【醫美】北歐女神般的雪光肌解鎖!香港也可以做冷凍治療美容?效果及副作用解密! - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞推薦!Reju瑞士細胞年輕科研中心,位於中環,免費體驗最新高端正廠美顔儀器。韓星安全定點溶脂修型 | 氧生注氧treatment | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2019年12月24日 星期二

【醫美】北歐女神般的雪光肌解鎖!香港也可以做冷凍治療美容?效果及副作用解密!


每次見到北歐同俄羅斯嘅朋友,都覺得特別羨慕。歐洲女神皮膚白裏透紅,散發出一種健康、幸福、高尚、同整潔嘅感覺。幾年前興水光肌,依家就興雪光肌!淨係水潤已經唔夠,要裏面透出一種發光嘅白!


前牌就同大家介紹過一隻價錢偏貴但勁有效嘅瑞士嘅美白去斑療程SWISSDE White Ice,估唔到呢就勁多PM反應,好多人有興趣!大家有興趣了解點樣可以增加美白度,增加通透程度,有貴族雪光肌,今次就同大家講下,其中一個獲得雪光肌最快嘅方法,就係冷凍治療。

(自費原創研究,沒有收到任何贊助或折扣)

香港市面上去冷凍治療法嘅Facial地方越來越多。今個冬天,一大堆名媛趕去做冷凍療法!但係如果用作美容用途嘅冷凍治療法,就一定要先行了解,知道佢嘅價錢、功效、好處、副作用等等,先至決定做唔做。因為,冷凍療法做得好,皮膚keep住凍齡狀態!但如果手勢做得差,或者唔依照指引,會令到皮膚受傷之外,如果冰凍氣體入眼,甚至有機會失明!

所以話,如果想靚,首先要有知識!


教學重點:

  • 冷凍治療法是什麼
  • 冷凍治療法的安全性及副作用討論
  • Polaris Cryotherapy北極冰海超低溫冷凍艙介紹
  • E-COOL冰雕魔雪凍齡機


冷凍療法是什麼

冷凍療法呢幾年嚟到香港,其實佢原先嘅時候,係來自外國嘅醫生。醫生發現使用溫度極低嘅療程,對於面部及身體產生物理變化。其中嘅功效好處包括,減輕平時關節痛楚,增加膠原蛋白強度等等。

而家市面上最流行嘅冷凍療法,就係利用佢去處理皮膚問題,例如一啲比較頑固嘅疣。皮膚病與疾病管理屬於醫學領域,老實講同大部份人都冇乜關係,呢個係屬於皮膚科醫學,所以就唔係今日討論嘅重點。今日嘅討論重點主要係響去皺紋、增加膠原蛋白、緊致方便。

今年冷凍療法開始進入醫學美容領域。而家甚至會被利用去增加膠原蛋白、抗衰老、去皺紋等等嘅美學用途。

上年開始有朋友詢問有關冷凍療法嘅問題。其實市面上一啲價錢比較貴嘅Spa、高尚住宅區美容院,已經引入「Polaris 北極冰海起低溫冷凍艙」、「E-COOL 冰雕魔雪凍齡機」呢類型嘅冷凍療法美容儀器。


冷凍治療法功效、安全性、副作用討論

冷凍治療法得到唔少荷里活明星嘅推介,亦都係唔少有錢人嘅玩意。不過做之前建議大家先了解療程嘅安全性同埋副作用。唔好人做你又做!

冷凍治療,有分為「氮氣Nitrogen」與及「非氮氣non Nitrogen」兩種。粗略咁講,前者嘅技術比較高深但風險高好多!後者個效果冇咁快,但係容易操作,安全性亦都比較高。

如果使用氮氣,多數都係醫生辦公室裏面進行。使用呢種冷凍氣體嘅冷凍治療目的,多數係用嚟針對皮膚病。

呢一種模式嘅冷凍治療比較高難度,因為本身係氣體,流動性極高,而且氣溫非常低,比較難以去控制。

之前曾經收到唔少網上嘅批評,因為如果操作不當,冷凍治療風險極高,會凍死皮膚組織,造成毁容,如果大量nitrogen入眼,有機會導致永久性失明。

當然大家都想擁有好似魔雪奇緣中間嘅Elsa一樣,又白又瘦又靚!全新散發出美白光彩!但係點解傳統狂噴氮氣嘅冷凍治療,入唔到主流系統呢?最主要原因係因為佢嘅風險程度,較唔使用氮氣嘅冷凍治療高。

一般來講涉及使用氮氣嘅冷凍治療,入咗嗰啲冷凍艙之後,有機會會導致缺氧、凍傷、甚至因為太大煙霧視野度降低而跌倒。

之前香港就有一間響銅鑼灣,使用氮氣嘅嘅冷凍治療中心,但因為各種原因,而家已經結業!


Polaris 北極冰海起低溫冷凍艙(使用氮氣)

Polaris Cryotherapy北極冰海低溫冷凍艙,呢部機都甚為出位,短時間內就成為名人圈至愛!前牌香港未有嘅時候,甚至有人專程飛去台灣做Polaris!

Polaris 北極冰療程獲得唔少荷李活級數嘅名人明星推薦,包括狄美摩亞與及Lindsay Lohan、球星LeBron James。Polaris療程嘅方法相對簡單,只要進入特定嘅極低溫艙3分鐘,就會激活。

Polaris Cryothrapy北極冰海超低溫冷凍艙,所需要嘅時間極短,每次療程只係3分鐘!

冇錯,淨係3分鐘!

根據儀器廠商嘅資料,佢哋相信通過極低溫度,可以刺激身體產生荷爾蒙反應,同時激活面部膠原蛋白生長。

Polaris Cryotherapy北極冰海超低溫冷凍艙價錢唔平,價錢約$1000一次,每次只做3分鐘!呢個價錢只包括身體,並唔包含面部,如果你要做埋面部,價錢會差唔多雙倍計算。

如果用來做面嘅話,機器會噴出Nitrogen。好似之前所講,呢個係好處亦都係唔好處,因為如果處理不當,Nitrogen入咗眼睛個效果真係可大可小!

當然,唔係話trearment時間段一定冇用,不過幾分鐘成千幾兩千蚊,價錢就真係見仁見智!

安全程度:3/5
舒適程度:2/5
評價:3/5



E-COOL 冰雕魔雪凍齡機介紹(不使用氮氣)

E-COOL 冰雕魔雪凍齡機,來自醫學美容大國韓國,由於過程並唔會使用氮氣或其他氣體,可控制程度大大增加。

E-COOL 冰雕魔雪凍齡機有咩特別呢?佢相當強勁,結合左冷凍療法,與及無針破壁,利用電離子技術,徹底激活細胞。


首先,利用電離子技術將細胞通道打開,將護膚精華營養打入肌底,再用冷凍療法,收細毛孔,激活微循環反應,令到膠原蛋白生長更快。

唔好睇佢機仔細細,其實E-COOL冰雕魔雪凍齡機嘅馬力好強大,可以去到零下負40度!

俾個概念大家,市面上高級酒店雪糕甜品大型冷凍雪櫃,係零下負18度。E-COOL 冰雕魔雪凍齡機嘅溫度,係可以低到零下負40度,係凍過商業用大雪櫃兩倍以上!其實呢個功能只係參考性,一般嘅美容療程係唔需要開到咁極端嘅低溫。

E-COOL 冰雕魔雪凍齡機,除咗一機兩用嘅好處之外,佢嘅特別地方在於可以安全性比較高。相比起空氣流動狀態嘅,佢有一個實物探頭,出錯機會極低。果有需要,就可以即刻撳掣停止,又或者立刻用手移開個探頭。控制性高好多。

呢部機因為冇使用氮氣,其實個溫度冇上面介紹嘅Polaris咁低,但老實講,一般人都頂唔到咁凍嘅氣溫!

部機啱啱嚟到香港嘅時候,就比幾個好朋友試過,佢哋個反應都幾好,話個感覺有少少似滑雪嘅時候,嗰種冰涼嘅感覺!可以接受之餘仲有某種快感!

E-COOL 冰雕魔雪凍齡機用嚟收毛孔嘅效果比較明顯,如果時間許可,就會建議做埋冰雪電離子導入。

因為呢部機導入功能已經遠遠超越屋企家用導入機,基本上可以將大量營養分子一下子用電導嘅方法,即時將營養打入基底。呢個係唔需要注射嘅情況之下,獲得大量營養嘅好方法。

做咗幾次覺得個效果都幾好,即時有刺激膠原收縮嘅效果,會令到輪廓望起嚟比較firm同年輕,如果你本身毛孔比較大,做完之後都會發覺毛孔其實係有收細。而長遠來講,就會有營養導入嘅效果。

安全程度:4/5
舒適程度:4/5
評價:4/5


北歐女神般的雪光肌解鎖

香港本身係唔會有歐洲咁凍嘅天氣,如果你想好似啲俄羅斯女神、北歐女神一樣擁有冰白嘅肌膚,用儀器幫助係最快嘅方法。

如果想有雪光美肌,大家可以試吓以上介紹嘅兩部儀器。有興趣的人可以PM,有特別獨家平價介紹!


Post Top Ad