【防疫】口罩供應短缺,市面上邊度有得買口罩現貨?最新價錢係點?整合分析6大零售商搶口罩策略 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】


Reju瑞士細胞年輕科研中心,位於中環,免費體驗最新高端正廠美顔儀器。韓星安全定點溶脂修型 | 氧生注氧treatment | KFDA認證無針埋線Liftera V | 膠原BB再生槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年2月10日 星期一

【防疫】口罩供應短缺,市面上邊度有得買口罩現貨?最新價錢係點?整合分析6大零售商搶口罩策略


政府冇辦法提供到足夠口罩供應,令市民進入瘋癲狀態,你更加要自己有堅強嘅意志,清楚嘅思想分析,拯救你自己!


新型冠狀病毒大爆發,香港政府抗疫無能,任由病人隨意進入香港假隔離!所謂嘅隔離,原來只係靠遊客自律!搞到好多香港市民唔敢出街,人心惶惶,望住越來越少嘅口罩現貨供應,出街彷彿變成賭博,好似只要一出街就會中肺炎一樣!市面上口罩現貨越來越缺乏,甚至有錢都買唔到嘅情況。

香港政府超無能,年薪三百萬廢官,要求口罩生產商價低者得入標,要填vendor form當然冇人理你!

市面上嘅口罩供應越來越少,價錢越嚟越貴,連出名炒賣嘅港式藥房,都已經漸漸缺貨……

呢個時候,亦都係強者同弱者,露出真面目嘅時候。

如果,你上網買唔到口罩,不斷比海外買家例如Amazon 、gMarket cut單;

如果,你瘋狂上網留言「兩盒 ,thanks!」,但永遠遇上冇貨出嘅騙子;

如果,你本身係就嚟用晒口罩,又未搵到;

如果,你身邊人都係冇乜料嘅豬隊友、屋企人冇錢冇父幹,搵唔到口罩俾你,

你一定要留心呢個教學!


停止憂慮,用最邏輯理性方法,你就會勝出

突發狀況,就能夠分辨邊啲人有腦,邊啲人冇腦。甚至邊啲人係特別resourceful有辦法可以響物資缺乏嘅情況之下,搵到罕有嘅口罩,邊啲人根本係冇任何社會資源與及網絡,令自己同身邊人身陷缺乏資源嘅生化危機之中。

有啲細膽嘅人,而家已經進入depression狀態。我唔想嘲笑佢哋,但亦都唔會鼓勵你成為佢哋。

如果進入某種歇斯底里狀態,其實係反映咗平時心理質素唔夠,亦都係缺乏理性、思維唔夠清晰嘅表現。

如果你感到極端抑鬱同恐懼,首先你要停止用感性去判斷,多用理性思維。

因為,如果我哋睇數字,香港受感染嘅人數直到呢一刻為止都唔算係太多,如果純計機會率,未必咁快到你!

準確啲講,就算有人傻到想中肺炎,都要喺街度搵到有帶菌者,而你又同佢有足夠嘅接觸,或者摸到帶菌者曾經掂過嘅嘢,先至會中㗎 !如果唔係科學上係唔會中。

一出街就會中肺炎,呢類型嘅非理性思考,就等於話一拖手一kiss就會有BB一樣,都係咁荒謬。

如果你想出街,或者有實際需要出街,可以用邏輯嘅方法去推斷自己會承受嘅風險,先至再決定。


完全唔出街不可行

口罩供應越來越少,價錢越嚟越貴,之前有啲人因為害怕中招,公司又唔需要返工,就決定每日都係屋企裏面。連出街買少少嘢食都唔敢,連續兩星期,每日三餐,餐餐食即食麵!

到即食麵就嚟食完,就求救朋友,問可以點算?

如果計機會率來講,而家完全唔出街,絕對係一個好差嘅賭博。因為有一日始終會食晒屋企嘅儲備,而如果疫情短期內冇改善,社區繼續爆發嘅話,你已經彈盡糧絕,喺嗰個時候先被迫出街買物資,第一,可能已經買唔到想要嘅食物同物資,第二,因為已經社區爆發,遇到帶菌者同被感染嘅機會,一定高過而家。

而家唔出,到時出,你因為已經冇晒食物,為咗必要嘅食物同水,就算成街都係疫症喪屍,你都焗住要出!

如果你有少少理智就會發現,而家過早完全唔出街,絕對唔係一個可取嘅博弈策略。

反而係小心出街,社區大爆發之前累積足夠物資,加強抵抗力,避免不必要風險,呢個先係正確嘅方向。


如何評估出街風險

其實每個人所處嘅環境,工作實際嘅需要,都各有不同。除非你公司完全唔需要你返工,你而家亦已經有晒跟住落嚟三個月嘅所有物資、食水、罐頭、否則跟住落嚟嘅日子,你都難免要落樓返工、出街買物資。

如果你就嚟用晒口罩,「計劃」最緊要。

為咗增加拉長口罩嘅壽命,你一定要帶一個「密實袋」出街。你食飯後可以即時再用返。

你要諗定,今個星期有乜嘢必要做。不必要嘅聚餐就可以取消。

要評估自己出街嘅風險,可以從兩個科學化嘅方法去判斷:

地點是否傳統見面敘腳地?傳統見面地方例如港鐵站大堂、旺角朗豪坊、時代廣場、廣東道等等,每小時人流成千上萬,絕對增加了與病患者共同出現的風險。這些地方就不建議。如果要出街見人,其中一個方法,就是找尋樓上鋪、樓上Cafe。一間樓上咖啡店最多坐二十人,而家嘅社會氣氛之下,人數一般只有幾個人。絕對安全好多。

地段是否內地人經常出現的區域、或接近港珠澳跨境巴士站落腳點?接近關口的地方、港珠澳大橋巴士車站沿途的落客點,每日都有大量跨境人士。呢類型嘅地點亦都唔適合去。

如果能夠避開以上兩種地點,其實都已經大大減低左風險。



市面上口罩現貨供應

好似之前同大家講過,而家嘅口罩供應缺貨問題,並唔係淨係響消費零售層面,即使響供應鍊層面、批發商層面,都面對着非常嚴重嘅口罩缺貨、供應不足問題。

全球口罩供應非常緊張,口罩嘅批發價已經急升幾倍!呢個資料唔係道聽塗說,小編自己亦都已經向世界各地嘅供應商直接查詢,唔係冇貨,就係批發價錢已經升到同香港炒價一樣!所以下一批貨,價錢只會更加貴。


整合分析6大零售商搶口罩策略


卓悅 Bonjour

卓悅出售現貨,要一早去排隊。過去幾日一直發生有疑似古惑仔霸位事件,到而家都仍然未能夠解決。

卓悅仲有某啲分店一定要有長者咭先可以購買。如果並非長者人士,就唔能夠獲分配。呢幾間真係不太建議。

口罩供應牌子:Bitoway

購買限制及每次最多可購買數量:1盒

https://www.facebook.com/bonjourhk/



莎莎 SASA

疫情爆發初期,佢係其中一間最多後就可以出手嘅零售藥妝店,但近期可能因為出貨速度講唔上市場消化速度,已經好多日係全日都冇口罩供應。

口罩供應牌子:ElleAir、ETIQA KF94

購買限制及每次最多可購買數量:5-7片(不是5-7盒)

https://www.facebook.com/sasahongkong/



ColourMix

口罩供應牌子:HUSTORM, SUN MILLION

購買限制及每次最多可購買數量:10片(不是10盒)

https://www.facebook.com/colourmix.cosmetics/



萬寧

完全令人失望嘅安排!有疫症爆發初期到而家,長期缺貨,安排混亂,經常冇貨,唔好嘥時間。

https://www.facebook.com/manningshongkong/



日本城

日本城所有口罩都需要用籌嘅形式購買,不設網上預訂,

口罩供應牌子:Neo Health 口罩為主。

購買限制及每次最多可購買數量:1盒

https://www.facebook.com/pages/category/Household-Supplies/JHC-%E6%97%A5%E6%9C%AC%E5%9F%8E-289317227159/



HKTVMALL

HKTVMALL理論上係最方便快捷嘅方法,可以直接網上購買,但係不幸地已經比炒家用電腦bot不公平囤積!令到一般市民已經買唔到。如果有需要可以嘗試於香港各大討論區直接從炒家購買。

口罩供應牌子:理的

購買限制及每次最多可購買數量:每人一盒,30片

https://www.facebook.com/hktvmall/



口罩現貨供應服務

有啲唔認識口罩價錢、零售批發運作嘅市民,往往見到缺乏口罩嘅情形之後,就會問,究竟會唔會喺藥房、零售商食人血饅頭,嘗試高價賣出。

要分辨零售商有冇識人血饅頭,其實要先去了解究竟買緊乜嘢。好多人唔理解到,口罩就好似護膚品一樣,其實係有分生產商、用途、質地、出產國家,就算疫症爆發之前。口罩價錢可以有一蚊一個,到差唔多三十五蚊一個!價錢不同,係因為根本用途不同。就好似過海隧道,私家車、的士、貨櫃車、巴士嘅收費本身都唔同。

以下係疫症爆發之前,口罩嘅價錢:

3M N95 專業用口罩:約$25 一個

KF94韓國口罩:約$10 一個

醫學外科BFE口罩: 約$60一盒,內含50個,大概1蚊一個


以下係口罩嘅最新價錢:

3M N95 專業用口罩:約$50-100 一個

KF94韓國口罩:約$25 一個

醫學外科BFE口罩: 約$150-500一盒,內含50個



由此可見,係疫症全球爆發之前,口罩本身價錢已經有好大嘅出入。所以而家如果你見到市面上有啲地方價錢特別平,唔好開心住,可能根本佢係講緊最基本嘅BFE口罩。價錢貴亦都唔好先入為主覺得一定係人血饅頭,N95本身嘅成本同工序已經貴過BFE好多。

Post Top Ad