2017 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2017年12月30日 星期六

【減肥】香港秘傳中醫減肥法推薦教學,三個月減16磅年輕7年!(PART 1)

12月 30, 2017
對大部份人來講,一年嘅過去,代表又老咗一年。但係對少部份人來講,真實年齡同身體不成正比,佢哋係逆生長!對於凍齡美魔女美魔男,今年比上一年年輕,而下一年,亦會比今年更加年輕!要鍊成美魔男美魔女逆天顔值不老體質,中醫減肥,內在年輕,可以話係一個最重要嘅健康瘦身美顏議題!但亦都係一個好多人忽略咗嘅議題!學識中醫減肥,你就可以美顔抗衰老,保健身體,改善血氣,改善體重,促進血液循環,避免未老先衰!

之前同大家講過Yanhee減肥藥嘅危險(冇效,對身體有害,非常不推薦)、韓星減肥法(有效但太chur你跟唔到)、同埋V面健康飲食體重控制(推薦),之後有好多人PM問,年紀有返咁上下,未必再可以好似以前一樣高速減肥,點樣先可以減肥又快又健康?點先可以逆轉時光,回到青春?相比起西方醫學同營養學,中醫減肥有相輔相成,相得益彰嘅效果。

唔好睇小中醫減肥嘅功效。事實勝於雄辯,中國人肥胖嘅比例,比西方人少好多!亦都青春苗條好多!

唔少成功人士、闊太都有定期搵中醫調理身體、減肥抗衰老嘅習慣。但去到香港著名中醫師嗰個層次,已經唔係錢嘅問題,因為出名有效、真係懂得中醫理論嘅名中醫師,年紀同埋客戶網絡已經有返咁上下,加上已經一早排滿期,有好多多年長期捧場客,根本上新客喺冇人介紹嘅情況之下係唔會有機會見面。好多係半私人、半退休狀態,就算你有錢,都唔會輪到你!

但係One Carat Beauty作為香港超高人氣醫學美容網站,就同大家揭露下一眾城中名媛、逆齡貴婦、內地凍齡明星,佢哋都識嘅中醫減肥保養方法,同嚴選幾個香港中醫減肥嘅推薦。

 
(泰國小鮮肉天菜男神Iknotus。點解要提醒大家時時刻刻唔可以鬆懈,一定要減肥逆齡,打造完美身材?梗係要keep住自己水準,先可以有機會同呢啲水準嘅人深入交流交往!Photo Credit: Iknotus Piinball Peverel)

 

 

 

 

 

 
(身體回春,荷爾蒙分泌一定旺盛)


 
(有句說話叫做,你的樣子如何,你的日子也必如何。其實係真嘅!稍為肥少少都唔敢擺咁嘅姿勢同著成咁,否則成為笑話!同一個衣著、姿勢去show off大包,靚仔小鮮肉男神做就係天菜、性感,令人花痴高潮尖叫;一個肥人、低顔值麻甩佬做同一樣嘢同一打扮,就被人嫌棄核突、猥瑣、唔要面。你地仲唔去減肥? )


中醫減肥:你有冇以下衰老肥胖跡象?

係講解中醫減肥之前,首先要同大家做一個檢查。你有冇以下嘅跡象?

體重忽高忽低,容易變肥
頭髮開始稀薄、枯乾
雙目無神
皺紋出現
身體容易水腫
血液循環差
生殖能力下降
情緒問題
荷爾蒙失調,導致身體容易積聚脂肪

如果有以上幾項,你就要留意!中醫美容減肥可以幫到你!

好似我成日都提醒大家,管理好營養、食物、生活習慣、同心理健康,係「因」。

美貌、年輕外表、良好體重,係「果」。

但係好多香港人倒果為因!濫用醫學美容。

香港人一講美顏瘦身,第一件事就諗起醫學美容。本來一啲因為生活習慣改變就可以改善嘅面部問題、身材問題,都傾向打針。

一攞起手機自拍,發現自己有問題,香港人就偏向用開刀、打針、打HIFU打RF嘅技術,希望可以極速改變。

面大?就即打Botox、Dysport、Xeomin縮面!或者去韓國大執,開刀放血抽脂。

面部下垂?狂打RF、HIFU。Thermatrix、Thermage、Ulthera一年打幾次。

面色差?胡亂購買食材進補,以為食燕窩一定美容,甚至返大陸黑市診所偷偷地打危險荷爾蒙針、人胎素、打奪命美白針。

皺紋衰老?唔理好醜,第一時間大量打Sculptra、PLLA。30幾歲已經冒險打咗幾次filler同水光針。

肥胖?亂咁節食,一知半解亂咁學人整detox water,胡亂購買網上不明來歷泰國減肥禁藥,或亂咁參HIFU減肥高能量聚焦、RF射頻爆脂、coolsculping冷凍溶脂療程。連自己做咗乜嘢treatment都唔知。

我唔係叫大家唔好做醫學美容,treatment對於改善狀態,提升吸引力,有好大作用,但係要適當咁做,而唔係濫用。

醫學美容嘅首要條件,就係你本身要健康,狀態OK。咁樣先至發揮到作用!

而事實上,如果你本身狀態差,唔健康,就算做咗醫學美容,效果都唔理想。

好似醫美天后Queenie Chan陳莉敏金句:「醫美療程都有微調作用,只做單一種,效果不大,也不持久。Thermage嫩化眼周的肌膚、Scarlet緊化眼尾、Botox放鬆眉心……但,一切hardware的調整,絕對無法掩蓋software缺憾。」

冇錯,醫學美容唔可以改善你體質問題,與及性格上嘅問題。

要靚,要健康,叫充滿希望同正能量,就要學中醫養生方法,健康瘦身美容!

我今日就教大家點樣用中醫方法減肥美容,全面提升自己嘅狀態,獲得健康,提升精神,增強抵抗力。用最自然方法,改善身心狀態。無論你自己之前同之後有冇做、會唔會做醫學美容,你都可以將你嘅美麗進一部提升,達到女神級男神級境界!


醫學美容,中醫美容,本來就應相輔相成

醫學美容,本來係錦上添花嘅小小改善,對於好多香港人,已經變成病態瘋狂注射,搞到塊面越來越硬,越嚟越膠!

只重醫學美容,而忽略中醫美容,雖然塊面係firm咗,但係體質差、容易病、蒼白、冇精神、性生活不協調、敏感嘅衰老問題,不單止冇減少,反而增加。

而且,就算做到面部硬膠冇皺紋,但係踏入25歲之後,身體狀態就會走下坡。

35歲,明顯老化,交友app直播app高顏值靚仔、大隻oppa唔再理你,IG型男大包仔仔取消關注,中環clubbing外國男人對你開始視而不見。被逼加入低顔值、肥胖、低收入、低水準騎呢剩女剩男交友圈;

 45歲,如果唔及時打理,直情見到自己身體同心理極速枯萎,性生活滿意度低,冇男人對你再有興趣,連劣質麻甩佬都改為注意後生過你嗰啲,你自信心同體質下降到危險水平,更年期提早來臨!

身體狀態呃唔到人,行兩步就已經好攰,瞓極都冇精神容易起唔到身,容易病,就係身體老化危機訊號!

醫學美容同中醫美容,係相輔相成,缺一不可。

點解呢?係因為每一個醫學美容療程本身,只係針對指定嘅情況,醫學美容本身唔會改善整體身體狀態。

只有中醫調理身體,先至有健康、精神、提升生理機能呢個效果。

你有冇諗過,皮膚鬆弛,乾燥衰老,或者肥腫難分,有啲時候唔係因為你冇打針,係因為你本身生活習慣唔好,健康唔好?

咁我都要講個好消息比大家知,中醫減肥方法係真正有效,而且唔單止可以幫你減到肥,改善身體機能,更加可以令到你皮膚回復狀態,紅潤,天然,真正可以回到青春狀態。


中醫減肥方法,怎麼做先至有用?

今日就同大家講解一下,中醫減肥方法,背後嘅理念同埋學術根據。

總之減肥其中一個最重要嘅理念,就係調理「脾胃」。

中醫所講嘅「脾胃」,就係食物轉化為營養,將食物變成營養、養分嘅一個主要功能。

一個人嘅食物能夠有效轉化成為能夠滋潤身體嘅營養同養分,就決定咗一個人嘅皮膚狀態、身體狀態、脂肪比例、甚至血脈流暢程度。

中醫亦都特別發現,每日有唔同嘅時段,喺唔同嘅時段食唔同嘅嘢,吸收養份亦都會有提升。

西方嘅減肥着重卡路里計算。東方中醫嘅減肥,主要係運用一種「醫食同源」嘅概念。中醫減肥唔會好似西醫減肥一樣,計算卡路里,反而,佢會留意你食咗乜嘢食物,食嘅食物種性質啱唔啱。

一般人常見嘅問題,例如皮膚老化,失去彈性,脂肪比例上升,面色差,頭髮枯乾,性功能衰退等等,都可以經過中醫調理「脾胃」改善。

即係話,中醫「食療」去改善「脾胃」,可以幫你減肥美顔。

正確嘅食物,能夠改善鍾意水濕積聚問題,就能夠令到身體重新吸收應有嘅營養,得到滋潤,抗衰老,改善新陳代謝,令到身體年齡變得年輕,同時控制體重。

之前有好多人嘅方法錯誤,減肥失敗之餘,仲越嚟越肥。今日就教大家正確嘅中醫減肥方法。


中醫減肥方法一:一定要食早餐,碳水化合物早上食,水果11點鐘之後開始食

中醫建議,如果你想減肥,一日一定要食足三餐。

早餐食得多,午餐食夠,晚餐食得少。(呢一點同西方營養師專業建議相同! )

中醫師建議,9點前早餐應該食穀物類碳水化合物。而減肥神器水果,應該等待11點鐘之後先進食。

中醫認為,早上9點到11點,就係「脾經」運行嘅時間,係呢個時間,對於將營養素運送到身體唔同部份好重要。碳水化合物作為人體重要嘅營養素,呢個時候好需要去進食碳水化合物。

香港好多人鍾意用水果做早餐,但係中醫就唔太建議啦。因為,中醫認為,水果本身性質大部份都係比較寒涼,如果唔係未食早餐嘅情況之下進食水果,會好容易導致脾胃受到影響,令到人出現水腫、疲倦、腹脹嘅問題。

中醫認為,應該先係早上早餐進食左碳水化合物之後,大概11點鐘嘅時間開始,先至進食水果。

中醫認為進食水果最好嘅時間,就係上午11點到下晝1點。呢一個時間,就係「心經」活躍嘅時間。呢一個時間進食水果,就能夠利用水果比較寒涼嘅性質,可以平衡容易中午上火嘅身體循環階段。

適當咁樣吸收水果,就能夠補充營養所需之餘,亦都能夠有一定嘅飽足感,避免中午時間大飲大食,從而達到有效減低食量,減肥瘦身。

中醫認為有幾種水果特別有調理身體嘅效果。對於想改善身體機能,潔淨身體,將營養注入皮膚細胞,就要注意!

中醫認為,夏天,應該進食火龍果,西瓜;冬天,就應該多啲食雪梨、蘋果。檸檬、菠蘿、都可以進食。

大概午飯之前一個鐘進食水果,就會令人有平靜心境、保養嘅效果,有助令到皮膚發光發亮。

同我之前俾大家嘅西方營養師美容瘦身建議一樣,千祈唔好嘗試用飲果汁去代替正餐!

中醫相信,果汁絕對唔可以用嚟減肥。

由於佢缺乏纖維同埋果肉,大部份嘅營養係榨汁嘅過程已經流失!剩返嘅,只係會令你血糖忽然升高嘅糖份,佢只會令你越飲越肥。成為豬扒而係唔係男神女神。

而且大量糖分會導致free radicals大量出現,加快你皮膚老化,令你的皮膚失去應有的年輕彈性;進食原個水果包括纖維、營養,先至可以有減肥效果。


中醫減肥方法:食少少適量碳水化合物控制食慾,幫助長期作戰

之前同大家分享過,好多人對於減肥嘅誤解,以為唔食碳水化合物就係好。好多人以為low carb就係no carb。其實錯晒!原來中醫都完全認同!

東方醫學認為,人體係需要碳水化合物、蛋白質、油脂、維他命、水,與及鹽。
六種物質都要吸收,身體先至會係最佳狀態。

如果完全唔食任何碳水化合物,就會加速衰老。

重點,係適量咁樣食碳水化合物,而唔係完全唔食。

因為完全唔食飯,導致身體更加想吸收糖分,所以你發現,自己好想食多啲餸!亦都係點解完全唔食飯嘅人好可能反而比以前更加肥嘅原因!

完全唔食飯令你身體糖分不足,反而刺激食慾同埋胃口!

食少少碳水化合物,其實有助改善食慾過大的問題。亦都避免食得太多其他類型嘅糖份、油分。

中醫師建議,中午時間就食飯!只要唔好過量就可以。當然,最好就係食紅米、糙米。


中醫減肥方法:進食蔬菜,積極減肥亮肌

中醫非常建議進食蔬菜,因為蔬菜本身有調整體質,養顏美容、改善皮膚質素、快速減肥瘦身嘅效果。

好多人並唔知道,生果同蔬菜,雖然都係植物,但係兩隻必須要同時進食。好多人減肥失敗,就係因為佢哋嘗試用水果,去代替蔬菜減肥。

記住!唔可以以為食咗水果,就唔使食菜!兩隻唔係互相替代!

根據黃帝內經指出:「五穀為養,五果為助,五畜為益,五菜為充,氣味合而服之,以補精益氣」

傳統正統中醫嘅角度,蔬菜同水果,係兩個唔同嘅分類。兩種都要食。

蔬菜本身含有好高嘅食物纖維,可溶性嘅食物纖維,可以令到人體淨化血液,強化內臟功能,積極進食紅蘿蔔、蘑菇、菜心、黑木耳、綠豆牙、蓮藕、白菜、冬瓜、蘆筍、車厘茄、豆苗等等,有助加強美顏瘦身。

專家認為,深綠色嘅蔬菜,營養價值,會比淺色嘅蔬菜更加好,而其中抗氧化嘅效果,亦都會更加強。對於改善皮膚顏色,令到皮膚光澤感增加,白中透光,效果更好,逆轉年齡。


中醫減肥方法:自己沖綠茶,逆齡抗老化

綠茶裏面嘅茶多酚,係有抗氧化、美肌、年輕化作用。但係一定要自己沖,先至會發揮得到最佳嘅抗氧化效果。

市面上你見到出售嘅,其實對身體無益。

市面上買嘅台式奶茶店、茶餐廳奶茶、便利商店樽裝奶茶,因為佢用大茶壺㷛,而且不斷加熱保溫,長期保持高溫,茶嘅有益物質,同有效改善身體質素嘅維他命C 已經完全氧化!


中醫減肥方法:梳頭刺激脈絡

除咗飲食之外,中醫亦都教大家適當咁樣刺激穴位,可以提升血液循環,亦都令到經絡有疏通嘅作用。整體體質就會上升。

好多人都唔知道,一個人的頭頂有近50個穴位!頭頂嘅「百會穴」,透過梳頭去刺激,可以改善血液循環,同埋養分嘅供應,一個人起身嘅時候記住要梳頭!

今次講住咁多,下次會詳細講述教學,具體操作,點去減15到20磅。



打開內容

2017年12月21日 星期四

【醫學美容】醫美級「誘光肌因密集水透白」面膜?台灣Dr Cink自費面膜評價及香港哪裏買教學

12月 21, 2017
喺評價台灣人氣爆燈,人人話好用嘅Dr Cink,「誘光肌因密集水透白精華面膜」,同埋教學香港哪𥚃購買之前,首先要講下,點解要自費購買一堆台灣面膜!



打開內容

2017年12月17日 星期日

【醫學美容】逆齡面部穴位美容按摩,奢華溫暖能量玉石芳療DIY教學

12月 17, 2017
今次嘅美顔分享,係一個季節限定嘅能量玉石「面部穴位按摩」美容療程,已經有幾百年嘅歷史,無論係韓國、日本、法國、意大利、中國,都得到皇室貴族、傳奇明星級數靚仔靚女嘅美麗見證。無需特定儀器,只需要一支玉石按摩棒同精油,就可以!絕對經得起時代測試及考驗!(自費評論,沒有收到任何的贊助或折扣)

呢個美顏嘅方法,無需擔心三分鐘熱度,因為「只要一日一分鐘」,已可感受到天然拉提效果!

而且,相比普通面霜面膜,「溫暖玉石穴位按摩」刺激組織、細胞、血管、神經。修復功能超全面!

目標,就係要令到睇起嚟年輕10年!

今次介紹嘅DIY玉石按摩美容芳療,就係結合左東西方面部按摩嘅精髓。適合任何天氣使用,能夠令你乾燥蒼白肌膚,帶來溫暖、光澤、提升血液循環。

任何天氣之下都可以得到緊致面形。刮走包包水腫面,令人行氣活血之外,而定期進行穴位按摩,更有改善面下垂效果。「玉石面部穴位按摩療程」,尤其適合做醫學美容之後的日常打理使用。

法國高級美容中心面部玉石按摩價錢本來十分昂貴,一個療程,$500-600Euro(港幣4000幾以上)。過去,只有達官貴人,康城電影節明星先可以使用。

今日,就同大家介紹,面部穴位按摩回春正確嘅方法,等你可以用十分一嘅價錢,體驗頂級尊寵效果。






(法國著名頂級品牌Darphin面部按摩油,美金$110 ,香港最平美容水貨代購,90mL都要超過$2000 !) 


面部穴位按摩神奇美容效果
用特定嘅按摩方法,刺激面部拉提皮膚,打造年輕緊緻V面,喺世界各地都得到認同。

喺香港,一講起拉提V面,打造緊致面孔,好多人第一時間就會諗起用貴價嘅精華,面膜,或者醫學美容,打Botox、Xeomin、RF、激光、HIFU等等……但係其實,香港人日常打理方面,就真係要同世界各地嘅靚人學習一下。

香港人普遍追求即時見到效果,用肉毒桿菌、超音波、紅外線、射頻等等嘅療程係會即時見到效果。

要做到全方位全面嘅美容回春,滋潤肌膚,重新生長,而唔係一味硬膠人工面,淨係用激光、射頻,其實唔夠。

無論係韓國、法國、日本、中國內地,當地嘅人都識得利用按摩面部穴位嘅方法去改善皮膚鬆弛問題。反而係香港,好多人會忽略咗買咗呢一步!

大家去美容院做facial嘅時候,都可能聽過「通淋巴」嘅面部療程。

所謂嘅「通淋巴」,其實源自法國嘅美容院(Institut de Beauté)。法國人好年輕,就會開始去保養自己,定期去美容中心做facial。

1930年代開始,歐洲醫學界開始發現喺裏面有淋巴系統。定期疏通淋巴,有助改善健康。咁當地嘅美容師、按摩師就喺平時嘅步驟裏面加入通淋巴按摩。

法國知名頂尖品牌Darphin,位於法國嘅美肌中心,就提供王牌玉石按摩療程Darphin Vitality Awakening Facial。

療程嘅重點,就係用溫暖加熱天然玉石,配合精華產品,按摩面部穴位。呢啲療程價錢比一般Facial更加貴,主要因為重點按摩完到能夠令到面部收緊,美容養分帶到面部,排走廢物,令到面部緊致嘅青春效果。

中國嘅清朝,當時貴妃、美人,已經識得用玉石去按摩面部,刺激美容穴位,令到皮膚重新回到青春緊致,效果明顯,喺冇針可以打,冇激光射頻療程可以做,冇醫學美容嘅年代,都能夠做到一定嘅美顏效果,連慈禧太后親自體驗!

有關於面部按摩拉提可以改變面部鬆弛肌膚,喺韓國,都有一定嘅研究同分享。韓國知名品牌雪花秀嘅水療中心,都有提供玉石按摩面部嘅古法韓國漢方療程。

面部穴位按摩其實獲得日本東洋醫學、中醫同西醫嘅認同。喺中國醫學裏面,有三樣嘢,被認為好重要:

氣、血、水

氣,生命能量,體內的「氣」循環好,就不會容易肚漲、打嗝或放屁。

血,循環全身運送養分泉源,血液循環好,不會淤積出現血液過濃問題。

水,指唾液、胃液、淋巴、尿液。水循環好,就不容易水腫。

當氣、血、水停滯,就出現不適。如果你經常感到頭痛、冇精神、疲累,就可能係你氣血運行唔好嘅問題!

美顏面部穴位按摩,就係針對面部氣、血、水唔通嘅問題。如果你覺得眼腫腫,包包面,以下幾個穴位,可以重點按摩!

百會穴

目窗穴

絲竹空穴

 

(中國內地醫學養生臥虎藏龍,面部按摩、美容都有一定秘訣,如果有興趣可以根據上圖面部穴位美容,作出不同試驗)


溫暖能量玉石芳療

之前有朋友問起,點樣可以保持樣貌緊致年輕,已有唔會因為過度打針導致硬膠面?

我就答佢,平時嘅面部穴位按摩好緊要。但係好多人都問,點樣先至叫做好嘅美容面部穴位按摩?如果去spa、美容院揼骨嘅地方,叫佢推淋巴嘅時候推埋塊面,又得唔得?

今日就同大家講解一下,正確嘅使用方法。同你詳細分析點解,面部穴位按摩,你去自己做嘅時候冇乜太過明顯嘅效果,但係你出街做貴價嘅療程,又有咁明顯嘅美顏、緊致、紅潤效果。

首先,穴位絕對唔係亂咁按!你要根據上圖中國醫學研究嘅唔同穴位,係適當嘅位置,加以熱力同壓力,先至有舒緩、開穴嘅效果。

一定要按摩正確嘅穴位,先至有美顔、青春、美肌嘅功能。

第二,要用正確嘅按摩工具,玉石,係最好嘅按摩棒。絕對唔好聽網上討論區講,求其搵支棉花棒!棉花棒唔能夠加熱亦都唔夠受力。

第三,更加要用適合嘅精油、按摩精華。咁樣先至有修復皮膚屏障功能嘅作用。

價錢貴又專業嘅面部穴位按摩,美容專家會利用工具,可以提升療程嘅效果。其中一個用得最多嘅工具,就係「玉石」。



玉石按摩面部穴位正確步驟

要加強刺激穴位嘅效果,首先就要將工具加熱。方法好簡單,只需要將玉石棒,加入一碗熱水,浸5分鐘,天然玉石就會完全吸收熱力。

 
(美容院專業級白玉面部按摩棒,放入熱水中幾分鐘,就能快速加熱,釋放煥顏能量)

小心!因為好多天然玉石嘅吸熱能力好高,你只需要將下半部浸係水裏面就足夠。絕對唔需要將一整支棒入水裏面,確保使用嘅時候唔好灼傷。

當你已經將支玉石按摩棒擺入熱水浸泡嘅時候,就可以準備面部精華按摩油。

(一定要用美容油facial oil、加入底油carrier oil稀䆁嘅植物精油essential oil,化妝水唔可以,因為水份吸收好快,會容易造成皮膚表面刮傷)

如果你大把錢,當然可以使用上面介紹過嗰隻法國著名頂級品牌Darphin嘅美容油啦。正如官網所講:

Smooth away concerns about aging and lose yourself in fragrant delight while revitalizing, toning and restoring natural radiance to marked skin. Intensive, skin defense-strengthening concentrate blends pure, aromatic Jasmine, Apple and Date extracts, Ylang- Ylang, Rosewood Essential Oils and Raspberry Oils in an exquisite wrinkle smoothing formula.

一般來講,Argan oil摩洛哥堅果油、含有角鯊烷squalene嘅精油都可以用作面部按摩。

個人推薦Dr Wu角山潤澤全能護理油。如果你冇摩洛哥堅果油,市面上有買嘅facial oil、橄欖油,都可以使用作穴位美容。官網資料:

角鯊潤澤全能護理油


完美調和植萃油脂及天然頂級精油,蘊含有「Liquid Gold液體黃金」之稱的有機摩洛哥堅果油,富含脂肪酸的古樸阿蘇果油與提煉自冷壓初搾橄欖油的高濃度植萃角鯊烷,滴滴珍稀精純,質地輕盈不黏膩,一次滿足深度潤澤、緊實、撫平細紋等全方位需求。天竺葵、甜橙、廣藿香精油釋放的清新香味還具舒緩放鬆作用,溫柔呵護使肌膚細緻柔嫩,透出黃金般晶瑩閃耀光澤!


主要成份:高濃度植萃角鯊烷Squalane、有機摩洛哥堅果油 Argan Oil、古樸阿蘇果油 Cupuacu Butter、天然椰子油CremerCOOR Coco 810、西班牙橄欖油Olea Europaea Fruit Oil、杜沙藻精萃CLC。


 


(冬天來臨,台灣含有角鯊烯、甜橙、天竺葵、廣藿香、摩洛哥堅果油嘅Dr Wu角鯊潤澤全能護理油,最好用!加上美女台灣明星「昆凌」、大S代言,已經光速入手)

呢個時候,就將植物精華油搽上面上邊。多啲都唔緊要。最緊要全面覆蓋滋潤。

直到玉石係熱水裏面,完全吸收熱力之後,就可以拎起!

使用之前,先用手將冇浸入水嘅部份拎起,再「隔住衣服」放上手部,測試溫度。確保溫度係你覺得舒適而唔會太熱嘅溫度。

然後,重點按摩面部容易下垂嘅位置。包括面兩邊、眼袋、眼角等等。

利用加熱咗嘅「能量玉石」,配合珍貴花萃「植物精油」,進行面部穴位按摩芳療。將天然植物嘅精萃,配合刺激穴位,令到面部重新獲得青春,美容盛放。

當面部充分按摩之後,再用上高修護性嘅韓國醫美、胜肽膠原自生面膜。




(相當好用DrWu面部修護油)


冬日暖潤玉石

當天氣溫度急降,加上工作生活壓力,好容易令到你皮膚乾燥、鬆弛、暗淡無光。

寒冷冬天裏面、利用加熱玉石,按摩面部穴位的療程,是必須要。每日幾分鐘,抗拒未老先衰。

上次跟朋友聊到,真的,過了25歲、保養和不保養、差別好大!

長假期日子,就和自己、家人、好朋友、做一次頂級居家保養。

自然紅潤,神態自若,你們成為一個個凍齡美白奇蹟。

也讓年齡,成為你心中一個永遠的秘密。


購買方法

Darphin芳香茉莉護理精油

Darphin香港沒有專門店,主要喺海港城Joyce Beauty出售。水貨化妝品店Strawberrynet亦有出售,原價$3915,特價$2087。



Dr Wu角鯊潤澤全能護理油

萬寧醫學美容專櫃有售,$520。AnthonG水貨店亦有出售,價錢比台灣更平!$289!


美容批發公司有售,單購約$250,批發約$200。有興趣可在Facebook留名,如果有足夠人數下次入貨嘅時候幫你們留一支。

打開內容

2017年12月10日 星期日

【醫學美容】媲美HIFU的逆齡美容神器!超高性價比Silk'N Facetite深入肌底4mm刺激膠原自生!

12月 10, 2017
我失心瘋咁又買咗一部醫學美容儀器!最近發現咗一樣效果神奇嘅家用美肌逆齡產品,佢唔單止得到皮膚科研究證實緊致面部輪廓效果,而且能量,能夠深入肌膚底層,從肌底進行細胞重組,膠原蛋白自生!



打開內容

2017年12月4日 星期一

【醫學美容】名媛貴族級美白方法教學!如何超低價DIY萬元貴價美白產品效果

12月 04, 2017
無論韓國、日本、台灣、泰國、內地,亞洲國家嘅美男美女,天菜男神、直播女神、IG網紅,都會追求冰雪一樣嘅「美白肌」。美白方法有好多,市面上亦都有好多價錢昂貴嘅精華、面膜、乳液,聲稱可以幫用家達到美白皮膚效果,令到皮膚睇起嚟比較明亮、清澈、細緻,擊退令面部黃黑嘅黑色素。普通一支正常有效嘅美白精華,最低消費$500,一年$7000到一萬閑閑哋。甚至,有人會為咗美白,去打美白激光,打美白針,食美白丸,甚至,山長水遠去首爾醫學美容醫院,攜帶一啲不知名美白面膜、皮膚產品使用。



打開內容

2017年11月26日 星期日

【醫學美容】詳細教學Laennec同Melsmon人胎素美肌之謎及紅外線紅光逆齡治療,功效副作用(被禁內幕曝光)

11月 26, 2017
生物科學與醫學美容技術日漸進步,人類已逐漸掌握細胞技術,不老不是夢。逆齡方法好多,除咗市面上比較流行嘅Botox肉毒桿菌注射抗皺、HIFU聚焦超聲波收緊拉提、RF射頻熱能逆時光拉皮之外,更加有各種各樣聲稱能夠喺細胞層面抗老化、逆轉時光、凍齡嘅產品同服務。

呢排好多人問有關Melsmon美思滿胎盤素精華、Laennec日本胎盤素。所以今日就同大家分享下我嘅意見同知識。

生物科技究竟對於抗老化、重回年輕,有幾大幫助?今日就同大家講解「Placental Extracts胎盤素」、「infrared red light therapy紅外線紅光細胞逆齡修復技術」,究竟人胎素係乜嘢,有乜嘢副作用。

市面上比較流行嘅醫學美容生物科技,Laennec、Melsmon嘅背景,當中嘅特點、價錢、副作用、功效、同埋合法性,我今次都會同大家一一分享。

呢一啲資料,我經過幾個月嘅資料研究,蒐集,訪問,希望對於大家有作用。如果你諗住買一份醫學美容禮物比自己、身邊最親近嘅家人朋友,但係唔知邊份禮物先至係最能夠達到凍齡效果,就一定要繼續睇!

 
(日本製造的人胎素、胎盤素產品,「來乃康」胎盤素,Laennec Placental Extract,近期好多人查詢。網上圖片 )


Laennec胎盤素、人胎素解密

近日,好多人都問有關Laennec、Melsmon胎盤素精華嘅問題。個個都想靚,但想知道有冇副作用?

我討論Laennec,Melsmon呢兩隻非常多人查詢嘅抗衰老胎盤素之前,我要同大家講解一下究竟人胎素同胎盤素係乜嘢。

可能大家都聽過,有明星、名媛,會偷偷地離開香港去打人胎素、胎盤素。或者返大陸進食紫河車(中醫叫胎盤「紫河車」)去保持青春容貌。

過去10年,隨着中國社會越來越富有,打人胎素、胎盤素保持年輕,已經變成好多中上階層人士嘅嗜好同娛樂。喺日本、瑞士、韓國,都有各種各樣嘅人胎素、胎盤素打針醫學美容服務。

市場上亦有一啲醫學美容面膜或安瓶,好似Wisderma,成份都都有胎盤素,產品聲稱可以保持年輕!

打針注射胎盤素、食紫河車去美容、凍齡,因為副作用嘅問題,喺香港並唔合法!

但係,好多人為咗逆轉時光,永遠留住最美一刻,都鍾意去其他國家、城市注射同食用。

價廉物美嘅台灣、泰國、內地,就當然成為愛美人士注射嘅首選。Laennec胎盤素精華同Melsmon胎盤素精華,就係多人打嘅其中兩種。

其實,乜嘢係Placental Extracts胎盤素?乜嘢係人胎素?功效有係乜嘢?點解咁多人寧願比幾萬蚊飛去外國,都一定要打?點解係大陸咁多內地朋友查詢要求我哋代購Laennec日本胎盤素同Melsmon?(已比我一口拒絕)點解人胎素產品咁供不應求?

 人胎素、胎盤素,其實就係來自人類「子宮」嘅「胎盤」。

胎盤,就係當一個人受精嘅時候,子宮裏面會慢慢咁樣形成胎盤。胎盤會包含嬰兒,將營養、血液、氧氣等等,輸送到嬰兒體內,令到佢可以喺子宮裏面急速成長。

當一個人生產之後,同時亦會胎盤排出。

胎盤素、人胎素,之所以令到好多醫學界、美容界、生物科學人士關注,最主要係因為佢本身嘅幹細胞力量。胎盤蘊含大量幹細胞,結合生長因子,令到胎兒成長。

人類胎兒能夠係短時間之內,生長發展身體每一個部份,生長因子同胎盤功不可沒。

胎盤含有嘅主要成份呢,包括左氨基酸、活性肽、黏多糖、維他命、礦物質等等。


胎盤素功效?

一般人認為,胎盤本身含有強健荷爾蒙調節功能。中國內地有好多人相信人胎素擁有非常強大嘅細胞修復力量,亦都係大陸人口中嘅所謂「回春」。

日本人氣胎盤素Laennec Placental Extract、Melsmon美思滿胎盤素精華就係好多人返大陸注射。

極速逆轉時光、細胞修復、大家都想!但係,胎盤素可以保持青春,其實有冇科學根據?網上店舖冇同你講嘅副作用,究竟係乜嘢?

簡單來講,Placental Extracts胎盤素嘅功效係醫學及科學上面,係未有一致嘅評論。即係話,美顏效果有好大嘅質疑。

醫學界普遍認為,胎盤素仍然存有廣泛嘅爭議性,並未屬於符合醫學根據嘅美顏、凍齡醫藥品!打咗,都係好有可能冇乜作用!

西方先進國家嘅醫學研究顯示,胎盤素人胎素嘅功效,並未有好足夠強勁嘅科學根據支持。過往有關胎盤素可以改善身體機能、皮膚狀況嘅研究,大部份都係使用者個人嘅主觀感受、以訛傳訛。

香港,醫學美容用嘅人胎素就並未合法,亦不會獲得保險公司包含在保單內容。

其實,胎盤係人體醫療廢棄物,唔好講感染風險,凈係諗到佢係來自不知名女性個血淋淋嘅下面,你仲要塗上面、進食、打針入體內,都幾嘔心。

有啲市場上塗抹胎盤素,仲會用上豬胎、羊胎等。真係有點反胃!

laennec日本胎盤素、Melsmon美思滿胎盤素精華,的確係來自日本。講到「胎盤素」大行其道嘅國家,首選應該係日本。同香港唔同,打胎盤素,不單止冇被禁止,反而,甚至有得到當地厚身勞動省嘅認可,作為「保健」、「預防疾病」嘅作用。一啲人胎素作為賣點嘅產品亦都可以喺市面上隨便推,例如Fracora。

香港流行,好多人討論Laennec日本胎盤素人胎素,其實喺日本,唔係美容用,係醫治肝病毒產品!好多網上鋪頭話厚生省認可,的確佢係認可,但係唔係用作醫學美容用途。

香港嘅政府同埋衛生組織,並唔係鼓勵市民打胎盤素。

香港嘅衛生署,並冇位市面上任何嘅胎盤數或人胎素注射針制,發出註冊編號。

市面上流出嘅人胎素、胎盤素注射針制,基本上都係非法。


胎盤素副作用

好多人問可否教學一下日本胎盤素Laennec、Melsmon,可唔可以講解一下佢哋嘅分別同醫學美容功效。同埋香港點樣買到。

我唯一建議,就係唔好掂。

唔好話呢兩種注射入侵式人胎素,就算口服嘅人胎素,都冇得到政府有關方面支持。

根據香港不良醫學法例,任何口服產品,都唔可以聲稱調節內分泌系統。亦都唔可以聲稱產品有助改善荷爾蒙、生長荷爾蒙、啟動青春荷爾蒙等等。香港係呢方面嘅條例其實相當嚴謹,連「幫助內分泌平衡」,都唔講得。

Laennec、Melsmon人胎素、胎盤素作醫學美容回春注射,我要重申一次,喺香港並唔合法。而且,美容效果有好大嘅疑慮。

但係,相信大家都知道,好多地方都有人偷偷注射!但係我就唔建議。

其實我會非常之謹慎咁樣勸告各位,嘗試用「自己方式」打針、進食胎盤素,風險好大,真係要三思而後行。

我唔係單獨咁樣指出呢一兩隻Laennec、Melsmon,而係整體來講胎盤素都有一定風險。

因為,胎盤素本身含有豐富嘅生長因子,有機會產生極大副作用,包括激發癌症、子宮生出肌瘤等等問題。

亂咁打胎盤素,其實有機會激發細胞胡亂生長,有機會誘發癌症、腫瘤發生。

喺台灣,就有人偷偷地參加美容旅行團,打人胎素,但係未回春,就發生嚴重副作用,半隻腳入咗鬼門關!

其實有好多方法,可以極為安全咁樣激發細胞修護,可以抗衰老,從細胞修復,令到肌膚年輕化。從DNA改善膚質,下面我會詳細解釋。


 紅外線紅光細胞修復光療Infrared red light skin treatment 

與其打Laennec、Melsmon之類人胎素咁高風險,我會建議你做一啲經過醫學美容醫生測試,安全好多嘅細胞修復方法。

如果你問我,如果你想強效回復水嫩年輕、緊緻,有冇一啲醫學美容療程係一定要做,有冇一啲醫學美容療程係性價比超高,可以令到皮膚細胞再生,從DNA層面改善,激發美麗光芒,我就一定會推介「紅外線紅光治療」。我自己,近期就愛上呢一個treatment!

 

我自己親身測試,見證嫩肌效果相當顯著而且快速!

 
(Dr Face童顏機係紅外線細胞美肌光療之一)


Infrared red light skin treatment係一種光學治療。你用一排,可以高達幾百個紅外線及紅光Led燈,將再生光能量直接注入肌底,激發年輕細胞修復!

相比起打胎盤素,紅外線療程無需打針,亦冇副作用,安全好多!

能夠改善皮膚老化,發放年輕光采,而且低創傷性,副作用極低,唔會帶來痛楚感覺。能夠從細胞、DNA改變你面部肌膚嘅構成!

韓國、美國嘅皮膚科醫生同醫學美容中心,都有提供「紅外線紅光治療」。


紅外線、紅光嫩膚逆齡功效

紅外線紅光,係醫學上屬於低程度激光治療法,相比起傳統激光,能量較低。係屬於非入侵性Non Ablative嘅激光一種。所謂非入侵性,就係唔會令到皮膚表面產生傷口,都可以進行皮膚嘅重組。

用激光去改善皮膚狀況,其實已經有超過10幾年嘅歷史。平時你都可能聽過一啲叫做1064激光, 1064就主要針對皮膚嘅真皮層,打散黑色素。

呢一類型嘅treatment每次收費$200美元,即港幣$1600左右。韓國醫美中心都差唔多。

韓國Dr Face童顏儀、韓國O'Melon 醫美品牌嘅Omega Light、美國Revive Light DPL、TrophySkin RejuvaliteMD都係其中一種。皮膚科醫師都有好多種產品,價錢不同。

一般價錢唔會太平,但係好多成功商人、名人明星,都係每個星期持續使用,咁係因為,Infrared and red light Therapy 真係好有用!而係醫學方面,美國嘅食物及藥物管理局FDA亦都批准使用光紅外線去改善關節痛嘅作用。

Infrared light therapy紅外線紅光嘅原理係,特定波長嘅光,有助刺激膠原蛋白Collagen與及彈性蛋白Elastin,兩者,對於皮膚外貌嘅緊致、飽滿、豐盈,都係有決定性嘅作用。

同一時間,特定波長嘅光波,可以令到細胞,與及激發淋巴系統排毒,增加血液循環唔,將養分帶到細胞及組織之內,減少發炎,亦都減少導致蒼老嘅自由游離基。

唔通激光嘅波長,效果亦都不同。

簡單來講,最能夠改善黑色素嘅波長,就係532nm倍頻銣雅鉻激光。(紅光);最有效緊膚,1200nm(紅外線激光)。

醫學美容研究發現,接近520nm到530nm嘅紅光,對於改善皮膚質素,有不容置疑嘅效果。純粹醫學美容角度去分析,紅外線對於平時日常保養其實相當有幫助而且方便,價錢亦都唔算貴。紅外線紅光療程,我建議大家定期去醫學美容中心、美容院進行。

當然,有錢當然係去醫學美容診所做Omega Light或Dr Face童顏儀,如果預算比較少嘅朋友,都可以去買個neutrogena面膜機(約$500)或Aduro紅外線面膜機(約$2000),兩隻都有一定功效。

我就唔係咁建議大家隨便喺網上買一啲來自巴西、大陸嘅紅外線紅光面膜機,或者平價紅外線治療儀,更加唔好隨便學人網上DIY。

因為,紅外線及紅光treatment,要經過參考能量、頻率、脈寛等因素,一般市民未必能夠了解,容易購買錯誤產品,導致皮膚問題更差。


紅外線面膜機、光療副作用

好多人會好好奇,究竟一啲咁強勁嘅低程度激光,會唔會有副作用?能夠短時間之內改善皮膚發炎,會唔會有其他唔知道嘅不良效果?會唔會導致色斑、雀斑?

之前,韓國延世大學Yonsei University皮膚專家發表專題報告,探討副作用問題,佢哋發現,用紅外線美肌,並無任何長遠副作用。最多,只係使用之後會有極短時間嘅皮膚乾燥,只要好似平常一樣補水就可以解決。紅外線紅光並唔會導致有皮膚色素改變嘅副作用。各位可以安心使用!


西方先進光療 X 東方重生純露保護

最近愛上這個,充滿科學支持的細胞光療逆齡術之後,就非常勤力的,每個星期都去做treatment,也就更加注意保濕。

從肌底細胞開始,直到表層,層層提亮,注入活力。

Treatment之後,為了舒緩肌膚表層的乾燥,我會自己加個來自東方的面膜、乳霜。亞洲的品牌比較了解亞洲人皮膚狀態。光療和之後的面膜舒緩,就是東西方美肌科學完美的結合。

除了上次介紹過極之好用、小凱老師的Kai Deluxe台灣屏東玫瑰人手採摘造成的「玫瑰花萃精純乳霜」,這陣子就開始愛上,全智賢代言的「韓律Hanyul艾草面膜」。面膜使用的精選艾草,採集自韓國江華島的植物園,是亞洲植物草本系列的代表產品。


 
(一下子秀出來大家看看,我近期測試過,確定有用的愛用品:Kai Deluxe玫瑰精純乳霜、John Masters天然護髮素、頭皮舒緩液、TonyMoly神仙水,及韓律Hanyul艾草面膜)

 
(Hanyul艾草面膜的艾草,使用韓國江華島的天然種植,對於消炎、鎮靜皮膚有良好功效。官網圖片)


(個人建議在使用紅外線光療treatment之後使用修護肌膚的保濕系列,包括Hanyul艾草面膜)


(Hanyul艾草面膜非常透薄自然,一點厚重感覺有沒有,很快就完全吸收)

(韓國艾草性質比較鎮定舒緩,適合剛經過光療的肌膚,或容易發炎的肌膚)

 

(在一個寒冷的冬天下午,紅外線光學肌底療程之後飲杯玫瑰黑糖薑母暖茶,開個優質韓國草本面膜,讓古方艾草精華深入肌膚,一邊飲茶一邊休息,為一個完美的下午,寫上一個完美的句號)


 

有興趣嘗試做全新韓國美國機,各種V面、美肌、逆齡療程嘅朋友,可以直接以試用價到尖沙咀Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)











打開內容

2017年11月17日 星期五

【醫學美容】【男神】小凱老師Kai Deluxe好用!?自費測試及香港平價代購方法教學

11月 17, 2017
市面上竟然有一種美妝產品,係來自台灣,而且香港主要嘅連鎖藥妝店都冇出售,香港水貨化妝品店亦冇出售,但係網上都可以爆紅!「Kai Deluxe哪𥚃買」呢一個問題成為網上熱門搜尋字,今日就想同大家討論下,台灣美妝品牌Kai Deluxe,了解一下點解佢可以喺香港製造出台灣美妝爆水粉餅產品代購熱潮,Kai Deluxe嘅背景同香港哪𥚃買,同埋親自自費測試一下,佢嘅著名玫瑰純露修護產品 !(本文是自費評論,沒有收到任何折扣或贊助)

 

 

 


那些年,我們一起追的老師

探討Kai Deluxe香港哪𥚃買與及測試產品之前,首先講吓創辦人「小凱老師」Kai Chang張景凱嘅背景。

台灣嘅綜藝節目,照亮過好多人乾涸孤獨嘅夜晚。「康熙來了」、「大學生了沒」、「娛樂百分百」、「女人我最大」……呢一啲經典節目,捧紅咗好多嘉賓達人。

台灣好多美妝、護膚達人老師,亦都成為全大中華地區家傳戶曉嘅知名人物,代表人物包括牛爾、Kevin老師、小凱老師等等。佢哋嘅特點,就係外表好似明星一樣咁亮麗,同時亦係你嘅美妝教授、螢幕閨蜜同埋gay best friend。

 

 

咁多嘅美妝導師、護膚達人裏面,技術同專業知識可謂各有千秋,純粹以外表來講,以「小凱老師」佢嘅顏值最高。除咗因為佢比較後生,外表俊朗帥氣之外,佢嘅低調悶騷嘅可愛個性,亦都得到好多人(包括女性觀眾及Hehe)嘅心心眼青睞!

Kai Deluxe小凱老師真係顔值爆表,由以前嘅台中小弟變身成為國際名模級大帥哥,甚至越睇越似極品男模天王Sean O'Pry!佢自己都承認,外表都有執過一下,而且佢自己嘅化妝方法都算係好高明,真係可以靠幾支筆,幾盒粉,畫出個未來!

極之貪靚嘅佢,除咗成為兩岸三地著名嘅明星之外,更加有自己嘅品牌1028同Kai Deluxe。Kai Deluxe係一對來自台灣製造嘅面膜品牌裏面,今年都算係討論程度比較高嘅品牌,市面上好多人都話好用。

但始終,由於呢個世界有太多嘅美容丐幫、beauty beggars、網上嘅人氣,好多時都可以用人為方法購買、谷數製造,究竟一件產品有幾好用,就真係要親身試過,檢查過成份,先至可以有資格討論!


Kai Deluxe能否打破靚仔冇好嘢定律?

Kai Deluxe創辦人顔值咁高咁靚仔,反而令我有少少戒心,好懷疑究竟佢好唔好用!

因為過往有一啲好靚仔嘅明星代言嘅產品,多數都係普通野。

好似之前同大家分享過嘅極品男神「宋承憲」代言SNP燕窩面膜,俾我發現原來只係得1gram 燕窩咁少!韓國國民鮮肉男神「朴敍俊」代言嘅The Oozoo針劑注射面膜,只係非常普通嘅材料仲要臭臭地!

所以,今次搵個咁靚仔嘅小凱老師親自出馬代言,反而令我有啲擔心。Kai Deluxe 好用嗎係我一直疑惑嘅問題。

Kai Deluxe本身一系列嘅產品包含咗護膚,與及美妝。Kai Deluxe最著名嘅玫瑰粉底、妝前乳、唇彩、仲有卸妝、面膜、同埋修護乳液。

Kai Deluxe王牌產品玫瑰光潤爆水粉餅,網上都有好多人使用過評論過,話幾好用。今次就同大家測試令一個適合秋冬使用嘅保濕修護產品,Kai Deluxe Moisturing Perfect Rose Cream玫瑰花萃精純乳霜。

 


自費測試Kai Deluxe玫瑰花萃精純乳霜

踏入秋冬季節,又係美顏護膚着黃金時機!進入佳節倒數階段,好多人嘅皮膚都好需要修補同急救,回復青春亮麗外表,以迎接之後嘅黃金假期同聚會!

你要修護、緊致、抗敏!用華麗氣場,佳節盡歡!

 

今次介紹俾大家呢一隻「Kai Deluxe玫瑰花萃精純乳霜」,我之前響小凱老師台灣官方網站kdmakeup.com.tw裏面見到,後來先知道,原來佢啱啱嚟到香港,喺香港嘅Hotel Stage登臺酒店同一班粉絲見面同示範佢本身產品系列。呢個系列最出名,當然就係玫瑰爆水粉餅。但係我個人認為,最重要的一步,就係平時打理。

好多人化妝,希望將自己最美麗一面呈現係朋友、男友面前,但係往往忽略左最基本的重要一步,就係秋冬時候嘅鎖水同打底!

今年香港天氣反常,污染嚴重,應該凍嘅時候又好熱,濕度忽高忽低,令到敏感肌膚大爆發!

如果皮膚基本修護得好,個底打得好,重要時刻之前出事嘅機會就減少。

玫瑰乳霜,就係呢一步!小凱老師來香港嘅時候,就帶同左極少量產品響Hotel Stage酒店裏面寄賣,當然,我第一時間去購買使用!佢帶來香港嘅數量真係好少,而且好大部份嘅Kai Deluxe面膜已經俾人搶購一空!

 

Kai Deluxe,台灣屏東玫瑰精粹

「Kai Deluxe玫瑰花萃精純乳霜」最吸引我嘅地方,就係佢選用來自台灣屏東嘅原材料玫瑰花。

以台灣嘅產品同埋生活指數來講,呢一樽rose cream可以話係價錢偏貴,60ml一樽,要台幣$1200蚊,成港幣三百幾蚊,已經超過市面上藥妝店一般開架品牌嘅價錢。係Khiels嘅價錢。

Kai Deluxe玫瑰花萃乳霜主要成份包括:

白芒花籽油 meadowfoam seed oil
蠶絲油Isononyl isononanoate
甘油硬脂酸Ethyhexyl Stearate
神經胺酸Ceramide
熊果素Arbutin Citric Acid
牡丹萃取物Paeonia suffruticosa

Kai Deluxe玫瑰花萃精純乳霜含有「白芒花籽油meadowfoam seed oil」。喺一般嘅市面上護膚產品比較少見,因為一般都會使用jojoba oil。但係,其實佢係一個好好嘅高質素精油。穩定性高,而且對於皮膚安全。白芒花籽油特色,就係保水能力極高,令到皮膚長期處於水光狀態。而且裏面含有豐富維他命E (tocopherol),與及抗氧化物,對改善皮膚質素有幫助。

神經胺酸ceramide,對於皮膚屏障作用。可以改善甩皮、乾燥、因為衰老保水不足等問題。由於同人體角質層相似,對於調節細胞免疫,亦有一定功用。

而熊果素arbutin,對於皮膚亦有美白效果。

玫瑰乳霜使用台灣南部玫瑰純露作為基本。我嘗試喺產品成分裏面尋找玫瑰花純露成份,裏面並無清楚列明,只用水,香薰去說明。根據產品成分說明,只係講係fragrance。我之後再向有關官方人士查證一次,佢哋再次表示,裏面使用嘅,的確係台灣南部嘅有機玫瑰花水純露,並唔係人工香精。

當我自己直接用上手、用上面嘅時候,發現佢嘅氣味的確非常天然溫和,淡淡玫瑰香薰,自然、寧神、令我深呼吸。

 

而且,Kai Deluxe玫瑰花萃精純乳霜質感偏向乳狀,稀薄易推,皮膚吸收得好快,尤其係之前做過幾次HIFU、Omega Light LED光療、RF電波拉皮,雖然醫學美容療程嘅效果顯著,但係亦都會令到皮膚比較乾燥。

用咗Kai Deluxe玫瑰花萃精純乳霜,乾燥嘅肌膚好快得到高效舒緩,而且,成分有效,仲使用天然玫瑰花水精華純露,加強效果。我自己用,鍾意到不得了。

我自己測試左兩日,第二日出街行咗幾個鐘,都仍然感到皮膚一啲都好乾燥爆裂現象都冇,輕盈保護,而且保護程度啱啱好,唔會厚重到好似一個塞死毛孔嘅面具一樣。

Kai Deluxe整體好用程度,我會比四粒半星!

今次,小凱終於打破,美妝產品靚仔冇好嘢嘅定律。

Kai Deluxe玫瑰花萃精純乳霜,我大推!雖然價錢比一般嘅市面上開架品牌貴少少,但仍然比外國嘅品牌例如fresh、SK II平好多,係物有所值。

 

(小凱老師Kai Deluxe產品膠袋,由於香港並無專門店,只有代購,香港極之罕有,購買完產品先有一個,我唔捨得用,哈哈)


Kai Deluxe產品香港購買方法

之前講過,小凱老師來香港嘅時候帶咗少量Kai Deluxe產品放喺Hotel Stage酒店,但係呢一個活動只係做到11月尾,而且只係寄賣模式,活動完結就唔會再有任何貨品留低發售,而我自己親身去Hotel Stage酒店了解過,貨品系列並唔足夠俾大家揀。所以,我同官方溝通過,如果有興趣嘅人,可以直接向小凱老師台灣嘅團隊購買!佢哋可以直接將貨品由台灣寄去香港,郵費台幣NT400,即係港幣$100。可以方便咁樣使用Paypal,而且保證係真正來自小凱老師嘅正貨。(我已經好耐冇試過買網店嘅平價不明來歷護膚品,因為現在世界真係太恐怖,竟然連innisfree、Jayjun同Mediheal咁平都有大陸做嘅更平假貨)

小凱老師Kai Deluxe團隊台灣直接購買官方連結:


我覺得Kai Deluxe係「少數值得海外郵購」嘅台灣美容產品。

今個冬季,對自己好一點。用最好的產品,修護,休息,保養。然後,盛放光芒。


 

 

 

( Kai Deluxe同九龍Hotel Stage酒店活動到11月尾為止,有時間可以把握機會去參觀一下,佢仲有一個下午茶系列)


玫瑰 · 花樣年

可能,在某一段光年之前,你都去過台灣,曾經被那個充滿文清氣息的城市迷倒,令你一次戀上,那種和香港完全不一樣的,文藝慢活氣息。

可能,你也曾在某個周末long weekend,迷失在忠孝東路、信義區商圈的夜晚,喝過一次動人的珍珠奶茶。襯著你的閨蜜仍在酒店睡覺,一個人跑到郊外看寶島的日出。或者,拖着男友的手,看漫天的樹木盛放,一起乘捷運到北投的溫泉酒店,養生,養心。

時光荏苒,今日,康熙已經停播,大學生也紛紛畢業了。花園再也看不到流星,你也不再相信有什麼事情是命中注定,當然,也不會再相信青蛙可以變王子。

今天,連誠品和天仁茗茶也成功由台灣移植香港,香港到台北的自由行機票酒店,現在便宜得像去深圳一樣。

你突然發現,下一站,除了是幸福,更多是職場的壓力。

社會不斷發展高速推進,當你在香港加班到深夜回家,晚上靜下來,會突然想起好多事。你會想起,那些盛夏光年那種不完美的美麗結局。那些美麗又帶著遺憾,青春得不敢再直視的人生階段。

生命一直逼你向前行。時代,令一切都變得熟悉又陌生。好在,那些年前你看過的那一個螢幕男閨蜜,今天和你一樣,繼續仍然愛美。從前的台中小弟,已經變成紅透大中華的超帥高大暖男。

在一個浪漫的weekend夜晚,你拿着他的玫瑰花萃精純乳霜,點着香薰蠟燭,一邊按摩面部去水腫通淋巴,一邊看他YouTube教學。你突然發現,原來,在不知不覺間,你和他都長大了。

而你,也和他一樣,

越變越好,也越變越美。








打開內容

2017年11月11日 星期六

【醫學美容】韓國Oozoo針劑注射面膜有幾好用!?韓國大隻Oppa男神「朴敍俊」推薦,除了顏值還有什麼?

11月 11, 2017
網上人氣面膜,來自韓國嘅The Oozoo針筒注射式面膜,真係可以打童顏針一樣,延續青春?

30歲,係一個重要時刻。不論男女,人嘅容顏及體格高峯狀態,就喺25到30歲之間。呢個階段,你內分泌系統及荷爾蒙正值高峯,身材皮膚及生育能力處於人生最旺盛,身體狀況最健康。

30歳前,男仔最容易練大隻、肌肉結實、皮膚白、聲音變得低沉動聽。小鮮肉精力嘭嘭聲!

30歳前,女仔最堅挺、皮膚最水嫰、透明光白,女神美顏豐胸盛世!生育能力亦都係最高。

30歲後,身材樣貌面臨挑戰,內心外表都容易退化、枯萎!

好在,戀愛,就可以令人回春!而正確營養,配合足夠運動、重力訓練、跑步、瑜伽、亦可以令到荷爾蒙分泌增加,保持年輕光采。

當然,要永遠留住好時光,平時嘅保養亦都唔少得啦。

進入秋冬季節,皮膚保濕好緊要!皮膚保濕做得足夠同正確,睇起來,可以年輕10年!

 

(來自韓國嘅針筒注射面膜The Oozoo,請來大隻小鮮肉「朴敍俊」做代言人,產品可唔可以好似代言人一樣,白淨、緊致、留住最動人一刻?)


 

(韓國The Oozoo面膜代言人唔單止皮膚白,樣貌緊致,胸肌six pack更加係雄性荷爾蒙爆錶!接近30歲嘅佢,不單止冇退化跡象,反而狀態巔峰!)

 

 

 

(我以前都唔信,世界上有一樣野,叫做「帥成這樣想逼死誰」,直至,我見到佢…… )


The Oozoo韓國針筒注射面膜

今日介紹呢一隻面膜,係來自天氣乾燥寒冷嘅南韓,The Oozoo針筒注射面膜,韓國藥妝店Olive Young都有賣。

The Oozoo面膜,因為得到令人心跳面紅嘅小鮮肉男神嘅加持,成績紅爆韓國、中國、香港、台灣!成為搶購目標。

由大熱韓劇「3流之路」、「她很漂亮」嘅國民男神,大隻鮮肉靚仔「朴敍俊」代言嘅Oozoo面膜,同一般嘅韓國面膜唔同,佢唔係就咁使用咁簡單。

使用The Oozoo之前,要先將安瓶裏面嘅針劑精華,注入面膜袋裏面。據說,咁樣先可以保存營養成分新鮮。

呢一種面膜使用方法與別不同,價錢亦都比平時嘅面膜貴5倍,究竟,係何方神聖?值唔值得?




Oozoo面膜,永遠留住最美好時光?

The Oozoo針劑面膜,比其他面膜貴好多。平均一般嘅韓國面膜,價錢大概港幣$10 左右,但係,佢嘅價錢,一片就要$50左右!同其他一樣,只可以使用一次。如果每個禮拜使用五日,一個月就成千蚊!

The Oozoo嘅使用方法特別。每一個面膜,包含一支針筒形狀嘅精華安平,同埋一個面膜袋。兩隻係獨立包裝,可以撕落嚟。使用嘅時候,將針劑裏面嘅精華液,注入面膜袋裏面。

The Oozoo針劑注射面膜,短時間之內成功由韓國Olive Young藥妝店,進入香港各大美容美妝連鎖店,包括「莎莎」、「卓悅」、「colourmix」,成功造成話題。但係,有話題,唔代表產品有效。今次我就深入研究,究竟呢一個所謂嘅人氣面膜,除咗顏值之外,究竟有冇科學根據。


The Oozoo投資者,唔係護膚美妝品牌,係藝人經理人公司! ?

The Oozoo投資者,其實係韓國明星裴勇俊。The Oozoo一個品牌,係韓國藝人經理人公司Keyeast所投資!

韓國一向都有搵靚仔代言美容護膚品,好似以前李敏鎬曾經為Innisfree面膜同精華代言,宋承憲曾經為SNP面膜代言,當然仲包括宋仲基、G Dragon等等。

對於呢一樣用靚仔大隻明星掛帥嘅面膜,我一向都有少少懷疑。而且,今次嘅產品來自娛樂公司,究竟佢嘅產品,可唔可以同醫學美容診所、韓國護膚大品牌比較?

而且,今次介紹嘅一個針劑注射面膜,同之前無厘頭大熱嘅「水光針面膜」一樣,都係所謂嘅塗抺式針。我之前已經同大家解釋過好清楚,因為表皮作用,基本上冇可能可以用塗抹嘅方法,將透明質酸注入皮膚。所以我今次見到一個來自韓國,但係概念相似嘅產品,亦都有一啲懷疑。


The Oozoo韓國注射針劑面膜成份分析

一啲高水準材料製成嘅特製面膜,亦都屬於醫學美容。例如包括左旋維他命C、AHA、熊果素等等成份嘅產品,就符合醫學美容嘅界別。而同一時間,如果只係一啲普通嘅美容產品,例如甘油、香精,即使包裝係一個類似醫學美容手術嘅針筒裏面,亦都唔可以屬於醫學美容。

The Oozoo針劑產品內容成份究竟有冇特別之處?一支針嘅形狀,真係有童顏針效果,定係只不過係一啲噱頭?今次就同大家一步一步拆解。

首先講吓個包裝,其實個包裝本身已經比較特別,The Oozoo可以分為兩個部份,左邊係針,右邊係面膜。

佢嘅根據,係想針劑裏面嘅精華保持最佳狀態,用嘅時候,先至將有效成分加入面膜裏面。

當我仔細研究The Oozoo包裝嘅時候,發現佢其實應該唔係好密封,所以,之前有啲美容BLOGGER宣傳話佢係無菌狀態,我自己就有啲懷疑。因為,細菌真係無處不在,除非要好強力嘅防腐劑,否則一支類似針型嘅物體,由於並唔係完全封死,話佢係無菌,都唔知信唔信好。

另外我要講下就係面膜部份。因為呢一個The Oozoo面膜主要賣點係新鮮,所以保持無菌嘅狀態好緊要。但係,我發現當注入針劑成份嘅時候,面膜部份嘅膠孔,並唔係密封,唔需要特別去刺穿,只需要打開膠蓋,已經可以直接進入!

呢一點,其實令到我懷疑The Oozoo針劑注射面膜產品嘅新鮮程度同埋乾淨程度。因為呢我買呢個產品嘅時候呢,其實係喺連鎖藥妝店。咁你都知道年啲人都比較多手,隨便將嗰啲護膚品嘅蓋拎開聞吓、睇下,咁就死得。因為是想像下一間超多人嘅連鎖店入邊,嗰個開來玩下,就已經及收埋唔少嘅塵埃污垢細菌!亦都唔排除,呢一個面膜,已經比人哋玩過、開過。如果真係嘅話,就肯定污糟過密閉傳統面膜。
















(以上幾張圖,就係The Oozoo針劑注射面膜嘅近距離特寫與及使用方法)


急救乾燥肌能年輕10歲!?

The Oozoo針劑面膜嘅功效,就要檢查一下佢嘅成份。我以檢查過佢嘅成份表,發現佢嘅主要成份包括:

Phellinus linteus:桑黃萃取物,抗氧化成分,有改善皮膚及鎮靜作用
Glycerin:甘油,護膚品主要用作保濕
Dipropylene Glycol:丙二醇,有機會刺激敏感
Niacinamide:維他命B,修復皮膚有效
Hexanediol:稀釋劑
Olive Fruit Oil:橄欖油

就咁睇成份,真係唔係特別吸引。真係睇唔到點解,要比一般嘅面膜貴5倍!

講下我使用嘅時候親身體驗,開出來個面膜,有好強烈嘅「泥膠」味道,冇講錯,係細路仔時候玩泥膠嘅味道,用起上嚟嘅質感比較厚,少少黐住黐住感覺。最抵死係呢,一個臭臭地嘅面膜,成分表竟然話加咗香精!有乜可能一個添加人造香精嘅面膜,會咁臭!

秋冬天氣裏面,濕度特別低,面上嘅乾紋特別明顯。使用之後兩個鐘,皮膚都比較水潤, keep得住高濕度,香港天氣秋冬使用尚算可以,夏天就肯定太lup。如果純粹以補水能力來講,佢係可以嘅。但係整體來講,就差少少。

呢個The Oozoo面膜,當去玩下見識下就可以,我就未必會再回購。

可能,呢一個面膜最可取嘅地方,就係搵咗男神代言!

 

 

 

個廣告都冇講錯,男女都一樣,年紀越大,皮膚鎖水力越減低。冷氣房坐一個鐘頭,皮膚已經又乾又mean,表情紋越來越苦情!只要冇化妝,或者唔用concealer,就有人問:「咦,你今日唔舒服啊?」


30歳,永遠留住最美好時光

我都好想搵到一個產品可以永遠留住最美好時光,但係睇嚟,呢一個The Oozoo並唔係答案。

由The Oozoo到Manolo Blahnik到Loro Piana、Zimmerli、J.M. Weston,買到了潮流華美卻終究買不了貴氣。半生豪侈原來不及半生優雅寂寞,這些都是30歲以後才了解到的人生道理。

過了三十歲,閱世日深,你的心障、失望、共業,與成就、社會地位、財富,會為面上帶來風霜。過了三十歲,如果一個人的修養不夠,人文精神貧瘠,就算賺到點錢去買mask,面部未枯槁,心態也會先行衰弛。

面對冷落批評的自我麻醉,mask同精華原來也幫不上你多少。太多的威士忌加梳打水,會令人滄桑和落寞。LKF停雲落月,污水汗水和淚水,狂歡之後更像一個貧民窟。

在剩女剩男眾多、自負過度的昏沉年代,你,更要做個清醒的人。你終於明白,看事情不要只看外表。不是每個針劑形狀的精華面膜都一定像打Botox一樣立即見效。大部分美好結果,都需要付出,沒有捷徑。

妳和你終於明白,生命中所有值得追求的事情,都必須要先付出和努力。

妳和你,在30歲的人生路口,不要再沉迷在廉價美容網購、韓劇、日本AV 網站之中,這些都不是真正的愛情。也不要再信雜誌的星座運勢及財演股票推介了,財運,需要經過悉心的研究與學習投資。更不要相信約炮app偷情app可以約到一個有希望的未來。真正值得你愛的人,是不會玩偷情app的。

你要補充的不只是面部水份,而是生命的養份,將靈氣、希望、樂觀、喜悅、分享、戀情、友情、親情、和自愛,再次沁入你的生命中。美顏只是開始,你的信心,才是決定你人生。

They say, "your face your fate". Well in fact, your face and your faith, is your fate.

你終於明白,生命的意義在於「奉獻」和「創造」,而不只在消費和享受。

你終於了悟到,仁愛的心最美,勇敢的心最強。你的氣場和氣質,決定你的生命軌跡。

在秋冬的清晨陽光之下,起床洗臉,泡一壺天梨的春茶。清醇淡古,齒頰留香。在神清心靜的濕潤水氣中,重新追求,思考,探索。

因為30歲,你的人生才剛剛開始。The best is yet to come.








打開內容

Related

Post Top Ad