【減肥纖體】香港3大溶脂療程Emsculpt、冷凍溶脂、熱光溶脂應該點選擇?2020最新價錢及功效比較 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年4月17日 星期五

【減肥纖體】香港3大溶脂療程Emsculpt、冷凍溶脂、熱光溶脂應該點選擇?2020最新價錢及功效比較



想減走肚腩,腰部肥肉,就算你俾錢購買昂貴gym嘅會籍,都未必有恆心去日日做運動!有啲人買咗會籍一年,只係去到幾次!好彩,科技幫到你!市面上其實多咗非入侵性、安全性高嘅溶脂療程。Emsculpt、熱光溶脂、冷凍溶脂就係!


眾多醫學美容中心嘅「增肌減脂」廣告可能你都見過!咁究竟係乜嘢嚟呢?市面上最流行嘅溶脂療程有邊幾種?價錢係點?要做幾多次先有用?

一般市民未必能夠了解唔同溶脂療程機器嘅價錢,就咁望上去,每一部都好似一樣!其實溶脂療程使用嘅儀器,功能,安全性,出產地,其實各有不同!價錢亦都可以相差好遠。


香港市面上溶脂療程主要可以分為三類:


第一類溶脂療程,就係電磁波,當中包括Emsculpt、EMSlim、Mega Max

類溶脂療程,熱光溶脂療程,代表性儀器包括ABAS SR、Velashape、Le Shape

類溶脂療程,冷凍溶脂,當中包括Coolsculpting (Elyze定位修型)、Mi Cool、CLATUU




其實好多香港人未必了解當中嘅分別,唔同類型嘅肥胖,適合做嘅療程其實唔同。

所以如果你真係想減到肥,達到纖體、修型、健康嘅效果,你就一定要首先了解自己係邊種類型嘅肥胖,再對比選擇適合自己嘅溶脂療程,咁樣先至會係獲得最佳效果。

記住,你一定要用「正確類型」嘅儀器,否則效果會大打折扣!你就等於掟錢落海。

網上好多人話做咗冷凍溶脂療程冇用,做咗市面上最貴嘅Emsculpt都無效,其實唔係溶脂療程冇用,而係佢哋未分析問題就即刻跳去治療階段。Jump to conclusion,從來都唔係最聰明做法。

就好似,如果一個醫生連親身睇症呢個步驟都冇做好,你一行到入去見醫生,你未坐低,你已經自己要求佢開某種類型藥物俾你,正確診斷、正確配藥機會有幾高呢?

而家好多人選擇溶脂療程嘅時候,好多時資料來源,係只靠網上廣告、明星宣傳、甚至自己嘅直覺。而唔係嚴謹嘅科學、醫學理論同分析。亦都係因為呢個原因,點解好多人參加溶脂療程之後,都話效果唔到自己嘅預期。


參加任何溶脂療程之前都必須要先了解

第一,你要了解自己係邊種類型嘅肥胖。你要先了解自己嘅脂肪比例,同標準BMI相比,係屬於高定低。

有啲類型嘅肥胖,做類型嘅溶脂療程,特別有效。

簡單來講

Emsculpt:適合本身比較纖瘦、已經幾結實嘅人,希望加強鍛鍊馬甲線腹肌,又有少少腹肌變成有明顯腹肌

熱光溶脂:適合本身臀部、大腿、肚腩比較大,有明顯鬆馳肥胖問題,希望改善肥胖橙皮紋、問題

冷凍溶脂:適合部位定點修型

其實如果真係有心想打造完美體態,三種類型嘅儀器(emsculpt、熱光溶脂、冷凍溶脂)都有用。但係你要響唔同嘅階段,做正確嘅儀器。之後會詳細分析唔同嘅溶脂療程 。而家首先再講埋第二點要注意嘅地方。

第二,你要先有心理估算,大概會投資幾多錢。因為在每個溶脂療程價格不同,最佳cycle次數亦都唔同。如果你要達到心目中嘅瘦身纖體效果,你就最好先同比較不同價錢。並集中一啲你自己負擔得起,能夠完成整個療程嘅treatment。



詳細分析市面上三大類型溶脂療程



第一類型溶脂療程機器:電磁波(Emsculpt)

Emsculpt 獲得相當高嘅討論程度,因為廣告攻勢好犀利,一啲大型嘅連鎖店例如Dr Reborn、Dr Protalk、Perfect Medical都有買入呢部機。呢部機嘅主要賣點,就係可以同時增加肌肉,減少脂肪。

Emsculpt相比起其他類型嘅儀器,多咗「增加肌肉」呢個部份。

Emsculpt其實比較適合一啲本身瘦底,想由結實變成超級firm嘅身形,咁樣就最有效。比較適合做呢個溶脂療程 。

如果你自己本身有做開運動,有做開瑜伽, BMI正常,做呢部機其實個效果會幾好。

老實講如果你本身已經比較肥,即係已經見到有明顯嘅肚腩、拜拜肉,BMI評估已經好肥,sorry呢個療程唔會提供到奇蹟俾你。

因為佢主要嘅獨特之處,係可以幫你段練肌肉。你一定要身形有返咁上下健美,有返咁上下纖瘦,體脂比率偏低,先至有明顯效果。

其實每個人都有腹肌,但係就比脂肪掩蓋。呢個亦都係點解如果你要有明顯腹肌,就要先減去身體多餘嘅脂肪成份。否則你係永遠都只係見到個肚腩。

同一道理,呢個療程的確可以幫你增強腹肌,但如果本身你已經有一圈水泡士啤呔肚腩包圍,根本係視覺上冇明顯分別。可能你參加左幾萬蚊療程,發覺根本係嘥氣!

之前有個朋友話洗咗幾萬蚊,去咗一間由著名靚仔醫生開辦嘅醫學美容中心做Emsculpt ,一啲都冇瘦到。就問嗰間美容中心係咪黑店?

其實佢真係冇去錯黑店,反而係無用「正確類型」嘅儀器,令效果會大打折扣!

如果已經見到有大肚腩,Emsculpt唔係首選!

呢部機特別嘅地方在於可以強化肌肉。咁強化肌肉有咩用好處呢?強化肌肉,尤其是盆底肌肉,可以改善尿滲問題。(不同部位另外收費,即係話如果除咗肚腩之外,想強化下半身其他部位,就要另外俾錢)

Emsculpt嘅缺點係價錢好貴,明顯超出其他儀器。 但效果同其他類型嘅溶脂療程儀器,其實係相約。

Emsculpt療程4次價錢 $18,000- $50,000 (最貴)


第二類型溶脂療程機器:熱光溶脂(GTG Wellness ABAS SR, Velashape)

熱光溶脂,可以話係現今醫學美容市場上面,性價比最高嘅療程。

呢類型嘅療程有個特點,就係非入侵性,冇痛,效果通常即刻已經見到,持續使用,會見到相當驚人嘅效果。

溶脂療程裏面,呢類型嘅儀器並唔屬於係最貴。早年由意大利、以色列、美國等等地方研發嘅時候,價錢就真係非常之昂貴!當時真係荷里活明星、世界級超模嘅專用溶脂療程。元組古董級溶脂機器Velashape早於2013已經獲FDA認可作為無創入侵性嘅纖體療程。(Velashape 技術較舊,已差不多10年歷史,比較推薦新一代ABAS SR)

呢個咁犀利嘅纖體減肥技術,就比韓國嘅醫學美容行業睇中左,將當中嘅技術再作改良,將減肥技術再進化,令到整體嘅功能再提升,但錢就係韓國機嘅價錢。今年人氣爆錶嘅ABAS SR就係例子。

所以,市面上的確多咗好多呢類型嘅儀器。以前淨係可以做到減少脂肪,新一代的儀器已經可以做到自己肌肉生長,真係做到「增加肌肉,減少脂肪」嘅作用。

佢嘅主要原理,係用高能量嘅激光或者頻,令到我哋體內嘅脂肪燃燒,自行分解,變成脂肪酸。慢慢就會隨着新陳代謝排出,令到脂肪唔見咗。肚腩、肥大腿、pat pat,線條就可以得到大規模嘅改善。

熱光溶脂療程嘅好處,就係可以針對性改善問題。針對一啲比較頑固但舊式機係做唔到嘅位置,例如雙下巴,副乳。冷凍儀器或者Emsculpt對呢啲鬼鬼鼠鼠嘅位置其實真係有啲難度,因為機器設計嘅問題,好多時候根本無辦法覆蓋。呢類型嘅位置就可以通過熱光去改善。

其實以價錢嘅普及程度來講,熱光溶脂,就變成大眾都可以按需要購買嘅療程。好多人以為一定要價錢好貴先至係好嘢,其實溶脂療程裏面,呢類型其實已經有相當好嘅效果。

幾部機都有效果,Velashape比較舊,而家多數會推薦新一代GTG wellness ABAS SR、Cluederm REFIT。

熱光溶脂價錢 約 $1500-2000 一次 (最低!)


第三類型溶脂療程機器:冷凍溶脂


講開溶脂療程,就一定唔可以唔提冷凍。

大家經過港鐵站都見到好多廣告例如elyze,睇落去真係好吸引,可以減少脂肪接近20% !

冷凍溶脂療程,學術上面叫做cryolipolysis。市面上其實有幾種,其中一種就係大家比較熟悉嘅Coolsculpting,生產商係美國嘅ZELTIQ (Allergan)。

近年韓國都生產冷凍溶脂療程機器,當中有好有壞,有啲就真係效果比得上傳統行業龍頭,有啲就真係好成疑問。

冷凍溶脂療程其中一個引起關注嘅地方,就係因為佢嘅效果唔係即時見得到,佢要起碼一個月之後先見得到個效果。

因為佢個科學原理係慢慢令到個細胞凋亡,排出體外。呢個過程係需要時間。所以就算你用最貴嗰種機器,都唔會即刻見到任何效果,都係要等一個月。

咁個問題就嚟啦,因為無論你係部機有用又好,冇用又好,甚至一啲不良經營嘅地方,提供一啲假冒嘅儀器都好,你要等一個月,先會知道!

之後無論有冇成果,你都無法可以百分百肯定,部機係有用!

冷凍溶脂價錢約 $3000-5000 一格,要做5格,大概$20,000



總結 減肥溶脂療程

相信到咗而家,各位都會對於溶脂療程,有多一啲嘅認識。


一句到尾:

如果本身瘦底想做到極firm,做Emsculpt

如果本身已經見到肚腩仔、腰間、大腿、屁股肥肉,做熱光溶脂 ABAS SR

如果想定點小規模修肚腩大腿以外,小位置,做冷凍。





Related

Post Top Ad