過去一年發生嘅事，真係一言難盡！唔覺唔覺已經去到一年嘅盡頭，無論好嘅，唔好嘅，去到12月，所有事情始終都要過去！所以我哋要趁着年尾嘅時間，作出一次大型嘅排毒，爽快告別不需要嘅，只留低最好嘅人生精華片段，同閃閃發光人性光輝嘅回憶！去到年尾，成日都會有人問，有冇啲平平哋又有用嘅美容產品，自己用或者交換禮物，價錢又唔太貴，又可以一物多用，而且好意頭！我話有，「玫瑰花水」就可以！
玫瑰花水，可以令肌膚和靈魂，有即時再生功效。玫瑰花水歷史，穿越了幾百年，由中古世紀大馬士革市集，到現代頂尖護膚品牌，歷史時空唔同，但係玫瑰水嘅神奇功效卻相同。
給極需要好運洗禮的你們
人真係有三衰六旺，地方亦有地運。如果覺得呢排運勢麻麻地，做乜都提唔起勁，快快去買支玫瑰花水！呢樣野唔單止幫到你嘅皮膚補水保濕生理層面，你都幫得到你嘅心理質素上升，甚至如果你相信玄學，神秘學，呢啲嘢都有正面嘅幫助。
市面上唔少地方都有玫瑰花水、玫瑰純露出售，咁但係可以話比大家知，好多網店出售都係化學物質溝出嚟。
如果你想增強運勢尤其人緣、桃花運，真正嘅玫瑰花水就走唔甩。玫瑰花水無論係中國玄學、西洋超自然學問，都被認為是帶來好運，樓轉乾坤嘅增強運勢神器。
真正玫瑰花水從何來
歷史學家相信，玫瑰由公元前三千年開始，已經開始在中國、北非、西亞洲種植。
奧圖玫瑰花水、大馬士革玫瑰花水、充滿異國味道嘅名字，可能你都聽過。名字背後，係幾千年的歷史同地理風光。
現在市面上可以購買得到的玫瑰花水，大部份來自保加利亞與及中亞，即土耳其、伊朗、敘利亞一帶。
市面上用作為護膚品的玫瑰花水，主要是下面幾種：
Rosa Canina
Rosa Damascena
Rosa Centifolia
玫瑰花水，蘊含着玫瑰花精華，係大自然寶貴珍藏。
玫瑰花水一般含有珍貴嘅玫瑰花精油，當中含量由10%到50%不等，由於玫瑰花精油係稀有出產物，每份玫瑰精油，要3000份玫瑰花瓣精製而成，所以玫瑰花友本身極為珍貴。蒸餾玫瑰花水過程，會有少量玫瑰花油停留於玫瑰花水裏面。所以話玫瑰花水本身已經自帶精華！
玫瑰在中東國家一向被認為是神聖的植物，在當地被認為是「Plant of Prophet Mohammad」。由於玫瑰水具有神聖和療癒效果，當地人利用作改善抑鬱症、神經緊張、壓力等等，於典禮上灑向嘉賓。
好多你喺香港見到嘅玫瑰花水，其實唔係真正嘅玫瑰花水，好多時候係用化學香精溝出嚟嘅假野！真正嘅玫瑰花水，你要去土耳其、中印度等等地方先買到。一啲包裝普普通通，其貌不揚嘅中亞產品，印度產品，反而先係真正玫瑰花水天地精華！
有啲香港網店包裝港式花巧嘅，根本就唔係真正嘅玫瑰花水，而係一啲平價香精水！香港都冇玫瑰花莊園盛產玫瑰花，亦都冇用作生產精油同花水嘅蒸餾設施，何來會出產得到玫瑰花水呢？正如一個地方根本就冇橙園冇農場，有乜可能會有真正橙汁，嗰啲係橙味汽水人做飲品！
有啲香港網店包裝港式花巧嘅，根本就唔係真正嘅玫瑰花水，而係一啲平價香精水！香港都冇玫瑰花莊園盛產玫瑰花，亦都冇用作生產精油同花水嘅蒸餾設施，何來會出產得到玫瑰花水呢？正如一個地方根本就冇橙園冇農場，有乜可能會有真正橙汁，嗰啲係橙味汽水人做飲品！
玫瑰花水的科學功效與好處
關於玫瑰花水的好處功效，市面上眾說紛紜，有啲精油分銷商會作出各種各樣承諾。
要真正了解玫瑰花水真正功效，最好方法並唔係去相信一些誇張的推銷，而係研究科學報告。
玫瑰花水主要成份包括：Flavonoids、Tannins、Saponin、Triterpenoids。下面就會詳細為大家解釋，玫瑰花水嘅幾種功效。
玫瑰花水功效 1：抗氧化
玫瑰花水其中一個比較突出的效果，就是他本身擁有一種抗氧化功能。玫瑰花水抗氧化功能，來自Polyphenolic compound saponins，可以阻止游離基的形成。長期使用，係會有抗氧化嘅效果，令到皮膚容易衰老嘅位比較能夠保存到。佢嘅好處係因為全天然，抗氧嘅能力好強。
玫瑰花水功效 2 ：美白
之前有啲人話玫瑰花，水可以有美白肌膚嘅效果，其實當時都仍然係半信半疑，點解呢？覺得呢啲價錢唔太貴嘅天然產品，有冇辦法真係咁犀利，連皮膚都可以美白？
原來，玫瑰花水真係有美白嘅功效。佢嘅化學原理，其實係因為玫瑰花水本身可以阻止紫外線嘅傷害，因為隔咗紫外線，皮膚就唔會比黑色素咁容易積聚，長年使用就會有美白嘅效果。當然如果你要得到呢個好處，就要長期使用，起碼用一樽以上！
玫瑰花水功效 3 ：消炎
玫瑰花水當中含有Aldehydes 、Esters ，兩者都有消炎作用。經常使用玫瑰水嘅人，就會發現皮膚冇咁容易敏感。所以玫瑰水係有消炎嘅作用。呢個好似特別適合一啲皮膚經常性敏感、甩皮、長期乾燥問題嘅人士。
玫瑰花水功效 4 ：催眠
另外一個比較少人知道嘅玫瑰花水功效，就係催眠效果。根據科學家的研究發現，花水能夠增加睡眠時間。呢個玫瑰花水好處唔係個個人都知，香港大部份人都唔能夠得到完美嘅睡眠，如果好好把握呢個好處，就能夠減少因為失眠帶來嘅唔舒服。
科學方法同角度去睇，玫瑰花水的確有良好嘅功效，唔怪得知由埃及妖后年代開始，玫瑰花水都係深深得到每一個年代嘅人喜愛。
玫瑰花水，非常易用，基本上用嚟補水，或者沖完涼灑喺身上，令到佢慢慢吸收，就已經可以。
玫瑰花水推介
成日都有人問，有冇呢類型嘅玫瑰花水推介，其實油，視乎用途。如果你送俾人，可以考慮一啲包含玫瑰花水嘅護膚產品，咁市面上好多例如chantecaille、fresh、Dior、Melvita等等全部都會有。
如果係自己用，咁我就會建議你買第二種，就係直接由原產地（保加利亞、土耳其）等等出產，主要當地人購買嘅玫瑰花水產品。呢一種嘅產品通常外表冇第一種咁靚咁華麗，包裝老土，但係千祈唔好睇小裏面嘅精華營養成分。
呢類型原產地生產，未經過量包裝嘅，先係最正、最高營養含量、最天然嘅產物。佢由於冇經過其他物質嘅稀釋同埋加入其他化學品，天然成份得以保存。
呢類型喺邊度買呢？其實真正嘅好嘢要托住響相關地區，海外朋友買，並唔係普通美容院、平價連鎖店嗰啲唔知乜嘢溝出嚟嘅廉價化學物。
玫瑰花水與好意頭
好運，除咗被動咁樣等佢降臨，亦都可以自行爭取。
玫瑰花水有種獨特嘅氣味，係天然得來有種觸動靈魂嘅味道，係一種上天送俾人類嘅禮物。
真正嘅玫瑰花蒸餾之後，即使經歷過一段時間，開樽嘅時候仍然有一浸神秘嘅芬芳。令人想起生活中種種的美好，包括人與人之間嘅接觸，難忘時刻，愛情嘅奧妙，甚至某種人生嘅缺陷美。
玫瑰花水，代表左某一種好運，與及好兆頭，無論土壤幾惡劣，只要有玫瑰花，始終都會出產出獨特難忘嘅芬芳。喺惡濁亂世之中，搵到一份清新。
滋潤身心，觸動靈魂，一支玫瑰花水，可能係你比自己最好嘅禮物。
「在最壞的時代，做最好的人。」唔係一句口號，而係一種信念，可以幫我們用堅定正義嘅心，一步一步撐過去。
祝大家有個嶄新的開始！
