經常都有人問「隔空溶脂有無用」？如果你身邊朋友都減緊肥，相信好多人都試過！甚至不同美容討論區都有好多人問。香港現時有好多不同的美容院推廣隔空溶脂技術，當中有部份係屬於比較具備優良輔助設施，但都有好多係所謂單次收費美容院，或者極小型的山寨工作室模式。而且香港隔空溶脂價錢相差好大，貴嘅可能$10000一次，價錢平嘅$500都有。從現時的經營情況可見，隔空溶脂無論價錢和預期效果，都有相當大的差異。
開始深入探討香港隔空溶脂這個題目之前，首先要提醒大家，現時香港有邊幾種隔空溶脂科技。先行了解現時的情況，可以避免俾貴咗！因為隔空溶脂所涵蓋的科技其實都幾廣泛，市場收費會因為不同的科技而有所差異。
如果你仍然認為隔空溶脂，只係包括某種舊式覆蓋式機器，咁就可以趁今日了解一下最新市場資訊！
現時大部份香港的隔空溶脂效果都不明顯？
如果相比起其他類型的無創纖體技術，例如冷凍溶脂、激光溶脂、接觸式的射頻溶脂、甚至做運動等等，市場對於隔空溶脂效果的評論其實較為分歧。有部份做完隔空溶脂療程之後覺得效果可以接受，但係亦都有不少意見認為，香港好多美容院做完隔空溶脂之後，效果同理想中有出入。
隔空溶脂效果同理想中有出入，有好多原因。但係歸根究底，其中最重要的原因，不外乎「知識不足」。
你問每一個女人，每一個女人都想靚！每個人都希望擁有纖瘦美麗身形！相信冇一個人會希望自己臃臃腫腫、行出黎肚腩撞死人嘅身形。因此減肥纖體從來都係好多女人最重要首要事項。
明明相比起之前， 現今世代的美容機纖體機，係已經好先進，但相比起20年前，依家香港其實女性身形其實普遍冇咁好！唔係偏肥脂肪腫脹，就係減肥過度導致皮包骨，再加上膚色偏黃暗淡，黑柴身形欠缺美感。
相比起以前，現時香港女性消費能力係高咗，但係同時亦都有一個毛病，就係好多女性會認為醫學美容就係解決所有生活問題的最好解決方法。
其實肥胖、皮膚鬆弛、精神欠佳、睡眠質素差等等，有好多深層次的原因。可以通過醫學美容去改善，但亦都有可能可以通過生活習慣上面的調整去大幅改善。醫學美容係其中一個可行的方案，但並不是唯一的方案而且即使你俾錢做機減肥、或者參與各種的減肥機項目，其實都需要健康的生活習慣去維持體態，否則放縱自我，不去維持好的生活習慣，你直接放喺肯定會返嚟，就算做機減肥有效果，都會因為你暴飲暴食而不能夠長期維持。
點解好多香港隔空溶脂效果都不明顯？最主要原因，係因為大部份美容院根本缺乏適當的知識水平，未能夠去提醒消費者有關使用服務的注意地方，而且由於對整體人類的健康狀況、健康教育方面完全落後，根本冇好好去提醒參加者究竟要注意什麼地方。所以你會見到好多人俾錢參加購買療程，但最終的減肥效果不明顯，更甚者，有部份人可能話隔空溶脂根本係完全零效果。
如果你自己在考慮是香港不同的隔空溶脂療程，又不算太清楚究竟隔空溶脂會有什麼樣的效果，就一定要留意以下的教學，可以幫你慳好多錢同時間！
你參加任何類型的隔空溶脂療程之前，首先都要確認你自己有健康的「基礎代謝率」。
你一定要有正常的基礎代謝，使用高能量機器幫你減肥先至能夠發揮應有的效果，否則你肯定會事倍功半。花費大量金錢做機減肥，但仍然見唔到要應有的效果，又或者需要付出比其他人幾倍金錢，先至會見到少量減肥成果。
香港99%以上的美容中心其實都唔會教你有關「基礎代謝率」與及「做機減肥」兩者之間的關係。
始終好多美容師質素好參差，基本科學知識又冇，亦都冇任何探究精神，甚至連英文都唔多識，對住外國的機器生產商，只能夠this this this yes yes yes 去應付，當然學習成果久佳。
最後這些質素參差的美容院、美容師，只能夠淪為所謂的IG beauty shop 、網紅美容中心。只能靠通過炒作、各種低級吸眼球表演去短暫地獲得注意。這些網絡紅人美容院對於長遠地改善消費者的減肥效果，基本上係無能為力。
如果你要做機減肥，或者參與市面上的減肥機療程，所謂的網絡紅人或者KOL，並非理想的學習對象。
減肥機、做機減肥等等及科學性以及學術研究的題目，最好都係相信專家及外國具備一定佢程度的研究。用科學化、知識化的方法去處理。
其實每個成年人都會有基礎代謝率。根據維基記錄，基礎代謝其實就係「身體在非劇烈活動的狀態下，處於非消化狀態，維持生命所需消耗的最低能量」。
可能你自己都有留意到，你年紀越大，整體狀態可能冇以前咁良好！經常都會有種食少少野都肥、身體回復得比較慢的問題。其實這就是因為你的基礎代謝率隨着年紀變得緩慢。
基本上每個成年人都會經歷「基礎代謝率」變慢的這個階段！
好多消費者去醫學美容中心做機減肥，往往都會花費大量的時間去選擇比較不同療程、了解不同減肥機等等。但以上動作基本上係一定需要有正常健康的基礎代謝率先至有意思，否則如果你本身的基礎代謝率極為緩慢，勉強這個時候去做機減肥其實就有機會出現效果不明顯的問題。
要提升基礎代謝率，平常一定程度的運動係需要。例如慢跑、急速步行、各種帶氧運動等等，進行大概20分鐘至30分鐘左右，就能夠提升！
提升了基礎代謝率之後，對於各類型的高能量機器纖體療程、甚至最基本的人手按摩等等，整體的好處和效果都能夠放大。
任何通過高能量機器去改變脂肪狀態的療程，其實都需要去本身的新陳代謝系統去排走經過處理後的脂肪細胞。
如果脂肪細胞未能夠及時通過淋巴系統與及循環系統排走，纖體的效果就一定不理想。
現在香港有提供隔空溶脂療程的醫學美容中心同學美容院等等，其實大部份都忽視了「基礎代謝率」這個重要的元素。對於大部份有興趣減肥的客人來講，好多時候只會叫他們咁買更多療程，但不會通過比較科學化、知識性地分析問題，只會叫你不停買買買，但如何去加強最終的隔空溶脂減肥效果，就一竅不通。
如果你真係決定咗去做「隔空溶脂」，你就要去有心理準備，進行相關療程的同時，自己都要比較注意基礎代謝率的問題。確保進行療程的期間，你自己有適當的運動量，當然去做gym、跑步、行山等等會係最好，除此以外，有時可能搭車的步行、甚至行街購物等等，都可以提升整體的運動量，對於提升你的隔空溶脂效果其實係有幫助。
定時與及充足的睡眠，其實都會有改善代謝率的效果，所以如果你現時正在積極考慮參與美容院的減肥療程，其中一點必須要去注意，就係要有充足睡眠時間，令到基礎代謝率正常。管理自己，避免經常性地休息不足、睡眠不足、做機減肥的時候你就一定要把握時間睡眠，唔好玩咁多手機！
隔空溶脂和體溫的重要關係
另外一點必須要提一提大家，就係如果你正在考慮不同的隔空溶脂、做機減肥類型的療程，其中一點去注意返，就係保暖！
現時好多香港人都會有新陳代謝慢、缺乏運動、手腳冰冷等等的問題。現時好多香港室內地方例如辦公室、商場等等的冷氣其實亦都溫度太低，令到身體其實處於長期的亞健康狀態，如果你要減肥成功，就一定要注意保暖！
體溫其實係一個人身體狀況的重要健康指標。你自己都可能發現細細個都需要探熱，身體溫度太高或者太低都代表身體有問題！但現時香港好多人，對於體溫都有忽視問題的情況。
日本好多研究都發現，當一個人體溫偏低的時候，其實係會出現各種生理問題，包括血液循環變慢、頭腦不清晰、難以集中等等問題。
如果你長期手腳冰冷，或者發現自己體溫經常都係不足，好容易發覺好凍、甚至出動所謂的中女三寶「暖水袋」、「頸巾」、「披肩」都未能夠改善問題，你就要首先的起心肝去做少少運動，以提升自己的體溫，先至去做機減肥！
