【香港spa推介】Iyara Spa Hollywood Road Central老蘭鬧市的高質泰式美療 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2016年1月16日 星期六

【香港spa推介】Iyara Spa Hollywood Road Central老蘭鬧市的高質泰式美療

近期天氣又涷又濕,好想搵一個又溫暖又乾燥嘅地方抖抖氣,喺繁忙嘅生活之中可以深層休息,然後有力量重新出發。呢排喺中環荷李活道行人扶手梯附近行街嘅時候,就見到一個叫做Iyara Day Spa Central Hollywood Road嘅水療美容中心,呢一間Iyara Day Spa係外面望落企理又有亞熱帶風情,見到一啲藤器、木枱、腳底按摩椅、又點埋浪漫舒緩嘅tea light蠟燭。就咁望落去,相比起其他大集團大酒店經營,千篇一律企業式嘅水療中心,Iyara真係好有個人風格,一睇就知係外國人經營,喺裝修設計與及門面方面都好有特色。

呢幾日天氣經常落雨又潮濕,好想做一個香薰精油嘅全身按摩,通通淋巴與及促進血液循環。今日無啦啦經過荷李活道嘅時候,正在落緊好大雨,成個蘭桂坊都煙雨濛濛,咁啱又見到遠處嘅Iyara Day Spa呢間野燈火通明,我就被溫暖嘅燭光吸引,就決定不如試吓呢間Iyara。

打電話去問下,咁啱佢就真係有位而且價錢唔貴,呢幾年蘭桂坊越來越多按摩水療中心,除咗出晒名Sense of Touch,仲有好多本地人同大陸人開嘅個體按摩店,選擇多咗好多。Iyara Spa Central一個一小時有機Lavender Oil全身按摩都係港幣$600左右,已經包括左全天然植物薰衣草精油,因為Iyara beauty以推廣有機與及天然療法為賣點。(本文為全自費分享,沒有收任何贊助或折扣)


(Iyara day spa hollywood road鄰近半山電梯,是蘭桂芳附近少見的小規模自家泰式美容水療中心)

(Iyara Spa Central正門,外表樸實,裏頭卻另有天地)

(Iyara裝修甚有泰國曼谷風情)

當我真係行到去Iyara嘅大廈公用大堂嘅時候,我都打咗個突。因為大堂非常之簡陋,甚至有啲電影花樣年華裏面唐樓果種懷舊嘅風格。同我係天橋上面見到2樓個現代泰式潮流風格完全唔同!不過既然都預訂咗就冇所謂啦試吓啦。好快到達2樓,就見到Iyara Spa Central嘅正門,我就入去登記。我發現呢度入咗室內之後發覺裏面環境以泰國嘅藤、木、竹為主,已經有幾個外藉客人喺度做緊修腳甲同埋頭皮按摩,環境唔算大但係好舒服,而且被tea light蠟燭烘得暖暖,空氣中仲聞到複方植物精油嗰種獨特舒緩嘅香味,播放住緩慢悠揚嘅鋼琴輕音樂。

我留意到Central Hollywood Road Iyara除咗有外國客之外,原來香港客都唔少,而且男女客比例平均。由於我係早到咗,佢哋嘅招待員都非常之有禮貌咁叫我坐低等下,原來招待員本身係識講流利純正廣東話,但係又識講非常流利英文同泰文嘅美女。坐低左之後佢哋就俾咗本外國雜誌我睇,同時比左杯帶檸檬清香嘅暖水我,仲要係用tea light保溫。可能因為好多雜誌真係外國入口,為呢度帶來唔少嘅異國風情,呢度真係好隨意、好有家庭氣息、好溫馨!雖然Iyara地方真係有啲細,都覺得呢度非常之舒服。


(Iyara day spa附有美髮及洗頭專區)

(連暖水亦帶有淡淡檸香,更附有tea light保溫)


傳統體貼的泰式美容、美髮、修甲服務

坐低睇下Iyara Central spa menu,就發現原來呢間Iyara來頭都唔細,因為除咗一般嘅瑞典式精油按摩服務之外,仲有修甲,洗頭,做臉,香薰按摩,而且仲有全天然嘅頭髮同頭皮護理服務,一般嘅按摩美容中心最多只會有一間沖涼房,但係Iyara佢竟然一啲外面Hair salon專用嘅洗頭皮椅同埋水龍頭都有。呢度有個頭皮頭髮護理,係用天然蜜糖同avocado深入滋養。

Iyara Hollywood Road好似係泰國家庭式經營,但係無論服務水準、衛生環境等都可以媲美大型連鎖店。

再細心睇,原來Iyara仲有好多純天然嘅有機美容美髮產品,例如香茅同薑油嘅護髮素、洗面奶等等,Sundari、Plai、mamma herbal牌子呢啲都係喺泰國同印度入口。

呢度好多美容美髮嘅產品都係直接由外地包括泰國入口,亦都有一啲純天然嘅植物精油、泰國香茅香草茶出售。我去到嘅時候,就聽到有外籍客人向治療是查詢植物精油嘅使用方法。

(Iyara day spa有好多泰國品牌,包括面部,頭髮,身體護理品)

(有複方精油同diffuser出售)

(房間不大但沿用泰國設計)




來自曼谷的昔日溫暖

等了十多分鐘,好快就有識講泰文,穿着整齊制服嘅治療師出嚟帶我入房,原來發現佢嘅房間設計竟然係用板間房!用屏風來做間隔真係有啲始料不及,因為呢樣野係香港基本上已經失傳中。因為呢度甚為有五六十年代舊香港,似舊電影「蘇絲黃的世界」裏面嘅威廉荷頓同關南絲居住嘅港島公寓,非常懷舊殖民地。板間房一般隔音麻麻,好彩其他客人都是非常安靜,都冇什麼尷尬。之後,就開始咗一個鐘頭嘅薰衣草植物精油全身按摩,同正統嘅泰式按摩一樣,Iyara Spa亦都加插左先用熱毛巾抹腳呢個細心環節,而且做身嘅時候,亦特別喺腳底嘅穴位做咗幾分鐘,刺激身體機能自療能力。

雖然按摩師年紀輕輕,但係佢嘅按摩手法非常之好,而且好有心機,基本上全新重要嘅穴位都照顧到。雖然療程只係一個鐘,但係感覺上就比一個鐘更加漫長而享受。用嘅精油好明顯係貴價嘅天然薰衣草精油。

泰國嘅按摩師專業安靜,只係靜靜咁幫我推油按摩,並無任何推銷,推油嘅過程中我瞓着咗,感覺身處伊甸園。無錯,係一個位於塘西風月之地嘅伊甸園。


蘭桂坊的伊甸園

中環擺花街、荷李活道、閣麟街、蘭桂坊一帶都係夜生活地區,充滿着頹糜。中環呢一帶都係好多名人、富二代出現嘅地方,呢個區域俾人嘅印象就係比較風流同下流,充滿着各種用錢換愛、用性換愛嘅焦慮;荷李活道蘭桂坊,俾人嘅感覺係關於一夜情、狗仔隊記者,好難同休息、休閒拉上關係,因為蘭桂坊真係野心之地,每晚都有好多港女、強國人、洋人同黑人搵食。佢哋嘅共同點就係鍾意比較和競賽,由畢業證書鬥到結婚證書!Iyara Spa Hollywood Road睇起嚟好似係改篇自泰國電影嘅曼谷小店,喺呢個多國文化融合嘅地區真係有如,濁世中未被污染嘅蓮花。

Iyara呢間野真係有啲似老蘭嘅教堂,提供咗情慾金錢輪迴世界之外嘅慰藉。獨特嘅曼谷異國環境,令你在精油髮香深處,忘掉所有世俗色相,仰望那單純的天空。



Related

Post Top Ad