美容院減肥機有冇伏?詳細分析冷凍溶脂有無用 (2022最新資料) - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2022年3月25日 星期五

美容院減肥機有冇伏?詳細分析冷凍溶脂有無用 (2022最新資料)

美容院減肥機


美容院減肥機熱潮席捲全港,無論係貴價的大型美容連鎖店、中型的醫學美容診所、甚至單次收費的小店,美容院減肥機都有一定的捧場客!但究竟點樣做先至會有最好最明顯的減肥效果?美容院減肥機操作原理係點樣?點樣去分辨大陸平價貨VS美國超高端機器?對於不熟悉美容院環境和銷售手法的減肥絲打來講,點樣去防止中伏?就會為你詳細分析,以免你去錯美容黑店用錯機招致損失。


美容院減肥機越平越好?你要睇清楚產地!

講起做機減肥或者減肥療程,第一件事要提醒大家,就係千祈唔好貪平!尤其係好多所謂的平價減肥療程其實當中有好多問題,而家就會慢慢同大家解釋究竟係點樣運作,點解部份美容院減肥機可以好平,但係另外正當嗰啲又會加錢好唔同?

首先,教大家先睇產地。好多大陸機器雖然價錢比較平,但係其實有安全隱患。

現時香港好多美容院都有提供減肥機,不過大家要小心分辨這些機器的生產地與及安全證書等等。不是所有美容院減肥機都具備正當的安全證明,尤其係所謂平價的單次收費美容中心、工廠大廈美容院。好多都係有問題的次貨同國產貨。價錢收費極平的減肥療程其實都係用大陸平價機器。

國產機和外國紀錄片有什麼分別?其實最主要在於CE/KFDA/FDA安全證書。

如果講起做機減肥,最正當的美容院減肥機應該來自以下幾個國家:美國、英國、日本、南韓、以色列,大型品牌減肥機的生產基地都係位於以上國家。

如果想更加精準去認識不同的機器生產商,美容院減肥機比較出名的品牌包括:Pollogen、GTG Wellness、Cluederm、Allergan Zeltiq、Eunsung、K1 Med、BTL等等,都係英美日韓公司,具備歷史背景以及一定規模的美容院減肥機生產商。

中國大陸亦有生產美容院減肥機,但由於中國大陸生產的減肥機大部份沒有向美國FDA、韓國KFDA、歐盟CE等等有關方面申請安全證書,所以安全程度及監管方面係會有一定的不確定性。不一定每次做都好危險,但係可以肯定就係未通過國際級的安全認證。有沒有產生副作用,幾時產生副作用,會產生什麼副作用等等,國產機器由於缺乏安全認證,可以話係博下博下,各安天命。老實講這種缺乏安全保證的療程,只能夠在收費極低的市場找到生存的空間。香港稍為有少少規模的美容院其實都不會入手這類型的中國大陸機器。只有價錢極低的工廠大廈美容院、單次收費美容院等等先至會退而求其次購買這類型的機器。

以前未有日本韓國美容院減肥機之前,做機減肥好多時需要倚賴美國和英國的機器,價錢真係好貴,因為一部機都講緊超過50-100萬港幣!所以當時減肥機都係一種貴族活動。不過自從日本、韓國等地都有生產具備國際安全認證的美容院減肥機之後,價錢就變得比較親民。現時香港較為有規模的醫學美容診所、美容院使用的減肥機,就去來自日本和韓國。

日本和韓國的減肥機,價錢屬於中價,介乎英美同中國之間。既有英美等地的技術與及安全認證,亦都有亞洲方面的成本優勢。可以話係一個不錯的開始。


美容院減肥機有冇伏?

對於市面上的做機減肥服務,網上的反應可以話係不一,有部份網友覺得做機減肥效果超好,亦有人試過美容院減肥機之後,就覺得好似感覺麻麻地,好似中伏。

點解有部份網友覺得美容院減肥機有問題?好多時係因為銷售經驗與及期望管理的問題,導致同預期有落差!

相信你問10個網友, 10個都未必會好仔細咁去閱讀產品說明書。就算你自己可能而家用緊個iPhone,都冇去好細心地閱讀說明書。通常都通過自己的直覺去試吓,而大部份的電子產品其實使用介面都幾清楚,即使冇閱讀說明書都能夠使用。其實做機減肥都好相似,如果真係要了解每一個功能、如何獲得最佳效果等等,係需要通過閱讀有關方面的官方資料去獲取第一首資訊。雖然作為美容院的顧客,一般人都未必有機會可以閱讀減肥機的說明書,但其實好多美容院減肥機生產商都會有將產品資料放上網,以上的資料其實係可以公開免費閱讀。不過現實係,睇嘅人其實唔多。

不少參加美容院減肥機療程的朋友,係純粹依靠網上廣告與及美容中心的顧問去提供有關的資料。

顧問主要工作係銷售,難免有時會將美容院減肥機的優點效果和好處誇張化,亦都有部份參加者本身抱着不切實際的期望去購買療程,認為花咗錢就可以一個星期減走20磅,當然都會出現落差的問題。

另外值得留意,就係之前亦都有海關破獲案件,有不法的美容院用冒牌減肥機欺騙市民,呢一點要自己值得留意一下。價錢太平的,多數都有伏。

如果要真係做到美容院減肥機有應得的減肥效果,你仲要首先去了解當中的操作原理。


美容院減肥機操作原理

可以在無需運動的情況下,躺平減肥,聽落去真係好吸引,但係其實究竟實際操作係點樣?點解這類型貴價的美容院減肥機可以做到躺平減肥的效果?其實答案係來自「高能量」。

美容院的減肥機通常使用特定的集中高能量,例如高能量聚焦超聲波HIFU、極低溫的冷凍能量、集中的高溫熱能能量、1064nm高密度激光能量等等的方法去刺激和改變脂肪的狀態。因為脂肪細胞其實係怕冷亦都怕熱,極端的溫度與及光學刺激,就會令到脂肪細胞出現分解及狀況改變的情況。經過極端能量處理的脂肪細胞,有部份就會受到破壞,亦都有部份會縮小,這些都會經過自己的新陳代謝排出體外,做到定位減走脂肪的效果。

以下所介紹的科技,就係通過醫生與及醫學美容權威研究機構確認可以改變脂肪狀態的能量。如果要長期的減肥效果,減肥機必須要屬於以下幾種能量模式的其中一種:


熱能能量 Thermal Lipolysis

低溫冷凍能量 Cryolipolysis

激光能量 Laser Lipolysis

電磁波能量 Electro Magnetic Field Lipolysis

物理壓力能量 Mechanical Massage Lipolysis

不同的能量模式使用方法有少許出入,可以見到效果的時間亦不同。實際需要的時間亦會因應使用者的新陳代謝快慢等等而有出入。

當然以上的原理解說係比較簡單,實際操作方面就會複雜10倍。所以千祈唔好嘗試喺屋企攞一個冰袋、或者隨便買個暖包就去嘗試作出以上效果。如果使用的比較高的溫度去破壞脂肪細胞,係需要在皮膚表面上進行適當的溫度處理與及冷凍,以確保不會出現高溫受傷或者灼傷的情況。當中使用的技術是需要確保不影響原本的減肥功能,但同時亦都會保障參加者本身的安全,所以其實係有一定的複雜性。亦都可以講解到點解美容院減肥機價錢其實比較貴的原因,係因為科研成本本身都貴。而且再去大型的英國、美國、日本、韓國有關方面的機構進行認證等等會涉及成本。



詳細分析冷凍溶脂有無用?

講起美容院減肥機,好多人第一時間就會諗起冷凍溶脂。冷凍溶脂的確係比較出名的減肥機,但究竟冷凍溶脂有無用?冷凍溶脂有什麼優點和缺點?做一次冷凍溶脂會有什麼效果?

只可以話冷凍溶脂有用但並非最新的科技。如果以相同的價錢去比較,其實市場係有不同的選擇。

之前香港的消費者委員會就做了一系列的測試去了解究竟冷凍溶脂有無用。老實講消委會對於冷凍溶脂的技術與及美容中心的具體操作評價不太好。對於冷凍溶脂這個技術的整體評價一般,認為主要有幾個問題。消委會對於冷凍溶脂的評價:

冷凍溶脂只能夠使用在特定的部位,並非一個適合全身減肥、減重的療程。

冷凍溶脂效果量度方法不夠科學,令到參加者無法肯定見到明顯的成效。尤其係部份美容中心只係使用「目測」、「自我評估」等等的不科學方法去量度冷凍溶脂之前和之後的成果,參加者其實冇辦法通過科學化的量度去肯定冷凍溶脂有用。

冷凍溶脂副作用有機會可以幾嚴重,出現脂肪組織增生的問題。

另外,香港的消委會亦收到一定數目的冷凍溶脂療程投訴,當中亦有消費者花費超過10萬元,進行了27次的冷凍溶脂療程,但仍然未能獲得理想的纖體效果。這些經過消委會研究調查之後的例子,已經間接說明了冷凍溶脂有無用。

當然,冷凍溶脂亦有一些成功的例子。相比起其他技術,冷凍溶脂可能已經屬於上一代的技術,可能會有一些效果,但現時的確也有很多其他不同的技術做到更好的效果了。

Related

Post Top Ad