【提防偽科學】如何比較香港有效減肥療程,揭露美容黑店三大陷阱 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Post Top Ad

【免費資詢體驗】




高富帥男神余德丞、人氣男團MIRROR推薦!REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2021年1月8日 星期五

【提防偽科學】如何比較香港有效減肥療程,揭露美容黑店三大陷阱




講到選擇香港減肥療程,真係會推薦大家花少少時間去了解,先作決定!香港有效減肥療程百花齊放,營養師減肥、中醫減肥、醫學美容中心做機減肥……有效減肥療程,唔係淨係睇廣告,亦都唔係相信明星網紅。係要靠科學,講證據,更加要學識唔好篇信所謂好消息。減肥方法有有快有慢,但不會有不勞而獲!

香港有好多黑店,唔單只係美容院或者網上IG匿名商店,就算營養師、中醫診所、PT其實都有正當亦有黑店,而且兩者都為數不少。價錢貴不特止,最慘係減肥效果薄弱。更甚者有啲偽科學,因為亂推廣非法減肥藥、一知半解生酮飲食、或者錯誤做機,令顧客帶來金錢損失,同身體受到損害。


選擇有效減肥療程 3個基本步驟

同其他網上廣告資料唔同,本文並唔會話俾你知邊個減肥療程最好,網上已經有大把品牌廣告文。只會為你介紹香港邊幾款減肥療程比較有效,同埋大概嘅價錢,效果,副作用等等。你可以根據個人嘅需要去選擇。

利申,冇任何一個減肥療程方法啱所有人!但要減走脂肪,就首先要建立良好飲食區、運動、養生習慣。


如何選擇有效減肥療程 Step 1 了解自己狀況

選擇減肥療程,其中一個首要因素,就係了解自己而家身體狀況。所謂知己知彼!

你現在嘅體重、身體狀況、你有幾多財政預算做療程等等,完全都會影響你最後邊個減肥纖體療程最啱你。

通常睇得減肥纖體療程,身體嘅BMI指數通常已經超過合理水平。但係超越幾多,其實都影響你應該選擇邊種。

如果你而家嘅身體狀況係屬於嚴重超標,最快減肥方法唔係搵醫學美容中心做機減肥(做機減肥只適合中度肥胖人士),亦唔係搵中醫師(效果太慢),反而係搵營養師。

因為如果你係屬於嚴重肥胖嗰種,通常代表你嘅胰島素已經出現不良反應,有可能係屬於糖尿病早期。調節飲食係第一亦係唯一嘅選擇。

呢個時候,第一件事要做,就係減少糖分嘅進食,包括一啲米飯、麵包等等,都係盡量調整。手搖台式飲品、甜品一定要戒除先。

如果你係屬於中度或輕微肥胖,想減走肚腩位、腰部肥肉,或者下半身修型,咁你就會適合做機減肥,同埋中醫師調理身體減肥。



如何選擇有效減肥療程 Step 2 誠實評估自己有幾自律,同埋有幾多預算

對於中度或輕度肥胖人士來講,其實香港纖體療程選擇都多,包括一啲醫學類型或者半醫學類型嘅機器。同埋一啲中醫健康管理、營養中心、營養餐送餐服務、代餐等等。

香港返工係特別辛苦,時間長不特止,壓力亦都偏高。因為返工時間同搭車時間太長,返屋企已經冇時間去進行一啲需要極度花費勞力或時間嘅纖體活動,係香港人常見情況。

以上種種其實都可以透過購買減肥療程或者服務去解決,視乎你自己有幾多預算。

其實一個比較合理嘅總預算,包括飲食營養補充品、健身室會籍、醫學美容中心做機減肥、營養師或中醫,係每個月大概二千幾蚊到五千幾蚊左右。

唔好覺得係好多錢,因為你而家不健康嘅生活模式,包括經常出街食飯、買外賣、出街飲酒、食劣食放題、甚至亂咁服用成藥、亂買所謂補品,其實價錢已經「幾倍」呢個數。所以健康生活其實係會幫你慳錢,唔係花錢。

如果你自己本身只諗住每月花費三幾百,建議可能自己買啲纖維補充品食下算。香港絕大部份有效減肥纖體療程,都會超過呢個價錢。

如果你大概每個月可以預算大概$2000以上去改善體質同肥胖問題,其實選擇都多。下面會再解釋。


如何選擇有效減肥療程 Step 3 選擇做機減肥,定係食療,定係both

市面上減肥療程五花八門,但講到真正有效,中外科學只有兩大類係有效。

第一,做機減肥燃燒走脂肪;同埋第二,通過食療,減少卡路里攝入,改善體質。

通常減肥效果最強,就係兩樣都做。



香港有效減肥療程最佳配搭:做機減肥 + 營養調整

如果真係想快速見到效果,首先要學會唔好人云亦云,網上資訊講乜就信乜。因為市面上真係好多假資訊假消息,尤其是有關減肥纖體療程,真係好多係廣告fake news。網上乜乜七七酵素、什麼神奇減肥藥,一個月減走40磅等等,九成都係假。

香港減肥療程特別多偽科學,包括什麼岩盤浴減肥、薑油減肥、推淋巴減肥、香薰減肥等等……以上呢幾種其實唔算係真正減肥方法,佢只係通過深層按摩去令到身體水腫情況得到改善,所以見到嘅所謂效果只係非常之短暫,一飲水就會即刻打回原形。

減肥療程要有效,就要直接針對脂肪層,尤其是脂肪細胞。如果唔能夠做到脂肪細胞縮小、或者分解、凋亡,根本係冇用。

以上方法其實並冇消滅或者減少脂肪。一般普通屋村美容中心嘅療程,由於缺乏高能量機器,多數係倚賴人手按摩、通淋巴,都係廢廢地。

你要做到快速纖瘦,只有一個方法:減走你身體現有脂肪(做機減肥),同埋防止新脂肪形成(減少卡路里攝入量)

除咗自己做運動之外,做機減肥會係其中一個比較快見到效果嘅方法。但要注意,即使係去一啲高端嘅醫學美容中心做機減肥,其實佢係幫你改善身體肥胖線條欠佳問題,令到肚腩冇咁大,腰及下半身冇咁誇張。改善你現有嘅肥胖問題,但係要防止新脂肪形成,你都係要改善飲食同卡路里。高能量儀器,加上卡路里管理,係所有香港有效減肥療程必備兩個條件!


香港減肥療程三大陷阱

香港減肥療程其實有幾個位,係要大家留意。呢三個陷阱,令到好多人本來想減肥有效果,都變咗冇。


香港減肥療程陷阱一:減走水腫定真係減走脂肪?

做機減肥真係唔可以貪平,因為平嘢真係冇好。基本上所有平價、缺乏高能量儀器減肥療程都係廢嘅!

唔少平價美容院、屋村腳底按摩、甚至一般cheap雞街坊美容店,其實佢哋都有提供所謂「減肥療程」,但呢啲療程根本係嘥錢嘥時間,因為科學根據係零;長期效果,亦係零。

真正有效減肥療程:能夠做到縮小脂肪細胞,或者令到脂肪細胞死亡,係科學上只有幾種係屬於有效,包括熱能溶脂/熱光溶脂(eg SWISS REJU)、冷凍溶脂(eg Coolsculpting)同HIFEM (eg Emsculpt)。

科學上只有呢幾種技術係可以改善脂肪細胞,唔係淨係減走水腫,而係長遠地改變脂肪細胞。

如果想價錢平,效果快,首選SWISS REJU熱光溶脂。


香港減肥療程陷阱二:食減肥藥同酵素,就可以任飲任食冇後果?變成易瘦體質?

網上最流行就係減肥酵素。但大把人食完之後都話做唔到預期效果。

要做到燃燒脂肪,就必須進入卡路里攝入低於卡路里支出嘅狀態。好多減肥藥同酵素,其實只會令你身體進入不停肚瀉狀態,其實並冇益處。

真正有效減肥療程:如果真係想從體質想改變自己身體脂肪積聚嘅問題,係靠長遠地改變飲食習慣做起。一啲好似唐安麒Angel Face、米施洛營養中心等等,會係一個正當嘅開始。再配合做機減肥,效果就會最快。


減肥療程陷阱三:迷信「永久」效果

減肥黑店,最鍾意講「永久」效果。

真正有效減肥療程,唔會承諾你永久。

冇錯,市面上的確有啲機係可以幫你改善脂肪狀態,甚至令到身體一部份嘅脂肪,大概20%左右凋亡。就咁聽好吸引,但其實有個必要條件同前提,就係你之後一直要飲食健康。

如果唔控制自己胃口,繼續瘋狂進食,外國嘅研究亦都已經發現,脂肪細胞雖然冇咗,但附近脂肪細胞組織可以持續生長,再次令你肥胖!

所以,任何聲稱可以做機減肥,唔需要健康飲食,其實都係呃你。

香港有效減肥療程,最好相信一些有充分科學根據,同時包括做機減肥及營養調理嘅療程。

如果想快速健康快速纖瘦,兼且使用最新科技,可以考慮最新一代全球纖體技術SWISS REJU 熱光溶脂;如果係主要想調理身體為主,唐安麒專門店Angel Face亦都係一個好好嘅選擇。兩種都係包含做機減肥,同埋食療嘅高效率科學化有效減肥療程。

Related

Post Top Ad