1月 2017 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2017年1月30日 星期一

【減肥】韓國人瘦身減肥法:如何好似韓星一樣成功減肥

1月 30, 2017
韓國明星普遍身形非常之良好,仲要有前有後!韓星男嘅大隻女嘅fit,男女都大胸瘦腰,對於想減肥嘅香港人,真係令人非常之羨慕。韓星同埋韓國娛樂圈嘅模特兒,身形都非常之標準。佢哋通常都有專業減肥營養師、健身教練personal trainer幫手。

韓星減肥,會用一啲好極端嘅減肥方法,例如一日只食一餐、只食番薯、只食雞胸肉,一般人未必跟做得到。但係,一般嘅韓國人都會比香港人更加健康纖瘦!一般香港人比起平均韓國人,難免真係有啲過重嘅跡象!

根據統計資料,韓國成年男人體重係68.6kg (151.2磅),女人體重係56.5kg(124.6磅)。數字已經計算社會裏面極少數嘅痴肥人士。即係話平均體重更輕。

如果你好奇點解韓國人咁瘦,就要從韓國嘅飲食習慣開始研究。


避免自己劣化,變成豬扒

好多香港人會比自己藉口話韓星減肥成功,係因為佢哋係專業娛樂圈人士,自己唔係娛樂圈人士,就當然唔需要咁瘦。

如果你肯面對現實,就發現除咗長期減肥嘅韓星之外,一般韓國人同香港人嘅體重都有分別。

平均來講,香港人普遍比韓國人肥胖。一啲身形普通正常嘅香港人去到首爾旅遊,都發覺自己比起當地人肥一大截。

如果你有自知之明,每一次睇韓劇、見到啲韓國明星,就不期然會諗起要減肥。俾人背後叫做「豬扒」、「豬西」,難聽過俾人鬧粗口。但係無可否認,年齡會令到人嘅身體身形發生變化,鬆弛、下垂、衰老,就會令一個人惡劣化,變成豬扒。

過咗25歲,就要特別留意!因為初老嘅跡象就會開始產生。唔用心去打理,男神女神就會降呢,劣化,加入豬扒一族。


韓國人飲食習慣:為何韓國人那麼瘦

韓國人同香港人飲食習慣有好大唔同。唔好話好似kpop、韓劇明星、當地模特兒呢啲職業表演者,就算一般首爾街上見到嘅路人,體重都同香港有好大出入。

好多人會問,韓國人同埋韓星咁瘦,究竟係點樣去減肥呢?

如果你仔細觀察,就發現原來韓國人減肥成功,身材瘦,同佢地嘅飲食有好大關係。

韓國飲食同香港飲食不同之處在於蔬菜同肉類、碳水化合物嘅比例。

韓國食物裏面,肉類佔每餐嘅比例好細。

香港人,飲食裏面包含咗太多肉類同碳水化合物!

好多香港人對於韓國美食嘅認識,就只限於香港尖沙咀、銅鑼灣嘅韓國餐廳、「韓燒」等等。但係佢哋其實唔代表真正韓國人嘅食物。真正首爾市民嘅食物,絕對唔似香港韓式餐館咁豐富!真正嘅韓國飲食,肉類只係好似配菜一樣,而泡菜、芽菜、紫菜、蘿蔔類型嘅食物,佔每一餐嘅比重多好多。


(韓星減肥成功例子Shinee金鐘鉉身型fit爆!原來韓國人普遍瘦,同社會經濟狀況,同埋飲食習慣有關


韓國人瘦身減肥成功原因1:肉類價格昂貴

相比亞洲各國,韓國肉類價錢,尤其是入口肉類好似牛肉,價錢比其他地方貴好多。

根據最新gmarket資料顯示:

1.6kg高級韓國生產牛肉,售價89000韓元,約港幣$592。

600g本地普通韓國生產牛肉,售價26000韓元,約港幣$173。

相比起香港,價錢真係好貴!

肉類係當地屬於半奢侈品、輕奢侈品。所以,一般人都唔會大飲大食肉類,好似香港人咁樣。一般你係香港嘅韓國餐廳見到嘅肉類比例,就係真正首爾餐廳相同食物嘅兩倍、三倍左右。

當地人,並唔會每一餐都食大量肉類。通常都係白飯、白粥、蔬菜為主。好似最出名嘅韓式拌飯(bibimbap),菜嘅比例就遠高於肉類。

唔好話韓星呢類要靠樣子搵食,長期減肥嘅人,一般韓國人食肉嘅機會都冇香港台灣咁多。

相反香港人、台灣人,每一餐都無肉不歡。如果唔食一大堆肉,好似成身都唔自在!連一般香港人食嘅早餐,都heavy過人,茶餐廳早餐香腸餐肉火腿,是常識吧。

正因為咁,一般香港人同台灣人不知不覺之間就會食咗好多卡路里同動物脂肪。

如果你想好似韓國人咁瘦,就要檢視自己嘅飲食習慣,將而家一般香港外出食飯嘅肉類份量,減少一半甚至刪除三分之二,只保留3分之一到一半,就會比較貼近令到韓國人纖瘦、健康嘅飲食份量。


(另一韓星減肥成功例子。「始源」副偈真係令到好多人羨慕又妒忌,除咗健身教練之外,飲食習慣都好重要。網上圖片)


韓國人瘦身減肥成功原因2:泡菜幫助消化;低卡前菜(Banchan)多

根據資料顯示,一般韓國人每年進食40磅泡菜!

去過韓國旅遊嘅人都知道,韓國人食泡菜嘅程度真係全亞洲之冠。

唔講你未必知道,泡菜對身體嘅益處好多。泡菜係一種高纖維,低卡路里,低碳水化合物嘅優質食物。而且佢嘅乳桿菌(lactobacilli)多,泡菜被認為含有豐富嘅益生菌,適量食用泡菜,有防止發炎、抗氧化作用。

韓國飲食,其中一個特點就係一般人會進食好多飯前嘅前菜(Banchan)。呢啲前菜主要由蘿蔔、菠菜造成。多菜少肉,飽肚但低卡路里。



(韓國人好多時候食用前菜)

有部份韓國人食泡菜代替餸菜。所以整體吸收卡路里較低。

香港好多高級超級市場,都有出售獨立包裝嘅杯裝泡菜,價錢實惠,只需要$10左右。分量啱啱好,約半碗嘅份量,每一餐之前進食,令你有口味變化之餘,又唔會加重卡路里負擔,而且食得多肉,都會想轉口味,食啲好味但低卡的食物。


韓國人瘦身減肥成功原因3:多飲水,多菜,少西式快餐

其中一個韓國人為何比較纖瘦、韓星減肥容易成功嘅觀察,就係韓國人飲用汽水嘅次數冇咁頻密。

一般香港人出街食飯,點都會飲汽水。一般嘅快餐、茶餐廳套餐,已經包含咗汽水。但係韓國嘅餐廳本身沒有提供汽水,反而有免費嘅清水供應比乘客。好多韓國人食飯嘅時候,就會飲用清水。唔好睇小汽水同清水嘅分別,汽水一杯大概100卡路里, 30日,就係3000卡路里,即係一磅脂肪!

韓國飲食裏面經常包含紫菜湯,紫菜湯高水份,低卡路里,又非常之飽肚。

玩一款韓國人最愛,就係大醬湯(doenjang soup)。湯主要由豆腐、大醬做成。水份充足,卡路里低,營養價值高!

如果你認真想瘦,好似韓國人一樣咁瘦,就多啲注意外出食飯嘅時候,要求飲中國熱茶(無卡路里) ,香港所有快餐店都有提供一個免費餐飲升級嘅選擇。或者去便利店購買清水,代替套餐附送嘅飲品。

韓國作為一個亞洲國家,同香港、大陸、台灣、日本有一樣野好唔同,就係西餐嘅普及程度。一般韓國人嘅飲食習慣裏面,唔會好似香港人接觸咁多西方嘅快餐。例如韓國嘅快餐店,就好少出手好似香港嘅焗豬扒飯、焗意粉等等。而你係韓國嘅商業區例如明洞,都唔會好似香港咁見到成行成市,總有一間喺附近嘅美式快餐店。(係有韓國炸雞大排檔,但係韓國炸雞唔係大家想像中咁普遍,當地人亦都唔會日日食炸雞)

韓國人都有食快餐,好似一啲辣煮年糕、魚肉糕、紅豆餅等等。好多韓國嘅後生仔,就會鍾意去咖啡室出沒。咖啡室出售嘅茶裏、咖啡飲品,同埋蛋糕,相比起超高卡路里、超多油、超多肉嘅美式快餐,呢啲選擇就比較健康,低卡。

如果你想減肥,就要注意自己飲食嘅份量。減少外出食劣食快餐,係減肥最快方法之一!

就算唔係香港好多地方好似韓國咁有出售低卡路里嘅韓式食物,用生果代替半餐,都係唔錯嘅選擇。



(韓星EXID「正花」身材索到!仲要瘦得嚟比例靚令到大家都想減肥好似佢咁)


韓國人瘦身減肥成功原因4:Kpop,韓劇流行,成為模仿對象

韓國嘅電視、音樂其實非常之本土化,一般嘅韓國電視台,搵唔到好多外國嘅節目。基本上韓國人淨係睇韓國嘅電視。一般韓國人嘅英文水準,亦都冇香港人咁高。所以佢哋睇嘅娛樂圈明星偏向本地韓國化(全韓星)。連觀眾對於明星嘅審美觀,都好接近韓國本土。

外國明星相比韓國明星,無論身高、體重,都比較健碩大份。但西方同亞洲嘅審美觀唔同,香港人覺得啱啱好嘅西方人士身形,當地人來講就屬於超重!


(想減肥就要以韓星Yura做目標)


韓國人瘦身減肥成功原因5:少飯,令到醣類吸收小

韓國人飲食,係亞洲人飲食裏面,算係食得少飯。相比起印度菜、泰國菜、中國菜,韓國人雖然都食白飯,但係每餐嘅份量,就絕對少好多。

大部份韓國人每餐進食嘅白飯份量,唔會超過大半碗飯。

一般韓人對於飲食形象嘅教育,都比香港人高。好多韓國人都知道,白飯本身其實只係碳水化合物,即係醣類。多食白飯對身體無益!香港人就唔同,每餐飯都好似一定要食好多飯先叫仲滿足。


韓國人瘦身減肥成功原因6:社會嚴重歧視肥人

韓國社會對於癡肥,特別歧視。一般韓國人認為,如果連自己嘅體重都管理唔到,就唔使旨意係其他方面有任何成就。所以,韓國人係唔會接受自己變肥,亦都唔接受其他人肥!同西方社會唔同,呢度冇「肥都可以靚」呢個概念。如果肥,就自動被歸入醜樣、失敗、自卑嘅行列。

如果其實好似韓國人瘦,就要好似佢哋咁有自律嘅心。


總結:改變飲食習慣,模仿韓國人,就可以變健康

飲食習慣方面,韓國人有好多值得我哋學習嘅地方。韓國人同韓星對於飲食份量、營養、食物配搭,同埋對清淡食物嘅追求,令到佢哋係減肥健身方面,遙遙領先。

多菜,多湯,少飯,少肉,就總括左佢哋嘅飲食理念。

你要減肥成功,就一定要用科學化嘅方法。以上嘅韓國健飲食習慣,差唔多喺全部韓國人裏面都體現得到,而佢地減肥成功纖瘦的效果,亦都係明顯可見。

認真,當你肥嘅時候,你自己都討厭自己。當你越來越健康,越嚟越瘦嘅時候,你對自己嘅自信心同埋自尊心,都有所增加。所以,今日就做好準備,做一個更加纖瘦同健康嘅人!


減肥瘦身





【醫學美容】【減肥】一個月醫學美容級減肥成功神方法!(超詳細分析節食、蛋 白粉、做機RF、減肥藥)




打開內容

2017年1月25日 星期三

【醫學美容】令你變靚,變瘦,變有錢的50+個美顏心得分享

1月 25, 2017

(男神吳亦凡bb)

新年許個願,祝你繼續保持年輕,纖瘦,越來越靚!作為美容達人,我記錄了超過50個美容瘦身小貼士,令你今年越來越靚!

各位靚仔靚女新年快樂!


美容篇 

1 IOPE韓國護膚產品同神仙水真的又平又好用。大推!(香港專櫃設於Hysan Place)

2 如果有錢,SKII神仙水、Dermacept C10維他命C原液可以日日用!

3 要面部緊致,就一定要打理皮膚的真皮層。RF射頻、HIFU、Thermage等等的高能量聚焦都有用。

4 慷慨同自尊是最好的化妝品;妒忌會令人變醜

5 不要參加過分平價的美容院,他們的產品質素低劣。也不要去彩豐行買護膚品。如果冇錢就買innisfree。一分錢一分貨。

6 保濕,對於皮膚位置年輕狀態好緊要。要面部緊致,一定要做足補水!

7 市面上不同品牌的「水光針面膜」都是絕對無用的。全部都無用!不要浪費金錢。

8 表情比化妝重要。最討好的,不是化妝,是表情。

9 RF射頻瘦面真的要勤力做,RF真的可以令你看起來更年青,面尖尖!就算不可以每周都做,一個月起碼要做兩三次。

10 25歲前不需要做醫學美容, 25歲後不可以不做醫學美容!

11 用透明質酸隆鼻,劑量不需要多,最緊要靚!不要因為貪多導致不自然。

12 Botox瘦面不是打完立即有效,最少要等四星期肉毒桿菌才可以發揮效果!所以,如果你要有效果,就要早早作出行動。

13 HIFU回復青春真的好有效。但必須找認可美容中心,不要貪平!

14 醫學美容之前同醫生、護士溝通好重要。不要人云亦云,一定要自己做足準備同研究。網上有好多有用的資訊,請自行閱讀,不要去到診所才開始研究風險!

15 儘量減少甜品,甜品累過量的糖分會結合蛋白質造成你面部鬆弛。如果忍不住口,就不如飲奶香綠茶,起碼綠茶有抗氧化成分。

16 菊花水已經被醫學證實有抗氧化作用。每晚睡前飲一杯菊花水。

17 要面部持續青春,就要每日攝取維他命C補充品,維他命C可以阻止細胞衰老、防止肌膚發炎造成鬆弛。

18 Q10也可以試試。

19 benefit修眉服務真的好好!推薦給大家。

20 每晚燃點天然精油香薰,有助改善睡眠。睡眠足夠面色也會變好。

21 出席重要場合之前的化妝,一定要給閨蜜看看,他們會給你最中肯的意見。你寧願聽真話而靚,也不要在人面前出醜!


減肥瘦身篇 

22 盡量不要食飯。用蔬菜代替。

23 想瘦,不吃任何茶餐廳食物,包括麵包。茶餐廳的麵包,多油,多糖,貪口爽的結果就是變成豬西!

24 要減肥成功,運動佔30%飲食佔70% !所以,要瘦,就一定要非常注意吃了什麼。蛋白質、纖維可以多食,碳水化合物就要避免。

25 睡眠對減肥好重要。瘦體素分泌會在夜間進行,必須在睡眠狀態,所以每日盡量爭取11點之前睡覺。

26 每日吸收足夠纖維同蛋白質,有助減輕肚餓感覺。令人全日都飽滿飽足。

27 減肥的秘訣在於減少胰島素分泌。盡量避開糖份、澱粉質,你就會瘦得快。

28 中式齋店是最搵笨的地方。味精多,油多,全部食物都重口味!以為食少左,卡路里卻比燒鵝更勁!千萬不要去這些中式地方食齋。

29 用新鮮的優質雪梨、蘋果,水潤有飽滿,滋潤你的身心。代替不健康又油的曲奇。

30 盡量做小小重力訓練。小小的重力訓練不會令你變成筋肉人。他會令你燃燒脂肪的速度變快,身形更靚。

31 運動中的蛋白質飲品可以減少你的食量,減輕體重。

32 怕去做gym的人,可以選擇行街。在海港城來來回回行兩三個鐘,消耗的卡路里也不少。行兩個鐘可以消耗1000卡路里。

33 薄荷茶、菊花茶可以幫你清除宿便。

34 每日洗澡後最好用高質素的body oil。用天然植物精油組成的身體按摩油,令你愛惜自己多啲,亦會比較鍾意體態,避免暴飲暴食。


愛情篇 

35 愛情不是靈藥。令你幸福的,是「自尊、希望、自律」你必須學懂。

36 不要將自己的不足和不滿投射在別人身上。每個人都是一個獨立的個體,請學會為自己負責。

37 一起成長的,叫愛情;一起沉淪的,叫孽緣。如果要來折墮,那麼根本不要和那個人一起。要跌入深淵你一個人已經足夠自行完成,你要找一個和你一起成長的人。

38 自信不夠而自尊太強的人,註定愛得艱難。

39 同居需要心理上、物質上準備。最好仔細考慮。

40 懂得在適當時候享受孤獨,是一種智慧。

41 不要過度PS呃自己,肥,就去減。

42 千萬不要放過份PS的相上交友網站。寧願真人靚過相,製造驚喜同正能量。

43 比性無能更慘的,是愛無能。增強自己愛的能力,你和別人,也會好過一點。


擊退小三篇 

44 越老實的男人越容易有小三,正因為佢老實,先咁多小三埋身

45 不要怪小三。如果你男人不喜歡搞三搞四,小三根本無從入手。

46 真正的勝利,是做最好的自己。而不是為一個平庸的人爭寵,自低身價。

47 有智慧知道,無需為別人的暪騙上心。心水清但不一語道破,是一種很高的境界,對方根本未去到。

48 不要做小三,也不要和第三者分享伴侶,這不是你要的人生。

49 病態偷情的男人,早掟早享受。賤男人同西女人,let them have each other就是最好的報應。你搶贏咗,啲低質人嫁邊個先?留給別人吧。


增加個人魅力,氣場篇 

50 適當的沈默,令人顯得有智慧。知道自己不足時,多聽少講。因為,愚者多言。

51 盡可能不要講是非,即使環境一般都不要罵街,做個有美貌有修養的靚人!

52 多讚美別人。

53 每一個人都是值得尊重的。不要見高拜見低踩。

54 用手機記低開心的事情,久不久回顧。這樣能夠提高成就感和自信心!

55 自信心來自紀律和計劃。有紀律,自然有信心!

56 多閱讀。尤其是成功人士的傳記。閱讀會令人有一種知性高貴的氣質。這種氣質,是無論行幾多百貨公司、用幾多個面膜都無法帶來的。


職業成功篇 

57 專注學習。

58 每一天都是學習、成長的機會。不要嫌三嫌四。

59 目標要夠高,目標越高,成功機會反而越大。你可以去到你自己也想像不到的遼闊天地。

60 自己成功得多,也要令身邊團隊成員成功。甚至,主動幫人。次次都是你贏,點解唔試下一齊贏?

61 努力去找一間專業的公司,做一個專業的人。爽快地告別不專業的公司,因為它只適合更不專業的人。

62 做一個旺老板旺同事的人!

63 你要為你的生存負責。

64 好運是自己創造的,對人客和同事一定要細心。了解別人的需要,多聽少說。

65 以個人健康為重點,不要做一份損害健康的工作。如果要長期開OT 就要開始搵第二份工。


增強運氣篇

66 不要孤寒,有機會捐錢是你的福氣。代表了你有能力。

67 優雅慷慨的性格,會為你帶來想不到的好運。

68 關愛座,請自動留給有需要的人,無論他們年紀輕,還是年紀老。每個人生階段,都有好人和賤格的人。有優質青年也有廢青,有優質老年也有賤格老人。不要和廢青和廢老爭關愛座!

69 影集體照PS,不要自私自利地只執自己的樣貌,要幫朋友一齊P,這是基本禮儀!

70 為別人創造奇蹟,是獲得奇蹟最快的方法。

71 宇宙終究是公平的。請每個決定前,請記得這一點。

72 Faith is taking the first step even when you don't see the whole staircase - Martin Luther King



華麗新生活篇

73 與其驕傲地脆弱,不如堅強生活。柔軟、成熟、獨立、自信、開心、希望。

74 無論行好運定霉運,都別忘了尋找生活樂趣。享受偶爾的失敗。去看喜劇,做運動,欣賞藝術,這些事情,都不需要一定好心情才可以做。

75 新一年,又有機會重新開始,做最好的自己!希望你今年越來越瘦,越來越靚,越來越有智慧。

76 每個月都要準備少少時間,去按摩、做Spa做facial。滋養自己好重要。

77 飲食愈健康,情緒愈正面。

78 有時間可以睇下韓國、英國、美國、日本、大陸劇集,了解人性之餘,亦都點解其他人嘅世界。

79 性感但不濫交。

80 寫下你的新年願望。在手機裏寫下來留給自己看,令你更加接近成功。


謝謝你看完。

你努力的時候,我也正在努力。




醫學美容 


【醫學美容】驚嚇!家用HIFU機大踼爆!如何分辨真假HIFU教學


【美髮】屋企也可以做出$2000高級SALON護髮效果!好用洗頭水護髪素推薦,及 拆穿「無矽」的秘密

【美容】平價好用護膚品推介:如何用超平批發價錢購買專櫃產品

【美髮】所謂嘅專業級洗髮護髮!?GOLDWELL KERASILK TREATMENT香港自費測試

【醫學美容】美魔女美魔男年輕的秘密!?COENZYME Q10與白藜蘆醇 RESVERATROL:超強抗氧化美容功效與副作用

【醫學美容】彩豐行真係好用?定係低檔山寨貨?平價彩豐行不為人知的震撼內幕!

【醫學美容】醫生推薦!醫美級ASCORBIC ACID左旋維他命C精華液美顏功效,正確 用法與誤解!DERMACEPT BY DR ZEIN OBAGI C10自費試用





打開內容

2017年1月21日 星期六

【深夜聊天】你成為剩女、剩男嘅5個真正原因(香港超深度中肯分析)

1月 21, 2017
「剩女」、「大齡女」、「中女」、「剩母」這些稱呼,好敏感!在香港,在台灣,在大陸,二十五歲以上單身女性,面對伴侶選擇少、選擇困難這個問題。在戀愛競技場之中,香港女人變得越來越被動!高質素的男性伴侶,買少見少,情況有供應緊張化的趨勢。連一些質素普通的男人,都出現供不應求情況。不知道什麼時候開始,整個城市,充滿了越來越多不想或無法找到理想伴侶的「剩女」。

你同妳,結婚前景堪虞!

現在好多香港、台北、上海、北京大都會女性同hehe,大家都處於高度緊張狀態, 25歲,仍然未找到理想伴侶,身邊的人就會開始急,會開始質疑你做剩女剩男的原因。但係,妳同你屋企人未必知道苦衷。

其實你都想知:

點解,你身邊一個收入正常樣貌正常啲嘅男人都無!?

點解,每次愛情去到半熟,就無疾而終?

點解,連在港內地女子、菲律賓女子都結到婚,你唔得?

點解人人都嫁得出,除咗你?

一到30歲,彷彿整個城市也亮起紅燈!婚姻展覽廣告、奇華嫁喜廣告、甚至娛樂圈單身多年嘅女星終於嫁得出消息,都令妳不安。

越來越懷疑,自己會不會由現在開始,永遠都剩!?

究竟,為什麼有些人可以輕易找到伴侶,有些人則成為剩女剩男?

你已經到達人生十字路口,必須要認真反省,思考,剖析。成為剩女剩男的原因有好多,今次就會逐一分析。今次主要集中香港的情況。


你成為剩女、剩男的原因

成為剩女剩男嘅原因好多,今次就一一討論:

平心而論,好多剩女其實條件都唔錯,無論外表,身形,學歷,收入,家庭背景等等,都完全冇問題。甚至水準是屬於中上,比同年的男性更為優秀!

但事實係,質素越好,反而越難找伴侶!

無錯,剩同唔剩,同質素嘅高低,無必然關係。

剩下來嘅「剩女」「剩男」,好多時並唔係樣貌身材經濟能力有問題。相反,通常質素普通、樣貌普通、家庭普通嘅人,往往是最受歡迎,亦都最早結婚!

你看一些公共屋村居民、新移民,他們都結婚,生活雖然平凡但都相當美滿!

可能我哋樣貌不錯,有正當高尚職業,高收入,但係仍然獨處,獨守空房嘅,好似我哋呢種人嘅數目真係唔少。喺中環、銅鑼灣、半山,無論係SOHO酒吧、酒店下午茶、水療中心、古董店、海港城化妝專櫃、健身室,都有好多高質素但嫁唔出嘅女人,簡稱剩女;同無人要嘅男人,叫做同志剩男。

越靚、越高學歷、越大都會、越思想開放,成為剩女剩男機會越高!


成為剩女剩男的原因:社會發展,由姿色形社會變知識型社會

香港剩女剩男越來越多,原因同社會發展不無關係。70、80、90年代開始,經濟開始起飛,而這個時候出世的人,亦都係今時今日的「中女」、「老gay」或「資深中女」。

唔再18歳,會被人自動歸類「老」!真恐怖!

隨着社會的進步,這一代女子受到的教育,和他們上一代媽媽完全不同。上一代的女子,受教育的程度不多,最多都是從事一些體力勞動、低收入工作。找個男人去嫁,就是天經地義,亦是她們的唯一選擇。

而這第一代的女子,受到西方文化的思想洗禮,中英文都流利,明白到男女平等,女權運動等等的思想啟蒙,再不認為留在家裏洗衫洗地,就是他們的唯一選擇。女人,都可以做一些對社會有貢獻,而係有相當收入的工作。

以前如果要有好嘅收入,家用,就要靠男人靠婚姻。以前,你一定要有返咁上下姿色,取悅得到男人,先至有機會有收入。而家,社會已經由「姿色型社會」變成「知識型社會」。但係而家,自己都可以自力更生,有好多工作機會。

收入,都越來越高,選擇,亦越來越多。當中嘅選擇,包括左不婚。

經濟發展,令男女平等,唔係女人嘅錯,係社會進步嘅表示。


成為剩女的原因:妳執著要「上嫁」,唔想「下嫁」

其中一個單身嘅原因,係因為一般嘅女性,都會執着「嫁得好」。

所謂嘅「嫁得好」,就係嫁俾收入高,資產豐盛,經濟充裕嘅男人。

對於大部份女人來講,嫁俾一個質素、收入都比自己差嘅男人,點樣都唔會被認為「嫁得好」。

你追求嘅,係「上嫁」,唔係「下嫁」。

一定要「嫁得好」思想,同實際生活,其實關係唔大。無論你月入$20,000 定係$120,000,你都會要求你嘅男人搵錢更加多!唔會考慮收入低過你嘅男人。

你收入越高,可以俾你選擇嘅男人就越少。你最後揀到冇嘢㨂,被迫單身風險亦越高!

事實擺在眼前,有幾多個收入$50,000以上嘅男人?當中又有幾多個單身?

如果純粹以工作收入、投資斬獲來講,你就要接受,始終社會上大部份嘅人,收入都唔會好多;你都係要接受,可能搵錢、投資方面你叻過大部份嘅男人!大部份嘅男人,都係萬幾到三萬呢一個category。換句話講,收入可能仲低過你。

無錯,伴侶高收入,高資產淨值,可以帶來財務上嘅安全感。但財務上嘅安全感,並不代表婚姻關係嘅安全感!大把player玩到40歲, 50歲,都仍然唔肯settle落嚟!你一日未結婚對方嘅身家其實唔太關你事。

拍拖嘅時候,你可能會有名牌化妝品、每月一兩萬家用、奢華假期、名貴包包等禮物、甚至有架車作為奬勵,但係真正嘅大錢(樓、基金、秘密銀行戶口),唔會過你手。

一日唔結婚,你都冇真正現金!

如果你堅持要嫁俾金錢好多嘅男人你就要面對僧多粥少嘅問題。時間,唔係喺你嗰邊!所以,隨着每一年過去,你越嚟越心急。但係競爭者,不減反增!

男人有錢就自然有時間,亦都有選擇慢慢揀,所以佢哋一啲都唔急,但你好急!

你越執着搵個有錢人,你嘅選擇其實只會越來越少!年紀越大,有錢男人會揀你嘅可能性越低。

你揀下揀下,等下等下,突然10年又過去!

對於希望搵有錢男人嘅妳,人生,仲有幾多個10年?

社會對年紀大但唔結婚,對於男人同女人來講,有唔同嘅意見。男人到咗一定年紀都唔結婚,變成鑽石王老五 ;女人到咗一定年紀都唔去結婚,就會面對各種家庭、社會、甚至陌生人嘅壓力!

有一日,你唔再咁執着,一定要「上嫁」嘅時候,會考慮竹門對竹門、木門對木門;甚至開放對象範圍,考慮經濟能力一般嘅男人,但係,連嗰啲男人,都已經俾人Mark咗!

突然間,你發現自己成為剩女、剩男同志!


成為剩女剩男的原因:熱愛煲韓劇、強國劇同kpop,同香港現實脫節

如果唔講錢,淨係講感覺,香港人都可能未必有運行。

無可否認,韓劇、kpop、強國小鮮肉喺香港嘅地位越來越高,影響力亦都越來越大。好多90後, 80後嘅成長階段,就係從韓劇裏面學習。人生嘅道理,拍拖嘅觀念,愛情嘅期望,都被韓國劇集深深影響。

「繼承者們」、「來自星星的你」、「藍海傳說」、「W」,令到你好有幻想,好有期望,好想過嗰種夢幻生活。

不知不覺間,你對於愛情應該係乜嘢樣,本來應該係乜嘢樣,都比韓劇影響同洗腦。

以前,可能你都唔會咁執着對方嘅外表,但係你睇完韓劇、kpop、強國男神之後,就真係決定非君不嫁!(「君」係指韓東君,強國男神,下圖)李敏鎬、金秀賢、金鐘國、TOP、朴寶劍、李鐘碩、鹿晗,令到我地對於愛情、對於伴侶外貌嘅期望,上升咗好多!


(強國男神韓東君)


(李敏鎬)

韓劇代表嘅韓國文化,其實包含咗好多不同優點,包括幽默、外表亮麗、愛心、思想等等……但現實生活中嘅男人,有幾多個符合以上嘅要求?

時間有限,正因如此,更加想用喺真正享受嘅部分。寧願沉溺喺首爾嘅流行文化出口,都唔想浪費喺身邊平庸男性身上。

企喺MK港鐵出囗,見到無數韓妝店同代言男神。韓劇中夢幻場景,比對現實中嘅荒涼,你不禁倒抽一口涼氣。

韓國有咁多男神,而香港,只有王祖藍、阿Bob、坤哥。荒謬嘅係,連鄧兆尊都有三奶!

香港「膠往」對象好多,真正「交往」對象好少!


成為剩女剩男的原因:香港職場工作令你太能幹

工作能力太叻嘅人,往往就係「結唔到婚」嘅人。

你越能幹,單身嘅風險高速上升!

相比起台灣、大陸,香港嘅工作環境的確壓力屬於偏高。喺馬來西亞、泰國,一般人要承受嘅工作壓力一定唔會有香港咁緊張!

香港長期開OT、長期收工收發email嘅工作模式,令到好多香港女性同香港同志變得非常之能幹,但同時,就失去左溫柔同埋善解人意。因為,無限量嘅工作、無限量嘅辦公室政治,已經將我哋吸到乾晒!競爭激烈嘅辦公室政治、全球化競爭,十分清楚科學化嘅量度方法,令到我哋變得非常之優秀,非常之快!狠!準!但係,dating方面,可能不知不覺就忘記咗。

你越叻,老闆越多野俾你做!加左人工升職之後,冇七八九十點都唔好妄想返屋企。

返到屋企,已經累到郁唔到,談情說愛,變成體力負擔。

我地連屋企人都唔夠時間相處,真係冇時間俾明知無法開花結果嘅人。面對太少適合對象,同太多錯誤對象,只可以講,你仲未收工,friend zone無限大,好人咭大量供應,各位請自便。

好似我閨密話,究竟我地仲記唔記得點樣去戀愛!戀愛同親蜜嘅技巧,喺無盡嘅工作同OT之中,已經變得次要同生疏!


成為剩女剩男原因:將蘭桂坊、Tinder、Grindr、陌陌、遇見心態,當作擇偶黃金定律

蘭桂坊夜蒲,有一定嘅生存法則。無論係對象、交際技巧、化妝、都有一定嘅公式。而係呢啲場面出現嘅男人,並唔係搵老婆!大部份男人,無論係直男定同志,都只係想un兩野!

所以,對於搭訕、約會、約炮,好多人嗰套行為模式,來嘗試搵老公!

我一句講晒:you look for love in the wrong places!

深夜嘅德己笠街,唔會搵到老公。你信我。唔好俾連詩雅、關楚耀嗰啲MK仔幻想中嘅LKF電影呃到。

對方只想約炮,令你好懷疑自己,究竟仍然追求真愛,仍然追求真心,追求一段關係,係唔係你自己有問題,係唔係你精神病!

其實你搵錯咗地方。約炮app同LKF唔係好地方。

當你判斷一個男人係咪有能力(即係有冇錢),從佢肯唔肯包張枱,有冇能力開幾支酒請全世界飲,又或者身邊有幾多個助手,慢慢,你就喪失左真正對於愛情嘅判斷能力。

畸形嘅「戀愛」環境之中,真同假,婚姻同不婚,都會變得好扭曲模糊。

同時,現今性、愛分離,令兩者不再bundled,亦間接令keep住男人難度大增。


成為剩女剩男原因:instagram、微博小鮮肉幻想

網上靚仔flirting,間接令你失去拍拖意慾!?

網上有好多網絡紅人小鮮肉,熱衷每日不停收女兵收gay兵(例如RMIUC),不停貼大隻性感圖,得聞flirt back,令到你搞唔清楚真正愛、做兵、定係做陌生人嘅分別。因為而家已經越來越困難去百分百分辨。

有時如果對方有心收下兵,得閑同你食餐飯,約出嚟見吓面,有時你都好心甘情願做吓兵、date吓就算,好過全心投入咁多時間心機去發展一段健康而確實嘅戀愛關係。


成為剩女剩男的原因:部分港男質素低

不是全部,只係小部分,但偏偏嗰小部分成日出現喺我地身邊老是常出現!仲要講明唔肯結婚,只想啪啪啪。

我唔想特別再講港男乜乜乜,但係事實係點,你都好清楚。同貌似王祖藍、或者貌似建制立法會議員嘅男人拍拖,你拍埋我嗰份。


你是單身,不是剩

你要學懂「單身」,但不可以容許自己「剩」。

單身,大把籌碼可以揀;剩,你根本冇本事揀。

單身,係自由社會可貴表現。

單身,唔代表你係剩。

不同年紀單身,有不同感受。

好多人錯誤以為,結婚係完滿生命嘅答案;其實,活出勇氣、慷慨、藝術、自我成長,敢於創造同想像,先係人生答案。

我從來唔覺得結婚係一樣好特別嘅成就。你要結婚,隨時都可以。不過結婚唔代表有美滿生活。

你唔應該為結婚而結婚,你嘅目標,係搵一個同你一齊創造、一齊走向人生高峰嘅人!

Getting married is easy, staying married is difficult.

你要成長,你要非凡!一個人又好,兩個又好。

不停自我成長,不斷進步、健身變索,減肥,創造事業成就,增加收入,學習不同文化,不斷吸引其他更好嘅人出現係你生命裏面,呢啲叫做「優質單身」。

每日只懂埋怨、退化、懶散、肥胖、鬆弛,呢啲叫做「剩」。

你自己唔夠好,人地要你嚟做乜!?

男人唔夠好,我哋要嚟做乜!?


打開內容

2017年1月14日 星期六

【醫學美容】美魔女美魔男必看!韓國神仙水IOPE Bio Essence超好用推薦!(自 費評論)

1月 14, 2017
護膚,有啲道理真係唔可以唔信!新一年嚟到,年紀大咗一年,就要用一啲更高質素,更高效能嘅護膚品,對抗歲月痕跡。神仙水,就係令初老肌膚年輕化必備產品之一。講到包含酵素嘅神仙水,大家第一時間就諗起Sk-II,但係其實韓國護膚品裏面,有一支神仙水,韓國美容界好評如潮!講緊嘅,就係有愛茉莉集團旗下中高端品牌IOPE嘅神仙水IOPE bio essence,我第一次試用,真係大大驚喜,一定要第一時間推薦俾貪靚嘅你!(自費評論,沒有收到任何免費使用或贊助)


(韓國IOPE bio essence神仙水,超好用!)


(我去韓國就買咗幾支,你知係全新未開封狀態,有膠紙貼住,保證衛生新鮮! )



我個人使用之後,就覺得非常好用!所以,我都要提出一個小小警告:貪靚嘅你如果對於涷齡產品唔忍得手,千祈唔好再睇落去。因為,IOPE bio essence韓國神仙水,可能係市面上最好用,最抵用嘅神仙水!能夠令到肌膚年輕化,問題改善,創造青春肌膚,都只係$400!你睇完,又會忍唔住買!


IOPE 護膚牌子背景

韓國護膚品牌好多,入門級嘅innisfree、Étude House、Laneige、Jayjun,到中高端嘅IOPE、Dr Jart,到極高嘅雪花秀,乜嘢層面都有,質素亦都各有千秋。但講到性價比超高,而質素有返咁上下,就一定要講IOPE。

IOPE喺韓國都屬於本地名牌,價錢亦屬於中上,輕奢華產品。喺韓國成千上萬嘅品牌同產品之中,連鎖店亦都將佢劃分為中上層產品。

IOPE呢個牌子係韓國絕對係大牌子,背後嘅生產母公司Amorepacific,亦都係韓國數一數二嘅護膚品牌,絕對唔係雜牌,都算係有名有姓嘅牌子。(集團旗下品牌包括雪花秀、Laneige、Étude House等等……)Amorepacific喺香港時代廣場都有分店!

呢一隻bio essence神仙水,價錢平,效用高,你不可不知。


IOPE神仙水成份曝光

市面上有好多隻野,都自稱神仙水。當然除咗SK-II之外,好多後起之秀,都會叫自己做乜嘢韓國神仙水、魔幻水、奇蹟水、救命水、 1秒神水等等。

我經常提醒各位,如果真係要判斷一隻精華水好唔好用,最主要睇,就係化學成份!好多市面上嘅marketing,都講到牌子嘅精華水好神奇,但係,只有成份夠科學化,有足夠嘅有效成分,先至會有用!否則,你只係一千幾百,買個希望!希望一過,就變成失望!

依家神仙水係香港嘅市場出現兩極化現象, SKII就越嚟越貴,其他不知名嘅日本韓國雜牌神仙水,就越出越多,價錢亦都由推出時五六百蚊下跌到三百幾蚊,有啲甚至平到一百幾蚊!講真,價錢太平嘅神仙水,或者係完全無牌子嘅雜物神仙水,我真係唔敢用!

IOPE bio essence價錢港幣$400 ,絕對物有所值。

對於對韓國化妝護膚品唔太熟悉嘅人嚟講,我要特別聲明。IOPE bio essence神仙水絕對係名物。我自己親身去首爾美妝店考察,發現真係好多韓國女仔、韓國男仔使用(IOPE Bio essence神仙水亦有男裝,根據當地美容店BA姐姐介紹,兩者唔同之處在於男性面有分泌比較多,產品裏面就加入酒精成份。保持清爽。所以各有各好用)

作為興趣美容blogger同美顏狂熱分子,我平時香港自費購買嘅面膜、精華、美白、噴霧、啫喱、face oil簡直多到爆炸,真係無咁多時間用晒所有產品!但係點解會接觸得到IOPE Bio Essence神仙水之後,都要推介俾大家呢?因為,太好用啦!

之前朋友介紹IOPE Bio Essence神仙水,話佢有幾咁好用嘅時候,我都不以為然。畢竟,好多產品都好用,真係多佢一枝唔多!

直到有一次出門去韓國旅行,發覺自己平時係潮濕香港用開嘅精華,喺當地乾燥寒冷天氣發揮有限,要做到保濕嘅時候,就聽從朋友意見,去咗買咗IOPE bio essence神仙水面膜!返去酒店求其一用,到15分鐘就掉咗。第二朝,不得了!

之前嗰日乾燥欠佳嘅膚質,只需要一次IOPE bio essence嘅神仙水面膜修護,竟然皮膚完全吸收,變得光滑、細緻!之後搽番平時用開嘅Olay多元修護,成個旅程都係光、嫩!

由於皮膚吸收足夠水份,皮膚望落去水潤,光亮!皮膚個底打得好,旅程影返嚟嘅相都青春,可愛!高清鏡頭之下,都仍然咁靚!

最重要係,IOPE bio essence真正好用嘅原因,除咗效果快之外,佢冇令到我敏感、痕癢、起紅斑!因為好多呢啲所謂奇蹟水、生命水、乜乜物物水產品,一用完,就中招,面會紅晒敏感晒!呢啲嘢無色無味,好似水一樣,但係其實裏面就加添左生物成份。

自此,就對IOPE bio essence一見鍾情!買返支神仙水使用,價錢比較相宜。面膜$40 ,一支神仙水夠用一個月,都只係$400,當然買一支裝啦!

我之後返咗嚟香港,用咗差唔多一個月,完全冇敏感跡象!

IOPE bio essence之所以咁好用,係因為佢加入「生物酶」thioredoxin,可以抗氧化,抗老化。佢可以直達皮膚衰老根源,改善衰老狀態!

如果人體缺乏咗啲種生物酶thioredoxin,細胞就會老化得快。相反如果身體有足夠嘅生物妹,老化程序就會減慢。而呢一啲神仙水,作用就係補充thioredoxin,令到細胞再生。維持年輕狀態。



(DFS IOPE專櫃)

21日使用成果

同一般市面上嘅美容網站唔同,我喺呢度經常都要強調,美容產品,一定要有科學成份!一定要有醫學根據,我先至會推介俾大家。

我做過好多關於thioredoxin嘅研究,發現,真係有做抗衰老。

用咗差唔多三星期,我會比正評。

其實,保養皮膚,用一支產品其實唔會足夠。要從防曬,表皮層定期去死皮角質,真皮層維他命C加維他命E深層保養,真皮層射頻膠原蛋白自生,飲食控制,抗氧化補充劑等等,全部都要做。再加上日常保護,每日都用乳液形成保護膜,先至係齊全嘅凍齡皮膚保養。而呢一支IOPE bio essence神仙水,作為打底,第一層保護,效果就真係好好!

可能我呢排心態正面,身體健康,再加上用咗神仙水,狀態真係幾好,真係有種自信青春嘅光彩!今個星期我去買飯嘅時候,個店員姐姐竟然同我講,「你有冇學生證?」

神奇嘅係,同一個禮拜之內,我請屋企人食飯,個好友善好好傾嘅侍應同我講,返工好辛苦呀,「咁你出嚟做嘢未啊?」

哈哈!又搵到一樣好用嘅產品,我就第一時間推介俾你哋,希望你都同我一樣可以有凍齡美魔效果!你睇我幾錫你地!😘

IOPE於銅鑼灣Hysan Place DFS有專櫃


(兩個月後更新:空瓶才有說服力!成支用晒啦,有圖為證!)😍😍








打開內容

2017年1月7日 星期六

【深夜聊天】提升自信心與氣場的7個方法:只需一個月,你靚到爆,自信到爆!

1月 07, 2017


新一年,就要有新氣場!

今日我就同大家玩一個吸引力實驗,你只需要用以下嘅方法,一個月之內,就會見到神奇效果!如果你想靚到盡,自信到爆,就要一齊試吓。

7個習慣,好簡單,但係,對人生就有超乎想像嘅效果。新一年,如果你想有新嘅體會,新嘅自信心程度,新嘅樂觀心態,新嘅外表,新嘅身形,我今日就教大家7個方法,點樣可以短時間之內,迅速變成自信爆棚嘅氣場美人!


什麼是氣場?

所謂嘅氣場,就係你嘅整體情緒、能力同能量,包括你嘅熱情度、反應敏捷度、自信心、口才、魅力等等……一般來講,氣場就係個人性格魅力嘅展現。

今日要教你,會能夠迅速提升你嘅氣場,令你魅力驚人,同時, 提升自信心!


提升自信心同氣場方法一:培養美麗習慣

好多c grade、d grade嘅人(指思想行為外表中下,質素普通嘅人),都抱着外表唔太重要,內在最緊要嘅諗法。呢啲諗法好唔要得,簡單來講就係懶!

如果要真正做到自信心爆棚,每一日每一分鐘,都要自信、亮麗! 

好多香港人其實外表唔差,只要稍為打扮一下就已經好可愛,但係因為平日嘅懶惰,相比起個人可以做到嘅最靚一面,仍有距離。要改善自信,就由美麗小習慣開始。

首先,唔可以懶散。

好多人平時返工,返學,都好求其。如果可以做到8分9分,佢就只會做5分或以下,帶個核突眼鏡,求求期期污糟邋遢就去返學返工。佢哋會覺得,冇所謂啦唔需要扮咁靚,公司都冇靚仔!但係,佢哋唔知道,如果求求期期咁樣出現,唔單止自己喺人地心目中形象差,對於潛意識中自己嘅嘅自信心,亦都會有唔好嘅影響。因為,如果你自己都長期處於一個不理想狀態,你自我形象就會低,就算真係有靚仔出現,你都因為自己準備不足,狀態差而唔敢回應,人哋對你亦都唔會有好面色睇,亦都唔會有任何優質待遇。

相反,如果你每日都盡力多少少,例如化下妝,噴下香水,站立同工作嘅姿勢都挺直啲,久而久之,你就散發出一種懂得照顧自己,表現自己嘅自信心,人哋對你,亦都會好啲。如果你而家自我評分係得5、6分,你就要盡量向8分、9分進發,並且養成每日打扮一點嘅習慣!


提升自信心同氣場方法二:培養高營養瘦身習慣

第二個可以幫你迅速增強自信同氣場嘅方法,就係培養「高營養」、「瘦身」嘅飲食習慣。如果做到呢一點,你嘅身形就會迅速變索!你原本因為肥胖或者過瘦已經遮遮掩掩、不停修圖P圖嘅身材,行出來嘅自信心,都會由一般普通,變成極為自信!

你要真人都又靚又健康又瘦,唔需要P圖!

好多人都唔知道,人嘅情緒,好受到食物影響!好多人以為抑鬱、懶散、消沉,係因為自己嘅心理質素差,甚至自己都唔知點解自己抑鬱!其實,好多時如果你感到經常疲倦,做乜野都缺乏動力,你就要睇下你食嘅食物,究竟有冇營養!好多垃圾食物、高糖食物、碳水化合物食物,都會導致你疲倦同埋情緒差!如果你要做到開心、正面、高能量,就要注意自己嘅飲食。

因為冇咗一啲質素差劣嘅食物影響你嘅消化系統,冇咗佢哋不斷排出毒素,你唔單止食得乾淨,人都變得醒神!反應快!

我好多朋友自從戒除去快餐店食飯,以蔬菜代替碳水化合物之後,就發現自己身型越嚟越似頂尖模特兒!出嚟嘅自信心都增加,氣場亦都變得時尚感。同以前肥胖、論盡嘅時代唔可以相比。

點樣先叫做高營養、瘦身飲食習慣呢?就係多食水果、蔬菜、蛋白質,小小碳水化合物。食嘢,係食到飽食得好為主,千祈唔好胡亂節食減肥(因為唔會有效,百分百反彈只會令你更肥) ,亦都唔會情緒化咁暴飲暴食。最好,係飲營養補充品同添加劑,例如維他命C、whey protein蛋白粉,可以幫助你控制血糖,亦都控制你食量,亦都加強你肌膚膠原蛋白自生功能。

我會建議你:

早上食燕麥,佢可以幫你全日吸取身體多餘嘅膽固醇。

每日或隔日飲用高質素嘅蛋白代餐,例如Isowhey。

午餐食半碗飯,其餘食菜飽。

如果一定要出街食,就盡量唔好食晒啲飯。我會建議你食少量嘅飯,其他時間就食適量肉類、同時間食大量嘅蔬菜會令你飽足。咁樣,你唔會進食過量碳水化合物都知你老化又疲倦。如果你嘅餐廳冇提供大量蔬菜,你就自己出去食個生果杯,裏面嘅纖維,會幫助體內防止吸收過多油脂。

晚飯就用炒蛋、蔬菜。由於接近冇乜卡路里,兼且纖維豐富,蔬菜可以無限量任食,一般嘅豆類、蔬菜、蕃茄、豆腐、金菇、蘿蔔、茄子等等,可以任食!

每日係下午茶嘅時間食生果,代替高脂快餐。

只要你跟着以上嘅飲食規則,你就可以有緊致面孔,好身材,內臟功能亦都唔會因為太多碳水化合物同糖分導致血糖飄忽,或者胰島素紊亂。

有咗令人驕傲又羨慕嘅身材,同埋精神狀態變得靈敏,你就會發現,自信心不停提高!

緊記食得好,食得飽,不暴食,不絕食!


提升自信心同氣場方法三:學習獨立自主

要做到自信心爆滿,兼且氣場強勁,就要學習唔好太過卑躬屈膝。亦都唔需要成日要求別人讚美自己,認同自己。你要你自己去讚美自己,你自己去認同你自己!

Do not seek approval, seek to be the best person you can be! 

好多時我哋唔了解到,如果經常性地期望別人讚美自己,經常性病態地seek
approval,你嘅自信心就唔會高得去邊!你要自信心高,就要自己比自己一個高嘅目標,然之後每日執行!而對於其他人嘅理解不理解,認同或不認同,你都唔需要太過上心!

唔需要對你男朋友、上司、同事、朋友嘅意見太過傷心。因為即使你卑躬屈膝咁去幫佢哋,佢都唔會珍惜,只會令你越來越唔值錢。

總結人生經驗,你唔夠壞,人哋唔會愛!勇敢地做個badass(如果你係男)、badass bitch(如果你係女),你會有想不到嘅收穫。

你記住,你唔係你嘅工作,唔係你嘅收入,唔係你嘅外表。你,嘅價值遠超過與以上所有!以上只係你係嗰個範疇嘅經濟價值,並唔代表你人生嘅價值!

你真正嘅人生價值,就係撥出充滿愛心、挑戰潛能嘅人生!一時之間嘅成敗,一時之間嘅認可或不認可,其實無關重要。

你要活出你自己嘅#dreamlife,而唔係人哋強加於你身上嘅#theirdreamlife。

咁究竟乜嘢叫「做一個獨立自主嘅人」?答案,就係自己生命自己話事,不要期待別人幫你完成你自己嘅責任。

有勇氣去面對你自己嘅問題,有勇氣去解決,去嘗試,其實就好好!


提升自信心同氣場方法四:每日行動一小步,成就你人生一大步

每一朝起身,你第一個反應,會係冇能量、自我懷疑?定係飛揚,自我肯定,積極,挑戰,自信爆棚?

好多人對自己冇信心,但係唔需要怪自己。自信呢一樣野,係一個習慣!只要有每日行一小步嘅習慣,你就好快會自信爆滿。

提升自信心秘訣:如果你冇信心做一件事,例如冇信心去跑步,就只需要要求自己每日做少少,例如跑2分鐘,甚至30秒!唔需要多,最好就少!但一定要執行, 15秒,任何人都頂得到,慢慢,你就由恐懼變成享受,亦都會克服!

好多人對於一個難題,難免感到恐懼。但我發現一個小小嘅道理,只要每日做少少,完全可以達到嘅目標,慢慢,你嘅自信就會出嚟!

如果你害怕接觸陌生人,咁你每日只需接觸一個!

如果你怕減肥要冇啖好食,咁你每日只需要換走半餐!

如果你怕networking,就只需要上網、WhatsApp send一個短訊!

好耐之前,我對於每日去做gym都感到好恐懼,因為入個gym度見到啲好似好主動兇猛嘅人,都會感到有啲驚!但係我就話俾自己聽,其實唔需要咁驚,只需要做15分鐘,如果唔鍾意可以即刻走!每日,我只係做15分鐘就算。(多數做咗15分鐘都會繼續落去,可能會做半個鐘,但有時疲倦或心情差,我就真係做15分鐘就收檔)。因為我深信,每日一小步,我可控制得到,始終,我就會成就人生一大步!慢慢,我就克服左個恐懼,由15分鐘,到後來30分鐘、45分鐘、一個鐘!我亦都由肥胖變成纖瘦!

呢個克服嘅過程中,我從來都唔會責備我自己,相反,我會讚自己做得幾好,我會讚自己即使落雨我都有盡力,就算有時有一日冇去,第二日我照去我會讚自己今日我又有出現!

久而久之,我習慣咗讚美自己,一啲令我好恐懼嘅事,亦都克服左。


提升自信心同氣場方法五:讚美日記

我之前聽啲日本朋友講,佢哋好出名有一本叫做讚美日記嘅日記簿,就係每日寫低你自己對自己嘅讚美會係乜嘢。即使好少野,每日寫低,都對於提升自信有好大幫助!

一本叫做「讚美日記」嘅書,響日本爆紅,佢幫好多人克服左恐懼同自信不足嘅問題。所謂嘅讚美日記,其實就係每日寫低自己今日做啱左乜嘢,然後讚美自己。每日只要講下一啲微不足道嘅嘢,你一個禮拜,一個月之後睇返,原來自己都有做啱嘅時候,例如:

我有記得朋友生日,我有盡力慶祝
我行得好快,趕上平時上唔到嘅嗰班車
今日阿媽打黎,我冇敷衍,甚至傾左一個愉快嘅半個鐘,關係都改善咗

日積月累,你嘅自信心就會增加!


提升自信心同氣場方法六:學習新技術、新技能、新語文

如果你自信心唔夠,你就要留意一下,自己會唔會睇嘅嘢太過狹窄。經常都上相同嘅討論區網站、經常同同一班人來往等等。

如果你可以學習新嘅語文,例如學普通話,學韓文,學西班牙文,都會擴闊你原有嘅視野。如果你平時唔睇新聞,對於財經新聞,世界大事一曉不通,你就要多啲睇下新聞,唔係蘋果日報,可能係上cnn,或者其他Washington Post、bbc等等。

隨着吸收嘅資訊增加,你嘅溝通能力同埋話題,都會變得廣闊,對住其他人,亦都會更加多野講!


提升自信心同氣場方法七:模仿成功人士

如果你想要有一種明星級、世界領袖嘅風采同埋自信心,其中一個最快嘅方法,就係日日模仿。

我會建議你每日都收睇佢哋嘅YouTube video ,模仿佢哋講嘢嘅聲調、代入佢哋嘅角色,如果有需要,就模仿佢嘅動作,口吻,甚至背誦部份演講或表演內容,持之以恆,你就由一個頭耷耷嘅普通人,變成明星級數風采嘅人!


提升自信心同氣場方法八(bonus):為別人製造奇蹟

好多人想表現自己得出自己,就會鍾意講別人壞話。但其實,表現自己最好嘅方法,並唔係去踩低別人,反而係去為別人製造奇蹟。

與其做一個可有可無嘅凡夫俗子,點解唔去做一個能夠幫助別人,改變別人生命嘅人?

你想變得有自信,最好,就係打造高貴品格,做一個「帶旺別人」嘅人。

當你全心全意去為別人着想,為別人做好事,甚至幫佢哋一齊創造奇蹟。

最美麗嘅人生,就係能夠同時付出,亦都同時得到收穫。

如果只係不停付出無收穫係好慘嘅事。但係如果只係希望得到收穫,以自己乜嘢都吝嗇,乜嘢都唔肯為別人做,即是有得到,都只係單方面。你嘅快樂,亦都只係得一半。

以上7個方法,係我多年經驗。肯定別人,肯定自己,可以幫你提升氣場、勇氣。

請記住每次不確定狀態,就係好好學習同表現嘅機會!你跟着我做,一個月之後嘅你,會多謝你一個月之前,做咗點亮人生嘅改變!



打開內容

Related

Post Top Ad