最新2024隔空溶脂價錢收費!大集團 VS 中醫美 VS 小店有咩分別? - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2023年1月30日 星期一

最新2024隔空溶脂價錢收費!大集團 VS 中醫美 VS 小店有咩分別?



隔空溶脂技術嚟咗香港幾年時間,相信大家都會聽過或者見過! 過去幾年隔空溶脂價錢收費變化都幾大,以前隔空溶脂就可能只有大型醫學美容集團連鎖店先可以做,而家亦都多咗中型規模醫美診所,同埋一啲小店都有提供隔空溶脂。事實上市民亦都對於呢個科技接受程度高咗,整體嚟講都係一件好事。而家就會為大家盤點一下最新隔空溶脂收費市場價格,與及詳細講解一下大集團 VS 中型醫美 VS 小店究竟有乜嘢分別。價錢貴就一定代表好?價錢低又係咪真係有著數?定係背後有一啲不為人知嘅古惑方法?而家就為大家一一去揭曉。


最新隔空溶脂價錢,你必須知道的事情


如果你啱啱開始去比較不同減肥療程時候,好多時第一個反應就係去比較隔空溶脂價錢。但其實對專家嚟講,價錢唔係第一考慮因素。安全性,效果,與及總成本等等先至係最優先考慮,其實都係需要去諗清楚,搵足夠資料先至開始做!

你以為隔空溶脂價錢平一定好?其實市面上有好多做咗好多次平價隔空溶脂,但係效果唔明顯嘅個案,網上都有好多分享!呢啲未必係因為個機器嘅問題,更多時候係因為美容院操作嘅問題。有意無意之間令到你嘅療程拖長,如果去錯地方大把人做幾十次都冇分別。單次收費可能會好平,但係你要做好多次先有成果,或者做完都係冇成果,呢啲問題就一定要防備。

相比起價錢平或者價錢貴,更為值得大家優先去考慮嘅就係相關機構本身嘅聲譽。係咪一間正當經營嘅醫美診所,或者美容院。正當由良好操守嘅機構,其實係會為客人著想諗到一個最適合而且價錢最合理嘅方案。

相反如果立心不良或者係一啲操守極低嘅美容中心,就會用盡方法去搵錢之餘,亦都唔會真正為你帶來乜嘢成果。佢使用正牌正廠機器都好,都有辦法開到最細,令到你每一次去都冇乜效果。人哋可能兩個月已經完成嘅嘢,你搞半年都未完成。雖然表面上單次價錢可能會平,但係做落總成本就大幅增加, 買貴咗好多。

而家就會獲得一講解一下究竟大中小型嘅機構提供嘅隔空溶脂服務,喺質素,安全性與及效果方面,有乜嘢唔同,點樣先至叫做價錢抵性價比高? 你自己現時預算有適合購買邊一類型嘅療程呢?以下就會為大家詳細教學講解。


大集團隔空溶脂價錢


以前喺冇得揀嘅年代,要做隔空溶脂多數都要搵大型嘅醫學美容集團,上市公司或者係一啲大型嘅集團式美容院等等,呢類型大規模公司所提供嘅隔空溶脂,無論係以前定係而家,價錢其實都偏貴。好多大型嘅美容診所,乜乜站乜乜堂乜乜medical等大型醫學美容集團到而家為止,都冇調低收費, 雖然市面上係多咗好多選擇,亦都多咗好多平價選項,但係基本上呢類型公司仍然用緊五年前甚至十年前嘅價錢作為參考!即係比起市場價錢貴咗好多!

價錢貴其實都算。最大嘅問題係呢類型嘅大型黑乜乜係好鍾意hard sell,基本上上到去係唔可以安安靜靜咁樣完成療程。每一次都要不停去叫客人再加錢再買嘢,而且預約都唔係咁容易。經常都有人投訴話畀咗錢之後book唔到!總之個經營模式同埋理念,就唔係太尊重消費者。呢類型舊式機構嘅煩膠銷售方式,其實都幾令人反感。

大型醫學美容集團有少少優勢嘅地方,在於佢有批發購買優勢。通常一個大型嘅中心都有幾部相同類型嘅機器如果好彩嘅話要book都唔係完全book唔到,就係睇過顧問畀唔畀你預約咁解。

大集團隔空溶脂價錢:大約$30,000-$60,000,未計算其他需要額外支付嘅療程費用以及其他upsell服務等等,真正埋單價錢,其實難以估算。

大型機構隔空溶脂優點:多數使用正版機器

大型機構隔空溶脂缺點:價錢明顯高過市場收費,性價比比較低。經常出現有hard sell,不良銷售方式,與及難以預約等等問題。

大型機構可供選擇機器種類:E-magstorm, Emsculpt, Eximia HR77, Young In, Coolsculpting, Coolshaping 2, ABAS FIT



中型醫美診所/有質素美容院隔空溶脂價錢


以前係冇得揀嘅年代,要做隔空溶脂呢類型成本比較高嘅減肥機,消費者就基本上要硬食。因為係得呢類型嘅大機構先有靚機使用。 但現時已經進步咗好多。好多中型規模嘅美容診所或者高級少少嘅美容院,都有提供隔空溶脂服務。而且價錢亦都唔係好似大集團咁樣企硬十年前嘅貴價錢。好多中型機構所提供嘅隔空溶脂價錢,其實都幾合理。

中價錢嘅醫學美容診所,或者一啲中型規模嘅美容院,其實就係一個比較好嘅選擇。因為佢係集合咗大型美容院靚機/外國貴機嘅優點,而且客戶服務比較好,冇上市公司嗰種瘋狂hard sell逼迫客人,仲要價錢貴嘅手法。 通常比較好嘅中型機構,會集中喺港島區一線地域嘅高級商業大廈,例如中環或者係尖沙咀比較好嘅大廈。

中型醫美診所隔空溶脂價錢:大約$10,000-$30,000

中型醫美診所隔空溶脂優點:多數使用正版機器

中型醫美診所隔空溶脂缺點:冇咁多電視廣告知名度比較低,消費者需要自行發掘比較

中型醫美診所可供選擇機器種類:Winback, Exilis Ultra 360, UltraShape, Magic Polar RF, E-magstorm, Emsculpt, Eximia HR77, Young In, Coolsculpting, Coolshaping 2, ABAS FIT, Magic Pot, Theranova



小店或者單次收費隔空溶脂價錢

對於一啲標榜價錢好低嘅所謂嘅網紅小店或者單次收費美容中心,做落你就知其實好多問題。

正如一個男人第一次約會就帶你去食兩餸飯,你生日嘅時候佢就帶你去食M記,再去旺角中心買條淘寶手鏈畀你。 作為一個女人。你就咩感受呢?你會唔會覺得佢係一個值得你付託終生嘅人?

所有嘢都係廉價,所有嘢都係低質素,你自己都知道呢個男人可以提供畀你嘅生活質素始終都唔會太好。

追求生活質素其實真係無可厚非。美容纖體同拍拖一樣,都係一種享受。唔係叫你每日都要餐餐去fine dining,但係最少特別日子都要有啲誠意都要對自己好啲!去呢啲標榜低價錢嘅『美容兩餸飯』其實都係糟蹋自己,即使去食完兩餸飯可能個肚真係飽啲,但係唔會令你開心咗,亦都唔會覺得過程好享受。

好多低價錢嘅美容院其實質素真係有少少問題,無論係員工訓練,機器保養,機器選擇,甚至衛生程度等等,其實都係會有啲唔同。舉個例就好似你去嗰啲單剪嘅平價髮型屋一樣,都係有幫你剪頭髮,但係就冇一個完整嘅洗頭,護髮,造型同埋頭皮護理步驟。而且好似好多單剪,嗰啲師傅來來去去,次次去都唔同人!上次嗰個好似做得幾好,今次就已經唔響到做!今次去到又搵一個返咗工兩日嘅人幫你。價錢低就有咁嘅問題,無論係買方定係賣方都係視之為一個低價錢的交易,冇任何承諾,亦都冇乜將來。大家都係好純粹低金錢交易!老實講兩餸飯都可能比較呢類型嘅單次收費或者平價美容院穩定,起碼兩餸飯每次都有同一堆餸菜選擇,但呢啲標榜低價錢嘅美容美髮,其實就真係靠運氣撞彩,有時好有時唔好。

你去做美容,點解會選擇一啲冇任何承諾,冇任何長遠關係嘅公司?呢對你嚟講就係咪真係最有利呢?剪髮你都唔想,何況高能量做機減肥?

另外講講好多所謂單次收費美容中心或者小店專門用虛假前後圖欺騙消費者嘅做法。 有冇發覺愈係名不經傳嘅地方就越係鍾意出好多前後圖?呢度真係要好小心因為之前都見過好多其實係網上偷人哋嘅圖片。亦都有好多只係直接使用廠商所提供嘅例子圖。唔代表真係去到嘅時候 有分別。何況你用個常理去推測都知道,話明係單次收費,或者係唔需要買療程,有幾多人真係咁神心返去每次做,而公司咁有恆心咁記得每一次都幫嗰一位客戶影相呢? 你自己去做嘅時候都冇人同你影相啦。 有啲嘢講到明就無謂,你自己去推理一下就知道發生乜事。 好多嘢都係睇過就算唔需要太過深究,唔好人哋講乜你都信。

首先隔空溶脂係 需要專業知識去操作,無論係員工培訓或者係操作嘅方式等等,其實都有要求。

小店或者單次收費隔空溶脂價錢: 試做價錢可以低至$100,或者全月任做(不明機器/盜版/二手三手機器)

小店或者單次收費隔空溶脂優點:冇

小店或者單次收費隔空溶脂缺點
:機器來源不明,好多係內地大陸,亦都包含大量假貨山寨貨, 海關之前已經作出一系列拘捕行動,但仍然無法杜絕盜版減肥機情況

小店或者單次收費可供選擇機器種類:Onda,大陸機 HIEMT系列


隔空溶脂邊間好?


根據過往慣例以下就係做機減肥,隔空溶脂排名比較:

首選:中型醫美診所/有質素美容院
次選: 大型醫學美容集團
不建議:單次收費美容中心或者小店


有咗以上詳細分析相信大家都有少少概念,知道中型嘅機構會係最適合進行隔空溶脂嘅地方,但係其實除咗選擇正確機構,選擇去使用邊一類型嘅隔空溶脂機一樣會影響最終減肥結果所以當你去比較隔空溶脂邊間好嘅時候,除咗選擇美容中心嘅規模亦都要留意返使用機器嘅質素。

隔空溶脂其實唔係淨係止一部機器。隔空溶脂係一個廣泛嘅技術,市面上有各種不同嘅隔空溶脂機,比較常見就會係以下呢幾種:

  • 射頻隔空溶脂:BTL Vanquish Me, Lutronics EnCurve, Meridam
  • 微波隔空溶脂:Young In
  • 電磁波隔空溶脂:E-Magstorm, Emsculpt

來自英國嘅BTL Vanquish與及來自南韓嘅Lutronics EnCurve,可以話係比較早期嘅隔空溶脂機器,過去幾年香港見得比較多嘅就會係呢兩部。 如果講比較近期推出市面嘅,就係微波隔空溶脂Young In。


隔空溶脂廣告與真相:女明星代言人VS 普通人嘅分別

啱啱開始做機減肥,同埋已經係做機減肥專家,有番咁上下經驗嘅人,適合嘅地方其實亦都唔同,所以如果想繼續了解點樣買先至會係最抵,就請你繼續睇落去。

好多人選擇美容中心或者係醫美診所嘅時候,就好鍾意參考究竟明星係去邊幾間!冇錯好多一線嘅明星都會去一啲中環或者高級少少嘅美容院執靚自己,但係佢哋嘅選擇,未必真係完全啱你。尤其係如果你自己本身喺時間上或者預算上面唔係明星級數嘅時候,你盲目去跟明星買佢哋用緊嘅產品,其實分分鐘會畀多咗好多錢!

你見到好多明星都有贊助或者本身體代言人, 但係啱佢哋,唔代表啱你!盲目跟風只會令你帶來損失。

好多靚女明星做隔空溶脂,其實係佢哋整體纖體嘅一部分,亦都可以話係一個相當細嘅部分。佢哋係有自己嘅私人PT教練,私人瑜珈導師,甚至偷偷地打減肥針溶脂針等等。另外你見到嗰啲女明星拍纖體廣告係非常之纖瘦但佢哋唔食嘢你又知唔知道?一日可能淨係食一個蘋果,你自己又係咪做得到呢?

就算女明星去做機減肥,其實亦都有好多唔同機器畀佢揀。表面上好多女明星可能表面上係代言一部機器,但係其實私底下做緊十幾部不同牌子嘅減肥纖體機器!平時仲有大把空閒時間去做按摩,與及紮肚收緊,再加埋影相嘅時候P下圖,先至會有咁出眾嘅減肥效果。你作為一個普通消費者,行埋去如果要逐樣逐樣買嘅話,真係買到你窮,都未見到女明星嗰種效果。

所以嗰啲明星代言人係作為參考可以,但係就唔好諗住可以真係代替一個良好嘅減肥計劃!

如果作為普通人想要有明星般嘅減肥效果,但係又唔想花費大筆金錢嘅話,可以下呢幾個方法就絕對幫到你,快啲寫低!
  • 選擇可以提供不同嘅減肥機器嘅組合的療程(多機器多效果類型療程,例如熱光溶脂), 令到你都好似明星咁樣有多部機器選擇,有最大成功機會,而唔需要需要額外畀錢
  • 自己注意飲食,就算自己唔去節食,都唔好過量進食
  • 時刻保持體溫溫度溫暖,唔好令自己出現虛寒狀態
  • 定期適量嘅運動
  • 參考一啲營養師設計嘅餐單。好多網上都有免費嘅資料可以參考。另外亦都有部分市面上嘅減肥療程,其實已經包括營養師設計嘅減肥補充品,令到你可以一方面做機減肥,另外一面就通過營養師減肥補充品去加快排走毒素與,及阻隔脂肪積聚。

如果有興趣深入了解香港最新隔空溶脂價錢,了解自己係咪適合進行療程,可以先whatsapp’免費諮詢:https://bit.ly/2EdcPRJ


Related

Post Top Ad