【醫學美容】抗衰老荷爾蒙精華護膚品超詳盡教學(最新科研Part 1)

抗衰老年輕化,其實係一個好重要嘅身心健康議題。好多香港人會用醫學美容的方法例如打肉毒桿菌Botox、打無針埋線Liftera V、打「少女針」Ellanse、Perlane填充劑、打抗衰老荷爾蒙等等嘅方法,令自己外觀比較年輕、嘗試對抗衰老。又或者會用好多唔同嘅抗衰老精華、抗衰老護膚品等等。

今次呢個教學系列,係Onecaratbeauty.com全體同人,新一年誠意之作,目的係分享俾各位一直有支持我哋嘅巴打絲打。呢一篇文章極之豐富,為得到最新最有效資料,我地去請教醫生、韓國皮膚整容醫院、香港美容業界收取最新情報、向醫學美容儀器代理獲得最新資料,呢一篇報告,做咗超過兩個月資料蒐集!親身試做Botox、打無針埋線Liftera V,而且我自己俾錢嘗試唔同抗衰老護膚精華產品,絕對值得大家參考。

 
(Royal胎盤精華、日本生產胎盤荷爾蒙精華護膚品)


抗衰老的三大重點範圍

注意!面部衰老,反映身體器官衰老!

一過咗30歲,身體機能同心理質素急速退化!

皺紋、面乾、面下垂、容易出班、容易肥、體力下降!性生活失調!容易抑鬱!

如果唔能夠全方位咁樣保養,就好容易跌入「人老珠黃」境地!抗衰老荷爾蒙、抗衰老護膚品、抗衰老精華、抗衰老醫學美容,因此變得必要。

我識好多朋友,一踏入20美30頭,整體樣貌、體態、心境,不分男女,單身定結婚,有錢定普通人,直或gay,一過咗30歲,樣貌身心自信一律大退化!呢個現象,不幸地係香港人身上更為嚴重。(有生理原因,下面會詳細講述)

抗衰老,其實唔單只係外表咁簡單,仲重要,就係你身體機能與及心理狀態、精神健康。

如果你發現自己體重上升、皮膚乾燥、出老人班,注意!呢啲全部係初老現象。

美容黑店港女sales、醫美診所跑數醫生只會一味勸你買買買,大家都可能開醫學美容診所買過不同護膚抗衰老產品同treatment(荷爾蒙療法、HIFU、射頻),但效果並不明顯。

更甚者,有啲靚靚可能只係能夠成功維持上面面孔,但下面私密生理部分因為年齡壓力變成一團糟,就會鋌而走險,去美容中心做最近流行嘅下體美容、韓國或強國生產嘅「收陰機」、又或者如果你係囝仔,好似泰國一班帥gay去做當地流行嘅「下體陰莖激光療程 penis laser treatment」。

為咗keep住年輕,大家可以去到幾盡?

又或者大家都試過去藥妝店,買唔同嘅抗衰老精華護膚品,但效果不好。

抗衰老總共可以分為三大重點。今日就會同大家詳細講解。

抗衰老第一重點,就係「抗衰老醫學美容」。抗衰老醫學美容包括抗衰老護膚品、抗衰老精華、抗衰老荷爾蒙療程。我會詳細為你講解當中現代科學認為最有效嘅方法,價錢,同埋一啲親身自費參加醫學美容嘅成效分享。亦都會為大家講解現今最流行嘅醫學美容抗衰老療程包括EGF、荷爾蒙抗衰老、胎盤素、無針埋線等等。

抗衰老第二重點,就係「抗衰老健康養生」。抗衰老如果要做到有效果,而且見得快,就一定要同時進行飲食、養生、健康方面大改造。抗衰老健康飲食養生習慣做得啱,你嘅皮膚、狀態、性能力、都會有改善。呢一部份我會分享外國營養學家、醫生、中醫對於抗老化與及荷爾蒙調節嘅生活習慣。令到大家唔需要去即貴嘅醫學美容診所、聘請時薪數百美元起跳,每次口頭資詢都要收費幾千蚊港幣嘅專家,都可以獲得最新抗衰老方法與及消息。

抗衰老第三重點,就係「抗衰老思考習慣」。終於有句說話,叫做有之內型之外,就係一個人嘅心境思想,往往會反應係一個人嘅外表之上!如果思想年輕積極,外表亦會同樣反映出來。思想悲觀負面,外表亦會提早衰老!要做到內在年輕,氣場年輕,就要連思想習慣一併upgrade!年輕嘅氣場,係充滿希望同樂觀,對於未知領域嘅好奇心與及正面心態。年輕,就係識得輕易放低捨棄唔開心,快速回復到元氣滿滿嘅狀態。


抗衰老醫學美容:荷爾蒙、精華、護膚品點樣選擇?

大家知唔知道,人類嘅衰老,同荷爾蒙有好大關係?

失去平衡嘅荷爾蒙,加上細胞氧化,令人衰老!

有冇發現你嘅護膚產品無論用幾多,塊面都仲係乾同埋下垂?

抗衰老,就要從荷爾蒙講起。

我未知道荷爾蒙同抗衰老嘅關係之前,我自己都用左唔少錢購買抗衰老護膚、精華產品、醫學美容療程,我個人已經用咗超過幾十萬!

吓!你可能覺得有冇咁誇張?

絕對有,錢係用咗,不過我都覺得值得。

點解?因為我洗咗啲幾十萬,但係外表年輕5-15年,令到我人生更多選擇,搵伴侶、事業、自信心方面,每個月都係一兩千蚊其實都值得。一兩千蚊其實唱卡拉OK、買件衫、買一隻鞋(not even一對)、出街食兩餐飯已經冇咗。與其無啦啦消費振興經濟,不如投資自己身上。靚仔靚女一定要明白呢個道理!

當我知道抗衰老荷爾蒙,與及正確抗衰老荷爾蒙使用方法之後,就令到我嘅抗衰老活動更得心應手。

首先,就講下胎盤素Placenta。

偷偷話你知,市場上一種名媛愛用、超高天價嘅醫美保養品胎盤素,係來自俄羅斯嘅女性身體!

究竟當中效果有幾勁、同時幾安全、有幾合法,真係要自己再諗。

近年,好多剛剛踏入20尾、30頭嘅靚靚同帥帥,都有使用胎盤素抗衰老精華。

市面上炒到最火熱,就係Royal臍帶血精華。呢隻Royal胎盤精華,好多網店都有出售。

如果純粹以科學醫學來講,胎盤素Placenta對於皮膚嘅作用,其實嘅支持數據的確有,但相比起足夠作為達到醫學證據嘅要求,係暫時不算太多。

有關胎盤素研究裏面,發現裏面含有嘅雌激素,對於皮膚可能有一部份改善作用。同時,胎盤素嘅蛋白質,有可能激發膠原蛋白嘅生長、增加肌膚含氧量,從而達到抗衰老、年輕化、回春嘅作用。

胎盤素,亦都有分為人類胎盤素、羊胎素、豬胎素,與及植物胎盤素。當然,價位差別好大。

你可能會好好奇,植物,點樣有胎盤?

原來植物嘅雌蕊,係含有胎盤素成份。

荷爾蒙對於身體嘅年輕有好重要作用。

可能大家都會沉迷於中日韓香港,身材非常好又大隻嘅小鮮肉男神。

點解人類會特別鍾意小鮮肉呢?係因為肌肉同荷爾蒙有直接關係。

年紀後生嘅時候,荷爾蒙分泌旺盛,亦都比較容易斷練出肌肉。一般男性過咗35歲,肌肉嘅發展會隨着睾丸素減少變得鬆散。一個男人嘅肌肉,可以睇得出一個人嘅年輕荷爾蒙、生育能力與及健康程度。

女人,其實情況亦都似,纖瘦有力嘅肌肉能夠承拓良好身形。由於荷爾蒙變化,亦會在30歲開始,不停流失肌肉。醫學界發現,女人有25歲開始,直到更年期,會唔見大概15%嘅肌肉!之後,每年更以2%嘅高速下降!

由於荷爾蒙對身體有關鍵作用,以抗衰老為目的而注射荷爾蒙,亦都係醫生同埋醫學界關注嘅議題之一。

要提一提大家,男女本身不同地方在於Gonadal Hormones,性腺荷爾蒙。

荷爾蒙注射,英文叫做Hormone Replacement Therapy(HRT),一般來講,會為中年人補充荷爾蒙嘅作用。

注射男性荷爾蒙對於男性生殖能力有幫助。而且,能夠改善胰島素、以及肥胖問題。

好多外國嘅男士為咗回復小鮮肉身形,會網上購買男性荷爾蒙/Testosterone補充品。呢類型嘅產品,好多外國網站都有出售。

近期醫生卻發現,注射荷爾蒙,有機會導致乳癌與及心臟病。自己生產嘅荷爾蒙,反而就冇呢個作用。

咁點樣,先至可以利用荷爾蒙去幫助年輕化、抗衰老化?而唔需要有以上嘅副作用?

醫生發現,其中一個安全,而且自己增加荷爾蒙嘅有用方法,就係減肥。

減低身體嘅脂肪比例,會促進荷爾蒙。係一種良性嘅循環。

如果想增加自己嘅好年輕荷爾蒙,運動,會係其中一個最好嘅方法。尤其是舉重等等嘅重力訓練,會令到年輕荷爾蒙加速激發,有抗衰老作用。

我之前同大家講過,禁食,對於抗衰老嘅作用。

醫生發現,隔日的禁食,有助身體減低IGF-I,亦令身體狀況比較年輕。

(未完待續)

【醫學美容】無針埋線同HIFU及Thermatrix膠原槍比較!Liftera V幾耐做一次?

 

近期韓國醫學美容療程「無針埋線」Liftera V真係火熱到爆,無論係明星、港鐵廣告、雜誌、YouTube、IG網上紅人分享、醫學美容達人都有分享!各位靚仔靚女,相信到而家大家已經做咗Liftera V無針埋線,或者積極考慮中!但係,好多人都仍然有心裏面一啲疑問,例如,Liftera V無針埋線同埋傳統HIFU嘅分別?同Thermatrix膠原BB槍有咩唔同?Liftera V無針埋線隔幾耐做一次?無針埋線效果可以維持幾耐?

市面上大部份Liftera V無針埋線教學,都係來自廣告宣傳,又或者試做Blogger個人意見,但真正來自韓國廠方、代理嘅教學資料,少之又少,而真正來自廠商資格教授、真正有更有據嘅資料,接近係零。今日就會同大家講解正確無針埋線,點樣去做到最佳效果。

今日就同大家繼續教學,全港Hit爆嘅無針埋線Liftera V!


小心分辨真假無針埋線

首先,緊急呼籲,大家真係要好留心,如果大家去到美容中心、醫學美容中心,想做無針埋線,第一個問題,就係問「你部機係Liftera V定係V Max?」

如果佢話係V Max,或者佢答唔出,或者含糊其詞,就要好小心!

如果你去嘅美容中心,做嘅無針埋線寫着「V Max」,而唔係「Liftera V」,就要格外留心!

有得揀,一定要做Liftera V!

Liftera V同V Max兩部唔同機器,其實都係來自韓國嘅無針埋線機,兩部機,都的確係正廠醫學美容儀器。不過,好多來自大陸冒牌VMax儀器,已經流入香港!反而,另外一部Liftera V防偽技術工作做得好好,基本上冇乜假貨,安全好多。

真正嘅Liftera V,同冒牌嘅大陸貨假V Max,價錢差幾十倍以上!

一般人唔識分,我會簡單咁樣奉勸大家,直接做Liftera V。唔係,就唔好做。

其實仲有另外一個更加科學化嘅方法,可以分辨到部機係真定係假,同以往一樣,你PM我,我教你點樣分辨。


Liftera V無針埋線同傳統HIFU分別

Liftera V無針埋線VS HIFU,究竟有咩唔同?

好多醫學美容中心都話Liftera V無針埋線突破性技術,超越傳統HIFU,究竟係唔係?

首先我要同大家講,無針埋線本身嘅原理係乜嘢。

無針埋線,其實就係利用高聚焦超聲波能量打入肌底,從而達到提升功能。

無論係真正嘅Liftera V無針埋線,定係傳統HIFU,兩者都屬於聚焦超聲波,超聲波之所以可以做到拉提、緊致、提升、回到那些年嘅效果,就係因為佢能夠深入筋膜層SMAS。

聚焦超聲波同RF最大嘅分別,就係聚焦超聲波嘅能量比較深,可以去到4mm甚至7mm,做到嘅拉提效果亦比較強勁。當皮膚嘅筋膜層拉緊嘅時候,成個人嘅面部輪廓,亦都會同時拉提。返返去比較年輕時代,面部比較緊致拉提嘅效果。

Liftera V無針埋線同HIFU最大唔同,就係施打嘅手法。

舊式嘅HIFU由於技術限制,醫生或者美容專家打嘅時候,會係一條線一條線。中間會有空位。

Liftera V無針埋線使用渦旋手法,將高能量比較平均打入肌底,效果比較平均,而且由於設計改良,一啲傳統高能量聚焦做唔到嘅地方例如面部凹凸位置,而家都可以做到。

咁你又可能會問,Liftera V無針埋線,同膠原槍Thermatrix有咩分別?

Liftera V好似之前所講,主要嘅原理,係聚焦超聲波打入筋膜層,Thermatrix就係主要針對膠原蛋白層。

佢哋兩者,主要針對嘅皮膚深度,其實唔一樣。

如果用一幢大廈作為比喻,Liftera其實就係針對強化鞏固結構(筋膜層),而Thermatrix就係令到內部裝修比較豐盈美滿(膠原蛋白生長)。

最佳效果,當然係又去鞏固筋膜,又再開生長膠原蛋白。個人應為Liftera同 Thermatrix兩個treatment都要做。


無針埋線幾耐要做一次?可以keep幾耐?

好多人問,做無針埋線,可以keep到幾耐?幾耐做一次先啱?

呢個問題,如果你問美容師、甚至一啲醫學美容中心嘅醫生,佢哋嘅答案都不盡相同。

為咗幫大家搵到最直接嘅答案,我已經直接向韓國Liftera V代表查詢。

其實,Liftera V無針埋線最佳效果,係隔兩至三個月做一次。

即係,一年做四至六次,已經可以見到非常犀利嘅效果。

當係$1000一次,就算做足六次都只係6000 ,同打一支Botox差唔多。

我已經率先試用Liftera V無針埋線,之前亦都打過Botox,可以俾啲心得大家。

Botox對於改善包包面、兩邊面下垂,其實效果相當強勁理想,因為肉毒桿菌主要係用來放鬆面部肌肉,令到膨脹嘅包包面縮小,變成V面。但係肉毒桿菌本身只係可以令到面部肌肉暫時縮小,如果你塊面本身下垂,就會出現咗非常之難睇膠面情況,就正如某啲明星一樣,一睇就知搞咗好多嘢。

要做到真正回春,面部自然年輕,其實要兼顧筋膜層(Liftera V、HIFU)、膠原層(Thermage、Thermatrix、RF)、與及肌肉(肉毒桿菌)。


=====================

免費資詢

Reju Beauty中環高瑞儀器小店,用行內人價錢,體驗最新高端正廠美顔儀器

最新無針埋線Liftera V |  新一代韓國Aqua Peel | 膠原BB槍 | 日本胎盤精華無針水光 | 韓國皮膚管理Omega Light 激光煥顏 |  明星4.5mm 極限回齡 HIFU | 神級膠原生長射頻 | 韓星局部溶脂 | 瑞士魚子精華名媛保養術

一律以行內人特別價錢接受預約~亦提供免費資詢服務

=====================

網站:www.reju.hk
即時Whatsapp免費資詢了解:https://bit.ly/2MY6dKM
電話:5287 2981

=====================


【男神】澳葡最後一個王子Ernesto De Sousa蘇家樂澳門演員

當好多三四十歲以上的港男「才俊」,頂着黑眼圈皺紋、大肚腩和半禿頭,出沒於蘭桂坊的夜店,去炫耀他們所謂「資產條件」的時候,澳門混血男演員Ernesto,正穿着一件纖瘦而得體的西裝,在充滿歷史感的葡萄牙領事館畫展中,擔當葡萄牙語主持。

Ernesto de Sousa,可能,是澳門葡國殖民地年代遺留給我們的,最後一個王子。

 
(Ernesto De Sousa網上頻道自拍)



優質澳葡混血兒

自從16世紀,葡萄牙人獲准在澳門建築以及居住。留給這個世界的好東西,除了令人垂涎的葡撻,還有建築令人嘆為觀止的聖安多尼堂、玫瑰堂、澳葡國美食,與及優質混血兒。

Ernesto是澳門葡國混血兒,是澳門的優才,亦是獲得香港特區政府頒發獎項金的香港演藝學院畢業生。他更獲得美國耶魯大學取錄,曾進修藝術短期課程。

Ernesto沒有參與什麼強國萬人投票選秀活動,沒有飛身加入建制政黨忽然愛國撈著數,沒有什麼父幹成為天價豪宅最年輕業主。他也沒有盲目跟隨K Pop潮流,把自己整容化妝整到韓國超美白V面高鼻至潮男團樣子。Ernesto有一個非常貼地的中文名字,叫做蘇家樂。在這個平凡名字的故事,卻是非凡的經歷與才華。

 
(Ernesto De Sousa蘇家樂獲邀演出最新譚詠麟MV)

 
(Ernesto De Sousa很有條件成為MCM莫峻名之後新一代男神)

 

 
(Ernesto De Sousa蘇家樂主演的學院微電影「如膠似漆」劇照)


混血小王子

無論是充滿殖民地歷史感覺的名字Ernesto De Sousa,還是平易近人的名字「蘇家樂」,隨便你怎樣叫他,他最在意的,是藝術造詣的深化與及昇華。

他不是隨隨便便一個為呃like、呃点子分紅可以秒速除晒衫、做出各種騎呢表演的所謂網上紅人或直播主。

在不經意之間,他流露出一種貴族小王子的氣質。

生長與殖民年代,留在澳門本地與及葡萄牙祖先的血,令到澳門的葡國混血兒,都總帶着一點點的殖民時代貴族風華。

幸運地,Ernesto De Sousa留著澳門和葡萄牙的血,血統不同,出生地也有別,不會被困在香港,被污染成為像阿Bob、王祖藍一樣的擦鞋仔世故港男。

這些人的故事,彷彿注定帶出一點不平凡。

 

 
Ernesto蘇家樂是一個「演員」,注意,是表演藝術品的「演員」,不是本地庸俗電視台那種自制緋聞、專門上胡鬧節目的「藝員」。他是在舞台上,劇場裏,殿堂表演之中的真真正正藝術工作者,和一般市井MK明星不同。

如果你看過他的相片,你會發現他的混血眼睛裏,閃爍着各種各樣對於人性,與及命運,的了解。

他的眼睛裏,有靈魂。

澳門深藍色的星空之下,你會看到他在藝術劇場、在世界的另一端、在精神的領域,他去了一個很高很高的地方。

表演藝術,帶了他去一個有星座,有神話,有希望的地方。

就像童話故事裏的小王子一樣,他在追求人性美好的一面。

而看着他的藝術表演,也一樣帶了我們去一個有星座,有神話,有希望的地方。澳門,真的不一定只有賭錢、嫖妓、演唱會、巴黎人、各種聲色犬馬的娛樂場所。在混亂、遊客、噪音,原來我也隱藏着一點的靈魂。

對於自己外表、行為、品格、道德有要求,並且克服困難,持續達到高水準,這是真正「貴族」的認證。任何搶購LV,爆買房地產,內線炒股發達都不能相比。

正因為這個原因,Ernesto演員身分獲得了台灣「金甘蔗影展」最佳男配角,片中一人分飾四角,有列車車長、酒店接待員、工廠看更和神秘人。獲得如此嘉許,成功為港澳地區的藝術工作與及文化產業爭光。

表演藝術,可以提升一個人的內在涵養。貴氣,因此而生。

因為藝術,一個人的氣質有所提升,比任何水光面膜、3D回齡精華、微整形有效。

 

 

 
(Ernesto除了演員工作,在澳門也有不少人氣和粉絲,曾參加綜藝教育節目,也為澳門歌手蘇菲和高菁拍攝MV)


貴族的奢侈

當一個男人不只懂得溝女(或溝仔),炒股,打機,埋堆搵食,而是在精神方面有獨立思想,懂得欣賞藝術,甚至投身藝術,他不必再做打工奴隸,也不會再執着於父幹或沒有父幹,或想盡辦法混入某些圈子裏面。

當一個人到了20尾30頭,仍然敢於在藝術演員方面發展,他終於為了自己而生活。

他是行了一條比較難,但絕對值得尊敬的路。

他已經30歲,由一個美少年,變成一個美麗的成年人。某些少年時代的可愛可能隨着時間年月不見了,但其他地方,卻像葡萄牙美酒一樣,越來越成熟甜美。輪廓,也帶着對人生了解領悟的知性美感。

在香港做劇場演員,不知道有沒有辦法發達,但這樣的人生,絕對奢侈。

因為真正的奢侈,就是隨時隨地,做想做的事。

香港好多人是富有,但絕不奢侈,因為他們的時間很寶貴,每天也被迫工作工作再工作,付出了10吋時和分,卻沒有換到10吋金。

在這個層面來說,他雖然並沒有一般港男港女財演、保險經紀、爆數sales那種魚翅撈飯,但在精神層面上,能夠全心全意地做自己愛做的事,其實是非常奢侈的。

你已經到了一個一般港男無法比較的高度。

你擁有的,不只是美貌,而是美麗而且永恆不老的靈魂。

就像小王子書中說的:

The most beautiful things in the world cannot be seen or touched, they are felt with the heart


聯絡方法

Ernesto已經獲得Uber同Canon垂青拍攝廣告,如果有興趣搵蘇家樂合作演出工作,可以同我地聯絡,我地會免費轉介同配合推廣。FB: OneCaratBeauty

家樂廣告及藝術創作演出工作包括:

譚詠麟MV

Canon

uber

隱適美

如膠似漆

蕃茄田

再見之時

在風和日麗的星期天談一場無性的戀愛

【醫學美容】香港男士護膚品美容院facial推薦:毒男變男神?

同大家分享香港男性護膚品,同男性美容院facial教學之前,首先想講下過去幾年男性護膚品市場嘅巨大環境變化。過去幾年,都見到一啲天菜級高質素嘅香港男仔,究竟點樣先可以由路人變男神?因為外表皮膚緣故而導致戀愛有障礙,護膚品同美容院facial又點樣幫得到?乜係無針埋線?點樣可以避開hard sell黑店,搵到適合自己預算嘅服務?

(香港越來越多美容中心有提供男士護膚服務。Photo Credit:Reju Beauty)

隨着韓國超靚仔Oppa秒殺千萬粉絲,外國高質素健身大隻仔仔橫掃夜場全場獨秀,甚至泰國、內地、台灣交友網嘅都高顏值帥哥經常自拍挑機,令到香港男士與及男性網友明白到,唔可以故步自封!

泡菜Oppa同泰仔、強國北方男仔帥哥素人,一出騷肌、顔值post都可以獲得千萬likes!令到香港男士終於明白到,你的樣子如何,你的日子也必如何!終於急起直追,好似韓國男仔咁樣,定時去美容院做facial、健身、整理外表。

遇強越強,香港男士對於自己外表嘅要求亦都越來越高!

無可否認,現代嘅男仔比上一代,質素高咗!男士去購買護膚品、微整形、去美容院做facial 嘅趨勢有所增加。

好多注重外表嘅男士可能未必完全知道點樣先可以最有效咁樣美容護膚、甚至微整形!始終,香港嘅美容市場針對女性顧客已經有幾十年嘅歷史,針對男性,可能只係過去10幾年,好多方面都有一啲有用嘅資料可以同大家分享,令到各位注重外表嘅男士,都可以付出更小嘅錢得到最大嘅效果!

為咗令到大家得到更高性價比嘅服務,同埋成功避開美容黑店,今次就同大家講下,香港男士護膚品同男士美容院Facial要注意地方。


香港男士美容facial:小心美容黑店

香港好多男仔都有興趣了解,點樣可以提升自己皮膚質素,提升自己樣貌,討論區都有唔少呢一類型嘅post。馬國明代言嘅MSC、陳家樂代言嘅Oasis Homme,都有專門為男士提供服務嘅美容院Facial。好多人都希望改善皮膚,令到自己更有自信,無論係工作定係約會,都更得心應手。

如果你自己,或者你身邊嘅男性朋友、男性家人都有興趣了解,就要留意呢一個教學。

男性同女性嘅皮膚天生狀態已經唔同,老化嘅速度不同,荷爾蒙分泌亦有出入,所以,男性護膚無論係產品、價錢、美容院Facial,同女性嘅要求都唔同。一般女性護膚中心嘅療程,如果未有調整,可能未必完全合男性用。

香港美容中心facial越來越多都有提供男性服務,我會教大家點樣避開一啲呃錢嘅黑店。

男士想去做facial就一定要小心美容黑店!高壓式銷售,即係hard sell,係香港好多美容院嘅不良銷售習慣。好多女性由於由細到大已經身經百戰,對於佢哋一班美容sales嘅伎倆,就算唔好話見招拆招,都起碼可以隨機應變!但係好多男性首次光顧美容院,面對一班經驗豐富嘅sales ,有時就會不知不覺之間墮入銷售陷阱!

我會建議有興趣去做Facial嘅男士,首先由小型美容院開始嘗試入手。

中環Reju Beauty唔需要預繳,不設顧問sales,又可以單次購買,比較適合新手。WhatsApp 直接查詢按這裏:

一般大型嘅美容中心,多數會提供醫學美容如激光、HIFU、射頻、注射等等服務。佢哋嘅顧問,亦都會傾向銷售呢一啲高收費嘅醫學美容程序。當然,如果你係第一次做美容,就好容易荷包出事!

中小型嘅美容中心,多數提供人手美容服務,價錢亦都比較低,對於頭幾次使用呢類型服務嘅男士,對於做facial過程、程序、產品等等,都會有體驗同埋學習嘅作用。由於每次收費唔貴,最多都係$500,輸晒都係$500。到你真係比較熟悉市場行程嘅時候,再之後upgrade佢更加貴嘅地方亦都可以。

作為一個美容行業多年嘅業界人士,我會建議各位男士,如果你係想用實驗性質去睇下自己做完Facial之後皮膚狀態同埋外表有冇改善,第一個要訣,就係千祈唔好去連鎖店住!

始終連鎖店嘅銷售壓力好大,羊毛出自羊身上嘅壓力亦都好大!

一般連鎖店初次試做價錢大概$300 ,正式價錢大概$800到1000 1次左右。

連鎖店有連鎖店嘅好處,但係佢嘅壞處就係一定黑hard sell。好多人貪平嘗試用試用價,但試過之後就知道唔掂!花費大筆金錢事少,仲要俾咗錢之後就會book唔到Facial。(好多香港男士唔知道,係一啲呃錢美容黑店,join course容易,但俾咗錢之後,要book到Facial係好難!)

所以,我會建議各位男士做facial時候,首先去幫襯一啲比較平,質素一般都冇所謂,咁你自己認識左成個做facial嘅過程,同埋聽下唔同美容師嘅意見,綜合幾次做facial嘅經驗,你就會知道自己皮膚嘅主要問題係乜嘢。

到咗你最少有幾次做facial嘅經驗之後,就可以選擇一啲適合嘅地方去買套票。

市面上都有好多香港美容黑店list,簡單來講,避開上市連鎖集團(香港好多女性都知道唔會中伏,但好多男仔唔知道) ,避開價錢超平嘅團購,避開$200以下嘅Facial。


香港男士美容facial:最快見效方法

相比起每個月用幾百到幾千蚊護膚嘅女士,一般香港男性嘅皮膚都比較粗糙,黑頭,皺紋,缺水,都係常見問題。呢一類型嘅問題,通常經過幾次護理,就會有明顯改善。

有興趣人士可以考慮一下單次收費,無需要嘅地方,例如Reju Beauty,有興趣了解可按這裏whatsapp

我之前對於Facial嘅介紹,就同大家講解個唔同嘅做法,同埋建議大家點樣防止黑店,有興趣可以參考一下。



【醫學美容】無針埋線Liftera與Ultra V Lift原理效果價錢教學,及如何防止副作用

近期最多人問嘅醫學美容療程就係「無針埋線」Liftera Ultra V Lift。傳說中,呢個新嘅醫美療程,有極強嘅逆齡、拉提、凍齡、緊致效果。由大型Perfect Medical(佘詩曼代言)、到Dr Reborn(鐘欣潼代言)到瑞士高端儀器Reju Beauty(韓國索模Min Ji代言),Liftera V都係人氣之選。

究竟「無針埋線」原理係乜嘢?效果同傳統HIFU、射頻、激光有乜唔同?

真正來自韓國,除咗Liftera之外,最著名有效嘅無針埋線機仲有邊幾隻?佢哋之間有乜嘢唔同?V面效果可以有幾好?安全性高唔高?原理係點?合理價錢係點?

仲有,進行無針埋線療程嘅時候有乜嘢要注意嘅地方,先至可以避免副作用同不良效果發生?

關於埋線,市面上美容黑店眾多,亦有大量收費美容丐幫乞兒blogger、討論區黑店五毛打手發放混亂消息,令到好多市民雖然好想做Liftera V 無針埋線呢類型嘅療程,但係害怕俾人呃錢,最後都心大心細之下放棄咗。

Reju Beauty已經搶先推出Liftera V $688限時優惠!用$688做全面,包4.5mm 同3mm仲免費送韓國皮膚管理treatment!呢個獨家免費offer只限網上預約,whatsapp按這裡:

https://bit.ly/2EdcPRJ

各位高顏值聰明靚仔靚女,當然唔可以人云亦云啦。

今次就同大家講解,真正無針埋線係乜嘢,同埋要注意嘅地方。




 
 
(Liftera係香港最著名無針埋線醫學美容機器之一,但效果係點?)


無針埋線原理


要了解「無針埋線」原理同效果,首先要搞清楚一個概念。

就係「無針埋線」,係指「一系列」而非某一種利用超聲波聚焦,將高能量打入肌底達成膠原自生效果嘅療程。並非只係某一部儀器,雖然市面上好多人錯誤以為,無針埋線只係指Liftera v,Ultra V Lift。

其實,無針埋線,就係HIFU嘅其中一種!

好多顧客傻傻分不清,成日問無針埋線同HIFU效果同原理有乜嘢分別。

其實,前者,只係後者嘅其中一種。原理,亦一樣,
將聚焦能量打入肌底,做到小型微創傷。從而產生膠原自生作用。

經治療後嘅皮膚,效果會產生新嘅膠原蛋白,會比較有彈性,膚質比較好。達到緊致、拉提、回春、健康效果。

無針埋線係進行療程嘅方法有少少唔同。佢可以用傳統嘅探頭(比較少見),亦都可以用比較新穎嘅渦旋探頭(比較普遍)。兩者原理一樣,後者比較靈活,直徑只有二至六毫米,能夠做到比較貼近面部效果。

無針埋線一般使用渦旋方法施打,同傳統舊式音波拉皮、HIFU打線一排一排不同。由於設計更加貼近面部輪廓凹凸不平的各部份,純理論及原理上,效果可令新生力量更均勻分布。

舊式HIFU由於能量一排排,面上某些部分可能打不到,勉強打可能做成效果不平均、某些部份打得太多,某些部份打得不夠的問題。

市面上最出名嘅埋線醫學美容儀器,係Liftera,同V Max。價錢亦最抵(同傳統Ultherapy比)。

除咗呢兩部機之外,仍然有好多比較香港唔太出名嘅正版韓國機,例如Vretty,呢部Vretty由於香港唔多,價錢、效果同原理暫時未能深入探討。

市面上最主要嘅「無針埋線」、「隔空埋線」醫學美容機器,主要包括:

Liftera
V Max
Vretty
Agafar

由於無針埋線並無注冊,絕大部分使用渦旋HIFU醫美,都可以自稱無針埋線。效果、原理、價錢也有好大出入。


無針埋線效果

「無針埋線」喺市面突然爆紅,無論大中小美容院,都有好多顧客詢問有關呢個韓國拉提療程嘅效果。究竟,佢同其他嘅流行療程,例如Ulthera、U One HIFU有乜分別?

同一般傳統HIFU一樣,無針埋線一般分為1.5mm,3mm及4.5mm。能夠同時兼顧表皮層,真皮層同筋膜拉提。

有做過嘅朋友都表示,新一代無針埋線效果明顯,而且相比舊一代嘅拉提儀器,痛楚程度大大改善。做過Ultherapy、Doublo HIFU嘅朋友都知道,效果係有,但真係痛到阿媽都唔認得!而且價錢貴。根據廠方資料表示,原因係因為能量經過特別設計,用最新原理,保障達到有效果之餘,唔會造成不必要嘅過大創傷。

同其他利用膠原蛋白微創傷,重新生長嘅醫學美容療程一樣,埋線效果分為兩種:即時收緊效果,同埋大概兩個月內膠原蛋白重新生長效果。

好多香港美容中心常客未必知道,無針埋線呢個療程,唔單只可以用係面部,仲可以用來減肥,埋線機有身體專用嘅7mm探頭,專門用作破壞脂肪。


無針埋線價錢

市面上無針埋線價錢反差好大,由千幾蚊到萬幾蚊都有。

同HIFU一樣,無針埋線探頭有「發數」限制,每部機附設的探討,只能使用相當的次數。

同一原因,對於美容中心來講,呢部機本身係同時有fixed cost以及variable cost。市面上大部份無針埋線價錢以「試做價」來講,約為$1500到2000左右。

我哋之前都討論過價錢問題,太過便宜有時只係黑店呃大家上去嘅手法。對於一啲有損耗性嘅醫學美容機器,例如無針埋線,價錢真係唔可能平得過冇過數,否則根本連個成本都不能回收,其實,真正嘅價錢,$3000 - 7000係合理。$8000以上係屬於貴。


無針埋線副作用

市面上好多美容blog會同大家講無針埋線嘅好處,但係對於佢嘅原理、科學效果、副作用以及風險,隻字不提。

今日我就要同大家講解教學一下,無針埋線,嘅風險與及如何防止副作用。

無針埋線喺膠原再生原理與及科技方面,的確係可行,對於改善皮膚鬆弛衰老狀態,真係有一定嘅作用。

醫學原理同理論方面,無針埋線整體安全,但對於幾點大家都要注意,先至可以防止副作用同管理好風險。

不過大家要留意,如果你面上有其他嘅填充物,打過filler,同一個位置就唔適合再做無針埋線。否則,會造成填充物嘅損傷,分分鐘會毁容!

另一點,我知道出邊好多無針埋線嘅美容中心都會幫客人做埋眼部、眼周提升效果。呢一點我就會比較保留,原因,因為佢始終係高能量聚焦,一個唔覺意打錯位,就會造成嚴重副作用與及導致白內障、甚至失明嘅風險。呢件事之前都發生過仲上咗新聞。所以我會奉勸各位消費者主要目標係面部、下巴等等嘅部位。眼部,就最好唔好用呢部機做。

另一點大家要注意,就係假機嘅風險。

市面上絕大部份嘅真無針埋線機器,都係來自韓國醫學美容市場,但係大家要留意,中國大陸有好多生產「V Max無針埋線假機」(注意係V Max唔係Liftera」,流入香港市場。呢種魚目混珠嘅偽劣假V Max產品,對於大家嘅美顏有非常之大嘅風險,我係絕對絕對絕對奉勸大家,如果大家去嘅醫學美容中心提供V Max,就一定要小心留意再三詢問。到目前為止,假無針埋線機偏向V Max,Liftera同Ultra V Lift比較少,但將來唔排除呢個風險。

 

【韓國Liftera Ultra V Lift 最新膠原童顏術】

一拉提升,一拉年輕!
想瘦面V面,又怕舊款HIFU高風險?打針打到硬膠面?
「韓國無針渦旋式電波拉皮」,更安全更有效地收緊!拉提!活化!V面!生膠原!一次療程,立即見效。你膠原日日生,你keep住日日靚!

12月前成功網上登記,即享$688回春價(無隐藏收費)

網上登記:https://www.reju.hk/product-page/韓國醫學級膠原激活拉提童顔術

優惠詳情請於Reju Beauty網站向店員whatsapp查詢,無其他隐藏收費。




【一拉年輕】韓國最新膠原激活童顏術$688(期間限定活動)

 

【韓國最新膠原童顏術】

一拉提升,一拉年輕!
想瘦面V面,又怕舊款HIFU高風險?打針打到硬膠面?
比HIFU安全的「韓國無針渦旋式電波拉皮」,更安全更有效地收緊!拉提!活化!V面!生膠原!一次療程,立即見效。你膠原日日生,你keep住日日靚!

12月前成功網上登記,即享$688回春價(無隐藏收費)

網上登記:https://www.reju.hk/product-page/韓國醫學級膠原激活拉提童顔術

優惠詳情請於Reju Beauty網站向店員whatsapp查詢,無其他隐藏收費。



【香港spa推介】尖沙咀Mira Spa自費測試評論!

在一個下雨潮濕的星夜,一個人靜靜去水療。週末夜晚,去Mira Spa做一個超療癒超有依戀感的療養,真的太好。

在Mira Spa熱水中閉上眼睛,吸入熱氣,感受悸動和愛戀的美好情緒。

法國人常說,香檳令人年輕,我説,做spa令人年輕。奢華,漫不經心,盡情享受。

(本文是自費評論,沒有收到任何免費試用、折扣或贊助)

 

Beautiful life 

剛剛去完尖沙咀的Mira Spa,向大家推薦一下。

每季,必須去幾次五星級酒店spa。

相比起免費娛樂,例如散步、打波,去spa絕對是一個昂貴的生活習慣。

但是,對於我們這些靚仔靚女來講,亦是一個必須的生活習慣。我怕,再這樣下去不停工作,我會失去靈魂。

去酒店嘆下午茶,會肥;

但如果不做spa,我會死!哈哈!

隨時隨地,想做就做,用有機花水美肌、英國精油復方按摩、再做個熱石,是週末最佳娛樂。Mira Spa是一個絕對會推薦給大家的地方,尤其是如果你本身預算有限,希望在少少花費大大享受方面獲得推薦,我就會介紹你去這個地方。


隱身眾目睽睽之下

Mira Spa和香港絕大部份的酒店水療中心、五星級護膚品水療中心不同,他是位於地底。

大城市的地底,有著另一個世界。

竟然、還有一個世界級美美的spa。

一個人來人往的大城市夜晚,空氣潮濕悶熱,走在街上的你,靈機一觸,突然從人潮之中隱沒。

由極端嘈吵喧鬧的街上,突然進入,一個完全不同的平行時空,去到另一個空間。

裏面,極其療癒、安靜、讓你得到深層休息。這樣的一個特殊體會,就是香港尖沙咀Mira Hotel Mira Spa的獨特之處。

 

尖沙咀的黃昏夜晚,總有一種非常獨特的玩世情調。

突然從人群中消失,完全隱沒在人潮之中。

街上熙來攘往,但是我已身處在另一個時空。

其實我,直接進入Mira Hotel,乘着電梯,我按了地底的樓層,我們現在,並正步向位於地庫的隱世spa,Mira Spa。


地深極為寧靜之處

Mira Spa位於尖沙咀酒店的最底層,由於地點隱蔽,一般街上的行人根本不知道他的存在。

The Mira酒店部份先進光鮮,令人喜愛。

酒店的電梯門打開,你會發現裏面的氣氛、氣味、溫度、濕度、都和街上完全不一樣。

就像,進入了某個時空門,一打開門,去了世界另一端。寧靜、安逸、舒適,和大街上面完全完全不同。

 

向前走,你會發現,竟然有一個大型游泳池,在香港全金尺土的地方,竟然有這樣的一個超豪華的地下室,裏面還有一個泳池,與及救生員,真的令人難以想像。

其實,這裏不只是現代化游泳池與及奢華的Spa,還有一個星級健身中心!

我靜悄悄地到櫃檯登記,其實我之前已經來過好多次,但是今次真的要和大家推薦一下,這個讓我每一次都能夠完全放鬆的秘密水療地方。


極舒緩熱石按摩

今天預約的是一個熱石按摩療程。Mira Spa尖沙咀其中一個重點推薦。

Mira Spa都是我自己「自費參加」,並沒有收到任何免費的贊助、折扣。而我的測試評論,亦是我自己內心的真正所想。

在進行人手按摩療程之前,服務員帶我到等待區域,裏面的位置乾淨,而且相當寬敞。有水滴按摩池、蒸氣、森林浴、與及北歐桑拿。這些,都是不另收費的項目。

 

 

 

由於他的隱蔽,在這裏,身體與心靈疲倦,都能經過水流、蒸氣、與及幽幽的燭光,得以舒緩。

相比起我的最愛Four Seasons Spa,這裏的確是簡單一點。

但治療師的手勢,真的非常非常好,按摩,還是熱石按摩,都能夠紓解我不適和緊張。

按摩療程開始的時候,基本上我已經進入深層休息的狀態,腦電波也是進入極之放鬆緩慢的狀態。

按摩師純熟的手法令我感到非常之輕鬆,那種不溫不火,及深沉有力的按摩方法,配合外國植物精油,滋養了我乾涸的身體與及內心。

我的身體和心靈,絕對需要這一次的深層次護理。

在治療師的按摩手法之下,我的身體終於不再緊張、繃緊,在治療師的引領之下,我到達了介乎清醒與睡着,極安詳平和的境界。


深深著迷

按摩的療程重點,就是使用加熱了的玄武岩石,為肌膚背部護理。

熱石按摩真的非常有效,那種熱力滲入我的背部肌肉之外,完完全全地溶解了我的繃緊、緊張、壓力、猶豫不決。

一個半小時的療程,感覺似兩三個鐘。

按摩完畢,依依不捨的。

拿着一杯水,我在休息區躺下來,是的,我真的很久沒有這樣的放鬆。

不想工作的問題,也不理會感情的問題,我只想在這個完完全全的休息狀態下,身心在愛中溶化。

香港是一個金融發展發達,但藝術養生思想荒蕪乾涸的地方。

無論工作幾忙、世界有幾緊急,每個月,都有幾個鐘,我會完全與世隔絕,靜靜享受數個小時,完全靜默的奢侈。

我會靜靜喺尖沙咀彌敦道人潮中無聲無息地消失,然後,隱沒。

沉浸香薰精油芬芳空氣、桑拿、水力按摩池、森林浴、熱石按摩療程。

愛情、事業,令人或輕或重。令人盛放或沉淪在人世之間。

能夠超渡你自己的,除了正念,還有低調奢華的spa。

在這個星球上,還有令人讚嘆的事。

最矜貴的奢華,就是寂靜。





【香港SPA推介】銅鑼灣泰式按摩草藥球ZEN MASSAGE推介,泰國ARB IMS居家香薰登陸香港

【香港SPA推介】THANN SPA HK香港泰式按摩,價錢幾貴但都算值得

【香港SPA推介】TEN FEET TALL香港中環名人按摩私竇,真係明星級私密享 受!?(自費評論)



【香港SPA推介】IYARA SPA HOLLYWOOD ROAD CENTRAL老蘭鬧市的高質泰式美療



【深夜聊天】【改運】帶著勇氣往光亮處走:盧凱彤和余德丞的生命教育

歌手盧凱彤和男神余德丞,兩個曾經在生死邊緣的明星,求生和求死,生命與死亡,希望與絕望,在這麼一瞬之間,各自走往一個相反的方向。 

無論任何時候,向光明、希望、正直的一方進發,才是王道。

成年人的生活,少不了辛酸、悲苦、無力感、抑鬱症。抑鬱症,是可以治療的,經過平常生活的良好習慣與及正確思想,可以令每個人重返正途。

愛,勇氣,力量,係每個人比自己最好的禮物。

今日,就同大家講下提升勇氣的習慣。

 


盧凱彤,余德丞:在生死邊緣的最後回望

盧凱彤輕生了,緊接其後,余德丞也傳來意外消息,因為運動而昏迷。

一個,就是自尋短見,自己選擇死亡;是求死。

另一個,在激烈運動後突然之間受到死亡威脅,一場驚心動魄搶救之後,剛剛才告甦醒、在死亡邊緣掙扎出來。是求生。

人,始終都要尊重與珍惜生命。

情緒病引發輕生,根本不應美化這件事。

情緒病,導致產生有輕生念頭,是一種影響生命的病,不應該妖魔化,也不應該美化。


由盧凱彤的灰暗抑鬱到余德丞的無限鬥志,我的親身經歷

盧凱彤因為情緒病而選擇離開人世,余德丞在死亡邊緣被救出。

令人感嘆一念之間,求生與求死,可以令人生死永隔。

抑鬱的可怕,我青春期年代都試過。盧凱彤深受病情困擾,她的苦,我都經歷過。

十多年後的今天,我不敢說自己是什麼成功人士,但起碼,生活自給自足,有生意,有拖拍,有健康的心境和身體,不錯的事業,良好人際關係,閃亮的外表,有閑錢投資、消費、旅遊,家庭都算和睦,品味國際化,出入不是Landmark就是Elements,連香薰蠟燭都只會選擇Cochine,整體來講,起碼算是中上。

說這些,並不是為了嘗試去曬命或教化其他人,因為胡亂安慰抑鬱症的病人,仲難聽過用粗口辱罵他們。

我說這些,其實就是為了和大家講解,就算再黑暗,再沒有希望,只要你不斷向有光的地方走,即使開始的時候只是一小步一小步,最後,你都會去到光明的地方。

最後,你總有能力可以一個人站起來。

不要再為別人卑躬屈膝,因為你就是女神,你就是男神。

只是你們自己一直不肯承認。

當你勇敢站起來,走出去,衝出去,你會發覺,我們的人生,生命本身就偏好有希望,有愛那一邊。

我們的人體細胞,懂得自我修復更新,即使受了傷,也會懂得自我修復成長。這是上天創造人類的時候給予我們的力量,不容任何人否定。

我們的遺傳與及傳宗接代,是因為兩個人的愛,最後產生的結晶品。大自然,會因為愛,而繁衍;不是因為失望、自卑、自我矮化而繁衍下一代,足以證明在人類過程之中,上天的力量,偏好愛多於絕望。

不要害怕你自己無窮的力量。

被攻擊,就要即刻還手,你做初一,我做十五。

你那種不甘心,會變成鬥志,會變成你一生的成就。

世界無論怎樣嘲笑、打擊、冤枉你,只要你還有一口氣,你也可鬥爭到底。

曾經有一段時間,就是青春期最寂寞抑鬱的時候,經過無數俾人欺凌侮辱之後,我突然發現,失望絕望真的無用,對於攻擊你的人,奮起還擊,最有用!

每個人的行為,係可以改變將來。

如果你改變行為,你也可以改變將來。

與其為了一些不喜歡你、不接納你的人傷心,不如,盡全力,變成一個超級的你。

霸氣和美麗,就是這樣練成的。

那時候,雖然仍然不太知道怎樣改變,我發現,最少,我可以每日運動,令到身心狀態提高,可以不再和豬朋狗友浪費時間,集中精神學習,考得好分數。

我當時,就是靠一股「可以改變未來」的蠻勁,自己學習,自己嘗試,亂衝亂撞之下,竟然衝出一個美好的未來。

十多年過去,當天一念之差,我選擇離開絕望,向有光的地方一步一步出發,希望捱到有一天可以看到希望。

捱得過去,十年後的今天才有閑情、逸致、金錢和最重要的生命,在ICC Ritz Carlton華麗地下午茶,霸氣地觀賞維多利亞港的盛況。

當年的hater,不是做了痴肥失婚、離婚乾物剩女,就是變了不修邊幅低顏值低收入麻甩佬。做的工作都是沒有前途的三四流公司,就是長期待業咬縱緩。

就算不是金字塔的頂端,我再也起碼不是和這些loser人生失敗組同一層次了。由於收入、地位、圈子不同,出入的場所有别,十年前的那些人,連在公眾地方撞到我的機會和資格都沒有。


勇氣習慣一:不要抑壓情緒

小時候父母、宗教、學校教導你,不可憤怒,不可傷心。甚至傷心也不准喊。

經歷了這麼多,我可以好肯定地告訴你,如果你不能正確地宣洩情緒,是不可能有什麼成就。

抑制情緒,會令人憂鬱令人病!

成就,需要激情,激情包括了愛、改變未來的行動力、不安接受現實的憤怒、錯失所愛的傷感等等……

當你勇敢表達自己的情感,你就有力量。

憤怒、表達不滿,真的沒有什麼問題。

世界不只尋開心,尋找事情真相,尋找更好的自己,也可以。

好好善用不甘心,好好善用渴望出人頭地的野心,不要抑壓他們,反而,將他們用在好的地方。


勇氣習慣二:做足準備

對於未來和未知,人類有恐懼是正常的。要你再完全冇準備、冇認知的情況下,裝作勇敢,這不是真正的勇氣,這叫做傻!

面對大部份令人不安的情況,例如衝突、攤牌、分手、辭職、投訴等等,好多人不敢面對,其實是因為準備不足。

所有情況也可以通過充足的準備去增加成功的機會。熟讀有關的程序、法例、逃生路線,對你百利而無一害。

當你認識越多,有越多資料在手去幫助你思考問題與及準備下一步行動,你就不會在缺乏資料的情況下,感到慌張、無助。

有越多資料,你就越能夠有贏面。充足的準備、演習,會令人自信心增加。如果感到非常害怕,可以上網搜尋一些有關情景的短片去學習與預演一下。


勇氣習慣三:準備隨時walk away 

你怕,就是因為以為自己只有一個選擇,如果不能達成就會total loss。

這個世界沒有什麼人是不可取替,你是絕對可以被取替,而對方,其實亦一樣。

每個人的選擇是無限的,就算同一個選擇,態度不同亦有不同的效果。

當你自己不再懶散,主動去尋求不同的back up plan ,你就會發現,其實好多人都仍然有興趣與你合作、和你發展關係。你的籌碼比想像中多,當你有本事隨時walk away,對方反而不敢輕舉妄動。

當你有自己工作,正常社交圈子,正常飲食,生活有規律,有希望,有目標,先至會正常。

盧凱彤就算不做歌手,我相信總有其他工作可以做。優雅地walk away,接受現實,也接受自己本來就有各種各樣的才華,可以不斷發展和學習,其實最好。就算你看看那個老MK妹李蘢怡,最後竟然在30幾歲高齡完成大學課程,成功加入珠寶設計行業!人生,不是充滿希望嗎?


勇氣習慣四:make your parents proud!

余德丞發生意外之後,媽媽趕到現場醫院了解。

父母的愛,是最無條件。

在生命開始的時候,最初此的記憶之中,你和我,看見第一道光,可會想到,之後的生命會是怎樣?

絕大部份的人在人生最初的篇章,都是幸福的。父母、祖父母包圍着剛出生的寶寶,他們不單止賦予了你生命,亦都為你提供了一個家。

那個為你懷胎10月的女人,教會你如何進食,走路。

在他們的教導之下,你學懂了行路,進食,自行去廁所,在他們的見證下,你一步一步由一個寶寶變成小孩、青春期、大人。

潛意識裏面,你都知道,父母會老,或遲或早你肯定會變成無父無母的孤兒。

失去雙親,是每個人生命中總會經歷一次的事情。

你可以做的最勇敢的事,就是把握機會,在最後有限的時間之內,作出最好的人生規劃以及用長遠的眼光去判斷事情,make them proud!

盧凱彤和余德丞,和你一樣,都有父母,每個父母的學歷人生經驗不同,但他們都有一個共通點,就是想你好,想你健康快樂,而不會想你死。但究竟你肯不肯靜心去聆聽別人意見,絕對影響你將來會行的是一條越走越闊的路,還是一條死路。


向光芒的方向走

人們總浪費時間在不重要的事。真正重要、寶貴的事情,永遠做得不足夠。

好多重要的人生道理,生活技巧,都是在離開學校之後,在生活之中學習。

盧凱彤和余德丞的生命故事,啟發了我們。

你們的存在,喚起我們心目中的溫柔。

無論你在天堂,在人間,都希望你能夠繼續——

往光亮處走。














【深夜聊天】KO八婆親戚!單身大齡剩女與同志剩男新年手冊




【深夜聊天】【改運】為愛修行

唔知道大家有冇試過,放一個重整身心嘅悠長假期?一個月冇見,究竟去咗邊?

其實,過去一個月,我非常之充實。我選擇用一個月時間,潛心學習,退隱、靜心、閱讀、修行。喺過去嘅一個月,我去咗「為愛修行」。

注意,係為「愛」修行,唔係為「愛情」修行。

前陣子,工作實在太過疲倦,嗰一種疲倦,除咗體力方面,更多,係喺精神上面嘅疲累。簡單來講,就係缺乏自愛、力量。

為生活帶來樂趣,目標,夢想,其實係可以令一個人重新獲得精神力量。坐言起行,當我發覺需要休息嘅時候,就選擇暫停工作、暫停美容、暫停網站更新,全心全意休息、整理、重整旗鼓。

每個人嘅身體,都會向你發出信息。

如果你長期感到疲倦,其實係你嘅身體比一個清楚訊號你,你嘅身體叫你停一停,諗一諗,休息一下,再次補充吸取足夠嘅營養及能量,包括心靈上嘅能量。

心靈上嘅能量,包括閱讀,吸收其他智者、宗教、管理學、資訊科技嘅最新意見。重新審視自己嘅價值觀,好好思考究竟生命中最想要係乜嘢。

所以我選擇停一停,重新思考,點樣可以令到生活活在愛裏面。而唔係活在迷惘裏面,被生活中嘅麻煩同困難、低層次人事鬥爭牽着走。

為愛修行,活出悟性,人格涵養與幸福感。

同時,活出可貴嘅冒險精神、堅強、勇氣、自信心。

活到呢個年紀,你會發現,呢個世界真係有因果關係。當你全心全意比呢個世界好嘅東西,包括耐心、盡力、包容、智慧、原諒、美,你亦都一定會收得返。你會明白,活在愛嘅頻率入面好緊要。

愛嘅頻率,就係欣賞、健康、祝福、優秀、付出、超越、感謝、成長。

係冒險、係失敗中再接再厲。

你會懂得保護自己,保護別人,盡量避免討好別人委曲求全,你會明白到,你喺人間有一個使命,就係活出最好的自己,絕對唔會委屈自己,掩蓋自己光芒。

一個月嘅時間,做咗好多事,包括,去spa整理身心,閱讀靈修書籍,去品嚐美食,去體會造愛,去睇平時冇時間睇嘅電影,去打開窗感受微風與及雨點,去星光浴,靜靜凝視星空。

去同舊朋友相聚,去行山、去繪畫、去聽音樂、去盡情煲最新美國劇、泰國劇、韓國劇。

去用開放心態結識新朋友,為自己幸福努力。

去睇醫生,聽下醫生專業意見,點樣先可以令到身體更加健康。

去飲全台灣最出名嘅濃郁黑糖新鮮奶茶。

去嘗試每日一餐排毒清新素菜vegan,大量進食茄子、生菜、車厘茄、青椒。

去自己動手做,非常新鮮嘅菲律賓香蕉豆漿沙冰。

去更換upgrade香薰蠟燭,使用英國著名品牌香薰,提升房間質素。

去用祝福嘅心態給予家用,感謝有幸出生於這個時代這個家庭。

去培養自己拒絕say no的習慣,不再被別人牽着走。

去用閃亮眼睛接觸每一個人。

去gym運動,跑步、游泳。

去轟烈地愛上一個人。

去聆聽自己感覺,劃清界線,保護自己免受不必要嘅惡意批評。

去同好朋友食一餐超豐富六星酒店日本魚生盛㦉。

去用紐約高級沐浴油洗澡、法國南部薰衣草精油洗頭、使用日本韓國護膚品滋養。

去寂靜山丘上,觀察花葉,靜聽呼吸聲同心跳聲;讀讀世界名著,Marcel Prost到C S Lewis,到日本漫畫,到流行文學,到聖經。

佢用極為謙卑嘅思想參與慈善活動捐款,因為施比受絕對更有福。

甚至,去重視睡眠,早早上床睡好的。

中古世紀嘅人,會沉思,讀經,拉丁文叫Lecito Divina。

一個月時間,我故意不更新網站,我要全心全意,吸收養分,銳變出更好嘅自己。

活着,係一件非常美好嘅事情。活在愛裏,絕對係一種祝福。

當你好愛好愛自己,你會有一種智慧,看穿所有花言巧語。

你會停止批評自己,反而,你會正視自己做得好嘅地方。

當你認同你自己,你就會停止比較,停止埋怨,停止妒忌,停止追求幻覺。反而,你會追尋事物嘅真相。

你會開始懂得發現愛。

 
(Matt Bomer,其中一位人生勝利者)


True Love

好多頭腦簡單又不夠愛自己嘅人,愛聽花言巧語,追求夢幻婚禮。

四季酒店、半島酒店經常有奢華私人晚宴活動。參加富貴人家嘅幸福婚禮,置身六星級酒店超夢幻歐洲式佈置,品嚐名廚意大利朱古力甜點,再見證新人帶着Van Cleef and Arpel首飾,半世紀幸福約定。

理論上,參觀嘅嘉賓應該甜到入心。

但偏偏,好多參加嘉賓心目中,呢類型嘅超幸福環境,反而令人心裏,又苦又酸又咀咒。

一場婚宴,令唔少參加者同嘉賓,經歷一次全方位內心交戰。

別人嘅鋪張幸福,映襯出自己嘅唔幸福。

別人成雙成對,更加顯得自己孤家寡人。

別人一擲萬金嘅奢華,令到自己感覺不足、寒酸。

喺一個虛浮人造幸福氣氛裏面,內心裏面嘅憤怒、不忿、焦慮反而顯得更加真實。

有人用盡全身嘅力拼出一個假笑,盡量掩飾內心嘅鄙視,同時亦都好質疑自己,點解連佢哋都嫁得出、娶得到香港老婆,自己唔得。

呢種複雜黑暗嘅心理經歷,好多香港人都經歷過。

呢一類型嘅奢華晚宴,其實係一個好好嘅測試,如果你夠愛自己,你就能夠平常心面對;否則,如果你有以上反應,就證明平時你自己愛自己不足夠。可以做得更加好。

因為一晚嘅鋪張,所有人有心扮一定做得到;反而一生人嘅幸福,只有你自己,先至可以成功經營,亦都只有你自己先至可以全權享受結果。


單身係問題?

當你全程活在愛裏面,單身唔再係問題。

唔知幾時開始,香港出現咗好多單身「問題」。

剩男剩女,就好似一個咀咒一樣,無時無刻困擾,尤其係年過三十單身人仕。

英國十四世紀,反而比現代香港更開明。

近年,無論乜嘢行業,乜嘢階層,都突然間出現一堆年過30 仍然嫁唔出嘅中女,與及一班異性緣非常差嘅毒男。

單身嘅重災區,喺某啲行業更加嚴重。

對於女性來講,一啲性別較單一嘅行業例如美容、奢侈品、護士、marketing、HR、教育;對於男性來講,IT同物理工程,陰陽失調嘅情況更加嚴重。

30歲,係傳統社會結婚體制視為一種死線,有人甚至認為,如果30歲都單身,好大機會一世都單身!

其實,真正嘅問題,同單身無關。反而,同個人性格、態度、是否活在愛𥚃,關係重大。

當你每日活在愛入面,你會停止港女港男自私行為,你會懂得欣賞,你會發現同人相處容易好多,你會發覺人際關係會有所進步。

真正能夠趨旺你桃花運,並唔係八婆風水師,而係你自己是否活在愛的頻率裏面。

當你好愛好愛你自己,會檢視自己行為。只會保留一啲對你有長遠幫助嘅習慣與及行為模式。

你會停止執迷於及瘋狂行為,不再瘋狂購物。反而懂得正視你自己的美麗、快樂與哀愁。

你會發現,你嘅性格會變得相當可愛。


當你在愛裏,你會渴望成長

為愛修行,能夠令你放低一直埋藏於潛意識嘅憤怒、無助。取而代之,係希望、原諒、重拾自信、對美好的追求。

你會越變越好。

好多人錯誤以為,拍拖或結婚就係一個答案。

我認識過太多人,即使結婚,仍然感覺係一個人孤獨地生存,心靈冇交流,比單身時更慘。飯後各自搵食、寂寞、小三、出軌、分居……唔使多講,我亦都認識好多已經離婚嘅人。

所有嘅愛,都要由整理調整自己內心做起。

一個自己筋疲力盡嘅人,係冇可能幫得到其他人乜嘢。只有當你自己活在堅強、自信、冒險精神、正面思想時候,你先至會有能力幫到其他人。


要學識為愛修行

如果你感到抑鬱,你嘅首要目標,就係要有良好習慣,再一次讓自己充滿愛。

當你視每一個人,包括你自己,為一個充滿無限奧袐與尊嚴的生命體,你會尊重、愛惜。

當你充滿着愛,你的世界截然不同。你會:

將工作,變成「工藝」,用雙手延續文化。

將煩惱問題,變成成大事前嘅磨練,你掘起嘅傳奇前傳。

將每個人每段關係,變成上天交托你手上暫托嘅靈魂功課。你知道比有能力處理得好好。

你會有智慧將沮咒,變成祝福。

將愛,變成照亮你一生嘅良好習慣。

將半生,變成半世紀愛的故事。

因為你原本就是降生在這個地球,在這裏學習、服務、提升、給予及接受愛的優秀靈魂。

你眼裏,原本,就充滿星星。

















【深夜聊天】KO八婆親戚!單身大齡剩女與同志剩男新年手冊





【深夜聊天】【改運】提升生命能量!愛與光之中蛻變的美好小習慣

 

美貌,你可能有。但抑鬱,你都一樣有?

自信心,生命能量,其實有跡可尋。適當地管理自己嘅思想同習慣,就會令你自信心滿滿。相反,任由不良習慣持續,就會令到你嘅自信心以及生命能量減低。

如果你發現自己近期諸事不順,生命能量低,對任何事都提唔起勁,就要留意今次教學。


當美貌支撐不起你的抑鬱時

無論幾靚嘅人,都有美貌撐唔住低落心情嘅時候。

再靚,亦都唔保證內心唔會黑暗悲觀。

現代醫學美容技術先進,無論要做任何類型改變,也非常之容易。無論係五官大改造、皮膚再生、只要搵醫生同美容師打透明質酸、打Botox、Laser Facial,最快半個鐘就搞掂!護膚、髮型、化妝、穿搭,亦可以令到一個人追上潮流、變得越來越靚。

外表改造,變得越來越美,喺醫學美容社會,其實唔難;但係,無論外表改做到點樣靚都好,如果內心黑暗,遺憾,絕望,缺乏正面能量滋養,人生亦都只係會黑暗、抑鬱、憤怒。

有啲人外表不錯,但人緣極差,氣場不好,父母朋友緣薄弱,即使吸引桃花都係爛逃花,事業上經常犯小人,做事吃力,事倍功半。好運,永遠都好似與你緣慳一面。

有啲人外表一般,卻散發出某種神奇幸福氣場,令到身邊的很願意接近同幫助。無論上司、客戶、同事、異性朋友,都很願意幫助。貴人多到數唔晒。

兩者之間嘅分別,在於你對你自己有幾愛。


不愛自己的人,不可能真正愛別人

呢個世界嘅所有人,可以分類為「愛自己」與及「不夠愛自己」嘅人。

愛自己嘅人,懂得分配時間,管理飲食,有足夠時間休息,而且,生活裏面都係吸取其他有養分。

愛自己嘅人,有以下習慣及特徵:

每晚都會花幾分鐘寫感恩日記(gratitude journal),去讚美自己、肯定自己
定時運動每週三次跑步、Yoga、重力訓練,保持身心平衡活力
打扮光鮮亮麗,衣着經過悉心配搭
會定期購買香薰、香水、化妝品、護膚品美化自己
抽時間做自己鍾意做嘅事情,包括閱讀、藝術、煲劇
注意飲食,每日係最少兩份蔬果、沙律
絕少飲酒
完全不會食煙
唔會過分上網,每日上網時間1小時之內
有正常興趣
會同朋友、舊同學食飯,有正常社交圈子
懂得原諒同放低
定期進行美容保養,Facial、按摩
懂得適當時候放手
對每件事分保持感恩、讚美嘅心
對於不再適合自己嘅工作會果斷分手
勇敢說出自己想要嘅生活方式
相信每一件事都係一個學習過程,只會令你越變越好
當你越來越好,你會輕鬆放低並接納有啲人會喺你生命中自然消失
不接受其他人嘅情緒恐嚇
定期剔除生活圈中負能量人士
相信並接納,你喺呢個世界係有一定嘅作用
每日默想,想像一年後成功發光嘅自己

真正愛自己嘅人,會尊重自己嘅決定,亦都唔會隨便比其他人嘅評語影響。佢哋對於自己嘅真正想要、真正要求,會抱有一種正面、正是、重視嘅態度。

另一方面,不夠愛自己嘅人,就有以下嘅行為特徵:

飲食習慣差,經常去快餐店食飯
每日唔吸收兩份以上沙律或水果
每日漫無目的上網超過一個鐘
做違背自己良心嘅事
講是非
不停抱怨別人,內心又經常批評自己
睡眠不足
為咗討好別人忘記自己

每一日,就係不停幫其他人做呢樣做個樣。自己真正嘅心理、生理、靈性需求、反而冇得到正確嘅正視。

如果你平時經常都感到攰,需要瞓覺瞓好多個鐘,真係要小心,呢個,其實係抑鬱嘅象徵。

如果你每日只係不停咁去嘗試滿足其他人,終於有一日,你會發覺好攰,成個人冇晒能量,陷入抑鬱。

感覺,就好似你嘅手提電話冇晒電話一樣!

正常人,其實唔應該每一樣野都令到自己咁大壓力,做到冇晒電嘅情況,其實絕對唔理想。

你有冇發覺,每次同一啲非常之愛惜自己嘅人一齊,即使只係傾談幾分鐘,你都感到元氣滿滿?如果同一啲唔夠愛自己嘅負面人一齊,只係傾吓計,成個精神狀態都會衰弱悲觀?

人,其實就係能量。

你嘅最佳能量狀態,就係充滿愛嘅狀態。

如果你希望同其他人嘅相處,中間有一種愛心嘅交流,你首先一定一定一定要提高自愛嘅程度。

當你好愛自己,你就能夠燃亮別人!

你真真正正照顧好你自己嘅飲食、休息、心情、並經常鼓勵你自己,寫低你自己嘅成就同正面行為嘅時候,你先至叫做對自己好。

不夠愛,你就要果斷分手。

對你唔好嘅男人,冇將來嘅男人,飛走。

不客氣又睇死你嘅同事老闆,飛走。

唔能夠令你發揮得好嘅工作,飛走。

經常否定你嘅人,飛走。

不斷蛻變,越變越好,唔好為世界上某個人而改變你自己。相反,你嘅目標,係要成為好多人都覺得為好好嘅自己。

以下嘅正面良好習慣,就要多多做!

每日發掘留意身邊人一個優點。

生活工作之中,同每一個人相處嘅過程,盡量放多一點點愛心與及體諒,感謝與及讚美。

不要吝嗇笑容,與及讚美。

每朝起身落床之前,做一個靜心感恩祈禱。

無論你任何宗教,宇宙同神,都一樣會俾愛與及慈悲,正直、感恩嘅心。

祈求天使、上帝、提供愛與及保佑。

每晚瞓覺之前諗一諗,今日做啱左乜嘢。每日要多多做。

祈禱,向宇宙發放你嘅感謝之心,正能量,正念同思想,要每日都多做。

愛上自己,肯定自己,讚美自己,你先有機會真真正正可以有能力去愛身邊人。

為你自己,為身邊人,創造希望與及奇蹟。

改變氣場,改變命運,讓你的生活再次充滿愛。

每日,都活在愛與光之中。在感恩、祥和、希望的氣氛裏面,越變越好。















【深夜聊天】KO八婆親戚!單身大齡剩女與同志剩男新年手冊






【深夜聊天】【改運】香港New Age學說系列5 :用愛與光芒重新燃亮父母關係

喺一個星空月圓嘅夜晚,想同大家分享一下,有關幸福同療癒自己嘅方法。想要重拾對生活幸福感,就要留意。

愛,可以療癒一切,包括父母子女之間嘅關係。

曾經有人講過,只有失意嘅人先去占卜。

我已經多年冇玩new age,生活亦都算係正面正常,回想起以前日子,反而令我對於了解愛,有新體會。

好多沉迷於各種民間迷信算命占卜、新時代New Age學説、塔羅牌、靈修等等活動嘅人,其實內心最渴望嘅,就係能夠填補內心裏面嘅一種大大缺乏同遺憾。

與此同時,好多參與新時代New Age運動嘅人,其實同父母關係疏離。

佢哋,童年總會有啲唔開心,內心總有一種抹不去嘅空虛、陰影、遺憾與及憤怒。

今日就同大家講下,點樣用愛與光芒,重新燃亮父母之間已經變得變差、變淡嘅關係。

 



幸福與財富冇必然關係。

正如香奈兒說過:

The best things in life are free. The second best things are very, very expensive. - Coco Chanel

有一次去高級酒店飲茶,見到隔離枱嘅伯伯同婆婆,同佢哋嘅成年子女互動方式,令到我有好大嘅感概。

隔離枱嘅一家人,飲茶嘅時候,基本上係完全零交流!成年仔女有仔女繼續玩手機,年紀老邁嘅父母有繼續自己睇報紙,一家人,竟然好似搭枱一樣!

我個朋友觀察入微,屬於甚為懂得人情世故嘅人,一開口就話,個父母一係就已經分咗身家,一係根本就無身家可以分,如果唔係,仔女唔會咁冷淡。

有錢有樓,關係先有高潮,原來父母子女都一樣!

其實,佢講得好啱,講真,如果仔女仍然相信你有好大把身家可以留俾自己,或者兄弟之間仍有某種競爭關係有身家可以爭奪,正常人扮孝順扮嘢都會扮一陣,唔會咁淡薄。

依家香港樓價瘋狂,物價超貴,家用、買樓、父幹或冇父幹,係好多家庭煩惱嘅源頭。

成功需父幹,贏在起跑線,冇樓咪白撞,甚至贏在射精前,係香港最近幾年最喜歡嘅潮語,現在更變成某種不可動搖嘅精神信仰。

不到富爸爸嘅資助,梗係最好。得唔到嘅人,難免內心感到失望、甚至埋怨父母點解咁無能,做咗一世人,冇樓可以送比下一代,甚至竟然冇任何值錢嘅嘢留低可以分配留俾下一代。

父母冇辦法,或不願意分享財產同資產升值成果,導致好多家庭嘅仔女,都會對於父母有種埋怨同失望。

再加上平時生活嘅壓力、工作壓力、社會整體氣氛,好容易會導致父母仔女關係疏離。

沉迷於新時代學說、算命占卜等等行為嘅人,好多時候,係因為家庭關係不和。

簡單來講,可能由細到大,都係有一種不被愛嘅感受。

「不被愛」,或者「不夠被愛」,令好多人嘗試喺世界裏面搵替代品。

SP、PTGF、PTBF、約炮神器app、出軌等等各種行為,其實好多時候唔係因為係性方面得唔到滿足。香港嘅風氣其實都算開放,AV與及成人內容隨手可得。香港嘅非官方性教育好足夠,反而,愛教育,嚴重不足。

香港,係「性教育」泛濫,「愛教育」嚴重缺乏。

當我地喺父母嗰度唔能夠得到健康嘅關係,唔能夠原諒佢哋對你做得唔足夠,愛得唔足夠,你就好容易好想搵捷徑,用各種唔同嘅方法獲得短暫但刺激嘅關係。

New Age同瘋狂約炮、亂交男友胡亂性愛只係其中一種。有啲看似健康行為,其實唔健康。

瘋狂購物、病態上教會做激烈耶L、賭博上癮、失控網購、突然激進變身社運環保人士、無故參加傳銷,都係同人際關係父母關係失去平衡有好大聯繫。

如果我哋唔識得點樣去正視同父母之間嘅關係,正視當中嘅好同埋唔好,就好容易失控瘋狂。

當你嘅父母愛得你唔夠,你得唔到你認為你值得得到嘅,你仲有乜嘢選擇?

有強勁後台同埋父母祖蔭,當然好,但係如果你冇,係咪代表人生就一定一片灰暗?

今日想同大家探討同討論,其實唔係要否定成功靠父幹。有父幹一定有着數呢一點,肯定毋庸置疑。

有富爸爸當然最好,你得到嘅資源、教育、社交經歷、等等都會行先一步。所以呢一點,係無需討論!

但係同時,除咗父幹之外,成功,仲可以靠獲得專業資格、靠搞好個人關係人緣、靠懂得推銷自己、靠創造價值、靠合作、靠嫁得好、靠美貌、靠手段、靠運氣……

甚至,還原基本步,靠苦幹。

成功,可以靠父幹,亦都可以靠好多其他野!

當父母能夠比嘅,達唔到你要求嘅時候,你可以認命、憤怒、疏離。但其實,你都仲有其他選擇。


父母仔女緣份人人不同

同父母嘅關係,對於好多人來講,係一個挑戰。

首先,我想邀請各位,千祈唔好咁快去批評別人不孝、或愚孝。

每個家庭父母仔女成長嘅關係,大家嘅付出,大家嘅期望,都好唔同。有啲父母付出好多金錢時間比仔女,亦都有啲父母係非常之孤寒,唔肯付出任何野比仔女,連時間都唔肯。

家家有本難唸的經。

並唔係每個家庭,都得到正常溫馨嘅父母。不幸地,好多父母,對仔女斤斤計較、甚至將佢哋當為搖錢樹。細個嘅時候唔理,大個嘅時候又諸多要求。

父母同仔女嘅緣份,同拍拖嘅緣份一樣,有人會好好,有人冇咁好。

但無論你同父母關係有幾好或幾唔好,你嘅人生,你先係主角,你絕對有權主宰。

你嘅人生,絕對應該由你自己話事,其他人,包括你父母,只係屬於配角。

生命中需要嘅養分,包括友情,愛情,事業,健康,其實都係靠自己爭取。就算比得到,佢哋都不能代你活出你嘅生命。


當你不再抑壓,奇蹟就會出現

今日要同大家講,就係如何原諒父母。

你同父母嘅緣份,只得一世。好同唔好,都只係得一世。

小時候我地以為父母完美無缺,人大咗會對於現實,包括你父母,失望。

父母,同我同你一樣,係人。

人唔係完美,亦有喜怒哀樂。

係傳統中國人嘅思想裏面,去批評父母、甚至埋怨父母,會被視為非常之大嘅不孝。

所以,好多人為免因為比人話不孝,會勉強自己扮孝順,但係同時,內心卻無法原諒父母對自己嘅不足或不夠愛。

尤其是現今社會物價非常之昂貴,有父幹同冇父幹,得到嘅待遇同機會截然不同。所以好多人,就會非常之矛盾。一方面好埋怨父母俾自己俾得唔夠,但另一方面又唔想令人覺得自己係所謂嘅忤逆仔女。

抑壓,會令人肥,令人抑鬱,令人對生活充滿厭倦。

正視同父母緊張關係,可以避免你嘅身心危機。

當我地停止掩飾、停止抑壓自己,真正去正視自己對於父母嘅憤怒同埋失望,奇蹟,就會出現。

你要擘大雙眼去正視,你對佢哋嘅不滿。而同時,了解到佢同你一樣都係普通人,都有權做出普通及平庸嘅人生選擇。

好多人,尤其參與新時代New Age運動嘅人,學會各種各樣嘅心靈方法、催眠、潛意識,但如果你仍然唔去正視內心苦毒同父母嘅緊張關係,隱藏同驚訝,你距離真正覺醒仲好遠。

你要接受其實每個人都係人,都有做得唔好嘅地方,包括你父母。

佢亦有佢嘅優點缺點。

與其抑壓,不如去嘗試理解,對方同你一樣,都係一個普通人。

好多人長期同屋企不和,就會搬出去住,有啲人甚至會離開香港!

為咗所謂靈魂覺醒,有人會去馬來西亞、尼泊爾、印度靈修。

其實,世界邊一個角落唔會有完美嘅修行。

你嘅人生,其實就係你嘅修行場。

真正修行,唔係走進無菌世界,而係走入人群裏。

喺各種際遇、緣份裏,磨練,磨合。在混亂和衝突中,學習定心同愛心。

與其突然出家,不如回歸生活,先改變你同你自己與及你同父母關係。

在愛之中再次出發,原諒父母,原諒自己。


最美麗、最溫柔、最神秘的覺醒

要真正療癒你自己,你要愛上你自己。

法國哲學家Saint Exupery講過,愛,越付出越有:

For true love is inexhaustible; the more you give, the more you have. And if you go to draw at the true fountainhead, the more water you draw, the more abundant is its flow.
-Saint Exupery

Saint Exupery,就係小王子作者。

當你肯定自己,接受自己,使用自己才華時候,你會對自己同別人柔軟一點。

當你停止幻想別人,包括你父母,何時會改變,幸福同愛心,反而會漫漫生長。

減少一次爭執,就是愛。

不再不停自我批評,就是愛。

細心地聆聽一次,就是愛。

狠狠地參與舞蹈同藝術,就是愛。

欣賞、讚美、支持,就是愛。

Tsem Rinpoche詹仁波切說:「一事無成的人,大都與父母不和,這一點不足為奇,因為他們從不掩飾自己自私的本質。」


愛心,尤其是愛上你自己,對自己好好,欣賞自己,你就可以化解你對父母嘅自私,佢哋對你嘅自私,同你嘅怨恨。

你,會慢慢變成你理想中父母嘅模樣,強大、智慧、柔軟。

與其不切實際追求根本不存在嘅完美人,不如,重新在自愛中成長。















【深夜聊天】KO八婆親戚!單身大齡剩女與同志剩男新年手冊





Counter

Flickr Images