10月 2017 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2017年10月28日 星期六

【醫學美容】韓國美肌Aqua Peel及Hydrafacial功效教學!最新價錢效果比較

10月 28, 2017
過去一年,韓國、美國、中國內地,都掀起一個還原水漾年輕肌膚,醫學美容護膚熱潮——Aqua Peel。以前由美國價錢昂貴皮膚中心獨家提供嘅醫學美容療程,而家隨着韓國機、大陸機嘅流行,已經變得親民,市面上越出越多Aqua Peel醫學美容儀器,有人認為,三百幾蚊一次嘅新一代內地機,已經可以媲美一千幾蚊美國醫學美容療程效果!?Aqua Peel幾錢一次先好?幾錢先係合理?效果究竟係咪真係咁勁?Hydrafacial、Profacial、Innofacial點分好唔好?點樣可以防止俾人呃?


淨化,新生,尋回你的年輕美肌

被譽為毛孔吸塵機嘅Aqua Peel,首先我要講解一下佢係乜嘢。Aqua Peel係一個技術,並唔係一個品牌。例如肉毒桿菌,係指一個技術,而Botox、Dysport,就係個別肉毒桿菌品牌。

Aqua Peel包含好多種唔同嘅品牌,包括Hydrafacial、Profacial、Innofacial、Neomed Aqua Peel等等,技術相近,但質素材料唔同,而價錢亦唔同。Aqua Peel究竟值幾錢?效果點?下面我會詳細解釋。

而香港嘅醫美、美容中心好似Reenex、A Plus、NUME、詩琳、FaceIT,已經開始使用。

成日都有人問Aqua Peel、Hydro Peel、Aqua Facial同埋Hydrafacial嘅分別係乜嘢?佢哋嘅功效效果點樣,敏感皮膚好唔好做?Aqua Peel家用機又好唔好?就同大家一次過講解,佢嘅好處,幾錢,同埋要注意嘅地方。

Aqua Peel呢類型嘅水漾磨皮注精華皮膚管理系統,近年十分流行。可能大家都見過一啲網紅模特兒,喺網上分享一啲新一代水光facial嘅相片。無論本身皮膚好唔好,敏感定唔敏感aqua peel都有一定作用。

Aqua Peel皮膚管理系統,有幾支醫學美容皮膚精華溶液,同埋一個筆型專業吸口,通過吸取死皮同埋注入營養液,令皮膚煥然一新。係一個非創傷性嘅醫學美容儀器。

 
(水鑽磨皮Hydrafacial)


Aqua Peel令你素顏都可以一樣美!Aqua Peel好處效果教學

一般Aqua Peel療程,皮膚好唔好都只需要30分鐘,但已經可以即時見到肌膚煥然一新,素顏美肌效果!

Aqua Peel呢一種新嘅水漾注磨皮注入精華技術,係過去兩三年韓國大行其道。佢嘅原理,叫做HydraDermabrasion或Hydro Peeling System。

Aqua Peel嘅效果好處,就係相比起傳統針清,相對冇乜痛楚感覺。傳統嘅針清有除黑頭係有功效,但係同時,亦都有相當痛楚嘅感覺,尤其是如果個美容師本身技術一般,好容易導致出血、刮傷表皮、感染病毒等等問題。新一代嘅Aqua Peel,使用獨特嘅螺旋水磨負壓 ,可以吸走皮膚污糟野。唔需要用針,唔會傷害表皮,就可以將皮膚嘅污垢、粉絲、黑頭,一次過剷除!而一般針清效果好唔好視乎美容師手勢,aqua peel好唔好比較視乎部機。

Aqua Peel同傳統針清另一個好大嘅唔同,就係喺做清潔嘅時候,同時注入營養,Aqua Peel會用特製嘅溶液,用埋軟化皮膚表皮,與及導入營養與及精華。相比起傳統人手針清,只用普通嘅水蒸氣,比較進步。


Aqua Peel的原理

隨着年齡嘅增長,同埋空氣污染,我哋面上面就會堆積一啲化妝殘留物、污垢、死皮、油脂、黑頭粉刺。死咗嘅細胞喺面上面聚集,久而久之,就會令到面上暗沉,光芒減低,喪失年輕時代素顏光、素顔美。唯有靠化妝去遮掩,造成惡性循環。

皮膚污垢、死皮、黑頭、殘留物,當中有部份可以經過人手嘅清潔去除,但係都有一啲,屬於比較頑固嘅死皮,平時洗面嘅時候未必洗得乾淨,以傳統嘅方法,甚至會造成磨損表皮問題。

Aqua Peel深層潔淨面上嘅皮膚,特別用嘅溶液,會首先軟化皮膚,就可以將死皮移除,亦都令到皮膚青春。同時,嘅細胞已經被移走,比較容易吸收護膚品嘅精華效果。

Aqua Peel深層清潔,就可以令到你皮膚洗走死皮、注入精華,令到你素顏都一樣散發光彩,重新獲得年輕肌膚,人見人愛,回到那些年!


市面上幾種最流行Aqua Peel價錢功效比較

Aqua Peel幾錢?水鑽磨皮,價錢浮動好大,幾錢先合理?由$300到$1000不等,價錢又分包精華或唔包營養注入。今次就教大家點樣分辨,佢哋嘅分別,同埋選擇最適合自己嘅療程。

市面上最流行嘅Aqua Peel機,主要可以分為以下三種:

Aqua Peel - 韓國機,價錢約$500到$1000 1次 (韓國"Neomed Aqua Peel" 、"HUREV innofacial")
Aqua Peel - 內地機,價錢約$300 到$600 1次("韓式小氣泡" ,"Micro bubbles Peel ")
Aqua Peel - 美國機,價錢$1000 1次 ("Hydrafacial")

市面上美容院都係使用韓國機、內地機為主。美國機好似就真係比較少,因為價錢好貴。遠遠超越韓國、內地。美國Aqua Peel幾錢?通常超過一千蚊。



韓國Aqua Peel

韓國品牌Aqua Peel儀器包括:HUREV Innofacial、Neomed Aqua Peel、Neomed MICO Peel等。

首爾的醫學美容世界聞名。亦都係比較率先推出Aqua Peel美容儀器嘅國家。價錢比美國機平。如果喺香港做treatment,正常合理嘅價錢介乎$500到$1000左右。韓國Aqua Peel幾錢先係抵?$1000以內。

真正來自韓國嘅Aqua Peel醫學美容儀器,係會有三種不同嘅精華原液。會喺療程嘅時候分別使用。韓國皮膚管理中心Aqua Peel,配合使用嘅3種不同溶液:S1 S2 S3。各有不同用途。

S1包含乳酸菌、酵母精華,主要用嚟溶化角質,其實主要係AHA,適合大部份使用者
S2 係水楊酸,主要用嚟對付油性肌膚、暗瘡皮膚,有需要先至用
S3 係保濕精華

究竟用邊一種溶液,美容師會事先同你溝通好,視乎你嘅情況而選擇適合你皮膚狀態嘅精華水。


 
(韓國 Neomed Aqua Peel)

弱酸性AHA、BHA大部份人都可以使用,但如果你本身屬於極敏感皮膚,就一定要事先考慮清楚係唔係做一個療程,又或者可以同美容師商量,改用蒸餾水代替。蒸餾水可以用來代替溶液,就好似可以用清水洗面一樣,如果唔用洗面啫喱、洗面膏,效果一定會打折扣,但係用清水洗都好過唔洗。如果用清水代替,雖然後果唔係百分百,Aqua Peel機嘅吸塵效果,一樣會有。


中國內地Aqua Peel

中國内地Aqua Peel品牌儀器包括:韓式小氣泡Profacial(雖然個名叫做韓式,其實大陸製造)

Profacial、韓國小氣泡喺廣州、深圳、上海、北京嘅醫學美容中心、美容院、休閑中心,Aqua Peel嘅受歡迎程度簡直係熱爆!基本上好多內地美容院、工作室、美容會所,都有見到呢一部清潔神器。

可能內地空氣污染嚴重,好多人一見到使用之後,吸出大量黑頭、污垢、污水,自己都嚇一跳!知道咗自己皮膚原來係咁差之後,好多內地嘅女士就會每隔一段時間返去做。

呢一部「韓式小氣泡」儀器可能你係香港都見過,好多中小企美容中心都會購買,因為佢嘅攞貨價錢唔貴,而且清潔效果,媲美價錢貴幾倍嘅韓國機、美國機!

中國Aqua Peel幾錢?合理價錢應該係$300到$600左右。

唔好睇小呢一部大陸製造嘅「韓式小氣泡」Profacial Aqua Peel,佢吸力與及使用方便程度,其實同一啲大機、價錢貴幾倍嘅儀器,不相伯仲!亦都係非常之火熱嘅專業使用產品,好多本地美容院都有入。

 

大陸製造Aqua Peel嘅唔好處,就係比較嘈,相比起韓國機、美國,使用嘅時候就會發出噪音,令到人客比較難休息。但係清潔方面,效果其實相當理想,性價比亦都好高。好多黑頭、粉刺、皮膚污染物,都可以一次過清除。

另有一個要注意嘅地方,就係部機配合使用嘅原液。因為,如果硬件來講,無論韓國機、中國機、美國機,其實都冇乜大分別,都可以吸走黑頭。但係使用嘅精華唔同,大陸機都有配合使用嘅水楊酸,但係如果你自己本身係非常之驚大陸貨品,就唔好用大陸機。


美國Aqua Peel

美國Aqua Peel儀器品牌包括:Edge System Hydrafacial 

美國東岸金融區,中產專業人士同埋社交名媛,除咗去酒店酒吧之外,就是最愛去搵facialist。所謂嘅facialist,就係香港所見到嘅美容師,不過更加專業,價錢收費更加貴。幾錢?$150美金一次以上。

著名嘅facialist同醫學美容中心,都有推薦Hydrafacial呢一部Aqua Peel始祖。

Hydrafacial係一個品牌,係美國Edge Systems LLC嘅專利,所以佢地先可以使用。好多人淨係聽個名,佢以為係一個peel only。其實,佢唔單只係做peeling、exfoliation清潔咁簡單。

 

(美國著名Aqua Peel機器Hydrafacial)


Hydrafacial其實包含三個不同嘅步驟。Peeling只係其中之一。三個步驟,分別係

1 磨皮清潔 
2 吸走污垢 注入保濕
3 加入抗氧化及胜肽(TNS)

所以你市面上見到相類似嘅韓國機、大陸機,其實只係做咗第一步同第二步,第三部嘅TNS屬於Skimedica佢哋嘅專利。TNS裏面嘅成份嘅使乜?其實係保濕嘅精華,同埋抗氧化物,細胞胜肽。

TNS就係呢一個療程嘅最主要成份,價錢相當貴,幾錢?即使係批發大量攞貨,都要好幾百蚊一枝(批發價格! )零售價超過$1000。而每一支,只有小小嘅8ml!整個Aqua Peel價錢過千港幣。

所以,如果你淨係諗住做一個清潔嘅功能,實在無需要去購買價錢最貴嘅hydrafacial。Hydrafacial最值錢,其實都係嗰啲TNS精華。

如果淨係使用清潔、去死皮、吸油脂、吸黑頭嘅話,一般韓國機、大陸機效果已經可以接受。好唔好其實效果幾明顯。

一般韓國機、大陸機做唔到嘅效果,就係最後嘅一步,TNS。所以,雖然有啲人認為,幾錢同功效同樣重要。平價同貴價嘅aqua peel好相似,但係其實始終都有分別。


有關Aqua Peel要注意嘅地方

市面上大部份Aqua Peel服務,都使用水楊酸去軟化皮膚。如果你本身屬於極度敏感皮膚,唔用得AHA或BHA,就要問清楚精華的內容。如有需要,可以用蒸餾水代替,部機本身嘅吸塵功能即時用蒸餾水都可以運作。

另外要注意嘅地方,就係幾耐做一次aqua peel。好多人話呢啲療程要做得多越好,其實唔需要,因為皮膚本身要隔一個月先會完成生長周期。做得太多太密,反而有害皮膚成長。所以,三個禮拜做一次,或者一個月做一次,係最適合。

同埋啱啱完成激光去斑嘅人唔適合使用。


明淨面孔,創造素顏美

由美國到韓國到中國,在世界各地,Aqual Peel的流行都見證了某種返樸歸真的思想和追求。

有些人,高級化妝品同打針醫學美容會好捨得。而洗面清潔,會隨便洗洗就算。也有些人,會希望深層潔淨。而人生精緻與否,往往就取決於細節上。

活得精緻是一種選擇。旁人未必明白,這種小小的幸福,只有當事人才能了解。

做個aqua peel,洗走污垢,讓皮膚真正呼吸,從內到外淨化自己,淨化你的一張臉。

小時候會只懂用貴的,到現在就會開始懂得不只表面塗塗抹抹,而是從根本入手,淨化,清理,健康。

乾淨、明澄、清醒的面孔,見證我們一段段風雲漸遠的歲月。從首爾到new jersey到上海,素顏自信美,原來永遠都流行。

有興趣做韓式aqua peel朋友,可以到reju Beauty查詢最新優惠及療程:

http://www.reju.hk



打開內容

2017年10月22日 星期日

【醫學美容】珍貴韓國人蔘精華韓式facial,究竟值唔值?

10月 22, 2017
每次一講起近日大熱人氣「韓式Facial」,好多人第一時間,就會諗起之前韓國美肌美顔連鎖店Oracle Skinland喺香港開張。但係其實,Oracle Skinland呢一類來自韓國嘅美容店,用嘅產品儀器,其實都係一啲比較高端嘅醫學美容療程。而呢啲儀器,都係FDA、KFDA認可嗰10幾種,例如Ulthera等等。由於使用機器一樣,呢一種新派韓式facial,基本上同香港街上面傳統嘅港式美容中心、醫學美容,分別唔係好大!

今日就想同大家分享一下,一次特別又難忘嘅傳統養生韓式facial,唔單止使用珍貴材料,而且,係真真正正來自韓國,有漢方中藥嘅韓式「人蔘ginseng facial」。


(雪花秀的人蔘產品)


韓方根源,美麗極緻

韓國人,有一種「養生」嘅概念。而且,韓國人對於美麗,有一種獨特嘅見解。佢哋唔覺得美容瘦身係一種表面、虛浮嘅表現,反而,佢哋覺得美容,係一種自我保養、自我提升、紀律同埋社會地位嘅表現。所以,係韓國,尤其係首爾,你都會見到好多人都係一絲不苟。

當然現代嘅韓國人,會同香港人一樣,會做醫學美容、打Botox、打sculptra、整容隆鼻、彩光、1064激光、RF射頻、HIFU高能量聚焦,甚至開刀去拉皮,改善自己嘅容貌。但係,除咗醫美之外,佢哋係傳統嘅養生方面,即係行事保養、飲食調理身體,亦都係亞洲領導地位。

你睇吓一啲上一代嘅韓國人,尤其阿媽級嘅女性,皮膚係非常之白淨、潤滑、緊致、冇色班。無論近睇定遠睇,皮膚都仍然係一種細緻,有一種好似白瓷咁嘅光彩, 充滿東方味。絕對比香港人優勝,香港同大陸嘅後生仔女,如果平時缺乏保養,好多都比人哋一下子K.O. ,都唔夠人哋一個幾十歲嘅女人皮膚咁好!

你仲要諗下, 上一代嘅韓國人,冇咁多醫學美容打針光療可以幫手,但係皮膚狀態竟然可以咁靚,美白,細緻,而且靚到年紀咁大,都仍然保持得到,真係靚足一世!

佢哋嘅秘密,可能就係來自古代,被譽為長生不老嘅神奇食物:人蔘。


人蔘,長生不老的美麗秘密?

由漢朝時代開始,韓國人就懂得利用「人蔘」去作為養生嘅食材。古代人甚至相信,能夠搵到罕有嘅人蔘,就能夠長生不老。

「人蔘」嘅對於健康、養顏、抗衰老嘅功效,係當地已經家傳戶曉。珍貴之處,係韓國歷史上都有記載。就算係兵荒馬亂嘅戰爭年代,人蔘仍然係少數有價值嘅貨物。以前,韓國政府甚至禁止民間私自種稙人蔘,因為呢一樣野係極之珍貴,能夠為庫房帶來收入嘅罕有農作物。

根據科學同埋考古學嘅研究,人蔘,喺韓國已經有超過二千年嘅歷史。亦都係亞洲區裏面最多人知道嘅草藥之一。人蔘英文學名,叫做Panax Ginseng,又或者會被稱為Asian Ginseng、Korean Ginseng、Asiatic Ginseng。當中嘅主要有效成分,叫做ginsengosides。同時,亦含有polyacetylenes。

古代韓國人,會利用人蔘呢一種神奇嘅農作物,去「補氣」。即使係現代南韓社會,亦都有好多人會繼續進食呢一種補品,相信可以增強免疫力,抗衰老,甚至改善身體機能,提防抑鬱、性功能衰退等等。20幾歲, 30幾歲,定係40幾歲,都有抗衰老嘅效果!

現代科學研究發現,韓國人蔘,對於血糖、血壓等等都有一定嘅作用。科學家及醫生亦都研究,韓國人蔘對於抗癌嘅作用。最新嘅研究發現,呢一種植物,能夠改善免疫力,而「根部」、「莖部」、「葉」,都有藥用功效。都同樣有辦法可以達到消炎作用。

除咗「進食」人蔘之外,如果一啲「外塗」用嘅人蔘,究竟會唔會同進食一樣,有健康、美顔作用?一齊睇吓醫學美容專家有咩見解!


高價人蔘品牌,千元精華究竟值唔值?

一啲貴價韓國護膚品牌,包括Amorepacific、雪花秀Sulwhasoo、后Whoo、正官庄彤人秘Donginbi,都分別有使用「人蔘」精華嘅美容產品。

價錢相當貴,講緊,係港幣一兩千蚊一盒。一般市民難以負擔,而且好多都係限量版。

人蔘護膚品價錢,遠超一般普通嘅護膚品,比蝸牛面膜、24K黃金面膜更貴。

一般嘅高端韓國護膚品牌,都會強調使用嘅人蔘產品,都係經過為期「六年」成長,由生產到收成,要等足足六年,珍貴又最有效嘅極品「紅蔘」。

由種植開始,要等六年之後先可以收成嘅尊貴紅蔘,價錢梗係貴啦!就算蝸牛面膜,都唔需要等六年!

人蔘護膚品,除咗生產成本高昂之外,另一個原因,係因為真係有效。

最新醫學美容研究發現,Ginsengnosides RB1,即係人蔘嘅萃取物,對於因為紫外線引起嘅衰老,有少量作用。主要來自葉部份,都含有豐富RB3,之前有研究發現,連續使用八個星期,含有人蔘精華萃取嘅護膚品,有助改善皺紋程度。所以,人蔘美顏,有一定嘅科學根據。

呢一個只係科學研究發現嘅開端,醫學美容專家及科學家,仍然繼續尋找,人參對於美顏尚未被發掘嘅價值同作用。


韓式facial,人蔘經典

香港有幾個地方可以做韓式Facial ,包括Oasis Beauty、Sulwhasoo Beauty Lounge等等。但係,相比起我今次真係使用超高濃度人參原液,又係另一個層次。

講返我近期試過嘅一個韓式人蔘Facial,係朋友開嘅美容中心。人蔘產品本身來自一個我都識嘅common friend,一個韓國美容業界專業人士。佢自己同佢太太,喺首爾同南京都有經營自己嘅美容中心,而且相當成功。之前我朋友幫佢喺香港打點咗一啲私人嘅投資事務,而且個結果幾好,令到大家都搵到錢,皆大歡喜。之後韓國Oppa(我仍然會叫佢做Oppa因為年紀雖然大,已經40歲以上,但係keep得好四正,頭髮密之餘仲幾大隻,極有韓劇Oppa feel)問我朋友有冇試過呢一種生長在韓國,極珍貴人蔘精華油。因為係國寶,應該試吓,就送咗一盒3樽作為禮物。

如果係一般嘅護膚品、精華,其實自己有錢都買得到,但係採摘自天然,高麗人蔘嘅高濃度原液,就唔係咁容易係市面上買得到。

作為BFF,我朋友都keep咗一小樽韓國嘅人參萃取物,轉送俾我。前幾日天氣轉乾燥,我去佢工作室做facial嘅時候,就有機會開來使用。一用,真係不得了!

一般韓式Facial嘅蝸牛面膜、綠茶植物精粹面膜,滋養同修護程度,完全無法比較!

我之前都用過韓國製造人參美容產品,但係,真正嘅人參萃取高濃度精華液,係完全另一個境界!

精華本身,包含咗真正嘅韓國高麗人參萃取,天然嘅古方藥材香氣,係獨一無二,貴重山養人參嘅香氣。

每一滳,都蘊含着陽光、空氣、雨水、天地嘅精華,隨着朋友美容按摩師嘅手法,滋養面部肌膚細胞。因為佢加入咗軟化皮膚成份角鯊烯,加強滋潤,絕對適合天氣乾燥寒冷嘅秋天使用。

人參精華油經過按摩吸收之後,令我面部光澤、紅潤,氣血相當好。皮膚澄現淨明,光亮,健康狀態。

當然日常保養,同打針不同,唔會一次有即時變臉效果。但係,能夠吸收得到呢一種天地嘅精華,都係一種身心舒暢體驗。

當你活到某個年紀,就會開始愛自己,就不會再隨隨便便地無故節食,或者忽然受醫美廣告影響,大量注射filler狂打botox,又或隨着潮流過分整容。

千帆過盡,鉛華洗盡,下一步,就是返璞歸真。

當你累積了一定的智慧,你就會由健康出發,希望有健康的身體,健康的心境。你就會開始養生,開始去尊重生命——你的生命,你獨一無二的生命。


如何購買人蔘護膚品

今次我試用的韓國高濃度人蔘精華,不是製成品,是原液,是私人送贈限量品,所以我也不知道怎麼才可以小量回購,我要再follow up一下。

如果有興趣,以下在港韓國牌子也有人蔘面膜、精華發售,你可以自行查詢一下:

Amorepacific
Lyanature
Whoo
雪花秀
彤人秘

有興趣嘗試做全新韓國美國機,各種V面、美肌、逆齡療程嘅朋友,可以直接以試用價到尖沙咀Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)














打開內容

2017年10月11日 星期三

【醫學美容】Facial推介2020及最新facial價錢統計

10月 11, 2017
好多人PM問,有冇一啲服務高質素,用料高級,抵用又唔會hard sell美容院facial推介。其實之前私訊已經推薦咗人氣高端SWISS REJU同另外幾間。


打開內容

2017年10月7日 星期六

【醫學美容】韓國醫美神器Omega Light教學及真假貨踢爆!!

10月 07, 2017
韓國人皮膚好是常識吧!韓國人對於研究改善皮膚狀態,美白,保持緊致樣貌,簡直係一種國民信仰。美容業界近期都好流行,一種來自韓國嘅光療醫學美容儀器,據說,可以改善色斑,減少暗瘡,令到皮膚更加美白,同時,亦都令到醫學美容產品更加有效吸收。

近期喺香港同內地醫學美容中心非常流行嘅韓式美肌光普儀,叫做Omega Light。Omega Light簡直係一個旋風,甚至顛覆「光療美肌」俾一啲高價錢嘅醫學診所、醫學美容中心壟斷嘅情況。而家,即使普羅大眾,都可以用¼甚至更加平嘅價錢,享受得到呢一種相當有效,能夠激活細胞嘅醫學美肌療程。


Omega Light究竟是什麼?

Omega Light,又名韓國PDT光譜儀,係一個以光療作為原理嘅美肌機器。佢嘅形狀,就好似一個白色嘅梯形,顧客只需要喺呢部機下面,瞓喺度大概20分鐘時間,面部輪廓就可以吸收到287粒光源,唔同光波段發出嘅能量。Omega Light裏面會發放不同波長美肌光,由於波段不同,顏色亦不同,從而激活細胞。

 



Omega Light唔同嘅美容中心有唔同嘅名,好似銅鑼灣嘅奵屋,就叫呢個韓國Omega Light叫做rebirth peel。其他地方,就叫做PDT光普儀、韓國七色光、LED紅藍光美容儀等等。

日日美容、用韓國美白、日本mask、打botox、電波拉皮、blue zone diet、low carb diet減肥、有氧健身、weight training……美容,係一件好忙的事!究竟仲有冇時間,有冇需要,去試一部聲稱來自韓國嘅Omega Light?究竟呢部機係咪真係咁犀利?

韓國Omega Light呢部野,我真係要推薦比大家,真係有效!

韓國皮膚及醫學美容中心,都會有一啲紅外線等光療儀器。相比起傳統嘅面膜,光,能夠穿透表皮層,到達真皮層,從而令到細胞生長,改善皮膚狀態,絕對比一般只能夠停留在嘅精華、面膜、護膚產品,更加有力改善真皮層狀態。

之前我哋都同大家介紹Neutrogena面膜機嘅時候都介紹過,紅外線光療對於改善皮膚狀態,的確有一定嘅幫助。係醫學嘅角度上面,光,的確對於皮膚有作用。但係先決條件,就一定要吸收正確嘅光。一啲有害嘅光線,例如紫外光,不單止對皮膚無益,更加甚至會提早老化!所以,醫學美容上面用嘅光,一定要經過嚴格嘅選擇同埋測試,先至可以正式使用,先得到醫學美容嘅後果。

今次介紹嘅Omega Light,相比起上次嘅Neutrogena面膜機,無論係光療LED嘅數目,定係使用複雜程度,都更勝一籌!簡單講,上次係介紹家用版,今次係一個醫學美容中心嘅專業版。

 
(網上圖片)


Omega Light醫學美肌原理

韓國Omega Light能夠發放四種不同波長的光,分別有唔同作用。第一種,就係紅光,640nm。作用,就係令到膠原增生,同時減少引致暗瘡嘅細菌。第二種,就係藍光,423nm。引致皮膚出現暗瘡嘅細菌,非常之害怕藍光,藍光對於佢哋嘅生長,係好不利。所以當機器發射出藍光嘅時候,就會令到皮膚嘅暗瘡細菌收斂,同時亦令皮膚減少暗瘡。

Omega Light另外兩種能夠發放嘅光波,就係nm532綠色光,綠色光,能夠抑制黑色素形成,多次使用,就會達到美白效果。而最後一種光,就係黃色嘅光。583nm一個波長嘅光,能夠改善敏感肌膚。

一部機,有睇幾種美容美肌效果,而且光學改善皮膚,喺醫學皮膚原理上係的確可行,又好難怪Omega Light短期之內已經爆紅!

Omega Light自從喺韓國生產之後,熱潮席捲亞洲不同地區,無論係韓國、香港、大陸、泰國都有粉絲!當地嘅生產商,係O'Melon一間中國韓國合作研發嘅公司。O'melon喺韓國有佢自己嘅生產基地,專門研發一啲醫學美容嘅儀器,與及面膜等等。公司喺中國內地都有唔同嘅生意,都係主力醫學美容等等嘅產業。如果你對於韓國美容行業唔係太認識,可能就會覺得同大陸合作,究竟好唔好,是否可信。但係其實韓國因為地理、經濟發展歷史原因嘅關係,好多時都會同中國內地合作投資、研發、人才交流。好多韓國人,識講普通話仲多過英文!所以個網站見到簡體字,我都唔會大驚小怪。呢部機研發人員中間有韓國人同埋中國人共同參與,本身唔係問題,最大問題,係因為呢部機實在太正太好用,假貨A貨,已經攻陷美容業界! (下面詳細解釋)


彩色光,彩光,激光

美容中心彩光、激光美容儀器,價錢都唔平。大家都知道,即使係一啲好普通、冇乜特別嘅美容中心,做彩光激光,你冇千幾到幾千蚊一次都唔得。Omega Light就屬於價錢較低嘅光學產品。大部份嘅美容中心,醫學美容診所,收費都係$200- 300左右。相當之經濟。

嚴格來講,Omega Light能夠發放出唔同顏色嘅光,但並唔屬於傳統定義上嘅「彩光」。因為係醫學上嘅激光同彩光,係波長上面有一定嘅指定範圍。並唔係彩色,就叫做彩光。Omega Light運用彩色嘅光,但係如果以嚴格嘅醫學方法定義,佢唔同於彩光,兩者各有不同。Omega Light呢一部韓國美容儀器最主要嘅光能量,係能夠深入皮膚大概6mm,改善皮膚問題,但就唔會好似激光一樣,有脫毛嘅效果。

去做「激光」或者「彩光」醫學美容,都係希望令到自己樣貌更加年輕、緊致、美白、並去除色斑疤痕等等不完美嘅地方。同大家講講下,有關於激光去斑、去疤痕、醫治凹凸洞要注意嘅地方。

近期最多人講嘅醫學美容療程,除咗HIFU,就係激光。醫學界對於激光嘅使用,已經有超過十幾年嘅經驗,包括用激光去除面上嘅色斑、激光去疤痕等。1064、1550一類型嘅激光,可能大家都聽過,但係,究竟呢啲數字其實代表乜嘢?


激光不同彩光,亦不同Hifu

好多人對激光、彩光、HIFU等等嘅能量醫學美容療程,都有興趣去了解,但同時,佢哋中間有乜嘢分別,又好似傻傻分不清!好多人都聽講過,激光可以幫助去斑、美白、甚至清除疤痕、改善凹凸洞。究竟,激光嘅運作會係點樣?做醫學美容療程之前,有乜嘢要注意?同大家一次過解釋激光要醫學美容。

如果你正在考慮激光嘅美白、去斑、去疤痕等等療程,就要首先理解,激光係醫學美容中間嘅運作原理係點樣。

激光本身對於皮膚,有「破壞」嘅作用。而係醫學美容上邊,激光最主要用嚟破壞黑色素,不同嘅激光係會有特定嘅波長。你有時係醫學美容中心聽到嘅所謂nm,其實就係nanometer,即係波長嘅單位。

其實激光本身,可以對付以下嘅皮膚問題,改善外表:

585 血管增生
755 毛囊、表層色斑
1064 毛囊、表層色斑
1550 疤痕、毛孔、組織

唔同嘅激光波長,有唔同嘅作用,所以如果你有興趣了解激光對於去斑、去除疤痕、美白等等嘅作用,就要首先了解佢嘅運作,否則,用錯咗激光,就搭唔到想達到嘅效果。



你去嗰間美容中心,Omega Light係唔係真貨?

過去三四個月之內,香港銅鑼灣、旺角、尖沙咀同元朗好多美容中心,尤其是中小型嘅美容中心,都入咗Omega Light呢部美容機(包括真假)。

Omega Light相比起傳統嘅韓國、美國大機,E-light、Ulthera、Thermage、U One等等較為複雜高端,需要專業培訓或者醫生使用嘅醫學美容儀器,Omega Light呢部機嘅價錢平好多,而且,效果都幾明顯,快快已經見到有效,啲客見到都好開心!

但Omega Light呢部機有好多假機!而且已經攻陷左香港!各位巴打絲打真係要小心!

 

(網上圖片,拍攝時間地點不明。真正嘅Omega Light係韓國生產。假貨,係大陸生產)

點解我要特別同大家講下假機呢個問題呢?因為啦,光學美容其實真係有效,但係,用乜嘢波長,係好重要。因為,對於皮膚有害嘅紫外線,其實肉眼睇唔到!如果用錯機,好難保證你接受嘅波長,究竟係唔係真係原本皮膚專家設計嘅波長,你肉眼,根本係分辨唔到。有可能,你只係吸收左好多加速你老化嘅光波!


Omega Light係唔係真係韓國貨?

之前同一啲中介代理傾過,知道原裝正版入口嘅韓國既Omega Light,同埋大陸做嘅假Omega Light,價錢分別係幾多。亦都有一啲係來自大陸,外表同Omega Light非常相近嘅內地品牌例如Kadas。其實,兩者價錢都唔算貴,當然,假嘅,價錢只係真嘅¼左右,但係真機直接由南韓入口本身都唔算貴,以佢超卓嘅功能來講,簡直係超平。我真係唔明白,點解有啲黑心美容院,永遠都要搵黑心錢,做一啲傷天害理嘅事。

但其實,我知道點樣分辨真假貨,但係我唔想提醒一啲黑心店店主點樣扮真機。如果大家真係有興趣做Omega Light呢個療程,你PM我,我會教你點樣分辨。


 

有興趣嘗試做Omega Light、全新韓國美國機,各種V面、美肌、逆齡療程嘅朋友,可以直接以試用價到尖沙咀Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)




打開內容

Related

Post Top Ad