【防疫】搶唔到口罩因為你去錯地方!靚仔靚女防疫搶口罩、保健康必讀 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】




高富帥男神余德丞、人氣男團MIRROR推薦!REJU瑞士年輕科學,位於中環,免費體驗最新高端正廠美顔儀器。韓星安全熱光溶脂修型 | 氧生注氧treatment O2to Derm | KFDA認證無針埋線Liftera V | 膠原槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年2月5日 星期三

【防疫】搶唔到口罩因為你去錯地方!靚仔靚女防疫搶口罩、保健康必讀



香港政府極度無能,依家香港已經變成第三世界狀態!冇口罩、冇消毒、物資極短缺,為咗一盒口罩,市民要冒險出街排幾個鐘頭隊!有個叔叔因為買唔到涙灑街頭,真係聞者心酸!


除咗要面對一般市民面對嘅難題之外,高質靚仔靚女有另外一啲嘅難題!

例如:冇得做gym,高質中環美容院暫時關閉,低質MK美容院又勁多游客勁污糟唔敢去,PT及瑜伽堂取消,藥妝店長期排咗幾百個阿公阿婆,搞到自己疑神疑鬼會被傳染!

救命!香港已經變成一個第三世界!但生活始終都要過!

政府無能,救援就要靠自己!


靚仔靚女防疫攻略

好似之前所講,靚仔靚女本身因為平時生活習慣比普通嘅市民比較有要求,所以肺炎嚟到嘅時候,要注意嘅地方亦都不一樣。

肺炎疫症係可怕,但係各位靚仔靚女亦都唔需要日日自己嚇自己!太多負面情緒,真係幫唔到件事。

反而要諗下,點樣可以響咁嘅環境之下,都仍然不被打敗!

老實講,乜都驚一餐嘅人,最終一事無成!



(BTS有無口罩都靚仔!)

正如買到口罩永遠都係比較醒目,行動快,市場觸覺強的人;乜都買唔到、搶唔到嘅人,就要反省一下,點解做乜嘢都慢人一步。

好多人尤其是樣貌質素中下嗰啲人,就往往會利用肺炎作為個藉口!有少少唔方便就會即刻放棄,唔做運動,唔做瑜伽,唔美容,唔化妝!利用肺炎,作為自己不修邊幅嘅藉口。

雖然武漢發炎好可怕,但係有啲本身心理質素差嘅人,就當聽日係世界一定末日一樣,今日就已經提早放棄!

我識有啲朋友,就係呢類型「又懶又鍾意俾藉口自己」嘅人,成個女技安咁樣!

上年雖然未有肺炎,佢個樣都已經似中咗!平時唔運動唔節食,體能同面色勁差,超重幾十磅、雙下巴、塊面大個家庭裝藍罐曲奇。經常食賀爾蒙炸雞,搞到身體失調,成咀都係man爆汗毛!可惜係女人。

今年一話有第一單肺炎,佢即刻話唔出街,運動,不了!

(但work from home時又會落街食污糟邋遢嘅舊式大排檔,雙重標準令人完全無言)

其實呢啲只係自己俾自己嘅藉口。高質素嘅人係唔會有得自己咁樣亂咁嚟!

其實,肺炎可怕,但懶惰同自我放棄更可怕!

今日就會教大家點樣搵到口罩之餘,將肺炎負面影響減到最低。做亂世佳人同亂世英雄!




(BTS)


防疫:搶口罩篇

呢兩個星期大家最瘋狂嘅一定係周圍搵口罩!

如果你搵唔到係因為搵錯咗地方!其實係仲有少少貨,不過你搵唔啱地方。去日本韓國嗰啲網購平台,絕對係錯誤嘅方法。

因為嗰度幾萬人爭,一定冇!有都變冇!

據我所知,最少有三個方法仲買得到。

第一個渠道就係外國冷門網購不要去韓國日本熱門地方!


唔係響Amazon,GMarket、Dokodemo呢啲知名度高嘅網站!呢啲一定冇,就算你落到單都一定會俾人cut單。

市面上大部份網友嘅經歷都係,佢哋會成功落到單,但係一直處於「等待發貨」,再等多一個星期仍然冇任何音訊回音,之後突然間收到拍賣平台嘅消息,話俾你知你嘅購買已經取消!因為缺貨問題!

冇貨已經夠煩,仲要退錢過程相當緩慢,有啲仲唔可以退現金,只可以退落佢個平台嗰度將來購物使用。
  • Amazon - 極缺、冇貨,退現金
  • Dokodemo - 冇貨,一個星期之後退現金
  • GMarket - 冇貨,不會退現金,退款入平台將來用

你買唔到係因為當地嘅代購已經響零售鋪用幾倍價錢買晒現貨同埋下一期貨。

有啲香港及強國代購,同埋網店東主,誇張到直接去廠房出邊衝擊抗爭,要求發貨,咁普通人當然一定買唔到。

即使係出廠嘅價錢其實已經炒好咗好多。而家平均口罩嘅價錢出廠,已經去咗到$6港幣左右一塊。(普通醫學口罩)

如果你特別要求有牌子嗰種例如3M,已經炒到$20以上,同埋批發都經常缺貨。

所以建議大家如果真係有需要網上買,一係就俾貴少少炒價入當係服務費(個人都反對炒賣,但根據觀察,批發價錢真係升左好多),一係搵一啲地區小眾網站。呢類型嘅網站仲有貨。

重要事情說三次:

泰國,土耳其網購大把貨!!!

泰國,土耳其網購大把貨!!!

泰國,土耳其網購大把貨!!!

自己揾!好過去排隊!!

同埋大家搶口罩嘅時候首先要留意自己買緊乜嘢。因為唔好淨係睇價錢!你要睇埋究竟個口罩本身係屬於邊個級數,邊度生產,獨立包裝與否,佢係醫學用口罩定係工業用口罩等等……因為你買錯咗其實基本上係完全冇防備!

Surgical Mask - 呢隻最基本,亦都最容易買到,香港一般市民暫時已經夠用!佢主要可以做BFE防飛沫傳播,性價比比較高,係最基本入門必備品。優點係性價比高,價錢比較平,港幣$10以來一定買到。同埋市面上嘅流通性比較高,容易響唔同嘅藥房、網店搵得到。而家市面上買到嘅口罩多數來自印尼、中國大陸、日本。有小部份比較豪華嘅藥房會響美國、加拿大、英國、入貨。Surgical Mask唔好處係通常冇獨立包裝。

呢個時候向廠批發落貨,價錢已經去到$5港幣、$6港幣一隻,一盒$250到$300左右。

而家你市面上買到嗰啲,其實係之前生產落最後一批。見到有你就要買!仲要快手!呢個種類嘅口罩基本上全球缺貨!係短期內需求會遠遠超過供應,遲只會越來越貴。

KF94 - 韓國標準,多為獨立包裝口罩,呢隻個保護能力比較好,如果買到值得入手。

KF99 - 呢個層面嘅口罩保護力會比KF94強,但係對於一般香港市民其實個分別唔會太大。價錢就會貴KF94,疫情爆發之前價錢已經超過$20港幣一個,而家炒到$30-50蚊一個,值唔值得就要睇返個人情況。

3M - 好多人以為越貴越好,一窩蜂去搶3M!但係真係唔係咁樣。尤其是佢有好多種唔同種類,唔係全部都係適合醫療!有啲根本係工業用,所以要首先睇清楚嗰個係咪醫療用途,買錯工業用途根本冇用。

以上就係自己網上購買口罩嘅小小資訊,跟住落嚟就會同大家講下,其他方法可以獲得口罩。

第二個可以買到口罩嘅渠道,就係醫學美容批發渠道。所有醫學美容中心都有從vendor批發口罩,你哋打去問vendor由於你係零售客一定冇,但係你搵相熟嘅醫美中心,可能佢會幫你夾單訂到。

尤其是因為一般醫學美容中心個投資好大,講緊買幾百萬機係最低消費,通常中心同vendor訂左幾百萬機,vendor醫療集團一定會盡量keep住大家個關係當做個人情將來繼續做生意,就算幾缺都好,都響以色列、瑞士、韓國等嘅分公司同埋啲分銷商,盡量搵比本地醫美中心。

老實講,呢個渠道貨唔會太多,而且佢搵到貨源嗰啲空運費係佢哋自己出,所以唔會係一個大量採購嘅渠道。醫美中心肯唔肯幫你訂,睇平時同佢交情,同你之前消費。醫美中心都係攞vendor極有限嘅貨分配。因為而家唔單只係香港冇,係成個亞洲都冇!

如果你暫時真係冇口罩,幾多錢都買一盒用住先!因為國際市場上真係好緊張,睇過趨勢會遲啲會更加貴。

我自己去問韓國一啲相熟嘅地方,係真係冇,已經比啲大陸人高價買晒!(佢哋個價錢係好誇張,講緊一盒兒童口罩係超過$500!呢個唔係批發商故意製造出嚟嘅炒作現象,係我一啲大陸朋友直接話俾我。同我收到嘅批發市場資訊係吻合)我哋都係因為之前訂咗好多儀器,先分配到有。

第三個方法係搵你個空姐空少朋友。我身邊嘅大部份空姐朋友係買到。尤其是如果佢係飛一啲比較冷門嘅航線,例如土耳其、阿聯酋等等,口罩係仍然買到。


防疫:健身室篇

市面上比較大型嗰幾間健身中心其實個衛生情況都未去到十全十美,就算最貴嗰間PURE fitness都有越嚟越污糟嘅情況!市面上中下價嗰幾間更加不堪入目。

咁自從今次爆發左疫症之後,希望佢哋會比較上心!如果係一啲經常多人捉摸嘅嘢例如扶手、含菌量會更加高!咁呢啲情況之下,實在唔太適宜去接觸。

健身室一向空氣唔太流通,如果你聞到有汗味代表細菌清潔唔徹底,汗味係因為細菌而產生!越臭嘅健身室,細菌含量越高!呢啲情況之下就真係要可免則免。

繁忙時間一間健身室起碼有100-200人!一日1000人次絕對有可能,咁嘅情況之下,如果你間健身室嘅衛生環境唔係太好,最好暫停一陣。

各位靚仔靚女應該要考慮實際情況去決定究竟應唔應該繼續用。

gym每日空間人次:500-1000人

有無即時消毒:沒有

風險:中高

不建議



防疫:美容院篇

市面上大型嘅醫學美容中心例如cosmax、Perface、Reenex、Dr Reborn都已經有防疫工作。中小型boutique例如SWISS REJU、Hermitage,亦都嚴厲執行衛生措施。

醫學美容中心其實係比較安全嘅地方。有數得計,下面就會知道點解:

一間中上醫學美容中心房間,當treatment 90分鐘,每間房最多每日做5個客。其實一般唔係間間都做到咁嘅數,所以個人數係唔會太多,純粹數字同統計學上,相比起其他公共地方例如零售、飲食地方、健身室,數字上已經安全好多。

其實一間美容院嘅人流真係唔會太多。但係如果大家想進一步防止感染,其中一個方法就係去一啲比較私人嘅地方,小眾私人樓上鋪會係一個選擇。

其實價錢有返咁上下嘅Reenex、Perface、Cosmax醫學美容中心嘅衛生環境比較有保障。始終一向都有相當嚴謹嘅衛生程序。如果特別驚嘅人,中環嗰幾間例如SWISS REJU本身都四正兼且主要做中環高級律師及銀行quality客,完全唔會做劣質團購,亦拒絕低價轉介平台介紹雜亂人頭,只重質不重量,所以其實人流會較少,相對衛生係好啲。如果唔想去一啲太過人流眾多嘅地方,呢類型嘅boutique樓上鋪中小型會係首選。

而且呢類型因為收費比較貴,去到係可以要求重新幫你消毒一次房間,同埋換床紙、毛巾。高端地方係可以幫你安排用完即棄。

反而一啲太過平、太過污糟嘅MK美容院就最好避免啦。佢哋經常接待大量自由行遊客之餘,本身經營者嘅衛生水準都好參差,中傳染病同細菌嘅機會都相當高。

有啲韓國美容公司係屬於瞓大廳嘅形式,冇獨立房,公開訓廳冇獨立房間係韓國傳統模式。呢個模式正常情況下其實可以接受嘅,跟返韓國規矩,但係如果係非常時期,唔希望同素未謀面嘅陌生人一齊瞓大廳,如果擔心疫症嘅人,自己要注意返。


高端醫學美容房

每日空間人次:0-5人

有無即時消毒:有

風險:偏低

建議

MK、觀塘工業區樓上舖、韓式公司瞓廳單次收費、格仔鋪平價美容房

每日空間人次:5-50人

有無即時消毒:沒有

風險:高

不建議

Related

Post Top Ad