【升運】如何擁有嫁有錢人的桃花運面相?桃花運自我測試 - OneCaratBeauty【香港美容KOL】

OneCaratBeauty【香港美容KOL】

香港著名醫美健康KOL,人氣已突破五百萬!OneCaratBeauty是極少數「全自費自購」美容教學測試網站,提供免費醫學美容、瘦身、營養、健康指導。

Hot

Post Top Ad

【免費資詢體驗】


Reju瑞士細胞年輕科研中心,位於中環,免費體驗最新高端正廠美顔儀器。韓星安全定點溶脂修型 | 氧生注氧treatment | KFDA認證無針埋線Liftera V | 膠原BB再生槍 Thermatrix | 650nm 激光美白煥顏 | 明星4.5mm 極限回齡聚焦超聲波 HIFU | 單雙極抗皺膠原射頻

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2020年1月14日 星期二

【升運】如何擁有嫁有錢人的桃花運面相?桃花運自我測試



無論中國人定西方人,都認為一個人嘅面相,可以顯示好多事情,包括「姻緣」。中國相學認為,相由心生,「夙積其善,則賦其形美而福祿也,素積其惡,則流其質凶而處夭賤」、「觀形則善惡分,識性則吉凶顯著」。

有桃花面相嘅人,就引來桃花運,能夠獲得美好姻緣。唔只有個錫自己嘅老公,甚至嫁個有錢人。

最近好多朋友都成功出嫁富商!啲人成日話,點解你身邊嘅人都咁旺?其實,好運,嚴格來講,係努力準備,加埋機遇嘅結果。如果有機遇,但個人缺乏準備,所謂嘅好運氣只會同你擦身而過!

一個人就算行桃花好運,都只能夠維持10分鐘!高富帥Mr Right會響對的時間、對的空間出現。但你是否對的人,只有你才可以控制。

桃花機遇真係會突然出現,但能否把握就睇你自己造化!當高富帥Mr Right喺你面前出現,如果你身心狀態良好,把握機會,所有嘢就會向正面方向發展!

今次呢個教學,除咗用傳統中國文化裏面嘅桃花運之外,亦都會用比較科學化嘅角度去分析,令到大家迅速提升桃花運氣!如果你婚姻緣薄孤獨,亦可多做善事,用自身嘅品行去改變命格中嘅缺陷。

就算以前桃花運幾咁薄弱,跟着以下嘅方法做,桃花運即刻上升!如果以前桃花好強勁,而家會令你更加好!



(兩位高貴女神黎姿、徐子淇)


嫁有錢人成功例子

好似我一個朋友,平時係一個善心美女,對答大方得體,成個人充滿着某種正念氣場,而且外表相當好,即使只係普普通通咁出現響朋友聚會,散發出一種幸福、善良、大方嘅氣場,緣份就咁樣微妙被牽引,吸引到同場條件極好、有光明前途、年收入超過二百萬嘅嘅金融才俊青睞!而家,佢哋就開開心心結婚,牽手踏入人生另一階段!

之前有個同事,外表中上但未去到頂尖,但係佢嘅桃花運相當犀利,佢之前返工嘅地方,就認識到一位馬來西亞富商、外表高大有型嘅ABC華人追佢!咁佢當然已經幸福結婚啦,而家同仔仔老公一齊,住響九龍塘又一村,環境幽靜嘅獨立屋,成功成為少奶奶。當時佢響名店嗰度做sales,而家佢就成為舊公司嘅大VIP。

以上嘅例子代表乜嘢?就係講俾大家聽,擁有桃花運可以自己爭取。

你自己會係桃花盛開財帛豐隆,定晚年困敗?緣份無成?

有時人嘅命運,就係取決於一瞬間,你有冇在對的時候,用對的狀態出現。

桃花運,可以靠自己趨旺。桃花面相,亦都可以靠自己爭取。

我從來唔信有啲整容醫院、醫學美容機構話,要靠整容先至可以有桃花運!其實有冇桃花運,的確好視乎有冇桃花運面相,但係面相本身,並唔係講用整容整出嚟嘅五官咁簡單。

面相,即係「面」同「相」。如果準確啲去講,其實係講述一個人嘅「氣質」,與及「外表」。

最旺桃花嘅人,往往有「氣質」、「外表」。兩者同時都要具備。



(摩洛哥王妃Grace Kelly,年輕時嘅佢,全新散發出一種高貴氣場,唔係入豪門咁簡單,直情係成功嫁入超級皇室)


擁有桃花運的特質

所謂嘅桃花運,就係人緣,是否能夠令到其他身邊嘅人鍾意同你一齊,無論係一齊工作,一齊學習,一齊發展情侶關係等等。

通常桃花運好嘅女仔,佢嘅朋友都特別多,因為佢比較適合同別人相處,令到大家有個良好嘅互動。通常冇乜朋友、性格港女到爆、尖酸刻薄、胡亂發放負能量嘅人,通常桃花運亦都會欠佳。因為習慣性地對人唔好,或者極端嘅自我中心、只懂得不停地偏執思想,呢種咁嘅思想形態,係絕對唔會令到人鍾意同自己相處,亦都遑論發展任何深入嘅愛情關係。

同一個Mr Right,出現後者面前,佢哋亦都無法把握。

大家要記住,如果你想擁有嫁得好桃花運,尤其是如果你想嫁個有錢人,你「不可以」將錢作為終極目的!

因為如果滿腦子都係諗緊錢錢錢,發放嘅氣場就係一種計較、功利嘅能量,對方個腦亦都會跟住你嘅思想只諗錢錢錢。如果你本身並非門當戶對嘅大家閨秀,你就會喺呢場互相選擇嘅比賽之中輸蝕。你一定要抱着一種開心、善良、大方嘅氣場,咁樣先至會激發到對方相同嘅思想頻率,你先至會贏。


桃花運面相拆解

好多女仔到到適婚嘅年齡,就會開始變得主動,對於桃花運呢樣嘢,亦都會比較主動去爭取。呢樣野唔係你想就爭取得到,係要靠平時嘅準備。

市面上甚至有啲專門買護膚品嘅連鎖店,例如卓悅旗下嘅品牌YUMEI,會出售桃花護膚品!功效係點就真係信不信由你。反而我傾向相信,自己仔細嘅觀察同改善自己外表同內在,反而好似更加有機會成功。

講起桃花面相,大家千祈唔好覺得係冇科學根據、迷信。其實如果你細心去觀察,就會發現原來所謂嘅「桃花運面相」,其實西方嘅心理學、遺傳學、生物科技學方面都大有來頭。

所謂嘅桃花面相,其實就係令到異性覺得吸引,想親近,甚至想繁殖下一代嘅樣貌。女性擁有以下嘅特質,就會令男性想親近,想保護,想發生進一步嘅親密行為。

無論東方定西方,對於女性嘅美態,其實都有相同嘅地方。呢啲係真正屬於人類學上面嘅共同點。

老實講,正桃花永遠都唔會嫌多!桃花除咗代表愛情順利之外,更加代表我有好多唔同嘅貴人助力同機會。


增強桃花運的面相特徵:皮膚白淨冇班

面上多色斑、荷爾蒙斑,睇起嚟已經令人覺得反感!因為我哋年輕嘅時候係冇呢啲咁令人討厭嘅斑點,只要當年紀變得越來越大,就會出現各種各樣嘅荷爾蒙斑、色斑、暗沉等等嘅問題。

咁代表乜嘢?有色斑代表已經年華老去!青春不再!大家都明白所有男性都喜歡年輕嘅女仔,無論20歲嘅男性定50歲嘅男性,始終都鍾意年輕狀態女性!



(外籍女性都比較多色斑問題,未老已經好多皺紋同斑斑!但係如果經過悉心保養,亦都可以改變先天嘅問題,就好似花邊教主,已經榮升人妻嘅Blake Lively,完全一粒班都冇,難怪俘虜到型男Ryan Reynolds)

色斑、荷爾蒙斑、各種膚色暗沉,其實就已經暴露咗年齡,話俾人知自己已經過咗適當嘅生育年齡,響物競天擇嘅配對裏面,將唔會得到男性嘅青睞。

提升桃花運方法:

任何市面上嘅去斑療程美白療程其實都相當成熟,大部份嘅PICO激光都幫得到手,可以積極考慮下,如果唔想打激光,可以考慮一啲家用嘅高濃度美白療程,大部份藥妝店都有,可以直接購買。

其實屋企去斑價錢真係唔貴,幾百蚊嘅產品已經獲得良好嘅效果,千祈唔好為咗慳幾百蚊,令到自己睇起上嚟年紀老10年,白白錯過美好姻緣!


增強桃花運的面相特徵:脂肪比例適中

男人睇樣睇身材就肯定,所謂嘅身形比例適中,就係話唔可以肥到賤肉橫生。如果比較纖瘦,大部份嘅女性都會望起上嚟比較有吸引力,除非你自己顔值相當高,好似苟姑娘嗰種可以carry到微胖,否則微胖到肥胖嘅身形,就只能會令你吸引力下降。長遠來講,不利你嘅桃花運發展。

中國相學認為,「短而無臀難發達,女人臀大又賤」過肥過瘦不好。

幫我地嘅脂肪比例,體脂比例適中嘅時候,我哋嘅相睇起嚟亦都會比較四正。唔會因為肥胖而導致頸部面部輪廓模糊,或者肥到成塊面都變型。

如果我哋觀察市面上嫁得好嘅女性,佢哋通常個身型係屬於比較適中,唔會過肥或者過瘦。



(英國太子妃Kate Middleton身形比例合乎黃金標準)

如果想了解自己身型是否適合標準,其實比較科學化嘅方法,就係利用BMI大數據去分析比較。有興趣測試嘅人,可以上網自行搜尋BMI脂肪比例。

所謂肥瘦有時比較主觀,通過同數據比較,有一個比較客觀性嘅理解,亦都知道自己其實有冇需要改善嘅地方。

BMI可以比較一下,自己嘅脂肪比例同其他年齡相若嘅人是否相同,定係屬於肥胖要改善嘅領域。

男性睇女性,同女人睇女人之間,存在根本性格差異,男性之間都會有所謂嘅同輩壓力。冇男人想比朋友覺得自己同個豬扒一齊!咁所以如果你想增加自己嘅桃花運,就一定要避免自己落入所謂嘅「豬扒」行列。

有時食嘢食多咗、脂肪積聚,就會出現所謂嘅小肚腩。自己唔留意,小肚腩仔變成大肚腩。一出去活動,就相當之礙眼。呢啲嘢男朋友唔會直接同你講,但係當出現咗競爭力強勁,腰臀比例合適嘅第三者嘅時候,你嘅缺點就會即刻一覽無遺。有時你輸咗都唔知乜事。

下面就會教大家,點樣可以盡快搞走個肚腩。而家再講埋點解身形比例咁重要!

傳統中國文化會趨向鍾意啲好生養嘅女性,基本上所有有錢人老爺奶奶,都希望盡快生小朋友,盡快抱孫!所謂好生養,就係望落去嘅身形比例係比較容易生育。咁傳統智慧話俾我哋知,通常下盤臀部比較大,就係代表容易生小朋友。

呢種中國人嘅民族信仰,唔係完全錯誤,亦都唔係迷信。因為其實根據西方嘅醫學研究發現,下盤嘅脂肪比例,其實好受到女性荷爾蒙嘅影響。擁有足夠而豐富嘅女性荷爾蒙,臀部亦都會比較大。所謂嘅好生養,的確係有一定嘅醫學根據。

太肥或太瘦都不利生育,亦都唔會對於你響未來奶奶老爺心目中理想媳婦嘅印象有任何幫助。所以,建議大家做適量嘅運動,保持體態屬於正常狀態。如果過往長時間缺乏運動,好可能會導致中央肥胖或過分腫脹。

提升桃花運方法:

呢啲情況之下,除咗做運動之外,就可以參考一下市面上比較流行嘅醫學美容纖體療程,例如「熱光溶脂」。呢類型嘅療程好處係非侵入性,唔會好似醫生手術咁樣需要去開刀,而且效果比較快。可以重點修改你想改善嘅地方,亦不會導致人一般人認為有福相嘅豐滿臀部同胸部減少。


增強桃花運的面相特徵:眼大有神

中國相學上所謂的桃花眼,是指神足!睇眼,要睇是否有神。

男女之間相處,眼有神者必為主!

古訣論目,「上下雙弦者,名桃花眼」,大家可以睇吓黎姿對眼,又大又靚,而且有神采,一生人裏面無論咩年紀階段,都得到唔少異性貴人嘅關注同幫助。最終入豪門亦屬正常。

中國相學亦都講到「婦人三角眼,其性殺夫」。事實上,有位出名巴閉嘅立法會議員,的確有以上三角眼,導致尅夫嘅問題。丈夫好早已經過咗身,中國相學上嘅嘢,有時真係唔到你唔去相信。

如果覺得桃花運爭小小嘅朋友,就可以留意吓自己樣眼妝。人與人之間望眼神!眼大,而且有精神,俾人感覺就係積極、開心、精靈。

如果你都想擁有一對帶來好運嘅桃花眼,解決眼部嘅問題,例如黑眼圈、疲倦、眼紋等等,就要可以考慮市面上好流行嘅眼部療程,例如眼袋槍,呢啲絕對唔貴但係效果非常顯著,值得大家盡快去做。

如果抱着積極心態,當機會出現你就會成為人生贏家!如果經常抱着一種失敗主義,消極思想,覺得乜都唔使做,乜都幫唔到,亦都會自我實現!

究竟你能否擁有桃花運,都取決於你自己嘅心態,如果你願意俾個機會自己,就應該聽下人哋嘅意見作為一個參考。

記住,我哋而家唔係教你去消極又低姿態咁樣求人,希望盡快趕急「搵人埋單」。呢個係一種失敗想法,我哋係教你點樣成為一個人人都想私有化嘅公主!

新一年,如果想有個新開始,可以參考一下專門幫中環圈時尚女性執靚嘅髮型師、化妝師、形象指導IG同網站。如果有興趣同其他人成功入豪門叫靚女一樣,執靚自己,新一年迎接好運,去呢度免費資詢:https://bit.ly/2EdcPRJ





Post Top Ad