【醫學美容】Deirdre水光針面膜的驚人真面目!慎入!

1月 02, 2016



上回講到水光針不是什麼新的醫學美容玩意,因為水光針根本不是一種新的藥物,它只是一種注射方法,將市面上流通的透明質酸、肉毒桿菌較為平均地注射入面部皮層。所以當市面上突然出現一種聲稱是「水光針面膜」的美容產品時,我都O咗嘴。今次就特別深入研究水光針面膜這個產品!

我經常提到,追求美麗變靚啲,係需要用腦的。如果唔懂得獨立思考,用科學精神去鑒別同求證,只會不停中伏!尤其係香港太多其心不正的美容丐幫、劣質美容blogger ,將一些毫無科學根據的產品同醫學美容服務推銷,浪費大家時間和金錢,搞到爛面、皮膚敏感、或其他皮膚後遺症就更麻煩!

當香港水貨美容市場出現一些聲稱效果比打水光針更利害的「水光針面膜」,我就好懷疑佢嘅效果。畢竟,水光針本身已經是over-hyped ,呢隻面膜竟然聲稱比佢更利害,真係令人好好奇究竟係真係假。

水光針面膜大解構

現時在網上炒得最火熱的兩種水光針面膜,分別是來自韓國的Deirdre和Dr Althea。今日就集中講下第一種。

叫得自己做水光針面膜,我都想知道佢係唔係同水光針有好多相似的地方!好多美容打手係咁吹Deirdre水光針面膜有幾好用,又話裏面有botox肉毒桿菌等等。

如果下次再有人向你推銷水光針面膜,你應該問清楚,究竟水光針面膜的成份係乜嘢?最奇怪嘅係,到而家生產商都冇乜宣傳過裏面其實究竟有乜嘢咁巴閉嘅「水光針」成份。

一啲大型品牌嘅產品,都會特別註明新升級成份係乜嘢。例如Olay會提及「新升級成份Olivem」,SK II會提到「Pitera」。但係Deirdre水光面膜,背後根本冇用中文或英文著名成份, 而一些格仔鋪、零售商就自行解釋,話Deirdre裏面會有botox之類嘅肉毒桿菌! ?

做人最緊要有腦!你知唔知道botox肉毒桿菌係香港受管制藥物,必須要經過註冊醫生售賣。任何人擅自售賣受管制藥物,係會有刑事責任,包括坐監2年!早排政府先至係旺角拘捕非法售賣受管制藥物嘅藥房。奉勸一些網店,真係唔好口輕輕,隨便話產品裏面有Botox藥物成分,以免被罰款同坐監!

當然,Deirdre成分包括Botox呢個只係個別零售商失實商品說明,並唔代表生產商或代理一定有作出相同嘅承諾。不過,就算我當佢真係有botox成份,任何對藥物有少少常識的人都知道,botox需要注入皮膚組織內,令肌肉組織放鬆,才會有拉緊的作用!(如果唔明白肉毒桿菌點解要放鬆才可以拉緊,可以自行作出醫學研究,有很多醫學期刊都有介紹過這個原理)敷在皮膚上面表層的嘅botox肉毒桿菌面膜,根本不能得到任何拉提作用。

咁,究竟水光針面膜有冇透明質酸呢?

解答呢個問題之前,我會想先講解透明質酸嘅用途,與及科學化咁解釋一下,透明質酸對肌膚嘅功效。透明質酸有兩種用法,一就係從表皮塗抹;第二就係注射入皮膚入面。

好多香港人對於透明質酸係一知半解,如果用外塗的方法,透明質酸可以暫時地令皮膚吸取水份,令皮膚睇起嚟更加飽滿,而皺紋會暫時性地沒那麼明顯。然而外塗透明質酸絕對不能和用注射方法嘅透明質酸相提並論,前者嘅效果絕對不及後者來得迅速明顯。醫學界並沒有發現除了暫時性的水潤之外,對於外塗的透明質酸對於改善衰老有任何功用。

好啦,我而家就講返水光針面膜裏面有冇透明質酸呢個問題。根據很多買家的商品說明,佢係有嘅。但如果產品只能夠有非常暫時性嘅功效,有同冇有咩分別呢?

說好的水光呢?


Deirdre水光針面膜大起底

Deirdre面膜係香港係由一間叫做Carrie Carries嘅公司代理。品牌本身都有一個疑似係韓國嘅官方網站,驟眼睇好似好正常合理,睇真啲就發現一啲奇怪嘅事情。

如果作為一間有規模嘅化妝品護膚品公司,佢嘅品牌網頁必定經過精心打理。但係呢個公司嘅網站手機版,不單止有很多仍在建築中,仲有未完成死link,佢嘅英文文法簡直是錯到不得了!

令人不禁懷疑究竟呢間公司究竟有冇規模!

究竟佢係韓國品牌,定係其他國家品牌而喺韓國製造?在香港的代理網站Carrie Carries聲稱,這個品牌嘅面膜係韓國製造。但係韓國製造並不代表是韓國品牌,因為如果佢係韓國品牌,不多不少在韓國的美容界、傳媒都應該會有提及過這個牌子吧。如果代理能夠提供更加多的資料,例如Deirdre品牌成立日期,水光針面膜主要成份,在韓國的銷售情況等等,一定能釋除消費者的疑慮。

任何有規模的美容機構、化妝品公司都會有清楚啲名自己的企業地址與及零售點地址。係Deirdre官方網上竟然沒有提到地址,真係好離奇。

如果你有想知道究竟Deirdre水光針面膜係唔係韓國品牌,你就應該上南韓嘅搜尋網站,睇吓搵唔搵到韓文內容,有沒有提及過這個牌子。在韓國成千上萬的美容博客裏面,如果都無乜人知道Deirdre這是什麼牌子的話,係唔係有點可疑呢?

大家有冇留意到Deirdre呢個牌子嘅水光針面膜,好似只係網店、Instagram shop發售,一些對於vendor supply chain同產品成份有嚴格要求嘅零售店大品牌例如屈臣氏、萬寧等等,你又見唔見到有出售Deirdre?可能有都未定,我真係孤陋寡聞,暫時都未見到。


水光針vs水光針面膜

在一些網店、美容博客分享,甚至有人誇張到形容呢盒Deirdre面膜效果可以係打水光針嘅三倍!我好想知道,根據商品說明條例中效果三倍係邊方面三倍?係美白三倍?係滋潤三倍?係淡斑三倍?定係老吹?美容博客寫完一大堆廣告文之後,求其加一句「此乃個人感受,一切後果恕不負責」就可以置身事外?唔好意思,我真係好鄙視你囉。

水光針面膜事件,引發好多問題同疑惑。



【醫學美容】驚嚇!家用HIFU機大踼爆!如何分辨真假HIFU教學


【美髮】屋企也可以做出$2000高級SALON護髮效果!好用洗頭水護髪素推薦,及 拆穿「無矽」的秘密

【美容】平價好用護膚品推介:如何用超平批發價錢購買專櫃產品

【美髮】所謂嘅專業級洗髮護髮!?GOLDWELL KERASILK TREATMENT香港自費測試

【美容】GLAM BEAUTIQUE @ AEON STYLE日本藥妝店香港康怡分店初體驗

【醫學美容】美魔女美魔男年輕的秘密!?COENZYME Q10與白藜蘆醇 RESVERATROL:超強抗氧化美容功效與副作用

【醫學美容】彩豐行真係好用?定係低檔山寨貨?平價彩豐行不為人知的震撼內幕!

【醫學美容】醫生推薦!醫美級ASCORBIC ACID左旋維他命C精華液美顏功效,正確 用法與誤解!DERMACEPT BY DR ZEIN OBAGI C10自費試用


更多有關醫學美容的原創研究,請按這裡

2 意見

  1. 非常認同你對呢款全城熱爆mask既點評,我都有上過佢地所講既官網睇過,真係得一版係有字,其他page全部入唔到去。去韓國旅行果時,當地人係完全冇人識呢隻牌子,所以呢間代理所講既呢個韓國品牌既真確性是否屬實,就要各清費者自行定斷啦!

    回覆刪除

Counter

Flickr Images