【醫學美容】臀部也要敷面膜!?台灣天菜最愛神器Unicorn Skincare臀膜自購評價!

今天要自費測試評價的,是來自台灣,當地網紅天菜鮮肉男神必備的美容美體神器「Unicorn Skincare」,包括令到身體緊致的護理用品,與及品牌王牌,臀部保養的「臀膜」。

(這是自費測試評價,並沒有收到任何贊助或免費使用)

Unicorn Skincare獨角獸這個來自台灣的男神天菜限定美容品牌,在台灣網上人氣不錯,無論在PTT討論區,還是在IG,都有好多人搜索有關Unicorn Skincare的評價。Unicorn Skincare和一般的傳統藥房男性保養品不同,Unicorn Skincare這個品牌主打高質素的面部保養與及身體保養,而且對象,都只是在社交媒體中最高點擊率的年輕鮮肉天菜男神。這個品牌,只會推薦給最高質素、身材勁爆的sixpack靚仔、胸肌男神使用。

 

 

 

網紅推動新一代護膚美體產品

在評價獨角獸Unicorn Skincare之前,首先講一講為什麼小型品牌會流行。

香港地小人多,租金超昂貴!所以,零售商對於產品,基本上是不容有失。香港大型藥妝連鎖店藥的取向,都是和大型的那幾個國際巨無霸品牌合作:包括Olay,Neutrogena等等,再加上幾個韓國牌子例如Mediheal、Jayjun等。這幾個品牌的產品,水準有一定保證,批發折扣又大,亦是最安全選擇。

最大的問題,就是缺乏獨特性,無論產品幾好用都好,始終都有點兒沉悶!

如果你不喜歡使用那幾個品牌,又或者皮膚容易敏感,要另外搵其他的品牌,就會發覺香港好困難!香港又好似有好多藥妝店,但係其實佢哋買嘅產品,基本上係一樣!

隨着高質美容KOL及社交網站的流行,網上突然出現了很多小眾的、高水準的、半地下的美容護膚牌子。這個現象在美國、日本、韓國、台灣都有。

最著名的就是世界級YouTube美容天后Michelle Phan的自家產品EM Cosmetics,與及IG型男Edward Zo的Moon Fiber頭髮造型產品。

這些小眾牌子在產品成分和包裝方面都比較有特色,用過的人都覺得水準不錯!這些網絡紅人主導牌子,通常不會在傳統的零售、超級市場出售,只會在網店、水貨店出售。

Unicorn Skincare獨角獸就屬於一個突然在網上評價中爆出的台灣保養品牌。台灣的保養品牌、護膚品、面膜其實水準不錯,可能大家小時候都有買台灣的面膜。

今次要介紹評價的,就是Unicorn Skincare品牌王牌身體護理產品與及臀膜!


Unicorn Skincare最出名的王牌產品,就是臀部面膜



面部要敷面膜,臀部都要保養! ?

冇錯,Unicorn Skincare獨角獸主打的,並不是台灣最出名的面膜。

反而,就是身體護理最容易忽略的一部份,你的臀部!

Gay的男生比較帥是常識吧!同志鮮肉男神,對於身體護理,健身、面部保養等,都比較有心得和注重。

在認識Unicorn之前,即使作為美容達人,臀部保養,這一點我也是忽略了的。

原來,臀部和面部一樣,都會缺水、出皺紋、衰老和鬆弛!

適當的保養,能夠令到使用部位的狀態比較好。

可能有人會說,臀部的保養,對於直男來說,是多餘的。而且臀部,一般人也不會隨便看到。對於pat pat保養那麼注重的,相信也只有靚仔hehe用家了。

如果你有這種想法,就錯了。

第一,身體保養其實真的無分男女、異性戀同性戀之分。

第二,這個臀部面膜,其實是Unicorn Skincare品牌系列身體產品、乳液、精華遊、拉提霜的一部份。

第三,無人想自己在親密時光出醜!一個充滿暗瘡印、下垂、衰老、形態枯萎的pat pat,無論你是男是女,在親密時突然把對方嚇到,真的大煞風景!



 
獨角獸Unicorn Skincare男模示範,「Unicorn U微笑動感俏臀膜」使用臀膜方法)

Unicorn Skincare臀部面膜使用方法簡單,只需要從包裝袋出來,直接用上臀部就可以。

根據官方網站介紹,Unicorn臀膜成份包括緊實因子、北美緊實落葉松、甜紅茶發酵物、鳶偉花萃取、愛爾蘭紅藻萃取、玻尿酸、尿囊素、蘆薈萃取液、辣薄荷萃取等。

每包,有60mL精華!

Unicorn Skincare官網介紹表示:「下半身的翹度,決定另一半的態度。」

哈哈!

 

要評價Unicorn Skincare,最好方法直接去總部!

好多網友表示及評價,Unicorn獨角獸這個品牌的模特兒真的很高質素,而整體包裝也的確很有心思。

Unicorn獨角獸整體評價也不錯,如果你對於這個品牌的背景、歷史、團隊充滿好奇心,就一定要留意這介紹。

Unicorn Skincare雖然暫時並沒有實體店,只有網絡經銷。但是它在台灣有一個寫字樓!是整個獨角獸團隊工作的地方。

在靠朋友拜托的情況下,我就有本事去了獨角獸Unicorn品牌的創作辦公室朝聖拜訪!去了解究竟這個橫掃中港台、東南亞IG男神品牌的大本營!

 

這裏就是Unicorn這個火熱品牌的發源地和工作坊辦公室,位於台北市。

大家最有興趣知道了解的,就是辦公室裏面會不會有那些廣告模特兒的男神出沒?

其實是沒有的。有這些模特兒的廣告宣傳硬照,卻是有的。

我也有和獨角獸Unicorn高層職員交流,亦都尋求他們的推介,除了最流行的臀部面膜之外,職員亦介紹了幾種產品,包括身體按摩精油與與及臀部保養霜。

我也直接問職員:「其實這個產品是不是真的有拉提緊致功效? 」

那位職員也很老實地,看一看我現在臀部的情況,回答:「其實是有效的,但你要配合均衡飲食!」

激死我!哈哈!

   

我也用這機會拍了一些照片給大家看看。

和負責人傾談大概20分鐘之後,我也購買了一些產品回香港試試。和平時一樣,這是自費購買的,並不是任何的免費試用或贊助。

我到了這個年紀,一定會明白,做不做到所謂的天菜,要看好多因素。並不是一樣產品就可以一步到位。然而,我也認同,多使用這些保養自己身體的產品,會增強你自己的自信心,與及對自己身材的重視程度,從而減少因為暴飲暴食導致的後悔與及與及脂肪積聚。



 


【減肥】拒做低端人口!胰島素減肥抗抑鬱方法教學

胰島素同荷爾蒙對於減肥好重要,如果你想樣貌、健康、身體年輕指標各方面都提升,你就要留意胰島素減肥教學!

而今次的教學,不只是減肥那麼簡單。而是怎樣提升自己,變成一個美麗,高貴,堅強的人。不受過去回憶所擾,向最美的自己出發。

 

 


 
(韓劇Kill Me Heal Me內地板主角,天菜帥氣男神高泰宇)

* * *

一班朋友去尖沙咀食日本菜,我一位女性朋友,嫁咗兩年,已經由以前令人怦然心動、鼎盛光鮮、S字身型、思想敏捷嘅盛世女神,變成不修邊幅、身材肥腫、精神唔太好嘅黃面婆,令我好驚訝。

近日,佢俾公司一班後生靚仔靚女同事背後恥笑為「豬扒」、「低端人口」,令一直自我感覺良好嘅佢好唔開心!

另一位男性Hehe朋友,以前係普通副學士MK仔,喺Tom Ford做嘢,但近年樣子愈來愈型棍,隔住衫都見到爆肌,愈來愈似網紅Trivago男神黎學勤!

無論係朋友社交圈子、職場、交友網、甚至約炮Apps,都有分「高端人口」與及「低端人口」。

所謂嘅高端人口,就係外貌靚仔帥氣,大隻身材好,胸肌腹肌充滿男性荷爾蒙,高收入,懂得使用高質素生活產品,打扮又帶有大都會潮流感嘅天菜男神。天菜帥哥好多人add,係高端人口!

女性高端人口,係大眼V面,身材纖瘦得來胸部又勁爆,皮膚水潤,懂得享受生活,性格又可愛嘅傻白甜名媛系女神、高端人口。

高端人口去到邊度都受歡迎,朋友一大堆!追求者同埋排隊做兵嘅人都好多!

另外一方面,低端人口,就係指社會地位低、收入低、顏值低、身材肥胖、自卑、偏執、溝通有問題、不受歡迎嘅人。即係所謂嘅毒男同低質嫁杏無期港女!

低端人口,無論去到邊度,都會覺得諸事不順,無論點樣努力,都係事倍功半。無論幾努力喺網上識人add人,都得唔到人哋嘅尊重,只係會惹來嘲笑同鄙視。

點樣由低端人口晉升成為高端人口?呢個題目講三日都講唔完!不過,有一個最快嘅方法,就係成功控制自己胰島素同荷爾蒙,令到自己極速減肥成功!

因為,高端人口不論男女都有個共通點,就係身材勁正,有胸有腰。

低端人口都有個共通點,就係身材鬆弛、脂肪比例唔健康,無論係去做gym定做瑜伽,落球場打波,其他人退避三舍,驚佢地分分鐘肥到撞死人!


肥胖會減低你嫁得好嘅機會

黑絲、短裙、低胸、又或者cosplay Sailor Moon、泳衣、韓妝,理論上應該可以秒殺大批男士。

偏偏如果你肥,着乜都唔會好睇。

我有個男性朋友成日講:「比肥婆鍾意真係慘過食屎!」直男就係咁現實!

如果你係低端人口,連偷偷暗戀人都畀人狂鬧!

荷里活左傾自由派思想輸出全球,現今社會對於唔同體型嘅人都抱有開放態度。

無論係外國明星Adele、香港代表欣宜,都可以理直氣壯咁樣話比大家知,肥都可以肥得好可愛,有思想。冇錯,肥本身唔應該俾人歧視。但係,無論你做得幾成功,你永遠都只係「欣宜」!男人心目中,你都始終唔係高端入口。但如果減肥成功身材好,達到愛美神水準,你可以立即升呢,變成「黎姿」!

你問100個男人,究竟接近47歲嘅高齡3女之母「黎姿」索啲,定30歳係可見嘅將來都相信仍然嫁唔出嘅「欣宜」正啲,相信大部份都會話係前者!


胰島素荷爾蒙減肥法:大量吸收蛋白質

好似我之前都教過大家,點樣可以用蛋白質最快方法減肥。我之前都已經講過,減肥最快嘅方法唔係運動,唔係食減肥藥,唔係做乜鬼蘋果減肥方法,而係去「健康飲食,重新調節荷爾蒙同胰島素,再加上weight training,同去美容中心做爆脂機!」

健康飲食,令你瘦得快,瘦得健康,而且,情緒同睡眠都會改善!

利用胰島素、荷爾蒙去減肥,有好多好處。

所謂胰島素減肥,就係盡量減少進食會令到血糖上升嘅食物,進食大量蔬菜(西蘭花、白菜、蕃茄)、水果(蘋果、橙、檸檬、西瓜)、蛋白質豐富嘅肉類(雞扒、牛扒)。碳水化合物就盡量少食,甜品,汽水全部唔好掂。再加上大量補充品蛋白粉。

市面上有好多減肥代餐、減肥茶、減肥藥、甚至減肥Apps。呢啲都冇問題,但係最快可以瘦到,其實就係進食大量蛋白質。其中一個最方便嘅方法,就係日日飲whey protein。

我之前都有同大家分享過,市面上有一隻蛋白粉Isowhey味道可以接受,而且長期飲用,真係經過我個人測試係可以減到肥。

你只要肯每日飲用蛋白粉,都可以減低食慾,亦都同時減低每日吸收嘅卡路里,令到你身體胰島素回復正常水平,血糖平穩,大概一個禮拜已經即刻見到效果。

講返我原本個朋友,見到佢狀態咁差,都知道應該除咗飲食差之外,亦都有更嚴重嘅心理因素。

原來,結婚之後嘅狀態,同結婚之前想像有好大距離,同奶奶相處又唔好,老公又唔肯幫手出聲。呢啲環境之下,令佢經常感到好憂鬱。

久而久之嘅抑鬱,因為情緒引起嘅黑洞,就變成要用食物去填滿!越食越頹廢,越頹廢越食,形成超重嘅惡性循環。

呢個時候,佢已經進入抑鬱狀態,即使係任何嘅美容教學、健身YouTube、修身書籍、美容院爆脂treatment都好,因為本身心理狀態質素退縮同疲倦,就算已經俾咗錢,都唔想去。

抑鬱嘅時候,成個人都冇晒能量,講到要減肥呢啲要付出好大心機嘅行為舉動,好多人就會俾藉口自己除地方中沉淪落去,let it all go!一段時間冇見,就變成咁樣!

其實,好多人有壓力,感到抑鬱、不被愛、內心空虛嘅時候,好容易就會靠着食物去尋求安慰。

呢個係人之常情!我自己以前都係工作好忙,都會發現身體變差,食量變大!

但係而家已經知道,我唔會好似我個朋友咁樣,由得自己沉落去,一見到唔對路,胃口開始變大,就即刻開始重新飲蛋白粉!

蛋白粉,真係減肥最佳良伴。

因為你即使喺冇精神、太懶去美容中心做任何treatment,或者冇任何意志力可以抑制自己失控食慾嘅時候,蛋白粉一飲,你嘅食慾就大大降低。

蛋白粉本身可以調節你嘅胰島素分泌,令到你本身冇咁容易吸收卡路里轉化成為脂肪。所以,絕對係必需要嘅減肥救星。

講吓講吓,我個朋友都講咗出嚟,屋企嘅壓力、工作嘅壓力,令到佢狀態下降!

由於唔識自己打理自己,有時工作壓力大到亂咁出街鴻福堂、大快活、麥記、七仔買嘢食。不經不覺,不良飲食習慣與及情緒病,令到佢就由高質素美人變成低端人口。

同佢哋食完飯,我返屋企之後,一面飲蛋白粉,一面望住窗外面閃閃發光嘅大都會夜景。

其實,你經歷過人生中失意同埋失望,我都一樣經歷過。

好彩係,我本身對於營養、瘦身、美容treatment比較有認識,能夠好敏感地捕捉自己嘅問題,一有唔妥,就即刻識得對症下藥。

人生中總會經歷種種高高低低,有開心有唔開心,但係低潮期嘅時候唔好完全放棄自己,反而用一啲方法去行返一條正確嘅路,人生好快就會有轉機。

我自己就成功過好多次,希望分享出嚟,大家都有所啟發。

* * *


在愛中重新開始

真正能夠令療癒你的,令到你情緒病康復的,不是亂吃食物,而是重新愛上你自己。

這已經不只是低端高端的爭端。

真正困住你的,不是脂肪,而是你的抑壓、寂寞和失望。

脂肪,是你對自己的不夠愛。

自愛,自重,規律,你用最簡單的有效方法重新開始,是最好的禮物。

與愛同行,華麗轉身,這種能力人人天生都有。改變飲食,一方面,是發現了新的生活方式,另一方面,是「想起」心底深處已經知道很久的某種概念。

一種排毒、靈性、清澈的念頭。

愛上你自己,就是正視你自己的感受。你會明白到,你自己給予世界什麼,世界就給予你什麼。如果你想要離開苦惱、憂鬱,焦慮和恐懼,那你自己一定要給予這個世界,給予其他人,及你自己,你的支持,熱心,友情。

你會明白到,這個世界真的有因果關係。當你的心在愛、平靜、和平、寬恕之上,你就不再覺得自己是受害者,你就會相信自己的能力,你就會把注意力集中在如何提升你自己身上。

當你放下除了愛之外的所有念頭,你就能夠放下不良飲食習慣,重新站起來,步向眼前的幸福。



【醫學美容】單次收費美容院facial比較指南(2019最新資料)

好多靚靚同帥帥私訊詢問,市面上越來越流行嘅單次收費美容院Facial、單次收費美容平台,價錢比出邊一般正常嘅美容中心平一大截,究竟佢哋點樣生存?單次收費Facial究竟好唔好?做唔做得過?有冇伏?近日hit爆無針埋線Liftera V做唔做得過?Reju Beauty、Home Spa之類價錢又唔貴,有冇咁著數?

好多人錯誤以為,單次收費facial、美容同脫毛服務,由於唔需要大額預繳,就一定安全!作為一個資深美容業界人士,可以好肯定咁同大家講,單次收費美容服務有好有唔好,絕對唔一定好,差起上嚟甚至影響埋你皮膚質素、令你損失金錢、失去美麗,甚至健康,單次美容都可以有伏!

今日嘅教學,就係希望可以教大家喺安全,經濟有保障嘅情況之下,去選擇適合自己嘅單次收費美容服務。


香港單次收費美容院facial現況

「大公司Facial又貴又冇效!仲好hard sell,諗起都怕怕!」好多人都有相似嘅諗法。

市面上信譽良好嘅單次美容院唔多,嚟嚟去去都係Reju Beauty、Home Spa、JC。提供單次收費美容院Facial,但單次其實唔係新鮮事,以前,講緊90年代,嗰時嘅美容中心facial大部份都係單次收費!

雖然嗰陣時嘅行業發展同業界水準,比起其他地方例如日本、歐美仲有好大距離,但係普遍都係正當生意,唔係一啲所謂嘅美容黑店或者劈場。

由大概二千年開始,連鎖式嘅大型美容企業開始推行套票制度,而預繳嘅金額,亦都隨着香港市民收入增加而不斷上升,由幾千蚊增加到幾萬蚊,甚至幾十萬!

連帶嘅效應,就係好多中小企而家都推行套票制度,基本上依家99%以上嘅美容院,不論大小規模,都推行套票預繳。要做treatment,唔該開course !單次收費,反而變成少數。

以前嘅套票銷售,係優惠嘅一部份,係可以令到顧客用更優惠嘅價錢享受得到比較連貫嘅美容服務,其實本身無可厚非,始終一個相熟嘅美容師知道你嘅皮膚情況、個人喜好、作為服務對象,服務都會好啲。

後期因為一啲美容黑店嘅不良銷售手法,導致套票銷售變成瘋狂黑銷hard sell,半勒索嘅情況,令到大家都怕怕。

美容必須首先大額預繳,開始療程之後如果唔加錢不斷購買產品,治療師、顧問就會變面、串嘴同埋冷漠,之後甚至出現俾咗錢但係無法預約嘅情況,係好多市民希望轉向單次收費美容facial嘅原因!

而家市面上大型嘅醫學美容中心集團,大部份都要求前線員工同顧問落力sell course、或者淪落到黑銷!大型嘅醫學美容集團、上市公司,基本上係唔可以唔預繳一筆金錢。

尤其是你去嗰幾間出晒名美容黑店集團,經過消委會點名批評、甚至有警察上門調查不良銷售,甚至拘捕負責人上法庭留案底,你就會明白,佢哋嘅sales係幾咁戰鬥力強大!

而家市面上提供單次收費美容服務同facial嘅,都係一啲小型嘅美容中心,地點都係一啲比較平嘅地方例如觀塘工業大廈、油尖旺舊樓等等。佢哋嘅主要賣點,就係價錢平,無需預繳。

話明唔需要預繳,唔需要開course理論上應該安全好多……

真係?未必!

單次收費美容院都有黑店!


單次收費美容院facial手法揭秘

之前好多人問我,對於 Spa單次收費美容院、單次收費Facial嘅睇法,同埋可唔可以介紹一兩間。

我知道Reju Beauty、Home Spa、JC單次收費評價唔錯,但係除咗歷史悠久嗰兩三間之外,其他市面上突然爆出好多類似嘅地方,我就唔敢推薦。

除咗Reju Beauty、Home Spa、JC、Skin Regene、Hermitage信譽良好之外,我唔敢推薦其他單次地方。

除咗Reju Beauty市場上會投資入韓國貴機,市面上好多其實係爛場!

都有朋友好熱心咁樣同我講,佢搵到一間平靚正嘅單次收費facial,而且,做咗醫學美容療程,打咗今期醫學美容覺非常火熱嘅V Max (又稱渦旋HIFU、漩渦HIFU),又做咗韓國人氣光學療程Omega Light,價錢仲好抵。平過市面上其他大型皮膚科診所、集團式醫學美容中心好多。

 
(近期火熱嘅韓國渦旋HIFU V-Max,香港正式代理係星妍國際,但係市面上好多冒牌貨,都係來自單次收費美容中心)


佢睇到嘅所謂嗰一隻漩渦HIFU(渦旋HIFU),我都識佢個代理,價錢咁平,連成本都比唔到,認真有嫌疑!

Reju Beauty信譽良好,但美容行業害群之馬,市面上咁多強國大陸假貨,以佢地嘅價錢,我差唔多可以肯定一定係假。

我睇到佢哋Facebook嘅圖片,細心檢查佢嘅產品同機器,返到屋企再用我自己嘅代理資料來源比較,就得一個結論:佢俾人呃左。

當時我見到啲網友、朋友咁有興趣,我都唔好意思直接指出,單次收費facial服務,你做咗老襯!


單次收費美容院facial:小心假機

嗰部所謂漩渦HIFU(又稱為渦旋HIFU),並唔係韓國代理,售賣超過10萬蚊嘅真機,係強國偽劣假機!

連部機個外貌都抄得咁求其,肯定係假!

之前都有經紀向我哋兜售過V Max,呢啲大陸製造嘅假冒偽劣扮韓國漩渦HIFU機器,對於呢啲風險極高,產地不明,明知係假野但扮真野,我哋立即嚴詞拒絕!

好多單次收費美容院、單次收費美容平台,都有出售一啲醫學美容療程,例如高能量聚焦HIFU。問題在於,同一啲大型嘅、需要預繳式鋪頭唔同,單次收費facial店舖,顧客同商店大家嘅關係,只係一次過,做完就唔會再有任何交流,亦都好少會再返去幫襯。就算有返轉頭,都唔會好似一般普通美容中心咁頻密。

所以,好多時候,店舖都抱着一種將貨就價,使用最廉價裝備,二手三手、大陸山寨劣貨儀器,務求將成本減到最低。一般市民真係未必識得分辨。

市面上一般醫學美容、激光、高能量聚焦、黃金射頻嘅價錢十幾萬一部左右,開店嘅價錢起碼400,000最低消費。

咁重皮,單次facial地方未必肯投資!

佢地使用嘅產品亦都係水準中下,其他高價美容中心必會用嘅廉價貨。

有啲價錢非常之平嘅平價單次收費美容院facial,其實係利用市民貪小便宜嘅心態。一部HIFU機正常嘅價錢,會有既定嘅計算方法,包括機器本身嘅價錢,探頭價錢等等。市面上平台主打嘅價錢,非常之平,令人懷疑究竟會唔會係真機,定係大陸無牌機器。

好多市民亦都係好貪平,好似一種貪小便宜嘅心態,其實呢一種純着重價錢嘅心態,只會害到你自己。


單次收費美容院Facial:產品質素問題

仲有,我個朋友興致勃勃咁樣話買咗啲台灣B5 Gel、B3 Cream,我一睇,就已經知道佢中招。

嗰一間單次收費美容院叫佢買嘅,並唔係台灣嘅產品,而係一隻大陸非常流行嘅所謂金箔面膜、B5 Gel。

真正嘅成份,唔係透明質酸,其實只係價錢超平價嘅工業用甘油,加入疑似金箔!

咁樣做其實係攞自己塊面靠飛!


單次收費美容平台:劣質美容黑店溫床

好似另外一個朋友,經常都同我講,自己有幾醒幾勁,從網上廣告,搵到一啲單次收費美容平台,可以轉介一啲平價美容服務。

借用大美人嘅一句說話:「我真係恭喜你呀!」

單次收費美容平台唔係一定唔得,而係佢嘅工作只係一個agent ,就好似地產經紀、保險經紀一樣。

佢哋嘅工作,就係從網絡嘅美容中心介紹人頭收費,賺取佣金。

呢個形式嘅介紹,就係黑店温床!

我唔係話全部經營都係黑店,都唔係話全部中介平台都係黑,好多都係正當,但係,佢嘅情況就好似平價旅行團經常帶你去買嘢一樣。

大家都可能試過去旅行嘅時候,比導遊領隊介紹去特定嘅地方買嘢,所謂觀光、影相。入到去呢一啲介紹嘅地方,開頭嘅時候梗係會有啲免費拍照、免費靈芝、限量版人蔘發售,你覺得好着數,買嘅時候好似一切都好正常,到後來你先發現,佢嘅產品價錢,比市面上嘅價錢貴好多!

正當嘅金舖、中藥店、朱古力店、本身已經有好多客,根本唔需要再俾錢中介人。其實美容院都一樣。

單次收費係大勢所趨,但係,大家都要識得揀,以免靚靚面孔遭受不必要嘅傷害!

良好信譽單次收費美容院推介
Reju Beauty
JC
Home Spa 

之前出過有關良心單次facial做醫美成功嘅post,之後幾星期被PM被問爆!如果有興趣了解最新消息,FB:Onecaratbeauty 

 

有興趣嘗試做全新韓國美國機,各種V面、美肌、逆齡療程嘅朋友,可以直接以試用價到信譽較良好嘅尖沙咀Reju Beauty登記。個人較推「韓國膠原激活童顏術」,效果媲美萬元貴價療程,$688限時優惠(原價$1088)





Counter

Flickr Images