2018 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2018年12月27日 星期四

【醫學美容】抗衰老荷爾蒙精華護膚品超詳盡教學(最新科研Part 1)

12月 27, 2018
抗衰老年輕化,其實係一個好重要嘅身心健康議題。好多香港人會用醫學美容的方法例如打肉毒桿菌Botox、打無針埋線Liftera V、打「少女針」Ellanse、Perlane填充劑、打抗衰老荷爾蒙等等嘅方法,令自己外觀比較年輕、嘗試對抗衰老。又或者會用好多唔同嘅抗衰老精華、抗衰老護膚品等等。

今次呢個教學系列,係Onecaratbeauty.com全體同人,新一年誠意之作,目的係分享俾各位一直有支持我哋嘅巴打絲打。呢一篇文章極之豐富,為得到最新最有效資料,我地去請教醫生、韓國皮膚整容醫院、香港美容業界收取最新情報、向醫學美容儀器代理獲得最新資料,呢一篇報告,做咗超過兩個月資料蒐集!親身試做Botox、打無針埋線Liftera V,而且我自己俾錢嘗試唔同抗衰老護膚精華產品,絕對值得大家參考。

 
(Royal胎盤精華、日本生產胎盤荷爾蒙精華護膚品)


抗衰老的三大重點範圍

注意!面部衰老,反映身體器官衰老!

一過咗30歲,身體機能同心理質素急速退化!

皺紋、面乾、面下垂、容易出班、容易肥、體力下降!性生活失調!容易抑鬱!

如果唔能夠全方位咁樣保養,就好容易跌入「人老珠黃」境地!抗衰老荷爾蒙、抗衰老護膚品、抗衰老精華、抗衰老醫學美容,因此變得必要。

我識好多朋友,一踏入20美30頭,整體樣貌、體態、心境,不分男女,單身定結婚,有錢定普通人,直或gay,一過咗30歲,樣貌身心自信一律大退化!呢個現象,不幸地係香港人身上更為嚴重。(有生理原因,下面會詳細講述)

抗衰老,其實唔單只係外表咁簡單,仲重要,就係你身體機能與及心理狀態、精神健康。

如果你發現自己體重上升、皮膚乾燥、出老人班,注意!呢啲全部係初老現象。

美容黑店港女sales、醫美診所跑數醫生只會一味勸你買買買,大家都可能開醫學美容診所買過不同護膚抗衰老產品同treatment(荷爾蒙療法、HIFU、射頻),但效果並不明顯。

更甚者,有啲靚靚可能只係能夠成功維持上面面孔,但下面私密生理部分因為年齡壓力變成一團糟,就會鋌而走險,去美容中心做最近流行嘅下體美容、韓國或強國生產嘅「收陰機」、又或者如果你係囝仔,好似泰國一班帥gay去做當地流行嘅「下體陰莖激光療程 penis laser treatment」。

為咗keep住年輕,大家可以去到幾盡?

又或者大家都試過去藥妝店,買唔同嘅抗衰老精華護膚品,但效果不好。

抗衰老總共可以分為三大重點。今日就會同大家詳細講解。

抗衰老第一重點,就係「抗衰老醫學美容」。抗衰老醫學美容包括抗衰老護膚品、抗衰老精華、抗衰老荷爾蒙療程。我會詳細為你講解當中現代科學認為最有效嘅方法,價錢,同埋一啲親身自費參加醫學美容嘅成效分享。亦都會為大家講解現今最流行嘅醫學美容抗衰老療程包括EGF、荷爾蒙抗衰老、胎盤素、無針埋線等等。

抗衰老第二重點,就係「抗衰老健康養生」。抗衰老如果要做到有效果,而且見得快,就一定要同時進行飲食、養生、健康方面大改造。抗衰老健康飲食養生習慣做得啱,你嘅皮膚、狀態、性能力、都會有改善。呢一部份我會分享外國營養學家、醫生、中醫對於抗老化與及荷爾蒙調節嘅生活習慣。令到大家唔需要去即貴嘅醫學美容診所、聘請時薪數百美元起跳,每次口頭資詢都要收費幾千蚊港幣嘅專家,都可以獲得最新抗衰老方法與及消息。

抗衰老第三重點,就係「抗衰老思考習慣」。終於有句說話,叫做有之內型之外,就係一個人嘅心境思想,往往會反應係一個人嘅外表之上!如果思想年輕積極,外表亦會同樣反映出來。思想悲觀負面,外表亦會提早衰老!要做到內在年輕,氣場年輕,就要連思想習慣一併upgrade!年輕嘅氣場,係充滿希望同樂觀,對於未知領域嘅好奇心與及正面心態。年輕,就係識得輕易放低捨棄唔開心,快速回復到元氣滿滿嘅狀態。


抗衰老醫學美容:荷爾蒙、精華、護膚品點樣選擇?

大家知唔知道,人類嘅衰老,同荷爾蒙有好大關係?

失去平衡嘅荷爾蒙,加上細胞氧化,令人衰老!

有冇發現你嘅護膚產品無論用幾多,塊面都仲係乾同埋下垂?

抗衰老,就要從荷爾蒙講起。

我未知道荷爾蒙同抗衰老嘅關係之前,我自己都用左唔少錢購買抗衰老護膚、精華產品、醫學美容療程,我個人已經用咗超過幾十萬!

吓!你可能覺得有冇咁誇張?

絕對有,錢係用咗,不過我都覺得值得。

點解?因為我洗咗啲幾十萬,但係外表年輕5-15年,令到我人生更多選擇,搵伴侶、事業、自信心方面,每個月都係一兩千蚊其實都值得。一兩千蚊其實唱卡拉OK、買件衫、買一隻鞋(not even一對)、出街食兩餐飯已經冇咗。與其無啦啦消費振興經濟,不如投資自己身上。靚仔靚女一定要明白呢個道理!

當我知道抗衰老荷爾蒙,與及正確抗衰老荷爾蒙使用方法之後,就令到我嘅抗衰老活動更得心應手。

首先,就講下胎盤素Placenta。

偷偷話你知,市場上一種名媛愛用、超高天價嘅醫美保養品胎盤素,係來自俄羅斯嘅女性身體!

究竟當中效果有幾勁、同時幾安全、有幾合法,真係要自己再諗。

近年,好多剛剛踏入20尾、30頭嘅靚靚同帥帥,都有使用胎盤素抗衰老精華。

市面上炒到最火熱,就係Royal臍帶血精華。呢隻Royal胎盤精華,好多網店都有出售。

如果純粹以科學醫學來講,胎盤素Placenta對於皮膚嘅作用,其實嘅支持數據的確有,但相比起足夠作為達到醫學證據嘅要求,係暫時不算太多。

有關胎盤素研究裏面,發現裏面含有嘅雌激素,對於皮膚可能有一部份改善作用。同時,胎盤素嘅蛋白質,有可能激發膠原蛋白嘅生長、增加肌膚含氧量,從而達到抗衰老、年輕化、回春嘅作用。

胎盤素,亦都有分為人類胎盤素、羊胎素、豬胎素,與及植物胎盤素。當然,價位差別好大。

你可能會好好奇,植物,點樣有胎盤?

原來植物嘅雌蕊,係含有胎盤素成份。

荷爾蒙對於身體嘅年輕有好重要作用。

可能大家都會沉迷於中日韓香港,身材非常好又大隻嘅小鮮肉男神。

點解人類會特別鍾意小鮮肉呢?係因為肌肉同荷爾蒙有直接關係。

年紀後生嘅時候,荷爾蒙分泌旺盛,亦都比較容易斷練出肌肉。一般男性過咗35歲,肌肉嘅發展會隨着睾丸素減少變得鬆散。一個男人嘅肌肉,可以睇得出一個人嘅年輕荷爾蒙、生育能力與及健康程度。

女人,其實情況亦都似,纖瘦有力嘅肌肉能夠承拓良好身形。由於荷爾蒙變化,亦會在30歲開始,不停流失肌肉。醫學界發現,女人有25歲開始,直到更年期,會唔見大概15%嘅肌肉!之後,每年更以2%嘅高速下降!

由於荷爾蒙對身體有關鍵作用,以抗衰老為目的而注射荷爾蒙,亦都係醫生同埋醫學界關注嘅議題之一。

要提一提大家,男女本身不同地方在於Gonadal Hormones,性腺荷爾蒙。

荷爾蒙注射,英文叫做Hormone Replacement Therapy(HRT),一般來講,會為中年人補充荷爾蒙嘅作用。

注射男性荷爾蒙對於男性生殖能力有幫助。而且,能夠改善胰島素、以及肥胖問題。

好多外國嘅男士為咗回復小鮮肉身形,會網上購買男性荷爾蒙/Testosterone補充品。呢類型嘅產品,好多外國網站都有出售。

近期醫生卻發現,注射荷爾蒙,有機會導致乳癌與及心臟病。自己生產嘅荷爾蒙,反而就冇呢個作用。

咁點樣,先至可以利用荷爾蒙去幫助年輕化、抗衰老化?而唔需要有以上嘅副作用?

醫生發現,其中一個安全,而且自己增加荷爾蒙嘅有用方法,就係減肥。

減低身體嘅脂肪比例,會促進荷爾蒙。係一種良性嘅循環。

如果想增加自己嘅好年輕荷爾蒙,運動,會係其中一個最好嘅方法。尤其是舉重等等嘅重力訓練,會令到年輕荷爾蒙加速激發,有抗衰老作用。

我之前同大家講過,禁食,對於抗衰老嘅作用。

醫生發現,隔日的禁食,有助身體減低IGF-I,亦令身體狀況比較年輕。

(未完待續)

打開內容

2018年11月11日 星期日

【醫學美容】無針埋線同HIFU及Thermatrix膠原槍比較!Liftera V幾耐做一次?

11月 11, 2018
 

近期韓國醫學美容療程「無針埋線」Liftera V真係火熱到爆,無論係明星、港鐵廣告、雜誌、YouTube、IG網上紅人分享、醫學美容達人都有分享!各位靚仔靚女,相信到而家大家已經做咗Liftera V無針埋線,或者積極考慮中!



打開內容

2018年10月6日 星期六

【醫學美容】香港男士護膚品美容院facial推薦:毒男變男神?

10月 06, 2018
同大家分享香港男性護膚品,同男性美容院facial教學之前,首先想講下過去幾年男性護膚品市場嘅巨大環境變化。過去幾年,都見到一啲天菜級高質素嘅香港男仔,究竟點樣先可以由路人變男神?因為外表皮膚緣故而導致戀愛有障礙,護膚品同美容院facial又點樣幫得到?乜係無針埋線?點樣可以避開hard sell黑店,搵到適合自己預算嘅服務?


打開內容

2018年9月22日 星期六

【醫學美容】無針埋線Liftera與Ultra V Lift原理效果價錢教學,及如何防止副作用

9月 22, 2018
近期最多人問嘅醫學美容療程就係「無針埋線」Liftera Ultra V Lift。傳說中,呢個新嘅醫美療程,有極強嘅逆齡、拉提、凍齡、緊致效果。由大型Perfect Medical(佘詩曼代言)、到Dr Reborn(鐘欣潼代言)到瑞士高端儀器Reju Beauty(韓國索模Min Ji代言),Liftera V都係人氣之選。



打開內容

2018年9月19日 星期三

【一拉年輕】韓國最新膠原激活童顏術$688(期間限定活動)

9月 19, 2018
 

【韓國最新膠原童顏術】

一拉提升,一拉年輕!
想瘦面V面,又怕舊款HIFU高風險?打針打到硬膠面?
比HIFU安全的「韓國無針渦旋式電波拉皮」,更安全更有效地收緊!拉提!活化!V面!生膠原!一次療程,立即見效。你膠原日日生,你keep住日日靚!

12月前成功網上登記,即享$688回春價(無隐藏收費)

網上登記:https://www.reju.hk/product-page/韓國醫學級膠原激活拉提童顔術

優惠詳情請於Reju Beauty網站向店員whatsapp查詢,無其他隐藏收費。



打開內容

2018年8月19日 星期日

【香港spa推介】尖沙咀Mira Spa自費測試評論!

8月 19, 2018
在一個下雨潮濕的星夜,一個人靜靜去水療。週末夜晚,去Mira Spa做一個超療癒超有依戀感的療養,真的太好。

在Mira Spa熱水中閉上眼睛,吸入熱氣,感受悸動和愛戀的美好情緒。

法國人常說,香檳令人年輕,我説,做spa令人年輕。奢華,漫不經心,盡情享受。

(本文是自費評論,沒有收到任何免費試用、折扣或贊助)

 

Beautiful life 

剛剛去完尖沙咀的Mira Spa,向大家推薦一下。

每季,必須去幾次五星級酒店spa。

相比起免費娛樂,例如散步、打波,去spa絕對是一個昂貴的生活習慣。

但是,對於我們這些靚仔靚女來講,亦是一個必須的生活習慣。我怕,再這樣下去不停工作,我會失去靈魂。

去酒店嘆下午茶,會肥;

但如果不做spa,我會死!哈哈!

隨時隨地,想做就做,用有機花水美肌、英國精油復方按摩、再做個熱石,是週末最佳娛樂。Mira Spa是一個絕對會推薦給大家的地方,尤其是如果你本身預算有限,希望在少少花費大大享受方面獲得推薦,我就會介紹你去這個地方。


隱身眾目睽睽之下

Mira Spa和香港絕大部份的酒店水療中心、五星級護膚品水療中心不同,他是位於地底。

大城市的地底,有著另一個世界。

竟然、還有一個世界級美美的spa。

一個人來人往的大城市夜晚,空氣潮濕悶熱,走在街上的你,靈機一觸,突然從人潮之中隱沒。

由極端嘈吵喧鬧的街上,突然進入,一個完全不同的平行時空,去到另一個空間。

裏面,極其療癒、安靜、讓你得到深層休息。這樣的一個特殊體會,就是香港尖沙咀Mira Hotel Mira Spa的獨特之處。

 

尖沙咀的黃昏夜晚,總有一種非常獨特的玩世情調。

突然從人群中消失,完全隱沒在人潮之中。

街上熙來攘往,但是我已身處在另一個時空。

其實我,直接進入Mira Hotel,乘着電梯,我按了地底的樓層,我們現在,並正步向位於地庫的隱世spa,Mira Spa。


地深極為寧靜之處

Mira Spa位於尖沙咀酒店的最底層,由於地點隱蔽,一般街上的行人根本不知道他的存在。

The Mira酒店部份先進光鮮,令人喜愛。

酒店的電梯門打開,你會發現裏面的氣氛、氣味、溫度、濕度、都和街上完全不一樣。

就像,進入了某個時空門,一打開門,去了世界另一端。寧靜、安逸、舒適,和大街上面完全完全不同。

 

向前走,你會發現,竟然有一個大型游泳池,在香港全金尺土的地方,竟然有這樣的一個超豪華的地下室,裏面還有一個泳池,與及救生員,真的令人難以想像。

其實,這裏不只是現代化游泳池與及奢華的Spa,還有一個星級健身中心!

我靜悄悄地到櫃檯登記,其實我之前已經來過好多次,但是今次真的要和大家推薦一下,這個讓我每一次都能夠完全放鬆的秘密水療地方。


極舒緩熱石按摩

今天預約的是一個熱石按摩療程。Mira Spa尖沙咀其中一個重點推薦。

Mira Spa都是我自己「自費參加」,並沒有收到任何免費的贊助、折扣。而我的測試評論,亦是我自己內心的真正所想。

在進行人手按摩療程之前,服務員帶我到等待區域,裏面的位置乾淨,而且相當寬敞。有水滴按摩池、蒸氣、森林浴、與及北歐桑拿。這些,都是不另收費的項目。

 

 

 

由於他的隱蔽,在這裏,身體與心靈疲倦,都能經過水流、蒸氣、與及幽幽的燭光,得以舒緩。

相比起我的最愛Four Seasons Spa,這裏的確是簡單一點。

但治療師的手勢,真的非常非常好,按摩,還是熱石按摩,都能夠紓解我不適和緊張。

按摩療程開始的時候,基本上我已經進入深層休息的狀態,腦電波也是進入極之放鬆緩慢的狀態。

按摩師純熟的手法令我感到非常之輕鬆,那種不溫不火,及深沉有力的按摩方法,配合外國植物精油,滋養了我乾涸的身體與及內心。

我的身體和心靈,絕對需要這一次的深層次護理。

在治療師的按摩手法之下,我的身體終於不再緊張、繃緊,在治療師的引領之下,我到達了介乎清醒與睡着,極安詳平和的境界。


深深著迷

按摩的療程重點,就是使用加熱了的玄武岩石,為肌膚背部護理。

熱石按摩真的非常有效,那種熱力滲入我的背部肌肉之外,完完全全地溶解了我的繃緊、緊張、壓力、猶豫不決。

一個半小時的療程,感覺似兩三個鐘。

按摩完畢,依依不捨的。

拿着一杯水,我在休息區躺下來,是的,我真的很久沒有這樣的放鬆。

不想工作的問題,也不理會感情的問題,我只想在這個完完全全的休息狀態下,身心在愛中溶化。

香港是一個金融發展發達,但藝術養生思想荒蕪乾涸的地方。

無論工作幾忙、世界有幾緊急,每個月,都有幾個鐘,我會完全與世隔絕,靜靜享受數個小時,完全靜默的奢侈。

我會靜靜喺尖沙咀彌敦道人潮中無聲無息地消失,然後,隱沒。

沉浸香薰精油芬芳空氣、桑拿、水力按摩池、森林浴、熱石按摩療程。

愛情、事業,令人或輕或重。令人盛放或沉淪在人世之間。

能夠超渡你自己的,除了正念,還有低調奢華的spa。

在這個星球上,還有令人讚嘆的事。

最矜貴的奢華,就是寂靜。





【香港SPA推介】銅鑼灣泰式按摩草藥球ZEN MASSAGE推介,泰國ARB IMS居家香薰登陸香港

【香港SPA推介】THANN SPA HK香港泰式按摩,價錢幾貴但都算值得

【香港SPA推介】TEN FEET TALL香港中環名人按摩私竇,真係明星級私密享 受!?(自費評論)



【香港SPA推介】IYARA SPA HOLLYWOOD ROAD CENTRAL老蘭鬧市的高質泰式美療



打開內容

2018年7月2日 星期一

【深夜聊天】【改運】為愛修行

7月 02, 2018
唔知道大家有冇試過,放一個重整身心嘅悠長假期?一個月冇見,究竟去咗邊?

其實,過去一個月,我非常之充實。我選擇用一個月時間,潛心學習,退隱、靜心、閱讀、修行。喺過去嘅一個月,我去咗「為愛修行」。

注意,係為「愛」修行,唔係為「愛情」修行。

前陣子,工作實在太過疲倦,嗰一種疲倦,除咗體力方面,更多,係喺精神上面嘅疲累。簡單來講,就係缺乏自愛、力量。

為生活帶來樂趣,目標,夢想,其實係可以令一個人重新獲得精神力量。坐言起行,當我發覺需要休息嘅時候,就選擇暫停工作、暫停美容、暫停網站更新,全心全意休息、整理、重整旗鼓。

每個人嘅身體,都會向你發出信息。

如果你長期感到疲倦,其實係你嘅身體比一個清楚訊號你,你嘅身體叫你停一停,諗一諗,休息一下,再次補充吸取足夠嘅營養及能量,包括心靈上嘅能量。

心靈上嘅能量,包括閱讀,吸收其他智者、宗教、管理學、資訊科技嘅最新意見。重新審視自己嘅價值觀,好好思考究竟生命中最想要係乜嘢。

所以我選擇停一停,重新思考,點樣可以令到生活活在愛裏面。而唔係活在迷惘裏面,被生活中嘅麻煩同困難、低層次人事鬥爭牽着走。

為愛修行,活出悟性,人格涵養與幸福感。

同時,活出可貴嘅冒險精神、堅強、勇氣、自信心。

活到呢個年紀,你會發現,呢個世界真係有因果關係。當你全心全意比呢個世界好嘅東西,包括耐心、盡力、包容、智慧、原諒、美,你亦都一定會收得返。你會明白,活在愛嘅頻率入面好緊要。

愛嘅頻率,就係欣賞、健康、祝福、優秀、付出、超越、感謝、成長。

係冒險、係失敗中再接再厲。

你會懂得保護自己,保護別人,盡量避免討好別人委曲求全,你會明白到,你喺人間有一個使命,就係活出最好的自己,絕對唔會委屈自己,掩蓋自己光芒。

一個月嘅時間,做咗好多事,包括,去spa整理身心,閱讀靈修書籍,去品嚐美食,去體會造愛,去睇平時冇時間睇嘅電影,去打開窗感受微風與及雨點,去星光浴,靜靜凝視星空。

去同舊朋友相聚,去行山、去繪畫、去聽音樂、去盡情煲最新美國劇、泰國劇、韓國劇。

去用開放心態結識新朋友,為自己幸福努力。

去睇醫生,聽下醫生專業意見,點樣先可以令到身體更加健康。

去飲全台灣最出名嘅濃郁黑糖新鮮奶茶。

去嘗試每日一餐排毒清新素菜vegan,大量進食茄子、生菜、車厘茄、青椒。

去自己動手做,非常新鮮嘅菲律賓香蕉豆漿沙冰。

去更換upgrade香薰蠟燭,使用英國著名品牌香薰,提升房間質素。

去用祝福嘅心態給予家用,感謝有幸出生於這個時代這個家庭。

去培養自己拒絕say no的習慣,不再被別人牽着走。

去用閃亮眼睛接觸每一個人。

去gym運動,跑步、游泳。

去轟烈地愛上一個人。

去聆聽自己感覺,劃清界線,保護自己免受不必要嘅惡意批評。

去同好朋友食一餐超豐富六星酒店日本魚生盛㦉。

去用紐約高級沐浴油洗澡、法國南部薰衣草精油洗頭、使用日本韓國護膚品滋養。

去寂靜山丘上,觀察花葉,靜聽呼吸聲同心跳聲;讀讀世界名著,Marcel Prost到C S Lewis,到日本漫畫,到流行文學,到聖經。

佢用極為謙卑嘅思想參與慈善活動捐款,因為施比受絕對更有福。

甚至,去重視睡眠,早早上床睡好的。

中古世紀嘅人,會沉思,讀經,拉丁文叫Lecito Divina。

一個月時間,我故意不更新網站,我要全心全意,吸收養分,銳變出更好嘅自己。

活着,係一件非常美好嘅事情。活在愛裏,絕對係一種祝福。

當你好愛好愛自己,你會有一種智慧,看穿所有花言巧語。

你會停止批評自己,反而,你會正視自己做得好嘅地方。

當你認同你自己,你就會停止比較,停止埋怨,停止妒忌,停止追求幻覺。反而,你會追尋事物嘅真相。

你會開始懂得發現愛。

 
(Matt Bomer,其中一位人生勝利者)


True Love

好多頭腦簡單又不夠愛自己嘅人,愛聽花言巧語,追求夢幻婚禮。

四季酒店、半島酒店經常有奢華私人晚宴活動。參加富貴人家嘅幸福婚禮,置身六星級酒店超夢幻歐洲式佈置,品嚐名廚意大利朱古力甜點,再見證新人帶着Van Cleef and Arpel首飾,半世紀幸福約定。

理論上,參觀嘅嘉賓應該甜到入心。

但偏偏,好多參加嘉賓心目中,呢類型嘅超幸福環境,反而令人心裏,又苦又酸又咀咒。

一場婚宴,令唔少參加者同嘉賓,經歷一次全方位內心交戰。

別人嘅鋪張幸福,映襯出自己嘅唔幸福。

別人成雙成對,更加顯得自己孤家寡人。

別人一擲萬金嘅奢華,令到自己感覺不足、寒酸。

喺一個虛浮人造幸福氣氛裏面,內心裏面嘅憤怒、不忿、焦慮反而顯得更加真實。

有人用盡全身嘅力拼出一個假笑,盡量掩飾內心嘅鄙視,同時亦都好質疑自己,點解連佢哋都嫁得出、娶得到香港老婆,自己唔得。

呢種複雜黑暗嘅心理經歷,好多香港人都經歷過。

呢一類型嘅奢華晚宴,其實係一個好好嘅測試,如果你夠愛自己,你就能夠平常心面對;否則,如果你有以上反應,就證明平時你自己愛自己不足夠。可以做得更加好。

因為一晚嘅鋪張,所有人有心扮一定做得到;反而一生人嘅幸福,只有你自己,先至可以成功經營,亦都只有你自己先至可以全權享受結果。


單身係問題?

當你全程活在愛裏面,單身唔再係問題。

唔知幾時開始,香港出現咗好多單身「問題」。

剩男剩女,就好似一個咀咒一樣,無時無刻困擾,尤其係年過三十單身人仕。

英國十四世紀,反而比現代香港更開明。

近年,無論乜嘢行業,乜嘢階層,都突然間出現一堆年過30 仍然嫁唔出嘅中女,與及一班異性緣非常差嘅毒男。

單身嘅重災區,喺某啲行業更加嚴重。

對於女性來講,一啲性別較單一嘅行業例如美容、奢侈品、護士、marketing、HR、教育;對於男性來講,IT同物理工程,陰陽失調嘅情況更加嚴重。

30歲,係傳統社會結婚體制視為一種死線,有人甚至認為,如果30歲都單身,好大機會一世都單身!

其實,真正嘅問題,同單身無關。反而,同個人性格、態度、是否活在愛𥚃,關係重大。

當你每日活在愛入面,你會停止港女港男自私行為,你會懂得欣賞,你會發現同人相處容易好多,你會發覺人際關係會有所進步。

真正能夠趨旺你桃花運,並唔係八婆風水師,而係你自己是否活在愛的頻率裏面。

當你好愛好愛你自己,會檢視自己行為。只會保留一啲對你有長遠幫助嘅習慣與及行為模式。

你會停止執迷於及瘋狂行為,不再瘋狂購物。反而懂得正視你自己的美麗、快樂與哀愁。

你會發現,你嘅性格會變得相當可愛。


當你在愛裏,你會渴望成長

為愛修行,能夠令你放低一直埋藏於潛意識嘅憤怒、無助。取而代之,係希望、原諒、重拾自信、對美好的追求。

你會越變越好。

好多人錯誤以為,拍拖或結婚就係一個答案。

我認識過太多人,即使結婚,仍然感覺係一個人孤獨地生存,心靈冇交流,比單身時更慘。飯後各自搵食、寂寞、小三、出軌、分居……唔使多講,我亦都認識好多已經離婚嘅人。

所有嘅愛,都要由整理調整自己內心做起。

一個自己筋疲力盡嘅人,係冇可能幫得到其他人乜嘢。只有當你自己活在堅強、自信、冒險精神、正面思想時候,你先至會有能力幫到其他人。


要學識為愛修行

如果你感到抑鬱,你嘅首要目標,就係要有良好習慣,再一次讓自己充滿愛。

當你視每一個人,包括你自己,為一個充滿無限奧袐與尊嚴的生命體,你會尊重、愛惜。

當你充滿着愛,你的世界截然不同。你會:

將工作,變成「工藝」,用雙手延續文化。

將煩惱問題,變成成大事前嘅磨練,你掘起嘅傳奇前傳。

將每個人每段關係,變成上天交托你手上暫托嘅靈魂功課。你知道比有能力處理得好好。

你會有智慧將沮咒,變成祝福。

將愛,變成照亮你一生嘅良好習慣。

將半生,變成半世紀愛的故事。

因為你原本就是降生在這個地球,在這裏學習、服務、提升、給予及接受愛的優秀靈魂。

你眼裏,原本,就充滿星星。

















【深夜聊天】KO八婆親戚!單身大齡剩女與同志剩男新年手冊





打開內容

2018年6月18日 星期一

【深夜聊天】【改運】提升生命能量!愛與光之中蛻變的美好小習慣

6月 18, 2018
 

美貌,你可能有。但抑鬱,你都一樣有?

自信心,生命能量,其實有跡可尋。適當地管理自己嘅思想同習慣,就會令你自信心滿滿。相反,任由不良習慣持續,就會令到你嘅自信心以及生命能量減低。

如果你發現自己近期諸事不順,生命能量低,對任何事都提唔起勁,就要留意今次教學。


當美貌支撐不起你的抑鬱時

無論幾靚嘅人,都有美貌撐唔住低落心情嘅時候。

再靚,亦都唔保證內心唔會黑暗悲觀。

現代醫學美容技術先進,無論要做任何類型改變,也非常之容易。無論係五官大改造、皮膚再生、只要搵醫生同美容師打透明質酸、打Botox、Laser Facial,最快半個鐘就搞掂!護膚、髮型、化妝、穿搭,亦可以令到一個人追上潮流、變得越來越靚。

外表改造,變得越來越美,喺醫學美容社會,其實唔難;但係,無論外表改做到點樣靚都好,如果內心黑暗,遺憾,絕望,缺乏正面能量滋養,人生亦都只係會黑暗、抑鬱、憤怒。

有啲人外表不錯,但人緣極差,氣場不好,父母朋友緣薄弱,即使吸引桃花都係爛逃花,事業上經常犯小人,做事吃力,事倍功半。好運,永遠都好似與你緣慳一面。

有啲人外表一般,卻散發出某種神奇幸福氣場,令到身邊的很願意接近同幫助。無論上司、客戶、同事、異性朋友,都很願意幫助。貴人多到數唔晒。

兩者之間嘅分別,在於你對你自己有幾愛。


不愛自己的人,不可能真正愛別人

呢個世界嘅所有人,可以分類為「愛自己」與及「不夠愛自己」嘅人。

愛自己嘅人,懂得分配時間,管理飲食,有足夠時間休息,而且,生活裏面都係吸取其他有養分。

愛自己嘅人,有以下習慣及特徵:

每晚都會花幾分鐘寫感恩日記(gratitude journal),去讚美自己、肯定自己
定時運動每週三次跑步、Yoga、重力訓練,保持身心平衡活力
打扮光鮮亮麗,衣着經過悉心配搭
會定期購買香薰、香水、化妝品、護膚品美化自己
抽時間做自己鍾意做嘅事情,包括閱讀、藝術、煲劇
注意飲食,每日係最少兩份蔬果、沙律
絕少飲酒
完全不會食煙
唔會過分上網,每日上網時間1小時之內
有正常興趣
會同朋友、舊同學食飯,有正常社交圈子
懂得原諒同放低
定期進行美容保養,Facial、按摩
懂得適當時候放手
對每件事分保持感恩、讚美嘅心
對於不再適合自己嘅工作會果斷分手
勇敢說出自己想要嘅生活方式
相信每一件事都係一個學習過程,只會令你越變越好
當你越來越好,你會輕鬆放低並接納有啲人會喺你生命中自然消失
不接受其他人嘅情緒恐嚇
定期剔除生活圈中負能量人士
相信並接納,你喺呢個世界係有一定嘅作用
每日默想,想像一年後成功發光嘅自己

真正愛自己嘅人,會尊重自己嘅決定,亦都唔會隨便比其他人嘅評語影響。佢哋對於自己嘅真正想要、真正要求,會抱有一種正面、正是、重視嘅態度。

另一方面,不夠愛自己嘅人,就有以下嘅行為特徵:

飲食習慣差,經常去快餐店食飯
每日唔吸收兩份以上沙律或水果
每日漫無目的上網超過一個鐘
做違背自己良心嘅事
講是非
不停抱怨別人,內心又經常批評自己
睡眠不足
為咗討好別人忘記自己

每一日,就係不停幫其他人做呢樣做個樣。自己真正嘅心理、生理、靈性需求、反而冇得到正確嘅正視。

如果你平時經常都感到攰,需要瞓覺瞓好多個鐘,真係要小心,呢個,其實係抑鬱嘅象徵。

如果你每日只係不停咁去嘗試滿足其他人,終於有一日,你會發覺好攰,成個人冇晒能量,陷入抑鬱。

感覺,就好似你嘅手提電話冇晒電話一樣!

正常人,其實唔應該每一樣野都令到自己咁大壓力,做到冇晒電嘅情況,其實絕對唔理想。

你有冇發覺,每次同一啲非常之愛惜自己嘅人一齊,即使只係傾談幾分鐘,你都感到元氣滿滿?如果同一啲唔夠愛自己嘅負面人一齊,只係傾吓計,成個精神狀態都會衰弱悲觀?

人,其實就係能量。

你嘅最佳能量狀態,就係充滿愛嘅狀態。

如果你希望同其他人嘅相處,中間有一種愛心嘅交流,你首先一定一定一定要提高自愛嘅程度。

當你好愛自己,你就能夠燃亮別人!

你真真正正照顧好你自己嘅飲食、休息、心情、並經常鼓勵你自己,寫低你自己嘅成就同正面行為嘅時候,你先至叫做對自己好。

不夠愛,你就要果斷分手。

對你唔好嘅男人,冇將來嘅男人,飛走。

不客氣又睇死你嘅同事老闆,飛走。

唔能夠令你發揮得好嘅工作,飛走。

經常否定你嘅人,飛走。

不斷蛻變,越變越好,唔好為世界上某個人而改變你自己。相反,你嘅目標,係要成為好多人都覺得為好好嘅自己。

以下嘅正面良好習慣,就要多多做!

每日發掘留意身邊人一個優點。

生活工作之中,同每一個人相處嘅過程,盡量放多一點點愛心與及體諒,感謝與及讚美。

不要吝嗇笑容,與及讚美。

每朝起身落床之前,做一個靜心感恩祈禱。

無論你任何宗教,宇宙同神,都一樣會俾愛與及慈悲,正直、感恩嘅心。

祈求天使、上帝、提供愛與及保佑。

每晚瞓覺之前諗一諗,今日做啱左乜嘢。每日要多多做。

祈禱,向宇宙發放你嘅感謝之心,正能量,正念同思想,要每日都多做。

愛上自己,肯定自己,讚美自己,你先有機會真真正正可以有能力去愛身邊人。

為你自己,為身邊人,創造希望與及奇蹟。

改變氣場,改變命運,讓你的生活再次充滿愛。

每日,都活在愛與光之中。在感恩、祥和、希望的氣氛裏面,越變越好。















【深夜聊天】KO八婆親戚!單身大齡剩女與同志剩男新年手冊






打開內容

2018年5月20日 星期日

【深夜聊天】【改運】香港New Age學說系列5 :用愛與光芒重新燃亮父母關係

5月 20, 2018
喺一個星空月圓嘅夜晚,想同大家分享一下,有關幸福同療癒自己嘅方法。想要重拾對生活幸福感,就要留意。

愛,可以療癒一切,包括父母子女之間嘅關係。

曾經有人講過,只有失意嘅人先去占卜。

我已經多年冇玩new age,生活亦都算係正面正常,回想起以前日子,反而令我對於了解愛,有新體會。

好多沉迷於各種民間迷信算命占卜、新時代New Age學説、塔羅牌、靈修等等活動嘅人,其實內心最渴望嘅,就係能夠填補內心裏面嘅一種大大缺乏同遺憾。

與此同時,好多參與新時代New Age運動嘅人,其實同父母關係疏離。

佢哋,童年總會有啲唔開心,內心總有一種抹不去嘅空虛、陰影、遺憾與及憤怒。

今日就同大家講下,點樣用愛與光芒,重新燃亮父母之間已經變得變差、變淡嘅關係。

 



幸福與財富冇必然關係。

正如香奈兒說過:

The best things in life are free. The second best things are very, very expensive. - Coco Chanel

有一次去高級酒店飲茶,見到隔離枱嘅伯伯同婆婆,同佢哋嘅成年子女互動方式,令到我有好大嘅感概。

隔離枱嘅一家人,飲茶嘅時候,基本上係完全零交流!成年仔女有仔女繼續玩手機,年紀老邁嘅父母有繼續自己睇報紙,一家人,竟然好似搭枱一樣!

我個朋友觀察入微,屬於甚為懂得人情世故嘅人,一開口就話,個父母一係就已經分咗身家,一係根本就無身家可以分,如果唔係,仔女唔會咁冷淡。

有錢有樓,關係先有高潮,原來父母子女都一樣!

其實,佢講得好啱,講真,如果仔女仍然相信你有好大把身家可以留俾自己,或者兄弟之間仍有某種競爭關係有身家可以爭奪,正常人扮孝順扮嘢都會扮一陣,唔會咁淡薄。

依家香港樓價瘋狂,物價超貴,家用、買樓、父幹或冇父幹,係好多家庭煩惱嘅源頭。

成功需父幹,贏在起跑線,冇樓咪白撞,甚至贏在射精前,係香港最近幾年最喜歡嘅潮語,現在更變成某種不可動搖嘅精神信仰。

不到富爸爸嘅資助,梗係最好。得唔到嘅人,難免內心感到失望、甚至埋怨父母點解咁無能,做咗一世人,冇樓可以送比下一代,甚至竟然冇任何值錢嘅嘢留低可以分配留俾下一代。

父母冇辦法,或不願意分享財產同資產升值成果,導致好多家庭嘅仔女,都會對於父母有種埋怨同失望。

再加上平時生活嘅壓力、工作壓力、社會整體氣氛,好容易會導致父母仔女關係疏離。

沉迷於新時代學說、算命占卜等等行為嘅人,好多時候,係因為家庭關係不和。

簡單來講,可能由細到大,都係有一種不被愛嘅感受。

「不被愛」,或者「不夠被愛」,令好多人嘗試喺世界裏面搵替代品。

SP、PTGF、PTBF、約炮神器app、出軌等等各種行為,其實好多時候唔係因為係性方面得唔到滿足。香港嘅風氣其實都算開放,AV與及成人內容隨手可得。香港嘅非官方性教育好足夠,反而,愛教育,嚴重不足。

香港,係「性教育」泛濫,「愛教育」嚴重缺乏。

當我地喺父母嗰度唔能夠得到健康嘅關係,唔能夠原諒佢哋對你做得唔足夠,愛得唔足夠,你就好容易好想搵捷徑,用各種唔同嘅方法獲得短暫但刺激嘅關係。

New Age同瘋狂約炮、亂交男友胡亂性愛只係其中一種。有啲看似健康行為,其實唔健康。

瘋狂購物、病態上教會做激烈耶L、賭博上癮、失控網購、突然激進變身社運環保人士、無故參加傳銷,都係同人際關係父母關係失去平衡有好大聯繫。

如果我哋唔識得點樣去正視同父母之間嘅關係,正視當中嘅好同埋唔好,就好容易失控瘋狂。

當你嘅父母愛得你唔夠,你得唔到你認為你值得得到嘅,你仲有乜嘢選擇?

有強勁後台同埋父母祖蔭,當然好,但係如果你冇,係咪代表人生就一定一片灰暗?

今日想同大家探討同討論,其實唔係要否定成功靠父幹。有父幹一定有着數呢一點,肯定毋庸置疑。

有富爸爸當然最好,你得到嘅資源、教育、社交經歷、等等都會行先一步。所以呢一點,係無需討論!

但係同時,除咗父幹之外,成功,仲可以靠獲得專業資格、靠搞好個人關係人緣、靠懂得推銷自己、靠創造價值、靠合作、靠嫁得好、靠美貌、靠手段、靠運氣……

甚至,還原基本步,靠苦幹。

成功,可以靠父幹,亦都可以靠好多其他野!

當父母能夠比嘅,達唔到你要求嘅時候,你可以認命、憤怒、疏離。但其實,你都仲有其他選擇。


父母仔女緣份人人不同

同父母嘅關係,對於好多人來講,係一個挑戰。

首先,我想邀請各位,千祈唔好咁快去批評別人不孝、或愚孝。

每個家庭父母仔女成長嘅關係,大家嘅付出,大家嘅期望,都好唔同。有啲父母付出好多金錢時間比仔女,亦都有啲父母係非常之孤寒,唔肯付出任何野比仔女,連時間都唔肯。

家家有本難唸的經。

並唔係每個家庭,都得到正常溫馨嘅父母。不幸地,好多父母,對仔女斤斤計較、甚至將佢哋當為搖錢樹。細個嘅時候唔理,大個嘅時候又諸多要求。

父母同仔女嘅緣份,同拍拖嘅緣份一樣,有人會好好,有人冇咁好。

但無論你同父母關係有幾好或幾唔好,你嘅人生,你先係主角,你絕對有權主宰。

你嘅人生,絕對應該由你自己話事,其他人,包括你父母,只係屬於配角。

生命中需要嘅養分,包括友情,愛情,事業,健康,其實都係靠自己爭取。就算比得到,佢哋都不能代你活出你嘅生命。


當你不再抑壓,奇蹟就會出現

今日要同大家講,就係如何原諒父母。

你同父母嘅緣份,只得一世。好同唔好,都只係得一世。

小時候我地以為父母完美無缺,人大咗會對於現實,包括你父母,失望。

父母,同我同你一樣,係人。

人唔係完美,亦有喜怒哀樂。

係傳統中國人嘅思想裏面,去批評父母、甚至埋怨父母,會被視為非常之大嘅不孝。

所以,好多人為免因為比人話不孝,會勉強自己扮孝順,但係同時,內心卻無法原諒父母對自己嘅不足或不夠愛。

尤其是現今社會物價非常之昂貴,有父幹同冇父幹,得到嘅待遇同機會截然不同。所以好多人,就會非常之矛盾。一方面好埋怨父母俾自己俾得唔夠,但另一方面又唔想令人覺得自己係所謂嘅忤逆仔女。

抑壓,會令人肥,令人抑鬱,令人對生活充滿厭倦。

正視同父母緊張關係,可以避免你嘅身心危機。

當我地停止掩飾、停止抑壓自己,真正去正視自己對於父母嘅憤怒同埋失望,奇蹟,就會出現。

你要擘大雙眼去正視,你對佢哋嘅不滿。而同時,了解到佢同你一樣都係普通人,都有權做出普通及平庸嘅人生選擇。

好多人,尤其參與新時代New Age運動嘅人,學會各種各樣嘅心靈方法、催眠、潛意識,但如果你仍然唔去正視內心苦毒同父母嘅緊張關係,隱藏同驚訝,你距離真正覺醒仲好遠。

你要接受其實每個人都係人,都有做得唔好嘅地方,包括你父母。

佢亦有佢嘅優點缺點。

與其抑壓,不如去嘗試理解,對方同你一樣,都係一個普通人。

好多人長期同屋企不和,就會搬出去住,有啲人甚至會離開香港!

為咗所謂靈魂覺醒,有人會去馬來西亞、尼泊爾、印度靈修。

其實,世界邊一個角落唔會有完美嘅修行。

你嘅人生,其實就係你嘅修行場。

真正修行,唔係走進無菌世界,而係走入人群裏。

喺各種際遇、緣份裏,磨練,磨合。在混亂和衝突中,學習定心同愛心。

與其突然出家,不如回歸生活,先改變你同你自己與及你同父母關係。

在愛之中再次出發,原諒父母,原諒自己。


最美麗、最溫柔、最神秘的覺醒

要真正療癒你自己,你要愛上你自己。

法國哲學家Saint Exupery講過,愛,越付出越有:

For true love is inexhaustible; the more you give, the more you have. And if you go to draw at the true fountainhead, the more water you draw, the more abundant is its flow.
-Saint Exupery

Saint Exupery,就係小王子作者。

當你肯定自己,接受自己,使用自己才華時候,你會對自己同別人柔軟一點。

當你停止幻想別人,包括你父母,何時會改變,幸福同愛心,反而會漫漫生長。

減少一次爭執,就是愛。

不再不停自我批評,就是愛。

細心地聆聽一次,就是愛。

狠狠地參與舞蹈同藝術,就是愛。

欣賞、讚美、支持,就是愛。

Tsem Rinpoche詹仁波切說:「一事無成的人,大都與父母不和,這一點不足為奇,因為他們從不掩飾自己自私的本質。」


愛心,尤其是愛上你自己,對自己好好,欣賞自己,你就可以化解你對父母嘅自私,佢哋對你嘅自私,同你嘅怨恨。

你,會慢慢變成你理想中父母嘅模樣,強大、智慧、柔軟。

與其不切實際追求根本不存在嘅完美人,不如,重新在自愛中成長。















【深夜聊天】KO八婆親戚!單身大齡剩女與同志剩男新年手冊





打開內容

2018年5月12日 星期六

【醫學美容】「納米分段式射頻」神級美肌功效及如何防止副作用教學

5月 12, 2018
同大家講解新一代「納米分段式射頻」美顏神奇回春功效同副作用之前,首先想講解一下,點解真材實料、認真學習、不走捷徑咁重要!



打開內容

2018年4月21日 星期六

【醫學美容】臀部也要敷面膜!?台灣天菜最愛神器Unicorn Skincare臀膜自購評價!

4月 21, 2018
今天要自費測試評價的,是來自台灣,當地網紅天菜鮮肉男神必備的美容美體神器「Unicorn Skincare」,包括令到身體緊致的護理用品,與及品牌王牌,臀部保養的「臀膜」。

(這是自費測試評價,並沒有收到任何贊助或免費使用)

Unicorn Skincare獨角獸這個來自台灣的男神天菜限定美容品牌,在台灣網上人氣不錯,無論在PTT討論區,還是在IG,都有好多人搜索有關Unicorn Skincare的評價。Unicorn Skincare和一般的傳統藥房男性保養品不同,Unicorn Skincare這個品牌主打高質素的面部保養與及身體保養,而且對象,都只是在社交媒體中最高點擊率的年輕鮮肉天菜男神。這個品牌,只會推薦給最高質素、身材勁爆的sixpack靚仔、胸肌男神使用。

 

 

 

網紅推動新一代護膚美體產品

在評價獨角獸Unicorn Skincare之前,首先講一講為什麼小型品牌會流行。

香港地小人多,租金超昂貴!所以,零售商對於產品,基本上是不容有失。香港大型藥妝連鎖店藥的取向,都是和大型的那幾個國際巨無霸品牌合作:包括Olay,Neutrogena等等,再加上幾個韓國牌子例如Mediheal、Jayjun等。這幾個品牌的產品,水準有一定保證,批發折扣又大,亦是最安全選擇。

最大的問題,就是缺乏獨特性,無論產品幾好用都好,始終都有點兒沉悶!

如果你不喜歡使用那幾個品牌,又或者皮膚容易敏感,要另外搵其他的品牌,就會發覺香港好困難!香港又好似有好多藥妝店,但係其實佢哋買嘅產品,基本上係一樣!

隨着高質美容KOL及社交網站的流行,網上突然出現了很多小眾的、高水準的、半地下的美容護膚牌子。這個現象在美國、日本、韓國、台灣都有。

最著名的就是世界級YouTube美容天后Michelle Phan的自家產品EM Cosmetics,與及IG型男Edward Zo的Moon Fiber頭髮造型產品。

這些小眾牌子在產品成分和包裝方面都比較有特色,用過的人都覺得水準不錯!這些網絡紅人主導牌子,通常不會在傳統的零售、超級市場出售,只會在網店、水貨店出售。

Unicorn Skincare獨角獸就屬於一個突然在網上評價中爆出的台灣保養品牌。台灣的保養品牌、護膚品、面膜其實水準不錯,可能大家小時候都有買台灣的面膜。

今次要介紹評價的,就是Unicorn Skincare品牌王牌身體護理產品與及臀膜!


Unicorn Skincare最出名的王牌產品,就是臀部面膜



面部要敷面膜,臀部都要保養! ?

冇錯,Unicorn Skincare獨角獸主打的,並不是台灣最出名的面膜。

反而,就是身體護理最容易忽略的一部份,你的臀部!

Gay的男生比較帥是常識吧!同志鮮肉男神,對於身體護理,健身、面部保養等,都比較有心得和注重。

在認識Unicorn之前,即使作為美容達人,臀部保養,這一點我也是忽略了的。

原來,臀部和面部一樣,都會缺水、出皺紋、衰老和鬆弛!

適當的保養,能夠令到使用部位的狀態比較好。

可能有人會說,臀部的保養,對於直男來說,是多餘的。而且臀部,一般人也不會隨便看到。對於pat pat保養那麼注重的,相信也只有靚仔hehe用家了。

如果你有這種想法,就錯了。

第一,身體保養其實真的無分男女、異性戀同性戀之分。

第二,這個臀部面膜,其實是Unicorn Skincare品牌系列身體產品、乳液、精華遊、拉提霜的一部份。

第三,無人想自己在親密時光出醜!一個充滿暗瘡印、下垂、衰老、形態枯萎的pat pat,無論你是男是女,在親密時突然把對方嚇到,真的大煞風景!



 
獨角獸Unicorn Skincare男模示範,「Unicorn U微笑動感俏臀膜」使用臀膜方法)

Unicorn Skincare臀部面膜使用方法簡單,只需要從包裝袋出來,直接用上臀部就可以。

根據官方網站介紹,Unicorn臀膜成份包括緊實因子、北美緊實落葉松、甜紅茶發酵物、鳶偉花萃取、愛爾蘭紅藻萃取、玻尿酸、尿囊素、蘆薈萃取液、辣薄荷萃取等。

每包,有60mL精華!

Unicorn Skincare官網介紹表示:「下半身的翹度,決定另一半的態度。」

哈哈!

 

要評價Unicorn Skincare,最好方法直接去總部!

好多網友表示及評價,Unicorn獨角獸這個品牌的模特兒真的很高質素,而整體包裝也的確很有心思。

Unicorn獨角獸整體評價也不錯,如果你對於這個品牌的背景、歷史、團隊充滿好奇心,就一定要留意這介紹。

Unicorn Skincare雖然暫時並沒有實體店,只有網絡經銷。但是它在台灣有一個寫字樓!是整個獨角獸團隊工作的地方。

在靠朋友拜托的情況下,我就有本事去了獨角獸Unicorn品牌的創作辦公室朝聖拜訪!去了解究竟這個橫掃中港台、東南亞IG男神品牌的大本營!

 

這裏就是Unicorn這個火熱品牌的發源地和工作坊辦公室,位於台北市。

大家最有興趣知道了解的,就是辦公室裏面會不會有那些廣告模特兒的男神出沒?

其實是沒有的。有這些模特兒的廣告宣傳硬照,卻是有的。

我也有和獨角獸Unicorn高層職員交流,亦都尋求他們的推介,除了最流行的臀部面膜之外,職員亦介紹了幾種產品,包括身體按摩精油與與及臀部保養霜。

我也直接問職員:「其實這個產品是不是真的有拉提緊致功效? 」

那位職員也很老實地,看一看我現在臀部的情況,回答:「其實是有效的,但你要配合均衡飲食!」

激死我!哈哈!

   

我也用這機會拍了一些照片給大家看看。

和負責人傾談大概20分鐘之後,我也購買了一些產品回香港試試。和平時一樣,這是自費購買的,並不是任何的免費試用或贊助。

我到了這個年紀,一定會明白,做不做到所謂的天菜,要看好多因素。並不是一樣產品就可以一步到位。然而,我也認同,多使用這些保養自己身體的產品,會增強你自己的自信心,與及對自己身材的重視程度,從而減少因為暴飲暴食導致的後悔與及與及脂肪積聚。



 


打開內容

2018年4月14日 星期六

【減肥】拒做低端人口!胰島素減肥抗抑鬱方法教學

4月 14, 2018
胰島素同荷爾蒙對於減肥好重要,如果你想樣貌、健康、身體年輕指標各方面都提升,你就要留意胰島素減肥教學!



打開內容

2018年4月5日 星期四

【醫學美容】單次收費美容院facial比較指南(2020最新資料)

4月 05, 2018
好多靚靚同帥帥私訊詢問,市面上越來越流行嘅單次收費美容院Facial、單次收費美容平台,價錢比出邊一般正常嘅美容中心平一大截,究竟佢哋點樣生存?



打開內容

2018年3月23日 星期五

【香港Spa推介】淺水灣Sense of Touch Repulse Bay自費測試:終極名媛體驗

3月 23, 2018
Sense of Touch Repulse Bay位於淺水灣酒店映灣園。一個漫長的下午,一個令人煥然一新的經典獲獎Opium療程,令人印象深刻。一個療程,除了煥發身心以外,更體驗了名門世家、望族生活的優裕閒情。

(本文是自費測試,沒有收到任何的贊助、折扣或免費試用)

 


淺水灣,是一個陽光明媚的地方。

除了歷史陳跡,經典下午茶,還有那媲美外國蔚藍海岸,天上人間的富裕階層氛圍及渡假環境。

在這裏,天空是淺藍的,陽光是金黃的,樹林是翠綠的。在這裡,你可以看到可愛的幾歳外籍小朋友和寶寶遊玩,可以感受海風溫和吹過,精緻而簡單的生活,很高尚,很可愛。

或揚帆出海,或在沙灘上閱讀,都是高雅及品味的生活。在淺水灣這個甚有渡假小港閑情的地區,在海灘上打排球溜狗,和朋友在酒吧閒聊,都令人有外國海岸渡假感覺。

在繁忙工作之後,好想在周末,來一次療癒身心的一日小旅行。

 

近期工作真的很多,數量多到有點令人喘不過氣的感覺。身體差了胃口又變大!直覺告訴我,是時候去spa,是時候放假去調理一下。

辛苦了那麼久,一定要好好對自己,好好放一放假,到一些可以看到天空和海洋的地方,呼吸、放鬆、休息。

有智者說過,Love your neighbor as you love thyself。

但是,如果過量的工作令你磨蝕身體,又扭曲了你的心智,你是沒有足夠力量去愛別人。

如果連自己都不夠愛,又怎麼可能真正愛人呢?if you don't love thyself you can't possibly love your neighbor! 

要維持旺自己旺別人的最佳狀態,令到你身邊的所有人大家都好,首先一定「做好你自己」,「對自己好」。

第一件事,不要做工作狂,不要將工作的問題帶回家,你的家人、伴侶和朋友,一定比工作重要。第二件事,就是要好好經營好你自己工作以外的生活。

生命中最重要的是首先經營好你自己。只有把自己過好,你才有能力去幫助其他人,身邊的人才會過得好。

一個優質spa treatment,能夠令你身、心、內、外,重新平衡。

沒有什麼好得過按摩。敞在按摩床上,利用專業治療師的手法,去重整身體。舒緩平日工作緊張帶來的僵硬,幫助身體排出毒素,平衡你的內分泌、改善睡眠問題。

當身體回復,你的心情也回復變好。

你會發現,你的人際關係也會比較順利。

在海灘上、在SPA中、在天地之間,釋放心念,等到因緣成熟時。

於是,我放下那些思緒,向淺水灣出發。


淺水灣Sense Of Touch秘密花園

OneCaratBeauty.com是一個自費測試的美容網站,有過百萬讀者點擊的原因,就是因為只推介隱世好東西。

Sense of Touch Repulse Bay其中一個特點,就是非常寬敞的戶外花園,這個神秘後花園,身為具有外國峇里島的風情。適合幾個朋友在療程之前或之後閒話當年,拿着一杯英國紅茶,品味悠遊時光。

Repulse Bay秘密後花園,中間有個英國式的帳篷。這個帳篷其實足夠幾個聊天。在翠綠的樹陰和植物包圍之下,渡過一個慢活下午。


 

 

 

Sense of Touch Repulse Bay

對於Sense of Touch這個品牌的各種Spa,我是蠻喜愛的。亦是我經常推介的高質素美容中心之一。

之前去過同系列的Sense of Touch將軍澳酒店分店,服務水準和性價比超高,絕對是一去再去之選。

在療程之前,在秘密花園遊覽一下,閒坐一下,感受那氣氛。

Sense of Touch系列Spa是外籍人士經營,經營的理念以外國的酒店和渡假村作為標準,和市面上的港式連鎖集團劈場黑店不一樣。

Sense of Touch Repulse Bay和同系spa一樣,不會作出甚麼銷售。整個療程,都可以完完全全地放鬆,也沒有什麼顧問房、海鮮價,一切,都是西方社會文明的高質素明碼實價。

就是這個原因,令我在想一個人清靜、整理、休息的時候,就決定去淺水灣酒店的Sense of Touch,來個半日的放空。

Sense of Touch Repulse Bay為主的環境其實是映灣園商場的一部份,就是所謂「淺水灣酒店」的一部份。雖然叫做商場,但完全沒有港式商場那種擠擁和單一標準化。

映灣園商場甚至可以用人煙稀少來形容。在闊寬敞的空間,只有英文書店、高級傢俬精品店、咖啡店、外籍小孩托兒中心。像是一個高級外國社區會堂,多於傳統的港式商場。

 

而且,Sense of Touch Repulse Bay的社區,是一個超高收入的外國朋友富豪小區,低密度、開闊、人數不多。住客都是一些商會代表、跨國企業管理層、金融專才、CEO、MD精英階層。

我經常覺得Sense of Touch Repulse Bay這類型的美容中心,就是一個上等人限定的Spa。上等不單只是金錢,而是生活形態。

內地水貨客、旺角行人專用區高聲亂叫亂跳的痴線大媽大叔、外型猥瑣詞不達意的孤寒憤青毒男、和品德差劣居心不良的港女,並不適合這裏,這裏也不適合他們。

這裏,只適合想安靜優雅地渡假,懂得安靜之美的人。

上等人這個字眼可能有點冒犯性,但事實上,做個財政充裕品行優質的人,又有什麼不好?在這個過分強調政治正確的虛假年代,我只想理直氣壯地做一個優質靚人。

Sense of Touch Repulse Bay在於映灣園的一個幽靜角落,在尋找的過程,那5分鐘的步程,戶外的走廊竟然寧靜得丁點兒人聲也沒有。只有,那大自然的聲音。風的聲音,與及鳥兒的聲音。

今日,終於可以放下手機,放慢速度,用閑情心態,漫步淺水灣,做個矜貴寵愛的spa treatment。

在海風和陽光之間,化解你的疲勞,放下你的煩惱,放下、蛻變。

Francis Bacon説過,Silence is the sleep that nourishes Wisdom。

So well said!



名媛望族體驗

到達Sense of Touch櫃臺之後,隨即有外國職員為我登記,裏面的環境真的好特別!完全是外國的設計和擺設,令人恍如置身某個英國的郊外渡假村。

特別喜歡的,就是安詳的香薰。

 

 

 

之前就聽講過Sense Of Touch Repulse Bay這裏有一個著名的身體護理療程,叫做Opium。

Opium這個身體護理療程,是屬於這裏的獨家王牌,連同系列的其他分店也沒有,只有在這個淺水灣酒店才會獨家提供。

這個身體護理療程,甚至獲得水療專業雜誌AsiaSpa的推介獲獎!

Opium Treatment,其實就是利用煙草,去做磨砂去角質,再配合香薰精油按摩,令到皮膚由枯乾粗糙變成幼細。整個過程,包含去角質及傳統的按摩。

職員邀請我進入房間的時候,真的眼前一亮的驚喜!

房間不大,但設計非常優雅,點着幽幽的蠟燭,

 


 

按摩師是一名外國的女性,手法純熟,磨砂的時候身體完全沒有疼痛的感覺,可能由於按摩油豐富,一直也有滋潤身體的效果。

治療師的專業態度和禮貌,令人留下深刻印象。真的,和一般市面上的平價按摩店完全兩個世界!

溫柔的手法令我完全放鬆,覺得自己實在太幸運,在這個名門望族的氛圍,體現了一次皇室級的體驗。

按摩的過程簡單但有效,很快,身體就進入深層休息的狀態,不經不覺,就完成了整個個半小時的療程。

突然間很想睡覺。

這就證明了平時的睡眠是如何不足。身體,其實一直都在告訴我們究竟要怎樣去做,只是我們平時太忙,意志太堅強,反而令我們無視了身體的需要。太多的咖啡因,也不敵你要睡覺,要休息的天然生理呼喚。平時沒有足夠睡眠,週末的時候就特別想睡覺。

在半夢半醒之間,我發覺原來我已經漸漸成為了小時候渴望可以成為的那種大人。

小時候,我經常都希望不要被社會污染;我希望仍然可以對美麗嚮往,對於藝術、旅遊、交朋友、文學,仍然有一定的興趣,當然,在職業及收入上也希望自己可以領先。

好好彩,現在我們也在這個目標的路上慢慢出發。

年紀成熟了,進階了,我希望活出一個充滿歳月涵養與性格魅力的醇美人生。

人大了可以去像Sense Of Touch這種地方,是一種肯定和福氣。

除了世俗所謂的「成功」、「靚」之外,更重要的,是每一天,都充滿愛、信任、溫柔、快樂、慷慨、自由、果斷和獨立。

讓你的思想與愛融合,在完美的某一刻,將此情此景,化作永恆。





打開內容

2018年3月18日 星期日

【醫學美容】能令你年輕10年成為美魔男美魔女必需的心理質素

3月 18, 2018
近期有兩個人,啟發了我對於年輕氣場的體會。這兩個人,都成功定把時間凍結,當其他人大部份都會在擔心衰老、衰退、肥胖、抑鬱的時候,他們卻活出了另外一種人生態度,成功和自己的生理年齡脫勾,活出希望、快樂、好奇心。原來年輕的心態,絕對媲美Botox。

兩位不老人版,第一,就是凍齡男神林志穎;第二,就是英國名媛貴婦Joanna Lumley。

 

愛上了看一個旅遊節目,就是由BBC拍攝的Joanna Lumley Trans Siberian adventure。節目的內容,就是由一名西方白人貴婦主持Joanna,乘搭極具歷史感的火車,用最傳統的旅遊交通工具——鐵路的方法,橫跨歐亞大陸,到達冰天雪地的俄羅斯。貴婦由香港出發,途經中國內地、蒙古、西伯利亞、最後到達俄羅斯。

用鐵路的方法去旅遊,是最矜貴的旅遊方式之一,和郵輪差不多。途中會遇見各種不同的風景、人物、慢慢細味不同國家的風土人情,在以前的年代,東方快車Oriental Express就是一個貴族旅行的旅程。那個時候,旅遊,Travelling,不單只是享受吃喝玩樂購物和享受廉價人力資源做Spa按摩,更多,就是一種學習、觀察、開拓心靈的旅程。

在那個時代的旅行家travellers,和現代的遊客tourists,是兩碼子的事。坐火車去旅行,在不同的城市、鄉下下車短暫停留,去當地民宿居住,體驗不同的食物、酒精,遇到友善和不友善的人,絕對不是在網上訂機票搭廉航速去速回、住在三四星企業WIFI連鎖酒店可以媲美。

電視節目的主持人Joanna,是一個一看就知道是上流社會貴婦形象的女性,年齡不詳,目測應該50、60歲左右。


 

 

 

旅遊節目帶我們穿過可能我們一生人也不會去到的地方,例如中國內地長城不開放公眾的秘密部份、人煙稀少的高山森林中的長城遺跡、蒙古草原看宗教儀式、與俄羅斯神秘億萬富翁見面飲威士忌、食魚子醬等等不同場景。

Joanna Lumley 最令我印象深刻的,就是她的優雅和教養,對答有禮貌而且有見識,懂得尊重他人,種種的反應,是自然流露,不是那種MK老泥妹扮上菜食tea打咭,又或是中環老餅港女自命不凡的造作。

由於電視節目是類似真人騷的模式,鏡頭跟隨他去到不同地方,不同階層的市民見面交談,當然有很多開心、驚喜的接待,但亦是會見到不禮貌的人。

Joanna那種令人敬佩的行為舉止,即是在旅行中遇上不禮貌的人或者不理想的情況,她仍然樂觀、幽默、優雅,充滿睿智的對答,令人知道她就是因為真正淑女,真正知書識禮!

我一邊看,一邊在想,一個幾十歲的女人,坐火車超越5000多公里的跨歐亞大陸旅程,是多麼勇敢的一件事。

你可能會問,做電視節目,有成隊crew㗎嘛,你估真係佢一個咩 ?

我並唔係話佢係唔係一個人去,我反而要讚賞佢肯去,而且投入真誠。

香港好多旅遊節目主持人,對答膚淺、表情造作、樣板沉悶,主持都抱着一種打工出鏡的心態,並非真正享受旅遊的過程,自己都不享受,觀眾是不可能享受的。

香港人普遍文化淺薄, 30歲踏入所謂「中女」時期,就已經變得神經緊張又敏感。

天天躲在討論區評論娛樂新聞、發表酸文,又為自己的欠佳感情生活發愁。終日與其他同樣愛情失敗、單身的三姑六婆為伴。不是一起進步,而是一起沉淪。

又或者,踏入30歲的男士,仍然像中學生一樣,沉埋手提遊戲課金、到澳門賭博、找北姑嫖妓,外表老化退化,卻仍然不成熟。

三十歲四十歲的人,香港好多人已經變成退化、退縮、與時代脫節!不懂Snapchat,不看世界新聞,不知道世界已變了。

後來Joanna在節目中自爆,原來60年代,她已經到莫斯科做模特兒!

現在她原來已經70幾歲,即將踏入80歲!是一名超級美魔女!

70多歲還可以健康地以50多歲的態度和心境跨國旅行,真的佩服。

我們還有甚麼藉口不去勇敢活出那個一直不敢活出的生命呢?

從外表看,作為一個美容達人,看得出Joanna的面孔應該也有維修過,但真正令人難以摸透她年紀的,反而是那一種年輕氣場。

慷慨、希望、耐心、好奇心;

學習、觀察、體驗、欣賞、隨遇而安;

了解、聆聽、真誠,真的很重要。

這些特質,能定一個70幾歲的人,看起來年輕最少25年。

這些特質,令她散發出攝人魅力和年輕氣場。難怪去到世界各地都仍有男人搭䟖!

這些特質,也可以令你好年輕,逆向生長。

年輕,不只是打botox、Sculptra,或者去做射頻、打HIFU,什麼韓國公主針、新一代水母面膜、胎盤素、光仙子,通通都不及發自內心、自然散發出來的年輕氣場。

年輕氣場是什麼?就是對於世界的愛心、對自己的慷慨、原諒別人、能夠真誠地笑、真誠地哭,不斷學習,這就是年輕。

散發着年輕氣場的人,基本上都有以上特質。

現在好多香港人醫學美容做好多,卻有一種硬膠不自然、衰老扮年輕的怪異感覺,就是因為她們的外表的確年輕了,氣場卻仍然老化封閉。

每個辦公室也有這種千年老妖嬤嬤,拼命扮後生,但是思想卻出賣了他們。

請各位看看另外一位凍齡人辦林志穎。

如果你太年輕就不會知道,他其實是曾經在90年代瘋魔全亞洲的小旋風。

當年,連泰國皇室公主都放低身段,自薦要嫁給他!

發現了他的Facebook ,原來他繼續在台灣和中國內地演藝圈相當活躍,FB粉絲人數亦超過1,000,000 !微博更是洶湧!

最令我驚訝的,不是他的外表,他幾十年如一日的靚仔我一早也知道,反而是他對於生命的好奇和生命力。

最令人驚訝的,就是他仍然樂於維持少年時的興趣,仍然活躍於他的最大興趣賽車、旅遊、家庭樂。

除了官方圖片之外,FB更多的就是他的家庭旅遊、兒子自拍照、拍攝節目花絮搞鬼圖片……

對於人生,可以見得出是充滿希望、快樂、個人興趣。

經營個人興趣,把握快樂,令他充滿年輕感。

不單止沒有被五光十色定娛樂圈污染成渣男,反而,成功將少年時代的可愛氣質,成功進化帶入人生第二個、甚至第三個階段。

他整個人,已經43歲!但仍然散發出少年時代的氣場,年輕的氣場。

而真正令我們年輕不老的,不是那支Botox。而是,人與人相處的喜樂。

希望你也會和他們一樣,從內心改變外在,越活越年輕。


 

 
 

 

 


打開內容

2018年2月24日 星期六

【醫學美容】膠原修復槍神級逆齡效果?最新Thermatrix及Einxel Plus膠原槍價錢及效果教學

2月 24, 2018
近排好多人有興趣想知,就係韓國「膠原槍」嘅價錢同效果,同埋問值唔值得做。近期好多愛美人士都問,邊度有得打膠原槍?膠原槍,又被稱為「膠原修復槍」或「膠原修復針」,喺香港醫學美容界面世短短嘅時間,就已經得到好多香港美容人士嘅討論!膠原槍係水光針、HIFU之後,另外一個醫學美容熱潮。



打開內容

2018年2月11日 星期日

【醫學美容】嚴選尖沙咀美容院facial:高CP值美容院推介及提防黑店貼士

2月 11, 2018
尖沙咀嘅海港城,金巴利道,金馬倫道,有超多嘅高端美容品牌專門店、醫學美容醫生診所、藥妝店旗艦店,與及韓式日式美容中心。尖沙咀美容院由好平嘅$300 入門級Facial都價值三千幾蚊嘅高端儀器Facial都有,當中亦有貨真價實嘅高質素推薦地方,亦都有一啲係要大家提防嘅黑店。


打開內容

2018年1月27日 星期六

【醫學美容】「無針水光槍」及「無創水光針」大揭露!黑店價錢功效大踢爆!

1月 27, 2018
近期市面上好多人有興趣查詢嘅療程, 就係無創水光針,又稱為無針水光槍。呢一種無針療程聲稱可以喺無創傷表皮嘅情況之下,將營養導入肌底,發揮保護同埋修護作用。



打開內容

2018年1月19日 星期五

【醫學美容】日韓美魔女秘密「桑葉茶」與「蜂皇漿」凍齡奇蹟功效教學!

1月 19, 2018
高顔值靚女同帥哥,最怕年紀大咗,新陳代謝慢咗會癡肥同老化,被迫降呢加入平庸低質一族!唔知大家有冇留意,日本同埋韓國嘅美人同帥哥,即使年紀大咗,仍然keep得相當好?今日就同大家講解介紹一下,日本同韓國頂尖瘦身美人最愛嘅「桑葉茶」、「蜂皇漿」嘅神奇功效。蜂皇漿功效咁神奇,一包都只係幾百蚊。桑葉茶仲平,只係幾十蚊!但就可以媲美萬元抗老化產品效果!仲有排毒、減肥效果!

大家仲要留意,所有Facebook留言人士可以免費抽奬,抽「抗老桑葉茶」同「韓國蝸牛面膜」!記住like同comment個post !👍🏻😘

(本文係自費評價,並沒有收到任何的贊助或使用)

 

(日本超人氣美魔女,有不老仙妻之名嘅「水谷雅子」,已經47歲!47!佢激發我追尋日韓美魔不老飲食習慣嘅興趣!)

早前,好多朋友都突然急病入醫院!原因,不外乎因為流感傳染病高峰期,加上工作過勞,抵抗力受影響。

其實,現代生活好容易會令人病!其中一個重要致病因素,就係飲食唔夠健康,同休息唔夠。香港人一般食得唔足夠有營養嘅食物,而垃圾食物,就食太多。

西方醫學之父Hippocrates,出生於公元前430年古希臘,佢提倡嘅,就係醫食同源,將食物當藥。「Let food be thy medicine and medicine be thy food.」係西方醫學重要思想。

用食物去調理身體,係千古不變嘅真理。改變飲食同生活習慣,就可以改善健康。原來,仲可以改變肌膚質素,調整DNA!「桑葉茶」、「蜂皇漿」嘅神奇功效究竟係乜嘢?點解真係有用?有冇副作用?今次一次過講解。

 

(凍齡無分男女,韓星成勛三十幾歲,但仍然BF-able!)


你飲食比上一輩更健康?未必 !

上一輩嘅有錢人,炒樓炒股成功脫貧,就以為富貴,就係唔使做,日日嘆紅酒、暴食、賭錢、溝女、嫖妓。我識有個暴發有錢uncle,成日去灣仔「皇朝會」打麻將、去「深灣遊艇會」狂飲大食、經常性攬着幾件國產鄕土北姑model「助手」,話去北上做生意其實去尋歡,出國旅遊就以暴飲暴食、賭場豪賭、到當地紅燈區叫雞作為旅遊重點,唔識節制……佢以為保養,就係買啲名貴中藥,定期進補就可以。

每次見到佢,佢都一定要飲一兩罐可樂!個身,重有一陣老人味、老人臭。

亦都因為咁,因為唔保重身體,50幾歲就因為心血管疾病早享極樂!

直接啲講,其實佢係食死自己 !

可能,你都會同好多新一輩嘅人都覺得,自己唔會好似上一代人咁老土!

但係其實,喺唔愛惜身體方面,原來我哋同佢哋,大家實在不遑多讓!

「吓!點解?我明明冇咁差㗎喎!點解都話我唔愛惜身體?」可能你會好大反應。

咁樣,你有冇食曲奇餅?
有冇飲珍珠奶茶?
有冇食台式餐廳超勁爆味精牛肉麵、鹽酥雞?
有冇一邊煲劇膜拜Oppa一邊食韓國零食?
有冇Starbucks、Pacific Coffee一推出買一送一優惠,你就第一時間當水飲?
有冇一星期叫外賣超過一次?
有冇一見到同事萬歲下午茶,你就姣婆守唔到寡咁比自己藉口「歡送」、「teamwork」大飲大食?
有冇飲疑似「健康」、「低糖」嘅無糖汽水?
有冇一見到中環酒店靚靚下午茶tea set就雙眼發光?
一日三餐裏面,你自己整左幾多餐,又有幾多餐出街食?
有冇食高級日式法式蛋糕店嘅西餅?
有冇收工嘅時候順便買魚蛋、燒賣、煎釀三寶?
有冇八點幾先開始食飯?
有冇食消夜?
有冇試過喺networking events大吃大喝?

現代香港人實在太多飲食陷阱!快餐劣食成行成市,癡肥心臟病密密送,大量進食碳水化合物,珍珠奶茶當水飲,經常參加甜品自助餐,又經常光顧高熱量低營養餐廳為主打嘅food app,又或者將三餐完全outsource俾IG廣告經常見到嘅所謂低卡食物外送服務「營養飲食專門店」。

又或者,無故節食亂絕食,對於營養知識只係參考八婆forum一知半解網上資訊……

你可能都試過嘗試改變飲食,參加唔同類型嘅diet,south beach diet,Paleo diet,low carb diet,detox減肥乜乜乜!但係都冇用!

減唔到肥,仲搞到面黃、便秘、月經亂晒、半條人命?點解?

好似網上潮語話,人類總是犯上同一錯誤!

因為短暫性、暫時性嘅diet係絕對唔會有用,一定要改變生活習慣,養成「容易瘦」體質得好先至對你有長期的幫助!

「桑葉茶」、「蜂皇漿」嘅神奇功效,在於可以改變你嘅體質,令到你比較容易減肥,亦都比較容易維持年輕外表。

 

(蜂皇漿)

之前我有啲朋友,大家年齡相近,但係佢美容知識貧乏,完全未聽過「桑葉茶」或「蜂皇漿」嘅功效,經常被sales亂咁sell佢參加唔同treatment,花費兩萬幾蚊去做乜乜七七「第N代電波拉皮抗老化」、「神化黑心美白針」之類醫美療程,加上每月用一萬幾千蚊使用「La Mer」同「SK-II金瓶」(即係比普通更貴嗰種),但係做完一大堆treatment同使用無數高級產品之後,都唔見得有乜嘢效果,仍然係一個豬X!之後又見到佢即刻去食酒店下午茶嘅西多士!

我一睇就覺得,唔怪得知你減肥抗老化失敗啦!

咁鐘意西多士,人都西多士化!

當大家盡量keep住20幾歲美容盛世、9 out of 10索爆外表嘅時候,佢已經「身材樣貌大暴走」

退化成為一個疑似人生失敗組嘅肥C9!據我所知,佢老公近期仲成日好多藉口返大陸添……

要keep住外表抗衰老,係需要高智商、充足知識!

食物選擇得好,抗衰老凍齡效果可以超越萬元產品效果!

桑葉茶、蜂蜜蜂皇漿,功效神級,係不可不食!而其他類型嘅碳水化合物同糖分,就要減少!

醣分,即係碳水化合物,唔可以唔食,但更加唔可以亂咁食。

今日就同大家講下,糖分,同減肥、抗老化、健康、皮膚狀態嘅複雜關係!絕對唔係自己大家諗得咁簡單,去除糖分就可以。

 

(台灣女神張鈞甯亦都有為台灣蜂皇漿產品代言)


用桑葉茶、蜂蜜或蜂皇漿,去代替街上出售的coke zero及台式飲料


「桑葉茶」嘅神奇功效,在於接近零卡路里,但從細胞層面抗老化、抗氧化能力超高。

「桑葉茶」神奇在於,可以減低你身體對於糖分嘅吸收。

你身體嘅細胞,其實唔需要好多糖分。亦都係點解如果要減肥,就一定要減低碳水化合物嘅攝取量。

好多OneCaratBeauty靚仔靚女讀者都知道,免得過都唔好飲咁多汽水!睇得呢個美人限定blog,大部份觀眾同讀者都係樣貌中上嘅「靚靚」同「帥帥」。我都相信大家唔會咁蠢走去日日飲汽水、珍珠奶茶!

如果你依家仍然有偶爾去飲汽水同珍珠奶茶嘅習慣,我要話俾你知,可樂類、珍珠奶茶飲品,會危害你嘅交感神經!而且,含糖飲料裏面經常使用嘅唔係高質素嘅糖,而係低質素「玉米糖漿」high frutose corn syrup。基本上所有加工食物都用呢一種廉價、對身體有害嘅玉米糖漿!

你知唔知道,呢一種糖,絕對唔係普通葡萄糖咁簡單,汽水、台式飲品、便利店飲品、珍珠奶茶呢一種「惡性玉米糖」,係特別需要你嘅「肝臟」去處理,好快,就會變成你身體裏面嘅「內臟脂肪」、「膽固醇」、「大肚腩」!

飲含糖飲料等於快速做大個肚腩!

你知唔知道,你平時進食嘅甜品、含糖飲料,糖分進入你身體之內,就會令到你身體出現胰島素抗性,進入你身體嘅糖分,仲會進入你血管,令到血管受損,令到身體長期出現慢性發炎狀態!

你體內多餘嘅葡萄糖,會同蛋白質結合,使其變形!產生出令人加速老化嘅最終糖化蛋白物AGES!佢會令你老化、影響你皮膚!血管!肌肉!令你嘅皮膚失去彈性,好似失去青春咁樣!而且,呢個只係你見到嘅表面,糖化產物,仲會令你動脈硬化!造成骨質疏鬆與及糖尿病!

專家發現,如果你每日飲一罐汽水、一杯珍珠奶茶(即係含糖飲料超過2份),你患胰腺癌的機會增加90% !

不斷湧入嘅糖份,就會好似糖漿咁樣,包含着你嘅器官,亦都係血管造成損傷,令到你身體產生胰島素嘅beta細胞,收到嚴重傷害。同時,你外表亦加速老化!

而且,專家發現,身體內大量無法吸收嘅糖份,容易造成暗瘡、玫瑰痤瘡等等問題。好多人花費大量金錢,購買唔同高級產品,希望改善暗瘡同玫瑰痤瘡問題,最後發現,原來只要減少碳水化合物,一樣可以媲美幾千蚊名貴抗老化產品嘅美顏年輕效果。

一般高價錢嘅美容產品,就係會幫你逆轉氧化、糖化。但你只要從源頭減廢,第一步開始已經做啱,唔俾佢老化,你就可以得心應手。唔需要再花費幾千蚊、幾萬蚊去買一啲抗老嘅產品。

如果你經常有玫瑰痤瘡、暗瘡、肥胖問題,就一定要注意飲食!一定要絕對減少糖分同碳水化合物。

減少進食糖分之後,你就會發現皮膚會好咗,少咗皺紋,透明感提升,拉提程度亦都比較高,冇咁衰老,亦都唔需要成日做咁多LLT雷射、Omega Light、 紅外線treatment、維他命C抗氧化注入療程,都keep得到。

好多人嘗試減少糖分吸收之後,就發現自己年輕咗,青春咗,體重降低咗。醫學美容同護膚品效果亦都更加犀利同見效。

桑葉茶Mulberry Tea,係一個價錢超平但係超有效嘅減醣抗老化產品,呢一個我哋特別醒俾你地嘅秘密,歐洲貴族家庭醫生為名媛準備嘅抗氧化功效性調理飲品,就係Mulberry Tea桑葉茶!呢一個抗老化秘密,連好多香港專業化妝師朋友、美容師朋友,都未必知道。但係只有少部份有醫生同營養師指導嘅超凍齡名媛先知道!

香港人根本就唔知道桑葉茶嘅功效同埋可貴之處,其實,桑葉中有效物質,已經被外國提煉成為抗癌藥!


「桑葉茶」神奇功效

點解,因為佢有豐富嘅茶多酚,有抗氧化、抗老化、調整血糖、改善血液循環功效!對凍齡美顏有科學證據!如果你想有內臟、血管、面部抗衰老,就要開始飲用!桑葉茶其實好多地方都有得賣,香港國貨公司就有。

桑葉茶人仲可以幫助降低胰島素抗性。如果你想凍齡抗衰老,一定要開始飲用以上產品!

當然,好多人就會知道要減少汽水、甜點、麵包、白飯呢啲嘅。但係其實,大家都要注意,原來,有啲糖,係對身體有益!


原來有啲糖,對身體有益:蜜糖可以殺菌抗衰老!

咁好多人會問,咁我基本上完全唔再食任何糖類食物咪可以?

有一種糖分,可以適當少量使用。呢一樣,就係蜂蜜!

你知唔知道,蜂蜜有強烈嘅殺菌作用,可以幫你修復發炎組織,有通便、抗衰老作用?

將蜂蜜加入水之後,就會產生雙氧,呢樣野,只需要幾分鐘,就可以進入體內血管,產生殺菌消炎作用!每日飲少少,對美顏美肌有好大作用!

除咗飲蜂蜜之外,蜂皇漿亦都對身體同埋抗老化有好大功效。

以前,蜂皇漿真係好貴好貴,只有一啲上流社會嘅真正名媛、大富之家為用作保養身體用途。但近年由於人工繁殖,價錢已經降低。大家一定要把握今年大量生產嘅優勢,提早保養,避免未老先衰。

可能你都聽過其他年紀比較大嘅人講,飲蜂皇漿的功效。咁究竟乜嘢係蜂皇漿?蜂皇漿根據維基百科嘅解釋:

「蜂王漿(英語:Royal jelly),又稱蜂皇漿、蜂王乳等,是工蜂的一種分泌物,餵食蜂后的食物。蜂王漿是由蜂群中的哺育工蜂,其舌腺和上顎腺等腺體分泌的漿狀物,初出生的蜂幼蟲,吃了蜂王漿,便會發育成為蜂后,否則就會發育成為工蜂。」

蜂皇漿係非常珍貴,你知唔知道,一個蜂巢,每半年只可以生產500克咁少嘅蜂皇漿!真正蜂皇漿好珍貴美容聖品

大家要留意,市面上藥妝店、中藥店有好多類似係膠囊形式出售嘅蜂皇漿,但係,佢哋嘅效果,比唔上新鮮嘅蜂皇漿。

如果大家要買蜂皇漿,就要買新鮮產地直送嘅鮮蜂皇漿。


特別答謝活動

為答謝大家長期支持,我哋會隨機抽出幾位朋友,免費贈送「抗老桑葉茶」同「韓國蝸牛面膜」,有興趣請喺呢一個Facebook page留言,所有留言人士均有機會參加免費抽奬!










打開內容

Related

Post Top Ad