【香港spa推介】Chuan Spa Cordis Langham Hong Kong朗豪康得思酒店川水療中心最公正自費評論

去過Chuan Spa Hong Kong很多次,每一次去Chuan Spa,身心都得到極大的回復和療癒。每一次,都像去了一個東方的夢境,一次靜心禪修旅行。(本文是自費評論,沒有受到任何品牌贊助或折扣)

Chuan Spa,名字靈感源於中文的「川」,是世界知名連鎖的水療中心,在澳洲悉尼、英國倫敦等地都有分店。香港的分店位於為朗豪坊酒店項目的41樓,佔地極廣,足足兩層。是香港最大的六星級水療中心之一。

隨著朗豪酒店改名康得思Cordis,朗豪坊酒店Chuan Spa Langham也改名做Chuan Spa Cordis,在酒店重新裝修之後我去過一次,可以肯定其超高水準的水療服務質素都是從一而終,令人如此難以忘記。

在香港又貴族又豪華的spa有很多,不過只有這裏,才有佔地超廣闊的靜修空間,與及極具東方色彩的裝潢。Chuan Spa Hong Kong是結合了現代設計與及古代東方味的獨特地方,在我心中,Chuan Spa永遠有個特別的位置,永遠無法取代。



當世界寂靜無聲之時

和其他的市區spa不同,去Chuan Spa是個獨特的「靜心」體驗。

今次去Chuan Spa的時候,已經是朗豪酒店完成裝修,正式改名做康得思酒店之時。水療中心位於酒店的41樓,於是我先搭電梯到到水療中心的接待處。

Chuan Spa最獨特的地方,在於一個字:「靜」。

當升降機到達酒店的41樓,踏進水療中心的時候,植物精油獨有的香味,瀰漫着乾爽的空氣,迎接每一個客人。微型小盆栽bonsai tree,散發出靜態的美感。


(東洋日式Bonsai 有靜態的美感,配合香薰燃點精油香味)



(Chuan Spa五行按摩精油,用上東方醫學的理論調製)



(「靜思茶居」是Chuan Spa Cordis Langham的特色之一)

和酒店大堂的熱鬧不同,在這個樓層,一切都是極之安靜,連職員行路與及說話,都是非常安靜,是為了人客可以心無罣礙享受一個絕對休息的環境。

再配合上Chuan Spa的東方禪修設計,令客人一進入水療中心的空間,已經心情平靜不少。

Chuan Spa獨特之處,就是在位於41樓設有一個叫做「靜思茶居」的地方,供客人在享受療程前後,都可以在這裏飲杯養生的熱茶,翻翻藝術雜誌,以及欣賞維港世界級的景色、香港聞名世界的天際線。這裏的景觀一流,九龍站ICC、香港站IFC、太平山一帶的景觀,這裏都可以用高角度去欣賞。「靜思茶居」沿用東方的設計,除了水墨書法,還有中國風的木製家具,提供熱茶的茶壺,與及酒店馳名的五行按摩油。

身處在這個完全安靜,不發一言的靜修環境之中,我的思緒也隨着環境變得平穩。

「靜思茶居」,接待員提供了熱毛巾和熱茶,然後為我講解了五行按摩油的不同功效,並提出建議。而我,已經決定將所有生活中的煩惱、焦慮、慾念、一切一切都全部留在Chuan Spa的門外。

在踏進水療中心的一刻,我已經決定要靜心無念地享受這一次靜心、養生、重生的療程。


在醒與睡之間,參透人生

Chuan Spa提供香薰五行按摩、熱石、herbal salt scrub、Thalgo Wrap服務,亦提供美容,主要是Thalgo同Venusfreeze的服務和產品。

酒店的更衣室裏面一絲不苟,除了地方廣大,裝修是一貫的東方精緻,也提供很多蒸氣steam room、風呂式洗浴設備之外,也有提供一個熱水池。

這種環境,有如京都或台灣的溫泉一樣,充滿着出國旅行的陌生感覺。

換上酒店浴袍之後,我就沿着樓梯,步行前往位於第一層, 40樓的spa center。雖然已經不是第一次來這裏,當我沿着走廊步漫走的時候,我仍然是懷着初次到來時的驚嘆和欣賞,因為實在太美了:古代中式的建築藝術設計,配以絲綢雕花的小沙發,與及水簾洞設計的室內瀑布,和燃點着微微發光的小竹燈籠。



(Chuan Spa內部東方古風)



(Chuan Spa幽幽的環境)




(東方風的樓梯,通往40樓)




(Chuan Spa的香木和香薰試用)




(Chuan Spa位於酒店40樓的休息大堂)



(提供甜水和熱茶)

當我到達40樓的休息室時,那種寂靜無聲與及幽暗燈光,令我進入心無雜念的境界。在這裏,真的沒有聲音,連我思想的inner chat聲音也沒有,只有遠遠傳來竹水池的流水聲,與及室內水簾洞的柔和水聲。

之前提到在Chuan Spa靜修大半日,絕對是一個發人深省的內在體驗。這個說法一點也不誇張,因為在按摩療程之前,按摩師也會和你進行一系列大概兩分鐘的的呼吸活動,和你一起用梵音OM,呼出你體內的緊張和負能量,達致身心平衡。

初次來到Chuan Spa,按摩師提議我們一起用聲音去達到身心平衡的時候,我也有一點點尷尬,像唱歌般發出聲音OM,真的能排出體內的負能量嗎?雖然有點懷疑,但是我也照做了,出奇地感覺好像好了一點。今次來到的時候,我也去做。

按摩時使用經過特別調配的植物精油,Chuan Spa的特點之一,就是使用了獨家配方,我客人不同的深深需要,選擇金、木、水、火、土五種不同的按摩油。(五行按摩油用玫瑰、茉莉、薰衣草、雪松等做成)

今次的按摩師,是東南亞裔,按摩手法特別純熟,她使用了根據我五行選擇的特別精油,在按摩前用噴霧創造一種特殊的香薰空間。在一室芳香中,我輕易地沉睡去。

每一次當我需要一個深層睡眠、徹底解放的時候,Chuan Spa這裏都可以幫助到我達到靜心、休息的效果。

在按摩療程當中,我的心情也由之前的疲累,變成平衡、愉悅。



(Chuan Spa Cordis / Langham Hotel 的東方幽夢環境)



(流水白石,流水潺潺有種迷濛的催眠效果)



(Chuan Spa「夢」休息室)


(Chuan Spa「夢」休息室)


按摩完畢之後,我就被美療師帶進了一個名為「夢」的特別休息房。這個休息房間有獨特的用途,就是讓賓客在全身按摩、舒展身心之後,有一個寧靜、舒適的環境睡覺與及深層休息。

在休息室之內,職員為我帶來了新鮮水果與及花茶。在這裏還有檸檬和香橙點綴的清水,散發着令人心怡的舒緩氣息。

Chuan Spa真的是香港最好的spa。不單止身體回復了,那刻意經營、絕對寂靜的環境,令人感受到不被事物打擾的安寧。

在世界無聲之時,一直被抑壓的情緒和想法,得以浮出、正視、釋放。

我倒了一杯帶着新鮮橙香味的清水,回味著生命的清甜之處。

不只身體排毒,心境也排毒。無聲,令人有機會傾聽內心深處,那經常被drown out的聲音。

在半夢半醒之間,我的心如蓮花,竟然開悟了。

世界上,有些事情不必執着,每個人要為自己的生命負責,卻無需要為別人的生命作出過多的干預。愛你自己,愛別人,當在某一些環境,你不知怎樣做的時候,就讓愛來指引你吧。

浴袍沾染我半乾的身體,與及按摩油的香味。

獨望著窗外世界的繁華,也無風雨也無晴,冷香如故。人情若比初相識,到底終無怨恨心,這麼年後我終於懂了。我,只有無限感恩。











Chuan Spa價錢

在價錢方面,Chuan Spa的價位實在相當抵,每小時的按摩療程 $1000有找,而且可以使用暖水按摩池jacuzzi、設備超級現代化的寬闊健身室、酒店天台泳池、休息室等等,絕對物超所值。而且,酒店久不久就會有一次promotion和groupon團購優惠,價錢會比平日更加平。可以自行上官網查詢。

http://www.chuanspa.com.hk/en/HongKong/



香港SPA推介




【男神】「上癮」網路劇未刪減+第二季有望解禁!?

你想看未刪減版的「上癮」嗎?期待第二季嗎?今天就深入探討一下,「上癮」網絡劇對於社會的影響。


(「上癮」網劇男主角「顧海」黃景瑜和「白洛因」許魏洲)


(超萌的因子!)



( 疑似是上癮第二季的場景)


傳說中的「上癮」網絡劇未刪減版

自從「上癮」網劇在大陸被禁之後,好多腐女、同志觀眾就四處尋找傳說中的未刪減版,尤其是第11集未刪減版在網上流出,出現好多令人心跳害羞的場面之後,就更加令到大家充滿期待!

在「上癮」的官方youtube頻道,就有傳說中的未刪減版。但內容都仍然是經過大幅度的刪剪,和超激情的原著小說比較,顯得到喉唔到肺,明顯不是最激的真正完全未刪減版。又有傳聞傳出,真正的未刪減版只會在付費DVD來推出,因為超激的劇情,尺度太大不能在一般的視頻網站播出。

在網上也有很多開始流出的未刪減版的片段,包括一些在第一次播出時沒有包含的。根據已經流出的網上視頻,可以推斷以下情節已經拍攝,極可能出現在最終的無刪剪版:

顧海綁架白洛因床上激情告白
第一季第11集,白洛因被綁在床上,亦被戴上手銬,戴上眼罩, SM的意味相當明顯。顧海強吻被禁錮的白洛因,被推開後,激情告白「我跟你睡在一張床上,就是因為想上你!」險被強姦的白洛因怒目而視。鬆綁之後, 顧海又一次強吻白洛因。

床上激情戲
第一季第12集,在得悉自己可能得了傳染肝炎之後,白洛因在顧海家中發愁。顧海利用這個機會,好言安慰,乘機而上。在家中霸王硬上弓,強制幫白洛因打飛機。

車震
第一季第15集,顧海在購買新車之後,在停車場新車內中出了白洛因,霸王硬上弓。

「上癮」網劇尺度很大,但各位觀眾要知道,這說到底也是一套連續劇,而不是四級同志GV。未刪減版的劇情應該多一點意識大膽,忠於原著小說激情的部份,但應該不會出現一些露骨的成人畫面。就算一些小說裏面的打飛機場面,都應該會用含蓄的方法去暗示,而不會直接裸露。


「上癮」美化性騷擾、綁架、強姦等犯罪行為?

在台灣PTT討論區、香港高登討論區,形象鮮明霸氣的總攻顧海,就得到很多網民的支持!其中霸氣求愛的方法,亦令到好多觀眾難以抗拒!

顧海嘅求愛方法,包括左語言性騷擾、綁架、禁錮、甚至霸王硬上弓!

這一點又要特別注意,因為這些在法律上都是完全不能接受的,其中已經犯了很多刑事罪行!強姦和禁錮綁架,絕對是要坐監的。

「上癮」網絡劇之所以被禁,其中的原因,是因為劇情過於激情,一些在AV或者GV的劇情,竟然可以當連續劇拍出來!

戲劇和現實生活不同,這些霸氣求愛方法,如果在現實生活實行,不單止犯罪,肯定會把對方嚇走,被當痴漢!

根據香港的電視廣播指引,不能拍攝一些助長犯罪的劇情,而如此原則,在香港的免費電視上看到「上癮」的可能性很低。因為即使是比較保守的原裝版,劇情都過激的,一般大驚小怪的師奶主婦嫌太過震撼,不能通過淫褻物品審裁處。如果要在香港看「上癮」未刪減版,除了找大陸的雲盤外,最有可能的,都是在一些盒子、收費平台上看到吧。

放學後趕著性交這些情節,其實現實生活不算特別,可能你都試過,但在什麼都要剪得乾乾淨淨的強國和大驚小怪的香港,當然是不能接受,所以「上癮」網絡劇被大量刪減是正常的。


「上癮」網絡劇爆紅嘅原因

無論是初次版或超激情的未刪減版,「上癮」網劇爆紅的原因,都未必只是令人害羞和心跳的激情情節那麼簡單。車震,都未必及心頭一震。更多時是因為以下的因素:


1 直男樣

「上癮」呢套劇火紅嘅原因,除咗柴雞蛋劇本之外,角色嘅設定同埋選角真係應記一功。因為突破左攻受、一仔同零仔嘅既有模式。「上癮」兩位男主角,一個係直男(白洛因),另一個係超直男(顧海)。同一般B L小說、耽美小說嘅設定唔同,兩位男主角並冇一個特別陰柔、感性、示弱,反而兩個都非常之man,係強強相遇。

選角方面,同原著小說一樣,兩位男主角都是直男樣。呢個設定唔單止吸引人鍾意陽光味比較重嘅同志,甚至一啲腐女群、一般思想稍為開放的觀眾都覺得可以接受。

台灣PTT網友說:「選角選太好了,因子雖然不是最搶眼的,但哀愁固執羞躁的個性,配上迷人的笑容,就想讓人好好疼他」

從「上癮」網劇大受歡迎可以睇到,始終無論係同志圈,定係社會主流,都比較鍾意陽光味比較重嘅男仔。


2 靚仔、高顏值

呢個世界好公平,社會主流直男人在各方面都有啲優勢,但一般來講,在樣貌方面,始終係gay靚仔比較多。靚仔多同志,是常識吧!

之前講過,「上癮」網絡劇嘅兩位男主角都係陽光型嘅直男樣子。導演喺選角方面,就真係落咗唔少功夫,因為一般的直男人可能樣子平平無奇,未必會引起腐女或同志觀眾好大興趣,佢之所以成功,唔止係因為揀咗兩個直男樣嘅男仔,而係因為佢揀咗「大隻、靚仔、高顏值」嘅直男。


3 寫實心理描寫

「上癮」小說和網絡劇,當中的心理描寫和行為非常之像真,其中兩位男主角不打不相識,互相整蠱,繼而產生複雜微妙的感情,當中的互動過程,交流,對話,思想,絕對絲絲入扣。絕對是近年的上佳作品之一。

顧海經常捉弄白洛因,其實和一般直男會用一些整蠱、戲弄心儀女孩的方法去吸引人注意自己一樣。這和傳統同志的互動模式有所不同。而作者將這種微妙的行為模式都表達出來。閱讀「你丫上癮了」小說和看「上癮」網絡劇,就如親歷現場,角色非常立體化活現眼前。


4 令你回想起當年的純情

「上癮」網劇,基本上是一套青春校園劇,只不過主角都是男孩子而已。

這套劇就像「那些年」、「我的少女時代」一樣,勾起了大家對於青蔥年代那些純純的愛的嚮往和回憶。

在這個虛偽自私殘酷的成人世界,有一個不惜一切地愛你的人,和你不惜一切地接受愛的勇氣,在成人的世界裏面基本上已經變得非常罕有。

有學生時代轉化成成人時代,當中的轉變有好的也有壞的。而作為一個男同志,所以要面對的成長和衝擊,比一般人更加多更加大。就好像圈中人的以貌取人,性濫交,藥物……

之前有一個有關「上癮」的劇集觀後感寫得特別好,,得到超過1000個正評,其中一句就是:「多點勇氣和耐心,少點浮燥和慾望……別被光怪離奇的圈子嚇成一個猥瑣又市井的人」。雖然我從來不覺得猥瑣是同志專利,但也是講得相當好。

「上癮」網絡劇的一天真性情星斗,正影照着一地虛偽江湖。


看「上癮」看到有抑鬱症?

之前有報道指,有的些觀眾因為太過投入「上癮」這套網絡劇,導致不能抽離自己,亦同時將自己的遭遇,與劇中人的遭遇比較,自然感到比不上戲中主角的情深,越想越灰暗的情況下,患上抑鬱症!等不到第二季了,就直接看小說吧。當中的劇情相當之重口味,就算拍成電視劇,也不知道能不能播出,因為尺度實在太大了。


推薦:【男神】「上癮」小說:第二季劇透、超激情H場面率先看





【男神】「上癮」網絡劇最完全介紹(香港特別版 )

改編自柴雞蛋小說「你丫上癮了」嘅強國hehe網絡劇「上癮」,我一口氣睇完左。每集只係二十分鐘,共十五集,極速咁睇完。而家唔單止主角上癮,我都上咗癮。「上癮」喺大陸已經禁播,全面下架,不過越禁,就越多人睇!

未睇嘅人,如果唔想沉溺喺甜蜜,放閃愛情嘅氣氛裏面,就千祈唔好睇!




(上癮網絡劇已經累積左超過億計嘅點擊率! )


點解你要睇「上癮」?

「上癮」呢套網劇,主要講述兩個高中男仔「顧海」同埋「白洛因」之間嘅BL hehe愛情故事。

「上癮」網絡劇,並唔適合以下人士觀看:

1:唔鍾意笑,唔鍾意青春年代嘅熱血、汗水與歡樂嘅人

2:唔鍾意偶像劇,唔鍾意搞笑浪漫喜劇嘅人

3:對於BL / hehe / gay / 腐女文化有極大抗拒嘅人

4:唔鍾意靚仔嘅人

5:討厭「那些年」、「我的少女時代」呢類校園片嘅人

6:香港明光社、台灣護家盟之類癡撚線組織

如果你唔係以上幾種,就會發現呢套網絡劇真係好addictive。而且就算你唔係腐女或同志,呢套網劇都會好上癮。

呢套網劇好甜,唔係網路用語話咸濕嗰種,而係指甜蜜!

好似我上次都講,香港人最缺嘅唔係錢,而係時間。好彩「上癮」只係短短20分鐘一集,而全季只有15集,真係平時搭車、等人、喺屋企無聊都可以攞嚟睇一集。



(一張相已經發放無限電力,再睇埋劇情就知道點解大家都上癮)




「上癮」網劇紅左兩位主角:許魏洲(飾 白洛因)、黃景瑜 (飾 顧海)


「上癮」劇情介紹

呢套網絡劇改編自著名網絡作家柴雞蛋嘅耽美BL小說「你丫上癮了」。網絡劇只係改篇左少少嘅一部份,但係已經非常之受歡迎。

「上癮」網絡劇,佢嘅故事成份故事大綱其實好簡單,就係一個富二代特權階級霸氣小流氓(顧海),同埋一個學業成績好好,有少少驕傲又怕羞嘅窮高材生(白洛因),中間相處感情昇華嘅故事。

15集劇情,發展其實都幾為大路,兩個男主角都係有女朋友,由不打不相識嘅整蠱對象,到互生好感,到面對複雜又嘅情愫,到排除萬難喺埋一齊,其實都係一般偶像劇嘅情節。而故事當中,就一定有出人意表嘅高低潮,就係其實原來兩個係有親戚關係!

「上癮」網劇好睇之處,就係佢從兩位男主角「顧海」同「白洛因」平淡嘅相處過程,日常生活嘅互動,慢慢見到建築左感情,非常之自然。

其實「上癮」網劇係一套校園同青春愛情故事,一個靈魂與靈魂交流嘅故事,多過一個hehe故事。


「上癮」靚仔介紹

當中嘅演員設定真係一絕,強勢攻「顧海」同傲嬌受「白洛因」真係入型入格。

裏面嘅男主角,唔算好polished,但就非常之吸引人。「顧海」(真名 黃景瑜)好似東北人,說話嘅口音都係有濃濃瀋陽口音。而且身形好大隻,望落去都有帝王feel。用大陸嘅詞彙,就係叫做純爺們,即係好男性化自信霸氣嘅男人。「白洛因」(真名 許魏洲)真係好似一個未出櫃,又驕傲又怕羞嘅小hehe,喺深沉內斂外表底下,有一種抑壓唔住嘅骨氣、含蓄同感情。



(左邊係傲嬌0仔角色「白洛因」,右邊係霸氣1仔「顧海」,劇集裏面嘅表現令人眼前一亮)



(劇集裏面唔多唔少都有啲騷肌嘅場面,猛1男主角身材真係好好! )


(小受「白洛因」身材都唔錯)


(顧海呢個角色真係好適合黃景瑜做)


(好靚仔呀! )

「上癮」呢套劇好睇之處,就係令你回顧以前高中年代清新、笨拙、搞笑、浪費時間嘅可愛年代。其實兩個主角角色之間嘅交流互動真係好有默契好自然,就算唔係hehe同志劇,就算由男女主角分別飾演,都一樣會咁好睇。係唔係hehe反而唔係咁重要。

呢套劇令人有種「戀愛」嘅感覺。腐女少女心爆燈!

「上癮」網絡劇,同一般嘅同志電影劇集唔同,佢冇乜矯情嘅生離死別場面,反而有好多小清新、小幸福嘅生活相處片段。感覺好清新,其實有啲似「那些年」、「我的少女時代」。同時,又有啲似日本動畫大師新海誠拍攝嘅校園青春動畫。如果要用一句來概括,「上癮」,就係「那些年我的hehe少年時代」。

「上癮」呢套網絡劇,係小本蚊型嘅製作,但係大陸就非常之爆紅,觀眾以千萬計!呢套網劇令到無數嘅腐女、hehe都感動到!受歡迎程度令到各界大為關注,甚至令到保守嘅大陸當局要立即下架呢套網絡劇,變成禁止搜尋!而家愛奇藝、騰訊都已經搵唔到!

大陸嘅電視劇好多,網絡劇仲多!用海量去形容係絕對不為過。但「上癮」呢套劇可以喺數以萬計嘅網劇製作之中跑出,就別有佢嘅原因。於是我就抱住睇下嘅心態走去搵來睇。一睇,就上咗癮!

我咁快上癮嘅原因,係因為佢完全記錄左我地香港人一個青少年時期,高中時期所會遇到嘅愛情困難,期盼,相處,對於未來嘅希望同埋嚮往。兩位男主角「顧海」同「白洛因」,相信都係你和他(你和她 / 妳和她)的故事。

當然,佢俾人禁止一定有原因。唔止係同志咁簡單。因為佢有好多激情嘅場面,包括左打飛機、綁架、男男強姦等等!畫面本身係好含蓄好隱晦,冇乜explicit嘅鏡頭,但係意識上就一定比一般嘅大陸劇大膽好多!


(劇集主打sweet sweet溫馨場面,但大膽意識都唔少)


「上癮」教識我關於愛情嘅事

同所有好嘅愛情故事一樣,「上癮」呢個網絡劇都為觀眾帶來好多關於愛情嘅思考同啟發。

「顧海」為咗佢鍾意嘅人,真係可以不惜一切。佢溝仔係技巧真係好一流,任何腐女、同志面對着一個好似佢咁嘅男人都會好冧。基本上呢啲技巧就算直男都可以參考一下,用嚟呃蝦條真係一絕!例如:(以下有少少劇透,請注意)


  • 佢會偷偷地買早餐比白洛因。
  • 佢會動用自己富二代特殊背景嘅資源,為男友屋企人安排特殊待遇。例如幫白洛因爸爸安排新嘅工作。
  • 佢會講出一啲求愛金句:例如「有病就吃藥,你就是藥!」「我可以用大把的愛砸你,我就不信砸不動你!」
  • 佢會係適當時候講啲鹹濕笑話,撩下怕羞又內向嘅白洛因,甚至喺身體檢查嘅時候,特別突出佢自己特殊部位嘅巨型size。
  • 佢會突然抱起含羞答答嘅白洛因,然後話「叫聲老公,叫聲老公我把你放下來!」
  • 佢會綁架佢男朋友禁室培育(!)
  • 佢會買架bmw車俾男朋友(!!)
  • 然之後佢會喺呢架車度強姦咗冧爆嘅白洛因(!!!)



(男主角顧海大膽又無賴嘅求愛方式,反而令到好多人好冧好接受!)

而喺「白洛因」方面,佢面對大膽求愛嘅大男人「顧海」,佢欲拒還迎嘅技巧都係好好,值得腐女、港女同hehe學習!


  • 佢唔會每次都應承,有時都扮到好煩厭嘅樣子,咁樣反而令到大膽又無賴嘅求愛者顧海心癢癢。
  • 佢好識做好體貼,明知對方係有錢仔扮窮來接近自己,但係佢都冇即時拆穿,等對方適當時候自爆佢先至講出嚟。
  • 佢會識得係適當時候淨係着件非常之暴露嘅浴袍出嚟,係夜闌人靜嘅時候,兩個男人共處一室,露出雪白結實嘅身體,挑逗勾引其他㷫烚烚男人。



當然,除咗呢啲調情技巧上面嘅野,「上癮」網劇亦都引發咗一個好好嘅思考題目,就係乜嘢係「愛」。

喺現代化嘅香港,好多時愛情,尤其係hehe同志交友同蘭桂坊港女交友,都好過分地側重外表。一出嚟,就睇下你有冇胸肌(有冇波)、睇吓個樣靚唔靚、皮膚靚唔靚、身上面有咩名牌手表、有冇錢等等等等。彷彿有呢啲野,先至係有資格去愛同被愛!但係現實係,一套好似「上癮」嘅網絡劇,就啟發左原來愛,係貴乎相處,了解,關懷,體貼,一齊解決困難,一齊去夢想進發。愛,唔係淨係睇樣咁簡單。

愛係陪伴,同耐心,唔一定要好潮好靚仔好polished 。



(上癮網劇兩位男主角顧海同白洛因嘅相處過程,教識左好多人愛係乜嘢)


「上癮」網絡劇:香港人寫嘅觀後感

呢套擺明係BL耽美嘅網劇,係一個好大嘅驚喜。

作為一個香港人,好多時大陸嘅電視劇、網絡劇睇起上嚟都會有少少嘅格格不入,畢竟我哋嘅成長階段,價值觀,工作環境,所面對嘅困難都有啲唔同,佢哋嘅潛規則我未必明,我哋對某些價值觀嘅熱烈追求,佢哋又未必了解。所以未必一定可以完全理解每套劇劇中主角嘅反應。但呢套「上癮」真係適合任何一個人睇,包括奄奄尖尖嘅香港人。

「上癮」網絡劇最令人驚喜嘅,就係佢用一般偶像劇情節,去包裝男生之間嘅hehe愛情故事。雖然個戲名好似同毒品有關,但其實並無直接關係。而且相對乾淨,冇乜太過激情嘅色情場面。「上癮」網絡劇並無好似一啲傳統同志電影裏面,過度苦情嘅表現。就算「上癮」係BL / hehe嘅故事,都同一般男女嘅偶像嘅冇乜分別,都係有扭計、誤會、搞笑、成長、感動嘅情節。

好多同志電影電視劇,都免不了有一種悲情嘅色彩。通通都係有關生老病死、喊苦喊忽、人生遺憾等等劇情。好似冇乜開心、搞笑、陽光嘅內容。其實現在嘅社會已經越嚟越進步,男男、女女之間嘅感情,亦都越嚟越受到外間嘅接受。隨着同性戀、雙性戀議題越嚟越普遍,偶像劇有呢一類型嘅題材,一啲都唔出奇。

同一般偶像劇一樣,「上癮」呢個網絡劇都係以帥哥為主,而「上癮」其中一個特色,就係當中嘅女主角真係好醜樣,有幾個更加係「極品」級數咁樣衰。唔知係咪因為咁樣可以令男主角們更加靚仔,同埋暗示咗點解佢哋要hehe啦!哈哈!


(男主角前女友,樣衰到呢,omg!)


「上癮」網絡劇必睇場景

呢套劇帶我哋返去高中年代,返返去嗰個有體育堂、教室、無聊同學嘅年代。佢反而冇乜太多好激情、賣弄性感床戲嘅場景。

有幾個場景好窩心,大家真係要留意一下:

面對又冇禮貌又串串貢嘅體育老師出言不遜,強勢攻「顧海」挑機成功,係體能比賽上贏出,傲嬌受「白洛因」喺人群中裏面靜靜咁觀察呢一幕。(好Man啊!)

顧海利用特殊身份,叫單位安排安置俾白洛因家人。(好冧)

綁架事件!


(上癮網絡劇裏面好多好感人嘅場面,真係感動到喊! )


原來我們都活在同一個天空下

好少見一啲大陸嘅網絡劇可以喺高登出現,因為高登一向都好抗拒強國,你套強國片竟然得到正評,仲要係一套同志網絡劇!

而家嘅香港非常之政治化,朋友都會分為黃絲、藍絲,非常之分明。對於強國,亦都係我哋嘅所謂祖國,我哋嘅了解真係好少。一啲好似「上癮」呢啲網絡劇,其實俾咗一個機會我哋去了解真正嘅國情,了解到內地嘅進步,佢哋嘅成長、發展、意識形態上嘅改變、同埋經濟人民之間嘅互動。

唔睇「上癮」都唔知,原來中國內地都有咁多靚仔,個個都高高大大,皮膚又好,身材又好,真係大開眼界。相比起比較瘦削又MK嘅香港男仔,別有另一種嘅睇法同吸引力。

「上癮」網絡劇唔應該禁止,因為佢根本係代表左時代嘅變更同大陸嘅進步。

從「上癮」網絡劇,我重新認識到好多已經差唔多遺忘左嘅青春片段。原來,我哋之間嘅成長係咁相似,原來雖然我唔係活在北京、天津、或者上海,但係我地成長嘅困惑,糾結,抑壓,開心同甜蜜,都有咁多相似嘅地方。

香港人同內地人,除咗政治上嘅唔同之外,其實人同人之間嘅感情,當中微妙嘅甜蜜感覺,真係冇必要過分政治化。我好好彩,活喺一個唔需要翻牆又相對自由嘅世界,從「上癮」網絡劇,我對於強國人多咗了解,令我發現到原來我地之間相同嘅地方,係多過不同嘅地方咁多。

應該仲有無數咁多係內地嘅腐女同男仔翻牆睇緊呢套劇,同埋睇緊佢嘅原著小說「你丫上癮了」,幾萬人一齊沉醉喺顧海同白洛因嘅高中糾結青少年世界裏面。

我放低電話,推開窗,出面係一片蔚藍清爽嘅天空,驚奇地發現,窗外面同喺「上癮」網絡劇裏面經常見到嘅北方天空一樣。

原來我同你,同顧海,同白洛因,都活在喺同一個天空之下。喺呢個廣闊嘅天空之下,曾經有過我哋青澀又衝動嘅愛情故事。希望天下有情人(與及單身毒L無情人),都搵到一個好似顧海一樣嘅男人,而你,都可以做佢最寵愛嘅白洛因。





Counter

Flickr Images