【減肥】豪花三萬揾營養師竟被串「豬扒食少啲」!揭香港營養師減肥價錢收費陷阱 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Post Top Ad

【免費資詢體驗】




高富帥男神余德丞、人氣男團MIRROR推薦!REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://bit.ly/2EdcPRJ


2021年1月25日 星期一

【減肥】豪花三萬揾營養師竟被串「豬扒食少啲」!揭香港營養師減肥價錢收費陷阱

香港營養師減肥價錢收費


如果你正在網上搜尋營養師減肥,就一定要小心!網上營養師有好有唔好,收費標準亦極為參差,雖然絕大部份第一次見面都係收幾百蚊,但係最後sell plan,有可能幾千蚊,亦有可能高達三四萬蚊,甚至更多。美容陷阱你可能聽過,營養師都有黑店,你聽過未?


講一個例子你就會明白,點解搵營養師減肥一定要小心,一定要比較邊間比較正當,邊間比較好。


單純ABC回流女,遇上營養師黑店

之前有外國長大ABC回流朋友準備結婚。結婚係一生人一次,當然比較着緊!由於佢本身都屬於高頭大馬,加上過去幾年過得相當幸福,不知不覺之間,已經比啱啱返嚟香港時候肥咗好多,試婚紗效果都唔太好睇!

本來,外國華人size已經比香港人大,再加上呢幾年幸福滿足,成日同未婚夫品嚐香港美食,飲茶、飲酒、staycation ……

去試婚紗舖頭,手臂脂肪真係好誇張,麒麟臂嚇死人!腰間肥膏脂肪都好大問題,多年來肚腩、胃腩、脂肪爆曬出嚟,試婚紗都俾佢搞到變形,雖然未婚夫係德國人,口講話唔介意,但自己睇到嘅鏡中恐怖影像,都好介意!

冇理由虎背熊腰出嫁,就算男家親友係外國人唔介意,香港親朋戚有、同事、甚至網上花生友都會嘲笑!

所以,朋友就希望盡快搵到方法,回到最佳狀態!

朋友四圍問人,都發覺最佳減肥方法,係同時去美容院做機減肥,與及搵營養師改善飲食,雙管齊下,先至可以獲得最佳效果。

醫學美容中心有相熟,平時去開買多個做機減肥course都有收緊、回復緊致作用。但營養師,由於平時並無任何相熟營養師介紹,四圍問人之下,新娘化妝師就好熱心介紹一個。

呢位營養師,經過新娘化妝師介紹,理論上應該比較正常同有經驗,不過相約中環cafe見面當日,發現這個營養師都幾特別!


貌似女版阿Bob的營養師

營養師年約40歲,外表不算醜樣但亦不靚女,一陣煙味,相當有失意保險經紀格局!

營養師身形仲有少少肥同埋污糟,作為專業的纖體營養師,都幾冇說服力。

由於此女子外型走樣兼且談吐十分MK,我已經輕輕提一提朋友,會唔會搵多幾個營養師比較一下比較好!

不過由於時間緊急,作為要返中環工的新娘,本身已經有幾百件事要做,再去花時間四圍比較,朋友覺得實在太麻煩。

雖然第一印象麻麻,不過時間關係,即管照請!

營養師第一次見面,未坐低已經話要收費幾百蚊,問O唔OK。朋友都預咗比。

自稱營養師都未介紹自己背景,就已經話自己幾勁,好過其他營養師,又介紹不同減肥計劃。

朋友屋企本身都係有錢,營養師話如果要獲得最佳效果,肯俾三萬,三個月就一定可以減走最少20磅,甚至30磅!

朋友聽到好心動,諗咗一晚就過數!


原來營養師根本冇牌

除咗第一次見面之外,ABC朋友根本冇再親身再見過佢。大部份時間都係通過WhatsApp去跟進。由於嗰時剛剛開始出現疫症,朋友都覺得唔見面可能係正常,所以就冇特別去要求見面,大概每一個星期,會WhatsApp報告下自己食咗乜嘢。

搞搞吓,朋友自己都好忙,忙到自己都忘記節食,之前營養師話會介紹高纖產品、營養煮食餐單等等,全部都冇下文。朋友之後醒起追佢,佢就好快咁email一堆餐單。不過我哋上網再搵,發覺根本就係copy and paste!

朋友都覺得有啲問題,不過返工好忙,準備自己pre wedding、因為疫症要更改安排、同酒店聯絡改時間、改人數、改menu、同event公司夾、準備伴娘裙、指揮wedding planner,太短時間要做太多事情。

慢慢,由每星期WhatsApp營養師,變成不定期,後尾直情唔記得咗件事。

有一日,個營養師突然出現,話朋友應該加錢買營養補充品!本來朋友都冇乜所謂,如果瘦得到在多番少少錢其實都可以,不過見到牌子竟然係傳銷商康XX!

所謂營養師,竟然只係冇任何學歷嘅傳銷商!

「My Gosh! Isn’t this MLM rubbish !?」朋友認得牌子,因為外國都有呢個牌子。外國都好多有關呢個牌子嘅不良經營新聞。

朋友開始覺得古古怪怪,尤其自己有冇特別瘦過,得到嘅營養餐單又好似係網上抄襲,所以自己再去搜尋。發覺原來根本呢位自稱營養師,根本香港完全沒有任何資歷!

朋友再去質問營養師有關佢資歷,佢竟然惡人先告狀,話減唔到肥,係因為你食嘢食太多!建議你食少啲豬扒就減到!

完全冇效果,仲俾人串,朋友聽到真係人都癲!


搵營養師,要搵合資格健康管理中心


其實香港營養師,係要有一定嘅資歷。香港政府、醫院、正當健康管理中心等等,只會聘請有相關學歷人士!

香港正式營養師減肥,價錢可能比較貴少少,但起碼係正當!

一般正常營養師減肥,月費大概$2000 。一年大概兩萬蚊左右。

當然,有新進營養師、剛剛畢業營養師、在網上part time平台app招攬生意嘅獨立經營營養師等等,呢種營養師價錢收費可能會比較平,不過低價錢亦都反映資歷同資格。價錢大概每月$1000左右。

始終健康先係無價,股票投資有機會有損失,就算買樓都可能會蝕錢,不過投資健康,長遠一定有賺!

所以搵營養師,最好都係搵有實體店、有聲譽的健康管理中心。

以上真人真事,令到大家留意到,香港真係好多減肥陷阱!唔係一定平價網上營養師先要特別檢查資歷,連收費貴,專門做上等人結婚喜慶生意,都有黑店假營養師。所以唔可以懶,一定要做足功課去研究比較!

如果要搵營養師減肥,真係唔好亂咁黎。最後都係去一啲有規模、有歷史嘅營養中心,或者健康管理中心。

Related

Post Top Ad