減肥茶可以導致肝腎衰竭!?神效減肥茶原來含有劇毒! - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2022年8月25日 星期四

減肥茶可以導致肝腎衰竭!?神效減肥茶原來含有劇毒!

減肥茶可以導致肝腎衰竭

講起減肥瘦身,好多人都會發覺「飲食」同「運動」一樣都係咁重要。甚至亦都有說法認為, 7分飲食3分運動!各種減肥方法,美容院做機減肥、減肥藥、減肥啫喱、減肥奶昔等等,各適其適!甚至亦都有好多網購網店,有售賣所謂的神奇減肥茶。不少市民試過之後都發覺網購「減肥茶」減肥效果都幾明顯,飲完茶之後真係發現食慾細咗,胃口亦都變細!短時間內雖然有副作用,但的確係見到自己瘦咗!

飲茶都可以減肥?胃口仲會越嚟越細?真係有咁大隻蛤乸隨街跳?

之前可能大家都試過各種日本的減肥茶。可以於大型百貨公司買到的減肥茶大部份都通過安全測試,又或者有正式的代理商進口,尤其係如果本身係由日本生產,整體來講安全程度比較高!

但係,相比起現時網購買到的減肥茶,這些日本品牌減肥茶,的確效果係冇咁明顯,因為而家網購減肥茶,基本上係可以飲到完全冇胃口,完全唔想食嘢,10日可以瘦10磅以上!甚至,有啲人明知飲到頭暈、頭痛、肚餓,但係因為效果非常明顯,都寧願繼續博,繼續飲用!

睇到呢度,聰明嘅大家都可能已經發覺有問題!

點解會呢個世界有不勞而獲?而且如果世界上有如此神奇又明顯效果的減肥產品,居然不能夠通過正式的實體藥妝店、連鎖個人護理店、大型百貨公司等等購買,只能夠通過網上購買!?

香港現時網上可以購買的所謂「神奇減肥 茶」,的確有部份可以令你食慾短時間內大幅降低,仲會有種神奇的飽腹感覺,長時間不進食,都不會感到肚餓。

不過,當你知道神奇減肥茶的真正副作用,你就會眼前一黑!因為神奇減肥的真相,其實係有恐怖副作用!


減肥茶究竟包含什麼成份?


曾經試過大陸買減肥茶的朋友都發現,減肥效果真係好犀利,食完之後可以完全冇食慾!抑制食慾的效果,甚至比起傳統的蛋白粉、代餐更為犀利!

你去問大陸有關方面的減肥茶賣家,通常佢哋都會含糊其詞,對於成份係乜嘢,好多時都只係話中式養生、中藥等等。有部份會話俾你知,他們出手的神奇減肥茶抑制食慾的效果明顯,而且可以快速減肥,主要原因係因為含有「中草藥」。

一句「中草藥」,就已經呃到好多顧客!

好多香港人都有興趣鍾意減肥,但對於中醫減肥的理論與及實踐,都係一知半解。大陸見到所謂「中草藥」,連賣家是否中醫都唔知道,就立即購買!尤其係可能試咗一包之後發覺真係有啲效果,就瘋狂回購!

其實而家就要同大家講清楚,究竟現時香港好多買到減肥茶點解會有效果,同埋點解唔應該飲!

如果正當的減肥茶,比較好質素的茶葉,茶本身係有一定的去油、去肥膩的效果,可能自己都有試過食完飯之後,飲杯茶會發覺冇咁肥膩!

如果從西醫比較科學化的角度去解釋,點解飲茶可以幫助減肥纖體?其實係因為thermogenesis and fat oxidation ,中文叫做攝食「產熱效應」同「脂肪氧化」。

大部份現時香港買到的正當與及不正當減肥茶葉,本身其實係含有高濃度的咖啡因,咖啡因可以刺激身體出現thermogenesis的效果,所以定期飲用含有咖啡因飲品,例如普通的綠茶,會有幫助產生一定的熱能效應脂肪氧化效應,令到纖體的過程更加順利,亦都會令到減肥的效果比較明顯同持續。

可以,其實唔需要特別去追求「減肥茶」,即使係普通有質素的茶葉,由於本身都含有咖啡因,係可以有助減肥。

但係今日同大家所指出的,就並非普通茶葉咁簡單。可能大家都經常飲茶,但係未試過好似網上所講各種一飲,即刻瘦,即刻冇晒食慾!


「加料」減肥茶,原來有咁多蠱惑成份


正常茶葉,係有少少減肥效果!但係如果效果咁犀利,甚至可以去到媲美藥物效果,安全性係咪值得有少少懷疑?

其實,網上見到好多減肥茶,其實係偷偷做咗手腳,加咗料!

你見到人哋飲減肥茶,成10日減咗十幾磅!成個人都可以好似中咗降頭咁樣,光速纖瘦!但係你自己無論點樣跟從對方學習相同方法,就係冇一樣效果!原因好簡單,因為對方飲嘅並非普通減肥茶,其實係已經加咗「藥物」的減肥茶,短期暫時有減肥效果,但長遠有恐怖副作用!包括肝臟中毒!

不少有添加不良成份的減肥補充品,其實會引起叫做hepatotoxicity (羥化肝毒性)的問題!不良銷售減肥茶裏面的成份其實含有大量的化學物,令到你的肝臟受損,經常會感到疲累、黃膽、搔癢、甚至出現膽汁淤塞問題,直到停止服用減肥茶之後,症狀才得到改善。

而事實上市場上好多所謂的特效減肥茶,之所以有明顯減肥效果,其實好大部份係因為當中含有各種奇奇怪怪的成份,包括鉻、高濃度藤黃果、仙人掌(Hoodia Gordonii)

其實好耐之前科學家已經發現仙人掌提取物係會有一定的抑制食慾效果,令到普通人唔會咁想去進食,從而達到卡路里減少攝入,長遠減肥的效果,但係其實後來先知道,當中並非咁簡單。仙人掌提取物對於肝臟副作用的問題相當嚴重,甚至令到進行有關研究的科學家決定停止相關的實驗,避免參加者的肝臟受到更大的傷害。

由於以上的資料並非所有人都知道,不少別有用心的商人就會將有關的提取物當作是「草本補充品」、「草本減肥茶」、「有機減肥茶」等等看似無害,其實有極為劇毒的產品出售。

香港亦都有不少人見到由於看似無害、甚至認為係天然產物,就一定安全,結果大錯特錯!

天然產品,其實都含有天然毒性!所以一定要自己去細心分辨及學習,並唔係一講話天然或自然,就肯定代表安全。這一點大家一定要首先去認清楚!

的確,含有仙人掌提取物的減肥茶,其實係可以做到減低食慾的效果,不過卻帶來肝中毒、甚至中毒情況,實在係始料不及!

亦都有另外一些科學研究發現,所謂的減肥茶做到減肥效果,其實只不過係令到身體慢性中毒,慢性中毒本身就會令到一個人的營養吸收出現障礙與及問題,因為不良反應導致的纖瘦,就會令人以為係「減肥成功」所以有興趣減肥的朋友就真係要小心注意,千萬唔好因為見到所謂的神奇減肥茶網上廣告,就即刻心動購買!

現時西方對於「減肥茶」、「草本減肥飲品」等等的管制其實都相當嚴格,導致不少曾經去研究入返成份的大型FMCG生產商例如Unilever,當了解到成份有可能帶來不良後果之後,都紛紛退出研發相關的產品。但是,香港及大陸仍然有帶來的不法商人嘗試售賣有問題的減肥茶,各位就真係要注意安全,千祈唔好誤信謠言!

通過比較科學化的方法例如控制卡路里攝入量、以及使用能量機器去作出脂肪狀態改變,例如射頻、激光等等,係比較具備科學根據的纖體方法。其他網上不明來歷的平價減肥方法,自己睇路!

Related

Post Top Ad