【增肌減脂】Emsculpt 做幾次先有效?香港Emsculpt任做療程值得嗎?一齊計數搵答案! - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Post Top Ad

【免費資詢體驗】




高富帥男神余德丞、人氣男團MIRROR推薦!REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2021年1月5日 星期二

【增肌減脂】Emsculpt 做幾次先有效?香港Emsculpt任做療程值得嗎?一齊計數搵答案!

Emsculpt 香港任做

追上潮流,增肌減脂係大趨勢!市面上不同地方都有提供Emsculpt。Emsculpt係一種使用HIFEM磁波,增加肌肉減少脂肪嘅技術。
Emsculpt香港供應多咗,價錢亦都有回落趨勢,甚至香港有唔少美容中心開始提供Emsculpt任做服務。

如果大家曾經試過去脫毛,都會知道所謂任做,點都好似有少少伏。俾咗錢之後book唔到,求其打亂咁打,被hard sell等等……究竟香港Emsculpt任做,古怪位喺邊度?預繳一筆錢之後再去任做Emsculpt,其實會係着數咗定蝕底咗?究竟一般香港任做Emsculpt,有冇着數?


香港Emsculpt任做,一齊計吓數

如果純粹用邏輯計算,做嘅次數越多,每次平均成本越低,就會最着數。

但係,事實並唔係咁簡單,因為醫學美容療程唔係越多越好。每個療程都有一個次數嘅安全範圍。即係話,一年之內最多可以做幾多次。

如果過咗呢個療程原廠建議安全數目,本來一個安全嘅療程就會變得不安全,亦都有可能為身體帶來副作用,包括損傷、甚至如果係面部療程,有機會毁容。

所以如果你正在考慮任何類型嘅任做療程,包括Emsculpt任做,就一定要考慮安全次數上限。

Emsculpt 做嘅次數亦都有一定嘅範圍,並唔係越多越好。唔跟個原廠指引隨意增加,有機會造成身體損傷、過度勞損、痛楚感覺等等各種副作用。

根據原廠嘅指引,其實最佳係啱啱開始Emsculpt嘅時候,每個星期做2次,連續2星期,即係做4次。之後每三個月做1次維持最佳效果。

即係一年之內,總共需要做:

2 + 2 + 1 + 1 + 1 = 7 次

以上呢個一年總療程數目,係來自原廠建議,

所以如果你要去計市面上Emsculpt 任做有冇着數,大概7次價錢會係一個好嘅比較標準。

所以當要計數嘅時候,就要將7*單次收費價錢,再同所謂一年任做價比較。



香港Emsculpt 任做中伏位

依家大家心中有數,知道一年大概要做7次,先至keep到Emsculpt應有嘅增加肌肉減少脂肪效果。

要提一提大家,有其他古惑位要自己小心。因為通常門口價,同你真係要比嘅平均實際價錢,係有唔同。精明消費者要心水清,識計數。


Emsculpt 任做中伏位1 : Book唔到

同所有市面上,一個價錢可以任做嘅療程一樣,通常其中一個中伏位,就係俾咗錢之後,做咗幾次就會開始book唔到。

當然比起脫毛或facial ,Emsculpt所需要嘅次數冇咁多,所以亦都冇咁大誘因令醫學美容中心令你冇辦法預約,但係如果你係第一次光顧嘅新客,就最好自己小心。

如果以數學及business model,「任做」類型嘅plan其實對於醫學美容中心係非常之難計數,因為成本其實會隨着客人使用次數增加,尤其適合一啲昂貴醫學美容機器例如Emsculpt。但係如果個收入係冇增加嘅話,係冇辦法維持。

所以唯一一個可以令到呢個模式繼續營運落去嘅方法,就係過程中要增加收入。

增加收入嘅方法就係以銷售,即係你每次上嚟做嘅時候,要再sell你買多少少野。咁你自己本身真係諗住純粹買一個一年任做plan,完全不考慮加購任何其他產品,可能就未必適合。

所以大家考慮Emsculpt 任做療程,最緊要搵一啲可信、有誠信嘅醫學美容中心。尤其是如果你之前未去過,即刻買Emsculpt 任做plan就真係有點高風險。

反而如果你有相熟嘅醫學美容中心平時去開,關係都不錯嘅話,你知道佢哋唔會故意留難你,而你亦都一向有穩定嘅消費額喺嗰度,你可以成功預約,Emsculpt做得多嘅機會係高,咁樣嘅前提之下買做plan亦都可以。


Emsculpt 任做中伏位2: 正貨定係所謂同類機器?

Emsculpt 任做經營上係有一定難度,所以亦都有一啲醫學美容中心會採用所謂嘅同類機器。

Emsculpt 係由BTL Medical生產,但係同類型嘅磁波技術其實都越來越多廠商提供,包括英國其他廠、韓國廠、甚至大陸廠都有。

呢幾年都有好多同類產品加入市場競爭,由於所謂嘅同類產品成本較平,除開使用每一次嘅成本亦都較低,亦都造成一種誘因,令到一啲所謂提供全年任做Emsculpt嘅醫學美容中心,會喺療程中段推銷你「免費轉用」其他同類型機器。


Emsculpt 任做中伏位3 : 正常度數定故意調低度數

Emsculpt 其實可以揀能量Intensity,當然能量越勁就越快見到效果。能量如果偏向薄弱,見效嘅時間就會比較慢,而且可以維持嘅時間亦都唔會太長久。

如果你參加任何類型嘅Emsculpt任做療程,都要首先睇清楚,是否正常度數。一般75%到100%為佳。

睇到有關咁多有關Emsculpt 任做嘅資料,相信大家都知道市場上嘅所謂任做,其實都係有條件。購買時可以打醒精神睇清楚細節。

Related

Post Top Ad