溶脂廣告的理想和現實
減肥、溶脂、纖體，個個都想！咁溶脂個價錢唔單止唔貴，係極平！ 超平做10次！百幾蚊一次，真係飲餐茶都唔得。
如果真係有興趣想做溶脂減肥，呢個時候，大家真係要停一停，諗一諗！
除咗要計算儀器本身嘅價錢，每次要搵幾個reception 、美容師、茶水姐姐幫你，仲未計背後醫學美容公司必須要嘅會計、廣告費用。
就算我當佢哋全部係最低工資，條數已經一定超越$150。
有良心嘅醫學美容中心可能會平啲，但一定唔會用蝕本價做生意，因為咁樣根本生存唔到，亦都唔係健康嘅營商之道。
平價溶脂其實係乜嘢嚟？好多人都唔知，有啲人甚至做完，都唔會知。
既然係咁樣，大家又點解會覺得係好平？
想知道究竟係自己精明，定係已經俾人呃咗，就一定要留意以下嘅教學。
平價溶脂原理的驚人真相
咁係咪代表做10次一定係黑店？咁又未必喎。
因為，每間醫學美容中心，都會同廠商有唔同類型嘅協議同折扣，視乎買幾多、大家關係等等，都會有唔同類型嘅折扣同批發優惠。
純粹因為價錢平，唔可以一口咬定一定係呃人，或者係黑店。
想搞清楚件事，要首先要蒐集多啲確實嘅資料同資訊，先至可以幫大家決定做唔做。
第一件事，就要了解平價溶脂究竟係咩黎。
平價溶脂其實係一種生物激光，佢嘅作用，就係利用光嘅能量，令到脂肪溶化。如果長期使用，達到有減肥、纖體、苗條嘅效果。
激光對於脂肪，係有一定嘅作用，但係時間一定要足夠，同埋你要做足夠嘅次數。
激光，相比起抽脂手術、熱光溶脂、冷凍、超聲波HIFU減肥等等，部機嘅能量一定冇咁勁。就以市面上比較流行嘅熱光溶脂神器，韓國醫美品牌上市公司生產GTG WELLNESS ABAS SR全能綠精靈、或勁多模特兒做嘅Cluederm REFIT，呢兩部機嘅效果已經勁好多。
而且做機，就好似你去做運動減肥減，做得多，效果梗係好啲！密密做，效果一定好過只係做一次。
究竟有用定冇用，視乎你有幾勤力，做得有幾密，同埋你有冇做其他嘢去幫助療程嘅結果。
平價減肥幫唔幫到你？
做機減肥、減肥機一類嘅醫學美容儀器，好多人真係完全冇印象，亦都冇任何概念。
簡單來講，如果你係小小肥，可能成身都纖瘦，只係一兩個部位有少少脂肪，咁樣平價溶脂呢部機的確幫到你。激光對於少部份脂肪，效果比較明顯。
如果你本身係屬於偏瘦，得少少地方有少少肥，用千零蚊10次（假設你真係去晒10次，又冇耳仔軟買咗其他嘢嘅話），咁呢部機可以做。
但係，如果你本身係肥底，肚腩、粗腰、拜拜肉出晒嚟，其實呢類機就真係冇乜用。就算我俾你去晒10次，個效果都唔方太明顯。
唔關儀器本身事，係呢類型嘅激光儀器，本身就唔適合做大面積嘅脂肪。
之前有朋友去過是做平價溶脂減肥，發覺原來佢竟然係幾個pad，就咁粘貼上身體， 20分鐘就叫做做咗！
上去之後仲俾個顧問話，「你咁嘅身形做平價10次溶脂呢部機冇用，應該做第二部機」。
我個朋友覺得俾人呃，自然黑口黑面，咁當然換來顧問嘅黑口黑面啦。雙方就咁樣不歡而散。
朋友本身並唔太熟悉醫學美容嘅運作，就問我地究竟真係咁樣，定俾人慫恿佢買多啲嘢。佢好想知道，呢類型嘅儀器究竟有無用。
我唔響現場，所以唔能夠百分百肯定。我嘅估計係，可能係兩樣都有啲。
我就同朋友講：「其實你都明白到一百零蚊一次嘅treatment，商業上係咪可行。」
佢唔出聲。
「其實有啲嘢你真係唔使問，內心都已經有答案啦。」
我都明白朋友嘅心態，想靚同瘦，但又偏偏極其孤寒，又唔想投資自己。淨係抱住搵試做R著數嘅心態去周圍試，周圍trial，偏偏越係咁嘅心態，距離真係可以健康減肥，只會越嚟越渺茫。連嗰千零蚊都浪費埋。
老實講，呢個世界一分錢一分貨，高質素嘅醫學美容機，係一定要錢，因為部機返嚟都幾十萬。可以百零蚊俾你？唔好玩啦。
最經濟做機減肥方法
市面上做機減肥嘅方法極多，包括左冷凍溶脂、熱光溶脂、Laser、唔知係一啲物理性嘅儀器例如LPG M6等等。
成日都會有朋友問，做呢類型機器點樣做先最抵，老實講，其實係有方法，亦都唔需要比街市面上一般價錢咁貴。
如果你真係想做到唔反彈， keep住瘦，有三樣嘢一定要做。
一，你要有正常嘅運動量，因為正常嘅活動量會令到你身體嘅胰島素處於正常狀態，胰島素處於正常狀態，就唔會咁容易累積脂肪。你去配合做醫學美容儀器做機減肥嘅時候，效果就會快好多。
二，你要有健康嘅飲食。即係話，唔可以大量進食碳水化合物，否則，你做乜嘢機都係嘥錢。你要從源頭嗰度減少脂肪積聚，正常飲食，再配合做機減肥效果會最好。
三，做機減肥嘅時候，最好睇清楚部機嘅原理係乜嘢，問清楚究竟係超聲波？激光？射頻？冷凍？ 唔好見到價錢平就即刻衝入去做，因為每種肥胖嘅狀態其實唔同，相應使用減肥機亦都唔同。最好先行了解。如果自己屬於普通肥，而唔係超級肥，建議你用「熱光溶脂」，呢個係最平最快嘅方法。
市面上都有好多唔係好貴嘅醫學美容級纖體treatment，價錢都係千零蚊起已經可以做「熱光溶脂」，而且唔需要買大量course。興趣可以直接向查詢 : https://bit.ly/2EdcPRJ。
