產肌源纖維(Myofibrils),可以被視為一種「被動運動」。

由於佢嘅科學原理係模擬真實運動,所以產生嘅結果,就同sit up、core exercise相似。所得到嘅肌肉鍛鍊好處,亦都同真實運動相似。所以,可以製造出蜜桃臀部。

短時間內極端運動,會令到身體出現脂肪溶解反應,之前美國有研究報告顯示,Emsculpt效果明顯,無論通過MRI,CTScan,甚至Ultrasound,Emsculpt都得到一致良好測試反應。

根據官方資料建議,一個完整Emsculpt療程為四次,每次30分鐘。同傳統運動一樣,本身並無次數上限限制,甚至鼓勵持之以恆,以達到最佳效果。

用「電磁波」呢個技術去增加肌肉,減少脂肪,科學上的確可行,但當中亦有相當的技術要去克服,HIFEM背後嘅原理屬於專利技術,但市面上亦有其他科學原理相似嘅儀器,價錢比較平,下面會詳細教學。

如果大家對於呢部機嘅安全程度有問題同懷疑,可以再進一步參考佢嘅安全資料。Emsculpt已經得到FDA認証。


BTL Emsculpt價錢

呢個療程價錢出名貴,完整療程5位數字係一定走唔甩。呢個並唔係因為醫學美容中心想賺多啲錢,而係呢部儀器本身嘅價錢係好貴!

由於Emsculpt機器投資非常龐大,價錢絕對唔係市井普通美容院,甚至一般高消費高級美容院可以負擔,Emsculpt 一般只會出現響收費昂貴嘅A+級醫學美容中心,或者超大型上市連鎖店,全部門市龐大收入營業額加埋先至會入一部。

如果以消費者角度,整個療程肯定用「幾萬蚊」埋單。究竟係三四萬,定係五六七八萬,就好視乎每間醫學美容中心收費不同。究竟值唔值得用幾萬蚊去模擬做二萬次sit up,每個消費者都會有自己嘅考慮。

如果純粹以技術來講,Emsculpt呢個技術的確係一個創新嘅技術,可以話全球第一間廠商做到「增加肌肉、燒減脂肪」,廠家BTL本身亦投資相當大嘅科學同醫學人員研究,所以價錢貴亦無可厚非。

如果消費者角度去諗,幾萬蚊做幾次減肥treatment,可能好多人就算有興趣減肥,由於屋企負擔或炒股坐艇都冇budget做!市面經濟狀況一般,影響消費意欲,呢個係客觀現實。

亦都係呢個原因,我哋會介紹2種比較平價嘅選擇,當然佢哋唔能夠完全取代Emsculpt,但係技術上亦都有相似嘅地方,甚至可以三份一甚至五份一嘅平價,作為高科技儀器減肥方案!


精明消費:BTL Emsculpt的平價替代品EMSlim、ABAS SR效果介紹

EMSlim係市面上另一部電磁波減肥嘅儀器,背後嘅醫學美容技術同前者非常相似。不同之處在於呢部嘅生產國家,係醫學美容天國韓國,生產商係鼎鼎有名嘅Daeyang Medical。Daeyang Medical行內聲譽不錯,以生產高水準、高技術含量、價錢比較合理嘅醫學美容機器聞名。大家最熟悉亦都可能做過嘅全港大熱「膠原BB槍Thermatrix」 ,就係佢哋生產。

EMSlim技術層面同Emsculpt其實好相似,所以就唔再解釋,係我哋寫呢篇報告嘅時間,應該仍然等緊KFDA認證。

另外一部嶄新減肥儀器想同大家解釋下,呢部就係韓國另一間醫學上市公司推出嘅GTG Wellness ABAS SR熱光溶脂。

如果純粹以科學技術來講,ABAS熱光溶脂技術都有好強嘅科學理據支持,但原理同Emsculpt不同,ABAS SR熱光溶脂,主力係做減肥、溶脂、促進新陳代謝,同Emsculpt分別在於唔會特別有增加肌肉嘅效果。

由於ABAS SR熱光溶脂價錢比較貼地,適合好多未做!由於一般女性未必需要增加大量肌肉,女性太大條腹肌亦未必一定好睇,所以可以考慮ABAS SR呢個比較平嘅方案。

ABAS熱光溶脂嘅好處,係即刻見到效果,比做冷凍溶脂仲快見得到,而且價錢比較平,舒適度比較高。








【著數】「驚安之殿堂」香港TST搶購攻略!如何平買高質貨,避免低價低質陷阱



「驚安之殿堂」香港TST開幕,大家有冇去搶購呢?「驚安之殿堂」好多香港人去日本旅行都一定會去,「驚安之殿堂」無論藥妝、化妝品、護膚品、生活用品等等,唔單止價錢平而且選擇好多!「驚安之殿堂」於香港尖沙咀美麗華正式開幕,平時去開日本旅行嘅各位朋友,就唔使再一袋二袋買返嚟咁麻煩!

「驚安之殿堂」香港開幕,大家做一個聰明靚仔靚女,就唔好傻更更走去買一啲普通平價日本店、AEON、SaSa、銅鑼灣水貨店都買得到嘅嘢!如果只係貪平嗰十蚊八蚊 ,實在唔需要排隊去尖沙咀!

話到明「驚安之殿堂」香港TST攻略,梗係唔止好似普通市民咁樣,求其買平少少就覺得任務完成啦,我哋梗係要為大家爭取最好!搜刮最多最靚最特別嘅藥妝產品比大家!同大家教學一下,如何平買高質貨,避免低價低質陷阱。

(自費評論,沒有收到任何免費試用)


香港「驚安之殿堂」美人限定攻略

市面上有關「驚安之殿堂」香港嘅報道,大部份都係主力比一啲普通家庭主婦、普通市民,所以佢哋嘅重點,都係包括邊度買家庭用品平少少、零食平少少,咁話到明我哋個網係靚仔靚女限定教學,我哋嘅眼界,重點,戰略,就梗係唔會同普通師奶、大叔一般見識啦,係咪?

如果你未聽過,首先講解一下「驚安之殿堂」係乜嘢嚟。「驚安之殿堂」其實佢係一間類似AEON、一田嘅平價散貨場,所賣嘅產品包括零食、護膚品、化妝品、個人護理、小家電、飯盒、日本料理……其實,好似一般嘅日本百貨公司,不過價錢更加平!









裏面嘅貨品,多數都係以日本品牌為主,當然,好多裏面嘅日本品牌都係世界其他地方做啦,包括台灣、韓國、中國等等

如果大家想知道價錢有幾平,其實佢一般嘅價錢會比香港嘅藥妝店平10至15%左右。

可能大家唔覺得好大分別,但係因為香港嘅藥妝店、護膚品店其實都已經競爭相當激烈,本身都唔係特別貴,所以個價錢方面真係mark得好抵,面膜、精華、化妝品平過一般嘅網上水貨店。

我成日同大家講,做個聰明靚仔靚女,視野要夠廣闊,眼角要夠高!

如果淨係諗住慳十幾廿蚊,其實車錢、時間一定蝕!因為而家「驚安之殿堂」香港仍然相當受歡迎,排隊起碼排一個鐘!冇理由為咗$10,烈日當空排一個鐘,係咪?

為咗令大家買得安心,買得最高性價比嘅嘢,亦都令到大家避免買中伏雷品、因為貪便宜買到一啲低質素、冇用嘅成份低劣產品,今次我就先同大家講解,究竟「驚安之殿堂」香港有乜嘢做值得買,乜嘢係雷品要避開。


「驚安之殿堂」香港高性價比必買系列

介紹香港「驚安之殿堂」,就要同大家講下有乜嘢係一定要買。

必買推薦:隱形眼鏡、大眼Con、美瞳
相比市面折扣:約5折

「驚安之殿堂」香港嘅隱形眼鏡價錢相當平,一盒講緊係$99-$190,5對,以日本製造質素來講,價錢屬於超平,而且選擇嘅顏色、款式、度數深度全部有得揀,基本上係必買之物。







必買推薦:名牌香水、Body Spray
相比市面折扣:約3折
「驚安之殿堂」香港一個比較少人注目但係值得一推嘅產品,就係香水body spray、 名牌香水。佢哋分別坐落響唔同嘅位置,入到去嘅時候可以問一問店員。裏面嘅名牌香水如Chole有幾種,價錢仲平過莎莎卓悅!另外推薦有一隻香體噴霧spray、其實個水準相當高,如果大家有用開Jo Malone,就係嗰啲味道,超貴氣香水味但價錢平好多,講緊港幣$100一支!真係冇理由唔買啦係咪?大樽都係$350!







必買推薦:各種男女cosplay
相比市面折扣:2折
公司annual dinner、selfie room、party room必備




必買推薦:日式料理食物
相比市面折扣:約7折

尖沙咀「驚安之殿堂」一個亮點,就係大量比較高質素嘅食物,水準、份量絕對優勝過一般超級市場。一般嘅日本超級市場、日式百貨公司都有一層專賣熟食、日式料理、什麼天婦羅、紅豆餅等等……但普遍水準一般,睇見都冇乜食慾。今日「驚安之殿堂」香港現場親身觀察所見,發覺佢嘅食物水準望落去都幾高質,有現煮天婦羅、關東煮、日式咖喱、壽司等等。熟食區就有烤番薯、北海道牛奶奶昔等等……如果以超級市場或散貨場價錢,望落去其實相當不錯,絕對可以同一啲港島區嘅中上餐廳水準相比,如果自己行開嗰頭,一個人食飯又冇乜着落,喺呢度買個飯盒、便當返屋企都相當唔錯。









「驚安之殿堂」香港比較不推薦


散貨場要自己小心,避免買中伏雷品、因為貪便宜買到一啲低質素、冇用嘅成份低劣產品,又或一啲周圍都買到嘅普通貨。

比較不推就係面膜,因為其實冇乜特別,全香港都有,而價錢只平5%左右





MORE



【精油】身心衰弱注意!平衡內分泌腎虛宮寒自我測試!


近日風雨飄搖,大家更要注意身心健康!

如果你感到身體和心靈衰弱,睡眠質素變差,情緒不穩,負能量籠罩,更加要留心!這個時候,重整身體能量特別重要!

香薰精油,可以在這個時候幫手。

香薰精油,主要來自植物的花朵、莖、葉、果實,通過蒸餾的方法,將有效成分提出。原產地可以來自世界各地,主要來自法國、澳洲、印度洋一帶。

芳療藝術,與及香薰精油暖宮療程,本身就有深層,真正的純香薰精油,有平衡內分泌、重整身體規律,及釋放身體能量的神奇作用。

西方醫學中,內分泌系統Endocrine,主理身體代謝、生長、發育。

而在中國,東方醫學提出「五七陽明脈衰,面始焦,髮始墮」。中醫的五七,即第五個七年,是指三十五歲。三十五歲,生理機能開始衰退。

「六七三陽脈衰於上,面皆焦,髮始白」。四十二歲,皺紋色班白髮,代表腎精衰退。

中醫建議,用精油按摩穴位方法,去平衡內分泌,重建身心機能。

中醫學的「天癸」,是男女發育階段一種和生殖系統有關的精微物質。

芳香療法精油按摩,可以保持自身健康狀況良好,內分泌平衡,可以保持白晳、緊緻狀態。


宮寒腎虛自我測試

不同政見導致社會衝突、朋友不和、網上駡戰令人不安,近期壓力大,有可能加速衰老!大家可以自我測試一下,中了以下幾多項目:

面色:蒼白、容易出班、暗淡無光
髮色:頭髮質地枯萎
指甲:指甲脆弱
體重:體重忽高忽低,易肥不易瘦
體態:體態肥胖,容易積聚脂肪
睡眠質素:經常失眠,睡眠質素差,早上沒有精神,又或者經常發惡夢
潮熱:身體長期處於低溫發燒狀態
生理機能:性生活不協調,女性陰道乾燥、男性功能障礙
記憶力:記憶力低落

以上5項目以上,中度衰老
以上7項目以上,衰老到達紅線範圍

內外壓力,如果你有五項或以上徵狀,就要加陪注意自己身體,因為,不及時照顧,就會造成快速衰老、身心機能提早衰退、女性提早更年期、男性腎虛不舉!


精油與芳療,19世紀革命中的浪漫

正確使用香薰精油,在大壓力時間,有平衡身心、防止加速衰老的良好效果。

香薰本身就有某種19世紀,革命中的浪漫,是介乎藝術和科學之間的美麗存在。

香薰精油,在法國南部薰衣草農莊、馬達加斯加的森林、印度Ayurveda瑜珈中心使用檀香木精油、北京故宮皇室使用桂花及玫瑰花水,在世界大事和各種革命中,香薰都有它的足跡。

香薰精油本身蘊含植物花卉的精華,氣味怡人,在世界各地也有催情香水之作用。在科學上,它的成份亦非常特別,有改變內分泌的生物細胞作用。

經常使用精油按摩,你會:
平衡內分泌
減低不安現象
改善睡眠
感受到平靜的存在

香薰,在其歷史發源地歐洲發展多年後,不單沒有式微,更愈見成熟化、專業化。

在高級護膚品天國瑞士,香薰精油屬於輔助性醫療的一種,瑞士政府將香薰療法納入總體輔助療法的一種,瑞士的保險公司會支援。

香薰精油近年大行其道,有些美容品牌聲稱香薰精油,可以美容、甚至可以平衡內分泌、暖宮。有些直銷商也跳出來,在網上告訴大家,他們家精油有什麼神奇效果,可以改善濕疹、改善情緒、有些誇張不實的廣告,說甚至連頑症都可以治療好一樣。

精油的效果眾多,高質素的精油,可以改善情緒、改善睡眠、提高呼吸能力,令到身體和心靈得到前所未有的狀態。


一滴精油,喚醒體內細胞,激活系統反應

在風雨飄搖日子,一定要保護自己。

有使用過香薰精油的朋友,都親身經歷過,香薰精油對於改善身體狀況的神奇效果。

健康不局限於身體狀態,亦不是純粹生理那麼簡單,疾病是一種訊息,提醒我們注意身體、心理和精神狀況。

最新科學研究顯示,香薰精油,尤其是依蘭依蘭、薰衣草、檸檬,對於改善緊張、有初步根據。

特別推薦大家以下精油:

依蘭依蘭:依蘭Ylang Ylang,精油學名為Cananga Odorata, Annonaceae,主要出產印度洋一帶,哥倫比亞與及馬達加斯加。醫學研究發現,吸入精油,可以減低血壓,脈搏速度,同事,可以改善精神集中力。

薰衣草:薰衣草Lavender,學名Lavandula Angustifolia,屬於地中海植物,成份包括Linalyl Acetate,Beta Linalool,Beta Caryophyllene,在生物學上,用呼吸的方法吸入體內,有鎮定的作用。薰衣草精油,只需7分鐘,就可以到達大腦。對於大腦亦有改善情緒、減輕壓力的作用。研究發現,對於改善睡眠、減低血壓、降低呼吸速度亦有幫助。對於自主神經系統反應(Automatic Nervous System),亦有作用。

推薦精油配方1:薰衣草、依蘭、茉莉花、橙花有鎮靜作用,按頭部穴位。

推薦精油配方2:天竺葵、快樂鼠尾草、佛手柑、檀香精油按肚部,尤其氣海關元穴。

在混亂疲弱情緒,焦慮不安的時候,這兩種複方精油,有很好的療癒效果。

分享一下個人的經歷,第一次用oil burner燃點,使用薰衣草精油的時候,發現那天晚上,睡得非常深沉。

一直累積的疲勞、緊張、負能量,也隨著沉靜香氣中消失了。

那次,還沒有意識到是因為香薰精油神經系統的神奇效果,我還以為是因為工作太累所以睡得特別好。

經過反覆觀察,才發現原來香薰精油,真的有影響情緒,改變身心狀態的良好效果。

小小的一樽,真的有這麼大效果?

後來仔細研究,才發現原來香薰精油的植物活性成分,分子非常微小,一滴,就能穿過細胞的屏障,激活全身的連鎖反應。

甚至進入血液、身體系統裏面。

精油的香味,會直接將神經信號,傳到大腦杏仁核Amygdala。

只需要少少一滴,就能激活生化反應。

自己試過,方知充分用油,充分休息的好處。

中醫認為「心主血脈,其華在面」。人健康,面色自然好。

這亦是為什麼「香薰治療」、「芳香療法」那麼重要。正確使用,就能改變身心,使用錯誤,亦會有副作用。

市面上美容中心近年大力推廣的「香薰推淋巴」、「平衡內分泌」療程,其實有一定的科學根據。 高級酒店spa、倫敦、泰國、印尼峇里島行的高端水療中心,一定會提供的療程,現在已變得非常普遍。


香薰精油暖宮療程DIY

「請問Lanluis係咪真係可以平衡內分泌?係咪呃人㗎 ?」

「可唔可以請教你,XYZ美容院話可以有精油豐胸、平衡內分泌treatment,呢間係咪黑店?有冇伏?」

「香薰精油暖宮療程,其實有冇用?」

「可唔可以推薦韓式暖宮療程?」

可能大家心裏也有類似的疑問。

現在,連一些廉價的旺角舊樓、觀塘商業大廈,也提供所謂的香薰暖宮療程。甚至圖文並茂,似層層地講述顧客成功生育的例子。其實它們多使用廉價劣質產品、甚至大陸製造的不明來歷、工業「化學精油」也很多。

If it looks too good to be true, it probably is. 

大家做個聰明靚人,不要再被騙。

如果要達到最佳效果,就一定要先學會背後的理論和邏輯。

其實根據上面的配方,自己做香薰精油暖宮療程,已經可以平衡內分泌。

之後我們會免費幫你把關,幫你嚴格選擇,比較安全的精油,並提供相關功效資料,令到你用的時候,更加安心。

在風雨飄搖時,記住,保護你自己,保護你的精微能量場。

重整身體規律,轉換情緒。

記住,憤怒不是最後的目的,愛和進步,才是。






【醫學美容】RF射頻機美容儀的危險副作用!?驚爆廉價家用射頻致癌?



去過美容院、醫學美容中心,一定會做過RF射頻療程。無論係貴價美容中心嘅Thermage FLX、Thermatrix膠原BB槍、TROM韓國小天王、DELA、Futera Dots嬰肌槍,VIVACE黃金針、定係家用低效能舊式RF,大家點都會用過。究竟射頻嘅好處係乜嘢?壞處係乜嘢?有冇副作用?價錢係點樣?射頻家用機同商用機有咩分別?今日就會同大家一一解釋。

討論射頻技術嘅好處同壞處、副作用之前,先講講科技發展嘅重要性。活在高科技世代,各行各業,各個階層,都會面對高科技產業、生物科技嘅好處及挑戰。小至小學生細路仔,細細個就要識得STEM!大至中美貿易戰,高科技產業亦都係博弈講數重點之一。由此可見,掌握高科技,就可以掌握未來!相反,對科技認識不多,亦都會限制自己嘅發展。

OneCaratBeauty.com作為高科技高智商美容教學網站,當然會緊貼高科技美容潮流。同之前一樣,我哋唔會接受機器製造商、藥廠廠方嘅利益,全部分析,都係原創研究。(自費研究,沒有收到廠商、分銷商免費利益或機器折扣)

教學重點:
RF射頻原理:射頻功效,好處,市面價錢,可以keep幾耐
單極,多極,微針RF射頻的分別
家用射頻儀的危險性以及副作用



RF射頻的原理:射頻功效,好處,市面價錢,可以keep幾耐

傳統舊式射頻機,慢慢流出市面。以往只有美容中心擁有嘅專門技術,依家可以隨便通過普通家電商戶買到。而家, 一街都係「射頻機」、「家用射頻儀」。

RF射頻療程價錢,由街坊小店$300一次 ,到醫務所$20000一次不等。

RF醫學美容機器本身嘅價錢,由家用2000幾蚊,到高級商用機接近港幣幾萬到接近百萬不等。

究竟點樣先達到最佳效果?邊啲人適合做射頻療程?邊啲人唔適合?呢啲都要自己先行了解,千其唔好人做你又做!

市面上討論區好多人都會問,究竟射頻有冇用?如果做咗一排,唔做,又會唔會有副作用?

市面上太多美容黑店sales亂咁噏,同埋家用RF射頻儀器打手響討論區胡亂吹噓,其實今日就會用一個比較科學化嘅方法同大家分析,究竟射頻嘅原理係乜嘢。

首先,乜嘢係射頻?

射頻,全名radiodrequency,主要嘅原理,係用「電阻」,令到皮膚組織加熱。令肌膚更新,膠原加快生長嘅良好效果。

市面上嘅美容中心專用射頻機,可以將膠原蛋白增加熱到60度,激發膠原蛋白大大生長,令皮膚狀態回到年輕時代,重拾緊致、飽滿、年輕、白滑。

射頻詳細原理,因為熱能量可以收緊皮膚、改善衰老、淡化皺紋嘅原理,就係用射頻本身嘅熱力,令到深層膠原蛋白收縮,然後,產出新嘅膠原蛋白。咁樣,新嘅膠原蛋白,會比較老化嘅健康,體積亦比較膨脹,亦都係點解啲人話做完射頻療程,有膠原BB自己生嘅效果。


單極,多極,微針RF射頻的分別

市面上可能大家都聽過「單極射頻」,「多極射頻」。

甚至,有美容中心推廣六極、八極射頻。

其實,係唔係越多就越效果好?

其實分別,最主要在於能量嘅深度。

單極射頻嘅能量,其實會比多極射頻更加深入。微針射頻,就會微針入侵性地發射射頻,令效果更佳。

市面上經過檢驗,比較安全的美容中心專用射頻機包括:

單極射頻:Thermage FLX,Thermatrix膠原BB槍,DELA嬰肌槍
多極射頻:TROM韓國小天王
微針射頻:VIVACE黃金針

以進入體內嘅深度比較,單極射頻嘅效果比較良好。

多極射頻嘅好處,就係安全性比較高,因為佢進入體內嘅深度其實唔會好高,就算普通人、小型美容中心美容師亦都比較容易掌握,出錯嘅機會較小。


家用射頻儀的危險性以及副作用

好多美容討論區都有人分享,家用射頻儀器嘅經驗。

有人話:「出到去美容做射頻療程多數俾人sell,所以建議自己買部機。而且最好響大陸買,最平!」

甚至叫人去大陸「阿里巴巴」批發網上淘寶、直接「廣州商城」買山寨假貨,好似好精明咁!

呢種講法,真係令人震驚!

一個人可以蠢成咁樣!竟然,仲有一啲愚蠢網友附和。香港部市民智商之低,思想邏輯之混亂,令人錯愕。

如果害怕俾人hard sell,正確嘅解決方法,係搵一間正當嘅地方去做。唔知邊類型嘅愚蠢邏輯,會推論到,去大陸買機、山寨機就係解決方法!

唔識,唔好扮專家亂講野,更加唔好害人。

射頻嘅能量可大可小,造成嘅影響亦都係可大可小。就算部機係原廠正貨,貴價商用機,只要操作嘅人一不小心,操作期間有少少問題,亦可能會造成創傷、留下疤痕、水泡,甚至毁容。如果自己自行購入不明來歷射頻機,甚至購買一啲並無任何安全測試嘅內地山寨產品,造成嘅風險同影響係不能估計!

射頻呢個技術,其實可大可小,能量大嘅時候,仲要用嚟對付身體裏面嘅不良細胞癌組織。

外國嘅醫院,就有用射頻技術去抗癌嘅功能。可想而知,呢個技術嘅能量真係可以好大,同時錯誤使用或者濫用,殺害你自己良好組織嘅風險,亦都好大。

之前好多網上討論區有傳言傳出,射頻機會導致癌症。其實,可能大家冇睇清楚原本嘅醫學理論。射頻機同癌症關係其實係,射頻可以用來消滅部份癌症不健康組織。但不當使用,亦會激發癌症。

國產山寨機另外一個風險,就係造成體內燙傷。家用射頻機嘅原理,就係利用電阻產生熱力,但係一般嘅儀器,並冇辦法去量度或控制所產生嘅熱力,造成體內組織深層受損,甚至內出血,係冇辦法量度。

所以,不明來歷嘅家用射頻機,尤其大陸機,千祈唔好亂用!

家用射頻儀器唔係話唔用得,但唔係求其買、冇安全測試亂買,更加唔應該響廠方背景都唔清唔楚嘅情況之下買。山寨機、不明強國機,就更加要避免。

家用射頻同商用射頻嘅主要分別,在於能量功能。

一般家用儀器如Tripollar,會建議你每週兩、三次,做六至八星期。即係最少做12到24次,先至會有比較長久效果。

家用儀器比較麻煩在於,由於輸出功率普遍偏低,要真正做到膠原生長,你一定要完全跟說明書去做。

如果你做得次數太多,同埋太少,其實都達唔到理想效果。

家用射頻嘅原理同商用機器唔多,但係功能會比較低,而一般市民嘅使用知識亦都比較粗疏。

好多人買部機初期,就抱住「唔好蝕,做多幾次」嘅心態。

結果,唔跟指引,過度使用造成皮膚敏感、令到塊面越嚟越乾、法令紋出現、皮膚面無四両肉、完全冇貴氣,樣貌變衰老嘅副作用同不良效果。

又或者,三分鐘熱度,療程要求每個星期做兩至三次,連續做六至八星期,普通人做咗兩三星期之後,就已經唔記得咗件事!

記住,家用射頻,一定要跟原廠指引做,否則做得太多,造成以上不良副作用,或者做得太少,根本未能夠完整地刺激膠原蛋白層,導致浪費金錢。

其實大部份市民對於呢啲儀器都係三分鐘熱度,開頭嘅時候會做得比較密,之後就會慢慢忘記,掟埋一邊。其實買咗部家用射頻機大概$3000左右,可能做10次8次已經半放棄,每次大概$400 。效果最盡可以維持兩個月。

效果:約$400一次,最多可以keep兩個月

商用RF射頻,例如Thermatrix,會建議一年只需幾次,最盡都唔會超過一個月一次。Thermage 更加只需要一年做一次。雖然亦都會有所有射頻機器科學原理帶來一定嘅副作用,例如做完療程嘅一兩日皮膚比較乾,但係效果絕對絕對比較家用機長久,而且由於次數少,一年只做幾次,只需要用個補水面膜就可以解決。

以膠原BB槍Thermatrix為例子,就算我當你一個月做一次(其實一般人都唔會咁密),一年總消費約$12000,效果明顯,遠遠超越家用細機,

效果:除翻開每個星期成本約$230,效果可以維持一年。




【醫學美容】如何正確選擇暖宮療程?平衡內分泌療程價錢、功效、副作用教學



暖宮療程最近人氣爆錶,好多醫學美容中心同美容院,都狂推聲稱可以暖宮、平衡內分泌、改善內分泌失調嘅療程。「韓式暖宮療程」、「平衡內分泌療程」等等,近期都非常之受歡迎。如果你自己有手腳冰冷、經常失眠、情緒不穩、面色暗黃或蒼白,小心!可能真係要留意自己健康!

無論係價錢好貴嘅醫學美容中心,到尖沙咀銅鑼灣小店,呢類型嘅療程,近日詢問度極高!究竟,市面上聲稱可以改善內分泌失調療程,有幾堅?暖宮療程理論,功效,價錢係點樣?市面上Lanluis暖宮好唔好?今日就同大家教學。

教學重點:
真正的暖宮是什麼
什麼是內分泌?內分泌和子宮健康、美顏、生育的關係
評估市面上「平衡內分泌」療程
3個即時平衡內分泌方法


真正的暖宮是什麼

市面上突然冒出一大堆暖宮療程,令到大家突然發現,自己也可能有暖宮嘅需要!

如果你有以下身體反應,可能真係有需要進行暖宮療程

皮膚蒼白、膚色暗黃
手腳冰凍
容易疲倦
睡眠質素差劣
經常長出色斑

其實市面上所謂嘅暖宮療程,其實主要係透過精油、按摩、中國或韓國草藥包等等,去做到調理身體嘅效果,令到身體狀況有改善,同時增強生育能力。

東方傳統醫學與及健康養生,博大精深,幾百年前已經發現,身體健康與及生殖能力,息息相關。

現代香港人生活作息顛倒,工作時間超長,壓力又大,好多人身體長期處於亞健康狀態。

尤其是近年香港結婚人數同比例都下降,結婚年齡推遲已經成為趨勢,好多女性踏入30歲、35歲、40歲,仍然都未有第一胎!相比以前年代, 30歲以上已屬於高齡產婦,現今女性生育比率降低,與及結婚生仔年齡推遲,令到大家過咗25歲都要keep住子宮健康, keep住生育能力呢一樣嘢變得更為重要。

市面上越來越多「暖宮療程」、「平衡內分泌療程」,例如Lanluis,聲稱嘅,就係幫大家keep住身體健康, keep住生育能力,令到大家有得生!

真正嘅暖宮療程,其實係將自己身體「調整到良好、為懷孕作出準備」的療程。調理身體嘅原理,與及為生育改變身體狀態希望隨時成功生育,同男性補腎係一樣。

以下嘅討論內容,以暖宮為主,但其實對於男士補腎,改善身體方法生育功能,係好相似。所以你同你嘅另一半男士,或者各位男生可以一齊閱讀。


什麼是內分泌?內分泌和子宮健康、美顏、生育的關係

要暖宮,首先必須要平衡內分泌。

大家可能有疑問,究竟乜嘢係內分泌?

根據維基百科的內容:

內分泌系統(Endocrine)是負責調控動物體內各種生理功能正常運作的兩大控制系統之一,由分泌激素(荷爾蒙)的無導管腺體(內分泌腺)所組成。另一個控制系統是神經系統。荷爾蒙又稱為激素,是一種化學傳導物質,自腺體分泌出來後,藉由體液或進入血液經由循環系統運送到標的器官而產生作用。
講起內分泌、激素、荷爾蒙,大家可能只會諗起男性荷爾蒙、女性荷爾蒙。

大家可能未必知道,其實人體每分每秒,都有內分泌活動。包括,進食嘅時候身體排放出嘅胰島素,都係內分泌一種。

內分泌平衡,你就會比較健康,皮膚比較有光澤,身體脂肪比例亦正常。如果內分泌失去平衡,就會出現肥胖、爆暗瘡、疲倦、情緒不穩、皮膚顏色和質素變差等等問題。

內分泌失調最極端例子,就係導致不孕。

所以,要準備生育,與及保持自己青春,平衡內分泌好重要。

醫生和科學家發現,精油可以改變(注意,係改變,不一定是改善。下面會解釋)人類和動物的hormones內分泌。

以下植物精油成分,科學家發現對身體有改變的作用。香葉醛,橙花醛,香葉醇,橙花和反式茴香腦。薰衣草,檸檬等等,亦有調節身體分泌嘅效果。


評估市面上「平衡內分泌」療程

市面上好多美容院都推出「暖宮療程」,但其實成效不一,有啲真係會對調理身體有良好幫助,有啲真係浪費時間之餘,仲會對身體帶來不明嘅風險。

所以,係了解清楚「暖宮療程」嘅風險,同埋正確分辨真假方法之前,真係要小心為上。

市面上美容院的暖宮療程,主要包含3個部分:

(1)精油 / 草藥包:是利用含活性成分的『精油』或『東方藥包』
(2)按摩:用『按摩』的方法,去令身體吸收成分
(3)按摩加熱儀器:再用『儀器』去加強加熱和效果


市面上大部份平衡內分泌/暖宮療程,都係以上嘅步驟。

但係市面上好多療程,其實做不到應有的效果。

點解?因為,香港好多美容院對於背後的根據並無了解。一般嘅顧客,亦都完全冇足夠嘅醫學、中醫、身體調理、養生知識去分辨。所以好多時候美容顧問叫你join,就去做。

如果評估市面上嘅「暖宮療程」,唔合格嘅,絕對多個合格嘅!

一般美容中心「暖宮療程」,就係使用一啲草本按摩油,草藥包,於服務位置按摩、加熱,就叫做暖咗宮!究竟,背後原理、安全評估、可能嘅副作用等等,美容師同顧問都唔太理解。

真正平衡內分泌,背後大有學問,並唔係隨便按摩、胡亂使用精油,就可以。

無論係使用嘅平衡內分泌精油、按摩方法、時間、身體按摩位置等等,其實大有學問。

精油,千祈亂用,尤其是如果你希望有孕。

因為用錯,會有不良效果,包括流產。



3個即時平衡內分泌方法

如果想得到美肌、皮膚美白、身體機能良好等等嘅正面作用,好多人第一時間就會想去參加醫學美容中心嘅暖宮療程。暖宮療程冇錯可以響美容中心做,但係,而家會教大家三個方法,可以即時改善內分泌,做咗呢三樣嘢,先去參加出面暖宮療程,效果會更加理想,基本上係事半功倍!

入門嘅暖宮療程,自己都可以做。

平衡內分泌方法一:規律睡眠時間。中醫認為晚上11點前訓最好。

平衡內分泌方法二:減少脂肪進食,多食蔬菜

平衡內分泌方法三:戒除食煙飲酒


身體,其實係一個極為複雜而又互相影響與關聯嘅生物系統,就算食西藥,身體各個器官,亦有不同嘅反應。如果你係想希望從東方調理身體、養生嘅方法去做暖宮,以上三點,一定要做到。

睇劇集睇到深夜、上網唔瞓覺、飲食全部都係高糖高鹽高脂肪嘅快餐、又瘋狂食煙飲酒,你知唔知道其實對你自己、子宮係極差!

舉個例子俾大家知,

你知唔知道睡眠不足,或者進食大量垃圾食物,會導致你嘅胰島素失去平衡,你會脂肪積聚?影響寶寶健康脂肪比例:

你知唔知道飲酒嘅酒精濃度,其實會直接進入懷孕之後羊水裏面?

參加暖宮療程希望得到效果,就一定要做到上面三點。

做到以上三點,令到你內分泌比較唔平衡,去返比較平衡嘅狀態,出去出邊做療程先至有效。

市面上平衡內分泌,或暖宮療程,要注意以下幾點:

精油按摩時候,集中按肚臍下面穴位「氣海穴」、「關元穴」。每次幾分鐘。

要留意自己懷孕狀態,精油,未有BB之前可以使用,但係懷孕之後第1個星期到第13個星期,就要避免。

可以配合市面上醫學美容儀器,達到東方西方同時改善身體質素嘅完美效果。可以配搭嘅療程包括:

(1)韓國細胞修復儀Omega Light集中於腹部,利用生物光調理細胞激活
(2)Thermwave儀器令到體內毒素盡快排出。

市面上精油眾多,大家要小心。大部份精油都屬於安全,但一定要避免丁香,迷迭香,茉莉與及鼠尾草。 呢幾種精油,會有小產風險!


做完3-5次『真正』暖宮療程,你皮膚會變得紅潤,手腳和暖,精神會改善。


【醫學美容】搶先看美容展最新醫美儀器產品!等離子美肌,韓國外泌體面膜來到香港!



過去幾日,係香港BeautyPRO美容展。對於從事醫學美容、生物科技、經營美容中心、化妝品、潮流產品記者、東主等等,亦都係相當忙碌嘅時間。因為,美容展會展出世界各地最新嘅醫療美容產品、生物科技、高科技醫療機械、最新世界年輕精華、香薰、面膜等等。呢個展覽係業內人士限定,必須要有相關請柬先可以進入。(通常只會醫學美容中心、美容院管理層同老闆先收到請柬。)。展覽展出時間,亦都係辦公時間之內,所以一般非業界市民要放工偷偷入到展場嘅機會其實唔太高。

OneCaratBeauty編輯團隊,作為人氣超過5,000,000嘅高智商型香港醫美潮流KOL,梗係會獲得邀請入場!為咗令大家可以得到第一手醫學美容資訊,今年我哋就去咗現場,為大家實地報道,最新嘅科技,同埋絕對值得一睇嘅最新醫療產品。大家安坐家中就可以了解最新嘅科技!


最新醫學美容科技:等離子技術完美肌膚

今年展出嘅醫學美容高端儀器,主要包括:等離子技術、激光減肥、冷凍溶脂、等離子太空科技等等。醫學美容中心必備嘅無針埋線、傳統HIFU、膠原蛋白槍就一定會展出。

有一個比較可喜可賀嘅現象,就係見到一啲傳統以來非常之昂貴與及一般人無法負擔嘅美容科技,已經慢慢逐漸普及化。

舉例,以前一部高端冷凍減肥儀器,批發價錢約港幣百萬左右。眾所周知,呢個批發價唔係小數目,所以療程價錢亦都會相當昂貴,一般市民真係難以支付。

今次去美容展,見到好多高端儀器嘅價錢變得比較普及,換言之,就係大家會有越來越多靚機用。

技術層面方面,今年亦都有一啲新嘅技術。例如等離子科技。

等離子科技近年非常之流行,例如Elva Ni代言嘅詩琳,都入咗好多Purisma。等離子其實有好多用途,包括為表皮消毒,令到皮膚細胞更加容易吸收營養,同事消滅細菌。亦都有加快膠原蛋白生長、改變皮膚質素嘅良好效果。



幾年前等離子技術啱啱開始嘅時候,係相當之昂貴,今年價錢已經有所回落,今年去到醫學美容展覽,發現醫學美容機器嘅價錢亦都比之前更加大眾化,個好處就係令到大家更加有機會,獲得完美肌膚。



最新韓國面膜:Exomage韓國外泌體細胞系統

其實Exomage呢個細胞系統,之前已經喺韓國醫學美容、皮膚管理中心圈子聽過。Exomage可以幫助細胞繁殖,對抗細胞衰老,效果可以媲美幹細胞治療!(韓國官網:http://www.exomage.com/

仲有個好消息話俾大家聽,呢個治療已經登陸香港!



大家可能仍然一頭霧水,你可能會問,Exomage同外泌體究竟係乜嘢嚟㗎 ?點解要咁開心啊?

如果大家有去開韓國醫學美容中心,或者久不久會去韓國執一執,就會知道「外泌體」呢個科技,其實係有料到!

佢嘅特別之處,就係可以直接進入皮膚真皮層!

一般嘅護膚品,只能夠留喺表皮層。

Exomage只需要接受四次護理,兩個星期就可以大幅改善肌膚狀態!而每一個系統,蘊含150種活性成分!

效果相當神奇,皮膚水份增加210% !皮膚彈力可以增加180%!眼部可以提升160% !

Exomage其實一直都希望有廠商可以帶嚟香港,今次就見到有代理!



最新養生科技:平衡荷爾蒙內分泌技術

另外一項比較矚目嘅,就係已經流行一段時間嘅平衡內分泌系統系列精油,今年獲得越來越大嘅注目。相關嘅產品亦都越來越多。

香薰精油對於平衡荷爾蒙內分泌,有好大幫助。

如果大家有定時去開Beauty Salon,就會發現有一系列嘅精油同產品叫做Lanluis。Lanluis其實都出名,今次去美容展覽,發現咗不少同樣好質素嘅產品,而且價錢仲平少少。之後我地會出篇長文詳細解釋教學。

Lanluis對於有興趣平衡自己內分泌嘅人士,的確可以一試。其他公司同類產品都可以嘗試一下。

今年去展覽其中一個比較大嘅觀察,就係發現中國內地參展商對於知識產權嘅尊重程度增加,以往大模廝樣,公開售賣冒牌醫學美容儀器嘅情況,今年就唔多出現。相信亦都同海關執法嚴謹有關。



【醫學美容】自費測試女皇范冰冰FAN BEAUTY面膜!科學分析結果超O嘴!



女皇范冰冰推出的自家品牌,FAN BEAUTY海葡萄凝水保濕面膜,大家搶購了嗎?『范冰冰面膜』最近又再變成熱搜字。明星推出自家品牌,在韓國很流行,大家可能用過G Dragon的自家品牌面膜,之前又有國民男神宋承憲的面膜,還有EXO為Nature Republic的品牌!之前我們已經和大家分享那些比較好,那些比較伏!終於!今次我們的霸氣傳奇女皇范冰冰,FAN BEAUTY自家品牌推出了。范爺出名高要求又good taste,不過,究竟FAN BEAUTY海葡萄凝水保濕面膜,有沒有和范爺本人一樣的高品質,就要經我們科學分析和測試!


女皇范冰冰推出的自家品牌登場了!

美容購物的樂趣,是多方面的。好的品牌,除了有功能性,更有inspirational value!霸氣美皇后的自家品牌,在inspirational value方面就肯定爆標!FAN BEAUTY海葡萄凝水保濕面膜,在香港的莎莎獨家開售,曾引起一堆遊客搶購!

但是,之前,我們也試過自費測試,韓國男神宋承憲的7 DAYS面膜,用後感覺,就是因為是宋承憲就會支持一下而已~產品水準就一言難盡。

如果大家記憶力好,就會記得之前出事,被爆含類固醇的M8面膜,原來就是一堆香港明星代言!

明星產品,真的有時好伏!

在分析產品之前,就要學習,什麼是好的面膜。



什麼是高質面膜?

好的面膜要先看看產品的精華成分。醫學美容專家都知道,面膜精華成分最重要!

精華成分最好有「高度活性成分」。之前已經和大家教學過,一般平價、水準平庸甚至劣質的面膜,很多時可以利用一種叫做carbomer的物質,人造的方法去令到精華看起來質感比較厚重。這種方法,基本上是令到大家自我感覺良好。對於真正改善皮膚質素,必須要有一些好的成份,例如維他命B等等,這種方法才可以改善肌膚質素,造成長遠的良好效果。而不是一時的所謂「水光」。


詳細分析同冰冰面膜成份

范冰冰面膜成份如下:

Butylene Glycol
Glycerine 
Niacinamide
1,2 Hexanediol
Caulerpa Extract
Panthenol Thiamine HCI


大家可以看看這個范冰冰面膜,其實的主要成份蘊含5種維他命B:B1, B3, B5, B9, B12,成份來講,其實相當良好。Niacinamide,基本上所有貴的化妝品、護膚品亦會包含這個成份。以產品來講,有這個絕對提升了整體的價值。

另外一個要留意的地方,就是所謂的海葡萄。其實,就是caulerpa lentillifera extract。海葡萄不是一種葡萄,其實是一種海洋海藻類植物,主要功效,就是可以撫平皺紋。與及增加肌膚彈性。亦都是這個范冰冰面膜的主要賣點高級成份之一。

成份來講,范冰冰面膜絕對合格有餘。現在的價錢(港幣百多元一盒, 5塊 ),絕對交到功課。

另外一個要考慮的因素,就是精華的成份,以這個質量的產品來講,成份絕對不錯,一塊已經有30 mL的精華!

請大家不要小看這30 mL的精華,其實份量等於市面上一般的護膚品大小。沒錯,一包面膜已經有一支精華的含量!范冰冰相當有良心!

買一盒面膜,等於買了五樽精華!

150幾蚊港幣,買到五樽精華!

產地方面,范冰冰面膜出產地是韓國,也絕對比中國大陸有信心。

難怪,范冰冰面膜,一出的時候就一大堆內地粉絲瘋狂搶購!

大家都知道我哋不接受PR產品或者金錢贊助,所以自費測試嘅結果,先至有公信力。的確,范冰冰性價比相當高,而且主要成份美肌效果出眾,今次冰冰女王真的為大家着想,可以放心去搶!


【醫學美容】冷凍溶脂VS熱光溶脂!減肥價錢效果副作用教學



潮流興做gym減肥、做瑜伽、有機飲食!擁有良好fit爆身段,代表你有知識、有紀律、而且擁有好嘅潮流觸角!所以各位靚仔靚女,唔好再俾籍口自己肥落去!建立良好生活習慣,學懂健康營養,再借助高科技醫美儀器定位纖體溶脂,基本上係達到完美身段嘅金三角,缺一不可!今次會同大家介紹市面上最流行嘅兩種做機減肥方法,包括:「冷凍溶脂」同「熱光溶脂」。一次過,你會學識點樣去分辨,同埋點樣選擇最適合自己嘅減肥儀器!

冷凍溶脂、熱光溶脂呢兩種方法其實原理上各有不同,效果,收費,副作用亦都不同。建議大家一定要先了解清楚,了解咗每個減肥方法嘅好處,風險,先決定選擇邊一個!以免造成浪費金錢、得不到效果嘅情況。


醫學美容中心不告訴你的減肥機秘密

現代生活繁忙,運動量普遍不足,造成大家新陳代謝緩慢、容易積聚脂肪嘅亞健康狀態。所以大家去到醫學美容中心嘅時候,好多時顧問會建議大家做機減肥。但係,做機減肥嘅真正價錢、效果、副作用、優點、缺點等等,好多時候顧問都唔會詳細同大家解釋。有啲地方亦都為咗快快做完可以空出位置,唔會詳細為手臂、小腿、肚腩等等位置所需要嘅不同作出詳細講解。

開始之前,要同大家講講減肥嘅理論。大家可能以為,肥,做運動咪得囉。使乜要去學美容中心做機減肥?其實,做運動、減少卡路里攝取,的確可以令到身型比較纖瘦,但係只做運動,或者只減少卡路里本身,並不足以做到「定點纖體」、「定位修型」效果。

減少卡路里與及運動,只能夠做到整體比較瘦,但一啲脂肪容易積聚嘅位置,例如肚腩、大髀、臀部,其實未必幫得到。

積聚脂肪、體型未如理想,醫學美容儀器、做機減肥可以幫得到你。但係,選擇適合嘅機亦都好重要。無論係冷凍溶脂、熱光溶脂,千其唔好人做你又做!

今日教學重點包括:

冷凍溶脂:價錢、功效、安全性、副作用
熱光溶脂:價錢、功效、安全性、副作用
市面上流行的減肥儀器比較


冷凍溶脂 

冷凍溶脂,英文名叫做Cryolipolysis。冷凍溶脂整體來講,屬於安全有效可以少部份減少脂肪的方法。

冷凍溶脂係近年市面上熱門嘅減肥療程。無論香港、台灣、中國大陸都有好多診所專門對接呢個療程。

冷凍溶脂好處包括,修復期快,比起傳統抽脂(Liposuction)手術,痛楚程度大大進步。冷凍溶脂首先於2009年出現,在2012年時候,獲得美國FDA應可用作腰間脂肪處理。在技術以及科學原理上,是屬於可行性高,有相當多支持的技術。

冷凍溶脂的原理,就是用低溫度,將脂肪凍死、凋亡。

每一次,最多可以減少總脂肪的20%左右。

好多低質素的美容blogger、盲毛美容丐幫,一面倒跟從客戶宣傳,聲稱:「冷凍溶脂絕對安全,因為得到FDA認可」

之後我會詳細解釋,冷凍溶脂機唔係絕對安全。

另外,如果你真係對醫學美容有足夠認識,就會明白到,FDA其實只係approve包括三個部份:Flanks腰側、Abdomen腹部、Thighs大腿。

美容丐幫,低質blogger唔識,就唔好扮專家!真係失禮死人!

冷凍溶脂香港常見儀器會係Coolscuplting。價錢大概萬多元,一個部位,例如臀部、腰,$10,000到$15000左右。大部份醫學美容中心會將大腿左右兩邊、左右手臂計算作為兩個不同部份收費。

冷凍溶脂副作用包括:痛楚、水腫、紅斑、神經痛等等……一般會於一兩日內消退。但是,冷凍溶脂曾經出現過一些不理想的情況,CoolSculpting製造商曾經向有關當局提交報告,經過治療的位置,可能會造成脂肪組織不規則「增長」!

根據現有位置,受影響的人數其實不算多,每一萬人之中,就會有約一人遇到這種不理想的療程後狀況。

冷凍溶脂看似簡單,但其實儀器的操作相當複雜,無論是溫度、探頭大小、位置等等,絕對會影響效果。所以這個儀器的操作,絕對不是一般人以為的簡單。

CoolSculpting如果擺錯位置,不單止會大大影響效果,對於脂肪的處理,亦會有嚴重不良影響,例如凍傷!

所以如果你決定想去做Coolsculpting或其他類似的冷凍溶脂療程,一定要做一些有醫生在場的地方,否則後果自負!(大家要留意,好多連鎖店收費很貴,但其實沒有醫生幫你做)

冷凍溶脂的效果,不會在療程後即時出現。效果其實會在12星期內慢慢出現。所以,冷凍溶脂只適合一些有耐性,與及有一早計劃的顧客,否則如果你想即時見到效果,這個療程其實並不適合。

另外一點要注意,就是這個療程絕對不適合自己DIY使用。之前外國就有例子,有人在網上看過有關冷凍可以減少脂肪的簡單資料後,自己嘗試購買乾冰模擬效果,結果佢造成嚴重創傷。記住,冷凍溶脂只適合去最貴、有醫生的地方做!千萬不可以DIY !


冷凍溶脂
市面上流行冷凍溶脂儀器:Coolsculpting
價錢:約$10000-$15000一個身體部位,左右手臂、左右大腿一般動作兩個部位計算。
功效:3/5 (只適合小位置的重點纖體)
安全性:4/5 (如果經過醫生處理),1/5 (自行操作或由未經訓練治療師操作,風險非常高)
優點:非入侵性,downtime修復期短
缺點及副作用:痛楚、紅腫、水腫,一般會於兩日內消散。
推薦指數:3/5


熱光溶脂(激光、射頻、高周波溶脂)

另外一項市面上hit爆的,就是韓國「熱光溶脂」。「熱光溶脂」是一項無創減脂技術,在韓國醫學美容界別也非常流行。

市面上的熱光溶脂,主要利用「1064nm激光」或「650nm紅激光」,可以同時配合高周波射頻,從底層融化脂肪。

呢類型減肥機嘅好處,就係效果快,相比起用冷凍嘅方法,直接用激光和射頻,基本上好快(講緊同一日之內),已經開始見到效果。而且減肥嘅效果,會係跟住落嚟嗰幾日,繼續進行。就算療程已經結束,但係減肥嘅能量,先至啱啱開始!

所以,如果你想即刻瘦,繼續瘦,不斷瘦,呢啲激光或者射頻嘅療程,就比較適合。

好多人想知,熱光溶脂究竟會唔會感覺比較痛?其實,療程本身係冇乜感覺,主要嘅感覺,係溫暖、加熱嘅感覺。

熱光溶脂、激光或射頻減肥呢類療程嘅重點,就係一定要夠熱,先至會有效果。如果唔夠熱,減肥嘅效果亦都唔會太過突出。所以如果你接受得到,就同顧問或治療師講可以開大少少。加強效果。

大家可能有疑問,如果將能量開到咁大,會唔會燙傷自己?其實現時市面上大型嘅醫學美容儀器,一般已經有能量裝置,可以將能量較大,或者係適當嘅時候較細。由於多極射頻、高周波本身係利用電阻發出熱力,表面係絕對唔會有熱力。熱力只會係深層發生,所以表皮會係安全。就算係激光嘅技術如Le Shape,亦都會係表皮加設冷卻裝置。

熱光溶脂其實研究基礎,已經超過10年。所以係市面上比較成熟的技術,佢有另一個好處,就係價錢比較平,而且覆蓋嘅範圍比較大。

相比起冷凍溶脂,熱光溶脂可以覆蓋大範圍,唔會好似前者咁樣,每次只能夠針對20%。

冷凍溶脂主要原理,係令到脂肪細胞死亡排出體外;熱光溶脂並唔會減少細胞嘅數量,但係會將積聚嘅脂肪變成液體化,隨着新陳代謝流出體外,做到纖體減肥效果。

大家可能有好大疑問,其實呢啲咁神奇嘅儀器,效果究竟keep唔keep得到?

以肚腩來講,一般可以期待2cm-4cm的改善。效果可以維持1年以上!

之前有一個有關射頻減肥的研究發現,在接受療程的4年後,減肥效果仍然得到70%維持。喺不用開刀不用打針嘅情況來講,非創傷性嘅醫學美容儀器可以做到咁嘅效果,其實算係相當理想。


市面上流行熱光溶脂儀器:GTG Wellness Le Shape, GTG Wellness ABAS, BTL Exilis
價錢:射頻約$1000-$2000一個身體部位;激光約$5000一個身體部位
安全性:4/5 (可作大面積減肥,或小位置的重點纖體)
優點:無痛,同時有收緊肌膚,去紋,改善肌膚品質的效果,價錢比較平。大概做6至10次有明顯減肥纖體、定位修身效果。
缺點及副作用:過程比較熱,如果體質敏感人會感覺到有少少痛
推薦指數:4/5


市面上醫學美容儀器都流行,如果以性價比來講,我就會咁樣排

GTG Wellness ABAS SR (about $2000) > BTL  (about $3000)  > Le Shape   (about $5000) > CoolSculpting  (about $10000+) 

事實上,幾部機都有效,如果以一般消費者來講,建議由比較大眾化價錢嘅儀器開始,如果減唔到,先用一啲比較貴嘅儀器。其實大部份人用一般嘅儀器已經得到理想效果,唔需要每次都用到最貴嗰幾部機。除非你唔嘥錢唔安樂,本身係富二代有好多錢去浪費!



如果達到最佳減肥效果

醫學研究發現,最佳的方法,就係同時利用冷凍溶脂、熱光溶脂術!

如果大家去過陳法拉做代言人嘅醫學美容中心Elyze ,都可能聽佢哋嘅顧問,會建議兩樣療程都同時進行。

醫學上來講,的確係兩部機同時做效果最理想。

但係實際操作方面,前者價錢好貴,後者價錢都唔會太平。

一般亞洲人肥胖情況冇西方人咁嚴重,可以教大家一個方法,唔敢話可以完全相同於做晒兩部機,但係起碼效果會比較好!

小小建議俾大家:大家可以集中做「熱光溶脂」,之後嗰幾日,瘋狂運動出汗、由汗水、小便將溶化嘅脂肪排出體內,你會發現做完機嘅效果相當良好,而且減得快,只需要做幾次,已經完全冇咗個肥胖嘅位!

由於價錢平,整個療程完成都係幾千蚊,但係可以做到大概幾萬蚊嘅冷凍溶脂療程效果!

Swiss Reju搶先獨家提供單次溶脂優惠,WhatsApp查詢按這裏:https://bit.ly/2EdcPRJ







Counter

Flickr Images