【慳錢扮靚】嚴選5大隱世Beauty Outlets !2折執名牌平貨、批發開倉指南 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年4月12日 星期日

【慳錢扮靚】嚴選5大隱世Beauty Outlets !2折執名牌平貨、批發開倉指南



今日就講吓幾個平價變靚嘅方法!用大折扣價格購買SK ii、Armani、Dior、Ralph Lauren、Ted Baker。我已經全部掃晒貨!




中環,係香港嘅金融中心。亦都係眾多奢侈品、珠寶、歐洲皮具、六星級酒店所在。以為呢排會少人,點知可能大家都困係屋企太耐,人人要出嚟放下風,四季酒店The Lounge仲多人過平時!

Four Seasons竟然同我講已經全部滿晒full book。

其實疫對於香港經濟嘅影響,唔係一刀切,有啲人冇乜影響,但有啲人就真係食到應。

有零售朋友開始擔心,好似經濟正在攬炒!對於一啲重災區,零售、飲食、補習教育行業嘅朋友來講,可能感受會比較大!開始裁員、失業、減花紅、放無薪假!

我身邊大部份比較有錢嘅朋友同客人,可能平時有物業、股票收益,基本上都唔係太擔心。尤其是中上層果一班,事實上對佢哋來講,樓價、股價只係金錢遊戲,上上落落係屬於正常。只要一日唔去套現,「帳面上」嘅賺錢同蝕錢,其實唔係好大分別。有啲炒家玩足20幾年,有咩未見過。

但係唔係個個都咁好彩,有啲如果係做開重災區行業例如零售、飲食小生意,分分鐘手停口停!

咁係咪代表一定要過咗一種完全冇樂趣嘅生活?咁又未必。其實如果你識得點樣去慳錢精明消費,一樣用得好,活得美好。



疫市邊度搵起平護膚品:超平跳樓貨莎莎Outlet,有SK ii!

莎莎有個超神秘outlet位於旺角,專賣平貨,好多人都唔知道!呢個係一個限時限量嘅搶購中心,租約期滿五月就會關閉!所以大家如果有買就真係要快手!

我去睇過「SaSa散貨場」現場,價錢真係平到一個點!真係超級抵!價錢真係其他藥妝店嘅兩成到三成左右!

呢間莎莎旺角神秘outlet個地點有少少隱蔽,喺旺角銀行中心一樓,佢係限時經營,租約期滿就唔會再做,即係做到5月13號左右。

我親自去睇過,裏面都有唔少正嘢牌子,例如瑞士嘅高尚名牌Transvital(1 折)、SK-ii(約7折)、台灣信心之選Neogence (1折)、韓國大眾牌子面膜(5折)等等……個價錢真係市面上嘅1成到5成。







產品包括面膜、精華、香水、套裝產品、工具等等……價錢仲平過大陸同台灣!跳樓貨真係一生人都唔會見到幾多次,大家就買到真係要快!



地址:旺角銀行中心一樓

折扣:約2-3折

抵買程度:5粒星(最高5粒星)

最抵產品:Transvital 眼霜,真係好好用,而且執笠倉outlet價錢真係平絕全球!

租約期滿前就會完,只會做到5月13號




疫市邊度搵超平護膚品:尖沙咀Don Don Donki 

唔係啊嘛,Donki呢度竟然有護膚品?

係呀,仲選擇重好多啊, 好多日本牌子都有!

唔講都未必知道,其實Donki有專門售賣面膜、精華、香水、隱形眼鏡嘅專門部份。

Donki連家用美容儀都有!價錢幾十蚊面膜,到萬幾蚊嘅家用HIFU種類都有!

其實佢哋嘅價錢係會比出邊平大概兩成左右,即係大概八折到。咁另外仲有一啲香港其他地方比較難買嘅按摩機產品、皮膚檢測儀、家用射頻、家用HIFU等等。











當中嘅產品都幾多除咗有台灣Dr Jou、仲有日本FANCL嘅營養補充劑。當然係平過專櫃好多啦,應該係日本直接平行進口嘅貨品。

咁當然啦,Donki呢啲係近乎Aeon、日本城格局嘅舖頭,就唔好期望有啲乜嘢特別嘅服務。完全冇BA亦都冇Consultant 。唔會有人知嗰啲產品有咩功效,亦都當然冇試做。但係如果你淨係諗住去買貨,當係網購咁其實係一種選擇

Donki

地址:TST The Miraplace

折扣:約 5-7成市價

抵買程度:4粒星(最高5粒星)

最抵產品:FANCL營養補充品、所有面膜。



疫市邊度搵平貨:東薈城


東薈城Citygate Outlets絕對係值得大家入去嘅地方,因為佢嘅開倉價,真係同出邊嘅價錢係大出入嘅

裏面嘅化妝護膚品牌都唔太多,反而衣着鞋襪、打扮、包包等等嘅選擇就會比較多。Salvatore Ferragamo, Dunhill, Ted Baker, Ralph Lauren, Aquascutum, Dior, Armani 等。

東薈城嘅好處係佢係一個綜合娛樂嘅購物中心,除咗買嘢之外,亦都有足夠嘅餐廳、戶外空間。 當然疫症期間就唔鼓勵群眾聚集,佢呢度勝在比較廣闊,同埋接近東涌嘅新市鎮,如果之後想去一啲大嶼山嘅沙灘行吓,避開人潮,當中快閃買少少野係可以嘅。


東薈城 Citygate Outlets

地址:MTR東涌站

折扣:約 3-7成市價

抵買程度:4粒星(最高5粒星)

最抵產品:Armani




疫市邊度搵平貨:Carousell App

除咗一啲經濟基礎已經穩固嘅靚仔靚女,我哋都要關心一下一啲可能比較年輕,未算係擁有強大經濟基礎嘅大學靚仔靚女。

其實係咪話你有強大收入之前就一定要被迫用一啲藥妝店裏面嘅平貨?咁又未必嘅,其實有好多方法嘅!網上買水貨咪係囉!

相比起以前,而家購買水貨個折扣化妝品、護膚品,真係多咗好多啦。而且方便程度仲好高!

Carousell App本來只係用嚟買一啲二手產品App,未必係一個傳統嘅美容銷售平台。但係近年因為疫情嘅發展關係,令到好多都想慳錢嘅靚靚都會直接網上通過呢啲平台購物。Carousell買賣嘅美容產品亦都種類越來越多!

呢排好多美容中心、產品代理都直接上網賣,由於佢哋唔需要根據官方嘅建議零售價,價錢比較鬆動,折扣亦都比較大,通常會係市價嘅七成左右。

Carousell App老實講,如果經濟比較穩健嘅靚靚就可能未必係首選,因為始終裏面比較多即將到期貨品,假貨等等問題。冇辦法,一個開放式嘅平台如果冇QC,都一定會有以上嘅問題。

但係如果只係買少少野,而唔太貴,其實都可以接受。

俾個忠告大家, Carousell只係適合買一啲幾百蚊以內嘅零售美容產品,例如面膜、精華等等。

千祈千祈唔好喺Carousell 上面購買任何「美容療程」!點解?因為中伏率50%以上。之前有太多朋友同我講當中嘅問題,有時去都係hard sell黑店,有時又係用冒牌假貨,有時變成幾個鄉音唔正嘅內地女子開嘅恐怖工廈無牌美容中心!

地址:直接搜尋下載Carousell App

折扣:約7成市價

抵買程度:3粒星(最高5粒星)



疫市邊度搵平美容treatment :請教美容顧問同類醫學美容機器

其實只要你識得揀信得過嘅美容顧問,一樣可以用平時一半以下嘅價錢,獲取優秀醫學美容效果!

經濟收入有少少謹慎需要嘅時候,就最好搵一啲信得過嘅顧問,去了解邊啲療程有相同效果,但價錢冇咁貴。

舉個例,「單極射頻緊膚」有Thermage、Thermatrix、Dela、Futera Dots。美肌逆齡效用大同小異,但價錢可以相差幾倍。

一個價錢貴嘅療程例如Thermage FLX價錢係講緊萬幾到幾萬蚊。效能相似嘅韓國版本Thermatrix,價錢講緊幾千蚊。價錢係大概兩三折左右!

我哋之前都詳細同佢解釋過市面上最流行嗰幾樣療程,究竟中間有乜嘢分別,同埋點樣去考慮。有興趣可以睇返之前嘅超詳細比較敎學。

又好似好多人減肥嘅Velashape,你搵醫生打起碼5位數字找數,韓國嘅「熱光溶脂」ABAS SR 或Cluederm Refit,價錢係三份一。可以參考之前詳盡教學:http://www.onecaratbeauty.com/2019/05/vs.html

以前做一次擊非常普通嘅舊式O2,而家相同價錢,已經可以做最新最先進嘅太空水晶注氧O2 To Derm!

要改善口罩肌嘅問題,其實唔一定要打等離子,醫學注氧咪可以囉!價錢只係三份一。

有質素正當經營嘅舖頭,會建議顧客可以根據個人需要、經濟條件選擇用邊部機。

一啲有誠信嘅醫美顧問會話俾你知,一啲好似貴價嘅等離子療程,其實只係做一次效果冇乜!

與其你兩千蚊做一次冇乜即時效果嘅療程,不如購買一啲可以起碼做幾次,而且你又比較適合一般人膚質嘅療程。

其實你自己搵啲信得過嘅顧問問吓,虛心聆聽請教,就一定會獲得好多市場上嘅資料。

推薦中環SWISS REJU,直接WhatsApp查詢按這裏:https://bit.ly/2EdcPRJ

折扣:約3-5成市價

抵買程度:4粒星(最高5粒星)



反彈從四季開始

四季酒店The Lounge完全滿座,已經令人出奇。

我再打電話去其他酒店單位,竟然發現

St Regis Full Book!

Rosewood Full Book!

連想去Fortnum and Mason都竟然完全俾人訂晒!

其實經濟唔係真係想中咁差,只不過係消費信心嘅問題。

衷心祝願香港可以盡快健康,亦都希望各位靚仔靚女係呢個非常時期裏面仍然能夠好好活着,一齊V型反彈!





Related

Post Top Ad