大灣區城市連成一體，香港、深圳、澳門、廣州，成為一個超級經濟體。唔單止商業機會因為區域融合而大大增加，連醫學美容及瘦身纖體科技，亦都因為區域結盟，令到所有大灣區入邊愛美人士可以享受更加多不同嘅服務同醫學美容療程！
以前好多內地貌美小姐姐、帥氣小哥哥到香港旅遊嘅時候，順便會做埋美容、纖體瘦身機。
大陸發展快，亦都有一啲醫學美容儀器流入香港，咁今日想同大家講解嘅就係一部都幾多人用嘅平價大陸射頻儀器，叫做E Box溶脂，又稱為E Box 4D納秒溶脂塑形儀，或叫做V Firma電波拉提緊膚。呢部機個價錢唔貴，全包一萬蚊左右，有啲靚仔靚女就忽發奇想，話不如用家用機嘅價錢，買部商用機返屋企自己做！
E Box溶脂，已經有返咁上下歷史，屬於骨灰級嘅舊式射頻儀器。老實講而家好多新嘅美容院都未必會買呢部機，但係因為佢價錢比較低，令到有啲人會買返屋企自己做。用家用機價錢買商用機，亦都係點解呢部咁舊嘅機，突然會再次流行！
其實呢部儀器香港好多連鎖店都可以做到，包括dream beauty pro同埋Primo Cosmedica等等。亦都有小部份嘅小型美容院入咗E Box溶脂呢部機。
E Box / V Firma 溶脂呢部機有咩咁特別，要特別專題佢介紹呢？其實佢特別嘅地方有幾個。
第一，E Box溶脂係一部大陸製造嘅儀器， 同市面上比較流行嘅醫學美容儀器大趨勢唔同，佢並唔係來自韓國、美國、以色列，而係來自中國大陸。而E Box溶脂 / V Firma呢部機亦都響中國嘅不同地方，包括大灣區嘅美容院同瘦身纖體中心，有一定嘅滲透率。雖然唔係什麼高科技，亦都唔係嶄新技術（佢響2013年左右已經喺市場出現，即將邁向10年歷史），但係都值得參考一下。
第二，E Box溶脂係儀器方面係屬於一個八千蚊人民幣就買到，如果以醫學美容來講屬於好平嘅「淘寶級」儀器，平到好多人甚至買部返屋企自己做！以一部呢個級數嘅儀器，竟然可以響香港唔同嘅地方獲得咁大迴響，實屬一個都市奇蹟！
第三，偏偏E Box溶脂呢部機又獲得一啲美容達人嘅推薦，例如羽翹！之前佢同莊思敏都上過電視節目介紹呢部機。
所以，呢部機並唔可以用一般「普通淘寶大陸機」嘅目光去審視。反而得大家去了解，點解佢可以成為淘寶機裏面最勁嗰部！
E Box溶脂的原理功效
E Box溶脂係一部高能量射頻儀器，佢同其他嘅射頻儀器一樣，有V面減肥，同埋纖體嘅作用，原理上同其他市面上嘅高能量射頻差唔多。
呢部機本身係來自內地一間醫學美容儀器生產公司，叫做「冠舟」。公司本身亦都有生產好多唔同類型嘅內地醫學美容儀器，例如一啲彩光、激光儀器等等。喺大陸都算一個有名嘅機構。
雖然呢部機本身會響淘寶到買得到，但係其實佢原本嘅設計，主要係俾醫學美容中心、減肥纖體中心，而唔係家用。只不過由於個價錢比較平，令到好多一般嘅市民屋企如果有位，都會買返部自己幫自己做！
E-box本身有唔同嘅手柄，分別用嚟治療眼部、面部、身體。
射頻已經比世界各國嘅醫療機構確認咗有緊致肌膚、溶解脂肪嘅功效。
安全性來講，香港暫時都未聽過一啲有關E Box溶脂呢部醫學美容儀器上嘅意外新聞。由於佢嘅運作模式係用射頻，而唔係用超聲波聚焦，理論上出錯嘅機會會比較細。
公道啲講，唔好因為部機係大陸生產就覺得佢一定係危險或者低質素，我哋要直接去用事實去決定究竟部儀器本身嘅安全程度去到邊。
相比起其他市面上不明來歷嘅內地醫學美容儀器，或者其他同類型嘅淘寶儀器，起碼我哋知道呢部機個原廠係邊間，就算有事去邊度搵。如果要比較嘅話，佢係內地機裏面比較有跡可尋嘅儀器。
E Box溶脂減肥其實有冇用？
E Box呢部機本身係可以用於面部同身體，我哋發現佢喺香港比較流行嘅用法，比較多係用於瘦身、纖體。基於各種原因，呢部機大部份醫學美容中心、單次收費美容院比較傾向用嚟輔助減肥，響個客人做完冷凍溶脂之後，再用射頻去改善循環，改善身體形態。
雖然唔係每個人都係醫學美容專家，未去到熟悉到一睇部機就知道係咩價錢，但係一般正常人都推斷出，呢啲款式大陸出產機，價錢一定唔會及外國一啲貴價减減肥儀器例如Liposonix、BTL 360、Velasmooth、GTG Wellness ABAS SR。
去過E Box溶脂減肥療程嘅人話，好似唔係好覺有用。討論區上面大把人話，做完都唔覺有好大分別。亦都有啲人話，E Box呢啲咁嘅大陸機，都要幾百蚊一次，好貴。
我會鼓勵大家唔好用先入為主嘅態度去睇呢件事。
好多人一聽到係大陸機，或者唔係什麼超級名廠機，個心已經有好大嘅抗拒。好多人見到eBox喺大陸做，兼且平時有冇乜宣傳，機器本身嘅知名度低，信心都唔會好大。做幾次之後，效果未如理想，就會大大聲話呢部機減肥冇用，不了！
E Box溶脂 / V Firma同所有嘅射頻機係一樣，唔可以只做一次，需要多次。呢個並無關機器本身價錢高低，係咪大陸做嘅問題，呢個類型嘅機係所有都要咁樣做。
純粹原理上去講，E Box溶脂 / V Firma呢部機的確可以做到減肥，瘦身，V面嘅效果。不過，市面上大部份做呢部機嘅地方，似乎都唔係將佢作為某種主打項目，多數都係主力sell冷凍、其他比較高價錢嘅療程，呢個只係輔助性質嘅療程，咁通常只會做10零20分鐘。如果以呢個類型嘅醫學美容機器來講，你要令到佢個效果達到最佳水準，就唔只做10零20分鐘。係10幾分鐘，乘20次！
E Box溶脂 / V Firma買返屋企做抵唔抵？
由於成部機價錢加埋都係約七千到九千人民幣，你買運費保險，匯率轉變等等，一萬蚊港幣左右，都有人會直接買部返屋企自己幫自己做。咁如果你問我地，究竟買E Box返屋企自己做好冇？
其實，E Box溶脂 / V Firma出街玩幾次係可以嘅，但係如果買部返屋企，就真係要諗諗。因為呢部機本身個體積都相當龐大，成個細水泡咁大。香港寸金尺土，買返屋企都唔知擺邊個位好！
而且，部機本身嘅能量輸出，比一般家用幾好，但係未去到超級頂尖。即使部機本身喺內地，都唔屬於係最頂尖嘅儀器，你哋見到嗰啲大陸靚仔小哥哥，美女小姐姐，其實都已經未必會做呢部機！始終佢出咗都有一段時間，七八年已經。依家內地發展極快，如果內地都唔用嘅機，你又買來做乜呢？
