7月 2017 - OneCaratBeauty【香港美容KOL】

OneCaratBeauty【香港美容KOL】

香港免費醫美教學平台

Hot

Post Top Ad

【免費資詢體驗】


REJU 瑞士年輕科學,正版熱光溶脂,高效健康醫美產品

⇨網站:http://www.reju.hk
⇨Whatsapp免費資詢了解:https://wa.link/yrp6bg


2017年7月23日 星期日

【香薰】韓國香水香薰蠟燭Lepisode,晚上舒緩必備

7月 23, 2017
最近發現了「Lepisode」,這個來自韓國的香水香薰蠟燭品牌。一試,就愛上。韓國真係好多高水準美人生活必需品。除咗超高水準化妝品、護膚品之外,另一個韓國完全攻陷香港人,就係來自韓國嘅香薰蠟燭。

一啲歐美嘅高價香薰蠟燭牌子,例如fresh、Jo Malone、Penhaligons London,香薰水準高但係價錢亦都貴,$500-$1000一個。經常使用,條數真係好勁。

對我來講,香薰係生活嘅必需品necessity,並唔係奢侈品luxury。但係香港買嘅香薰蠟燭價錢都偏貴,講真,一個蠟燭就要用$800 、 $1000 ,真係有點兒誇張。

呢排我比較理性消費。亦都開始積極去搜尋一啲高質素同價錢比較合理嘅產品。

之前同大家講過,我發覺真正高品質生活,除咗瘋狂購物、病態美容減肥之外,更重要是可以「有意義地活着」。我哋已經做咗好多醫學美容手術,打咗好多針,做咗好多射頻,面膜、精華、全部都用唔晒,之後你就會發現,人生要勝利,除咗外表完美之外,內心嘅品行、品德,都好重要。

好嘅品德,包括仁愛、正義感、自制力、關心別人,會為你帶來不一樣的人生。相反,浪費、胡亂洗錢、自私自利、病態美容減肥,只會帶來抑鬱同孤獨。

有時,喺購買方面克制一點,美容產品真係有需要先買,對於虛情假意嘅美容sales就減少幫襯,將剩低嘅錢用嚟驚喜禮物比好朋友、請舊同學食飯、探望家中長者、偶爾增加父母家用、捐小小錢比地球上不幸嘅人。咁樣,對自己亦都係一種修行,靈魂嘅提升,與及福氣嘅累積。

這陣子我真的學懂了,有時生活上遇到一些困難與及情緒的困擾,並不是因為不夠美,而是因為太過追求表面的美。當我放下這種對於外表完美的執迷之後,反而有種返璞歸真的誠實,和開心。

亦都係呢個原因,我近期比較少去亂買嘢。反而將錢用係一啲比較有意義嘅事情上面。就算同埋香薰,我都會買韓國比較價錢正常,而唔係一味買Lane Crawford、Newman Marcus最貴果幾隻。

Having the best things isn't the same as having the best life!

可能我真的老了,有比較穩重成熟。我終於明白到,瘋狂購物真的不能改變你自己的情緒,只有誠實面對,虛心學習,關心別人,才可以。

貴價嘅香薰蠟燭氣味獨特華麗,通常我會響特別日子,例如生日、紀念日、請朋友上嚟食飯、阿B過夜,先會使用。但平時個人居家使用,我都會選擇一啲價錢比較親民,價格比較正常嘅香薰品牌。而韓國首爾嘅Lepisode香薰蠟燭牌子,就係我嘅近期首選。


韓劇般生活

講Lepisode香水香薰蠟燭之前,就首先講下韓劇同香薰蠟燭嘅關係。

韓國本身就有好多高水準嘅香薰蠟燭,好多品牌亦都肯洗錢product placement。

最出名,就係2S candle。之前係韓劇「太陽的後裔」姜慕妍醫生、劉時鎮上尉;「鬼怪」池听晫、金信,做好多廣告宣傳嘅2S candle ,係好多香港人、內地、台灣網友嘅韓國香薰蠟燭牌子!

「太陽的後裔」入面,姜慕妍醫生、劉時鎮上尉嘅生活片段,好多都有香薰蠟燭嘅場面。想學下宋慧喬宋仲基平凡卻浪漫嘅生活,就要點下香薰蠟燭。

 
(Lepisode韓國香薰蠟燭,官網照片)

 

(Lepisode香水官方圖片)

 

(Lepisode香薰,近日最愛,我的自拍圖片)

返咗一日工,放工之後,梗係想放鬆一下。沖完涼
有時淨係想睇吓viutv,上吓外國新聞網,睇吓韓國美男主播Edward Avila嘅美容短片,最適合,就係點着一個令人心儀嘅香薰蠟燭,然之後瞓上床睇片!

基本上夜晚我有兩件事一定要做:點香薰,同播音樂。一邊聽音樂,一邊點精油香薰,心情就變得沉穩。

香薰蠟燭,有兩點好重要。第一係安全性。呢個亦都係點解我比較少用一啲太過平、國產嘅香薰蠟燭。因為始終唔太安全。

第二我覺得比較重要,就係香精嘅使用。有啲廉價嘅香薰蠟燭,大量使用化學刺激物,雖然,香水本身一定會包含天然植物精油與及人工合成嘅香水香味,但係,有啲低水準嘅香薰蠟燭,做作氣味真係非常難頂!通常點完之後個兩三小時之後就會頭痛。

今次購買嘅Lepisode香薰蠟燭,就符合到我對於安全性與及氣味兩個要求。


 

(Lepisode香薰蠟燭本身點起來唔算多煙,而且氣味相當吸引。)

  

(Lepisode香薰蠟燭,香港嘅水貨化妝品店同埋韓妝店Choca Milka都有出售,而且價錢唔貴,兌換返韓幣都係同韓國差唔多,即係港幣三百幾蚊左右)

 

(如果網上訂購前可以比較,都可以去香港位於旺角兆萬中心嘅水貨化妝品店Choca Milka,裏面有好多lepisode香薰蠟燭與及香水! )

Lepisode呢一個香薰蠟燭牌子,喺香港唔算好出名,只有少數網店出售。但我之前上過堂韓國嘅gmarket研究,都發現當中亦都有一定嘅流通量,韓國應該唔算完全陌生嘅牌子。

相比起美國嘅中價香薰品牌Bath and Body Works,我會覺得韓國品牌嘅味道冇咁犀利亦冇咁「搶」。反而,有一種平靜、沉穩、舒服嘅感覺。基本上就係你喺韓國咖啡店、韓國百貨公司會聞到嘅味道。簡單來講,就係首爾嘅氣味。

「太陽的後裔」姜慕妍醫生、劉時鎮上尉經歷過天災仍然可以一齊;「鬼怪」池听晫、金信於生死外仍然突破時間限制,最後一齊。

睇韓劇都會知道,係真正修成正果之前,過程總困難重重。這就是生命。但係如果你肯堅持良好嘅習慣,有一日,終於會去到開花結果之時。

夜晚係安靜嘅房間燃點韓國香薰蠟燭呢一回事,令人諗起太多韓劇同現實生活嘅場面。情感、夢想,都係呢個時候得到釋放。

生活中嘅失落裏面,點一個Lepisode 香薰蠟燭,再上床做一啲自己鍾意做嘅事,療癒,就是這樣。

真係好奇怪,每一次點燃香薰蠟燭嘅時候,心情都會比較平靜。佢會比到我一種神奇嘅安全感,與及勇敢面對生活嘅勇氣。

打開內容

2017年7月2日 星期日

【香薰】L'Occitane真薰衣草泡泡浴,超平體驗floatation therapy

7月 02, 2017
每年的六月到八月,是薰衣草收成的季節。法國南部普羅旺斯,生產了全世界近八成的薰衣草。我近期最愛的活動,就是趕回家,點香薰蠟燭,在浴缸放水,加入L'Occitane薰衣草Lavender bubble bath水療。順便飄浮float一下!

我之前都推介過位於香港灣仔星街的L'Occitane Spa Hong Kong。當然,大家不會每一日都去做Spa,但購買一些高質素法國水療的產品,就可以幫你在平均每日價錢所費無幾的情況下,享受高質素的日常保養。令你每一天,都像在法國普羅旺斯的精品酒店,像明星、富豪、名媛,過著寫意的渡假日子。

普羅旺斯,到今天仍然保持着古代山居歲月的痕跡。相比起巴黎的奢侈浪漫灰暗,普羅旺斯是一個陽光普照的地方。到現在,仍然可以看見18世紀的建築物,修院,噴泉。這個地方鮮艷的色彩,啟發了不少法國首屈一指的藝術家,例如Vincent Van Gogh,Paul Cezanne,Victor Vasarely,就在這裏創作出人生巔峰的作品。

薰衣草,香水店,珠寶店,葡萄酒,石頭,藍天,令普羅旺斯甜美馥郁。

 

(近日大推的 L'occitane薰衣草foaming bath)


迷人的山城

普羅旺斯的泉水,一直被認為有療效作用。先不論水裏面的礦物質成份,就光是在普羅旺斯這個高原地方,在歷史建築和陽光中漫步,再用泉水洗滌,本身就已經極具healing power。

如果要講到,這幾年香港的美容美妝行業有什麼好的發展,就是對歐洲的天然療法、植物精油、按摩、運動、營養飲食、健康的推廣。

法國薰衣草精油療法、水療按摩,已經成為現代人生活的一部份。可能你都有按摩、水療、用精油的習慣。這些歐洲人首先發起的健康生活方式,來到香港之後得到發揚光大,變成香港生活的一部份。

 
(Loccitane 薰衣草系列官網圖片)


最近經常在美容博客、IG出現的話題,就是Floatation Therapy spa的經歷。香港有幾個新開的floatation中心,例如Floax,他們就利浮水療法,讓人在鹽水池中,利用浮力浮水,將身體的壓力排出。

Floatation Therapy Spa這種療法其實在中世紀已經出現,近期有再在網上流行。親身體驗過飄浮療法的人都表示,在安靜,無重狀態下,飄浮半小時至一個鐘,感覺就像到了外太空一樣,煩惱全部忘記。

飄浮療法Floatation Therapy Spa的收費,在香港都幾昂貴。療程的過程,只包含沐浴,要給自己在水池中飄浮,不包含任何按摩、磨砂、美容、或任何通淋巴服務。只是在水裏飄浮,每小時,都要收費五六百蚊港幣左右。

當然,這些飄浮療法的水池,都是經過獨特的準備,例如,裏面就是用大量的全天然礦物鹽,這些天然的礦物鹽都可以有殺菌與及將人體浮起的作用。

而且,一個養心、寧神的treatment,本身就是一個極療癒的過程。如果你平時的工作很嘈吵,可以在星期六日,用一個鐘,在一個無人的地方,自己安靜一下,在特製的鹽水中漂浮,享受無重力狀態,的確是一件令人非常放鬆的事。Floatation Therapy本身具有休息價值。

如果經濟可以的話,當然可以體驗一下市面上提供的飄浮水療服務。但同時,如果不想花那麼多錢,即使簡單單在家裏,都可以享受到一種寧靜和休息。

我近期最愛做的,就是在寂靜無聲的夜晚,關掉手機,關掉世界,在漆黑一片的寧靜環境中,在浴室飄浮。我會使用來自法國,真正法國製造的高原薰衣草造成的Loccitane水療產品,與乳木果身體護理產品,float and sleep。

今日就教大家一個只需要二分一價錢,就可以享受到aromatherapy floatation的方法。

推薦給你,L'Occitane薰衣草泡泡浴,及在超級市場購買的天然礦物鹽。只需要這兩樣產品,就可以在家裏體驗法國天然精油、礦物質bubble bath。前者價錢只是港幣二百幾蚊,後者10幾蚊左右。這兩樣加起來價錢大概港幣300,即外面價錢的一半。

而且,這兩種產品,已經足夠使用20次!即是之後的20次水療體驗,是完全免費!


奢華薰衣草洗浴體驗

如果你本身有香薰蠟燭的話,先將一個香薰蠟燭點亮,放一個安全的地方。我自己就會推薦Neom的香薰蠟燭。

然後在浴缸裏,加入適量的浴鹽。天然礦物鹽的成份多少可隨意決定,如果你的浴缸不太大,或,只需要大概一碗飯的份量絕對足夠。天然礦物鹽會在熱水中自然融化,礦物質會融化在水裏面。

然後再在水中加入由天然薰衣草精油提煉而成的L'Occitane Lavender Bath。這一支泡浴露和市面上其他產品不同,製造的成份,都是來自法國南部薰衣草高原地帶,純正,真實。

浴缸的水足夠的時候,就可以關上水喉。同時,把燈光關上。

讓香薰蠟燭溫暖的光,安靜你的內心。

這個時候,你就可以浸在薰衣草精油暖水中,泡泡可愛療癒,讓你可以享受這一個無聲的珍貴時刻。10分鐘, 20分鐘, 30分鐘,無論你需要多久,在這個絕對安靜的時刻,你都可以心情放鬆。

而且,在家裏家裏的浴缸自行飄浮,衛生情況比較可以自己掌握。市面上大部份的Floatation Therapy Spa飄浮中心,水都是循環再用,即是每一位顧客來,都會用同浴缸的水!當然,店方表示會有紫外線殺菌,但始終自己的水自己用,比較安心。


真正,法國製造的薰衣草浴

Loccitane薰衣草精油foaming bath,和天然礦物海鹽,成就了每夜靜心洗浴時間,也成了安眠的幫手。

在水中漂浮20分鐘,把壓力消散。

放下那班索然無味的男人,拒絕不想去的雞尾酒會、取消去了太多次的東京機票、unfriend一班frenemies。好好洗個熱水澡,睡個五星級的覺。每晚的天然純正,正好洗掉生活的庸俗和污濁。

在最純正最放鬆的時刻,你就會可以體驗到,生命最重要的東西是什麼。你就有機會和真正內在的自己接觸。去放下,去祈禱,去培養信心和勇氣,去領悟宇宙,領悟神。

在外表的提升上,我們懂得去在IG上follow美容男神女神;在靈魂生命中,也想找一個可以follow的真男神。在經過之後,就會發現,美顔不是完整生命的答案,愛和信仰,才是。

生命的道路,是每一個小小的決定所造成。每晚有足夠的休息,令你有能力,有智慧,去作出正確的決定。

普羅旺斯的海灣、島嶼、陽光、色彩,曾經滋養過好多在普羅旺斯生活過的藝術家和詩人,及他們的作品。

在每晩深層休息中,你獲得了內心的精神靈魂、創作力量。

We are not human beings having a spiritual experience. We are spiritual beings having a human experience. 

- Pierre Teilhard de Chardin



 
打開內容

Related

Post Top Ad