【減肚腩佳音】家用減肥機只有「呢種」有用!一文詳細分析5大家用減肥Glo爆脂機、YA-MAN、LPG Wellbox、Glycel - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年4月14日 星期二

【減肚腩佳音】家用減肥機只有「呢種」有用!一文詳細分析5大家用減肥Glo爆脂機、YA-MAN、LPG Wellbox、Glycel



「不要在年輕最好的時光,活得最便宜、最爛!」

呢個真係人生真理。




相信好多人呢排最大嘅煩惱,就係因為work from home,腰圍同脂肪比例不斷上升!

長期對住電腦冇得外出運動,健身中心又關閉,醫學美容纖體中心又關閉,日日食FOOD PANDA,拜拜肉,肚腩,大腿脂肪不斷成長,體重不斷飆升,成個人好似中咗不瘦降咁!

缺乏運動,導致面色唔好,進食過多,面部脂肪成個Pizza咁,越嚟越離譜。

懶惰所以叫外賣,食垃圾食物食到個人越嚟越頹廢懶惰,下一餐唔想煮所以又叫外賣,無限loop惡性循環!

外表再咁樣崩壞落去,連外賣FOOD PANDA步兵哥仔,都睇你唔起!

呢排好多人問,究竟有冇一啲快趣嘅減肥方法,或者一啲家用嘅減肥機,幫得幾多得幾多。

呢排市面上的確係多咗人兜售呢類家用減肥機,家用減肥機係乜嘢嚟,價錢應該係點樣,邊隻有用,邊隻冇用?邊啲係中伏?


家用減肥機詳細分析

如果大家有follow開一啲買賣水貨嘅Facebook同IG就會發現多咗人賣家用減肥機。

講就講到好神奇,又話點樣可以縮減腰圍,或者V面,點樣做幾次體重腰圍就由欣宜size變咗劉心悠size、池美麗size變咗薛凱琪size。

嗰啲做療程前後嘅樣真係好吸引,但係係亦都令人半信半疑,你心諗,會唔會真係too good to be true?

一千幾百家用減肥機,真係可以有咁勁嘅減肥效果?

唔好信廣告,唔好信網上打手,唔好信明星經理人,一齊從科學角度了解真相!

市面上嘅家用減肥機其實可以分為三類

第一類,就係物理性按摩、滾輪打散脂肪。例子:GLO爆脂機、LPG Wellbox YAMAN 日本溶脂纖體按摩儀

第二類,射頻類型儀器,利用射頻熱能溶解脂肪。例子:Tripollar POSE、GLYCEL Body Queen 3極纖型塑身儀, SOMA


第三類,低能量激光類型機。例子: 淘寶瘦身腰帶



第一類家用減肥機機:物理性按摩、滾輪打散脂肪

大家可能都上網見過有啲誇張效果嘅Facebook page,推廣一定係叫做西班牙GLO爆脂機嘅嘢。

西班牙GLO爆脂機啲相就好誇張嘅,我哋就唔會評論嗰啲相真定假。只會集中討論西班牙GLO爆脂機嘅理性同科學根據。

西班牙GLO爆脂機嘅原理其實係咪用物理性嘅機械滾輪,配合紅光、紅外線去達到修型嘅作用。

如果用最嚴格嘅科學理據去理解,「爆脂機」並唔係一個正確嘅講法。應該係話「修型機」。

因為部機本身,並無燃燒脂肪嘅作用。

西班牙GLO爆脂機聲稱嘅就係可以爆走脂肪。但其實滾輪主要嘅功效係令到脂肪組織比較鬆散,比較容易排出體外。

喺呢個層面方面滾輪按摩係有一定嘅功效,雖然不足以令到成個肚腩冇咗。

西班牙GLO爆脂機另外一個功能,就係紅光同外線。紅光同紅外線的確對於皮膚組織有收緊,自己膠原生長嘅作用。但係紅光,紅外線本身一定要有足夠嘅能量,如果只係小型、小範圍嘅覆蓋,個效果其實可想而知。

就好似話,運動對身體有益,但係如果你只郁動2分鐘,每個月郁動一次,咁究竟個成效有幾大呢?

如果純粹係理論去講,西班牙GLO爆脂機理論係有少少根據。但係部機本身覆蓋嘅位置偏向細小,究竟要做幾多次先至達到效果,就真係要自己謹慎諗吓。
另外一部網上人氣都比較高,都幾多人討論嘅家用減肥機就係YA-MAN 日本溶脂纖體按摩儀同LPG Wellbox。LPG Wellbox 其實係傳統美容院舊式修身儀器LPG M6嘅家用版本。

LPG Wellbox 原理方面就同頭先所講嗰部機係幾相似,不過價錢就貴好多,所以其實個結果都係果句,佢可能會有一時修身嘅效果,但係佢本身並無溶解脂肪嘅效果。

你獲得嘅,會係激發左膠原生長到自己嘅緊致,同埋去咗水腫,但係脂肪本身係唔係冇乜改善。



家用減肥機評價

西班牙GLO爆脂機

推薦程度:3/5 只適合脂肪比例低人士。對笨重拜拜肉,肚腩,大腿脂肪功效要好密才有用。


YA-MAN 日本溶脂纖體按摩儀

推薦程度:3.5/5,本牌子生產一系列家用美容儀器一段時間,有一定效果,但係要做得好密先見到,一唔做就會打回原形


家用減肥機評價

LPG Wellbox

推薦程度:2/5  性價比不高,只適合脂肪比例低人士。減肚腩,大腿脂肪效果不明顯。



第二類家用減肥機:射頻類型儀器

射頻熱力去溶解脂肪,再配合一啲EMS、紅光,呢個人嘅家用減肥機其實係比較可取。TRIPOLLAR POSE, GLYCEL Body Queen 3極纖型塑身儀就係例子。

TRIPOLLAR POSE, GLYCEL Body Queen 3極纖型塑身儀呢類型嘅儀器其實有個共通點,就係主要係用熱力去令到脂肪慢慢溶解,化為脂肪酸,新陳代謝排出體外。

呢類型嘅儀器亦都係今日所講分析嘅三種類型儀器裏面,唯一一種係有科學根據,「理論上」可以燃燒脂肪嘅家用減肥機。佢「理論上」做到燃燒脂肪嘅效果。

點解要咁強調「理論上」?因為事實往往有好大嘅落差。

「理論上」香港樓宇供應超越香港整體人口,理論上係冇住屋嘅問題。

但現實係,好多時候理論可行,實際絕對係另一回事!呢啲家用減肥機、射頻減肥機,亦都係相同嘅道理。

家用減肥機點解會差少少呢?最主要嘅原因係因為佢嘅能量程度其實唔係好夠。

做呢類型家用減肥機首要條件,就係佢嘅射頻能量、熱力一定要充足,足以達到溶解脂肪,令到脂肪分解嘅作用。

如果佢根本能量都唔夠嘅話,其實根本冇嘢做得到。

但係偏偏家用機嘅價錢成本、安全考慮等等,都會限制左個能量嘅「強度」同埋熱能「深入程度」。

減肥專用嘅射頻其實有一定嘅條件,例如雙極射頻深入基底嘅cm程度,要隨着身體唔同部份而改變。亦都係點解真正出邊街嘅大型減肥機一定可以用唔同嘅能量探頭。

GLYCEL Body Queen 3極纖型塑身儀係會有一定嘅作用,亦都相對安全,但係纖體減肥能量,絕對唔能夠同一般嘅醫學美容中心、減肥纖體中心嘅成份減肥相比。因為個能量實在差好遠好遠。

市面上邊啲家用減肥機係可以有纖體效果?有,就係大陸做雜牌機,呢類型所謂嘅家用減肥機,淘寶好多,佢哋並無安全檢查,亦都冇任何安全認證嗰種。佢哋嗰啲真係好夠膽死開到好大,但係個唔好處就係有機會造成你身體裏面嘅不明創傷,造成內臟燙傷,甚至長期使用會引發癌症等等。

家用減肥機評價
GLYCEL Body Queen 3極纖型塑身儀

推薦程度:3.5/5,有一定效果,但係要做得好密


家用減肥機評價
TRIPOLLAR POSE

推薦程度:3.5/5,密做OK


家用減肥機評價

大陸雜牌淘寶射頻家用減肥機

推薦程度:0/5,普遍係會有短暫嘅燃燒脂肪效果,但係後遺症非常大,副作用亦都大,因為佢哋主要係將個能量搞到好高,超越一般人身體可以承受嘅程度,而且由於產地不明,出咗事係完全無辦法去追查。之前已經發現呢類型嘅儀器係好危險,任何類型嘅無牌家用減肥機都絕對唔好掂。中咗癌症唔好後悔。



第三類家用減肥機:低能量激光類型機

淘寶瘦身腰帶,呢排都幾流行,又係去返同家用減肥射頻機相似嘅問題,理論上激光係有用嘅。

但係,要好專業!係某一類型嘅激光,某一類型嘅波長,某一類型嘅深度,某一類型嘅熱力,與及配搭嘅冷凍裝置等等。

呢啲並唔係自己求其買條兩三千蚊腰帶會做到嘅效果!更加唔係大陸淘寶求其會自行DIY搞得掂嘅嘢。

比大家一個參考,激光減肥嘅儀器喺亞洲例如韓國嘅醫學美容中心、香港有醫生駐場嘅纖體中心等等,嗰啲機最平係「六位數字」,係中高六位嗰種。兩架Benz應該買唔到。

老實講如果真係想瘦,已有唔想出街做嘅話其實有方法嘅。

可以考慮用一個雞尾酒纖體嘅方法去減走個肚腩。

乜嘢叫雞尾酒纖體?就係利用改變飲食習慣,改變運動習慣,同埋做少量醫美儀器

雞尾酒纖體方法嘅好處係價錢會平過傳統只做機減肥。

因為你做得冷凍溶脂,或者出邊熱光溶脂,可以做一個輔助性嘅作用,當你自己有運動新陳代謝快,而個卡路里控制得幾好嘅時候,定點減,係可行嘅。咁樣會係一個最好嘅方法。



減肥管理





Related

Post Top Ad