【香港美食】Mango Tree at Elements貴氣泰式下午茶

Afternoon Tea,就是奢侈又悠閑的時光,享受那種恬靜、時尚和與世無爭。

絕美人生的風景是什麼?就是在高級商場瘋狂買鞋、護膚品、面膜、營養食品、皮革、香水、香薰蠟燭之後,找一間美味又著名的輕食餐廳,放下一袋二袋的奢侈品,和朋友躺下來,超緩慢地享受一份美食級下午茶。

在一個慵懶的周末三點,下午茶,真的是華麗又放鬆的事情!所以盡可能,一個月都要去一兩次,感受那種奢侈放鬆的氣氛、美味的食物。

談天說地、由明星、到護膚、到時裝、到網絡紅人、到戀愛經歷、到工作、到人生、到生命的美麗與哀愁。

吃着美味的泰國小點、品嚐泰式的特製飲品,坐在維港旁邊的億元地標建築ICC基座Elements Mall,享受Mango Tree世界知名的泰國菜。靚人的週末,就是要這樣過!







Mango Tree at Elements,這間真正來自泰國,於1994年創辦的泰國菜館,就提供了泰式小食,配合Elements Mall五星級舒適環境,最適合瘋狂購物之後的小休息。

Mango Tree at Elements的特點,就是地點方便,環境清靜,本身品牌已經有悠久的歷史。

下午茶不是正餐,不需要吃得飽,最緊要吃得好!而且,在Mango Tree at Elements分享精緻美食的過程中,什麼也討論,朋友間的感情,就是這樣培養。

喜歡行九龍站Elements圓方商場的人士有福了!Mango Tree地點極方便,而且提供質素超班的下午茶,食物品種選擇多,質素也不錯。

坐着,品味暹羅的味道。





泰國下午茶的精髓

在香港食afternoon tea的地方好多,酒店、咖啡室、樓上鋪等等,選擇繁多。

但提供純正泰式風格的下午茶,就比較罕見、矜貴。

泰國菜有一種獨特的異國浪漫,泰國菜經常使用當季香草、生果及濃烈的香料。各種的椰子、辣椒、青檸、金不換,惹味之餘,極新鮮的當地食材更齒頰留香。

舌尖上的泰國美食,令人不斷愛上,越愛越深。

真正的泰菜,在味道方面毫不客氣,甜、酸、辣、咸都到位。同時,大量使用高良薑galangal、青檸。世界級的泰國餐廳,不會妥協。

泰國近年的文化與及產品,質素突飛猛進。泰國在全球的設計、生活品味行業,在過去10多20年有極大的發展。泰國的建築、商品設計、香薰產品等等,都獲得世界各地消費者的支持和認同。而同時,泰國的旅遊產業、Spa美容舒緩行業,更是亞洲區的首選。

Mango Tree對於香港人來說,可能以為只是一般的泰國餐廳。但其實,他大有來頭。在泰國,已經有超過20年歷史。在泰國當地,早在上世紀90年代開業,大受當地民眾歡迎。位於泰國曼谷Soi Tantawan的總店,如今已經開支散葉,分店遍佈倫敦、東京、杜拜、香港。

Mango Tree在世界各地都得到美食家的愛戴。最令人喜愛的,就是因為她在香港也有分店。要品嚐正宗曼谷美食,無需搭飛機到chatuchat market,搭港鐵就可以了!Mango Tree在香港有兩個分店,分別是銅鑼灣恩平道及圓方商場。兩間都經常客滿!

Mango Tree的斑蘭雞、泰北炒海鮮、燒豬頸肉、咖喱蟹、芒果糯米飯,都是他們signature dish。

這裏最著名的,就是可以一次過品嘗不同美食,可以嘗試少少不同食物的下午茶tea set。

Mango Tree我是經常去,午餐的價錢每人$300以上,一張枱埋單$700至$1000。而Mango Tree下午茶,食物質素一樣高,選擇豐富,鹹點、甜點都有,性價比高,抵食得多。




Mango Tree著名3層tea set

每次去泰國旅行,都會被那種繽紛鮮艷的顏色吸引。

純影像來說,泰國是個彩色繽紛的國家。鮮艷的蘭花、金色的佛像、桃紅色色的酒吧光管。有去過泰國旅行的人一定知道。

而味道,都會被青木瓜沙律、荔枝冰的酸甜味道吸引!

Mango Tree這個著名的三層下午茶tea set,就一樣顏色豐富。

以味道來講,豐富、有心思、有層次,這是我的評價。

一般的下午茶都包括英式鬆餅,這個下午茶並沒有任何鬆餅,取而代之的,就是大蝦。

Mango Tree下午茶的環境,是木造的環境、配合幽暗的燈光,帶給人一種villa 、在海邊resort放空的感覺。



(Mango Tree下午茶甜點方面,有椰汁糕、芒果布甸、芒果糯米飯)



(下午茶的鹹點方面,有三文魚沙律、大廈沙律)



(大蝦和單骨雞翼)


好吃的泰國菜不少,但真正地道、真實、烹調手藝佳、又得到國際食家認同,就不算多。

芒果糯米飯、芒果布甸,只可以用divine形容。味覺,已經立即去了熱帶天堂

燒大蝦,單骨雞翼,亦有泰國燒烤餐廳水準。

我就喜歡Mango Tree下午茶的原因,就是分量剛剛好。一般午餐,份量足夠,但有時會嫌太飽!而且兩個人食量有限,好難可以嘗試到名店不同的味道。這個下午茶,就填補了那個空缺。Mango Tree下午茶有超過10個不同的小吃,就當是名店的tasting menu也好。

而最愛的,就是那種在名貴商場選購之後,好好坐下來,享受一下,那種旅行的感覺。這種享受,就像去曼谷Mandarin Oriental一樣,只是車程比較短。

買衫買鞋、盡情消費、然後飲杯芒果特飲,就是傳說中的天堂嗎?

Mango Tree at Elements可以算是其中一個Elements人氣食肆必選之一。




美食幸福記

在圓方吃下午茶,這是我們的浪漫。

華麗、品味、潮流、奢侈品、設計、旅行、這些一切,隨着年紀的增長,欣賞或接觸的機會也會越來越多。

由曼谷的State Tower Sky Bar,買到ICC Elements!由Chao Phraya湄南河,嘆到維港旁邊。

但同時,有沒有想過,有時,你買的一袋二袋,可能是補償著生命中某些缺失?

一些你知道放手了就永遠也無法回來的小缺陷?

就正如,年輕的時候,皮膚本身就很好,其實不太需要護膚。使用高級護膚品,就證明青春已經差不多花光,年紀已經到達了某個歲數,不可不用。

同一份芒果糯米飯,不同的年紀和心境,出來的味道,也會截然不同。

那時候,對於人生的哀愁、無奈、苦中帶甜,甜中帶苦的哲學,認識還不算深。那時的世界,比較純真,在球場看見他,心情就已經開朗得像當時晴朗的天空一樣。

當時,好多事情都一齊做,渡過了年輕歲月的青春六年。你和他的關係,好深刻。

時光飛逝,今天,你在facebook搜索他,才發現他已經成家立室,剛剛做了一個幸福的爸爸,望着他,你感到不捨、無奈。卻知道,這才是他命中應得的幸福,你內心,終究都是祝福。當年放手,他才有今日的幸福。

而你,也有另一種的幸福。生活享受、自由、和這個他,一起繼續向生命的未知之處探險。

雖然不在一起,心,還是想你。

歲月,令你明白到最大的愛,就是包容、成全。

芒果糯米飯吃完了,你覺得好滿足。就好像當年和他一起第一次吃芒果糯米飯的時候,那種驚喜一樣。

Mango Tree at Elements的泰式下午茶,令你好想好想再去一次泰國,瘋狂購物,瘋狂做Spa ,瘋狂地享受人生。雖然,身邊的那個人,已經不同了。

其實,你的心裏,永遠也有個特別的位置,保留給特別的他。





【香港美食】Detox Weekend:大澳文物酒店Tai O Lookout百年餐廳下午茶

要達到身心健康,就一定要有足夠的運動。能夠在充足的陽光下出發、在樹木成蔭的山坡散步、感受充滿生命力的海水,就能夠為你帶來煥發身心的生機。位於大嶼山離島大澳,是香港僅有的漁村,仍然有島嶼居民在這個靜態的小島上生活,每天和大海、風、陽光為伴。大澳的天空,是廣闊蔚藍的;一路上的,是茂盛又未經修剪的樹枝和樹葉;健康的陽光,滋養在這片大地。(本文是自費評論及介紹,沒有受到任何贊助)

如果,你覺得生活的壓力太大,太多事令你心煩,就不妨來一同與大自然接觸,結合了遠足運動、文物欣賞、百年酒店「大澳文物酒店」食下午茶,與及yoga的微型小旅行,比staycation更快捷的daycation。

這個小旅行會有足夠的活動量,活化你的身心,也有足夠的天然新鮮空氣,讓你能夠深呼吸。同時,會在古色古香的殖民地風格酒店,享受極富本地鄉村文化色彩的大澳文物酒店crossover下午茶。親身體驗百年文化,時光過盡的上世紀風華。然後,在香港地圖最西邊,無人的海岸上,練習瑜伽舒展,冥想,看日落。在廣闊的天空下,忘掉煩憂,聆聽你身體,聆聽你自己,與天地合一。

香港生活壓力很大,所以,久不久作出detox是必要的。作為一個靚人,除了工作上的壓力之外,還要顧及自己的儀容打理、時尚潮流、體重管理等等……有時,好想暫時離開一下時尚繁華的金鐘、中環、尖沙咀,來到一個鄉村地方,來一趟不一樣的小旅行。當全世界都將目光集中在New York Fashion Week、全世界的時裝設計學生與及傳媒由Central Saint Martins到New York Times都聚精會神世界級設計師的作品預覽,我,卻選擇了遠離浮華世界的煩囂,到了大澳文物酒店

在外國,就很流行一種叫做digital detox、unplug detox的周末排毒活動,就是暫時放下無休止訊息的手提電話、手提電腦、與及遊戲機,讓大家有機會,深深感受大自然,感受那種安寧,而不被無了期的工作、消費電郵騷擾。

在沒有手提電話、沒有WhatsApp、沒有Facebook、沒有Instagram的一日裏面,參加者就可以專心地享受生活,與及生命。

暫時離開永不間斷的網上世界,專心地在大自然裏過一日。在大澳文物酒店,一個香港歷史古蹟,和暖的陽光下,品味建築、回看歷史、在大澳文物酒店咖啡室飲一杯大澳本土特產的紫背天葵水,品嚐大澳名物下午茶

這種小旅行,具啟發性、療癒性。






Unplug and Detox:翠綠山巒與及陽光

今次要介紹給大家的,就是一個結合了遠足、探知、感受大自然、然後在大澳文物酒店享受下午茶的獨有風光行程。同時,也是一個digital detox。

這個行程是在大嶼山的大澳。如果以車程來說,其實不過是距離香港大部份市區兩三小時的行程,但環境,就和市區完全不同!

大澳,會提供了市區絕對沒有的空曠、廣闊、舊日風光。

對於一些市區居民來說,大嶼山的大澳好像是一個很遙遠的地方,連怎樣去也不知道!(我同住港島的朋友以為是天水圍的一部分😱)但其實,現在的交通很方便,只要在東涌港鐵站下車,就會有巴士,由東涌站出發,直到大澳。如果你住在港鐵沿線,由住所出發到大澳,一般最遠都不會超過兩三小時。

如果沒有印象,大澳,即是同在大嶼山的愉景灣Discovery Bay的另一邊。

大嶼山的大澳,就有一個遺世獨立,擁有百年歷史的精品酒店:大澳文物酒店,Tai O Heritage Hotel。

這一個遠離開市區、偏遠得有點過分的酒店,卻也有着悠久的百年歷史。

大澳文物酒店甚至有準備一個下午茶,融合了傳統下午茶,與及大澳本地特產,這個不一樣的酒店,有着個不一樣的背景。

在樹林、大海、陽光、百年舊建築的環境,你準備好unplug and detox嗎?



大澳文物酒店下午茶,出發前必須要知道的事

大澳文物酒店,位處於大嶼山大澳的末段,距離公共交通,要步行20到25分鐘。以遊客角度,地點來說,並不太方便。

開頭一直以為,大澳應該沒有手機訊號吧,可以專心unplug and detox,原來,手機訊號和外面一樣,有點想像不到。

大澳有種遺世獨立的浪漫。因為地點偏遠,令到大澳文物酒店的建築物幸運地未被大量自行由遊客導致淪陷。

大澳文物酒店的前身是殖民地時代的警署,所以建築物都具有真正的認識風格,絕對是歷史的建築。

大澳文物酒店已經有100年的歷史,見證着大澳這個地方的時光流轉,在海風中仡立多年。

要到達大澳文物酒店,可以先乘搭11號巴士,由東涌港鐵站外的大澳巴士總站。行程極之簡單,總站坐到總站就可以。在總站落車後,就會有指示牌指示大澳文物酒店所在地,步行大概20分鐘左右,就會到達。

沿途,是漁村的風光,時間,在這個到就好像停留了。大澳居民的生活方式,好就幾十年不變,就好像的舊照片時光。木屋、鐵皮屋、單車、未經修剪的花園、兩三層的小房、通街買賣的海產、不正是60年代、70年代的香港嗎?



(在總站落車後,就是大澳,如果有興趣看白海豚,就可以坐船直接在大澳文物酒店附近的碼頭下船,省下步行的時間)


(大嶼山大澳的棚屋,外貌幾十年不變,維持了香港還是漁村年代的風貌)


(大澳最着名的小食,就是巨型魚蛋和炭燒雞蛋仔,作為平民下午茶,一流)


(由於大澳真是一個真真正正的漁村、鄉下地方,沿途,都會見到最真實的漁村風貌。這裏是少數未被重建為豪宅的地段)


(有巴士總站步行到大澳文物酒店,沿途會經過很多極具文化色彩、市面已經絕種的公共空間。例如途中的大澳大會堂,在市區,早已被摩天大廈淹沒)


(自家的土地上種植,真是很多香港人的夢想)

步行到大澳文物酒店的路上,會見到好多舊日的足跡。

路過田園、海產工廠、半荒廢花園,這也是行程亮點之一。

時間,在這個海島上,好像也過得特別慢,對於一些急速得差不多透不過氣的現代化生活中走出來小旅行的人,正正是你所需要的。

山嵐、海風、石路,一路帶你去百年歷史建築物。


(維持着戰前風格的舊式中國樓房,裏面已經無人居住,卻保留了時代的記憶)


(沿路步行20分鐘,就會到達我們的目的地,大澳文物酒店)


大澳文物酒店在山坡上,百年建築的優雅和殖民地風,令人一見著迷)

在大澳文物酒店,放空,飲杯Twinings since 1706香草薄荷茶,是我一直都想做但沒有做的事。

偶爾遠離人群,到大嶼山靜思。花一整個下午,到海洋邊的古蹟酒店咖啡室,看書,看海,看歲月痕跡。

大澳文物酒店的餐廳Tai O Lookout,位於酒店的2樓,玻璃天幕設計,可以盡情觀賞海景、山境、與及夜晚的星星。









大澳文物酒店,極具殖民地色彩的環境,你會感受到時光的變遷,和人生的短暫。

其中一個旅行的樂趣,就是能夠見到新的景觀,嘗試新的食物,明白到世界之廣闊,遠遠超乎我們有限的認知。

大澳文物酒店和本地的商戶合作推出的下午茶,特別是用很多蛋糕當地特產,例如當地極有名的蝦醬造成豬扒包、炭燒雞蛋仔、粿子等;配合芝士蛋糕、咖啡、別有一番crossover味道風景。

呢間咁靚咁有殖民地風格嘅百年酒店,食個下午茶竟然唔使$100 !



(官方宣傳圖片)

大澳有一個著名的特產,就是「紫貝天葵」。這種植物做成的飲品,經過大澳文物酒店餐廳特別調製,變成了mocktail。這種飲品特別適合在遠足之後,特別解渴。

大澳文物酒店的下午茶,最令人驚喜之處就是提供的英式茶Twinings。在這個香港最西邊,遠看大海,英式風格建築物裏面,飲杯傳統薄荷茶,令人沁怡。

大澳文物酒店餐廳這個地方絕對具有中西合璧、文化crossover的特色,英式建築群中,又會掛紅燈籠,大量的外籍遊客,酒店提供的報紙卻是東方日報。

大澳文物酒店的特別賣點,就是最美的海洋風光,countryside鄉村風格,和古建築。對於食物的質素,可能大家都覺得不是最重要。不是真的食物質素其實是不錯的,尤其是當中以本地文物製造的豬扒包,更是美味。



(零糖減肥Twinings 薄荷茶)



(蝦醬是當地非常著名的調味品,用本地特產製作的豬扒包,分外美味)

減肥人士,可能不適宜一個人食整個tea set,但一份當地名物的,接近bite-size的豬扒包做午餐,是可以的。當天早上,故意沒有食午餐。圖片拍出來可能有點恐怖heavy,但是現場,其實份量是很少的。

而且要來回步行共一小時才吃到,可以接受。

你可以點花茶來中和一下。

來到這個環境,能夠真正滿足到你的,不一定是高卡的下午茶,也不一定需要wine list。反而,是讓你的感官放放假。

來到這裏,故意選擇了比較輕便的便餐,而沒有進食一個完整的三層下午茶tea set。因為排毒,最好可以選擇go light。

大澳文物酒店的前身是警察局。在1903年興建,之後有經過多次的改建。

當年在香港見證風雲的英軍皇家警察,終究也會改變。日不落國,總會有國旗換下的一日。

所有的快樂與哀愁,this too shall pass。

幸運的,就是古老建築物能夠通過另一種模式保存下來。


Detox:在陽光中瑜伽

大澳文物酒店之旅的下一站,就是在海灘做yoga同冥想。

讓海浪聲,平復心情。

大澳這個地方unplug and detox,你會完完全全地斷線。

在這裏,真的沒有什麼需要上載,也沒有什麼可以下載。

大澳文物酒店對出,就是一個海灘,這個小小的海灘,可以眺望遠處的海洋。

這個海灘、你可以做一點的yoga、冥想。在海水旁,出一身汗,排出毒素,呼出抑壓,傷痛;開放的心讓愛和希望進入,感應這個美麗的世界。

Unplug and detox,把所有的問題、煩惱隔絕於線上。

而你,今天是完全沒有上線的。

要做到真正的心靈淨化,在思想上也要作出調整。在這種環境,思想和心態也會變得比較遼闊。

望著茫茫的大海,燦爛的陽光,你心存感激。

美麗,是一種信仰和追求。

抗衰老,不單單是外表,沒有靈魂的美麗著,就算長生又有何用?

信念、熱情、夢想、堅持,回來了。而心誠,則靈。

有了這種人生智慧,所有事情也會變得比較寬容、不計較。

人生存,都是為了追求快樂和善良。

這種感悟,令人柔軟。會想,為世界多做一點。

「謝謝。」

這一刻,你又回到了年輕時代17歲的自己。

初心,原來未變。






大澳的陽融化了你內心的煩躁,山嵐的微風治療了不安。

在陽光中,找回自己。

這個小小的一日旅程,在半荒廢的花園中,感受到生命力和喜悅。

輕美食和散步遠足運動,detox,你愛上了嗎?






【香港美食】法式小盛宴:Bistro Du Vin香港,神話級法國小店

好多人都會禮貌咁問,你weekend做乜嘢呀?

我通常都會好禮貌咁回答,冇乜特別嘢。

但其實,我真正嘅答案係:

「喺一個平靜嘅週末,去一間法國bistro食兩個鐘午餐,細味一下法式美食藝術。昏黃嘅燈光、美味嘅法式海鮮,喺海岸線嘅海風之中,整理半生嘅思緒。」

有時如果真係和盤托出,有啲人又會覺得我好做作!所以我都簡化,費事講咁多。哈哈!

我平時都會去下星街、SOHO、蘭桂坊一帶食飯,但真正值得記下來嘅餐廳,實在唔多。而我認為我嘅生活記錄,應該係美食同生活了悟嘅精華,最值得記下來嘅部份,而唔係逐漸變成openrice。

Bistro Du Vin香港,超高質素嘅法國小餐館,可能住港島區嘅朋友會識,但就算以香港島居民來講,都係地點比較偏僻,位於香港嘅最西面。因為香港Bistro Du Vin地點比較遠,只有美食家先會去咁遠追尋。自從堅尼地城站開通之後,對於美食家來講真係一個好消息,因為呢一帶都有好多好嘅食館,以方便出入左好多。

先前,就有好多朋友同埋美食lifestyle blogger喺網上評論都不約而同讚好呢間法國餐廳。Bistro Du Vin香港能夠引起旋風一窩蜂好評,我就一定要試吓啦!(本文是自費評論,沒有收到任何免費招待或免費試食)






法式美食藝術精神

法國菜,喺香港有一種高不可攀,高人一等嘅感覺。無他,因為通常香港食法國菜嘅餐廳,無論裝修、服務、價錢、對美術嘅追求,都遠勝於一般嘅中菜館。

法國美食同埋甜品,喺香港靚人圈永遠都有市場。

法國餐廳緩慢同埋悠閑嘅氣氛,精緻嘅美食,係咁多人會愛上呢個距離香港甚遠嘅地區食物嘅原因。係法國文化裏面,飲食都係一種藝術,係需要好好準備、欣賞、細味、回憶。

喺香港,法國菜之所以受歡迎,除咗美味之外,更有種階級優越嘅吸引力及歷史文化嘅光環。喺香港,最受歡迎嘅餐飲,都係日本、韓國、同埋中國菜。關東拉麵、韓式燒肉、壽司、魚生、台式便當、廣東飲茶等等,都係主流。但係作為一個真正嘅靚人,飲食嘅口味,就要更上一層樓,唔可以淨係比中菜、日本菜、韓國菜規限。去到一啲正統嘅法國餐廳,攞住個法文餐牌,都可以知道乜嘢係乜嘢,能夠起碼講到幾樣食物、幾種紅酒,個人都高貴啲。

Bistro Du Vin香港,最著名嘅就係法國式家常嘅小盛宴。我真係要擴闊我嘅眼光,最少嘗試一下平時唔食嘅餐廳。

人到咗某個年紀,飲食嘅口味都會進步、進化。好多人覺得過咗25-35歲左右,就應該好好的學習法國菜、同埋紅酒嘅類別,咁樣先至可以準備你人生嘅下一個階段:做一個優質、優雅嘅成年人。

我依家終於開始有年資同資格,去追尋真正法國嘅味道。

如果你同我一樣,都想做一個優秀嘅人,就一齊睇吓我嘅法式饌食學習經驗。哈哈!

Bistro Du Vin係香港一個美食家、食評人都給予好評嘅嘅法國小餐廳,Bistro Du Vin嘅好處,就係作風隨和,並唔會好似某啲本地法國餐館一樣咁造作。Bistro呢個法文,就係講小酒館。Bistro Du Vin香港係位於海邊,法國最着名嘅就係Cote d' Azur尉南海岸,海洋潮濕、有少少鹹味嘅海風,就美化咗呢間餐廳嘅氛圍。

Bistro Du Vin來頭不小,係香港同埋新加坡都有分店。係唔係普通街頭巷尾一間小型餐館咁簡單。佢係新加坡嘅Bistro Du Vin Singapore,都得到當地人嘅好評,喺香港,食過嘅食家評論都唔錯。

對於一啲經常要減肥嘅人,好似我同你咁,就會對於食物的卡路里斤斤計較。無他,因為事實上真係冇乜quota,唔可以浪費。Bistro Du Vin呢一間餐廳,我覺得係可以值得你用手頭嘅quota。





法式遺緒,感動味蕾

Bistro Du Vin香港呢間餐廳一定要食嘅就係Bouillabaisse,有人會將佢稱為法式海皇湯,其實Bouillabaisse係馬賽魚湯



呢一個Bouillabaisse,馬賽魚濃湯係Bistro Du Vin鋪頭嘅招牌菜。

去Bistro Du Vin香港,如果只可以食一味菜,我會揀呢個湯,佢就代表左Bistro Du Vin香港間餐廳嘅精髓。唔單止有鮮魚、蟹、蝦、青口、仲有濃郁嘅洋蒽、蕃茄、藏紅花同香草。

味道香濃、醇美。讚!

Bouillabaisse係法國菜中重要嘅一部份,而試過之後,我就可以判斷呢間餐廳能夠做到一定水準。


(Pork Rillettes with toast)

Pork Rillettes係一種用肉類慢煮成膏狀嘅spread,用來搽面包、多士,味道,好似餐肉。哈哈!

由於製作方法會用得比較多油和脂肪,Pork Rillettes減肥人士都係食少少就算。


去法國餐廳一定要知道嘅知識

每一次嘅用餐經驗,都豐富咗我嘅美食知識理解、同埋對法國烹飪文化嘅欣賞。

Bon appétit?好多美國人、洋腸港女都好鍾意係食法國餐嘅時候講呢句。但係,原來正統法國人食法國菜,根本係冇人會咁樣講。無啦啦講句嘢,會被人笑老土同大鄉里架!

我又再同店員溝通過,原來發覺法國菜本身係會大量使用以下幾種材料:紅酒、芝士、橄欖油、蕃茄、蘑菇、同埋鴨肉。法國菜本身包涵左唔同嘅菜佘,就好似中國菜,都有分南方,同埋北方。法國菜,好多時都被地中海嘅飲食文化影響。

好多人都以為,食法國菜,就一定係好誇張、好複雜、好高級。但原來,呢個概念已經過咗時,以前食法國菜,原來真係有呢種超華麗嘅習慣,當時叫做Haute Cuisine。原來70年代開始,法國菜經歷過大規模嘅改革,以前超隆重儀式,經過改革就變成比較輕便、隨意嘅現代法國菜Nouvelle Cuisine

去到法國餐館,飲水係有一定嘅學問。因為通常一般嘅法國餐廳,飲水都有分為水喉水、樽裝水、樽裝有汽水。如果只係飲普通嘅水,無需要樽裝水嘅話,就可以同侍應講,你要Au natural。

同時有一點要注意,就係食法國菜同食其他嘅歐洲菜唔同,佢會供應麵包,唔單只係飲湯嘅時候先會食,食緊正餐嘅時候,都會照食麵包!呢個係法國飲食文化嘅禮儀,所以千祈唔好以為飲完湯就唔可以再食麵包。法國菜,一路食餸一路食麵包係正常。


(法式烤雞水準中上,雞肉非常嫩之餘,燒烤又剛剛好,完全拿捏得到火候,令人一試就愛上。)


(牛扒簡直是一絕,絕對沒有想過在法國餐廳會點牛扒,但是無論味道、烹調、都會人回味無窮)


(Panna Cotta我至愛!水準超班,很久沒有吃過這水準甜品)

進食方面,亦都有一定嘅次序。當然啦,一般嘅餐廳都會用正確嘅次序上菜,你都唔需要擔心。但係如果係食自助餐嘅話,就要記住,法國人通常先食Hors D’oeuvres,再食個L’Entrée (Appetizer) ,先至食main course。食完先食沙律,芝士同甜品。

法國菜文化係一門學問、一門藝術。可能,有人會覺得唔重要,但係好多人眼中,佢就係連接着歐洲藝術世界嘅盛宴縮影。

有時你只想好好欣賞美食,欣賞對生活嘅熱情。

放下平時忙到不真實嘅現實世界,喺Bistro Du vin呢間小餐館裏面,品嚐一啲同樣美味到不真實嘅美食。竟然有種無盡幸福嘅幻覺,好想說聲謝謝merci。

時光,令到好多野都冇得再返轉頭。但同時,佢會令你成長,變得更加優秀,更加完美。令你知道除咗努力去keep住年輕嘅外表,反而有時坦然面對歲月洗禮,可能加添一種成熟、穩重、有智慧嘅光芒。

你已經唔再係揸住珍珠奶茶嘅細路,放低左韓劇同instagram,迎接着係對人生、生活藝術、文化、知識同智慧嘅追求。

法國菜,溫暖過無盡嘅藝術家,好似Cezanne 、Van Gough。法國烹飪藝術唔係個個都識得欣賞,亦都唔係適合每個香港人。然而覺得,我終於到咗咁嘅年紀,開始懂得欣賞,懂得仰慕。我終於,有咁嘅資格。

Bistro Du Vin 
地址: 西環 堅尼地城爹核士街1號地下D號舖 
電話: 2824 3010

【香薰】平價好用夢幻香薰推薦:Jurlique Rose Body Oil、Gulsha玫瑰水、 L'Occitane Arlesienne香薰蠟燭

有時,我真係覺得自己好幸福,作為一個經常蒐集美容用品、香薰、儀器、面膜嘅愛美人士,我嘅美容、美髮、按摩、香薰collection,已經達到專業級,甚至比市面上一般美容院更加高級齊全!即使喺屋企,都可以隨時隨地享受得到高級Spa嘅洗浴用品、香薰蠟燭、按摩機、音樂、同埋專業級美容儀器。

隨着天氣漸漸變得清涼,又係享受香薰蠟燭嘅時間啦!為咗幫大家做下研究,我就特別去到唔同嘅地方,試用咗唔同嘅秋冬系列香薰美容舒緩產品,今日就特別推介俾大家,幾樣我去retail store試用過覺得唔錯,並已經自費購入嘅秋冬香薰產品,每樣價錢都唔貴,都係幾百蚊左右,又抵用又好用,超級推薦!包括:

Jurlique Rose body oil (Jurlique玫瑰按摩油)
L'Occitane Arlesienne candle 
Gulsha玫瑰水

當天氣變得慢慢寒冷嘅時候,我就特別鍾意用呢隻來自L'Occitane嘅Arlesienne香薰蠟燭,幽微點光營造一室温暖芬芳。配合歐洲浴鹽熱水浴,抹淨後噴灑少許Gulsha玫瑰水,作為平靜身心之用。瞓覺之前,再用含有天然玫瑰精華嘅Jurlique Rose Body Oil按摩油按摩肩頸身體。每一晚,我都喺濃郁芬芳嘅花香中安靜沉睡。

今年秋天,一齊試試最夢幻又華麗嘅入眠體驗!


左:L'Occitane Arlesienne香薰蠟燭,價錢$290
中:Jurlique Rose body oil玫瑰按摩身體油,價錢$550 ,水貨店大概$350
右:Gulsha玫瑰水,大概$200)


(今期我嘅最愛,L'Occitane Arlesienne香薰蠟燭,將法國式華麗芬芳香味帶回家)


(Gulsha玫瑰水同Jurlique Rose body oil玫瑰按摩身體油,適合睡覺前使用,體驗浪漫愛情睡眠)

高質素嘅香薰治療級精油,可以提高幸福感覺,改善睡眠,放鬆你心情。aromatherapy對於改善神經緊張、平復情緒,療效作用真係神秘又神奇。當天氣開始乾燥嘅時候,就最適合使用一啲使用由高質素精油製作嘅嘅超高質massage oil、body oil,按摩頸、面、手上面,返屋企沖完涼,優雅咁使用唔同嘅香薰產品,都好似去返六星級酒店Spa一樣咁舒服。

其實天然香薰同香水,係充滿歷史同埋藝術意義。例如中東地區盛產嘅玫瑰水,就非常收到歐洲貴族歡迎,喺俄羅斯嘅貴族時代、法國嘅皇室都會大量使用。香薰係西方歷史文化嘅一個重要部份。

香薰嘅歷史源遠流長。所以,外國高級嘅富豪級郵輪、六星級酒店、名媛美容中心,都會使用高質素嘅天然香薰。高質素嘅植物精油香薰,可以有帶來良好放鬆效果,包括舒緩身心。有時能夠將嗰啲香薰產品買返屋企,就可以常常都回憶起當時嘅優質療程。

秋天嘅季節,特別適合使用香薰油!無論係body oil,定係massage oil,lotion,都好適合用滋潤性質嘅香薰精油產品。

舒緩、慢活、深層休息、回復元氣嘅感覺,真係好享受。無論工作幾忙,只要有時間返屋企瞓覺之前,好好享受半個鐘呢幾種產品,你嘅身心狀態,都會得到好大嘅回復。


Jurlique RoseBody Oil:來自南半球純淨天空下嘅優雅秘密

有時細節,就決定一個人究竟係普通人,定係超高質美人。有啲人比較粗枝大葉,對於乜嘢嘢都無乜所謂;但係有啲人對生活嘅藝術追求、歷史知識、美感、都會有更精細更高級嘅要求。而使用body oil,就係其中一個生活小節,係好多美人嘅優雅秘密。

來自澳洲嘅Jurlique ,產品來自南半球純淨天然農莊。Jurlique Rose Body Oil係天然玫瑰精油,成份珍貴。

Jurlique呢個牌子嘅香薰產品質素好高,無論係facial定係復方精油,都係物有所值。我一向都好鍾意!呢一隻Jurlique 玫瑰身體按摩油,就係代表作。

(Jurlique Rose Body Oil官網圖片)



(Jurlique喺澳洲有自己嘅農莊,出產玫瑰花產品同護膚品,我之前都買過,發現水準真係好高,而價錢都唔算貴,係一定會回購。官網圖片)

由於香港係屬於亞熱帶天氣,濕度普遍偏高,所以body oil並唔係必需品,而係奢侈品。多數係某啲季節,例如秋天到冬天,就會比較適合使用。

一支好嘅body oil,對於改善你嘅皮膚狀態、甚至心情,都有神奇嘅作用。尤其係由澳洲製造。

呢支Jurlique Rose Body Oil產品我真係大大推薦,因為價錢唔貴之餘,非常之耐用,而且成份全天然,並無使用任何人做香薰,全部係天然嘅植物精油精華,氣味非常之濃郁芬芳,除咗天然玫瑰花瓣、仲有少量薰衣草、迷迭香嘅氣息,複方精油成分配合渾然天成,非常浪漫舒緩。通常我會將少量嘅精華油滴喺頸同埋按摩喺耳邊,嗰種獨特有芬芳嘅氣味,令人有種幻覺,以為身在玫瑰花海之中,喺月光下祼睡。

喺好多民族文化中,玫瑰精油有戀愛催情嘅作用,玫瑰有種情色禁忌之香味。而呢支玫瑰精油,的確有釋放大膽思想嘅作用。

我咁鍾意Jurlique玫瑰油嘅原因,除咗香味獨特之外,佢更加有一種滋養皮膚嘅作用。Jurlique Rose Body Oil其實係多用途,除咗可以用喺頸、手、胸部、身體之外,亦都可以好似印度嘅自然療法Ayurveda一樣,使用少量係額頭上邊按摩,一支油,同時包含Aromatherapy香薰療法、印度Ayurveda古方療法、護膚、改善睡眠等等作用。Loccitane玫瑰油,真係幾抵用又好用。


Gulsha玫瑰水:土耳其玫瑰花瓣療癒之旅

沖涼後噴灑玫瑰花水,在溫暖熱水蒸氣中出來,感受玫瑰露水嘅冰涼,真係幸福又華貴!

講開最具身心療癒功效的美容水,識揀,就一定揀大馬士革damascan rose全天然玫瑰水!玫瑰水作用好多,從古代以來已經係愛美人士奢華享受之一。歷史以前貴族上層,會用玫瑰水蒸面,吸收香薰入面嘅植物精華,美容之餘又可以感受當中浪漫寵愛的氣息。今次想介紹下Gulsha玫瑰水。

每枝Gulsha玫瑰水,都用1000花瓣造成,極為珍貴!





玫瑰水是來自天然嘅禮物,而且真正由天然玫瑰花蒸餾而成嘅玫瑰水,價錢都不算太貴,功效又廣泛,只要有少少時間同心思,運用玫瑰水美容、浸浴、瞓覺前輕輕按摩,一般人都可以喺屋企享受獨特嘅天然玫瑰體驗。

玫瑰水本身在中東國家是非常之流行嘅美容用品,例如波斯,摩洛哥,印度,土耳其等等地方,玫瑰水都經常被當地人用作沖涼,美容,護膚,香薰治療的作用。

用過真正天然玫瑰水美容、美髮同沖涼,就唔會再想用市面上充滿人造香味旳所謂「玫瑰hand cream」、「玫瑰沖涼油」等廉價產品。聞慣真正玫瑰味,就會被濃郁獨特天然氣味吸引,而廉價嘅仿製品,或者用人工香料混合而成嘅產品,就立即相形見絀。

玫瑰水有種天然植物嘅香味,但係對於追求實際美容效果嘅用家來講,究竟有冇美容嘅效用呢?呢個問題好多人都好想知。

其實,玫瑰水本身有保濕作用。同一般嘅活泉水噴霧唔同,佢唔會令你嘅皮膚越噴越乾。之前都有個研究發現,玫瑰水比自來水保濕,而一啲好似Avene之類嘅噴霧,會有越用越乾嘅問題,因為隨着面部嘅水珠被空氣抽乾,就會連你面上僅有嘅水份都祋抽乾,令你塊面越來越敏感!玫瑰水本身嘅成份,就冇呢個問題。

香港人對於來自土耳其的美容產品,都有一點點嘅陌生。因為一般香港人買的美容和身體護理產品,多數都來自韓國、日本、美國、泰國等等地方。土耳其,非常少見。土耳其本身乃一個基督教和回教並存的獨特國家,同時包含歐洲與中東的思想和生活習慣,土耳其地方本身已經相當傳奇同充滿神秘感。

過去數百年歷史,土耳其在宗教同東西方文化嘅全交流,都有好重要角色。玫瑰水,亦帶有歷史承認傳的地位。

其實土耳其出產的美容產品,我都真係唔係好認識。但係講到土耳其玫瑰水,又或者用玫瑰提煉、蒸餾、收集玫瑰花花瓣製造而成的土耳其美容產品,我就很有信心。因為土耳其本身是非常著名出產玫瑰花嘅國家,而且使用玫瑰花水來美容、美髮傳統,已經係源遠流長,就好似韓國整容,法國時裝一樣,是該國家專門技術之一,所以我有信心。

講返Gulsha呢個牌子,佢真係來自土耳其,係當地人會購買同使用嘅品牌之一,代表性高,就好似日本嘅資生堂一樣。Gulsha係香港最多零售點嘅玫瑰水之一。Gulsha呢個品牌係莎莎主打嘅品牌之一,每間莎莎分店都放喺非常當眼處,主力推銷嘅位置。Gulsha除咗玫瑰水之外,亦都有玫瑰油同埋玫瑰卸妝粉。

每晚瞓覺之前噴一啲天然玫瑰水,深呼吸,吸入充滿歷史色彩嘅中東歐洲氣息。成個人,都準備好進入魅惑夢景。


L'Occitane Arlesienne香薰蠟燭:夢境中的法國農莊

香薰,係氣味嘅甜品,能夠帶來幸福感,一點氣味甜品,幫助對抗冬天抑鬱。

每一次去到灣仔星街L'Occitane spa,都會有流連忘返嘅感覺,最主要原因,就係因為佢點咗醉人嘅香薰蠟燭,香薰蠟燭嗰種令人安心、放鬆嘅特質,令到好多顧客都比佢溫暖平淡嘅小小光芒吸引,身心得到平靜。

L'Occitane呢隻品牌推出嘅Arlesienne香薰蠟燭,就標榜靈感源自法國南部嘅小城Arles。當中色彩鮮艷、豐富、深刻嘅顏色同埋對比,就係呢個城市嘅特點。而Ariesienne香薰系列產品,都會呈現呢個特點。

而且,佢係真正法國製造。

一見到下面個包裝,我已經即刻愛上!粉紅色同金色,真係一個絕配。

L'Occitane呢個品牌系列嘅廣告真係值得大大讚佢!佢真係能夠表現左法國Arles當地嘅鮮艷夢幻色彩。

Loccitane Arlesienne Candke除咗個外表包裝真係好吸引之外,佢嘅氣味亦都好獨特,令人立即就愛上!

呢個外表似法國紅酒冰糖梨嘅香薰蠟燭,味道都吸引。



(Loccitane廣告)

對於loccitane Arlesienne香薰蠟燭嘅獨特氣味,真係好難形容。

我上網站,就發現原來佢嘅香氣調配分別係玫瑰、紫羅蘭、同埋藏紅花。

一個咁特別嘅組合,就彷彿好似一個黃昏,別人屋企後院裏盛開嘅香草。豐富奇幻、花團錦簇之餘又芬芳。

所以,呢幾種產品,就變成我嘅睡眠最愛。

對於一個未了解香薰嘅人來講,很難會想像點解啲香薰控會咁着迷。

其實,現代人工作時間長,可能睡眠不足,又或者日積月累嘅工作壓力導致睡眠質素差,經常失眠或者容易醒。所以係僅有嘅睡眠時間裏面,所有嘢都要盡善盡美,包括溫度、濕度、燈光、音樂、氣味等等……先至可以平衡緊張嘅身體。令到睡眠,成為你嘅真正休息時間。

而香薰,就可以點燃浪漫、舒緩心靈與釋放幻想。

無論係香薰蠟燭、定係玫瑰水、定係天然植物復方精油,佢嘅作用,都係幫助將所有嘅煩惱、憂慮、緊張、全部都隔絕房門之內。睡房入面,係安靜、寧神、休息、保護、希望、與及一夜甜睡。

希望,你每晩都可以有香味相伴,幸福地沉睡去,喺睡眠當中得到休息同充電。

Counter

Flickr Images