【醫學美容】媲美HIFU的逆齡美容神器!超高性價比Silk'N Facetite深入肌底4mm刺激膠原自生!

12月 10, 2017

我失心瘋咁又買咗一部醫學美容儀器!最近發現咗一樣效果神奇嘅家用美肌逆齡產品,佢唔單止得到皮膚科研究證實緊致面部輪廓效果,而且能量,能夠深入肌膚底層,從肌底進行細胞重組,膠原蛋白自生!呢一部家用醫學美容儀器,只要每周使用一兩次,就可以令到皮膚飽滿、年輕、緊致、V面、散發出男神女神級青春童顔光彩


(自購評論,沒有收到任何贊助或折扣)



而且,相比起佢嘅出色效果,佢嘅價錢真係超平,只係去美容一兩次60分鐘療程嘅價錢,就可以買到呢部機,為自己帶來六個月、甚至三年嘅膠原自生治療效果!

呢一部儀器最特別嘅地方,就係佢能夠超越一般市面上家用童顔機、RF射頻機淺層能量,能夠將細胞重組、膠原生長嘅熱能,直接打入肌膚深處4mm !即係接近「真皮層」同「筋膜層」,令到緊致效果更加明顯。

純粹以能量深度來講,呢一部家用醫學美容儀器,已經可以媲美市面上大部份嘅醫學HIFU!

只要$2000,可以同$16,000-30,000醫學美容療程比較!?

講緊嘅,就係來自以色列Silk'N品牌嘅Facetite逆齡神器。最近全球火熱!


(澳洲Facetite喺當地十分火熱)




(外國CurrentBody.com 亦有介紹這個美肌神器,Photo Credit:Currentbody.com)


 
(Silk'N Facetite韓國都有出售,不過香港價錢平好多!當地要550000won)







 

 

Silk'N Facetite是什麼?

其實呢一部4mm膠原蛋白生長醫學美容儀器,香港上架咗一段時間,起碼兩三年!之前,都曾經響莎莎出售,但係唔知因為代理宣傳不足嘅問題定係點解,呢一部醫學美容儀器係香港一直都唔出名!

不過,Silk'N Facetite可能係香港最接近專業美容院級,最高性價比嘅醫學美容儀器!甚至有小型美容中心搬遷時,會用Facetite取代「阻定」嘅中古射頻器材。

Silk'N Facetite呢個產品主要適合一啲預算唔係好大,但係都希望得到拉提、美肌作用嘅人士。有效拉提,達到神奇V面效果。

要美,平時嘅打理、營養其實好重要。

RF射頻基本上係一定要做!呢個類型嘅療程可以增多基底細胞嘅生長,改善因為流失膠原做成嘅乾燥,平衡油脂分泌,增加血液循環,增加膠原蛋白嘅生長。

當膠原蛋白生長健康、皮膚就會自然回復彈性,令你肌膚睇起嚟比較膨脹,回彈。當你嘅膠原蛋白健康成長嘅時候,皮膚就會容易吸收護膚品嘅精華營養,令到無論你用任何牌子嘅護膚品,效果都會事半功倍。

而家RF射頻一般嘅美容中心每次都係幾百蚊到$1000左右,如果你自己有美容機屋企自己做,價錢更加平,如果你真係勤力做晒幾個月嘅療程,除開每次成本都係幾十蚊!就可以得到醫學美容級數嘅美容美肌效果。


RF射頻機同HIFU,有咩相同同分別?

之前好多朋友問我,究竟如果做咗HIFU,需唔需要做RF?可唔可以做RF?其實兩者之間係好似,但係亦都唔係完全一樣。

HIFU,RF,其實可以兩樣都做,只要唔好係短時間之內同時進行,就會有良好嘅加強效果。

所謂嘅HIFU聚焦超聲波,主要就係利用超聲波接能進入真皮層同筋膜層SMARS;RF唔係用超聲波,係用電波。

就好似,用電飯煲水蒸氣可以蒸煮飯,用微波爐加熱都可以一樣。個結果都係一樣,都可以將物件加熱。

HIFU、RF相似嘅地方就係熱能製造小型、有秩序嘅真皮層微創傷,令到膠原蛋白重新生長,喺安全嘅情況之下,有系統咁樣為皮膚帶來重新生長,細胞重建嘅機會。而係過程之中,大概兩至三個月時間,你就會見到皮膚越嚟越後生。兩樣嘢嘅原理其實相當相似。

以前HIFU能量就比較RF深入,所以拉提效果比較明顯,但係新一代RF已經不相伯仲。

以前用RF去改善肌膚年齡,只能夠去美容院付出非常行貴嘅金錢,亦都只能夠用舊式嘅單極射頻。RF「單極」射頻嘅好處,就係佢能夠將射頻voltage深入肌膚好底層嘅位置。但同一時間,如果操作不當,就好容易造成皮膚受傷。新一代嘅RF「雙極、多極射頻」,佢嘅好處,就係熱力比較平均,亦都唔會咁容易出現受傷嘅情況。依家射頻越來越流行,無論係美容院專用嘅機器定係家用產品,好多時都有內置嘅安全感型,以確保表皮層唔會因為太熱而受傷。

當然,RF喺香港美容中心、韓國醫學美容界、美國比華利山明星皮膚診所,已經出現好一段時間,相比起過去三幾年先至出現嘅HIFU,比較悠久。(Thermage 2002年已經得到FDA認可)好多顧客唔太理解雙方特點同原理嘅情況之下,會產生錯誤錯覺,以為一定係最新先至係最好,其實,RF、HIFU佢哋其實係非常相似。

如果有一部醫學美容儀器,可以有效咁樣將熱力打入肌底4mm,就足以比較HIFU效果!

SilkN Facetite呢部美容機比較特別嘅地方,就係可以同時做幾個療程,包括:


  • 射頻 Radiofrequency
  • 紅外線 Infrared
  • 紅光 Red Light


以上三種都係我經常提倡同建議各位定期進行療程嘅高效方法。

Silk’N Facetite好處

Silk’N Facetite嘅好用之處,就係可以即時見到收緊嘅效果,而係療程之後幾個星期,你嘅細胞都會不斷生長,達到膠原蛋白生成。

療程之後,你都見到自己面色紅潤左,因為血液循環多咗,令到整體氣息都有所提升。亦都係傳說中所講嘅好氣色!

比較上一代嘅舊款的激光,RF嘅好處就係唔使等,冇downtime。超好用!



家用版嘅射頻Facetite,亦都可以話係平價版嘅Thermage。當然,專業醫生版本嘅梗係勁好多,但係價錢亦都貴好多,最低消費一萬蚊。呢一個Silk’N Facetite,可以話係一啲想試吓膠原生長療程嘅人士,用少少付出,就可以體驗一下乜嘢叫做4mm膠原蛋白細胞修復、電波拉皮緊致!

相比起街邊平價美容中心、平價射頻儀器嘅效果,Silk’N Facetite呢部機能夠將能量打入4mm,非常之犀利,家用機來講可以話係少見同罕有,甚至比一啲舊款美容中心醫學美容儀器更加深入同好用,所以大家使用嘅時候一定要留意,千祈唔好因為貪心一次過做太耐,結果灼傷皮膚。

另一個我一定要提一提大家嘅Silk’N Facetite Tips,就係一定要注意使用嘅時候,一定要平均咁樣將射頻熱力打入面部唔同嘅地方,尤其是面嘅兩邊。千祈一定要兩邊平均咁樣做,否則,你就會出現大細面嘅情況。唔知道情況嘅朋友就以為你好似某藝人一樣,打Botox打到面都歪咗!

Thermage呢一個類型醫療版嘅射頻醫學美容儀器,最低消費十幾萬,本身都有監察系統,令到醫生可以觀察得到,皮膚底層加熱情況,從而避免某一個地方做得太多,其他都地方做得太少。家用版嘅儀器,價錢只係呢個版嘅幾十分一,當然冇咁先進的都唔會咁全面。亦都好視乎使用者自己留心,唔好因為粗心大意造成唔靚嘅後果。


Silk'NFacetite好用定Tripollar Stop好用?

以色列射頻機,好多人識Pollogen Tripollar,因為Pollogen本身出專業醫學美容機,好多醫學美容診所醫師都有用。而且Fitboxx香港代理好識推,令到唔止香港,連內地都好hit。

兩部都有用,亦有定期出街做HIFU、RF。個人覺得Tripollar好用,Facetite更好用。

就肯定有用,但點解我都會買多一部機,最終原因:

第一,因為佢打入肌底能量達4mm已經好接近HIFU,如果我係緊急時候需要即刻急救拉提,我唔需要返公司,屋企我自己都可以做得到,而且唔需要更換消耗成高嘅探頭。

第二,就因為價錢更平更抵用,唔單止部機本身平,連平時要日常凝膠啫喱,價錢都平。平均每次成本都係$30。

第三,當然就係附加嘅紅外線同埋紅光功能,當然行開先好紅光唔可以同專用嘅美容機器例如韓國Dr Face、Omega Light比較,但係始終有好過冇,幫到少少,都好過完全幫唔到。一機三用,真係好抵!

Facetite打入肌底4mm,用上1mhz,MHz愈低愈能夠深入肌膚!

一啲地方Tripollar Stop比較Facetite優勝,就係肌底監察。Facetite呢一部機對熱能嘅監察只係針對表皮層,Facetite並唔會對於肌底作出另外監察。Tripollar會有紅光提示,如果他肌底太勁會自己熄機。安全性方面有多一層嘅保障。

但係如果你跟足安全措施,亦都用正常嘅判斷,都係可以安全使用,回到V面,紅潤好氣色。從細胞回春。


愛自己,別人才會愛你

最近重遇多年不見的外國朋友,他第一句,就是驚訝:"you haven't aged at all!"

他一直以為,在Facebook、IG上的我是長期開美肌filter美圖!點知原來不是。

當然了!我是醫美療程、美肌、正念思考專家,平時又Botox又RF又HIFU,加上無數高價精華、日韓醫學級面膜,如果都像普通外國人一樣身心老化同退化,就會很糟糕!

而追求凍齡的原因是甚麼?不單止要追求表面上輕,最緊要是,我們要有年輕外表,才可以配合我們年輕,充滿希望與活力的內心。

美,成為女神男神,是我們一生的努力。

如果你好靚女身材好好,或者如果是男的,好靚仔好大隻,得到的機會一定會比普通人多!人生也比較順!

而人生就是要自愛,要努力,變成你心中的一個極品女神、天菜男神。讓每個生命中遇過的人,都驚訝,你的力量,自信,自律,愛心和積極。


如何購買

我自己睇到韓國報道之後響Fitboxx購買,應該仲有少量現貨,但係我唔知佢仲會唔會再入,因為香港實在無人識銷量不太多!有興趣去尋寶,就要快手!


溫馨提示,大家千祈唔好比個班FITBOXX sales呃左,其實佢嘅功能係仲勁過Tripollar。唔好戇居居俾人點左買更加貴嗰個。




0 意見

Counter

Flickr Images