【醫學美容】名媛貴族級美白方法教學!如何超低價DIY萬元貴價美白產品效果 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2017年12月4日 星期一

【醫學美容】名媛貴族級美白方法教學!如何超低價DIY萬元貴價美白產品效果

無論韓國、日本、台灣、泰國、內地,亞洲國家嘅美男美女,天菜男神、直播女神、IG網紅,都會追求冰雪一樣嘅「美白肌」。美白方法有好多,市面上亦都有好多價錢昂貴嘅精華、面膜、乳液,聲稱可以幫用家達到美白皮膚效果,令到皮膚睇起嚟比較明亮、清澈、細緻,擊退令面部黃黑嘅黑色素。普通一支正常有效嘅美白精華,最低消費$500,一年$7000到一萬閑閑哋。甚至,有人會為咗美白,去打美白激光,打美白針,食美白丸,甚至,山長水遠去首爾醫學美容醫院,攜帶一啲不知名美白面膜、皮膚產品使用。





 

 
(泰國雪肌美白男神TOR)

呢啲美白方法究竟邊啲係真係有效美白?邊啲啲只係道聽塗說?邊啲根本就係中伏雷品可以即刻block?

你又知唔知道,用錯美白產品反而會令你皮膚越來越黑同枯黃?

今次詳細教你,點樣可以用五份一價錢,獲得萬元高價產品效果,令你得到,有如貴族級嘅「冰瓷雪光美肌」。


擁有雪光肌,等於人生勝利組?

白淨、美白嘅皮膚,喺好多亞洲國家,唔一係個人儀表咁簡單,甚至係一種社會地位嘅象徵。

韓國農村、鄉下人皮膚因為陽光暴曬導致粗糙,反而大都會嘅首爾人美白纖瘦。社會階層高嘅企業人士,皮膚都比較白。K Pop天團除咗一兩個成員之外99%全部都白!最受歡迎嘅十大韓劇,男女主角好似宋仲基、宋慧喬,全部都係美白!一個皮膚黑少少嘅都冇。

泰國普遍市民天生皮膚較黃,長期喺戶外工作更加令到一般人皮膚變黑,但一般泰國人迷戀美白皮膚,只有皮膚白淨嘅東方人、東西混血兒,例如混血男神Mario Maurer,人氣鮮肉TOR、Puttichai Kasetsin,先至可以成為泰國明星、天菜男神。

香港成功入豪門嘅千億新袍「徐子淇」,皮膚美白柔軟,流露出貴族氣質,幸福又白裏透光!

喺台灣,當地原住民皮膚偏黑,能夠喺娛樂圈最終脫穎而出嘅名人萬中無一。要能夠得到世界排名嘅模特兒,就要好似林志玲一樣,美白透亮!

冇錯,外國人天生皮膚白,故意鍾意曬黑,陽光膚色係洋人最愛,但除非你生活圈子全部都係外國人,否則喺亞洲生活,美白才是王道。

方法用得啱,皮膚夠美白,你就彷彿加入變成人生勝利組!

皮膚夠美白,你着鮮艷嘅紅色晚裝、紅色西裝,都令人覺得華貴、貴氣、隆重性感;相反,皮膚暗黃枯萎,仲着鮮紅色,有濃烈嘅老土、鄉下、不協調感。

皮膚夠美白,如果身材纖瘦,人人都讚你有女神仙氣、或似甜心韓國Oppa帥哥!相反,皮膚暗黃,加上面目無光,瘦削身形,親戚聚會,仲擔心問候你係咪不幸患有頑症!

皮膚夠美白,去見工搵工,面試一啲高端工作,都令人有專業中產感覺!相反,皮膚暗黑枯黃,行出嚟,都好似不能勝任港島一啲高收入白領工作!只能夠做市井勞動階層、家庭傭工!

所以,點解咁多人願意一年用幾千蚊,幾萬蚊,去買美白面膜、美白精華,親自試驗各種美白方法,希望有一個美白方法,可以幫佢哋扭轉俾人輕視、藐視嘅命運。

今日,我就同大家講!點樣可以最有效咁樣,獲得人生勝利組應有嘅美白、貴氣、仙氣雪光肌。

 
(另外一個泰國男神天菜Mario Maurer,雪白貴族肌膚完勝其他泰仔!甚至一般香港男生都無法比較)


美白方法,要信科學,不要只迷信品牌

當然美白嘅方法好多,最快,就直接去專櫃購買王牌產品,呢啲係一定有效,但係買到人都窮!

 

SK-II 美白「肌源鑽光精華」,一小樽50 mL 盛惠$1530,下年會再調整價格。一轉眼已經用晒!

 

或者,La Mer都有王牌系列,La Mer The NEW Brilliance White Essence 「妍亮美白精華」。呢支仲貴,$2,850得30ml!塊面大啲都唔夠用!

 

Chanel Le Blanc「珍珠光彩透亮面膜」,一盒只得六張面膜,一個星期都唔夠用,去收銀處俾錢,多謝$645 !

好多人都因為咁樣而猶豫不決,又或者,就去購買一啲網上不明來歷,來自泰國、內地嘅網店美白產品。

絕對唔需要買SK II、La Mer,亦都唔需要冒險去購買泰國、強國嘅不法危險美白產品,我會教你點樣用十份一價錢,輕易嘅方法,就可以得到貴族美白效果。

 
(近期台灣人氣網劇「深藍與月光」男主角王庭勻,都係肌膚雪白,流露貴族氣質)


美白方法教學:留意美白有效成分

詳細介紹美白方法之前,首先要講解一下,你皮膚點解會黑。

你皮膚黃黃黑黑,係因為黑色素積聚,而黑色素點解會積聚?就係因為皮膚裏面嘅「酪氨酸」。

要源頭減廢,一擊即中,就要阻止「酪氨酸」係皮膚聚積。

一啲高級、高價錢嘅美白產品裏面,一定會有以下嘅成份,先至能夠發揮醫學美容級美白嘅作用。

咁如果你識得揀,就會知道點樣搵一啲價錢平一截嘅產品,如果有以下成份,都發揮出一定嘅作用。

今次同大家介紹各種美白嘅方法,美白嘅精華、面膜、都必須要含有以下幾種有效嘅醫學美容級成份,先至能夠改變打亮皮膚顏色。


Kojic Acid麴酸

1907年,日本人發現到,清酒發酵過程裏面嘅成份「麴酸」Kojic Acid,能夠對於肌膚有神奇美白作用。

麴酸Kojic Acid亦都係SKII嘅元祖主要成份。

麴酸呢一種成分能夠喺身體裏面,阻止到時老化嘅游離基形成。同時,仲可以阻隔令人變黑嘅「酪氨酸」麴酸能夠令到皮膚美白之餘,更加有阻隔皺紋生長嘅作用。達到所謂「晶瑩剔透」效果。

歐洲瑞士有一啲貴價嘅美容中心、Destination Spa,就提供呢一啲以「麴酸」作為中心有效成分嘅療程,貴到一個點!只足夠幾日使用嘅安瓶,超過$1000 !

其實,只要識得買,韓國嘅神仙水已經擁有「麴酸」!市面上一啲來自日本嘅發酵物精華、神仙水,亦都含有相同成份。

SK-II Pitera係一個專利成分,一定要購買昂貴嘅SK-II系列產品先至可以獲得。但係,「麴酸」本身唔係。

就好似,Godiva朱古力係獨家創作,但係佢嘅高級成份、食物原材料,唔係專利。如果你對於烹飪有一定研究,你又有原材料,就會有相似嘅製成品。

醫學美容界估計,被吹捧到上天嘅Pitera其實只係「麴酸」混合物。

所以,只要你留心購買含有「麴酸」嘅美白產品,已經可以有類似嘅作用。市面上好大量嘅韓國神仙水產品,就有呢一個成份。價錢只係SK-II十份一!自己購買面膜紙,配合韓國神仙水、「麴酸」產品水使用,就已經有相類似超貴面膜嘅美白效果。

SK-II肌源鑽光精華,主要成份係酵母同Niacinamide。

價錢平一大截嘅Olay美白精華,成份相似,但係冇酵母成份,卻亦都同時提供豐富嘅Niacinamide。

 
(價錢只需要二百幾蚊嘅OLAY美白精華,同樣擁有SKII美白精華相同成分Niacinamide,只需要自行加上類似Pitera嘅Kojic Acid酵母就可以!)

只要將一支韓國酵母麴酸神仙水,加上Olay美白精華,就可以自製效果非常相似SK-II肌源鑽光精華嘅物品,價錢只係¼!兩個品牌其實都係P&G研究中心開發,絕對值得大家一試,甚至可以適合用作頸部、手部美白作用。(一般人對於SK-II非常珍惜,一滴都唔想浪費,只係捨得搽上面,造成面部頸部兩種色。所以如果你有興趣可以嘗試用SK-II做面,頸部身體其他地方,就用自製酵母精華美白)

適當使用麴酸美容產品,絕對可以係美白方法一種。

(我會建議大家買零售韓國水,唔係網上購買高濃度酵母麴酸,係因為過分大量使用麴酸,都有機會導致破壞細胞嘅不良後果。之前有醫學研究發現,大量使用麴酸可能會導致毒性。歐洲醫學美容醫生研究發現,1%嘅Kojic Acid,用於醫學美容用途,屬於安全。建議使用最多就係1% 因為再多就會有反效果。一般市民唔識分辨,最好直接購買韓國神仙水加OLAY美白精華)

 
(另一泰國雪白美肌男神Nadech。點解連太陽長期暴曬,熱到阿媽都唔認得嘅泰國,都可以出產呢啲高質美白男,泰國人可以咁白咁靚仔,你身邊嗰啲男人咁黃咁樣衰?)


Ascrorbic Acid左旋維他命C

另外一個可以高效美白嘅方法,就係左旋維他命C能。有效防止黑色素形成,所以假以時日,皮膚就能夠唔收到咁多黑色素嘅干擾,顯得比較美白。

醫學美容層面,維他命C極之唔穩定,一定要有適當嘅儲存先至可以防止產品氧化,否則就會產品提早氧化,喪失功效,其中以維他命C原液為佳。好似我之前介紹過嘅Dermacept C10,就係高後嘅抗氧化產品,防止老化皺紋出現之餘,更有美白膚色嘅作用。

另外有啲產品為咗防止產品提早氧化,就會將佢生產成ascorbyl palmitate and magnesium-l-ascorbyl-2-phosphate ,呢兩種就比較穩定性高。

市面上嘅維他命C美白產品好多,甚至係一啲平價美容中心嘅時候,都有所謂嘅維生素C倒模等等嘅療程。但係除非佢係用原液嘅方法,或者用維他命C粉瞬間加水還原嘅方法出現,否則效果成疑。

真正嘅維他命C極難保持穩定性,而且開源一瓶就差唔多要極速用完,先至可以避免氧化減低效果,所以最好,都係自己買維他命C原液,係屋企自己做維他命C美白導入。

醫學美容建議,維他命C濃度介乎4%到22%。

Amazon有好多產品維他命C「原液」出售,價錢比市面上嘅國家品牌平好多,有興趣可以自己睇下。


Arbutin熊果素

熊果素係市面上其中一樣最有效嘅皮膚美白劑,高效美白方法之一。

經過醫生同埋醫學美容嘅研究顯示,熊果素能夠阻隔黑色素形成。

熊果素只要唔好超過7%,就可以安全使用喺醫學美容產品裏面。面上大部份嘅韓國、台灣品牌面膜都含有一個成份。佢嘅好處,但係相比起對苯二酚,作用相類似,但係冇後者嘅毒性。


美白方法安全提示:小心山寨美白產品

美白方法有好多,但係有啲有反效果!一啲對於醫學美容產品管制比較嚴格嘅地方,例如歐盟,就會對以下令到皮膚顏色改變嘅護膚品成份,作出管制同埋禁止:


hydroquinone對苯二酚

呢一種成分,常見於網上來歷不明嘅泰國、強國美白產品。

之前一段時間IG shops網上瘋傳嘅超好用泰國美白霜,其實係含有「對苯二酚」呢啲成份。

佢嘅危險之處,在於「對苯二酚」的確對於干擾黑色素嘅形成有一定嘅作用,但係佢只能夠非常短暫咁樣使用,過分使用就會令你變黑。

喺香港,「對苯二酚」屬於處方藥物,一定要經醫生處方先可以使用,避免出現後遺症同副作用。

咁「對苯二酚」有乜嘢副作用係咁得人驚,一定唔可以自己買呢,亦都唔可以任意使用?

因為,如果你不當使用,你嘅皮膚不單止唔會美白,仲會係短時間之內,形成大量反彈黑色素!你會變成黑面神一樣!美白不成,反而變得更加黃黑,更加醜樣!而且,有最新研究顯示,不當使用,有機會導致癌症!


我要肌膚「白裏透光」!

踏入新年,如果你發現自己嘅肌膚冇以前咁美白、透明。小心!可能已經係初老嘅先兆!

我成日都講,年紀唔會等人,但係究竟你係「進化」定係「老化」?呢樣係你自己嘅選擇。

正如皮膚,究竟你要選擇擁有美白貴族肌膚,定係暗黃顏色嘅肌膚?呢啲亦都係你自己嘅努力同選擇。唔懂得去及時護膚美白,就會有以下後果:

當我地17、18歲嘅時候,處於年輕時代荷爾蒙分泌充足,皮膚狀態好,容易有水潤感覺!

但係,如果唔識得保養,之後肌膚每一個階段都每況愈下!美白程度亦會下降。

20多歲,面色紅潤美白,開始發現第一條皺紋,開始用唔同嘅精華、面膜,嘗試用唔同美白方法hold住,但係因為缺乏真正有效嘅活性成分,都係付出多收獲少!

30多歲,膠原蛋白流失,皮膚出現乾旱、枯黃狀態。皮膚白變淡黃,開始冇咗嗰種紅粉菲菲嘅天然粉紅。美白方法開始失效,呃自己覺得仲keep得住,但加上生活壓力、體力下降、開始同新一代脫節,信心已經一點一滴開始崩潰!

40多歲,皮膚老化,面色明顯地黃、黑!喪失年輕美白光芒。只能用化妝去遮掩,但係無論用幾多層精華面膜,已經唔再上粉,魚尾紋、眼紋、所有皺紋一次過出現,面部顏色灰暗,黑色素積聚,成個人一睇就知年華老去,青春不在,踏入中年!因為唔肯學新知識,唔投資金錢,人脈同外表,心態變得消極懶散。眼見同輩好友已經成功,自信心變低,經過太陽一曬,就好似變成外傭一樣。同鄰居賓賓一齊出街搭𨋢,其他住客難以分辨,無分彼此。


雪光肌與晶鑽心

這不是我們要的將來。

美白,代表了你追求純潔、靈性與真誠的心。你希望之後每一日,繼續美白下去。

在一個追求充滿競爭、敵意、虛偽的世界,仍然保留那一點兒的真。在一個痛苦、孤獨、偽裝和面具的灰暗世界,仍然保留一點美白。

在你的內心深處,有一個單純卻強烈的願望。

願望,就是繼續做一個懂得了解別人,接納別人,愛別人的人。

你要今日,同將來每一日,由內而外,都流露出鑽石貴氣般美白光芒!

每一日,都可以白晶鑽妍地生活。


Related

Post Top Ad